2	GEN 1:2	Gu da pãmɛ à kɛkɛnaro, gusira mɛ́ à da ísirala, akũ Luda Nini tɛn yàa kɛ í pìla.
20	GEN 1:20	Akũ Luda pì: Pɔ wɛ̃̀ndidenɔ í pa yɛ́rɛrɛ, bãnɔ dagula musu ògɔ̃ vura sarapuran.
34	GEN 2:3	Akũ à arubarikaa dà gɔrɔ supplade pìn à dìtɛ a pɔ́ ũ, kũ gɔrɔ bire à kámma bò kũ zĩ kũ a kɛ̀nɔ pínki yãi.
35	GEN 2:4	Musu kũ zĩtɛo naana yãn dí. Gɔrɔ kũ Dikiri Luda zĩtɛ kũ musuoo kɛ̀,
38	GEN 2:7	Dikiri Luda gɔ̃gbɛ̃ í kàsa kũ bùsutitio, akũ à ĩa wɛ̃̀ndide vù a yĩn, akũ gɔ̃gbɛ̃ pìi gɔ̃̀ gbɛ̃ bɛ̃nɛ ũ.
47	GEN 2:16	Akũ à yã dìtɛnɛ à pì: Ĩni fɔ̃ ǹ dàkoo pì lí nɛ́nɔ ble pínki,
49	GEN 2:18	Dikiri Luda pì: Gɔ̃gbɛ̃ kunna ado manaro. Mani kpanyĩri kɛnɛ a gbɛ̃ndo ũ.
51	GEN 2:20	Gɔ̃gbɛ̃ pì tɔ́ kpà bɛ pɔ́kãdenɔnɛ pínki kũ bãnɔ kũ nɔ̀bɔsɛ̃ntɛnɔ pínki, ama adi kpanyĩri e ń tɛ́ a gbɛ̃ndo ũro.
54	GEN 2:23	Akũ gɔ̃gbɛ̃ pìi pì: Adikĩna wá bò ma wá gũmmɛ, a mɛ̀ sɔ̃ à bò ma mɛ̀ɛ gũmmɛ. Oni a sísi nɔgbɛ̃, kũ Luda a bò gɔ̃gbɛ̃ gũn yãi.
55	GEN 2:24	A yã mɛ́ à tò gɔ̃gbɛ̃ dì bo a de kũ a dao bɛa, àdi nakɔ̃a kũ a nanɔo ò gɔ̃ mɛ̀ do ũ.
59	GEN 3:3	ama lí kũ à kú dàkoo pìi guragura, Luda pì òsun a nɛ́ blero òsun ɔ naa sero, de òsun garo yãi.
63	GEN 3:7	Ń pla ń pínki ń wɛ́ kɛ̃̀, akũ ò dɔ̃̀ sà kũ ò kun pótompo. Akũ ò gboroda lá nàbi ò yĩ̀ḿma.
66	GEN 3:10	À wèa à pì: Kũ ma n kĩni mà, akũ vĩna ma kũ kũ má kun pótompo yãi, akũ ma utɛ.
67	GEN 3:11	Akũ Dikiri Luda a là à pì: Dí mɛ́ à ònnɛ ń kun pótompoo? Lí kũ ma ginnɛ ǹ a nɛ́ ble, n blèn yá?
69	GEN 3:13	Akũ Dikiri Luda nɔgbɛ̃ là à pì: Bɔ́yãi n kɛ̀ lɛɛ? À wèa à pì: Mlɛ̃̀ mɛ́ à ma kɛkɛ, akũ ma blè.
73	GEN 3:17	Akũ à pì gɔ̃gbɛ̃nɛ: Lákũ n n nanɔ yã mà nà, lí kũ ma ginnɛ ǹ a nɛ́ ble n blè, ma láari bò zĩtɛa n yãi, ɔsi kũ ɔsioon ĩnigɔ̃ pɔ́ble en ari n wɛ̃̀ndi lɛ́n.
78	GEN 3:22	Akũ à pì: Bisãsiri a mana kũ a vãnio dɔ̃̀ sà, à gɔ̃̀ lán ó bà. Óni gínɛ à lí wɛ̃̀ndide nɛ́ kɛ̃ à ble de àsungɔ̃ kun gɔrɔ sĩnda pínkiro yãi.
