2	GEN 1:2	Tɛm tatɔkɔ antɔf ŋɛnayɔ fɛ teyi, kubump kənayi kəba kəroŋ. Mba Derkifin da Kanu dɛnayi sɔ domun kəroŋ doc-bum yi.
5	GEN 1:5	Kɔ Kanu kəwe pəwaŋkəra «dɔsɔk», kɔ kəwe kubump «pibi.» Kɔ dɔfɔy deyi, kɔ bət-bət beyi, kɔ tɔyɔnɛ dɔsɔk dɔcɔkɔ-cɔkɔ.
8	GEN 1:8	Kɔ Kanu kəwe pəkuymɛ mpɛ «kɔm.» Kɔ dɔfɔy deyi kɔ bət-bət beyi, kɔ tɔyɔnɛ dɔsɔk da mɛrəŋ.
11	GEN 1:11	Kɔ Kanu kəloku sɔ: «Antɔf ŋopoŋ pubuk, yika ŋa defet, kɔ tɔk yokom nyɛ yende yoc-kom antɔf kəroŋ taciŋa mɔ! Yɔyɔ sɔ defet dakayi!» Kɔ teyi tatɔkɔ.
13	GEN 1:13	Kɔ dɔfɔy deyi kɔ bət-bət beyi, kɔ tɔyɔnɛ tataka ta maas.
14	GEN 1:14	Kɔ Kanu kəloku sɔ: «Yomotər-motər yeyi dəpəkuymɛ, ntɛ tɔŋsɔŋɛ dɔsɔk dɛgbɛyɛnɛ kɔ pibi mɔ! Kɔ tɔyɔnɛ mɛgbɛkərɛ ma tɛm, dɔsɔk kɔ meren.
15	GEN 1:15	Yɔyɔnɛ yomotər-motər ya pəkuymɛ nyɛ yende yɔc-sɔŋ antɔf pəwaŋkəra mɔ!» Kɔ teyi tatɔkɔ.
16	GEN 1:16	Kɔ Kanu kəwurɛ yomotər-motər mɛrəŋ kɔ kəndɛt yi . Pomot pɔpɔŋ pɛtasərnɛ dɔsɔk, kɔ pomot pɛfɛt pɛtasərnɛ pibi. Kɔ Kanu kəwurɛ cɔs kɔ kəndɛt.
17	GEN 1:17	Kɔ Kanu kəndɛt yomotər-motər nyɛ dəkɔm yɔc-sɔŋ antɔf pəwaŋkəra.
19	GEN 1:19	Kɔ dɔfɔy deyi, kɔ bət-bət beyi, kɔ tɔyɔnɛ tataka ta maŋkəlɛ.
20	GEN 1:20	Kɔ Kanu kəloku sɔ: «Yeŋesəm ya dəkəba yɛc-sɛp dəromun. Bɛmp yɛc-fɛlər-fɛlər kɔm tantɔf!»
21	GEN 1:21	Kɔ Kanu kəwurɛ sɛm yɔpɔŋ ya dəromun dokom dokom, kɔ yɛŋɛrəŋ-ŋɛrəŋ ya dəromun, kɔ domun doŋcop kəsɛp. Kɔ Kanu kəwurɛ sɔ bɛmp dokom dokom. Kɔ Kanu kənəŋk fɔ tentesɛ.
23	GEN 1:23	Kɔ dɔfɔy deyi kɔ bət-bət beyi, kɔ tɔyɔnɛ tataka ta kəcamət.
24	GEN 1:24	Kɔ Kanu kəloku sɔ: «Antɔf ŋɔyɔ yeŋesəm dokom dokom, sɛm yɔcɔl, yeliŋɛ-liŋɛ, kɔ sɛm ya dəkulum, fəp fa yi kɔ dokom da yi!» Kɔ teyi tatɔkɔ.
25	GEN 1:25	Kɔ Kanu kəwurɛ sɛm ya dəkulum dokom dokom, yɔcɔl dokom dokom kɔ yeliŋɛ-liŋɛ fəp dokom dokom. Kɔ Kanu kənəŋk fɔ tentesɛ.
26	GEN 1:26	Kɔ Kanu kəloku: «Awa, palompəs fum teyi tosu, wəwurɛnɛ kosu, nwɛ endetasərnɛ lop ya dəkəba, bɛmp ya dareŋc, yɔcɔl kɔ yeliŋɛ-liŋɛ ya dəntɔf fəp mɔ!»
28	GEN 1:28	Kɔ Kanu kəmpocɛ ŋa pətɔt, kɔ kəloku: «Nəyɔnɛ akombəra, nəla, nəlas antɔf, nəboc antɔf tɛfaŋ tonu! Nətasərnɛ lop ya dəkəba, bɛmp nyɛ yɛŋfɛlər dareŋc mɔ, sɛm kɔ yeliŋɛ-liŋɛ ya dəntɔf fəp.»
30	GEN 1:30	Sɛm ya dəntɔf, bɛmp ya dareŋc, yɛfɛlər-fɛlər ya dareŋc, kɔ yeliŋɛ-liŋɛ ya dəntɔf, ca fəp nyɛ yeŋesəm mɔ, isɔŋ yi dəmnɛ yika yobuk yɔyɔnɛ yi yeri.» Kɔ teyi sɔ tatɔkɔ.
31	GEN 1:31	Kɔ Kanu kənəŋk fɔ mes mɔkɔ ɛnayɔ mɔ fəp, mɔtɔt dəm mɛnayi. Kɔ dɔfɔy deyi kɔ bət-bət beyi, kɔ tɔyɔnɛ tataka ta camət-tin.
32	GEN 2:1	Dɔsɔk da camət-tin dadɔkɔ, di d' analəpəs kɔm, antɔf kɔ ca yɛləpəs nyɛ.
33	GEN 2:2	Tataka ta camət-mɛrəŋ, kɔ yolompəs ya Kanu fəp yelip, k'ɛsak, k'eŋesəm tataka ta camət-mɛrəŋ ta yɛbəc yɔn.
34	GEN 2:3	Kɔ Kanu kəsɔŋ tataka ta camət-mɛrəŋ pəleli. K'eleləs pi, bawo dɔsɔk dadɔkɔ dɔ Kanu kəsak yɛbəc ya kəlompəs yɔkɔ ɛnayi mɔ.
37	GEN 2:6	Mba kifir kəŋc-pɛ dəntɔf, nkɛ kəŋc-dəməs antɔf fəp mɔ.
40	GEN 2:9	Kɔ Kanu Kəpɔŋ kəsɔŋɛ kɔ tɔk yokom yɔbɔt kədi yompoŋəs-poŋəs fəp, kəlɛkɛnɛ kətɔk ka kəyinɛ wəyeŋ katina nkɛ kənacəmɛ nde dalɛ dacɔ mɔ, kɔ kətɔk ka kəcərɛnɛ pətɔt kɔ pəlɛc.
