1	GEN 1:1	Zaa káaku Luda musu kũ zĩtɛoo kɛ̀.
5	GEN 1:5	À tɔ́ kpà gupuranɛ fãnantɛ̃, gusira sɔ̃ gwãani. Gu sì gu dɔ̀, a gɔrɔ káakun gwe.
7	GEN 1:7	Akũ à sarapura kɛ̀ lɛ, à í kũ à kú sarapura gbáru kɛ̃̀kɔ̃a kũ í kũ à kú a musuo.
11	GEN 1:11	Akũ Luda pì: Lánɔ bɔtɛ zĩtɛ kũ sɛ̃̀ wɛ́denɔ kũ lí nɛ́denɔ, baadi kũ a burio. Akũ à kɛ̀ lɛ,
12	GEN 1:12	lánɔ bɔ̀tɛ zĩtɛ kũ sɛ̃̀ wɛ́denɔ kũ lí nɛ́denɔ, baadi kũ a burio. Akũ Luda è à kɛ̀ mana.
24	GEN 1:24	Akũ Luda pì: Pɔ́ wɛ̃̀ndidenɔ bɔtɛ zĩtɛ, bɛ pɔ́kãdenɔ kũ pɔ́ kũ òdi táa o kũ kùaonɔ kũ nɔ̀bɔsɛ̃ntɛnɔ, baadi kũ a burio. Akũ à kɛ̀ lɛ.
25	GEN 1:25	Luda nɔ̀bɔsɛ̃ntɛnɔ kɛ̀ baadi kũ a burio. À bɛ pɔ́kãdenɔ kɛ̀ baadi kũ a burio. À pɔ́ kũ òdi táa o kũ kùaonɔ kɛ̀ baadi kũ a burio. Akũ à è à kɛ̀ mana.
26	GEN 1:26	Akũ Luda pì: Ò bisãsiri kɛ ó taka ũ, ògɔ̃ de lán ó bà, ògɔ̃ kí ble kpɔ̀nɔa kũ bãnɔ kũ bɛ pɔ́kãdenɔ kũ nɔ̀bɔsɛ̃ntɛnɔ kũ pɔ́ kũ òdi táa o kũ kùaonɔ pínki.
28	GEN 1:28	À arubarikaa dàńgu à pìńnɛ: Àgɔ̃ nɛ́ i àgɔ̃ kɛ dasi àgɔ̃ andunia pa àgɔ̃ gbãna blea. Àgɔ̃ kí ble kpɔ̀nɔa kũ bãnɔ kũ pɔ́ wɛ̃̀ndide kũ òdi táa o zĩtɛnɔ pínki.
29	GEN 1:29	Akũ Luda pì: Pɔ́ wɛ́de kũ ò kú zĩtɛnɔn ma kpàáwa á pɔ́ble ũ pínki kũ lí nɛ́denɔ pínki.
30	GEN 1:30	Ma sɛ̃̀nɔ kũ lánɔ kpà pɔ́ wɛ̃̀ndidenɔa pínki ń pɔ́ble ũ, nɔ̀bɔnɔ kũ bãnɔ kũ pɔ́ kũ òdi táa o kũ kùaonɔ pínki. Akũ à kɛ̀ lɛ.
31	GEN 1:31	Luda pɔ́ kũ à kɛ̀nɔ è pínki, à kɛ̀ mana swáswa. Gu sì gu dɔ̀, a gɔrɔ suddoden gwe.
33	GEN 2:2	Ari a gɔrɔ supplade zĩ gɔ̃ ká, à zĩ kũ àtɛn kɛ pìi làka. A gɔrɔ supplade pì zĩ à kámma bò kũ zĩ kũ a kɛ̀nɔ pínki.
