6	GEN 1:6	Akũ Luda pì: Sarapura gɔ̃ kú ínɔ dagura de à í pìnɔ kɛ̃kɔ̃a.
7	GEN 1:7	Akũ à sarapura kɛ̀ lɛ, à í kũ à kú sarapura gbáru kɛ̃̀kɔ̃a kũ í kũ à kú a musuo.
9	GEN 1:9	Akũ Luda pì: Í kũ à kú zĩtɛ kakara gu dokɔ̃nɔ, gukori bo. Akũ à kɛ̀ lɛ.
14	GEN 1:14	Akũ Luda pì: Pɔ́ gupurakũrinɔ gɔ̃ kú musu ògɔ̃ fãnantɛ̃ kɛ̃kɔ̃a kũ gwãanio, ògɔ̃ wɛ̃̀ sèedanɔ kũ gɔrɔnɔ kũ wɛ̃̀nɔ mɔńnɛ.
15	GEN 1:15	Ògɔ̃ kú pɔ́ gupurakũrinɔ ũ musu de ògɔ̃ andunia pura kũ. Akũ à kɛ̀ lɛ.
29	GEN 1:29	Akũ Luda pì: Pɔ́ wɛ́de kũ ò kú zĩtɛnɔn ma kpàáwa á pɔ́ble ũ pínki kũ lí nɛ́denɔ pínki.
40	GEN 2:9	Dikiri Luda tò lí buri sĩnda pínki bùtɛ zĩtɛ. Lí pìnɔ kɛ̀ mana, akũsɔ̃ ń nɛ́ blena nna. Lí wɛ̃̀ndide kú dàkoo pìi dagura. Lí kũ àdi dɔ̃na mana kũ a vãnio ińnɛ kú gwe dɔ.
41	GEN 2:10	Swa kú Ɛdɛni àdigɔ̃ mɔtɔ pisi dàkoo pìia. Bona gwe à ɔnɛ kɛ̀ siikɔ̃.
42	GEN 2:11	A káaku tɔ́n Pisɔ̃, àkũ mɛ́ à lika Avila bùsuui pínki. Wura kú bùsuu pìi gũn,
43	GEN 2:12	wuraa pì mana. Gbɛ̀ bɛ̀ɛrɛdenɔn kú gwe dɔ.
56	GEN 2:25	Gɔ̃gbɛ̃ kũ a nanɔo kú pótompo ń pla ń pínki, wé'i sɔ̃ àdi ń kũro.
59	GEN 3:3	ama lí kũ à kú dàkoo pìi guragura, Luda pì òsun a nɛ́ blero òsun ɔ naa sero, de òsun garo yãi.
65	GEN 3:9	Akũ Dikiri Luda lɛ́ zù gɔ̃gbɛ̃i à pì: Ń kú mámɛɛ?
68	GEN 3:12	À wèa à pì: Nɔgbɛ̃ kũ n kpàma àgɔ̃ kú kũmao mɛ́ à lí pì nɛ́ kpàma ma blè.
72	GEN 3:16	Akũ à pì nɔgbɛ̃nɛ: Mani n nɔ̀sinaa wari karannɛ, ĩnigɔ̃ nɛ́ i kũ wãwão. N zã ni nigɔ̃ kúmmamɛ, anigɔ̃ kí ble n musu.
82	GEN 4:2	Akũ à a dakũna Habila ì dɔ. Habila kɛ̀ sãdãri ũ, Kainu sɔ̃ à kɛ̀ búbari ũ.
92	GEN 4:12	Tó n bú bà, zĩtɛ ni kararo. Ĩnigɔ̃ sɔ̃sɔ̃ gu kũ guo ǹgɔ̃ likara andunia gũn.
95	GEN 4:15	Akũ Dikiri pìnɛ: Lɛnlo! Tó gbɛ̃ n dɛ, oni mɔra káa gɛ̃̀n supplamɛ. Akũ Dikiri wãnzãn ke kɛ̃̀ Kainua, de gbɛ̃ kũ à kpàkũn kãao sún a dɛro yãi.
