273	GEN 11:6	Kɔ Kanu kəloku, «Nəmɔmən afum aŋɛ! Fəp faŋan kusu kin kɔ ŋaŋcɔp. Nəmɔmən sɔ ntɛ ŋaŋcop kəyɔ mɔ. Tɔlɔm o tɔlɔm teyi fɛ ntɛ tɔŋmɔnɛ ŋa kəyɔ ka tɛfaŋ taŋan mɔ.
314	GEN 12:15	K'akəsək a Firawona ŋanəŋk kɔ, kɔ ŋayekyekəs kɔ nda Firawona. Ntɛ tɔ k'aŋkɛrɛ wəran nwɛ nde kəlɔ ka Firawona.
315	GEN 12:16	Kɔ Firawona osumpər Abram bel-bel teta Saray, k'ɔsɔtɔ kəyɛfɛ sɛm yɛfɛt haŋ yɔpɔŋ, sofale, amarəs arkun k'aran kɔ yɔkɔmɛ.
316	GEN 12:17	Mba kɔ Kanu Kəpɔŋ kəsɔŋ Firawona k'afum ɔn ruŋc yɔpɔŋ teta Saray, wəran ka Abram.
317	GEN 12:18	Kɔ Firawona ewe Abram, k'eyif kɔ: «Cəke cɔ məyɔ em ntɛ? Ake'sɔŋɛ ntɛ məntɔlok' im a wəran kam ɔfɔ mɔ?
319	GEN 12:20	Kɔ Firawona oloku afum ɔn, «Nəsak kɔ pəkɔ nkɔn, kