4	GEN 1:4	À è gupura pìi kɛ̀ mana, akũ à gupura kɛ̃̀kɔ̃a kũ gusirao.
10	GEN 1:10	À tɔ́ kpà gukori pìinɛ zĩtɛ, akũ a tɔ́ kpà í kũ à kàkaranɛ ísira. Akũ à è à kɛ̀ mana.
12	GEN 1:12	lánɔ bɔ̀tɛ zĩtɛ kũ sɛ̃̀ wɛ́denɔ kũ lí nɛ́denɔ, baadi kũ a burio. Akũ Luda è à kɛ̀ mana.
14	GEN 1:14	Akũ Luda pì: Pɔ́ gupurakũrinɔ gɔ̃ kú musu ògɔ̃ fãnantɛ̃ kɛ̃kɔ̃a kũ gwãanio, ògɔ̃ wɛ̃̀ sèedanɔ kũ gɔrɔnɔ kũ wɛ̃̀nɔ mɔńnɛ.
18	GEN 1:18	ògɔ̃ kí ble fãnantɛ̃ kũ gwãanio, ògɔ̃ gupura kɛ̃kɔ̃a kũ gusirao. Akũ à è à kɛ̀ mana.
21	GEN 1:21	Akũ à pɔ́ wɛ̃̀ndide kũ òdi í panɔ kɛ̀ kũ kpɔ̀ gbɛ̃̀ntɛ̃nɔ pínki, baadi kũ a burio. À bãnɔ kɛ̀ pínki dɔ, baadi kũ a burio. Akũ à è à kɛ̀ mana.
25	GEN 1:25	Luda nɔ̀bɔsɛ̃ntɛnɔ kɛ̀ baadi kũ a burio. À bɛ pɔ́kãdenɔ kɛ̀ baadi kũ a burio. À pɔ́ kũ òdi táa o kũ kùaonɔ kɛ̀ baadi kũ a burio. Akũ à è à kɛ̀ mana.
31	GEN 1:31	Luda pɔ́ kũ à kɛ̀nɔ è pínki, à kɛ̀ mana swáswa. Gu sì gu dɔ̀, a gɔrɔ suddoden gwe.
48	GEN 2:17	ama ǹsun lí kũ àdi dɔ̃na mana kũ a vãnio ińnɛ nɛ́ blero. Tó n blè, ĩni gamɛ.
58	GEN 3:2	Akũ nɔgbɛ̃ wè mlɛ̃̀ɛ pìia à pì: Óni fɔ̃ ò dàkoo pì línɛ ble,
61	GEN 3:5	Zaakũ Luda dɔ̃ tó a blè, á wɛ́ ni kɛ̃ áni gɔ̃ lán a bà, ánigɔ̃ a mana dɔ̃ kũ a vãnio.
62	GEN 3:6	Kũ nɔgbɛ̃ è lí pì nɛ́ mana, akũsɔ̃ a blena nigɔ̃ nna ani tó gbɛ̃ wɛ́ kɛ̃, akũ à a nɛ́ kɛ̃̀ à blè. À kpà a zãa dɔ, akũ à blè se.
66	GEN 3:10	À wèa à pì: Kũ ma n kĩni mà, akũ vĩna ma kũ kũ má kun pótompo yãi, akũ ma utɛ.
67	GEN 3:11	Akũ Dikiri Luda a là à pì: Dí mɛ́ à ònnɛ ń kun pótompoo? Lí kũ ma ginnɛ ǹ a nɛ́ ble, n blèn yá?
68	GEN 3:12	À wèa à pì: Nɔgbɛ̃ kũ n kpàma àgɔ̃ kú kũmao mɛ́ à lí pì nɛ́ kpàma ma blè.
69	GEN 3:13	Akũ Dikiri Luda nɔgbɛ̃ là à pì: Bɔ́yãi n kɛ̀ lɛɛ? À wèa à pì: Mlɛ̃̀ mɛ́ à ma kɛkɛ, akũ ma blè.
73	GEN 3:17	Akũ à pì gɔ̃gbɛ̃nɛ: Lákũ n n nanɔ yã mà nà, lí kũ ma ginnɛ ǹ a nɛ́ ble n blè, ma láari bò zĩtɛa n yãi, ɔsi kũ ɔsioon ĩnigɔ̃ pɔ́ble en ari n wɛ̃̀ndi lɛ́n.
