23214	MAT 1:1	Bifimer naniya Yecu Kiritti bibwe Dauda, bibwe Abrahame.
23215	MAT 1:2	Abram co te Icaku, Icaku te Yakub, Yakub te Yahuda kange Yitub ceb.
23216	MAT 1:3	Yahuda co te Farica Kange Jera fiye Tamar wiye, Farica nyori te Hacruna. Hacarua co te Arame.
23217	MAT 1:4	Aram co te Aminadabe, Aminadab co te Nacone, Nacon co te Calmone.
23218	MAT 1:5	Calmon co te Buaja fiye Rahab wiye, Boaja co te Obida fiye Rut nine. Obida co te Yeece.
23219	MAT 1:6	Yecce co te Liya Dauda, Liya Dauda co te Culemanu fiye wii Yuriya wiye.
23220	MAT 1:7	Culemanu co te Rehobwame, Rehobwam co te Abija, Abija co te Aca.
23221	MAT 1:8	Aca co te Yehocafa. Yehocafa co te Yorame, Yorame cote Uziya.
23222	MAT 1:9	Uziya co te Yotame, Yotam co te Ahaze, Ahaz co te Hezekiya.
23223	MAT 1:10	Hezekiya co te Manacca. Manacca co te Amone, nyori Amon co te Yociya.
23224	MAT 1:11	Yociya co te Yekoniya kange yitub cebo, dong-dong fiya cuwo ci yem ci, ci yaaken kici biten Babila.
23225	MAT 1:12	Bwiko ci yem ci, ci yaken ci biten Babila. Yekoniya co te Ceyaltiyele. Ceyaltiyele co te Zarubabele.
23226	MAT 1:13	Zarubabel co te Abihudu. Abihudu co te Eliyakime, nimre Eliyakim co te Azuru.
23227	MAT 1:14	Azuru co te Caduku. Caduku co te Akimu, nire Akimu co te Aliyudu.
23228	MAT 1:15	Aliyudu co te Ali'azara, Ali'azara co te Matana. Nimre Matana co te Yakube.
23229	MAT 1:16	Yakubu co te Yucubu bwe Maryamu wo fiye ci wiye ci bo Yecu wo ci cuwo ti ki Almaciu.
23230	MAT 1:17	Core tau Ibrahim nin yaken ciko Dauda nineu kaltito kwob culombo naar, kange wo tau fiye yeka ciko ci yaken ki ci Babilau yaken ciko Kiritti nin, kaldo kwob culombo naar.
23231	MAT 1:18	Bor Yecu Kiritti ko bwi nyo wo. Nece Maryamu ciya an nam Yucufu, naci nakangiri Maryamu kweri tum fer yuwa tangbe wucake.
23232	MAT 1:19	Yucufu bwece nii cakcake, cuibo ci neco kwenduwe nuwe nobe, nyori cuiti naci nyangum kang cinen daar.
23233	MAT 1:20	La ci kwa diker buro tiri, bibwe tomange kwama wucake cerkangu cinen mor dukume. yi coti “Yucufu bi bwe Dauda nuware tai, tum Maryamu wimwe, wori dike ci tum ciko fwereu ca fiya yuwa tangbe wucake nen.
23234	MAT 1:21	can do bwe, mwa cuwo dencere ki Yecu, co ca fulo nubo ti fiye bwiran ker ciye.
23235	MAT 1:22	Gwam wo an bwi na dim diker teluwe be toke nyii nii tomange, tokti ki,
23236	MAT 1:23	“To bubya an tu fwer, naci bo bwe ciya cuwo den cero ki Imanuel” Dike dendo nungeu “Kwama wi kange bo”.
23237	MAT 1:24	Yucufu kwenu dumbo nineu, maani na wo bwe tomange kwama yiceu, cin kuni con tu wice.
23238	MAT 1:25	Yucufu Nyomombo wice wi co bom bwe La con co dendo Yecu.
23239	MAT 2:1	Bwikako ci bo Yecu Baitalami biten Yahudiya ki core wo Hirudu Liyau, Kangem nob nyomka bifumer kwama bo Urcalima. Tokti ki.