84	GEN 4:4	Habila sɔ̃ à sù kũ a sãnɛ káaku mɛ̀kpanaao. Habila yã kà Dikirigu, akũ à a gba sì.
85	GEN 4:5	Kainu sɔ̃ a yã dí kɛ Dikirinɛro, akũ adi a gba síro. Akũ Kainu pɔ fɛ̃̀ manamana a ãnn sìsi.
86	GEN 4:6	Akũ Dikiri pì Kainunɛ: Bɔ́yãi n pɔ fɛ̃̀ɛ? À kɛ̀ dera n ãnn yàkaa?
87	GEN 4:7	Tó n yã mana kɛ̀, mani n síroo? Tó ńdi yã mana kɛ sɔ̃ro, durunna natɛnnɛ n kpɛ́lɛlɛa. N ni tɛni a dɛ, séde ǹ zĩ̀ blea.
89	GEN 4:9	Dikiri Kainu là à pì: Mán n dakũna Habila kunn? À wèa à pì: Má dɔ̃ro. Ma dakũna dãkpãriin ma ũ yá?
95	GEN 4:15	Akũ Dikiri pìnɛ: Lɛnlo! Tó gbɛ̃ n dɛ, oni mɔra káa gɛ̃̀n supplamɛ. Akũ Dikiri wãnzãn ke kɛ̃̀ Kainua, de gbɛ̃ kũ à kpàkũn kãao sún a dɛro yãi.
98	GEN 4:18	Ɛnɔku Irada ì, Irada Mɛuyaɛli ì, Mɛuyaɛli Mɛtusaɛli ì, Mɛtusaɛli Lamɛki ì.
103	GEN 4:23	Akũ Lamɛki pì a nɔnɔnɛ: Ada kũ Zilao, à ma yã ma, ma nɔnɔ, à sã kpá ma yãi. Gbɛ̃ke ma kĩnna, akũ ma a dɛ̀, kɛfɛnna pì ma lɛmɛ, akũ ma a wɛ̃̀ndii bò.
107	GEN 5:1	Adamu burinɔ yãn dí. Gɔrɔ kũ Luda bisãsirinɔ kɛ̀, à ń kɛ́ lán a bàmɛ.
130	GEN 5:24	À táa ò kũ Ludao, akũ ò kùrai, kũ Luda a sɛ̀ à bò kãao andunia gũn yãi.
135	GEN 5:29	À tɔ́ kpànɛ Nuhu à pì: Gbɛ̃ bire mɛ́ ani ó laakari kpátɛwɛrɛ zĩ gbãna kũ ótɛn kɛ yãi. Odì zĩ gbãna pì kɛ Dikiri láaribona zĩtɛa yãimɛ.
140	GEN 6:2	akũ Luda nɛ́nɔ è bisãsiri nɛ́nɔgbɛ̃ pìnɔ mana, akũ òtɛni ń sɛ́ ń pɔyeinaaa.
143	GEN 6:5	Dikiri è kũ bisãsirinɔ yã vãni kɛna dasi andunia gũn. Gɔrɔ sĩnda pínki yã bɛ̃̀nɛ laasunn òdigɔ̃ lɛ́ ado,
144	GEN 6:6	akũ a pɔ yàka bisãsiri kũ à kɛ̀ zĩtɛ yã musu. À laasun pãnde lɛ̀,
145	GEN 6:7	akũ à pì: Mani bisãsiri kũ ma kɛ̀ zĩtɛ wara, bisãsirinɔ kũ nɔ̀bɔnɔ kũ pɔ́ kũ òdi táa o kũ kùaonɔ kũ bãnɔo, zaakũ ma pɔ yàka ń kɛna yã musu.
147	GEN 6:9	Nuhu burinɔ yãn dí. Nuhu bi gbɛ̃ manamɛ. Kũ à kun, a mɛ̀n do mɛ́ à taari vĩro à táa ò kũ Ludao.
149	GEN 6:11	Luda è andunia gbɛ̃nɔ yàka ń pínki, taarikɛna andunia pà.
150	GEN 6:12	Kũ Luda andunia gwà, à è à yàka, zaakũ gbɛ̃ sĩnda pínki zã̀ zɛ́a.
151	GEN 6:13	Akũ Luda pì Nuhunɛ: Mani gbɛ̃ sĩnda pínki kakatɛ, kũ ń yãin taarikɛna dà anduniala. Mani ń kakatɛ lɛɛlɛ kũ anduniaomɛ.