34	GEN 2:3	Akũ à arubarikaa dà gɔrɔ supplade pìn à dìtɛ a pɔ́ ũ, kũ gɔrɔ bire à kámma bò kũ zĩ kũ a kɛ̀nɔ pínki yãi.
37	GEN 2:6	Suka mɛ́ àdi kpá andunia gũn, akũ àdi mɔtɔ pisi zĩtɛa pínki.
42	GEN 2:11	A káaku tɔ́n Pisɔ̃, àkũ mɛ́ à lika Avila bùsuui pínki. Wura kú bùsuu pìi gũn,
50	GEN 2:19	Akũ Dikiri Luda bùsuu sɛ̀ à nɔ̀bɔnɔ kɛ̀o pínki kũ bãnɔ pínki, akũ à sù kũńwo gɔ̃gbɛ̃ pì kĩnaa de à e deran ani tɔ́ kpáńnɛ nà. Tɔ́ kũ gɔ̃gbɛ̃ pìi kpà pɔ́ wɛ̃̀ndide pìnɔnɛ pínki gɔ̃̀ ń tɔ́ ũ.
54	GEN 2:23	Akũ gɔ̃gbɛ̃ pìi pì: Adikĩna wá bò ma wá gũmmɛ, a mɛ̀ sɔ̃ à bò ma mɛ̀ɛ gũmmɛ. Oni a sísi nɔgbɛ̃, kũ Luda a bò gɔ̃gbɛ̃ gũn yãi.
60	GEN 3:4	Akũ mlɛ̃̀ɛ pìnɛ: Áni garo fá!
61	GEN 3:5	Zaakũ Luda dɔ̃ tó a blè, á wɛ́ ni kɛ̃ áni gɔ̃ lán a bà, ánigɔ̃ a mana dɔ̃ kũ a vãnio.
63	GEN 3:7	Ń pla ń pínki ń wɛ́ kɛ̃̀, akũ ò dɔ̃̀ sà kũ ò kun pótompo. Akũ ò gboroda lá nàbi ò yĩ̀ḿma.
64	GEN 3:8	Kũ gɔ̃gbɛ̃ kũ a nanɔo Dikiri Luda kĩni mà àtɛn kure dàkoo pìi gũn ɔkɔsi, akũ ò ùtɛnɛ dàkoo pì lán.
65	GEN 3:9	Akũ Dikiri Luda lɛ́ zù gɔ̃gbɛ̃i à pì: Ń kú mámɛɛ?
66	GEN 3:10	À wèa à pì: Kũ ma n kĩni mà, akũ vĩna ma kũ kũ má kun pótompo yãi, akũ ma utɛ.
67	GEN 3:11	Akũ Dikiri Luda a là à pì: Dí mɛ́ à ònnɛ ń kun pótompoo? Lí kũ ma ginnɛ ǹ a nɛ́ ble, n blèn yá?
70	GEN 3:14	Akũ Dikiri Luda pì mlɛ̃̀ɛnɛ: Kũ n kɛ̀ lɛ, ĩnigɔ̃ láaribona pɔ́ ũ de bɛ pɔ́kãdenɔ kũ nɔ̀bɔsɛ̃ntɛnɔla pínki, ĩnigɔ̃ táa o n kùua, bùsutitin ĩnigɔ̃ ble ari n wɛ̃̀ndi lɛ́n.
71	GEN 3:15	Mani ibɛrɛ da mɔkɔ̃n kũ nɔgbɛ̃o dagura, n buri kũ a burio dagura. A buri ni n mì wí, ĩni a gbátoki kĩnna.
73	GEN 3:17	Akũ à pì gɔ̃gbɛ̃nɛ: Lákũ n n nanɔ yã mà nà, lí kũ ma ginnɛ ǹ a nɛ́ ble n blè, ma láari bò zĩtɛa n yãi, ɔsi kũ ɔsioon ĩnigɔ̃ pɔ́ble en ari n wɛ̃̀ndi lɛ́n.
74	GEN 3:18	Ani lɛ̀nɔ kũ lá ũkãdenɔ butɛnnɛ, gbasa ǹ burapɔnɔ ble.
77	GEN 3:21	Dikiri Luda bára uta kɛ̀ Adamunɛ kũ a nanɔo, akũ à dàńnɛ.
78	GEN 3:22	Akũ à pì: Bisãsiri a mana kũ a vãnio dɔ̃̀ sà, à gɔ̃̀ lán ó bà. Óni gínɛ à lí wɛ̃̀ndide nɛ́ kɛ̃ à ble de àsungɔ̃ kun gɔrɔ sĩnda pínkiro yãi.
