5	GEN 1:5	À tɔ́ kpà gupuranɛ fãnantɛ̃, gusira sɔ̃ gwãani. Gu sì gu dɔ̀, a gɔrɔ káakun gwe.
8	GEN 1:8	Akũ à tɔ́ kpà sarapura pìinɛ ludambɛ. Gu sì gu dɔ̀, a gɔrɔ pladen gwe.
11	GEN 1:11	Akũ Luda pì: Lánɔ bɔtɛ zĩtɛ kũ sɛ̃̀ wɛ́denɔ kũ lí nɛ́denɔ, baadi kũ a burio. Akũ à kɛ̀ lɛ,
12	GEN 1:12	lánɔ bɔ̀tɛ zĩtɛ kũ sɛ̃̀ wɛ́denɔ kũ lí nɛ́denɔ, baadi kũ a burio. Akũ Luda è à kɛ̀ mana.
13	GEN 1:13	Gu sì gu dɔ̀, a gɔrɔ aakɔ̃den gwe.
14	GEN 1:14	Akũ Luda pì: Pɔ́ gupurakũrinɔ gɔ̃ kú musu ògɔ̃ fãnantɛ̃ kɛ̃kɔ̃a kũ gwãanio, ògɔ̃ wɛ̃̀ sèedanɔ kũ gɔrɔnɔ kũ wɛ̃̀nɔ mɔńnɛ.
16	GEN 1:16	À pɔ́ gupurakũri zɔ̃kɔ̃nɔ kɛ̀ mɛ̀n pla, a kũ à gbãna dìgɔ̃ kí ble fãnantɛ̃, a kũ à busɛ dìgɔ̃ kí ble gwãani. À susunɛnɔ kɛ̀ dɔ.
18	GEN 1:18	ògɔ̃ kí ble fãnantɛ̃ kũ gwãanio, ògɔ̃ gupura kɛ̃kɔ̃a kũ gusirao. Akũ à è à kɛ̀ mana.
19	GEN 1:19	Gu sì gu dɔ̀, a gɔrɔ siikɔ̃den gwe.
20	GEN 1:20	Akũ Luda pì: Pɔ wɛ̃̀ndidenɔ í pa yɛ́rɛrɛ, bãnɔ dagula musu ògɔ̃ vura sarapuran.
21	GEN 1:21	Akũ à pɔ́ wɛ̃̀ndide kũ òdi í panɔ kɛ̀ kũ kpɔ̀ gbɛ̃̀ntɛ̃nɔ pínki, baadi kũ a burio. À bãnɔ kɛ̀ pínki dɔ, baadi kũ a burio. Akũ à è à kɛ̀ mana.
23	GEN 1:23	Gu sì gu dɔ̀, a gɔrɔ sɔɔroden gwe.
24	GEN 1:24	Akũ Luda pì: Pɔ́ wɛ̃̀ndidenɔ bɔtɛ zĩtɛ, bɛ pɔ́kãdenɔ kũ pɔ́ kũ òdi táa o kũ kùaonɔ kũ nɔ̀bɔsɛ̃ntɛnɔ, baadi kũ a burio. Akũ à kɛ̀ lɛ.
28	GEN 1:28	À arubarikaa dàńgu à pìńnɛ: Àgɔ̃ nɛ́ i àgɔ̃ kɛ dasi àgɔ̃ andunia pa àgɔ̃ gbãna blea. Àgɔ̃ kí ble kpɔ̀nɔa kũ bãnɔ kũ pɔ́ wɛ̃̀ndide kũ òdi táa o zĩtɛnɔ pínki.
29	GEN 1:29	Akũ Luda pì: Pɔ́ wɛ́de kũ ò kú zĩtɛnɔn ma kpàáwa á pɔ́ble ũ pínki kũ lí nɛ́denɔ pínki.
30	GEN 1:30	Ma sɛ̃̀nɔ kũ lánɔ kpà pɔ́ wɛ̃̀ndidenɔa pínki ń pɔ́ble ũ, nɔ̀bɔnɔ kũ bãnɔ kũ pɔ́ kũ òdi táa o kũ kùaonɔ pínki. Akũ à kɛ̀ lɛ.
