1	GEN 1:1	Dəkəcop, kɔ Kanu kəwurɛ kɔm k'antɔf.
2	GEN 1:2	Tɛm tatɔkɔ antɔf ŋɛnayɔ fɛ teyi, kubump kənayi kəba kəroŋ. Mba Derkifin da Kanu dɛnayi sɔ domun kəroŋ doc-bum yi.
9	GEN 1:9	Kɔ Kanu kəloku: «Domun ndɛ deyi kɔm tantɔf mɔ, doloŋkanɛ tofo tin, pəwosu peyi, pəwur, pəyi takəroŋ!» Kɔ teyi tatɔkɔ.
32	GEN 2:1	Dɔsɔk da camət-tin dadɔkɔ, di d' analəpəs kɔm, antɔf kɔ ca yɛləpəs nyɛ.
35	GEN 2:4	Dəkəyɛfɛ da kɔm k'antɔf dɔ dadɔkɔ, ntɛ awurɛ yi mɔ. Ntɛ Mariki Kanu owurɛ antɔf kɔ kɔm mɔ,
64	GEN 3:8	Dec dɔrɔfɔy, ntɛ tefef towur mɔ, wərkun kɔ wəran ŋane dim da Kanu Kəpɔŋ, nkɛ kəŋckɔtəs mɔ. wərkun kɔ wəran kɔ ŋaŋkɔ ŋagbɔpnɛ ŋabɔlɛ Kanu fɔr kiriŋ, tɔk ya dalɛ dadɔkɔ dacɔ.
65	GEN 3:9	Kɔ Kanu Kəpɔŋ kəwe wərkun kɔ kəyif kɔ: «Deke məyi-ɛ?»
66	GEN 3:10	Kɔ wərkun oloku Kanu: «Dim d' in' am dalɛ disrɛ, k'inesɛ, bawo iwur kəsɔkər, ti t' iŋgbɔpnɛnɛ.»
89	GEN 4:9	Kɔ Kanu kəyif Kayin: «Deke wɛŋc əm Abɛl eyi-ɛ?» Kɔ Kayin oloku fɔ: «Iŋcərɛ fɛ. Cepɔ wəkɛkəs kɔn iyɔnɛ ba?»
90	GEN 4:10	Kɔ Kanu kəloku Kayin: «Cəke cɔ məyɔ wɛŋc əm-ɛ? Dim da mecir ma wɛŋc əm deyi kəkulɛ-kulɛ kəyɛfɛ dəntɔf haŋ nnɔ iyi mɔ.
107	GEN 5:1	Buk ba dokombəra da Adama bɔ bambɛ. Dɔsɔk ndɛ Kanu kəsɛl Adama mɔ, k'ɛsɛl kɔ, pəwurɛnɛ kɔ nkɔn Kanu.
173	GEN 7:13	Dɔsɔk dayi dɔ Nuha ɛnabɛrɛ debil kɔ wəran kɔn k'awut ɔn, Semy, Ham, kɔ Yafɛt, k'aran aŋan maas,
184	GEN 7:24	Domun dɛnabaŋ antɔf haŋ mataka 150.
217	GEN 9:11	Isɔŋ nu temer, ntɛ t' indeyɔ: Domun dɔfɔdesɔdi antɔf, wəcafən ɔfɔdesɔyi nwɛ endeləsər antɔf mɔ.»
236	GEN 10:1	Dokombəra da awut a Nuha: Semy, Ham, kɔ Yafɛt dɛndɛ. Awut a Nuha ŋanakom awut, ntɛ domun dɛlarəm deŋcepər mɔ.