100	GEN 4:20	Ada Yabala ì. Àkũmɛ pɔ́dãri kũ òdigɔ̃ kú bizakuta gũnnɔ dizi káaku ũ.
101	GEN 4:21	A dakũna tɔ́n Yubala. Àkũmɛ mɔrɔlɛrinɔ kũ úrapɛrinɔ dizi káaku ũ.
141	GEN 6:3	Akũ Dikiri pì: Ma Nini nigɔ̃ kú bisãsirinɔ gũn gɔrɔ sĩnda pínkiro, zaakũ mɛ̀barademɛ. Ń gɔrɔnɔ nigɔ̃ wɛ̃̀ basuddomɛ.
142	GEN 6:4	Gbɛ̃ gbã̀nanɔn kú andunia gũn gɔrɔ birea kũ gɔrɔ bire gbɛrao dɔ, gɔrɔ kũ Luda nɛ́ pìnɔ bisãsiri nɛ́nɔgbɛ̃nɔ dɔ̃̀ nɔgbɛ̃nɔ ũ ò nɛ́nɔ ì kũńwo. Ń nɛ́ pìnɔmɛ gɔ̃sa gbãna kũ ń tɔ́ bò zaa káakunɔ ũ.
155	GEN 6:17	Makũ sɔ̃ mani tó í da anduniala, de mà pɔ́ wɛ̃̀ndide kũ òdi wesa bonɔ kakatɛ ń pínki. Pɔ́ kũ ò kú andunia gũnnɔ ni gaga pínki.
156	GEN 6:18	Ama ma bàka nigɔ̃ kú kũnwo. Ĩni gɛ̃ gó pìi gũn kũ n nɛ́gɔ̃gbɛ̃nɔ kũ n nanɔo kũ n nɛ́nɔ nɔnɔo.
163	GEN 7:3	Ǹ bãnɔ sɛ́ ǹ gɛ̃ kũńwo dɔ da kũ a sàao mɛ̀n supplapla de ń burinɔ gɔ̃ kú andunia gu sĩnda pínkia.
171	GEN 7:11	Nuhu wɛ̃̀ wàa aakɔ̃de gũn a mɔ plade gɔrɔ gɛ̃ro awɛɛplade zĩ, akũ í kũ à kú zĩtɛ gbárunɔ pũ̀tã pínki, akũ ludambɛ guforonɔ fɔ̃̀.
179	GEN 7:19	Í kàra à dà zĩtɛla lái, à dà kpi lei kũ ò kú andunia gũnnɔla míɔmiɔ.
182	GEN 7:22	Pɔ́ kũ òdi wesa bo kũ ò kú sĩ̀sĩanɔ gàga pínki.
183	GEN 7:23	Luda pɔ́ wɛ̃̀ndide kũ ò kú sĩ̀sĩanɔ kàkatɛ pínki. À bisãsirinɔ kũ nɔ̀bɔnɔ kũ pɔ́ kũ òdi táa o kũ kùaonɔ kũ bãnɔ kàkatɛ andunia gũn. Nuhu mɛ́ à bò ado kũ pɔ́ kũ ò kú kãao gó gũnnɔ.
185	GEN 8:1	Nuhu kũ nɔ̀bɔsɛ̃ntɛnɔ kũ bɛ pɔ́kãde kũ ò kú kãao gó gũnnɔ pínki yã dɔ̀ Ludan. Kũ à ĩa gbàrɛ zĩtɛa, akũ í nà babanaaa.
186	GEN 8:2	Í kũ ò kú zĩtɛ gbárunɔ kũ ludambɛ guforonɔ tàta, akũ legũ kɛ̃̀.
201	GEN 8:17	Ǹ pɔ́ wɛ̃̀ndide kũ ò kú kũnwonɔ bɔtɛ pínki, bãnɔ kũ nɔ̀bɔnɔ kũ pɔ́ kũ òdi táa o kũ kùaonɔ pínki, de ò fãkɔ̃a zĩtɛ ògɔ̃ nɛ́ i ògɔ̃ kara andunia gũn.
215	GEN 9:9	Ma bàka nigɔ̃ kú kãáo kũ á burinɔ
216	GEN 9:10	kũ pɔ́ wɛ̃̀ndide kũ ò kú kãáo kũ ò bò gó gũnnɔ pínki, bãnɔ kũ bɛ pɔ́kãdenɔ kũ nɔ̀bɔsɛ̃ntɛnɔ kũ pɔ́ kũ ò kú zĩtɛanɔ pínki.