89	GEN 4:9	Dikiri Kainu là à pì: Mán n dakũna Habila kunn? À wèa à pì: Má dɔ̃ro. Ma dakũna dãkpãriin ma ũ yá?
140	GEN 6:2	akũ Luda nɛ́nɔ è bisãsiri nɛ́nɔgbɛ̃ pìnɔ mana, akũ òtɛni ń sɛ́ ń pɔyeinaaa.
143	GEN 6:5	Dikiri è kũ bisãsirinɔ yã vãni kɛna dasi andunia gũn. Gɔrɔ sĩnda pínki yã bɛ̃̀nɛ laasunn òdigɔ̃ lɛ́ ado,
146	GEN 6:8	Ama Nuhu Dikiri pɔnna lè.
149	GEN 6:11	Luda è andunia gbɛ̃nɔ yàka ń pínki, taarikɛna andunia pà.
150	GEN 6:12	Kũ Luda andunia gwà, à è à yàka, zaakũ gbɛ̃ sĩnda pínki zã̀ zɛ́a.
197	GEN 8:13	Nuhu wɛ̃̀ wàa aakɔ̃ awɛɛdode gũn a mɔ káaku gɔrɔ káaku zĩ, í bàba zĩtɛa, akũ à gó pìi musu gò. Kũ à gu gwà, à è í làka zĩtɛa.
218	GEN 9:12	Akũ Luda ɛ̀ra à pì: Ma bàka nigɔ̃ kú kãáo kũ pɔ́ wɛ̃̀ndide kũ ò kú kãáonɔ ari gɔrɔ sĩnda pínkimɛ. A sèedaan dí.
219	GEN 9:13	Mani ludambɛfɛ̃nɛda bo legũa ma bàka kunna kũ anduniao sèeda ũ.
222	GEN 9:16	Tó ma ludambɛfɛ̃nɛda è legũa, ma bàka kunna kũ pɔ́ wɛ̃̀ndide buri sĩnda pínkio ari gɔrɔ sĩnda pínki yã ni dɔmagu.
223	GEN 9:17	Akũ Luda pì Nuhunɛ: Ma bàka kunna kũ pɔ́ wɛ̃̀ndide kũ ò kú andunia gũnnɔ pínki sèedaan gwe.
227	GEN 9:21	Kũ à sèwɛ̃ mì à kã̀, akũ a wutɛna pótompo a kpɛ́n.
228	GEN 9:22	Kũ Kanaa de Hamu a de pótompo è, à bò à gɛ̀ɛ à ò Sɛmunɛ kũ Yafɛtio.
230	GEN 9:24	Kũ wɛ̃ wère Nuhua à vù, à mà lákũ a nɛ́ kpɛde kɛ̀arɛ nà,
245	GEN 10:10	Babilɔnia bùsu kũ à kí blèa káaku wɛ́ranɔmɛ Babɛli kũ Ɛrɛkio kũ Akadao kũ Kalanɛo ũ.
313	GEN 12:14	Kũ ò kà Misila, Misilanɔ è nɔgbɛ̃ pì mana gɛ̃̀.
314	GEN 12:15	Kũ Misilanɔ kína Firi'auna ìbanɔ a è, ò a mana gɔ̃̀gɔ̃nɛ, akũ ò a sɛ̀ ò gɛ̃̀ kãao Firi'aunanɛ a bɛa.
329	GEN 13:10	Kũ Lutu gu gwà, à è Yoda guvutɛ pínki mɔtɔ vĩ manamana. Ari Dikiri gɔ̃ gɛ́ Sɔdɔmu kũ Gɔmɔrao kakatɛ, guvutɛ pì de lán Dikiri swadakoo bà, lán Misila bùsuu bà, ari à gɛ̀ɛ pɛ́ Zoaa.