239	GEN 10:4	Awut a Yawaŋ: Elisa, Tarsis, Kitim, kɔ Dodanim.
242	GEN 10:7	Awut a Kus: Seba, Hawila, Sabta, Rahəma, kɔ Sabətəka. Awut a Rahəma: Saba kɔ Dedaŋ.
246	GEN 10:11	Dəndo atɔf ŋaŋɔkɔ ŋɔ Asur ɛnawur, k'ɛŋcəmbər Niniwe, dare da Rehobot, Kalah,
262	GEN 10:27	Hadoram, Husal, Diklah,
309	GEN 12:10	Dɔr dɛnayi dɔtɔf, k'Abram ontor Misira kəkɔ-cepərɛnɛ tɛm, bawo dor dɛŋc-bɛk kəbɛk dəm.
351	GEN 14:14	Ntɛ Abram ene kusumpər ka wan ka wəbek' ɔn mɔ, k'oloŋka asol ɔn afum 318 aŋɛ ŋanabaŋsɛ, akomɛnɛ ɔn dacɔ mɔ. K'ɛŋcɛpsɛ abɛ asumpər a wan ka wəbek' ɔn darəŋ haŋ dare da Dan.
352	GEN 14:15	K'Abram eyerəs kənay (kəgba) kɔn, kɔ ŋawɛkərnɛ ŋa kəyɛfərɛnɛ ka pibi, nkɔn Abram k'amar ɔn, kɔ ŋasut asumpər a wan ka wəbek' ɔn, kɔ ŋambɛləs ŋa haŋ Hoba, nŋɛ ŋeyi Damas kəca kəmeriya mɔ.
363	GEN 15:2	Kɔ Abram eyif Kanu: «Kanu Wəbɛ Wəpɔŋ, ake məndesɔŋ im-ɛ? Intas ta iyɔ wan-ɛ, wədelɛk kɛ kem ɔyɔnɛ Elihɛsɛr wəka Damas.»
373	GEN 15:12	Dec dendekalɛ, k'Abram endirərnɛ, k'ayekyek ŋɔpɔŋ ŋɛŋgbəpərnɛ kɔ k'enesɛ dəmere.
379	GEN 15:18	Dɔsɔk dadɔkɔ dɔ Kanu Kəpɔŋ kəŋcaŋəs kiyi kəŋan tes tin kɔ Abram. Kɔ Kanu kəloku Abram: «Isɔŋ yuruya yam kəyɛfɛ ka kəŋgbɔkɔ ka Misira haŋ Efərat, kəŋgbɔkɔ kəpɔŋ:
390	GEN 16:8	Kɔ mɛlɛkɛ mmɛ meyif: «Hakar, wəcar ka Saray, deke məyɛfɛ-ɛ? Deke məŋkɔ-ɛ?» Kɔ Hakar oluksɛ mi moloku: «Wəbɛra kem Saray, iyɛksər.»
424	GEN 17:26	Dɔsɔk dadɔkɔ d' aŋkəŋc Abraham kɔ wan kɔn, Səmayila.
434	GEN 18:9	Ntɛ ŋalip kədi yeri mɔ, kɔ ŋayif Abraham: «Deke wəran kam Sara eyi-ɛ?» Kɔ Abraham oloku ŋa, «Eyi nde abal disrɛ.»
439	GEN 18:14	Tes teyi ntɛ tɛntambər Kanu Kəpɔŋ mɔ ba? Dok tɛm tantɛ imboŋcər əm mɔ, inder nnɔ ndaram, Sara endesɔtɔ wan wərkun.»
459	GEN 19:1	Dec dɔrɔfɔy kɔ mɛlɛkɛ mmɛ mɛrəŋ mender Sodom. Lɔt pəndɛ dəkəbɛrɛ da dare. Ntɛ ɛnəŋk mi mɔ, k'ɛyɛfɛ kəkɔ-bəpɛnɛ kɔ mi, k'ontontnɛnɛ mi dəntɔf.
463	GEN 19:5	Kɔ ŋawe Lɔt kɔ ŋayif kɔ: «Deke afum akɔ ŋayi-ɛ, aŋɛ ŋambɛrɛ nnɔ ndaram nnɔ pibi pampɛ mɔ? Məwurɛnɛ ŋa nnɔ səyi mɔ, ntɛ tɔŋsɔŋɛ səfəntərər ŋa mɔ.»
