14	GEN 1:14	Akũ Luda pì: Pɔ́ gupurakũrinɔ gɔ̃ kú musu ògɔ̃ fãnantɛ̃ kɛ̃kɔ̃a kũ gwãanio, ògɔ̃ wɛ̃̀ sèedanɔ kũ gɔrɔnɔ kũ wɛ̃̀nɔ mɔńnɛ.
17	GEN 1:17	À ń pɛ́pɛ musu de ògɔ̃ andunia pura kũ
22	GEN 1:22	À arubarikaa dàńgu à pì, ògɔ̃ nɛ́ i ògɔ̃ kɛ dasi, kpɔ̀nɔ ísira pa, bãnɔ kɛ dasi zĩtɛ.
27	GEN 1:27	Akũ Luda bisãsiri kɛ̀ a zĩda taka ũ. A zĩda takan à ń kɛ́ a ũ. À ń kɛ́ gɔ̃gbɛ̃ kũ nɔgbɛ̃o.
28	GEN 1:28	À arubarikaa dàńgu à pìńnɛ: Àgɔ̃ nɛ́ i àgɔ̃ kɛ dasi àgɔ̃ andunia pa àgɔ̃ gbãna blea. Àgɔ̃ kí ble kpɔ̀nɔa kũ bãnɔ kũ pɔ́ wɛ̃̀ndide kũ òdi táa o zĩtɛnɔ pínki.
30	GEN 1:30	Ma sɛ̃̀nɔ kũ lánɔ kpà pɔ́ wɛ̃̀ndidenɔa pínki ń pɔ́ble ũ, nɔ̀bɔnɔ kũ bãnɔ kũ pɔ́ kũ òdi táa o kũ kùaonɔ pínki. Akũ à kɛ̀ lɛ.
40	GEN 2:9	Dikiri Luda tò lí buri sĩnda pínki bùtɛ zĩtɛ. Lí pìnɔ kɛ̀ mana, akũsɔ̃ ń nɛ́ blena nna. Lí wɛ̃̀ndide kú dàkoo pìi dagura. Lí kũ àdi dɔ̃na mana kũ a vãnio ińnɛ kú gwe dɔ.
48	GEN 2:17	ama ǹsun lí kũ àdi dɔ̃na mana kũ a vãnio ińnɛ nɛ́ blero. Tó n blè, ĩni gamɛ.
50	GEN 2:19	Akũ Dikiri Luda bùsuu sɛ̀ à nɔ̀bɔnɔ kɛ̀o pínki kũ bãnɔ pínki, akũ à sù kũńwo gɔ̃gbɛ̃ pì kĩnaa de à e deran ani tɔ́ kpáńnɛ nà. Tɔ́ kũ gɔ̃gbɛ̃ pìi kpà pɔ́ wɛ̃̀ndide pìnɔnɛ pínki gɔ̃̀ ń tɔ́ ũ.
51	GEN 2:20	Gɔ̃gbɛ̃ pì tɔ́ kpà bɛ pɔ́kãdenɔnɛ pínki kũ bãnɔ kũ nɔ̀bɔsɛ̃ntɛnɔ pínki, ama adi kpanyĩri e ń tɛ́ a gbɛ̃ndo ũro.
56	GEN 2:25	Gɔ̃gbɛ̃ kũ a nanɔo kú pótompo ń pla ń pínki, wé'i sɔ̃ àdi ń kũro.
63	GEN 3:7	Ń pla ń pínki ń wɛ́ kɛ̃̀, akũ ò dɔ̃̀ sà kũ ò kun pótompo. Akũ ò gboroda lá nàbi ò yĩ̀ḿma.
67	GEN 3:11	Akũ Dikiri Luda a là à pì: Dí mɛ́ à ònnɛ ń kun pótompoo? Lí kũ ma ginnɛ ǹ a nɛ́ ble, n blèn yá?
77	GEN 3:21	Dikiri Luda bára uta kɛ̀ Adamunɛ kũ a nanɔo, akũ à dàńnɛ.
87	GEN 4:7	Tó n yã mana kɛ̀, mani n síroo? Tó ńdi yã mana kɛ sɔ̃ro, durunna natɛnnɛ n kpɛ́lɛlɛa. N ni tɛni a dɛ, séde ǹ zĩ̀ blea.