153	GEN 6:15	Ĩni gó pì kɛ lán dí bà. A gbã̀na gã̀sãkuru wàa do kpɛ́ basɔɔro, a yàasa gã̀sãkuru bupla akuri, a lei sɔ̃ gã̀sãkuru baraakuri.
160	GEN 6:22	Akũ Nuhu kɛ̀ lɛ à yã kũ Luda ònɛɛ kɛ̀ pínki.
161	GEN 7:1	Akũ Dikiri pì Nuhunɛ: Ǹ gɛ̃ gó gũn kũ n bedenɔ, zaakũ mɔkɔ̃mmɛ ma n e yãnnade ũ gbãragbɛ̃nɔ tɛ́.
165	GEN 7:5	Nuhu yã kũ Dikiri ònɛɛ kɛ̀ pínki.
167	GEN 7:7	À gɛ̃̀ gó'itɛ gũn kũ a nɛ́nɔ kũ a nanɔo kũ a nɛ́nɔ nɔnɔo de ò bo í pì yãn.
185	GEN 8:1	Nuhu kũ nɔ̀bɔsɛ̃ntɛnɔ kũ bɛ pɔ́kãde kũ ò kú kãao gó gũnnɔ pínki yã dɔ̀ Ludan. Kũ à ĩa gbàrɛ zĩtɛa, akũ í nà babanaaa.
190	GEN 8:6	Gɔrɔ bupla gbɛra Nuhu gó wondo kũ à bòn yã wɛ̃̀,
199	GEN 8:15	Akũ Luda yã ò Nuhunɛ à pì:
205	GEN 8:21	Kũ Dikiri a gbĩ mà, à kɛ̀nɛ nna, akũ à laasun lɛ̀ à pì: Mani ɛra mà láari bo zĩtɛa bisãsiri yãi doro, zaakũ bisãsiri laasun dìgɔ̃ vãni zaa a kɛfɛnnakɛgɔrɔamɛ. Mani ɛra mà pɔ́ wɛ̃̀ndidenɔ kakatɛ lákũ ma kɛ̀ nà doro.
209	GEN 9:3	Pɔ́ kũ òdi táa onɔ pínki nigɔ̃ de á pɔ́ble ũ. Ma ń kpááwa pínki lákũ ma pɔ́ble kũ òdi butɛ zĩtɛanɔ kpàáwa nà yã.
221	GEN 9:15	lákũ ma bàka kú kãáo nà kũ pɔ́ wɛ̃̀ndide buri sĩnda pínkio, a yã ni dɔmagu. Mani tó í da anduniala à pɔ́ wɛ̃̀ndide kakatɛ pínki doro.
222	GEN 9:16	Tó ma ludambɛfɛ̃nɛda è legũa, ma bàka kunna kũ pɔ́ wɛ̃̀ndide buri sĩnda pínkio ari gɔrɔ sĩnda pínki yã ni dɔmagu.
229	GEN 9:23	Akũ Sɛmu kũ Yafɛtio uta zɔ̃kɔ̃ɔ sɛ̀ ò dì ń gã̀aa ń pla ò táa ò kũ kpɛo. Ń arɛ dɔna gu pãndea de òsun ń de pótompo ero yãi, ò gɛ̀ɛ ò kù ń de pótompola.
236	GEN 10:1	Nuhu nɛ́gɔ̃gbɛ̃nɔ Sɛmu kũ Hamuo kũ Yafɛtio kũ ń nɛ́gɔ̃gbɛ̃ kũ ò ì í dana anduniala gbɛranɔ yãn dí.
240	GEN 10:5	Buri pìnɔ mɛ́ ò dàgula ísira gɛrɛɛi, ò kɔ̃ kpàatɛtɛ bùsu kũ bùsuuo buri kũ burio danɛdanɛ, baadi kũ a buriyão.