481	GEN 19:23	Dec dɛŋcpɛ, a kɔ Lɔt ɛmbɛrɛ Cohar.
492	GEN 19:34	Dɔckɔsɔk k'oloku wəfɛtəra kɔn: «Ifəntərɛna nnɔ pibi kɔ papa. Pasɔŋɛ kɔ sɔ kəmun member nnɔ pibi, ntɛ tɔŋsɔŋɛ məna sɔ nəkɔ nəfəntərɛ kɔ nkɔn mɔ tɔsɔŋɛ pasɔtɔnɛ kɔ yuruya mɔ.»
592	GEN 23:20	Dalɛ kɔ kumbuŋkum nkɛ kənayi di mɔ, kɔ pəyɔnɛ di oŋ dəkəwupɛnɛ da Abraham ndɛ ɛnaway fɔr ya aHewy kiriŋ mɔ.
646	GEN 24:54	Ntɛ mes mamɔkɔ melip mɔ, wərkun nwɛ kɔ asol ɔn, kɔ ŋandi yeri kɔ ŋamun, kɔ ŋaŋcepərɛnɛ pibi. Dec dendesɔk, ntɛ ŋayɛfɛ mɔ, kɔ wəcar nwɛ oloku: «Nəsak im iluksərnɛ nda wəbɛ kem.»
655	GEN 24:63	Dɔfɔy dɔlɔma kɔ Isiyaka ɔŋkɔ dəŋkɔtəs dəkulum, endeyekti fɔr k'ɛnəŋk yɔkɔmɛ yec-der.
662	GEN 25:3	Kɔ Yɔksaŋ oŋkom Saba kɔ Dedaŋ. Awut arkun a Dedaŋ ŋanayɔnɛ afum a tɔf maas: 'Asuri, aLetusi kɔ aLeyumi.
669	GEN 25:10	Dalɛ dɛnayi ndɛ Abraham ɛnaway nnɔ aHewy ŋayi mɔ. Difɔ anawup Abraham kɔ wəran kɔn Sara.
673	GEN 25:14	Misma, Dumah, Masa,
683	GEN 25:24	Dəŋkom dɔn k'anəŋk fɔ cəberi cəyi kɔ dəkor.
684	GEN 25:25	Dəŋkom dɔn, kɔ wəcɔkɔ-cɔkɔ wəder ɛla cəfon ceyim dəris pəmɔ wɛsɛm, k'awe kɔ Esay.
688	GEN 25:29	Dɔsɔk dɔlɔma kɔ Yakuba oŋcoŋər mɛŋc, kɔ Esay ender pəyɛfɛ dəkulum dis dɔlɔl kɔ.
725	GEN 26:32	Dɔsɔk din dadɔkɔ dɔ acar a Isiyaka ŋander ŋaloku kɔ teta kələmp kəŋkɔ ŋanakay mɔ, kɔ ŋaloku kɔ: «Səsɔtɔ domun.»
750	GEN 27:22	Kɔ Yakuba ɔlɔtərnɛ kas Isiyaka, k'ɛwakəs kɔ k'oloku: «Dim dandɛ da Yakuba dɔ, mba waca wawɛ wa Esay wɔ.»
767	GEN 27:39	Kɔ kas Isiyaka oloku kɔ: «Mənəŋk! Dəkəndɛ dam dɔfɔdeyɔ daka da dəntɔf Kɔ pəcaŋki mpɛ pɛŋyɛfɛ dareŋc mɔ.
768	GEN 27:40	Dakma dam dendedəsəm doru, Məndeyi wɛŋc əm dəntɔf. Məndeyi tam taciŋa Fənɔntər fam fəndesɔŋɛ, məc-cer kɔ mɛfaŋ mɔn.»
