3	GEN 1:3	Kɔ Kanu kəloku: «Pəwaŋkəra peyi!» Kɔ pəwaŋkəra peyi.
6	GEN 1:6	Kɔ Kanu kəloku sɔ: «Pəkuymɛ peyi, ntɛ tɔŋsɔŋɛ domun deyersɛnɛ mɔ!»
9	GEN 1:9	Kɔ Kanu kəloku: «Domun ndɛ deyi kɔm tantɔf mɔ, doloŋkanɛ tofo tin, pəwosu peyi, pəwur, pəyi takəroŋ!» Kɔ teyi tatɔkɔ.
11	GEN 1:11	Kɔ Kanu kəloku sɔ: «Antɔf ŋopoŋ pubuk, yika ŋa defet, kɔ tɔk yokom nyɛ yende yoc-kom antɔf kəroŋ taciŋa mɔ! Yɔyɔ sɔ defet dakayi!» Kɔ teyi tatɔkɔ.
14	GEN 1:14	Kɔ Kanu kəloku sɔ: «Yomotər-motər yeyi dəpəkuymɛ, ntɛ tɔŋsɔŋɛ dɔsɔk dɛgbɛyɛnɛ kɔ pibi mɔ! Kɔ tɔyɔnɛ mɛgbɛkərɛ ma tɛm, dɔsɔk kɔ meren.
15	GEN 1:15	Yɔyɔnɛ yomotər-motər ya pəkuymɛ nyɛ yende yɔc-sɔŋ antɔf pəwaŋkəra mɔ!» Kɔ teyi tatɔkɔ.
20	GEN 1:20	Kɔ Kanu kəloku sɔ: «Yeŋesəm ya dəkəba yɛc-sɛp dəromun. Bɛmp yɛc-fɛlər-fɛlər kɔm tantɔf!»
22	GEN 1:22	Kɔ Kanu kəmpocɛ yi pətɔt, kɔ kəloku: «Nəyɔnɛ akombəra, nəla, nəlas domun da dəkəba, kɔ bɛmp, yɛla antɔf kəroŋ!»
24	GEN 1:24	Kɔ Kanu kəloku sɔ: «Antɔf ŋɔyɔ yeŋesəm dokom dokom, sɛm yɔcɔl, yeliŋɛ-liŋɛ, kɔ sɛm ya dəkulum, fəp fa yi kɔ dokom da yi!» Kɔ teyi tatɔkɔ.
26	GEN 1:26	Kɔ Kanu kəloku: «Awa, palompəs fum teyi tosu, wəwurɛnɛ kosu, nwɛ endetasərnɛ lop ya dəkəba, bɛmp ya dareŋc, yɔcɔl kɔ yeliŋɛ-liŋɛ ya dəntɔf fəp mɔ!»
28	GEN 1:28	Kɔ Kanu kəmpocɛ ŋa pətɔt, kɔ kəloku: «Nəyɔnɛ akombəra, nəla, nəlas antɔf, nəboc antɔf tɛfaŋ tonu! Nətasərnɛ lop ya dəkəba, bɛmp nyɛ yɛŋfɛlər dareŋc mɔ, sɛm kɔ yeliŋɛ-liŋɛ ya dəntɔf fəp.»
48	GEN 2:17	Mba ta mədi pokom pa kətɔk ka kəcərɛnɛ pətɔt kɔ pəlɛc de! Bawo dɔsɔk ndɛ məndedi pokom pa ki mɔ, məŋfi!»
49	GEN 2:18	Kɔ Kanu Kəpɔŋ kəloku: «Pəmar fɛ wərkun pəyi sona! Indelompəs wəmarəs kɔn, ntɛ tɔŋsɔŋɛ ŋayi mɛrəŋ mɔ.»
54	GEN 2:23	Kɔ wərkun oŋkulɛ: «Apayo!» «Wəkawɛ taŋ, kəbɛnt ka bɛnt yem, tɛsɛm ta sɛm yem.» Wəkawɛ andewe «wəran» wənɛŋcɛnɛ ka wərkun, bawo nnɔ dis dem d' awurɛ kɔ.