84	GEN 4:4	Habila sɔ̃ à sù kũ a sãnɛ káaku mɛ̀kpanaao. Habila yã kà Dikirigu, akũ à a gba sì.
89	GEN 4:9	Dikiri Kainu là à pì: Mán n dakũna Habila kunn? À wèa à pì: Má dɔ̃ro. Ma dakũna dãkpãriin ma ũ yá?
91	GEN 4:11	Tera sà ĩnigɔ̃ láari pɔ́ ũmɛ, ĩnigɔ̃ zã̀ kũ zĩtɛ kũ à n dakũna aru mì n ɔĩo.
95	GEN 4:15	Akũ Dikiri pìnɛ: Lɛnlo! Tó gbɛ̃ n dɛ, oni mɔra káa gɛ̃̀n supplamɛ. Akũ Dikiri wãnzãn ke kɛ̃̀ Kainua, de gbɛ̃ kũ à kpàkũn kãao sún a dɛro yãi.
100	GEN 4:20	Ada Yabala ì. Àkũmɛ pɔ́dãri kũ òdigɔ̃ kú bizakuta gũnnɔ dizi káaku ũ.
101	GEN 4:21	A dakũna tɔ́n Yubala. Àkũmɛ mɔrɔlɛrinɔ kũ úrapɛrinɔ dizi káaku ũ.
103	GEN 4:23	Akũ Lamɛki pì a nɔnɔnɛ: Ada kũ Zilao, à ma yã ma, ma nɔnɔ, à sã kpá ma yãi. Gbɛ̃ke ma kĩnna, akũ ma a dɛ̀, kɛfɛnna pì ma lɛmɛ, akũ ma a wɛ̃̀ndii bò.
107	GEN 5:1	Adamu burinɔ yãn dí. Gɔrɔ kũ Luda bisãsirinɔ kɛ̀, à ń kɛ́ lán a bàmɛ.
128	GEN 5:22	A gbɛra à táa ò kũ Ludao ari wɛ̃̀ wàa do kpɛ́ basɔɔro à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo.
130	GEN 5:24	À táa ò kũ Ludao, akũ ò kùrai, kũ Luda a sɛ̀ à bò kãao andunia gũn yãi.
135	GEN 5:29	À tɔ́ kpànɛ Nuhu à pì: Gbɛ̃ bire mɛ́ ani ó laakari kpátɛwɛrɛ zĩ gbãna kũ ótɛn kɛ yãi. Odì zĩ gbãna pì kɛ Dikiri láaribona zĩtɛa yãimɛ.
142	GEN 6:4	Gbɛ̃ gbã̀nanɔn kú andunia gũn gɔrɔ birea kũ gɔrɔ bire gbɛrao dɔ, gɔrɔ kũ Luda nɛ́ pìnɔ bisãsiri nɛ́nɔgbɛ̃nɔ dɔ̃̀ nɔgbɛ̃nɔ ũ ò nɛ́nɔ ì kũńwo. Ń nɛ́ pìnɔmɛ gɔ̃sa gbãna kũ ń tɔ́ bò zaa káakunɔ ũ.
145	GEN 6:7	akũ à pì: Mani bisãsiri kũ ma kɛ̀ zĩtɛ wara, bisãsirinɔ kũ nɔ̀bɔnɔ kũ pɔ́ kũ òdi táa o kũ kùaonɔ kũ bãnɔo, zaakũ ma pɔ yàka ń kɛna yã musu.
147	GEN 6:9	Nuhu burinɔ yãn dí. Nuhu bi gbɛ̃ manamɛ. Kũ à kun, a mɛ̀n do mɛ́ à taari vĩro à táa ò kũ Ludao.
153	GEN 6:15	Ĩni gó pì kɛ lán dí bà. A gbã̀na gã̀sãkuru wàa do kpɛ́ basɔɔro, a yàasa gã̀sãkuru bupla akuri, a lei sɔ̃ gã̀sãkuru baraakuri.
154	GEN 6:16	Ǹ gó pìi musu pápa, gbasa ǹ guforo tó a dagura gwe gã̀sãkuru do zaa a musu kpa. Ǹ gbà da gó pì kpado ǹ gó pì kɛ didikɔ̃ana lɛu aakɔ̃.
