24	GEN 1:24	Akũ Luda pì: Pɔ́ wɛ̃̀ndidenɔ bɔtɛ zĩtɛ, bɛ pɔ́kãdenɔ kũ pɔ́ kũ òdi táa o kũ kùaonɔ kũ nɔ̀bɔsɛ̃ntɛnɔ, baadi kũ a burio. Akũ à kɛ̀ lɛ.
25	GEN 1:25	Luda nɔ̀bɔsɛ̃ntɛnɔ kɛ̀ baadi kũ a burio. À bɛ pɔ́kãdenɔ kɛ̀ baadi kũ a burio. À pɔ́ kũ òdi táa o kũ kùaonɔ kɛ̀ baadi kũ a burio. Akũ à è à kɛ̀ mana.
26	GEN 1:26	Akũ Luda pì: Ò bisãsiri kɛ ó taka ũ, ògɔ̃ de lán ó bà, ògɔ̃ kí ble kpɔ̀nɔa kũ bãnɔ kũ bɛ pɔ́kãdenɔ kũ nɔ̀bɔsɛ̃ntɛnɔ kũ pɔ́ kũ òdi táa o kũ kùaonɔ pínki.
30	GEN 1:30	Ma sɛ̃̀nɔ kũ lánɔ kpà pɔ́ wɛ̃̀ndidenɔa pínki ń pɔ́ble ũ, nɔ̀bɔnɔ kũ bãnɔ kũ pɔ́ kũ òdi táa o kũ kùaonɔ pínki. Akũ à kɛ̀ lɛ.
38	GEN 2:7	Dikiri Luda gɔ̃gbɛ̃ í kàsa kũ bùsutitio, akũ à ĩa wɛ̃̀ndide vù a yĩn, akũ gɔ̃gbɛ̃ pìi gɔ̃̀ gbɛ̃ bɛ̃nɛ ũ.
40	GEN 2:9	Dikiri Luda tò lí buri sĩnda pínki bùtɛ zĩtɛ. Lí pìnɔ kɛ̀ mana, akũsɔ̃ ń nɛ́ blena nna. Lí wɛ̃̀ndide kú dàkoo pìi dagura. Lí kũ àdi dɔ̃na mana kũ a vãnio ińnɛ kú gwe dɔ.
42	GEN 2:11	A káaku tɔ́n Pisɔ̃, àkũ mɛ́ à lika Avila bùsuui pínki. Wura kú bùsuu pìi gũn,
44	GEN 2:13	Swa pì ɔnɛ plade tɔ́n Giɔ̃, à lika Kusu bùsuui pínki.
45	GEN 2:14	A ɔnɛ aakɔ̃de tɔ́n Tigiri, a dɔ̀rɔɔ tà Asiria bùsu ifãboki kpa. Swa pì ɔnɛ siikɔ̃de tɔ́n Yuflati.
50	GEN 2:19	Akũ Dikiri Luda bùsuu sɛ̀ à nɔ̀bɔnɔ kɛ̀o pínki kũ bãnɔ pínki, akũ à sù kũńwo gɔ̃gbɛ̃ pì kĩnaa de à e deran ani tɔ́ kpáńnɛ nà. Tɔ́ kũ gɔ̃gbɛ̃ pìi kpà pɔ́ wɛ̃̀ndide pìnɔnɛ pínki gɔ̃̀ ń tɔ́ ũ.
64	GEN 3:8	Kũ gɔ̃gbɛ̃ kũ a nanɔo Dikiri Luda kĩni mà àtɛn kure dàkoo pìi gũn ɔkɔsi, akũ ò ùtɛnɛ dàkoo pì lán.
65	GEN 3:9	Akũ Dikiri Luda lɛ́ zù gɔ̃gbɛ̃i à pì: Ń kú mámɛɛ?
70	GEN 3:14	Akũ Dikiri Luda pì mlɛ̃̀ɛnɛ: Kũ n kɛ̀ lɛ, ĩnigɔ̃ láaribona pɔ́ ũ de bɛ pɔ́kãdenɔ kũ nɔ̀bɔsɛ̃ntɛnɔla pínki, ĩnigɔ̃ táa o n kùua, bùsutitin ĩnigɔ̃ ble ari n wɛ̃̀ndi lɛ́n.