41	GEN 2:10	Kɔ kəŋgbɔkɔ kəwur Edeŋ, nkɛ kəŋc-dəməs dalɛ mɔ. Kɔ kəŋgbɔkɔ kaŋkɔ kəŋkɔ kəyerənɛ dalɛ disrɛ waca maŋkəlɛ.
42	GEN 2:11	Kəca kəcɔkɔ-cɔkɔ k'aŋc-we «Pisɔŋ», ki kənɔŋkər atɔf ŋa Hawila fəp, nde kɛma kəyi mɔ.
43	GEN 2:12	(Nde ambəp kɛma kəsoku pɛs mɔ, ŋcɛmcɛm yobotu ambɔŋc, kɔ masar momotər-motər .)
56	GEN 2:25	Wərkun kɔ wəran kɔn fəp faŋan kəsɔkər kɔ ŋanayi, ta ŋaŋlapərɛnɛ-ɛ.
59	GEN 3:3	Mba kətɔk nkɛ kəyi dalɛ dacɔ mɔ, Kanu kəloku: ‹Ta nədi yokom ya ki, ta nəgbuŋɛnɛ ŋaŋ ki! Kɔ nəyɔ ti-ɛ, nəŋfi.›»
65	GEN 3:9	Kɔ Kanu Kəpɔŋ kəwe wərkun kɔ kəyif kɔ: «Deke məyi-ɛ?»
67	GEN 3:11	Kɔ Kanu Kəpɔŋ kəyif kɔ sɔ: «Anɔ 'mentər əm a kəsɔkər kɔ məwur-ɛ? Cepɔ məndi pokom pa kətɔk kəŋkɔ inamɔn' am mɔ ba?»
69	GEN 3:13	Kɔ Kanu kəyif wəran: «Ta ake tɔ məyɔnɛ tantɛ-ɛ?» Kɔ wəran oloku Kanu: «Abok ŋetiŋkər im, k'indi pokom pampɛ.»
71	GEN 3:15	Kəbɛrs əm k'inder dacɔ kɔ wəran, kəyɛfɛ nəna haŋ awut a wəran kəbəp awut a məna, Abok! Wəran ende pəc-putək əm domp, məna, Abok, məc-ŋaŋ kɔ dəmnɛ atek.»
72	GEN 3:16	Kɔ Kanu kəloku wəran: «Indeyɔ kəbɛkəs kam kəc-cu'm. Pəcuca pɔ mənde məc-kom. Mɛfaŋ mam məndekɔ nda wos əm. Mba endetasərn' am.»
74	GEN 3:18	Yika ya dəkulum yɔ mənde məc-di. Mba antɔf ŋende ŋoc-kom am bɛŋk kɔ ŋgbɔŋkəlɔ.
75	GEN 3:19	Kawonɛ ka tobu tam kəndesɔŋ' am kəc-sɔm kəcom haŋ tɛm ntɛ məndelukus dəntɔf nde məyɛfɛ mɔ. Bawo kəbof kɔ məyɔnɛ, dəkəbof məndesɔ-lukus.»
80	GEN 3:24	Ntɛ Kanu kəwurɛnɛ fum dalɛ da Edeŋ mɔ, kɔ kəŋcəmbər mɛlɛke ntende dec dɛmpɛ dalɛ da Edeŋ, kɔ dakma ndɛ deŋcfikəlɛ dɛc-cɛsəŋɛ nɛŋc, ntɛ tɔŋsɔŋɛ ta alɔtərnɛ kətɔk ka kəyinɛ wəyeŋ mɔ.
84	GEN 4:4	K'Abɛl nkɔn sɔ, ɛŋkɛrɛ yokom yɔcɔkɔ-cɔkɔ ya yɔcɔl yɔn kɔ moro ma yi. Kɔ Kanu Kəpɔŋ kəmɔmənɛ Abɛl kɔ kəloŋnɛ kɔn fɔr yɔtɔt.
86	GEN 4:6	Kɔ Kanu kəyif Kayin: «Ta ake tɔ pəntɛlɛn' am-ɛ, ta ake tɔ məŋɛyɛ kəro-ɛ?
87	GEN 4:7	Kɔ məŋkɔt bel-bel-ɛ, məndesel. Kɔ kɔ məŋkɔt pəlɛc-ɛ, kiciya kəy' əm dəkusuŋka kɔ mɛfaŋ ma ki mey' əm. Mba məsɛp mətasərnɛ ki.»
89	GEN 4:9	Kɔ Kanu kəyif Kayin: «Deke wɛŋc əm Abɛl eyi-ɛ?» Kɔ Kayin oloku fɔ: «Iŋcərɛ fɛ. Cepɔ wəkɛkəs kɔn iyɔnɛ ba?»
90	GEN 4:10	Kɔ Kanu kəloku Kayin: «Cəke cɔ məyɔ wɛŋc əm-ɛ? Dim da mecir ma wɛŋc əm deyi kəkulɛ-kulɛ kəyɛfɛ dəntɔf haŋ nnɔ iyi mɔ.