158	GEN 6:20	Bã burinɔ kũ nɔ̀bɔ burinɔ kũ pɔ́ kũ òdi táa o kũ kùao burinɔ pínki oni su n kĩnaa mɛ̀n plapla de ògɔ̃ kun.
159	GEN 6:21	Ǹ pɔ́ble kũ òdi ble sĩnda pínki sɛ́tɛ ǹ kakara á zàna ũ, ákɔ̃nɔ kũ pɔ́ pìnɔ.
168	GEN 7:8	Akũ nɔ̀bɔ kũ ò de sa'opɔ ũnɔ kũ nɔ̀bɔ kũ òdi sa ooronɔ kũ bãnɔ kũ pɔ́ kũ òdi táa o kũ kùaonɔ
169	GEN 7:9	sù Nuhu kĩnaa gó gũn mɛ̀n plapla da kũ a sàao lákũ Luda ònɛɛ nà.
171	GEN 7:11	Nuhu wɛ̃̀ wàa aakɔ̃de gũn a mɔ plade gɔrɔ gɛ̃ro awɛɛplade zĩ, akũ í kũ à kú zĩtɛ gbárunɔ pũ̀tã pínki, akũ ludambɛ guforonɔ fɔ̃̀.
174	GEN 7:14	kũ nɔ̀bɔsɛ̃ntɛnɔ pínki ń buria kũ bɛ pɔ́kãdenɔ pínki ń buria kũ pɔ́ kũ òdi táa o kũ kùaonɔ pínki ń buria kũ pɔ́ vurananɔ pínki ń buria, bãnɔ kũ pɔ́ dɛ̀mbɛrɛdenɔ pínki.
176	GEN 7:16	Pɔ wɛ̃̀ndidenɔ buri pínki gɛ̃̀ da kũ a sàao lákũ Luda dìtɛnɛ nà. Akũ Dikiri gbà tàtańlɛ.
179	GEN 7:19	Í kàra à dà zĩtɛla lái, à dà kpi lei kũ ò kú andunia gũnnɔla míɔmiɔ.
181	GEN 7:21	Pɔ́ wɛ̃̀ndide kũ òdi táa o zĩtɛnɔ gàga pínki, bãnɔ kũ bɛ pɔ́kãdenɔ kũ nɔ̀bɔsɛ̃ntɛnɔ kũ pɔ́ kũ òdi táa o kũ kùaonɔ kũ bisãsirinɔ ń pínki.
183	GEN 7:23	Luda pɔ́ wɛ̃̀ndide kũ ò kú sĩ̀sĩanɔ kàkatɛ pínki. À bisãsirinɔ kũ nɔ̀bɔnɔ kũ pɔ́ kũ òdi táa o kũ kùaonɔ kũ bãnɔ kàkatɛ andunia gũn. Nuhu mɛ́ à bò ado kũ pɔ́ kũ ò kú kãao gó gũnnɔ.
186	GEN 8:2	Í kũ ò kú zĩtɛ gbárunɔ kũ ludambɛ guforonɔ tàta, akũ legũ kɛ̃̀.
189	GEN 8:5	Í pì tɛn lago ari mɔ kuride gũn. Mɔ kuride pì gɔrɔ káaku zĩ kpinɔ mìsɔ̃ntɛnɔ bòbo.
194	GEN 8:10	À kámma bò ari gɔrɔ suppla, akũ à ɛ̀ra à potɛ̃nɛ gbàrɛ dɔ.
195	GEN 8:11	Potɛ̃nɛ pìi ɛ̀ra à sù à kĩnaa ɔkɔsi à kù lá kɛ̃̀ à kpá a lɛ́i. Akũ Nuhu dɔ̃ kũ í làgo zĩtɛa.
196	GEN 8:12	À kámma bò gɔrɔ suppla dɔ, akũ à ɛ̀ra à potɛ̃nɛ pìi gbàrɛ, adi ɛra à sù a kĩnaa doro.
197	GEN 8:13	Nuhu wɛ̃̀ wàa aakɔ̃ awɛɛdode gũn a mɔ káaku gɔrɔ káaku zĩ, í bàba zĩtɛa, akũ à gó pìi musu gò. Kũ à gu gwà, à è í làka zĩtɛa.