774	GEN 27:46	Kɔ Rebeka oloku Isiyaka: «Doru dɛŋgbəf im teta awut aran aHewy. Kɔ Yakuba ɛnɛŋcɛ wəHewy, wan wəran wəka dɔtɔf pəmɔ akaŋɛ, ake indesɔyɔ oŋ doru-ɛ?»
799	GEN 29:3	Difɔ yɔcɔl fəp yɛŋcbəpɛnɛ. Pabiŋkəli tasar papɔkɔ anaboc kələmp dəkusu mɔ, cir kɔ ŋkesiya yomun. Kɔ yelip-ɛ paluksɛ tasar papɔkɔ sɔ kələmp dəkusu.
802	GEN 29:6	K'eyif ŋa: «Cəke cɔ pəyi kɔ-ɛ?» Kɔ akakɔ ŋaloku kɔ: «Daka o daka! Wan kɔn wəran Rasɛl ender wəkɔ kɔ yɔcɔl yɛfɛt-yɛfɛt.»
803	GEN 29:7	Kɔ Yakuba oloku ŋa: «Dec dɔsɔrɔbɛk kərɛsna. Tɛm toloŋka yɔcɔl tɛntabəp fɛ. Nəsɔŋ yɔcɔl domun, kɔ nəlip-ɛ nəkekərɛ yi kərɛsna yɔkɔ sɔmət.»
821	GEN 29:25	Dec dendesɔk, kɔ Yakuba ɛnəŋk fɔ Leya asɔŋ kɔ. K'oloku Labaŋ: «Cəke cɔ məyɔ em ntɛ? Bafɔ teta Rasɛl t' imbəc' am? Ta ake tɔ məntiŋkər' em-ɛ?»
837	GEN 30:6	Kɔ Rasɛl oloku: «Kanu Kəpɔŋ kəmboc' em kiti, kɔ kənesɔ dim dem, kəmpoc' em wan wərkun.» It' ɛnasɔŋɛ wan wəkakɔ tewe ta Dan.
845	GEN 30:14	Dɔsɔk dɔlɔma katɛla kənayi, kɔ Ruben ɔŋkɔ dalɛ. K'ɔŋkɔ pəsɔtɔ di yeri yokom yɔlɔma, k'ɛŋkɛrɛ yi iya kɔn Leya. Kɔ Rasɛl oloku Leya: «Ilɛtsɛn' am, məpoc' em yokom yɔlɔma nyɛ wan kam ɛŋkɛr' am mɔ.»
847	GEN 30:16	Dɔfɔy dendebəp, ntɛ Yakuba ɛyɛfɛ dalɛ mɔ, kɔ Leya ɔŋkɔ pəfaynɛ kɔ, k'oloku Yakuba: «Nnɔ nderem mənde mɔkɔ fəntərɛ, bawo kəsɔtɔ kam pibi pɔmɔkɔ, mɛnɛ ntɛ isəkpərɛ pi yeri yɔlɔma ya dalɛ nyɛ wan kem ɛŋkɛrɛna mɔ.» Kɔ Yakuba ŋafəntərɛ pibi papɔkɔ kɔ Leya.
852	GEN 30:21	Kɔ Leya ɛmbɛkəs, k'oŋkom wan wəran nwɛ ɛnasɔŋ tewe ta Dina mɔ.
864	GEN 30:33	Dolompu dem deŋmentər əm ti alna, kɔ məndekɔ-mɔmən kəway kem-ɛ. Mpɛ o mpɛ pɔ mənəŋk di alna cir dacɔ ta pɛntɛmsər, ta pɛŋcɛmcɛmər kɔ ŋkesiya dacɔ ta pɛŋcapsər alom mɔ, məcərɛ fɔ iŋkiyər əm pi.»
890	GEN 31:16	Daka ndɛ Kanu kəmbaŋər papa kosu mɔ fəp, dendeyɔnɛ oŋ dosu k'awut asu. Məyɔ tɔkɔ Kanu kəlok əm mɔ fəp.»
910	GEN 31:36	Kɔ abəkəc ŋɛmpɛ Yakuba, k'ɛŋcaŋ Labaŋ kəcɔp. Kɔ Yakuba ɛlɛk moloku, k'oloku: «Deke iləsər-ɛ, deke iŋciya-ɛ tantɛ məŋcəm' em darəŋ mɔ?