92	GEN 4:12	Kɔ mənde məcbəc antɔf-ɛ, ŋɔfɔde ŋɔcsɔŋ əm pəbotu pa ŋi. Ti tɔ pənde pəctɛlɛn' am məc-cepɛ-cepɛ dəkəbəc.»
94	GEN 4:14	Məmbɛləs im mɔkɔ nnɔ antɔf ŋam ŋebi ŋeyi mɔ. Pənamar im kəgbɔpən' am, kɔ kəcepɛ-cepɛ dəntɔf, kɔ fum ɛmbəp im dənda-ɛ, pədif im.»
95	GEN 4:15	Mba, kɔ Kanu Kəpɔŋ kəloku kɔ: «Kɔ fum endif Kayin-ɛ, aŋluksɛ ayɛk ŋɔn camət-mɛrəŋ.» Kɔ Kanu kəŋgbesi Kayin ntɛ tɔŋsɔŋɛ aŋɛ ŋambəp kɔ mɔ, ta ŋasut kɔ ŋadif.
100	GEN 4:20	K'Ada oŋkom Yabal, nkɔn ɔyɔnɛ wətem ka akɛk yɔcɔl acepɛ-cepɛ.
102	GEN 4:22	Kɔ Cila nkɔn sɔ dəmnɛ oŋkom Tubal-Kayin, nwɛ ɛŋcgbɛc ca fəp ya kɔpər kɔ ya fɛc mɔ. Wəkirɛ kɔn aŋcwe Nahama.
103	GEN 4:23	Kɔ Lɛmɛk oloku aran ɔn: «Ada kɔ Sila nəcəŋkəl dim dem! Aran a Lemɛk nəsu ləŋəs nəcəŋkəl moloku mem. K'asut im-ɛ, indif fum. K'ambopər im-ɛ, indif wanfɛt.
104	GEN 4:24	Kɔ pəyɔnɛ fɔ padif afum camət-mɛrəŋ kəluksɛ ayɛk ŋa Kayin-ɛ, andedif afum 77, a pacluksɛ ayɛk ŋa Lemɛk.»
106	GEN 4:26	Kɔ Sɛt ende pəkom wan pac-we kɔ Enɔs. Tɛm tatɔkɔ t' anacop kəkor-koru tewe ta Kanu Kəpɔŋ.
108	GEN 5:2	wərkun kɔ wəran k'ɛsɛl ŋa, k'ompocɛ ŋa pətɔt, k'ewe ŋa tewe ta «fum,» tɛm ntɛ ɛŋc-sɛl ŋa mɔ.
135	GEN 5:29	Kɔ Lɛmɛk ewe wan wəkakɔ «Nuha.» K'oloku: «Wəkawɛ ende pəcyaməsɛ-yaməsɛ su, kəcɛm-cɛmnɛ ka pucuy mpɛ yɛbəc yocuca nyɛ waca womboc antɔf nyɛ, Kanu Kəpɔŋ kənasɔŋ pəlɛc te tosu mɔ.»
140	GEN 6:2	Kɔ mɛlɛke ŋanəŋk fɔ ayecəra aka afum ŋantesɛ. Kɔ ŋayɛk-yɛk aran aŋan ayecəra akakɔ dacɔ.
141	GEN 6:3	Kɔ Kanu kəloku: «Ifaŋ fɛ kəsak afum ŋayinɛ kifir kəyinɛ doru nkɛ inasɔŋ ŋa mɔ, bawo fum sɛm dəm yɔ. Kəyi kɔn doru kəfɔde kəc-cepər sɔ meren 120.»
143	GEN 6:5	Kɔ Kanu Kəpɔŋ kənəŋk fɔ deyeŋki bəkəc da afum dɛla doru, dɔsɔk o dɔsɔk mɛcɛm-cɛmnɛ mɛlɛc gbəcərəm mɔ afum ŋayinɛ.