23240	MAT 2:2	“Fee wo ci bo Liya Yahudawa? nyon to bitiren cero twar, nya bo na nyi wabka.
23241	MAT 2:3	La Liya Hiridu nuwa nyori, kwom co kambo ken kange hwam nubo Urcalima.
23242	MAT 2:4	Hiridu mwer Liyab wabe kwama gwam kange nob mulankab nibe. me ci “kiriti a bo fe?” Cin yi co.
23243	MAT 2:5	“ Mor Baitalami Yahudiya nyo won co dike bibei tomange kwama mulange”.
23244	MAT 2:6	“Mo Baitalami mor biten Yahudiya mo kebo wo duwal-duwali tiber Liyab yahudiya. more mwe an fiya nii a ca Liyar tiye wo a yila nii biyuwar nobo Lomi Iciraila”.
23245	MAT 2:7	La Hiridu cwo nob nyomka bifumer reu, yurangum Yurange, me ci “Fiyang bitiren do cerkanguwe?”.
23246	MAT 2:8	Con twom ci Baitalami, yiciti, “Kom ya ki fuwa bwe biduware ki Lima ki Lima, no kom fiya ri, ko bou kom yiye, na mo ken nan ya nan wabco.”
23247	MAT 2:9	Bwikako ci nuwa diker Liya yi ciye ri cin kwen ci ta nure, bitiren do wo ci to twareu yakenti ka ci ya yan titi dor luwe bwe bi duware wiye.
23248	MAT 2:10	La ci to bitirndo ri cin bilangi ki bilankako dur.
23249	MAT 2:11	Cin do mor luwe, nen cin to bwe bi duwareu kange nece Maryamu. cin cung bitine cin wabco. cin kwim cwaye ciye neco Lima nerek, mwinek kange lubban kange mor.
23250	MAT 2:12	Kwama yi ci mor dukume, ciya yilare fiye Hiridu nine. yori cin yilaken bitine ciye nure kange.
23251	MAT 2:13	Bwikako ci kweneu cin to nii tomange teluwe cerkangu Yucufu nin yi co, “Kwen tu bwe bi duwae wo kange bece cwa cu ciko biten Masare.
23252	MAT 2:14	Kume cuwo Yucufu tu bweu kange nece u Masar. yi ken firen yinen di na nimre, wori Huridu cuiti na twalum bweu.
23253	MAT 2:15	Cin yike fire Hiridu Bwiyati. Wo na dim diker teluwe be tokeu nyi nii tomange, “Min cuwou bi bwemi Masar”.
23254	MAT 2:16	Hiridu to nob nyomka Bifumereu bwanten bo ker cero ri mam funer ducce, cin twomi a twalangum bi bei nabarubbe bi duwartini gwam, wo Baitalami kange buro bi dom kange ce tati coro yob yirau ciko bitine.
23255	MAT 2:17	Fiya cuwo la dike nii tomange Irimiya toke dimme.
23256	MAT 2:18	Cin nuwa diro kange Rama ci wiye ti kinero fir cilong-cilonge, Rahila ci wiye dor bi beiyo locer. Mani ca fiya birum nere ti wo mani.
23257	MAT 2:19	Fiya cuwo Hiridu bwiyame, nii tomange teluwe cerkangu Yucufu nin mor dukume mansar. yi co,
23258	MAT 2:20	Kweni tu bwe bi duwarewo kange nece yakan Iciraila, nyori niwo do dume bwetiye bwiyam”.
23259	MAT 2:21	Yucufu kweni tu bwe bi duware kane nece cu biten Iciraila.
23260	MAT 2:22	La ci nuwa Akilayu bi bwe Hiridu Ca liyar ti biten Yafudiya, con nuwa tai lakako firen. Bwikako kwama yi co ker mor dukume, cin tiyangum biten Galili.
23261	MAT 2:23	Yiken fiye kange ci cuwo ti ki Nazaret wo na dim dike ci toki nyii nob tomange ki, “Ciya cuwo co ki bwe nazare re.
23262	MAT 3:1	Kume ni wo Yuwana yu mwem kwamam tiyeu yau ne fulen ker kwama ro ti.
23263	MAT 3:2	Ko yiloten wori, liyar do lo kwama dadom.
23264	MAT 3:3	won co wo nii dukume kaya tok kerce reu, “Dir nii kanger co bi cor ti kii, toki, “ko Yuwel Teluwe nin nureceu, fuwak ceko atim.
23265	MAT 3:4	Yuwana merum ki belle yiri teleme, bwam ki dk teak fer cer. Cari ceu, kwake kange yuiti to kiyeu.
23266	MAT 3:5	Co rubo Urcalima kange wo Yahudiya gwam, kange bitine tinim bo kong Urduneu, ci bou ti ka bo ka tuje co wiyeu.
23267	MAT 3:6	Na ci yuu cinen mwem kwamam caji Urdun, kambo ci tok bwira kerer ce tiyeu.
23268	MAT 3:7	La co to Faricawa kange cadukiyawa kila cirangum ti na co yu'u cinen mwem kwamamedi co ca ciye, “Kom berin nacuwe ki mwan neu, we wer kom ko cuam funero wo au tiye.
23269	MAT 3:8	Ko ne bituti wo a nung yila ka kume ko tiyeu.
23270	MAT 3:9	Ku kware mor ne kume kom ki Abram te kume! be ma yi kom ti, kwama wi kibi kwan do wo a kung Abram nin bibeiti fo tetendo wuro neneu.
23271	MAT 3:10	Na wonyeu yoti biteye dimer tiniro nan, na cori tiyowo ne bo bituti keneti, an tom co na merken mor kire.
23272	MAT 3:11	Ma Yukumen mwem kwamam bo ki mwem, ya ciko yo laka kumekeu. Niwo bouti bui mi yeu layeki dur, woro ta ceu ma labo nan tu'u. co ca yu'u kumen mwem kwamam bo ki yuwa tangbe kwama, kange kira.
23273	MAT 3:12	Kwele yu'u ka ceko tam kang cek, can nyinagum teneu wiyak, na murom bikateceu na yo ken binico.”
23274	MAT 3:13	La Yecu bou biten Galili, ya caji Urdun fintange Yuwana nen, na yu'u cinen mwem kwamam.
23275	MAT 3:14	La Yuwana mani naco kicim co, tok ti ki, mo wo ma cuiti na yu'u mwem kwamam meu, mom bou minen?”.
23276	MAT 3:15	Yecu yila yi co a ma nyo na dim cak-cakeu gwam. Co Yuwana ciya cinene.
23277	MAT 3:16	Buiko ci yu'u cinen mwem kwamam be di, Yecu cerum can duwo mor mwenge, La dii kwama wo cinen. La co to yuwa tangbe kwamako yirau ti docer na nagumfiye, yira yiti dorcer.
23278	MAT 3:17	La diro kange lo kwama ceru toki, wo bi bwemi ma cui cuiyeu, ma nuwa luma cek ti.
23279	MAT 4:1	La yuwa tangbek kwamako tu Yecu yaken ciko mor yere na bwekelkele na cuwaco.
23280	MAT 4:2	Bwiko co yi yim Ngakem kakuko kwini na'ar kumeu kwini na'ar di wura tam co.
23281	MAT 4:3	Nii cuwa kako bou cinen yico ki, “No mo bibwe kwamari yi tero wo ayilam cari”.
23282	MAT 4:4	Yecu yila yic mulagum mulange, Nii mani a dwiti ki cari ki kwace ce kange ker kwamar.
23283	MAT 4:5	La bwekelkele to co yaken ciko mor cinan lor wucakeu. La kung ken co dor ku waber.
23284	MAT 4:6	La yii co ki “No mo bibwe kwama ri, mwou bitine wori mulangum-mulange, ki “Can yi bibei tomange ce wucakeu na cer nen” La ci an kungum nen dii mor kani ciye. be na mo kware na mwek ter”.
23285	MAT 4:7	Yecu yi ten co mulangum mulange mani mwa cuwa teluwe mwe kwama ti ko.
23286	MAT 4:8	Tak, di Bwekelkele tu co kungken co bang ko wo cwem-cwemeu, La nung cenen Liyar do kaleweu gwam kange duktanka ciye ko.