943	GEN 32:15	Difɔ Yakuba ɛnacepərɛnɛ pibi. K'ɛyɛkyɛk daka dɔn dɔkɔ ɛnakɛrɛ mɔ dacɔ, kəkɔ-pocɛ wɛŋc Esay:
947	GEN 32:19	K'osom wəcɔkɔ-cɔkɔ: «Kɔ nəŋkɔ-bəpɛnɛ kɔ wɛŋc im Esay a pəyif əm: ‹An' ɔ məyɔnɛ? Deke məŋkɔ-ɛ? An' ɔyɔ yɔcɔl yayɛ məsolɛ mɔ-ɛ?›
961	GEN 32:33	Dec dɛŋcpɛ a pəc-cepər Peniyɛl. Yakuba pəctorər tɔkɔc tɔn. Ti tɔsɔŋɛ ntɛ awut a Yisrayel ŋantɔsɔm abənta ŋa dətɔkɔc mɔ, bawo abənta ŋa dətɔkɔc ŋɔ Kanu kənasut Yakuba, nde kəbɛnt ka dəkəcək kɔ kəbɛnt ka dəkumunt yɛmbəpɛnɛ mɔ.
977	GEN 33:16	Dɔsɔk dadɔkɔ dɔ Esay ɛlɛk dɔpɔ kəlukus ka Sehir.
982	GEN 34:1	Dina, wan wəran nwɛ Leya ɛnakomɛ Yakuba mɔ, ɛyɛfɛ kəkɔ-nəŋk awut aran a dɔtɔf.
984	GEN 34:3	Kɔ Səkɛm esektərnɛ teta Dina wan wəran ka Yakuba, haŋ dəmoloku mɔn k'ɛsɛp kəsɔtɔ ka kəbɔtər ka Dina.
986	GEN 34:5	Kɔ Yakuba ende pəcərɛ a Səkɛm ɛŋcərɛ wan kɔn Dina dɛran. Mba ntɛ awut a Yakuba arkun ŋanayi dalɛ kɔ yɔcɔl yɔn mɔ, kɔ Yakuba ɛŋcaŋkɛ ti haŋ kɔ ŋander kəyɛfɛ dalɛ.
988	GEN 34:7	Kɔ awut a Yakuba ŋander kəyɛfɛ dalɛ. Ntɛ ŋane moloku mamɔkɔ mɔ, kɔ mosumpər ŋa. Kɔ pəntɛlɛ ŋa, bawo Səkɛm ɛnayɔ tɔyɔ ntɛ pənatɔmar paŋaŋnɛnɛ kɔ Yisrayel mɔ: Kəkiyɛ kəcərɛ Dina wan ka Yakuba dɛran, ta ŋayɔnɛ akin ayi-ɛ.
989	GEN 34:8	Kɔ Hamɔr oloku ŋa ntɛ: «Wan kem Səkɛm ɛfaŋ kəfaŋ dəm wəkirɛ konu Dina kənɛŋcɛ, nəsɔŋ kɔ kɔ pənɛŋcɛ, ilɛtsɛnɛ nu.
992	GEN 34:11	Kɔ Səkɛm oloku papa kɔ awɛŋc a Dina: «K'isɔtər nu kəwosɛ-ɛ, iŋsɔŋ nu mpɛ o mpɛ nəŋwer im mɔ.
998	GEN 34:17	Mba kɔ nəntɔtam kəne tɔkɔ səloku fɔ pakəŋc nu mɔ, səŋlɛk wan kosu Dina, səkɔ.»
1000	GEN 34:19	Kɔ wan wərkun nwɛ oŋcop tɔyɔ tatɔkɔ, bawo ɛnabɔtər Dina haŋ pəcepərər. Nkɔn Səkɛm sɔ, anabɔtər kɔ nde ndaraŋan patas aka di fəp.