334	GEN 13:15	Zĩtɛ kũ n è pínki, ma kpàmma, anigɔ̃ de mɔkɔ̃n kũ n burinɔ pɔ́ ũ ari gɔrɔ sĩnda pínki.
342	GEN 14:5	A wɛ̃̀ gɛ̃ro donsaride gũnn Kɛdɔlaoma kũ kína kũ ò kú kãaonɔ sù ò zĩ̀i blè Rɛfaimunɔa zaa Asɛtɛro Kanaimu, ò zĩ̀i blè Zuzinɔa zaa Hamu, ò zĩ̀i blè Ɛminɔa zaa Save Kiriataimu,
343	GEN 14:6	ò zĩ̀i blè Orinɔa ń kpi kũ òdi pi Seia ari à gɛ̀ɛ pɛ́ Ɛli Parana gbárannaa.
344	GEN 14:7	Akũ ò ɛ̀ra ò sù Ɛmisipa. Àkũ òdi pi tera Kadɛsi. Ò zĩ̀i blè Amalɛki bùsuua pínki kũ Amɔri buri kũ ò kú Azazɔ̃ Tamanɔa dɔ.
352	GEN 14:15	Akũ à a gbɛ̃nɔ kpàatɛtɛ, akũ ò sìńgu gwãani. Ò zĩ̀i blèḿma ò pɛ̀ḿma ari Oba, Damasuku gugbãnduru kpa.
354	GEN 14:17	Kũ Abramu zĩ̀i blè Kɛdɔlaomaa kũ kína kũ ò kú kãaonɔ àtɛn su, akũ Sɔdɔmu kína bò à dàalɛ Save Guvutɛ kũ òdi pi tera Kína Guvutɛn.
355	GEN 14:18	Akũ Salɛmu kína Mɛlɛkizɛdɛki sù kũ burodiio kũ sèwɛ̃o. Àpi bi Luda Musude gbàgbariimɛ.
361	GEN 14:24	Mani pɔ́ke sɛ́ro, sé pɔ́ble kũ ma gbɛ̃nɔ blèe baasiro. Ama Anɛ kũ Ɛsɛkɔluo kũ Mamare kũ ò gɛ̀ɛ kũmaonɔ, ǹ tó ò ń baka sɛ́.
370	GEN 15:9	À wèa à pì: Ǹ zùnunu wɛ̃̀ aakɔ̃ sɛ́ kũ blè wɛ̃̀ aakɔ̃o kũ sãkaro wɛ̃̀ aakɔ̃o kũ potɛ̃nɛtɛ̃nnao kũ lukulukuuo.
378	GEN 15:17	Kũ ifãntɛ̃ gɛ̃̀ kpɛ́n, gu sì, akũ Abramu è kĩni kũ àtɛn túsukpɛ bo kũ sɛ̃̀tɛo tɛn gɛ̃ nɔ̀bɔ kũ à pàrapara pìnɔ dagura.
386	GEN 16:4	Abramu wùtɛ kãao, akũ à nɔ̀ɔ sì. Kũ à è á nɔ̀sinaa, à dɔkɛ̀ kũ a dikiriio.
387	GEN 16:5	Akũ Sarai pì Abramunɛ: Taari kũ ò kɛ̀mɛnɛ gɔ̃̀ n yã ũmɛ. Ma a zĩkɛrii kpàmma. Kũ à è á nɔ̀sina, akũ àdigɔ̃ dɔkɛ kũmao. Mɔkɔ̃n kũ makũo, Dikiri mɛ́ ani yã gɔ̃gɔ̃wɛrɛ.