75	GEN 3:19	Ísimmawaranaa gũnn ĩni pɔ́ble en ari ǹ ɛra ǹ gɛ̃o bùsun, zaakũ gwen ma n bon. Bùsutitimɛ n ũ, ĩni ɛra ǹ gɔ̃ bùsutiti pìi ũmɛ.
83	GEN 4:3	Zĩkea Kainu sù kũ a burapɔnɔo gba ũ Dikirinɛ.
84	GEN 4:4	Habila sɔ̃ à sù kũ a sãnɛ káaku mɛ̀kpanaao. Habila yã kà Dikirigu, akũ à a gba sì.
88	GEN 4:8	Akũ Kainu pì a dakũna Habilanɛ: Ò gɛ́ sɛ̃̀n. Kũ ò kà gwe, akũ à fùtɛ a dakũnai à a dɛ̀.
96	GEN 4:16	Akũ Kainu dà zɛ́n à kɛ̃̀ Dikiria. À gɛ̀ɛ à vùtɛ Nɔdu bùsun Ɛdɛni ifãboki kpa.
97	GEN 4:17	Kainu wùtɛ kũ a nanɔo, akũ à nɔ̀ɔ sì à Ɛnɔku ì. A gbɛra Kainu wɛ̃tɛ kàtɛ, akũ à a nɛ́ pì tɔ́ kpà wɛ̃tɛ pìinɛ.
105	GEN 4:25	Adamu wùtɛ kũ a nanɔo dɔ, akũ à nɛ́gɔ̃gbɛ̃ ì. À tɔ́ kpànɛ Sɛti à pì, Luda a gba nɛ́ pãnde Habila kũ Kainu a dɛ̀ gɛ̃nɛ ũmɛ.
130	GEN 5:24	À táa ò kũ Ludao, akũ ò kùrai, kũ Luda a sɛ̀ à bò kãao andunia gũn yãi.
145	GEN 6:7	akũ à pì: Mani bisãsiri kũ ma kɛ̀ zĩtɛ wara, bisãsirinɔ kũ nɔ̀bɔnɔ kũ pɔ́ kũ òdi táa o kũ kùaonɔ kũ bãnɔo, zaakũ ma pɔ yàka ń kɛna yã musu.
158	GEN 6:20	Bã burinɔ kũ nɔ̀bɔ burinɔ kũ pɔ́ kũ òdi táa o kũ kùao burinɔ pínki oni su n kĩnaa mɛ̀n plapla de ògɔ̃ kun.
168	GEN 7:8	Akũ nɔ̀bɔ kũ ò de sa'opɔ ũnɔ kũ nɔ̀bɔ kũ òdi sa ooronɔ kũ bãnɔ kũ pɔ́ kũ òdi táa o kũ kùaonɔ
169	GEN 7:9	sù Nuhu kĩnaa gó gũn mɛ̀n plapla da kũ a sàao lákũ Luda ònɛɛ nà.
174	GEN 7:14	kũ nɔ̀bɔsɛ̃ntɛnɔ pínki ń buria kũ bɛ pɔ́kãdenɔ pínki ń buria kũ pɔ́ kũ òdi táa o kũ kùaonɔ pínki ń buria kũ pɔ́ vurananɔ pínki ń buria, bãnɔ kũ pɔ́ dɛ̀mbɛrɛdenɔ pínki.
175	GEN 7:15	Pɔ́ kũ òdi wesa bonɔ sù Nuhu kĩnaa gó gũn buri kũ burio mɛ̀n plapla.
178	GEN 7:18	Í fùtɛ à kàra manamana à dà zĩtɛla, akũ gó pì fù íla.
180	GEN 7:20	Í fùtɛ à dà kpi pìnɔla ari gã̀sãkuru gɛ̃ro.
181	GEN 7:21	Pɔ́ wɛ̃̀ndide kũ òdi táa o zĩtɛnɔ gàga pínki, bãnɔ kũ bɛ pɔ́kãdenɔ kũ nɔ̀bɔsɛ̃ntɛnɔ kũ pɔ́ kũ òdi táa o kũ kùaonɔ kũ bisãsirinɔ ń pínki.