1006	GEN 34:25	Tataka ta maas ta kəkəŋc kəŋan, akəŋc ŋayi kəcunɛnɛ, kɔ awut a Yakuba mɛrəŋ, Simɔŋ kɔ Lewy awɛŋc arkun a Dina, ŋalɛkəs sakma səŋan kɔ ŋander ŋacop dəkəbɛrɛ da dare daŋan kədifət, haŋ kɔ ŋalip kədifət arkun aka dɔtɔf fəp.
1007	GEN 34:26	Kɔ ŋandifɛnɛ sɔ Hamɔr kɔ Səkɛm sakma səŋan, kɔ ŋalɛk wəkirɛ kəŋan Dina ndena Səkɛm kɔ ŋaŋkɔ.
1008	GEN 34:27	K'awut a Yakuba ŋawɛkərnɛ sɔ afi, kɔ ŋaŋkiyər aka dare bawo mɛtɛlɛ mɛnayi ŋa kəlapəs ka wəkirɛ kəŋan Dina.
1015	GEN 35:3	Kəyɛfɛ k'ander, papɛrnɛ Betel. Dəndo iŋkɔ-cəmbər dəkəloŋnɛ da Kanu nkɛ kənalok-lokər im dɔsɔk ndɛ inayi pəcuca disrɛ, a kɔ kəsol' em tɛm ntɛ inayi dɔpɔ ic-kɔ decikəra mɔ.»
1020	GEN 35:8	Kɔ Debora, wəran nwɛ ɛnadusum Rebeka mɔ, efi. K'awup kɔ Betel tantɔf, nde aŋkiri dəntɔf nŋɛ awe tewe ta «Kətɔk ka Mɛŋcər» mɔ.
1037	GEN 35:25	Awut a Bilha, wəmarəs ka Rasɛl: Dan kɔ Naftali.
1042	GEN 36:1	Dokombəra da Esay dɔ dandɛ, nwɛ aŋwe sɔ Edɔm mɔ.
1050	GEN 36:9	Dokombəra da Esay, dɔ dandɛ wətem ka yuruya nyɛ aŋwe Edɔm mɔ, nde tɔrɔ ta Sehir kəroŋ.
1062	GEN 36:21	Disɔŋ, Esɛr, kɔ Disaŋ. Abɛ aHori ŋɔ akakɔ, awut a Sehir nde atɔf ŋa Edɔm.
1066	GEN 36:25	Awut a Ana ŋanayɔnɛ Disɔŋ kɔ Oholibama, wan ka Ana wəran.
1067	GEN 36:26	Awut a Disaŋ ŋanayɔnɛ: Hemdaŋ, Esbaŋ, Yitran, kɔ Keran.
1069	GEN 36:28	Awut a Disaŋ ŋanayɔnɛ Huc kɔ Araŋ.
1071	GEN 36:30	wəbɛ Disɔŋ, wəbɛ Ecɛr, wəbɛ Disaŋ. Abɛ a Hori ŋa akakɔ, abɛ aŋan atɔf ŋa Sehir.
1073	GEN 36:32	Bela, wan ka Behor, ɛnayɔnɛ wəbɛ Edɔm, tewe ta dare dɔn tɛnayɔnɛ Dinaba.
1078	GEN 36:37	Kɔ Samla efi. Kɔ Sawul wəka dare da Rehobɔt Dəŋgbɔkɔ ɛlɛk dɛbɛ dɔn.
1086	GEN 37:2	Dokombəra da Yakuba dɛndɛ: Kəsɔtɔ ka Isifu meren wəco kɔ camət-mɛrəŋ, kɔ Isifu ɛyɛfɛ pəc-cɛpsɛ awɛŋc aŋa darəŋ ŋackɛk ŋkesiya kɔ cir. Pəyɔnɛ wan wəfɛt, pəc-cəmɛ awut arkun a Bilha kɔ Silpa darəŋ, aran a kas. Mba Isifu eŋcder pəcsɔŋɛ papa kəŋan kəcərɛ mɛcɛmcɛmənɛ mɛlɛc mɔkɔ meŋc-cepər di mɔ fəp.