388	GEN 16:6	Akũ Abramu wèa à pì: N zĩkɛri kun n pɔ́ ũmɛ. Ǹ kɛnɛ lákũ ń yei nà. Kũ Sarai wari dɔ̀a, akũ à bàa lɛ̀nɛ.
389	GEN 16:7	Dikiri Malaika a è ísɛ̃bokia gbárannan, ísɛ̃boki pì kú Suru zɛ́ sarɛmɛ.
390	GEN 16:8	Akũ à a là à pì: Sarai zĩkɛri Hazara, n bo mámɛɛ? Ntɛn gɛ́ mámɛɛ? Akũ à wèa à pì: Matɛn bàa lɛ́ ma dikiri Sarainɛmɛ.
409	GEN 17:11	À tɔ̃̀ zɔ̃ ma bàka kunna kãáo sèeda ũ.
411	GEN 17:13	Ò a ì n bɛan yá kesɔ̃ ò a lù zĩkɛri ũn yá, sé à tɔ̃̀ zɔ̃. Abire nigɔ̃ de ma bàka kunna kãáo gɔrɔ sĩnda pínki sèeda ũ á mɛ̀ɛa.
427	GEN 18:2	Kũ à wɛ́ sɛ̀ musu, à gbɛ̃nɔn aakɔ̃ è zɛna. Kũ à ń é lɛ, akũ à fùtɛ kpɛ́lɛlɛa kũ bàao à gɛ̀ɛ à dàńlɛ à wùtɛ a nɛ̀sɛlɛ kutɛna
428	GEN 18:3	à pì: Dikiri, tó ma n pɔnna lè, ǹsun gɛ̃ makũ n zɔ̀blerilaro.
451	GEN 18:26	Akũ Dikiri pì: Tó ma gbɛ̃ mananɔ è Sɔdɔmu gbɛ̃nɔn bupla akuri, mani sùru kɛ kũ wɛ̃tɛ pìio ń yãi.
453	GEN 18:28	Tó gbɛ̃nɔn sɔɔro kĩ̀a gbɛ̃nɔn bupla akurii pìi gũn, gbɛ̃nɔn sɔɔro pìnɔ yãi ĩni wɛ̃tɛ pì kakatɛ yá? Akũ Dikiri pì: Tó ma gbɛ̃ mananɔ è gbɛ̃nɔn bupla awɛɛsɔɔro, mani wɛ̃tɛ pì kakatɛro.
455	GEN 18:30	Akũ à pì: Dikiri, n yã nna! Ǹsun pɔ fɛ̃ro, má ye mà yã o dɔ. Tó gbɛ̃ mananɔ kà baraakuri sɔ̃ bi? À wèa à pì: Tó ma gbɛ̃ mananɔ è ò kà gbɛ̃nɔn baraakuri, mani yãke kɛro.
456	GEN 18:31	Akũ à pì: Ǹ gaafara kɛmɛnɛ dɔ Dikiri, mà yã onnɛ. Tó gbɛ̃ mananɔ kà gbɛ̃nɔn baro sɔ̃ bi? À wèa à pì: Mani wɛ̃tɛ pì kakatɛro gbɛ̃nɔn baro pìnɔ yãi.
457	GEN 18:32	Akũ à pì: Dikiri, ǹsun pɔ fɛ̃ro, yã díkĩna baasi mani yã o doro. Tó gbɛ̃ mananɔ kà gbɛ̃nɔn kuri sɔ̃ bi? À wèa à pì: Mani wɛ̃tɛ pì kakatɛro gbɛ̃nɔn kurii pìnɔ yãi.