59	GEN 3:3	Mba kətɔk nkɛ kəyi dalɛ dacɔ mɔ, Kanu kəloku: ‹Ta nədi yokom ya ki, ta nəgbuŋɛnɛ ŋaŋ ki! Kɔ nəyɔ ti-ɛ, nəŋfi.›»
60	GEN 3:4	K'abok ŋoloku wəran: «Nəfɔfi!
71	GEN 3:15	Kəbɛrs əm k'inder dacɔ kɔ wəran, kəyɛfɛ nəna haŋ awut a wəran kəbəp awut a məna, Abok! Wəran ende pəc-putək əm domp, məna, Abok, məc-ŋaŋ kɔ dəmnɛ atek.»
78	GEN 3:22	Kɔ Kanu Kəpɔŋ kəloku: «Ah! Ntɛ fum ende pəyi oŋ pəmɔ səna mɔ, pəcərɛ pəlɛc kɔ pətɔt, səkɛmbərnɛ ta pətɛŋc kəca pəlɛk sɔ pokom pa kətɔk kəyinɛ wəyeŋ, pədeyi oŋ doru katina.»
103	GEN 4:23	Kɔ Lɛmɛk oloku aran ɔn: «Ada kɔ Sila nəcəŋkəl dim dem! Aran a Lemɛk nəsu ləŋəs nəcəŋkəl moloku mem. K'asut im-ɛ, indif fum. K'ambopər im-ɛ, indif wanfɛt.
156	GEN 6:18	Kɔ məna, indecaŋəs danapa dosu, məde məbɛrɛ debil kɔ wəran kam, awut am k'aran aŋan!
231	GEN 9:25	Kɔ Nuha oloku: «Intolanɛ Kanahan pəlɛc! Kanahan pəyɔnɛ wəcar ka acar a awɛŋc aŋa!»
232	GEN 9:26	Kɔ Nuha oloku sɔ: «Intola Kanu Kəpɔŋ, Kanu ka Semy, Kanahan pəyɔnɛ wəcar kəŋan!
233	GEN 9:27	Kanu kəyac Yafɛt! Yafɛt pəyi abal ŋa Semy disrɛ, Kanahan nkɔn pəyɔnɛ wəcar kəŋan!»
270	GEN 11:3	Kɔ ŋalokɛnɛ: «Pasut birik, pacɔf bi!» Kɔ birik bɔcɔf babɔkɔ bɔyɔnɛ ŋa masar, kɔ kɔrtal kəyɔnɛ ŋa dos.
273	GEN 11:6	Kɔ Kanu kəloku, «Nəmɔmən afum aŋɛ! Fəp faŋan kusu kin kɔ ŋaŋcɔp. Nəmɔmən sɔ ntɛ ŋaŋcop kəyɔ mɔ. Tɔlɔm o tɔlɔm teyi fɛ ntɛ tɔŋmɔnɛ ŋa kəyɔ ka tɛfaŋ taŋan mɔ.
311	GEN 12:12	K'aka Misira ŋaŋdekɔ-nəŋk əm-ɛ, ŋandekɔ-loku: ‹Wəran kɔn ɔfɔ!› Tɛm tatɔkɔ ŋandekɔ-dif im, ŋasak məna.
318	GEN 12:19	T'ake tɔ məlokɛ a wəkirɛ kam ɔfɔ-ɛ? Məsɔŋ' em kəlɛk kɔ pəyɔnɛ wəran kem. Ndɛkəl oŋ, wəran kam ɛwɛ. Məlɛk kɔ! Məkɔ!»
357	GEN 14:20	Ileləs Kanu nkɛ kəyi fəp kəroŋ mɔ, nkɛ kəlɛk ayɛfərɛnɛ am kɔ kəmbɛr əm dəwaca mɔ!» Kɔ Abram ɔsɔŋ kɔ farilɛ fa ca yɔkɔ ŋanasɔtɔ dəkəwan mɔ fəp.
362	GEN 15:1	Ntɛ mes mamɔkɔ meŋcepər mɔ, kɔ Kanu Kəpɔŋ kəwurər Abram dəmere kɔ kəloku kɔ ntɛ: «Ta mənesɛ, Abram! Ina yati indeyɔn' am aca. Indeluks' am kəway pəpɔŋ.»
387	GEN 16:5	Kɔ Saray oloku Abram: «Mən' endesarɛ pəcuy pa mɔlɔməs mmɛ ɔlɔməs im mɔ! Ina yati, in' ɛlɛk wəcar kem k'imbɛr əm kɔ dəwaca, mba ntɛ ɛnəŋknɛ oŋ pəbɛkəs mɔ, k'ɛyɛfɛ kəfərfərəs im. Mba Kanu Kəpɔŋ kəmboc su kiti dacɔ (kəyi su dacɔ), ina kɔ məna!»
416	GEN 17:18	Kɔ Abraham oloku Kanu: «Məgbətənɛ Səmayila doru!»
417	GEN 17:19	Kɔ Kanu kəloku: «Ala! Wəran kam Sara endekom' am wan nwɛ məndewe Isiyaka mɔ. Indecəmɛ danapa dosu darəŋ kɔ nkɔn, iyɛfɛ sɔ icəmɛ di darəŋ kɔ yuruya yɔn kɔ nkɔn eŋcepər-ɛ danapa da doru o doru dɔ.
430	GEN 18:5	Indesɔŋ nu sɔ peri, ntɛ tɔŋsɔŋɛ nu kəsɔtɔ sɔ fənɔntər mɔ, a nədekɔ tɛm tatɔkɔ nəfɔdecepər nnɔ nderem kifəli, iyi kiyi konu.» Kɔ acikəra ŋaloku: «Tentesɛ! Məyɔ tɔkɔ məloku mɔ.»
440	GEN 18:15	Kɔ Sara eyemɛ, k'ombupərɛ «Isel fɛ,» bawo ɛnanesɛ. Kɔ Kanu Kəpɔŋ kəŋgbɔkərɛ: «Ala, məsel!»
450	GEN 18:25	«Tɔbɔl' am məna kəyɔ ka tantɛ! Məfɔdedifɛnɛ fum wəlompu kɔ wətɔlomp, tɛm tatɔkɔ wətɔdəkət pəsɔtɔ pəcuy pin payi kɔ wədəkət. Tɔbɔl' am məna nwɛ məyɔnɛ wəboc kiti ka doru fəp mɔ, məfɔdeyi ta məleləs sariyɛ!»
455	GEN 18:30	Kɔ Abraham oloku: «Ilɔktərn' am, Kanu Wəbɛ! Ta pətɛl' am k'ilok-loku sɔ-ɛ! Tɔlɔma alompu 30 ŋ' andekɔ-bəp di?» Kɔ Kanu kəloku Abraham: «Ifɔləsər di k'imbəp dɔtɔf afum alompu 30-ɛ.»
457	GEN 18:32	Kɔ Abraham oloku: «Ilɛtsɛn' am, Wəbɛ kem! Ta pətɛl' am, tɛləpəs t' indelok-lokər əm. Tɔlɔma alompu wəco ŋayi di.» Kɔ Kanu kəloku sɔ Abraham, «Ifɔləsər di teta afum akakɔ wəco.»
460	GEN 19:2	Kɔ Lɔt oloku ŋa: «Ilɛtsɛnɛ nu, nəna abɛ em, nəder nnɔ kəlɔ ka wəcar konu. Nəcepərɛnɛ dɛ pibi, nəbikɛnɛ wɛcək, nədena nəyɛfɛ bət-bətana suy, nəsumpər sɔ dɔpɔ donu, nəkɔ.» Kɔ mɛlɛke ŋaloku kɔ: «Ala, nnɔ tofo tantɛ tɔ səndecepərɛnɛ pibi!»
465	GEN 19:7	K'oloku ŋa: «Ala, Anapa, Ilɛtsɛnɛ nu ta nəyɔ pəlɛc pampɛ!
466	GEN 19:8	Ilɛtsɛnɛ nu! Iyɔ ayecəra mɛrəŋ atɔcərɛ arkun, ilɛtsɛnɛ nu ikɛrɛ nu ŋa nnɔ dabaŋka, nəyɔ ŋa mɛfaŋ monu. Mba ta nəyɔ acikəra em ntɛ o ntɛ, bawo kiyi kem kɔ ŋayinɛ dɛ!»
467	GEN 19:9	K'afum a Sodom ŋaloku kɔ: «Məbɔlɛ day! Məna wəcikəra məfaŋ kəbocər səna dɔpɔ ndɛ səndekɔt mɔ, kɔ məntɔwurɛnɛ ŋa-ɛ, tɔkɔ səndedeŋər məna mɔ tendecepər taŋan!» Kɔ ŋawɛn Lɔt pəpɔŋ kɔ ŋalɔtərnɛ kumba kəkɔ-ləsər ki.
472	GEN 19:14	Kɔ Lɔt ɔŋkɔ pəbəp arkun aŋɛ ŋananɛŋcɛ awut ɔn mɔ, k'oloku ŋa: «Nəkufɛ nəyɛfɛ dɛ! Bawo Kanu Kəpɔŋ kənderer kələsər dare dandɛ.» Mba, kɔ arkun akaŋɛ ŋaŋcɛm-cɛmənɛ a kəwoləs kɔ Lɔt ɛndɛ.
475	GEN 19:17	Ntɛ mɛlɛke ŋawurɛnɛ ŋa dare disrɛ mɔ, kɔ mɛlɛkɛ min moloku Lɔt: «Məyɛksɛ ntɛ tɔŋsɔŋɛ ta məfi mɔ! Ta məmɔmən tadarəŋ, ta məcəmbərəs tofo o tofo nnɔ aranta ŋaŋɛ! Məkɔ məndɛ məyacnɛ nde dətɔrɔ, ta mədefi.»
476	GEN 19:18	Kɔ Lɔt oloku ŋa: «Ala, wəbɛ kem! Tɔfɔtam kəyi.
477	GEN 19:19	Ilɛtsɛn' am! Wəcar kam ɔsɔtər əm kəŋaŋnɛ ntɛ məlas layidi dam nnɔ iyi mɔ, ntɛ məsak im kəyi doru mɔ, mba ifɔtam kəyɛksɛ ibəp tɔrɔ tatɔkɔ a məctorɛ pəlɛc, kɔ pəyi fɛ ti-ɛ ina sɔ, iŋfi.
478	GEN 19:20	Ilɛtsɛn' am məŋnəŋk dare dɔkɔ, dɔlɔtərn' em k'iyɛksɛ ibɛrɛ di kɔ dɛfɛtɛ sɔ. Məc' em ikɔ indɛ iyacnɛ di, dɛfɛtɛ fɛ ba? Intam di kəbɛrɛ, tɔsɔŋ' em kəyi doru!»
499	GEN 20:3	Awa, kɔ Kanu kənder Abimɛlɛk dəmere ma pibi kɔ kəloku kɔ: «Kəfi kɔ mənder teta wəran wəkɔ məsumpər mɔ, bawo wəran wəlɔ ɔfɔ!»
531	GEN 21:17	Kɔ Kanu kəne wan dim, kɔ mɛlɛkɛ ma Kanu mewe Hakar dareŋc kɔ meyif kɔ: «Ak' ɔyɔ əm-ɛ Hakar? Ta mənesɛ! Bawo Kanu kəne wan kam dim nde eyi mɔ.