183	GEN 7:23	Luda pɔ́ wɛ̃̀ndide kũ ò kú sĩ̀sĩanɔ kàkatɛ pínki. À bisãsirinɔ kũ nɔ̀bɔnɔ kũ pɔ́ kũ òdi táa o kũ kùaonɔ kũ bãnɔ kàkatɛ andunia gũn. Nuhu mɛ́ à bò ado kũ pɔ́ kũ ò kú kãao gó gũnnɔ.
193	GEN 8:9	Kũ potɛ̃nɛ dí diki lero, akũ a ɛ̀ra à sù Nuhu kĩnaa gó gũn, zaakũ í da anduniala pínkimɛ. Nuhu ɔ bò à a kũ̀ à gɛ̃̀o gó gũn.
195	GEN 8:11	Potɛ̃nɛ pìi ɛ̀ra à sù à kĩnaa ɔkɔsi à kù lá kɛ̃̀ à kpá a lɛ́i. Akũ Nuhu dɔ̃ kũ í làgo zĩtɛa.
196	GEN 8:12	À kámma bò gɔrɔ suppla dɔ, akũ à ɛ̀ra à potɛ̃nɛ pìi gbàrɛ, adi ɛra à sù a kĩnaa doro.
201	GEN 8:17	Ǹ pɔ́ wɛ̃̀ndide kũ ò kú kũnwonɔ bɔtɛ pínki, bãnɔ kũ nɔ̀bɔnɔ kũ pɔ́ kũ òdi táa o kũ kùaonɔ pínki, de ò fãkɔ̃a zĩtɛ ògɔ̃ nɛ́ i ògɔ̃ kara andunia gũn.
203	GEN 8:19	Nɔ̀bɔnɔ pínki kũ pɔ́ kũ òdi táa o kũ kùaonɔ pínki kũ bãnɔ pínki kũ pɔ́ kũ òdi táa o zĩtɛnɔ pínki bɔ̀tɛ gó gũn buri kũ burio.
208	GEN 9:2	Nɔ̀bɔnɔ kũ bãnɔ kũ pɔ́ kũ òdi táa o kũ kùaonɔ kũ kpɔ̀nɔ nigɔ̃ á vĩna vĩ pínki. Ma ń náárɛ á ɔĩ.
210	GEN 9:4	Ama àsun nɔ̀bɔ kũ odi a kùtu kpáro sóro, zaakũ a arumɛ a wɛ̃̀ndi ũ.
229	GEN 9:23	Akũ Sɛmu kũ Yafɛtio uta zɔ̃kɔ̃ɔ sɛ̀ ò dì ń gã̀aa ń pla ò táa ò kũ kpɛo. Ń arɛ dɔna gu pãndea de òsun ń de pótompo ero yãi, ò gɛ̀ɛ ò kù ń de pótompola.
230	GEN 9:24	Kũ wɛ̃ wère Nuhua à vù, à mà lákũ a nɛ́ kpɛde kɛ̀arɛ nà,
240	GEN 10:5	Buri pìnɔ mɛ́ ò dàgula ísira gɛrɛɛi, ò kɔ̃ kpàatɛtɛ bùsu kũ bùsuuo buri kũ burio danɛdanɛ, baadi kũ a buriyão.
245	GEN 10:10	Babilɔnia bùsu kũ à kí blèa káaku wɛ́ranɔmɛ Babɛli kũ Ɛrɛkio kũ Akadao kũ Kalanɛo ũ.
246	GEN 10:11	Bona gwe à gɛ̀ɛ Asiria bùsun, akũ à Ninɛva kàtɛ kũ Reobo'irio kũ Kalao
254	GEN 10:19	Ń bùsu lɛ́zɛkin dí. Bona zaa Sidɔ̃ gɛna Gera kũ à kú Gaza sarɛ ari Sɔdɔmu kũ Gɔmɔrao kũ Adamao kũ Zeboimu kũ à kú Lasa sarɛo.
255	GEN 10:20	Hamu nɛ́gɔ̃gbɛ̃nɔn gwe buri kũ burio bùsu kũ bùsuuo danɛdanɛ, baadi kũ a buriyão.
265	GEN 10:30	Bona Mɛsa gɛna Sefa kũ kpi kũ ò kú ifãboki kpanɔ, àkũmɛ ń bùsu ũ.
266	GEN 10:31	Sɛmu nɛ́gɔ̃gbɛ̃nɔn gwe pínki buri kũ burio bùsu kũ bùsuuo danɛdanɛ, baadi kũ a buriyão.
267	GEN 10:32	Nuhu nɛ́gɔ̃gbɛ̃nɔ burinɔn gwe danɛdanɛ bùsu kũ bùsuuo. Ń kĩnaan andunia buri sĩnda pínki bòn ò dàgula í dana anduniala gbɛra.