477	GEN 19:19	Makũ n zɔ̀bleri ma n pɔnna lè, n gbɛ̃kɛ kɛ̀mɛnɛ manamana n ma mìi sì. Ama mani fɔ̃ mà bàa lɛ́ mà kpi pìnɔ kĩnaa lero. Ari màgɔ̃ gɛ́ ká gwe, kakatɛnaa pì ni ma le mà ga.
481	GEN 19:23	Kũ Lutu Zoa lè, ifãntɛ̃ tɛn bo,
486	GEN 19:28	Kũ à Sɔdɔmu kũ Gɔmɔrao kpa gwà kũ guvutɛ pìio pínki, à è túsukpɛ tɛn futɛ zĩtɛ lán tãmatɛ túsukpɛ bà.
490	GEN 19:32	Ǹ mɔ́ ò sèwɛ̃ kákanɛ ó wútɛ kãao, de ògɔ̃ ó buri le a gãi.
500	GEN 20:4	À sù à lè Abimɛlɛki dí wútɛ kãao kɔ̀ro, akũ à pì: Dikiri, ĩni buri kũ odi yãke kɛronɔ dɛdɛn yá?
507	GEN 20:11	Ibrahĩ wèa à pì: Matɛn da yã gbɛ̃ke Luda vĩna vĩ bùsu díkĩna gũnlo, oni ma dɛ ma nanɔ yãimɛ.
523	GEN 21:9	Sara è nɛ́ kũ Misila nɔgbɛ̃ Hazara ì kũ Ibrahĩo dìgɔ̃ Isaaku yáa dɔmɛ,
533	GEN 21:19	Luda nɔgbɛ̃ pì wɛ́ kɛ̃̀nɛ, akũ à lɔ̀gɔɔ è. À gɛ̀ɛ à í tɔ̀ a tùru pa, akũ à sù à kpà a nɛ́ pìia à mì.
544	GEN 21:30	Akũ à wèa à pì: Ǹ sã mɛ̀n suppla pìnɔ sí sèeda ũ kũ makũ mɛ́ ma lɔ̀gɔɔ pìi yɔ̃̀.
549	GEN 22:1	Abire gbɛra Luda Ibrahĩ yɔ̃̀ à gwà à pìnɛ: Ibrahĩ! Akũ à wèa à pì: Makũ di!
552	GEN 22:4	A gɔrɔ aakɔ̃de zĩ kũ à wɛ́ sɛ̀, à gu pìi è zãa.
555	GEN 22:7	Akũ Isaaku yã ò a denɛ à pì: Baa! À wèa à pì: Bɔ́mɛ nɛ́? Akũ à pìnɛ: Ó tɛ́ kũna kũ yàkaao, sãnɛ bɔ̀rɔ kũ óni ká tɛ́n à tɛ́ kũ kú mámɛɛ?
559	GEN 22:11	akũ Dikiri Malaika lɛ́ zùi zaa musu à pì: Ibrahĩ! Ibrahĩ! À wèa à pì: Makũ di!
561	GEN 22:13	Ibrahĩ wɛ́ sɛ̀, akũ à sãkaroo è líwaka kà a bɛ̃nɛi. Akũ à gɛ̀ɛ à a kũ̀ à sa'opɔ kũ òdi ká tɛ́n à tɛ́ kũ òo a nɛ́ gɛ̃nɛ ũ.
616	GEN 24:24	Akũ à wèa à pì: Bɛtuɛli nɛ́n ma ũ, Milika kũ Nao daikore.
621	GEN 24:29	Rɛbɛka pì dãgɔ̃ vĩ kũ òdi pinɛ Labã. À bò wɛ̃tɛ kpɛ kũ bàao à gɛ̀ɛ à gɔ̃gbɛ̃ pìi lè lɔ̀gɔ lɛ́a,
622	GEN 24:30	zaakũ à è a dãre tãnka kũ zão dana, akũ à yã kũ gɔ̃gbɛ̃ pìi ònɛɛ mà. Kũ à gɛ̀ɛ à a lè kũ lakuminɔ lɔ̀gɔ lɛ́a,
632	GEN 24:40	À wèma à pì, Dikiri kũ a táa ò kãao mɛ́ ani a Malaika zĩ à gɛ́ zɛmɛnɛ, de ma tá kɛ nna, mani nɔ sɛ́ a nɛ́nɛ a de bɛ danɛnɔ tɛ́.