31	GEN 1:31	Luda pɔ́ kũ à kɛ̀nɔ è pínki, à kɛ̀ mana swáswa. Gu sì gu dɔ̀, a gɔrɔ suddoden gwe.
36	GEN 2:5	pɔ́wɛ ke dí butɛ zĩtɛ kɔ̀ro, bee sɛ̃̀ɛ, zaakũ Dikiri Luda dí tó legũ màro, akũsɔ̃ gbɛ̃ke kun à bura zĩ kɛro.
38	GEN 2:7	Dikiri Luda gɔ̃gbɛ̃ í kàsa kũ bùsutitio, akũ à ĩa wɛ̃̀ndide vù a yĩn, akũ gɔ̃gbɛ̃ pìi gɔ̃̀ gbɛ̃ bɛ̃nɛ ũ.
39	GEN 2:8	Dikiri Luda swadakoo kɛ̀kɛ ifãboki kpa gu kũ òdi pi Ɛdɛni, akũ à gɔ̃gbɛ̃ kũ à kɛ̀ɛ pìi dà gwe.
40	GEN 2:9	Dikiri Luda tò lí buri sĩnda pínki bùtɛ zĩtɛ. Lí pìnɔ kɛ̀ mana, akũsɔ̃ ń nɛ́ blena nna. Lí wɛ̃̀ndide kú dàkoo pìi dagura. Lí kũ àdi dɔ̃na mana kũ a vãnio ińnɛ kú gwe dɔ.
41	GEN 2:10	Swa kú Ɛdɛni àdigɔ̃ mɔtɔ pisi dàkoo pìia. Bona gwe à ɔnɛ kɛ̀ siikɔ̃.
43	GEN 2:12	wuraa pì mana. Gbɛ̀ bɛ̀ɛrɛdenɔn kú gwe dɔ.
44	GEN 2:13	Swa pì ɔnɛ plade tɔ́n Giɔ̃, à lika Kusu bùsuui pínki.
45	GEN 2:14	A ɔnɛ aakɔ̃de tɔ́n Tigiri, a dɔ̀rɔɔ tà Asiria bùsu ifãboki kpa. Swa pì ɔnɛ siikɔ̃de tɔ́n Yuflati.
46	GEN 2:15	Dikiri Luda gɔ̃gbɛ̃ pìi dìtɛ Ɛdɛni dàkoo pìi gũn de àgɔ̃ a zĩ kɛ àgɔ̃ gwa.
50	GEN 2:19	Akũ Dikiri Luda bùsuu sɛ̀ à nɔ̀bɔnɔ kɛ̀o pínki kũ bãnɔ pínki, akũ à sù kũńwo gɔ̃gbɛ̃ pì kĩnaa de à e deran ani tɔ́ kpáńnɛ nà. Tɔ́ kũ gɔ̃gbɛ̃ pìi kpà pɔ́ wɛ̃̀ndide pìnɔnɛ pínki gɔ̃̀ ń tɔ́ ũ.
52	GEN 2:21	Akũ Dikiri Luda i zɔ̃kɔ̃ɔ dà gɔ̃gbɛ̃ pìla. Kũ àtɛn i o, akũ à a gbã̀ntɛrɛwa mɛ̀n do bò, akũ à a mɛ̀baasi tàta a gbɛ̀n.
53	GEN 2:22	Akũ à gɔ̃gbɛ̃ gbã̀ntɛrɛwa kũ à bòo pìi lìtɛ nɔgbɛ̃ ũ, akũ à gɛ̀ɛ kãao a kĩnaa.
54	GEN 2:23	Akũ gɔ̃gbɛ̃ pìi pì: Adikĩna wá bò ma wá gũmmɛ, a mɛ̀ sɔ̃ à bò ma mɛ̀ɛ gũmmɛ. Oni a sísi nɔgbɛ̃, kũ Luda a bò gɔ̃gbɛ̃ gũn yãi.
56	GEN 2:25	Gɔ̃gbɛ̃ kũ a nanɔo kú pótompo ń pla ń pínki, wé'i sɔ̃ àdi ń kũro.
58	GEN 3:2	Akũ nɔgbɛ̃ wè mlɛ̃̀ɛ pìia à pì: Óni fɔ̃ ò dàkoo pì línɛ ble,
61	GEN 3:5	Zaakũ Luda dɔ̃ tó a blè, á wɛ́ ni kɛ̃ áni gɔ̃ lán a bà, ánigɔ̃ a mana dɔ̃ kũ a vãnio.
62	GEN 3:6	Kũ nɔgbɛ̃ è lí pì nɛ́ mana, akũsɔ̃ a blena nigɔ̃ nna ani tó gbɛ̃ wɛ́ kɛ̃, akũ à a nɛ́ kɛ̃̀ à blè. À kpà a zãa dɔ, akũ à blè se.