244	GEN 10:9	Tofe sàamɛ Dikiri kĩnaa. A yã mɛ́ à tò òdi pi: Lákũ Nimlɔdu de tofe sà ũ Dikiri kĩnaa nà.
255	GEN 10:20	Hamu nɛ́gɔ̃gbɛ̃nɔn gwe buri kũ burio bùsu kũ bùsuuo danɛdanɛ, baadi kũ a buriyão.
266	GEN 10:31	Sɛmu nɛ́gɔ̃gbɛ̃nɔn gwe pínki buri kũ burio bùsu kũ bùsuuo danɛdanɛ, baadi kũ a buriyão.
268	GEN 11:1	Andunia gũn yã pínki buri mɛ̀n domɛ, yã dokɔ̃nɔn òdi o.
271	GEN 11:4	Akũ ò pì: Ò wɛ́ra kátɛ ò kpɛ́didikɔ̃ana bo a mìsɔ̃ntɛ zɔ̃ ludambɛa. Ò ó zĩda tɔ́ bo de òsungɔ̃ fãkɔ̃ana dodo andunia gũnlo yãi.
273	GEN 11:6	Akũ à pì: Ń pínki ń buri dokɔ̃nɔmɛ, yã dokɔ̃nɔn òdi o, akũ yã kũ òtɛn boon dí yá? Yã kũ ò a laasun lɛ̀ tera sà oni kɛmɛ, pɔ́ke ni kpáńnɛ a kɛnaa gũn doro.
274	GEN 11:7	Ò kipa ò gɛ́ gwe ò ń yã yãkatɛńnɛ de òsun kɔ̃ yã ma doro.
276	GEN 11:9	A yã mɛ́ à tò, ò tɔ́ kpà wɛ̃tɛ pìinɛ Babɛli, zaakũ gwen Dikiri tò andunia buri sĩnda pínki yã bòn. Zaa gwen à ń fãkɔ̃a andunia gũn pínki.
277	GEN 11:10	Sɛmu burinɔ yãn dí. Sɛmu wɛ̃̀ basɔɔrode gũn à Apasada ì ídana anduniala gbɛra wɛ̃̀ pla.
294	GEN 11:27	Tera burinɔ yãn dí. Tera Abramu kũ Nao kũ Aranao ì, akũ Arana Lutu ì.
312	GEN 12:13	Ǹ pińnɛ ma dãremɛ n ũ de ò ma sí ɔplapla n yãi. Lákũ ĩni ma mì sí nàn gwe.
315	GEN 12:16	Akũ à Abramu gwà manamana a yãi, à sãnɔ kpàa kũ zùnɔ kũ zaakinɔ kũ gɔ̃gbɛ̃ zĩkɛrinɔ kũ nɔgbɛ̃ zĩkɛrinɔ kũ lakuminɔo.
316	GEN 12:17	Akũ Dikiri gyã pãsĩnɔ kà Firi'aunagu kũ a bedenɔ Abramu nanɔ pì yãi.
317	GEN 12:18	Akũ Firi'auna Abramu sìsi à pìnɛ: Bɔ́ yã n kɛ̀mɛnɛ gwee? Bɔ́ yã mɛ́ à tò ńdi omɛnɛ kũ n nanɔnloo?
319	GEN 12:20	Firi'auna yã ò a gbɛ̃nɔnɛ Abramu yã musu, akũ ò gɛ̀ɛ ò zɛ̀nɛ kũ a nanɔo kũ a aruzɛkɛnɔ pínki.
323	GEN 13:4	gu kũ à sa'oki bòn yã. Akũ à Dikiri sìsi gwe.
325	GEN 13:6	Ń pɔ́kãdenɔn dasi, gu pìi sɛ̃̀ dí mɔ́ḿma ń pínkiro. A yã mɛ́ à tò oni fɔ̃ ògɔ̃ kú gu dokɔ̃nɔ lɛɛlɛ doro.
336	GEN 13:17	Ǹ futɛ ǹ gɛ̃ bùsuu pìn ǹ a gbã̀na kũ a yàasaao gwa, zaakũ ma kpàmmamɛ.
360	GEN 14:23	mani n pɔ́ke sɛ́ro, bee kyateyĩba, de ǹsun pi n ma kɛ aruzɛkɛde ũro yãi.
362	GEN 15:1	Abire gbɛra Dikiri yã ò Abramunɛ wɛ́gupu'enaa gũn à pì: Abramu! Ǹsun vĩna kɛro. Makũmɛ n sɛ̃gbako ũ, n láada nigɔ̃ zɔ̃kɔ̃ manamana.