23287	MAT 4:9	La yico ki dike wo gwam man neken nen no mon cung cunge mo wab yeri.
23288	MAT 4:10	La Yecu yico ki “kubom fou bwekelkele be mulangum mulange, Wab ka teluwe mwe kwama co win.
23289	MAT 4:11	La bwekelkele dobco, La wo bibei tomange wucakeu bou cinen (wabco).
23290	MAT 4:12	La Yecu nuwa cin tam Yuwanari, con cerum yilan ken Galili.
23291	MAT 4:13	Co dubom Najaret cin yaken Kafanahum, wuro knog caji Galiliyeu, yii ka bitinek Jebulun Kange naftali.
23292	MAT 4:14	wo ma nye na dim kero Icaya nii dukume tokeu.
23293	MAT 4:15	biten Jebulune biten Nabtali wo kong Cajiyeu, kange dinge caji Urdun neu, Galili nob kumtacili.
23294	MAT 4:16	Nubo wuro yim kumtacili yeu, cin to filanko dur, la buro yim wi fiyeceu, knage kakulok bware keu, dor cir fiya filanko ti kweni.
23295	MAT 4:17	La fiyaco di Yecu yoten fulonka ker kwama ro, ko yolaten wori liyaro loh Kwama biyeken bidom.”
23296	MAT 4:18	co yakenti knog caji Galili, con to yitob butib yob, cimon wo co tiki Bitru, kange Andrawu yii ce mer biliyar ti mor caji, cin nobtaka jingeb.
23297	MAT 4:19	Yecu yii ci, kom bou ko buang menten, an yo ka ta men nob.
23298	MAT 4:20	Dang jang ci dubom liyar cero cin buang ten co.
23299	MAT 4:21	La Yecu dubom wi yaken tiri con to ten yitobbo kange ci yob, Yakubu bi bwe Jabali knage Yuwana yii ce, ci yim mor nabire mwenge kange jabal Tee ciye yulang biliyar ceroti.
23300	MAT 4:22	Con co ci dang jang cin dubom nabire mwengeu kange jabali tee ciye, cim bwang ten co.
23301	MAT 4:23	Yecu kentangum Galili gwam, merang cinen ti mor bikur waber, tok fulen ker liyar kwamaro ti twa'a mwanti tiire ti gwam kange nubo nuwabo lumau.
23302	MAT 4:24	La fulen kere ro dor cereu yake kale mor nubo ciriya, co nubo co ci bou cinen ki nubo wo kalati ki wang ki wang kange kwirom bwi kange buro kelkelibo o cinen ti bwiyeu, kange nob juibe, kange nubo kani kange nani bwiyarangumeu, Yecu twm ci.
23303	MAT 4:25	Nubo nawo kila kilau bwang cinen ten Galili kange dika foli kange Urcalima kange biten Yahudiya, yaken ciko dinge Urdun neu.
23304	MAT 5:1	Kambo Yecu to mwerkang ka nubo ducceri kwiken dor bang-er. La cin yikenwi, nob bwankacebo bou cinen.
23305	MAT 5:2	Wumom mor nerer ciro takri to merang cinen.
23306	MAT 5:3	Bi bwiyer kiniwo bwini na yuwa tangbeceu nyori liyar kwama ki cii.
23307	MAT 5:4	Bibwiyer kiniwo kibwatummeu, wori ciyatin macinen dangnee.
23308	MAT 5:5	Bibwiyer ki nubo wo ki kunne wori kwalito dorbitinero ki cii.
23309	MAT 5:6	Biwiyer ki nub wurab kange dulo mwe wucakke wori atin bwam ki cii.
23310	MAT 5:7	Bibwiyer ki nub cika bwinib wori, atinci bwinicito.
23311	MAT 5:8	Bibwiyer ki nubo nero wucakkeu, wori ciyen to kwama.
23312	MAT 5:9	Bibwiyer ki nubo ki fuwer nerereu, wori a cociki bi biylo kwama.
23313	MAT 5:10	bibwiyer ki nubo wuro cii ne cii dotangeti ker caccaker, liyar kwama ki cii.