107	GEN 5:1	Adamu burinɔ yãn dí. Gɔrɔ kũ Luda bisãsirinɔ kɛ̀, à ń kɛ́ lán a bàmɛ.
108	GEN 5:2	À ń kɛ́ gɔ̃gbɛ̃ kũ nɔgbɛ̃o, akũ à arubarikaa dàńnɛ. À tɔ́ kpàńnɛ bisãsiri.
140	GEN 6:2	akũ Luda nɛ́nɔ è bisãsiri nɛ́nɔgbɛ̃ pìnɔ mana, akũ òtɛni ń sɛ́ ń pɔyeinaaa.
142	GEN 6:4	Gbɛ̃ gbã̀nanɔn kú andunia gũn gɔrɔ birea kũ gɔrɔ bire gbɛrao dɔ, gɔrɔ kũ Luda nɛ́ pìnɔ bisãsiri nɛ́nɔgbɛ̃nɔ dɔ̃̀ nɔgbɛ̃nɔ ũ ò nɛ́nɔ ì kũńwo. Ń nɛ́ pìnɔmɛ gɔ̃sa gbãna kũ ń tɔ́ bò zaa káakunɔ ũ.
145	GEN 6:7	akũ à pì: Mani bisãsiri kũ ma kɛ̀ zĩtɛ wara, bisãsirinɔ kũ nɔ̀bɔnɔ kũ pɔ́ kũ òdi táa o kũ kùaonɔ kũ bãnɔo, zaakũ ma pɔ yàka ń kɛna yã musu.
149	GEN 6:11	Luda è andunia gbɛ̃nɔ yàka ń pínki, taarikɛna andunia pà.
151	GEN 6:13	Akũ Luda pì Nuhunɛ: Mani gbɛ̃ sĩnda pínki kakatɛ, kũ ń yãin taarikɛna dà anduniala. Mani ń kakatɛ lɛɛlɛ kũ anduniaomɛ.
155	GEN 6:17	Makũ sɔ̃ mani tó í da anduniala, de mà pɔ́ wɛ̃̀ndide kũ òdi wesa bonɔ kakatɛ ń pínki. Pɔ́ kũ ò kú andunia gũnnɔ ni gaga pínki.
157	GEN 6:19	Ĩni pɔ́ wɛ̃̀ndide pínki sɛ́ ǹ gɛ̃ kũńwo mɛ̀n plapla de onigɔ̃ kun kũ wɛ̃̀ndiio.
162	GEN 7:2	Ǹ nɔ̀bɔ kũ à de sa'opɔ ũnɔ sɛ́ ǹ gɛ̃ kũńwo da kũ a sàao mɛ̀n supplapla, ǹ nɔ̀bɔ kũ òdi sa ooronɔ sɛ́ mɛ̀n plapla da kũ a sàao.
163	GEN 7:3	Ǹ bãnɔ sɛ́ ǹ gɛ̃ kũńwo dɔ da kũ a sàao mɛ̀n supplapla de ń burinɔ gɔ̃ kú andunia gu sĩnda pínkia.
174	GEN 7:14	kũ nɔ̀bɔsɛ̃ntɛnɔ pínki ń buria kũ bɛ pɔ́kãdenɔ pínki ń buria kũ pɔ́ kũ òdi táa o kũ kùaonɔ pínki ń buria kũ pɔ́ vurananɔ pínki ń buria, bãnɔ kũ pɔ́ dɛ̀mbɛrɛdenɔ pínki.