201	GEN 8:17	Ǹ pɔ́ wɛ̃̀ndide kũ ò kú kũnwonɔ bɔtɛ pínki, bãnɔ kũ nɔ̀bɔnɔ kũ pɔ́ kũ òdi táa o kũ kùaonɔ pínki, de ò fãkɔ̃a zĩtɛ ògɔ̃ nɛ́ i ògɔ̃ kara andunia gũn.
203	GEN 8:19	Nɔ̀bɔnɔ pínki kũ pɔ́ kũ òdi táa o kũ kùaonɔ pínki kũ bãnɔ pínki kũ pɔ́ kũ òdi táa o zĩtɛnɔ pínki bɔ̀tɛ gó gũn buri kũ burio.
204	GEN 8:20	Akũ Nuhu Dikiri gbagbaki bò. À nɔ̀bɔ kũ bã kũ òdi sa oonɔ kũ̀, akũ à sa'opɔ kũ òdi ká tɛ́n à tɛ́ kũ òa.
205	GEN 8:21	Kũ Dikiri a gbĩ mà, à kɛ̀nɛ nna, akũ à laasun lɛ̀ à pì: Mani ɛra mà láari bo zĩtɛa bisãsiri yãi doro, zaakũ bisãsiri laasun dìgɔ̃ vãni zaa a kɛfɛnnakɛgɔrɔamɛ. Mani ɛra mà pɔ́ wɛ̃̀ndidenɔ kakatɛ lákũ ma kɛ̀ nà doro.
206	GEN 8:22	Ari andunia gɛ́ àgɔ̃ kunwo pɔ́tɔ̃na kũ pɔ́kɛkɛnaao, ĩa kũ guwãnao, bunsirɛ kũ sakareo, fãnantɛ̃ kũ gwãanio, ń ke ni lákaro.
208	GEN 9:2	Nɔ̀bɔnɔ kũ bãnɔ kũ pɔ́ kũ òdi táa o kũ kùaonɔ kũ kpɔ̀nɔ nigɔ̃ á vĩna vĩ pínki. Ma ń náárɛ á ɔĩ.
209	GEN 9:3	Pɔ́ kũ òdi táa onɔ pínki nigɔ̃ de á pɔ́ble ũ. Ma ń kpááwa pínki lákũ ma pɔ́ble kũ òdi butɛ zĩtɛanɔ kpàáwa nà yã.
210	GEN 9:4	Ama àsun nɔ̀bɔ kũ odi a kùtu kpáro sóro, zaakũ a arumɛ a wɛ̃̀ndi ũ.
211	GEN 9:5	Mani á aru kũ à de á wɛ̃̀ndi ũ fĩna boárɛ. Tó nɔ̀bɔ gbɛ̃ dɛ̀ ke tó gbɛ̃ a gbɛ̃dake dɛ̀, mani a aru fĩna bonɛ. Mani fĩna bo gbɛ̃ kũ à a gbɛ̃dake dɛ̀ɛa.
215	GEN 9:9	Ma bàka nigɔ̃ kú kãáo kũ á burinɔ
216	GEN 9:10	kũ pɔ́ wɛ̃̀ndide kũ ò kú kãáo kũ ò bò gó gũnnɔ pínki, bãnɔ kũ bɛ pɔ́kãdenɔ kũ nɔ̀bɔsɛ̃ntɛnɔ kũ pɔ́ kũ ò kú zĩtɛanɔ pínki.
217	GEN 9:11	Ma bàka nigɔ̃ kú kãáo. Mani í da anduniala mà pɔ́ wɛ̃̀ndidenɔ kakatɛ pínki doro. Í ni da anduniala à a kakatɛ doro.
218	GEN 9:12	Akũ Luda ɛ̀ra à pì: Ma bàka nigɔ̃ kú kãáo kũ pɔ́ wɛ̃̀ndide kũ ò kú kãáonɔ ari gɔrɔ sĩnda pínkimɛ. A sèedaan dí.