63	GEN 3:7	Ń pla ń pínki ń wɛ́ kɛ̃̀, akũ ò dɔ̃̀ sà kũ ò kun pótompo. Akũ ò gboroda lá nàbi ò yĩ̀ḿma.
66	GEN 3:10	À wèa à pì: Kũ ma n kĩni mà, akũ vĩna ma kũ kũ má kun pótompo yãi, akũ ma utɛ.
68	GEN 3:12	À wèa à pì: Nɔgbɛ̃ kũ n kpàma àgɔ̃ kú kũmao mɛ́ à lí pì nɛ́ kpàma ma blè.
69	GEN 3:13	Akũ Dikiri Luda nɔgbɛ̃ là à pì: Bɔ́yãi n kɛ̀ lɛɛ? À wèa à pì: Mlɛ̃̀ mɛ́ à ma kɛkɛ, akũ ma blè.
70	GEN 3:14	Akũ Dikiri Luda pì mlɛ̃̀ɛnɛ: Kũ n kɛ̀ lɛ, ĩnigɔ̃ láaribona pɔ́ ũ de bɛ pɔ́kãdenɔ kũ nɔ̀bɔsɛ̃ntɛnɔla pínki, ĩnigɔ̃ táa o n kùua, bùsutitin ĩnigɔ̃ ble ari n wɛ̃̀ndi lɛ́n.
71	GEN 3:15	Mani ibɛrɛ da mɔkɔ̃n kũ nɔgbɛ̃o dagura, n buri kũ a burio dagura. A buri ni n mì wí, ĩni a gbátoki kĩnna.
72	GEN 3:16	Akũ à pì nɔgbɛ̃nɛ: Mani n nɔ̀sinaa wari karannɛ, ĩnigɔ̃ nɛ́ i kũ wãwão. N zã ni nigɔ̃ kúmmamɛ, anigɔ̃ kí ble n musu.
73	GEN 3:17	Akũ à pì gɔ̃gbɛ̃nɛ: Lákũ n n nanɔ yã mà nà, lí kũ ma ginnɛ ǹ a nɛ́ ble n blè, ma láari bò zĩtɛa n yãi, ɔsi kũ ɔsioon ĩnigɔ̃ pɔ́ble en ari n wɛ̃̀ndi lɛ́n.
75	GEN 3:19	Ísimmawaranaa gũnn ĩni pɔ́ble en ari ǹ ɛra ǹ gɛ̃o bùsun, zaakũ gwen ma n bon. Bùsutitimɛ n ũ, ĩni ɛra ǹ gɔ̃ bùsutiti pìi ũmɛ.
76	GEN 3:20	Adamu tɔ́ kpà a nanɔnɛ Awau, zaakũ gbɛ̃ pínki daimɛ.
78	GEN 3:22	Akũ à pì: Bisãsiri a mana kũ a vãnio dɔ̃̀ sà, à gɔ̃̀ lán ó bà. Óni gínɛ à lí wɛ̃̀ndide nɛ́ kɛ̃ à ble de àsungɔ̃ kun gɔrɔ sĩnda pínkiro yãi.
80	GEN 3:24	Kũ Dikiri Luda pɛ̀a, akũ à kɛrubunɔ kàtɛ Ɛdɛni dàko ifãboki kpa, de ògɔ̃ lí wɛ̃̀ndide zɛ́ dãkpã kũ fɛ̃nɛda kũ àtɛn tɛ́ kɛ àtɛn litɛlitɛo.
81	GEN 4:1	Adamu a nanɔ Awau dɔ̃̀ nɔgbɛ̃ ũ, akũ à nɔ̀ɔ sì à Kainu ì. Akũ à pì: Ma gɔ̃gbɛ̃ ì kũ Dikiri gbãnao.
88	GEN 4:8	Akũ Kainu pì a dakũna Habilanɛ: Ò gɛ́ sɛ̃̀n. Kũ ò kà gwe, akũ à fùtɛ a dakũnai à a dɛ̀.
89	GEN 4:9	Dikiri Kainu là à pì: Mán n dakũna Habila kunn? À wèa à pì: Má dɔ̃ro. Ma dakũna dãkpãriin ma ũ yá?
94	GEN 4:14	Ntɛn pɛ́ma zĩtɛ la gbãramɛ sà. Mani kɛ̃kɔ̃a kũnwo sà. Manigɔ̃ sɔ̃sɔ̃ gu kũ guo màgɔ̃ likara andunia gũn, gbɛ̃ kũ à kpàkũn kũmao ni ma dɛ.