176	GEN 7:16	Pɔ wɛ̃̀ndidenɔ buri pínki gɛ̃̀ da kũ a sàao lákũ Luda dìtɛnɛ nà. Akũ Dikiri gbà tàtańlɛ.
181	GEN 7:21	Pɔ́ wɛ̃̀ndide kũ òdi táa o zĩtɛnɔ gàga pínki, bãnɔ kũ bɛ pɔ́kãdenɔ kũ nɔ̀bɔsɛ̃ntɛnɔ kũ pɔ́ kũ òdi táa o kũ kùaonɔ kũ bisãsirinɔ ń pínki.
200	GEN 8:16	Ǹ bo gó gũn kũ n nanɔo kũ n nɛ́gɔ̃gbɛ̃nɔ kũ ń nɔnɔo.
206	GEN 8:22	Ari andunia gɛ́ àgɔ̃ kunwo pɔ́tɔ̃na kũ pɔ́kɛkɛnaao, ĩa kũ guwãnao, bunsirɛ kũ sakareo, fãnantɛ̃ kũ gwãanio, ń ke ni lákaro.
207	GEN 9:1	Akũ Luda arubarikaa dà Nuhugu kũ a nɛ́nɔ à pìńnɛ: Àgɔ̃ nɛ́ i àgɔ̃ kara à andunia pa.
208	GEN 9:2	Nɔ̀bɔnɔ kũ bãnɔ kũ pɔ́ kũ òdi táa o kũ kùaonɔ kũ kpɔ̀nɔ nigɔ̃ á vĩna vĩ pínki. Ma ń náárɛ á ɔĩ.
209	GEN 9:3	Pɔ́ kũ òdi táa onɔ pínki nigɔ̃ de á pɔ́ble ũ. Ma ń kpááwa pínki lákũ ma pɔ́ble kũ òdi butɛ zĩtɛanɔ kpàáwa nà yã.
229	GEN 9:23	Akũ Sɛmu kũ Yafɛtio uta zɔ̃kɔ̃ɔ sɛ̀ ò dì ń gã̀aa ń pla ò táa ò kũ kpɛo. Ń arɛ dɔna gu pãndea de òsun ń de pótompo ero yãi, ò gɛ̀ɛ ò kù ń de pótompola.
233	GEN 9:27	Luda karana kɛ Yafɛtinɛ, a burinɔ ń baka le Sɛmu burinɔ arubarikaa gũn, Kanaa nigɔ̃ de Yafɛti zɔ̀ ũ.
236	GEN 10:1	Nuhu nɛ́gɔ̃gbɛ̃nɔ Sɛmu kũ Hamuo kũ Yafɛtio kũ ń nɛ́gɔ̃gbɛ̃ kũ ò ì í dana anduniala gbɛranɔ yãn dí.
249	GEN 10:14	Patarusinɔ, Kasalunɔ kũ Kɛrɛti kũ Filisitininɔ bò ń gũnnɔo.
265	GEN 10:30	Bona Mɛsa gɛna Sefa kũ kpi kũ ò kú ifãboki kpanɔ, àkũmɛ ń bùsu ũ.
270	GEN 11:3	Ò pìkɔ̃nɛ: Ò gɛ́ ò kúnku bo ò kpáta manamana. Kúnkumɛ ń gbɛ̀ ũ, ɔ̀daamɛ ń simiti ũ.
273	GEN 11:6	Akũ à pì: Ń pínki ń buri dokɔ̃nɔmɛ, yã dokɔ̃nɔn òdi o, akũ yã kũ òtɛn boon dí yá? Yã kũ ò a laasun lɛ̀ tera sà oni kɛmɛ, pɔ́ke ni kpáńnɛ a kɛnaa gũn doro.
274	GEN 11:7	Ò kipa ò gɛ́ gwe ò ń yã yãkatɛńnɛ de òsun kɔ̃ yã ma doro.
275	GEN 11:8	Akũ Dikiri ń fãkɔ̃a gwe dodo andunia gũn pínki, akũ ò ń wɛ́ra katɛnaa tò.
276	GEN 11:9	A yã mɛ́ à tò, ò tɔ́ kpà wɛ̃tɛ pìinɛ Babɛli, zaakũ gwen Dikiri tò andunia buri sĩnda pínki yã bòn. Zaa gwen à ń fãkɔ̃a andunia gũn pínki.