217	GEN 9:11	Ma bàka nigɔ̃ kú kãáo. Mani í da anduniala mà pɔ́ wɛ̃̀ndidenɔ kakatɛ pínki doro. Í ni da anduniala à a kakatɛ doro.
218	GEN 9:12	Akũ Luda ɛ̀ra à pì: Ma bàka nigɔ̃ kú kãáo kũ pɔ́ wɛ̃̀ndide kũ ò kú kãáonɔ ari gɔrɔ sĩnda pínkimɛ. A sèedaan dí.
221	GEN 9:15	lákũ ma bàka kú kãáo nà kũ pɔ́ wɛ̃̀ndide buri sĩnda pínkio, a yã ni dɔmagu. Mani tó í da anduniala à pɔ́ wɛ̃̀ndide kakatɛ pínki doro.
223	GEN 9:17	Akũ Luda pì Nuhunɛ: Ma bàka kunna kũ pɔ́ wɛ̃̀ndide kũ ò kú andunia gũnnɔ pínki sèedaan gwe.
226	GEN 9:20	Nuhu bi búbariimɛ, akũ à geepi líkpɛ bà.
247	GEN 10:12	kũ Rɛsɛ̃ kũ à kú Ninɛva dagura kũ Kalao. Ninɛvamɛ wɛ́ra zɔ̃kɔ̃ ũ.
254	GEN 10:19	Ń bùsu lɛ́zɛkin dí. Bona zaa Sidɔ̃ gɛna Gera kũ à kú Gaza sarɛ ari Sɔdɔmu kũ Gɔmɔrao kũ Adamao kũ Zeboimu kũ à kú Lasa sarɛo.
265	GEN 10:30	Bona Mɛsa gɛna Sefa kũ kpi kũ ò kú ifãboki kpanɔ, àkũmɛ ń bùsu ũ.
270	GEN 11:3	Ò pìkɔ̃nɛ: Ò gɛ́ ò kúnku bo ò kpáta manamana. Kúnkumɛ ń gbɛ̀ ũ, ɔ̀daamɛ ń simiti ũ.
305	GEN 12:6	akũ ò gɛ̃̀tɛ bùsuu pìn ari ò kà Mɔre gbiri lí kĩnaa Sɛkɛmu. Kanaanɔn kú bùsuu pìn gɔrɔ birea.
307	GEN 12:8	Kũ à fùtɛ gwe, à mìi pɛ̀ kpi kũ ò kú Bɛtɛli ifãboki kpanɔa, akũ à bùraa kàtɛ gwe, Bɛtɛli kú ifãlɛtɛ kpa, Ai kú ifãboki kpa. À Dikiri gbagbaki bò gwe dɔ, akũ à a sìsi.
325	GEN 13:6	Ń pɔ́kãdenɔn dasi, gu pìi sɛ̃̀ dí mɔ́ḿma ń pínkiro. A yã mɛ́ à tò oni fɔ̃ ògɔ̃ kú gu dokɔ̃nɔ lɛɛlɛ doro.
326	GEN 13:7	Akũ lɛ́kpakɔ̃a gɛ̃̀ Abramu pɔ́dãrinɔ kũ Lutu pɔ́dãrinɔ dagura. Zĩ kũ̀a sɔ̃ Kanaanɔ kũ Pɛrizinɔn kú bùsuu pìn.
327	GEN 13:8	Akũ Abramu pì Lutunɛ: À mana lɛ́kpakɔ̃a gɔ̃ kú ó daguraro, ke ma pɔ́dãrinɔ kũ n pɔ́dãrinɔ dagura, zaakũ danɛnɔn ó ũ.
331	GEN 13:12	Abramu gɔ̃̀ Kanaanɔ bùsun, Lutu sɔ̃ à kú Yoda guvutɛ wɛ̃tɛnɔ dagura. À bùraa kàtɛ Sɔdɔmu sarɛ.
337	GEN 13:18	Abramu fùtɛ à gɛ̀ɛ à vùtɛ Mamare gbiri lí kũ ò kú Ɛblɔnunɔ sarɛ, akũ à Dikiri gbagbaki bò gwe.
342	GEN 14:5	A wɛ̃̀ gɛ̃ro donsaride gũnn Kɛdɔlaoma kũ kína kũ ò kú kãaonɔ sù ò zĩ̀i blè Rɛfaimunɔa zaa Asɛtɛro Kanaimu, ò zĩ̀i blè Zuzinɔa zaa Hamu, ò zĩ̀i blè Ɛminɔa zaa Save Kiriataimu,
344	GEN 14:7	Akũ ò ɛ̀ra ò sù Ɛmisipa. Àkũ òdi pi tera Kadɛsi. Ò zĩ̀i blè Amalɛki bùsuua pínki kũ Amɔri buri kũ ò kú Azazɔ̃ Tamanɔa dɔ.