549	GEN 22:1	Ntɛ mes mmɛ meŋcepər mɔ, kɔ Kanu kəmbocər Abraham dɔpɔ, kɔ kəwe kɔ: «Abraham!» K'owosɛnɛ ki: «In' ɛwɛ!»
555	GEN 22:7	Kɔ Isiyaka ewe kas Abraham k'eyif kɔ: «Papa!» Kɔ wəkakɔ owosɛ: «In' ɛwɛ, wan kem!» Kɔ Isiyaka oloku: «Nɛŋc dɔ dandɛ kɔ tɔk, mba deke teŋkesiya tɔkɔ aŋkɔ-loŋnɛ Kanu pacɔf mɔ peyi-ɛ?»
559	GEN 22:11	Kɔ mɛlɛkɛ ma Kanu Kəpɔŋ mewe kɔ dareŋc. Kɔ moloku: «Abraham! Abraham!» K'owosɛ: «In' ɛwɛ!»
564	GEN 22:16	kɔ moloku: «Toloku ta Kanu Kəpɔŋ indɛrəm' am ti, ina sərka! ‹Bawo məyɔ tantɛ, məfatɛnɛ f' em wan kam sona Isiyaka,
578	GEN 23:6	«Məcəŋkəl su, Wəbɛ! Fum wəpɔŋ wəka Kanu məyɔnɛ su dacɔ. Məmɔmən kəfo nkɛ kəmbɔt əm mɔ, məwup wəran kam dəkəwupɛnɛ dosu dacɔ. Ali fum ɔfɔdefatɛnɛ dəkəwupɛnɛ dɔn kəwup ka wəran kam.»
583	GEN 23:11	«Ala, wəbɛ kem. Məcəŋkəl im! Isɔŋ əm dalɛ, k'isɔŋ əm sɔ kumbuŋkum kəŋkɔ kəyi di mɔ. Isɔŋ əm ki, fɔr ya awut a atɔf ŋem kiriŋ. Məwup di wəran kam.»
585	GEN 23:13	K'oloku ntɛ Hɛfəroŋ, fɔr ya afum a dɔtɔf kiriŋ: «Məna sɔ məkafəlɛ məcəŋkəl im! Iŋsɔŋ kəway ka dalɛ! Məwosɛn' em ti, a idewup di wəran kem.»
587	GEN 23:15	«Wəbɛ kem, məcəŋkəl im! Antɔf ŋa gbeti mɛŋcəmbəl 400, ake babɔkɔ bɔyɔnɛ ina kɔ məna dacɔ-ɛ? Məwup di wəran kam!»
598	GEN 24:6	Kɔ Abraham oloku: «Ta məluksɛ wan kem dəndo de!
600	GEN 24:8	Kɔ wəran ɔntɔkɔwosɛ kəcəm' am darəŋ-ɛ, iŋaŋnɛn' am kədɛrəm nkɛ isɔŋ' am kədɛrəm mɔ. Mba ta məluksɛ wan kem dəndo de!»
606	GEN 24:14	Pəyɔnɛ fɔ wəyecəra nwɛ indeloku fɔ: ‹Ilɛtsɛn' am məti tɔbɔl tam imun,› a wəkayi pəlok' im: ‹Məmun, isɔŋ sɔ yɔkɔmɛ yam yomun,› pəyɔnɛ a wəkakɔ məmpocɛ wəcar kam Isiyaka! Tɛm tatɔkɔ indecərɛ a məlasɛ wəbɛ kem Abraham layidi dɔkɔ mənasɔŋ kɔ mɔ.»