95	GEN 4:15	Akũ Dikiri pìnɛ: Lɛnlo! Tó gbɛ̃ n dɛ, oni mɔra káa gɛ̃̀n supplamɛ. Akũ Dikiri wãnzãn ke kɛ̃̀ Kainua, de gbɛ̃ kũ à kpàkũn kãao sún a dɛro yãi.
97	GEN 4:17	Kainu wùtɛ kũ a nanɔo, akũ à nɔ̀ɔ sì à Ɛnɔku ì. A gbɛra Kainu wɛ̃tɛ kàtɛ, akũ à a nɛ́ pì tɔ́ kpà wɛ̃tɛ pìinɛ.
103	GEN 4:23	Akũ Lamɛki pì a nɔnɔnɛ: Ada kũ Zilao, à ma yã ma, ma nɔnɔ, à sã kpá ma yãi. Gbɛ̃ke ma kĩnna, akũ ma a dɛ̀, kɛfɛnna pì ma lɛmɛ, akũ ma a wɛ̃̀ndii bò.
104	GEN 4:24	Tó oni Kainu fĩna bonɛ gɛ̃̀n suppla, makũ Lamɛki ma pɔ́ sɔ̃, gɛ̃̀n baaakɔ̃ akuri awɛɛsupplamɛ.
105	GEN 4:25	Adamu wùtɛ kũ a nanɔo dɔ, akũ à nɛ́gɔ̃gbɛ̃ ì. À tɔ́ kpànɛ Sɛti à pì, Luda a gba nɛ́ pãnde Habila kũ Kainu a dɛ̀ gɛ̃nɛ ũmɛ.
109	GEN 5:3	Adamu wɛ̃̀ basuddo akuride gũn à nɛ́ ì a taka ũ à bòkɔ̃a kãao, akũ à tɔ́ kpànɛ Sɛti.
110	GEN 5:4	Sɛti inaa gbɛra à kɛ̀ wɛ̃̀ wàa siikɔ̃ à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo.
111	GEN 5:5	Kũ à kà wɛ̃̀ wàa siikɔ̃ kpɛ́ basuddo akuri, akũ à gà.
112	GEN 5:6	Sɛti wɛ̃̀ basɔɔro awɛɛsɔɔrode gũn à Ɛnɔsu ì.
113	GEN 5:7	A gbɛra à kɛ̀ wɛ̃̀ wàa siikɔ̃ awɛɛsuppla à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo.
114	GEN 5:8	Kũ à kà wɛ̃̀ wàa siikɔ̃ kpɛ́ basɔɔro akuri awɛɛpla, akũ à gà.
115	GEN 5:9	Ɛnɔsu wɛ̃̀ basiikɔ̃ akuride gũn à Kenana ì.
116	GEN 5:10	A gbɛra à kɛ̀ wɛ̃̀ wàa siikɔ̃ kũ gɛ̃roo à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo.
117	GEN 5:11	Kũ à kà wɛ̃̀ wàa siikɔ̃ kpɛ́ basɔɔro awɛɛsɔɔro, akũ à gà.
118	GEN 5:12	Kenana wɛ̃̀ baaakɔ̃ akuride gũn à Malalɛli ì.
119	GEN 5:13	A gbɛra à kɛ̀ wɛ̃̀ wàa siikɔ̃ kpɛ́ bupla à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo.
120	GEN 5:14	Kũ à kà wɛ̃̀ wàa siikɔ̃ kpɛ́ basɔɔro akuri, akũ à gà.
121	GEN 5:15	Malalɛli wɛ̃̀ baaakɔ̃ awɛɛsɔɔrode gũn à Yarɛdi ì.
122	GEN 5:16	A gbɛra à kɛ̀ wɛ̃̀ wàa siikɔ̃ kũ mɛ̀n baraakuri à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo.
123	GEN 5:17	Kũ à kà wɛ̃̀ wàa siikɔ̃ kpɛ́ basɔɔro sɔɔrosari, akũ à gà.
124	GEN 5:18	Yarɛdi wɛ̃̀ basɔraakɔ̃ awɛɛplade gũn à Ɛnɔku ì.