304	GEN 12:5	kũ a nanɔ Saraio kũ a vĩ̀ni nɛ́ Lutuo kũ ń aruzɛkɛ kũ ò vĩnɔ kũ gbɛ̃ kũ ò sɛ̀ gwenɔ. Lɛn ò bò Arana lɛ ò dà Kanaa zɛ́n. Kũ ò kà gwe,
312	GEN 12:13	Ǹ pińnɛ ma dãremɛ n ũ de ò ma sí ɔplapla n yãi. Lákũ ĩni ma mì sí nàn gwe.
317	GEN 12:18	Akũ Firi'auna Abramu sìsi à pìnɛ: Bɔ́ yã n kɛ̀mɛnɛ gwee? Bɔ́ yã mɛ́ à tò ńdi omɛnɛ kũ n nanɔnloo?
325	GEN 13:6	Ń pɔ́kãdenɔn dasi, gu pìi sɛ̃̀ dí mɔ́ḿma ń pínkiro. A yã mɛ́ à tò oni fɔ̃ ògɔ̃ kú gu dokɔ̃nɔ lɛɛlɛ doro.
332	GEN 13:13	Sɔdɔmudenɔ sɔ̃ ò vãni, durunnakɛri sànɔmɛ ń ũ Dikiri kĩnaa.
333	GEN 13:14	Lutu tanaa gbɛra Dikiri pì Abramunɛ: Gu kũ ń zɛ́n ǹ wɛ́ sɛ́ ǹ gugbãnduru kũ gɛ̀nɔmidɔkio kũ ifãbokio kũ ifãlɛtɛo gwa.
340	GEN 14:3	Kína gbɛ̃nɔn sɔɔro pìnɔ kɔ̃ kàkara ń pínki Sidimu guvutɛn. Àkũmɛ Sɛ̀bɛ Wiside ũ tera.
343	GEN 14:6	ò zĩ̀i blè Orinɔa ń kpi kũ òdi pi Seia ari à gɛ̀ɛ pɛ́ Ɛli Parana gbárannaa.
345	GEN 14:8	Akũ Sɔdɔmu kína kũ Gɔmɔra kínao kũ Adama kínao kũ Zeboimu kínao kũ Bɛla kũ òdi pi tera Zoa kínao fùtɛ ò gɛ̀ɛ ò zĩ̀ ká kũńwo Sidimu guvutɛn.
347	GEN 14:10	Sidimu guvutɛ ɔ̀da wɛ̀ɛ vĩ dasi. Kũ Sɔdɔmu kína kũ Gɔmɔra kínao tɛn bàa lɛ́, akũ ò sì a gũn, akũ ń gbɛ̃ kparanɔ bàa lɛ̀ ò gɛ̀ɛ gusĩsĩden.
348	GEN 14:11	Zĩ̀blerinɔ Sɔdɔmu kũ Gɔmɔrao aruzɛkɛnɔ kũ ń pɔ́blenɔ sɛ̀tɛ pínki ò tào.
350	GEN 14:13	Akũ gbɛ̃ kũ à bò ń ɔĩ gɛ̀ɛ à ò Eberu buri Abramunɛ zaa Mamare gbiri línɔ sarɛ. Mamare kũ a dakũnanɔ Ɛsɛkɔlu kũ Anɛo bi Amɔri burinɔmɛ, ò de kɔ̃ gbɛ̃ ũ kũ Abramuo.
351	GEN 14:14	Kũ Abramu mà ò a danɛ kũ̀ ò tà kãao, akũ à a bɛ zĩ̀karinɔ sɛ̀tɛ gbɛ̃nɔn wàa do kpɛ́ basuddo plansari à pɛ̀tɛ kína pìnɔi, akũ à ń lé Dã.