367	GEN 15:6	À Dikiri náani kɛ̀, akũ Dikiri tò yã bò kãao nna a náani kũ à kɛ̀ yãi.
368	GEN 15:7	À pìnɛ dɔ: Dikirimɛ ma ũ, makũ mɛ́ ma n bo Uru, Kaladia bùsun, de mà bùsu díkĩna kpámma yãi.
372	GEN 15:11	Kũ yumburukunɔ sù ò dìdi nɔ̀bɔɔ pìnɔa, akũ Abramu pɛ̀ḿma.
384	GEN 16:2	Akũ Sarai pì Abramunɛ: Lákũ Dikiri ma kɛ para ũ nà, ǹ wútɛ kũ ma zĩkɛriio. Ma sì kũ mani nɛ́nɔ le a gãi. Akũ Abramu Sarai yã mà.
387	GEN 16:5	Akũ Sarai pì Abramunɛ: Taari kũ ò kɛ̀mɛnɛ gɔ̃̀ n yã ũmɛ. Ma a zĩkɛrii kpàmma. Kũ à è á nɔ̀sina, akũ àdigɔ̃ dɔkɛ kũmao. Mɔkɔ̃n kũ makũo, Dikiri mɛ́ ani yã gɔ̃gɔ̃wɛrɛ.
388	GEN 16:6	Akũ Abramu wèa à pì: N zĩkɛri kun n pɔ́ ũmɛ. Ǹ kɛnɛ lákũ ń yei nà. Kũ Sarai wari dɔ̀a, akũ à bàa lɛ̀nɛ.
393	GEN 16:11	Ń nɔ̀sina, ĩni nɛ́ i gɔ̃gbɛ̃ ũ, ĩni tɔ́ kpánɛ Sumaila, zaakũ Dikiri n yã mà n wɛ́tãmma gũn.
394	GEN 16:12	Anigɔ̃ de lán zaakisɛ̃ntɛ bà, ani ibɛrɛ sɛ́ kũ gbɛ̃ sĩnda pínkio, gbɛ̃ sĩnda pínki ni ibɛrɛ sɛ́ kãao se. Anigɔ̃ kú kɔ̃ yãn kũ a gbɛ̃nɔro.
395	GEN 16:13	Akũ Hazara pì: Ma wɛ́ sì Luda kũ àdi ma elɛ. Akũ à tɔ́ kpà Dikiri kũ à yã ònɛɛnɛ Ludakũadima'e.
396	GEN 16:14	A yã mɛ́ à tò ò tɔ́ kpà lɔ̀gɔɔ pìinɛ Ludabɛ̃nɛkũadima'e lɔ̀gɔɔ. À kú Kadɛsi kũ Bɛrɛdio daguramɛ.
407	GEN 17:9	Luda ɛ̀ra à pì Ibrahĩnɛ: Mɔkɔ̃n kũ n burinɔ, àgɔ̃ ma bàka kunna kãáo yã kũna ari á buria.
408	GEN 17:10	Ma bàka kuna kãáo yã kũ ánigɔ̃ kũnan dí, mɔkɔ̃n kũ n burinɔ. Séde á gɔ̃gbɛ̃ sĩnda pínki tɔ̃̀ zɔ̃.
411	GEN 17:13	Ò a ì n bɛan yá kesɔ̃ ò a lù zĩkɛri ũn yá, sé à tɔ̃̀ zɔ̃. Abire nigɔ̃ de ma bàka kunna kãáo gɔrɔ sĩnda pínki sèeda ũ á mɛ̀ɛa.
412	GEN 17:14	Oni gyɔfɔrɔde bo a gbɛ̃nɔ tɛ́, zaakũ gbɛ̃ kũ adi tɔ̃̀ zɔ̃ro yã kũ ma dìtɛárɛ kũnaro.
415	GEN 17:17	Akũ Ibrahĩ wùtɛ a nɛ̀sɛlɛ kutɛna Luda arɛ à yáa dɔ̀ à pì a nɛ̀sɛɛ gũn: Gbɛ̃ kũ à kà wɛ̃̀ basɔɔro ni nɛ́ i yá? Lákũ Sara kà wɛ̃̀ basiikɔ̃ akuri nà, ani nɛ́ i yá?
418	GEN 17:20	Sumaila yã musu, ma n yã mà. Mani arubarika dan, ani nɛ́ i à kara manamana. Ani nɛ́gɔ̃gbɛ̃nɔ i gbɛ̃nɔn kuri awɛɛpla, oni gɔ̃ kínanɔ ũ, a buri ni kɛ dasi.