610	GEN 24:18	Kɔ Rebeka oloku: «Məmun, wəbɛ kem!» K'ɛmbɛlkər kətinɛ kɔ tɔbɔl tɔn, k'ɔsɔŋ kɔ domun, k'omun.
619	GEN 24:27	pəcloku: «Iŋkorkor əm məna Kanu Kəpɔŋ nkɛ, Kanu ka wəbɛ kem Abraham. Məna nwɛ məntɔsak kəlas layidi ndɛ mənasɔŋ kɔ mɔ, məcyɔnɛ wəbɛ kem mɛfaŋ mɔn fəp mɔ! Kanu Kəpɔŋ məsol' em kɔ məŋkɛr' em haŋ nnɔ kəlɔ ka awɛŋc a wəbɛ kem Abraham.»
623	GEN 24:31	Kɔ Labaŋ oloku: «Məder məna nwɛ Kanu kəmpocɛ mɔ! Ta ake tɔ məndeyinɛ dabaŋka-ɛ? Ifɛŋ dəkəlɔ k'ilompsɛ yɔkɔmɛ yam tofo.»
625	GEN 24:33	Kɔ tɛyɛfɛ dənda k'aŋcəmbərɛ kɔ yeri. Mba k'oloku: «Ifɔdi kərɛsna paka, mɛnɛ iloku toloku ntɛ inder kəloku mɔ.» Kɔ Labaŋ oloku kɔ: «Məloku!»
636	GEN 24:44	a wəkayi pəlok' im: ‹Məbaŋ məmun məna sərka, indesɔkɛtɛ yɔkɔmɛ yam!› Wəyecəra wəkakɔ pəyɔnɛ nwɛ Kanu Kəpɔŋ kəŋcəmbərɛ wan ka wəbɛ kem Abraham mɔ!
652	GEN 24:60	Kɔ ŋantolanɛ Rebeka kɔ ŋaloku kɔ: «Məna wəkirɛ kosu, məyɔnɛ wəka afum alarəm! Məyɔnɛ fum nwɛ awut-sɔ ɔn ŋandetam aterɛnɛ am mɔ!»
702	GEN 26:9	Kɔ Abimɛlɛk ewe Isiyaka k'eyif kɔ: «Wəran kam ɔyɔnɛ wəran nwɛ! Ake 'sɔŋɛ ntɛ məloku su a wəkirɛ kam ɔfɔ mɔ?» Kɔ Isiyaka oloku kɔ: «Iloku ti kənesɛ disrɛ ta idefinɛ tetɔn.»
729	GEN 27:1	Isiyaka ɔŋc-yɔnɛ wətem, fɔr yɔc-lɔl kɔ haŋ kɔ tɛləpsər kɔ kətɔnəŋk. K'ewe wan kɔn wəcɔkɔ-cɔkɔ Esay, k'oloku kɔ: «Wan kem!» Kɔ Esay owosɛ: «In' ɛwɛ!»
741	GEN 27:13	Kɔ kɛrɛ oloku kɔ: «Tɔyɔnɛ fɔ pəlɛc papɔkɔ peder im! Məcəŋkəl gbəcərəm dim dem. Məkɔ məkɛr' em mir.»
746	GEN 27:18	Kɔ Yakuba ɔŋkɔ nde papa kɔn eyi mɔ, k'oloku: «Papa wəkem!» Kɔ Isiyaka owosɛ: «In' ɛwɛ. Mən' an' ɔfɔ-ɛ, Wan kem?»
748	GEN 27:20	Kɔ Isiyaka oloku wan kɔn: «Mba məyeŋk kəsɔtɔ wɛsɛm wan kem!» Kɔ Yakuba oloku: «Kanu Kəpɔŋ kam kəkɛr' em wi.»
756	GEN 27:28	Kanu kəsɔŋ əm pəcaŋki pa dareŋc kɔ daka da dəntɔf: Malɔ kɔ member pəlarəm!
757	GEN 27:29	Kanu Kəpɔŋ kəsɔŋɛ, afum ŋay' əm dəntɔf, Kanu kəsɔŋɛ afum ŋatontnɛn' am! Kanu kəsɔŋɛ məyi awɛŋc əm aŋa kəroŋ, Kanu kəsɔŋɛ awut a iya kam ŋatontnɛn' am dəntɔf! Kanu kəsɔŋ pəlɛc, wəkɔ ɛŋfaŋ' am pəlɛc mɔ, Kanu kəsɔŋ pətɔt wəkɔ ɛŋfaŋ' am pətɔt mɔ.»