352	GEN 14:15	Akũ à a gbɛ̃nɔ kpàatɛtɛ, akũ ò sìńgu gwãani. Ò zĩ̀i blèḿma ò pɛ̀ḿma ari Oba, Damasuku gugbãnduru kpa.
361	GEN 14:24	Mani pɔ́ke sɛ́ro, sé pɔ́ble kũ ma gbɛ̃nɔ blèe baasiro. Ama Anɛ kũ Ɛsɛkɔluo kũ Mamare kũ ò gɛ̀ɛ kũmaonɔ, ǹ tó ò ń baka sɛ́.
364	GEN 15:3	Kũ ńdi ma gba nɛ́ro, ma bɛ zĩkɛri pì mɛ́ anigɔ̃ de ma túbibleri ũ.
371	GEN 15:10	Akũ à pɔ́ pìnɔ sɛ̀ à sùo pínki à pàrapara à gògokɔ̃a, akũ à kàtɛ à ń arɛ dɔ̀dɔkɔ̃a, ama adi bãnɔ parapararo.
374	GEN 15:13	Akũ Dikiri pìnɛ: Ǹgɔ̃ dɔ̃ kũ n burinɔ nigɔ̃ nibɔ ble bùsu kũ à de ń pɔ́ ũro gũn, onigɔ̃ zɔ̀ ble gwe, onigɔ̃ wɛ́ tãḿma ari wɛ̃̀ wàa pla.
375	GEN 15:14	Ama mani wari dɔ buri kũ òtɛn zɔ̀ bleńnɛa, n burinɔ ni bɔtɛ kũ aruzɛkɛ zɔ̃kɔ̃ɔo.
388	GEN 16:6	Akũ Abramu wèa à pì: N zĩkɛri kun n pɔ́ ũmɛ. Ǹ kɛnɛ lákũ ń yei nà. Kũ Sarai wari dɔ̀a, akũ à bàa lɛ̀nɛ.
392	GEN 16:10	Mani n buri kara ògɔ̃ dasi, oni fɔ̃ ò ń lɛ́ dɔ̃ro.
406	GEN 17:8	Mani Kanaanɔ bùsu kũ ń kú a gũn nibɔ ũ kpámma pínki kũ n burinɔ n gbɛra, de ògɔ̃ vĩ gɔrɔ sĩnda pínki, manigɔ̃ de ń Luda ũ.
410	GEN 17:12	Séde n buri nɛ́gɔ̃gbɛ̃nɔ tɔ̃̀ zɔ̃ ń gɔrɔ sɔraakɔ̃de zĩ ari ń buria, nɛ́ kũ ò ń í n bɛanɔ kũ zĩkɛri kũ ò ń lú buri pãndenɔanɔ ń pínki.
421	GEN 17:23	Akũ Ibrahĩ a nɛ́ Sumaila sɛ̀ kũ a bɛ gɔ̃gbɛ̃ kũ ò ń í a bɛanɔ kũ zĩkɛri kũ ò ń lúnɔ ń pínki, akũ à tɔ̃̀ɔ zɔ̃̀ńnɛ gɔrɔ birea gɔ̃̀nɔ lákũ Luda ònɛ nà.
425	GEN 17:27	kũ a bɛ gɔ̃gbɛ̃ kũ ò ń í a bɛanɔ kũ zĩkɛri kũ ò ń lú buri pãndeanɔ ń pínki. Ò tɔ̃̀ɔ zɔ̃̀ gɔrɔ dokɔ̃nɔ zĩmɛ.
427	GEN 18:2	Kũ à wɛ́ sɛ̀ musu, à gbɛ̃nɔn aakɔ̃ è zɛna. Kũ à ń é lɛ, akũ à fùtɛ kpɛ́lɛlɛa kũ bàao à gɛ̀ɛ à dàńlɛ à wùtɛ a nɛ̀sɛlɛ kutɛna
433	GEN 18:8	Akũ Ibrahĩ vĩfãani kũ vĩ'ipuo kũ zù kũ ò kɛ̀kɛɛ pìioo sɛ̀ à gɛ̀ɛ à dìtɛńnɛ. Gɔrɔ kũ òtɛn pɔ́ ble, api zɛ ń sarɛ lí gbáru gwe.