349	GEN 14:12	Gɔrɔ kũ̀a Abramu vĩ̀ni nɛ́ Lutu kú Sɔdɔmu, akũ ò a kũ̀ ò tà kãao kũ a aruzɛkɛnɔ.
354	GEN 14:17	Kũ Abramu zĩ̀i blè Kɛdɔlaomaa kũ kína kũ ò kú kãaonɔ àtɛn su, akũ Sɔdɔmu kína bò à dàalɛ Save Guvutɛ kũ òdi pi tera Kína Guvutɛn.
363	GEN 15:2	Akũ Abramu pì: Dikiri Luda, bɔ́n ĩni ma gbaa? Má nɛ́ vĩro. Damasuku gbɛ̃ Ɛliɛza mɛ́ anigɔ̃ de ma bɛ túbibleri ũ.
364	GEN 15:3	Kũ ńdi ma gba nɛ́ro, ma bɛ zĩkɛri pì mɛ́ anigɔ̃ de ma túbibleri ũ.
365	GEN 15:4	Akũ Dikiri pìnɛ: Àpi mɛ́ anigɔ̃ de n túbibleri ũro. Nɛ́ kũ ani bo n wóplɛn mɛ́ anigɔ̃ de n túbibleri ũ.
378	GEN 15:17	Kũ ifãntɛ̃ gɛ̃̀ kpɛ́n, gu sì, akũ Abramu è kĩni kũ àtɛn túsukpɛ bo kũ sɛ̃̀tɛo tɛn gɛ̃ nɔ̀bɔ kũ à pàrapara pìnɔ dagura.
379	GEN 15:18	Zĩ birea Dikiri pì a bàka nigɔ̃ kú kũ Abramuo à pì: Mani bùsu díkĩna kpá n burinɔa zaa Misila bùsu lɛ́zɛki swai ari swada kũ òdi pi Yuflati,
384	GEN 16:2	Akũ Sarai pì Abramunɛ: Lákũ Dikiri ma kɛ para ũ nà, ǹ wútɛ kũ ma zĩkɛriio. Ma sì kũ mani nɛ́nɔ le a gãi. Akũ Abramu Sarai yã mà.
389	GEN 16:7	Dikiri Malaika a è ísɛ̃bokia gbárannan, ísɛ̃boki pì kú Suru zɛ́ sarɛmɛ.
394	GEN 16:12	Anigɔ̃ de lán zaakisɛ̃ntɛ bà, ani ibɛrɛ sɛ́ kũ gbɛ̃ sĩnda pínkio, gbɛ̃ sĩnda pínki ni ibɛrɛ sɛ́ kãao se. Anigɔ̃ kú kɔ̃ yãn kũ a gbɛ̃nɔro.
396	GEN 16:14	A yã mɛ́ à tò ò tɔ́ kpà lɔ̀gɔɔ pìinɛ Ludabɛ̃nɛkũadima'e lɔ̀gɔɔ. À kú Kadɛsi kũ Bɛrɛdio daguramɛ.
402	GEN 17:4	Lákũ ma bàka kú kũnwo nà, ĩni gɔ̃ buri dasinɔ dizi ũ.
405	GEN 17:7	Ma bàka nigɔ̃ kú kũnwo kũ n burinɔ ari gɔrɔ sĩnda pínki. Manigɔ̃ de n Luda ũ kũ n burinɔ n gbɛra.
406	GEN 17:8	Mani Kanaanɔ bùsu kũ ń kú a gũn nibɔ ũ kpámma pínki kũ n burinɔ n gbɛra, de ògɔ̃ vĩ gɔrɔ sĩnda pínki, manigɔ̃ de ń Luda ũ.