269	GEN 11:2	Lákũ gbɛ̃nɔ tɛn sɔ̃sɔ̃ ifãboki kpa nà, kũ ò kà Babilɔnia bùsu gusaran, akũ ò vùtɛ gwe.
295	GEN 11:28	Arana gà a de Tera wára zaa Urumɛ Kaladia bùsun, gu kũ ò a ìn.
298	GEN 11:31	Akũ Tera a nɛ́ Abramu kũ a daikore Lutuo kũ Abramu nanɔ Saraio sɛ̀ bona Uru, Kaladia bùsun, òtɛn gɛ́ Kanaanɔ bùsun. Kũ ò kà Arana, ò vùtɛ gwe.
300	GEN 12:1	Dikiri pì Abramunɛ: Ǹ bo n bùsun n danɛnɔ tɛ́ n de bɛa, ǹ tá bùsu kũ mani mɔnnɛn.
305	GEN 12:6	akũ ò gɛ̃̀tɛ bùsuu pìn ari ò kà Mɔre gbiri lí kĩnaa Sɛkɛmu. Kanaanɔn kú bùsuu pìn gɔrɔ birea.
306	GEN 12:7	Akũ Dikiri bò à sù Abramua à pì: Mani bùsu dí kpá n burinɔamɛ. Akũ à Dikiri gbagbaki bò gwe.
307	GEN 12:8	Kũ à fùtɛ gwe, à mìi pɛ̀ kpi kũ ò kú Bɛtɛli ifãboki kpanɔa, akũ à bùraa kàtɛ gwe, Bɛtɛli kú ifãlɛtɛ kpa, Ai kú ifãboki kpa. À Dikiri gbagbaki bò gwe dɔ, akũ à a sìsi.
309	GEN 12:10	Kũ nàa kà bùsuu pìn, akũ Abramu gɛ̀ɛ gɔrɔ pla kɛ Misila, zaakũ nàa pìi gɛ̃̀ ɔla.
315	GEN 12:16	Akũ à Abramu gwà manamana a yãi, à sãnɔ kpàa kũ zùnɔ kũ zaakinɔ kũ gɔ̃gbɛ̃ zĩkɛrinɔ kũ nɔgbɛ̃ zĩkɛrinɔ kũ lakuminɔo.
320	GEN 13:1	Akũ Abramu bò Misila à sù Nɛgɛvi kũ a nanɔo kũ a aruzɛkɛnɔ pínki kũ Lutuo.
322	GEN 13:3	Bona Nɛgɛvi à sɔ̃̀sɔ̃ gu kũ guo ari à gɛ̀ɛ à kào Bɛtɛli, gu kũ à bùraa kàtɛn káaku Bɛtɛli dagura kũ Aio,
324	GEN 13:5	Lutu dìgɔ̃ tɛ́ kũ Abramuo lɛɛlɛ. À sãnɔ kũ zùnɔ kũ bizakutanɔ vĩ se.
326	GEN 13:7	Akũ lɛ́kpakɔ̃a gɛ̃̀ Abramu pɔ́dãrinɔ kũ Lutu pɔ́dãrinɔ dagura. Zĩ kũ̀a sɔ̃ Kanaanɔ kũ Pɛrizinɔn kú bùsuu pìn.
328	GEN 13:9	Ǹ bùsu gwa da n arɛ pínki. Ò kɛ̃kɔ̃a. Tó n gɛ ɔzɛi, mani gɛ́ ɔplai. Tó n gɛ ɔplaimɛ sɔ̃, mani gɛ́ ɔzɛi.
329	GEN 13:10	Kũ Lutu gu gwà, à è Yoda guvutɛ pínki mɔtɔ vĩ manamana. Ari Dikiri gɔ̃ gɛ́ Sɔdɔmu kũ Gɔmɔrao kakatɛ, guvutɛ pì de lán Dikiri swadakoo bà, lán Misila bùsuu bà, ari à gɛ̀ɛ pɛ́ Zoaa.