642	GEN 24:50	Labã kũ Bɛtuɛlio wèa ò pì: Yã pìi bò Dikiri kĩnaamɛ, ó yãke ona vĩro, a mana ke a vãni.
646	GEN 24:54	Akũ àpii kũ gbɛ̃ kũ ò kú kãaonɔ pɔ́ blè ò í mì, akũ ò ì gwe. Kũ ò fùtɛ kɔnkɔ à pì: À ma gbarɛ mà tá ma dikiri kĩnaa.
654	GEN 24:62	A sù à lè Isaaku sù kũ lɔ̀gɔ kũ òdi pi Ludabɛ̃nɛkũadima'eo à vùtɛ Nɛgɛvi bùsun.
655	GEN 24:63	À bò à gɛ̀ɛ à laasun lɛ́ sɛ̃̀n ɔkɔsi, akũ kũ à wɛ́ sɛ̀, à è lakuminɔ tɛn su.
656	GEN 24:64	Rɛbɛka wɛ́ sɛ̀ à Isaaku è se, akũ à kìpa a lakumi kpɛ likalika
657	GEN 24:65	à zĩkɛrii pìi là à pì: Dín gɔ̃gbɛ̃ kũ àtɛn kure sɛ̃̀n àtɛn su daolɛ zã̀ dire ũu? Akũ zĩkɛrii pìi wèa à pì: Ma dikiriimɛ. Akũ Rɛbɛka a pɔ́dangãnn sɛ̀ à kù a ãnnwa.
693	GEN 25:34	Akũ Yakubu burodii kpàa kũ bládoo pìio. À blè à í mì, akũ à fùtɛ à bò. Lɛmɛ Isau kɛ̀ lɛ, à a daudukɛzɛ dìtɛ pã.
701	GEN 26:8	Kũ a gɔrɔ pla kɛ̀ gwe, Filisitininɔ kí Abimɛlɛki wɛ́ kpàtɛ wondoo gũn, akũ à è Isaaku tɛn bã̀ndara gá kũ a nanɔo.
702	GEN 26:9	Akũ à Isaaku sìsi à pì: Ase n nanɔmɛɛ! À kɛ̀ dera n pì n dãremɛɛ? À wèa à pì: Matɛn da oni ma dɛ a yãimɛ.
705	GEN 26:12	Isaaku pɔ́ tɔ̃̀ bùsuu pìn, akũ à pɔ́ lè wɛ̃̀ birea lɛu basɔɔro, kũ Dikiri arubarikaa dàn yãi.
721	GEN 26:28	Ò wèa ò pì: O è Dikiri kú kũnwo, akũ o pì à mana ò lɛ́dokɔ̃nɔ kɛ ò la dakɔ̃nɛ a yã musu
723	GEN 26:30	Akũ Isaaku ń yàrii kɛ̀, ò pɔ́ blè ò í mì.
725	GEN 26:32	Zĩ birea Isaaku gbɛ̃nɔ sù ò lɔ̀gɔ kũ ò yɔ̃̀ yã ònɛ ò pì: O í è.
729	GEN 27:1	Isaaku zĩ kũ̀ a wɛ́ gbãna doro, àtɛn gu e manaro. Akũ à a dauduu sìsi à pì: Nɛ́! Akũ à wèa à pì: Makũ dí.
737	GEN 27:9	Ǹ gɛ́ blè kpàsaa gũn ǹ blènɛ mana kũ mɛ̀n pla ǹ suo. Mani n de pɔyeina dòo kukunɛ,