410	GEN 17:12	Séde n buri nɛ́gɔ̃gbɛ̃nɔ tɔ̃̀ zɔ̃ ń gɔrɔ sɔraakɔ̃de zĩ ari ń buria, nɛ́ kũ ò ń í n bɛanɔ kũ zĩkɛri kũ ò ń lú buri pãndenɔanɔ ń pínki.
417	GEN 17:19	Luda pì: Yãpura n nanɔ Sara ni nɛ́ i gɔ̃gbɛ̃ ũ, ĩni tɔ́ kpánɛ Isaaku. Ma bàka nigɔ̃ kú kãao kũ a burinɔ ari gɔrɔ sĩnda pínki.
421	GEN 17:23	Akũ Ibrahĩ a nɛ́ Sumaila sɛ̀ kũ a bɛ gɔ̃gbɛ̃ kũ ò ń í a bɛanɔ kũ zĩkɛri kũ ò ń lúnɔ ń pínki, akũ à tɔ̃̀ɔ zɔ̃̀ńnɛ gɔrɔ birea gɔ̃̀nɔ lákũ Luda ònɛ nà.
425	GEN 17:27	kũ a bɛ gɔ̃gbɛ̃ kũ ò ń í a bɛanɔ kũ zĩkɛri kũ ò ń lú buri pãndeanɔ ń pínki. Ò tɔ̃̀ɔ zɔ̃̀ gɔrɔ dokɔ̃nɔ zĩmɛ.
434	GEN 18:9	Akũ ò a là ò pì: N nanɔ Sara kú mámɛɛ? À pì: À kú kutan gwe.
435	GEN 18:10	Akũ Dikiri pì: Mani ɛra mà su n kĩnaa ziki mandara'i, n nanɔ Sara ni nɛ́ i gɔ̃gbɛ̃ ũ. Sara kú a kpɛ kuta kpɛ́lɛlɛa àtɛn ma.
449	GEN 18:24	Tó gbɛ̃ mananɔn kú wɛ̃tɛ pìi gũn ò kà gbɛ̃nɔn bupla akuri, ĩni ń waran yá? Ĩni sùru kɛ kũ wɛ̃tɛ pìio gbɛ̃ mana gbɛ̃nɔn bupla akurii pìnɔ yãiroo?
452	GEN 18:27	Akũ Ibrahĩ ɛ̀ra à pì dɔ: Makũ kũ má de bùsutiti kũ túbuo ũ, ǹ gaafara kɛmɛnɛ mà yã onnɛ, Dikiri.
460	GEN 19:2	à pì: Ma dikirinɔ, á yã nna! À mɔ́ à gɛ́ kipa makũ á zɔ̀bleri bɛa. À zú o à i la, zia kɔnkɔ káakukaaku á da zɛ́n. Ò pì: Oi, óni i gãnulɛamɛ.
462	GEN 19:4	Ari ògɔ̃ gɛ́ wútɛ, Sɔdɔmudenɔ lìka Lutu kpɛ́i. Wɛ̃tɛ pì gɔ̃gbɛ̃nɔ kàkara gwe mámmam, kɛfɛnnanɔ kũ gbɛ̃ zɔ̃kɔ̃nɔ ń pínki.
463	GEN 19:5	Ò lɛ́ zù Lutui ò pì: Gɔ̃gbɛ̃ kũ ò kìpa n bɛa ɔkɔsialanɔn kú máa? Ǹ bɔtɛ kũńwowɛrɛ, ò pãpã kɛ kũńwo.
469	GEN 19:11	Ò tò vĩ̀na gbɛ̃ kũ ò kú kpɛ arɛnɔ kũ̀ ń pínki nɛ́ fíti gbɛ̃ zɔ̃kɔ̃, akũ òtɛn kpɛ́ gbà wɛtɛ ari ò kpàsa.
486	GEN 19:28	Kũ à Sɔdɔmu kũ Gɔmɔrao kpa gwà kũ guvutɛ pìio pínki, à è túsukpɛ tɛn futɛ zĩtɛ lán tãmatɛ túsukpɛ bà.
488	GEN 19:30	Kũ Lutu bò Zoa, à gɛ̀ɛ à vùtɛ kpinɔ tɛ́ kũ a nɛ́nɔgbɛ̃ gbɛ̃nɔn planɔ, kũ à kunna Zoa vĩna vĩ yãi. Akũ à gɔ̃̀ kú gbɛ̀wɛɛn kũ a nɛ́nɔgbɛ̃ pìnɔ.