1091	GEN 37:7	Dəkulum ayina pacsek mɛmpəlɛ. Pəwon fɛ kɔ kilim kem ka mɛmpəlɛ kəyɛfɛ kɔ kəŋcəmɛ sot! Kɔ cilim ca mɛmpəlɛ ma nəna cənder cənɔŋkər kemi, kɔ cəntontnɛnɛ ki.»
1093	GEN 37:9	Kɔ Isifu endesɔ pəwɛrəp, k'oloku sɔ ti awɛŋc aŋa. K'oloku: «Iwɛrəpna sɔ: Dec, ŋof kɔ cɔs wəco kɔ pin yontontnɛn' em.»
1101	GEN 37:17	Kɔ wərkun nwɛ oloku kɔ: «Ŋayɛfɛ dɛ, inenɛna ŋa ŋac-loku: ‹Paŋkɔn kəca ka Dotaŋ.›» Kɔ Isifu ɛŋcəmɛ ni yaŋan darəŋ, kɔ yɔcɔl haŋ k'ɔŋkɔ pəbəp ŋa Dotaŋ.
1122	GEN 38:2	Dəndo, kɔ Yuda ɛnəŋk wəyecəra wəKanahan wəlɔma pac-we kɔ Suwa. K'ɛlɛk kɔ k'ɛnɛŋcɛ k'ombocərnɛ kɔ.
1125	GEN 38:5	K'ɔŋgbɔkərɛ sɔ kəkom wan wərkun nwɛ ɛnawe Sɛlah mɔ. Dare da Kisibu Yuda ɛnayi tɛm ntɛ Suwa oŋc-kom Sɛlah mɔ.
1141	GEN 38:21	Kɔ wəkakɔ ɔŋkɔ pəc-yifət afum akɔ ɛnabəp di mɔ: «Deke wəran wətɛn arkun, nwɛ ɛŋcəmɛna nnɔ dɔpɔ da Enayim mɔ, eyi-ɛ?» Kɔ akakɔ ŋaloku kɔ: «Wəran wətɛn arkun ɔfɔcəmɛ nnɔ.»
1146	GEN 38:26	Kɔ Yuda ɛnɛpəl yi. K'oloku: «Tamar olomp pətas im, bawo iwosɛ fɛ kəsɔŋ kɔ wan kem Sɛlah.» Difɔ tɛnalip ɛŋcərɛ fɛ kɔ sɔ dɛran.
1161	GEN 39:11	Dɔsɔk dɔlɔma, kɔ Isifu ɛmbɛrɛ dəkəlɔ dəkəlompəs yɛbəc yɔn. Mba dɔsɔk dadɔkɔ afum a kəlɔ kaŋkɔ ali wəkin ɛnayi fɛ dɛkɛr.
1179	GEN 40:6	Dec dendesɔk, kɔ Isifu ɛnəŋk ŋa ŋamɔŋcnɛ.
1204	GEN 41:8	Dec dendesɔk, kɔ amera ŋɛlɛcɛ-lɛcɛ Firawona. K'ewe acərɛ mes k'abeki a Misira fəp. Kɔ Firawona ɔlɔmər ŋa mere mɔn. Mba ali fum ɛnayi fɛ nwɛ ɛŋctam kəloku kɔ tedisrɛ ta mere mɔn mɔ.
1226	GEN 41:30	Kɔ meren camət-mɛrəŋ ma kənɛmbərɛ meŋcepər-ɛ meren camət-mɛrəŋ ma dor mendecəmɛ mi darəŋ: Dor dadɔkɔ dendeluksɛ Misira darəŋ.