145	GEN 6:7	Kɔ Kanu kəloku: «Kənim k'inder afum aŋɛ inasɛl mɔ, kəyɛfɛ afum, kəbəp sɛm, kəkɔ ka yeliŋɛ-liŋɛ haŋ bɛmp ya dareŋc, bawo iŋaŋnɛ tɛlər kəsɛl kəŋan.»
147	GEN 6:9	Tɛcɛpərɛnɛ ta Nuha k'awut-sɔ ɔn tɛntɛ: Nuha, fum wətɔt ɛnayi pəlomp, ŋasol kɔ Kanu.
150	GEN 6:12	Kanu kənanəŋk a doru dɛsəkpɛ, bawo afum fəp ŋanagbaymɛ-gbaymɛ dɔpɔ dɔtɔt.
151	GEN 6:13	Ti t' ɛnasɔŋɛ Kanu kəloku Nuha: «Iŋcɛm-cɛmnɛ kəmələk yeŋesəm ya doru fəp, bawo tes taŋan tɔsɔŋɛ kɔ doru dɛla kədəkətɛrɛnɛ, kənim ŋa k'inder doru.
159	GEN 6:21	Awa, mətɛn yeri fəp, məmɛŋkərnɛ yi ntɛ tɔŋsɔŋɛ nəde nəc-sɔtɔ yedi nəna kɔ yi mɔ.»
162	GEN 7:2	Məlɛkɛnɛ sɛm yɔtɔt camət-mɛrəŋ camət-mɛrəŋ, yorkun kɔ yɛran, mba sɛm yɛlɛc, məlɛk yi mɛrəŋ mɛrəŋ: Workun kɔ wɛran gbəcərəm.
163	GEN 7:3	Kɔ bɛmp, məlɛkɛnɛ yi fəp dacɔ, yorkun camət-mɛrəŋ kɔ yɛran camət-mɛrəŋ. Ti t' endesɔŋɛ yi sɔ yeyi doru.
164	GEN 7:4	Pəŋcəmɛ mata camət-mɛrəŋ, itorɛ wəcafən mata 40 kɔ pibi 40 camcam. Tɛm tatɔkɔ indefɛŋ nnɔ doru afum aŋɛ inasɛl mɔ fəp.»
168	GEN 7:8	Sɛm yɔtɔt kɔ yɛlɛc, bɛmp kɔ sɛm yɛfɛt-yɛfɛt nyɛ yeŋliŋɛ-liŋɛ mɔ fəp,
170	GEN 7:10	Ntɛ tataka ta camət-mɛrəŋ teŋcepər mɔ, kɔ domun dɛmbaŋ antɔf.
171	GEN 7:11	Kəren nkɛ Nuha ɔsɔtɔ meren 600, tataka ta wəco kɔ camət-mɛrəŋ, ŋof ŋa mɛrəŋ disrɛ, kɔ domun dombuŋcɛ dəcəŋgbɔkɔ fəp, kɔ kɔm kəŋgbitɛ pəpɔŋ.
174	GEN 7:14	kɔ sɛm ya dop kɔ ya dare yin-yin kɔ sɛm yɛfɛt-yɛfɛt, bɛmp kɔ mataktaka.
178	GEN 7:18	Ntɛ domun dɛŋc-pɛ mɔ, ti tɔ abil ŋoŋc-foy.
180	GEN 7:20	(Tɛləpəs oŋ kɔ domun dɛmpɛ haŋ kɔ deŋcepər cururu wəco kɔ kəcamət mɔrɔ kəroŋ). Kɔ domun dɛmpɛ kɔ dɛŋkal mɔrɔ meŋeci haŋ cururu wəco kɔ kəcamət (mɛtər camət-mɛrəŋ).
181	GEN 7:21	Ca nyɛ yɛnayi antɔf kəroŋ, a yecŋesəm mɔ fəp, kɔ yefi: Bɛmp, sɛm yɔcɔl, sɛm ya dop kɔ yeliŋɛ-liŋɛ fəp kəbəp afum.