331	GEN 13:12	Abramu gɔ̃̀ Kanaanɔ bùsun, Lutu sɔ̃ à kú Yoda guvutɛ wɛ̃tɛnɔ dagura. À bùraa kàtɛ Sɔdɔmu sarɛ.
335	GEN 13:16	Mani tó n burinɔ kɛ dasi lán bùsu'atɛ̃ bà. Tó gbɛ̃ke ni fɔ̃ à bùsu'atɛ̃ naro, de ani fɔ̃ à n burinɔ naro.
336	GEN 13:17	Ǹ futɛ ǹ gɛ̃ bùsuu pìn ǹ a gbã̀na kũ a yàasaao gwa, zaakũ ma kpàmmamɛ.
337	GEN 13:18	Abramu fùtɛ à gɛ̀ɛ à vùtɛ Mamare gbiri lí kũ ò kú Ɛblɔnunɔ sarɛ, akũ à Dikiri gbagbaki bò gwe.
338	GEN 14:1	Zĩkea Babilɔnia bùsu kína Amarafɛli kũ Ɛlasa bùsu kína Ariɔkio kũ Elamu bùsu kína Kɛdɔlaomɛɛo kũ Goimu bùsu kína Tidalao
342	GEN 14:5	A wɛ̃̀ gɛ̃ro donsaride gũnn Kɛdɔlaoma kũ kína kũ ò kú kãaonɔ sù ò zĩ̀i blè Rɛfaimunɔa zaa Asɛtɛro Kanaimu, ò zĩ̀i blè Zuzinɔa zaa Hamu, ò zĩ̀i blè Ɛminɔa zaa Save Kiriataimu,
344	GEN 14:7	Akũ ò ɛ̀ra ò sù Ɛmisipa. Àkũ òdi pi tera Kadɛsi. Ò zĩ̀i blè Amalɛki bùsuua pínki kũ Amɔri buri kũ ò kú Azazɔ̃ Tamanɔa dɔ.
345	GEN 14:8	Akũ Sɔdɔmu kína kũ Gɔmɔra kínao kũ Adama kínao kũ Zeboimu kínao kũ Bɛla kũ òdi pi tera Zoa kínao fùtɛ ò gɛ̀ɛ ò zĩ̀ ká kũńwo Sidimu guvutɛn.
346	GEN 14:9	Òtɛn zĩ̀ ká kũ Elamu bùsu kínao kũ Goimu bùsu kínao kũ Babilɔnia bùsu kínao kũ Ɛlasa bùsu kínao. Kína gbɛ̃nɔn siikɔ̃ pìnɔ tɛn zĩ̀ ká kũ kína gbɛ̃nɔn sɔɔronɔ.
353	GEN 14:16	À ɛ̀ra à sù kũ aruzɛkɛ pìnɔ pínki kũ a vĩ̀ni nɛ́ Lutuo kũ a aruzɛkɛnɔ. À sù kũ nɔgbɛ̃nɔo kũ gbɛ̃ pãndenɔ dɔ.
355	GEN 14:18	Akũ Salɛmu kína Mɛlɛkizɛdɛki sù kũ burodiio kũ sèwɛ̃o. Àpi bi Luda Musude gbàgbariimɛ.
368	GEN 15:7	À pìnɛ dɔ: Dikirimɛ ma ũ, makũ mɛ́ ma n bo Uru, Kaladia bùsun, de mà bùsu díkĩna kpámma yãi.
370	GEN 15:9	À wèa à pì: Ǹ zùnunu wɛ̃̀ aakɔ̃ sɛ́ kũ blè wɛ̃̀ aakɔ̃o kũ sãkaro wɛ̃̀ aakɔ̃o kũ potɛ̃nɛtɛ̃nnao kũ lukulukuuo.
371	GEN 15:10	Akũ à pɔ́ pìnɔ sɛ̀ à sùo pínki à pàrapara à gògokɔ̃a, akũ à kàtɛ à ń arɛ dɔ̀dɔkɔ̃a, ama adi bãnɔ parapararo.
372	GEN 15:11	Kũ yumburukunɔ sù ò dìdi nɔ̀bɔɔ pìnɔa, akũ Abramu pɛ̀ḿma.