766	GEN 27:38	Kɔ Esay eyif kas: «Kətola pətɔt kin kaŋkɔ gboŋ kɔ məyɔ ba, Papa? Ina sɔ mətolan' em pətɔt, Papa!» Kɔ Esay ɛyɛfɛ kəbok.
767	GEN 27:39	Kɔ kas Isiyaka oloku kɔ: «Mənəŋk! Dəkəndɛ dam dɔfɔdeyɔ daka da dəntɔf Kɔ pəcaŋki mpɛ pɛŋyɛfɛ dareŋc mɔ.
771	GEN 27:43	Awa wan kem, məcəŋkəl im! Məyɛfɛ, məkɔ məgbɔpnɛ ndena wɛŋc im wərkun Labaŋ nde Haraŋ.
777	GEN 28:3	Kanu Kəpɔŋ nkɛ kəntam mes fəp doru mɔ kəpoc' am pətɔt, kəsɔŋ əm dokombəra, kəsɔŋ' am məla ntɛ tɔŋsɔŋɛ məyɔnɛ afum alarəm mɔ!
790	GEN 28:16	Kɔ Yakuba entimɛ dəmere, k'oloku: «Tɔlɔma Kanu Kəpɔŋ kəyi nnɔ tofo tantɛ, kɔ intɔnacərɛ ti!»
791	GEN 28:17	K'enesɛ k'oloku: «Mba tofo tɔyɔ wɛy-wɛy! Pəŋciyanɛ fɛ dɛ kɔ kəlɔ ka Kanu, kusuŋka ka dareŋc kɔ!»
802	GEN 29:6	K'eyif ŋa: «Cəke cɔ pəyi kɔ-ɛ?» Kɔ akakɔ ŋaloku kɔ: «Daka o daka! Wan kɔn wəran Rasɛl ender wəkɔ kɔ yɔcɔl yɛfɛt-yɛfɛt.»
810	GEN 29:14	Kɔ Labaŋ oloku kɔ: «Kance kəsoku pɛs kɔ: Mecir min mɔ səmpaŋnɛ!» Kɔ Yakuba eyi ndena Labaŋ ŋof ŋin.
815	GEN 29:19	Kɔ Labaŋ oloku kɔ: «Kəsɔŋ əm kɔ kəŋcepər im tɔkɔ iŋkɔ-sɔŋ kɔ wərkun wəcuru mɔ. Məyi nnɔ nderem!»
832	GEN 30:1	Ntɛ Rasɛl ɛnəŋk fɔ eyi fɛ kəkomɛ Yakuba mɔ, k'ɔyɔnɛ wɛŋc wəran Leya kəraca. Kɔ Rasɛl oloku Yakuba: «Məsɔŋ im awut kɔ pəyi fɛ ti-ɛ, iŋfi!»
842	GEN 30:11	Kɔ Leya oloku fɔ: «Pəbotu pender!» Kɔ Leya ɔsɔŋ wan wəkakɔ tewe ta Kadu.
844	GEN 30:13	Kɔ Leya oloku: «Mba pəmbɔt im! Ɛy, aran ŋande ŋac-kul' em oŋ fɔ pəmbɔt əm.» K'ɔsɔŋ wan kakɔ tewe ta Aser.
846	GEN 30:15	Kɔ Leya oloku Rasɛl: «Pəntəŋnɛ f' am ntɛ məmbaŋər im wos im mɔ, mɛnɛ məsɔtɔ sɔ yeri ya wan kem?» Kɔ Rasɛl oloku Leya: «Awa! Ndaram ende mɔkɔ fəntərɛ, kəway ka yeri ya wan kam.»