182	GEN 7:22	Kəyɛfɛ paka mpɛ pɛnayi antɔf kəroŋ a pec-ŋesəm mɔ, kɔ pefi.
183	GEN 7:23	Kɔ Kanu kəfɛŋ dəntɔf paka mpɛ peŋc-ŋesəm mɔ, kəyɛfɛ fum haŋ kəbəp sɛm yɔpɔŋ, yɛfɛt-yɛfɛt kɔ bɛmp, k'enim yi doru fəp. Mɛnɛ Nuha gbəcərəm, aka kəlɔ kɔn disrɛ kɔ sɛm nyɛ yɛnayi debil mɔ, ŋanafis.
185	GEN 8:1	Kɔ Kanu kəŋcɛm-cɛmnɛ Nuha, sɛm ya dop kɔ yɔcɔl ya dare, nyɛ yɛnayi kɔ Nuha abil disrɛ mɔ. Kɔ Kanu kəwurɛ afef doru, kɔ domun doŋcop kətor.
187	GEN 8:3	Kɔ domun dembelɛ antɔf kəroŋ tepic-tepic. Mata 150 disrɛ, kɔ domun dɛŋcɛsɛ dəntɔf.
188	GEN 8:4	Tataka ta wəco kɔ camət-mɛrəŋ (17), ŋof ŋa camət-mɛrəŋ, k'abil ŋɛndɛ tɔrɔ tin ta Ararat kəroŋ.
189	GEN 8:5	Kɔ domun dɛŋcɛsɛ haŋ ŋof ŋa wəco. Tataka tɔcɔkɔ-cɔkɔ ta ŋof ŋaŋɔkɔ, kɔ mɔrɔ meŋeci moŋcop kəwurɛ səbomp.
192	GEN 8:8	Kɔ Nuha ɛsak sɔ antantoriya kəkɔ-mɔmən kɔ pəyɔnɛ fɔ domun d'ontor-ɛ.
194	GEN 8:10	K'ɛŋkar sɔ mata camət-mɛrəŋ, k'ɛsak sɔ ŋi.
196	GEN 8:12	K'ɛŋkarɛnɛ sɔ haŋ tataka ta camət-mɛrəŋ, k'ɛsak sɔ antantoriya. Mba ntɛ ŋi ŋɔŋkɔ mɔ, ŋɛnalukus fɛ sɔ nnɔ eyi mɔ.
197	GEN 8:13	Tataka tɔcɔkɔ-cɔkɔ ta ŋof ŋɔcɔkɔ-cɔkɔ nŋɛ Nuha ɔsɔtɔ meren 601, ti tɔ domun dɛnasak antɔf. Kɔ Nuha eŋgbipi abil, k'ɔmɔmən doru. K'ɛnəŋk fɔ domun fəp dowosər.
198	GEN 8:14	Tataka ta 27, ŋof ŋɔcɔkɔ-cɔkɔ ŋayi, antɔf fəp ŋɛnawos fər.
203	GEN 8:19	Kɔ sɛm, bɛmp kɔ yeliŋɛ-liŋɛ yowur fəp dokom dokom.
204	GEN 8:20	Kɔ Nuha olompəs dəkəloŋnɛ, nde ɛntam kəc-loŋnɛ Kanu Kəpɔŋ mɔ. Sɛm kɔ bɛmp yɔtɔt dacɔ k'ɛlɛk yin-yin, k'endif yi, k'ɔŋcɔf yi nde dəkəloŋnɛ kəroŋ.
205	GEN 8:21	Kɔ Kanu Kəpɔŋ kəmbaŋ ambɔŋc ŋobotu ŋa kəloŋnɛ, kɔ kəlokunɛ dɛbəkəc, «Ifɔsɔsɔŋ antɔf pəlɛc teta fum. Kaŋce kɔ, bawo afum mɛcɛm-cɛmnɛ mɛlɛc meyi ŋa dəbəkəc kəyɛfɛ dowut daŋan, mba ifɔsɔləsər ca nyɛ yeŋesəm doru pəmɔ ntɛ intɛp ti kəcyɔ mɔ.»