489	GEN 19:31	Akũ Yɔ̃ɔ pì Bãnanɛ: Ó de zĩ kũ̀, akũ gɔ̃gbɛ̃ ke kú bùsun à wútɛ kũoo lákũ òdi kɛ nàro.
490	GEN 19:32	Ǹ mɔ́ ò sèwɛ̃ kákanɛ ó wútɛ kãao, de ògɔ̃ ó buri le a gãi.
492	GEN 19:34	Kũ gu dɔ̀ Yɔ̃ɔ pì Bãnanɛ: Ma wutɛ kũ ma deo gĩa. Ò wɛ̃ kákanɛ ɔkɔsiala dɔ, ĩni gɛ́ ǹ wútɛ kãao, de ògɔ̃ ó buri le a gãi.
500	GEN 20:4	À sù à lè Abimɛlɛki dí wútɛ kãao kɔ̀ro, akũ à pì: Dikiri, ĩni buri kũ odi yãke kɛronɔ dɛdɛn yá?
512	GEN 20:16	Akũ à pì Saranɛ: Ma andurufu ɔgɔ wàa sɔɔro kpà n dãgɔ̃a kútɛkɛbɔ ũ, de gbɛ̃ kũ ò kú kũnwonɔ dɔ̃ ń pínki kũ ńdi taari kɛro.
524	GEN 21:10	akũ à pì Ibrahĩnɛ: Ǹ pɛ́ zɔ̀ɔ pìia kũ a nɛ́o, zaakũ zɔ̀ nɛ́ pì ni túbi ble kũ ma nɛ́ Isaakuoro.
534	GEN 21:20	Luda kú kũ nɛ́ pìio ari à zɔ̃kɔ̃ kũ̀. Àdigɔ̃ kú gbárannan, akũ à gɔ̃̀ tofekari ũ.
535	GEN 21:21	Gɔrɔ kũ à kú Parani gbáranna pìi gũnn a da Misila bùsu nɔ sɛ̀nɛ.
536	GEN 21:22	Gɔrɔ birea Abimɛlɛki kũ a zĩ̀karinɔ gbɛ̃ zɔ̃kɔ̃ Fikɔluo gɛ̀ɛ Ibrahĩ kĩnaa ò pìnɛ: Luda kú kũnwo yã kũ ntɛn kɛ gũn pínki.
537	GEN 21:23	Ǹ la damɛnɛ la gɔ̃̀nɔ ǹ sì kũ Ludao kũ ĩni bo ma kpɛro ke ma nɛ́nɔ ke ma burinɔ. Lákũ ma gbɛ̃kɛ kɛ̀nnɛ nà, ǹ kɛmɛnɛ lɛ kũ bùsu kũ ń kú a gũn gbɛ̃ zĩ̀tɔ ũo.
555	GEN 22:7	Akũ Isaaku yã ò a denɛ à pì: Baa! À wèa à pì: Bɔ́mɛ nɛ́? Akũ à pìnɛ: Ó tɛ́ kũna kũ yàkaao, sãnɛ bɔ̀rɔ kũ óni ká tɛ́n à tɛ́ kũ kú mámɛɛ?
581	GEN 23:9	à Makpɛla gbɛ̀wɛɛ kũ à kú a bú lɛ́i yíama a ɔgɔa, ani gɔ̃ ma gɛ̀vĩki ũ á bùsun.
583	GEN 23:11	Oi mare, ǹ ma yã ma. Ma n gba bura pì kũ gbɛ̀wɛɛ kũ à kú gweo. Ma n gba ma gbɛ̃nɔ wára. Ma n gbamɛ, de ǹ n gɛ̀ vĩn.
589	GEN 23:17	Lɛmɛ Ɛflɔnu bú kũ à kú Makpɛla, Mamare sarɛ, gɔ̃̀ Ibrahĩ pɔ́ ũ lɛ kũ gbɛ̀wɛɛ kũ à kú gweo kũ lí kũ ò kú gwenɔ zaa bú pì lɛ́i pínki.
592	GEN 23:20	Lɛn bú kũ gbɛ̀wɛɛ kũ à de Itinɔ pɔ́ ũ yãoo gɔ̃̀ Ibrahĩnɛ gɛ̀vĩki ũ lɛ.