851	GEN 30:20	Kɔ Leya oloku: «Kanu Kəpɔŋ kəmpoc' em! Tantɛ taŋ, wos im endeyi tofo tin k'ina, bawo iŋkomɛ kɔ awut arkun camət-tin.» Kɔ Leya ewe wan wəkakɔ Sabulon.
855	GEN 30:24	Kɔ Rasɛl ewe wan kɔn wəkakɔ Isifu, k'oloku: «Kanu Kəpɔŋ kəbɛrɛn' em sɔ wan wərkun wəlɔma!»
865	GEN 30:34	Kɔ Labaŋ oloku Yakuba: «Awa! Iwosɛ toloku tam.»
885	GEN 31:11	Kɔ mɛlɛkɛ ma Kanu molok' im dəmere: ‹Yakuba!› K'iwosɛ: ‹In' ɛwɛ!›
902	GEN 31:28	Məwosɛ f' em kəcup awut-sɔ em arkun kɔ awut em aran! Tantɛ taŋ məmbut amera.
903	GEN 31:29	Intam kəyɔ əm pəlɛc, mba Kanu ka papa kam kəlokus' em nendisna: ‹Məkɛmbərnɛ kəloku ka Yakuba pəlɛc!›
906	GEN 31:32	Mba məmɔmən nwɛ o nwɛ məŋnəŋkɛ canu cam afum em dacɔ mɔ, wəkakɔ eŋfi! Awɛŋc asu aŋa fɔr kiriŋ məmɔmən məlɛk mpɛ o mpɛ pɔyɔnɛ pam mɔ məkekərɛ.» Mba Yakuba ɛnacərɛ fɛ a Rasɛl eŋkiyər Labaŋ canu ca kusuŋka kəŋan.
920	GEN 31:46	Kɔ Yakuba oloku awɛŋc aŋa: «Nəwɛtəs masar!» K'awɛŋc aŋa ŋawɛtəs masar kɔ ŋamboc tɛpɛsa. Kɔ ŋandɛ tɛpɛsa papɔkɔ kəroŋ kɔ ŋandi yeri.
932	GEN 32:4	Yakuba endenəŋk mi, k'oloku: «Afan ŋa Kanu ŋɔ!» K'ɔsɔŋ tofo tatɔkɔ tewe ta Mahanayim.
939	GEN 32:11	Kɔ Yakuba oloku: «Kanu ka papa kem Abraham, Kanu ka papa kem Isiyaka, Kanu Kəpɔŋ nkɛ kəlok' im: ‹Məlukus atɔf ŋam nde aŋkom əm mɔ, indeyɔn' am pətɔt!›
941	GEN 32:13	Ilɛtsɛn' am məbaŋ im, wɛŋc im Esay dəwaca! Bawo iŋnesɛ ta pədesut im, kɔ iya ka awut em.
1029	GEN 35:17	Eyi pəcuy pa kəkom kaŋkɔ, kɔ wəbaŋ kɔn wan oloku: «Ta mənesɛ, bawo məsɔtɔ sɔ wan wərkun!»
1090	GEN 37:6	Kɔ Isifu oloku ŋa: «Awɛŋc im aŋa, nəcəŋkəl mere mmɛ iwɛrəpna mɔ!
1091	GEN 37:7	Dəkulum ayina pacsek mɛmpəlɛ. Pəwon fɛ kɔ kilim kem ka mɛmpəlɛ kəyɛfɛ kɔ kəŋcəmɛ sot! Kɔ cilim ca mɛmpəlɛ ma nəna cənder cənɔŋkər kemi, kɔ cəntontnɛnɛ ki.»
1097	GEN 37:13	Kɔ Yakuba oloku Isifu: «Awɛŋc əm aŋa ŋayi Səkɛm ŋawurɛnɛ yɔcɔl kəkɔsɔ-mət. Məder, ifaŋ kəsom əm nde ŋayi mɔ.» Kɔ Isifu owosɛ: «In' ɛwɛ!»