208	GEN 9:2	Kəyɛfɛ mɔkɔ, sɛm ya doru fəp, kəbəp bɛmp, sɛm yɛfɛt kɔ lop, yende yec-nesɛ nu. Nəndetam kəc-sɔm yi.
209	GEN 9:3	Paka o paka mpɛ peyi wəyeŋ pɔc-kɔt mɔ, pɔyɔnɛ nu peri pəmɔ ntɛ inasɔŋ nu yokom ya yika yɛcaŋk kɔ ya tɔk mɔ. Isɔŋ nu oŋ ndɛkəl yayɔkɔ fəp.
210	GEN 9:4	Mba pəmar fɛ nəde nəc-sɔm wɛsɛm nwɛ wɔsɔrɔyɔ mecir mayi mɔ.
215	GEN 9:9	«K'ina, isɔŋ nu temer kəsek ka danapa kɔ nəna, kəbəp k'awut-sɔ anu kɔ nəna nəŋcepər-ɛ
219	GEN 9:13	Isɛkən ambəŋcəran (asiŋki) ŋem nde dəkɔm. In' ende kəc-cɛm-cɛməs im temer ntɛ isɔŋ antɔf mɔ.
220	GEN 9:14	Tɛm o tɛm ntɛ wəcafən ende pəc-biyɛ, a asiŋki ŋowur mɔ,
221	GEN 9:15	iŋcɛm-cɛmnɛ temer tɔkɔ inasɔŋ' un kɔ ca nyɛ yeŋesəm doru mɔ, wəcafən ɔfɔdesɔtuf nwɛ endesɔləsər ca ya doru fəp mɔ.
222	GEN 9:16	K'Iŋc-kɔna-nəŋk asiŋki-ɛ, iŋcɛm-cɛmnɛ temer ta doru o doru ntɛ inasɔŋ' un, kɔ ca fəp nyɛ yeŋesəm doru mɔ.»
268	GEN 11:1	Tɛm tatɔkɔ doru fəp kusu kin k'aŋc-cɔp, pac-loku, moloku min mayi.
272	GEN 11:5	Kɔ Kanu Kəpɔŋ kəntor kədemɔmən dare kɔ kəlɔ nkɛ afum ŋaŋc-cəmbər mɔ.
274	GEN 11:7	Paŋkɔn, pator, panɔŋkəl-nɔŋkəl kusu kəŋan ntɛ tɔŋsɔŋɛ ta ŋanenɛnɛ sɔ mɔ.»
296	GEN 11:29	Abram kɔ Nahor ŋanɛŋcɛ. Wəran ka Abram aŋc-we Saray kɔ wəran ka Nahor, Milka. Milka, wan ka Haraŋ ɛnayi, ŋapaŋnɛ kas kin kɔ Yiska.
298	GEN 11:31	Kɔ Terah ɛlɛk wan kɔn Abram, kɔ wan-sɔ kɔn Lɔt, wan ka Haraŋ, k'ɛlɛkɛnɛ sɔ Saray wəran ka Abram, kɔ ŋasol fəp faŋan kəwur ka nde dare da Ur nde atɔf ŋa Kaldi kəkɔ ka atɔf ŋa Kanahan. Kɔ ŋambəp atɔf ŋa Haraŋ kɔ ŋandɛ di.
305	GEN 12:6	K'Abram ɛŋcali atɔf haŋ kəfo nkɛ aŋc-we Səkɛm, haŋ nde tofo ntɛ Aŋkiri-ŋa-More ŋɛŋcəmɛ mɔ. Aka Kanahan ŋanayi atɔf ŋaŋɔkɔ tɛm tatɔkɔ.
308	GEN 12:9	K'Abram ɛyɛfɛ kəcal-cali kəkɔ ka kəca ka Nɛkɛf.
309	GEN 12:10	Dɔr dɛnayi dɔtɔf, k'Abram ontor Misira kəkɔ-cepərɛnɛ tɛm, bawo dor dɛŋc-bɛk kəbɛk dəm.