441	GEN 18:16	Kũ gbɛ̃ pìnɔ fùtɛ, Ibrahĩ gɛ̀ɛ à zɛńnɛ, akũ ò Sɔdɔmu kpa gwà.
445	GEN 18:20	Akũ Dikiri ɛ̀ra à pì: Yã kũ òtɛn o Sɔdɔmu kũ Gɔmɔrao musu dasi, ń durunna gɛ̃̀ ɔla.
447	GEN 18:22	Kũ ń gbɛ̃nɔn pla pìnɔ dà zɛ́n òtɛn gɛ́ Sɔdɔmu, akũ Dikiri gɔ̃̀ kũ Ibrahĩo gwe.
449	GEN 18:24	Tó gbɛ̃ mananɔn kú wɛ̃tɛ pìi gũn ò kà gbɛ̃nɔn bupla akuri, ĩni ń waran yá? Ĩni sùru kɛ kũ wɛ̃tɛ pìio gbɛ̃ mana gbɛ̃nɔn bupla akurii pìnɔ yãiroo?
450	GEN 18:25	Ǹ sùru kɛ! Ǹsun kɛ lɛro. Ǹsun gbɛ̃ mananɔ dɛdɛ lɛɛlɛ kũ gbɛ̃ vãninɔro, zaakũ ò dokɔ̃nɔro. Ǹ sùru kɛ! Ǹsun kɛ lɛro. Mɔkɔ̃n kũ ń de andunia pínki yãkpatɛkɛri ũ, ĩni yã kɛ a zɛ́aroo?
451	GEN 18:26	Akũ Dikiri pì: Tó ma gbɛ̃ mananɔ è Sɔdɔmu gbɛ̃nɔn bupla akuri, mani sùru kɛ kũ wɛ̃tɛ pìio ń yãi.
459	GEN 19:1	Kũ malaika gbɛ̃nɔn pla pìnɔ kà Sɔdɔmu ɔkɔsi, Lutu vutɛna Sɔdɔmu bĩni kpɛ́lɛlɛa. Kũ à ń é, à fùtɛ à gɛ̀ɛ à dàńlɛ à kùtɛńnɛ à wùtɛ a nɛ̀sɛlɛ kutɛna
461	GEN 19:3	Lutu nàkaraḿma manamana, akũ ò gɛ̃̀ a kpɛ́n. À ń yàrii kɛ̀ manamana à masaa kɛ̀ńnɛ, akũ ò sò.
462	GEN 19:4	Ari ògɔ̃ gɛ́ wútɛ, Sɔdɔmudenɔ lìka Lutu kpɛ́i. Wɛ̃tɛ pì gɔ̃gbɛ̃nɔ kàkara gwe mámmam, kɛfɛnnanɔ kũ gbɛ̃ zɔ̃kɔ̃nɔ ń pínki.
463	GEN 19:5	Ò lɛ́ zù Lutui ò pì: Gɔ̃gbɛ̃ kũ ò kìpa n bɛa ɔkɔsialanɔn kú máa? Ǹ bɔtɛ kũńwowɛrɛ, ò pãpã kɛ kũńwo.
464	GEN 19:6	Lutu bò à zɛ̀ kpɛ́lɛlɛa ń kĩnaa, à gbàa tàta kũ kpɛo
466	GEN 19:8	Má nɛ́nɔgbɛ̃nɔ vĩ gbɛ̃nɔn pla kũ ò gɔ̃gbɛ̃ dɔ̃ro, mani ń bɔtɛárɛ. Lákũ á yei nà à kɛ kũńwo, ama àsun yãke kɛ gɔ̃gbɛ̃ díkĩnanɔnɛro, zaakũ ò kìpa ma bɛamɛ.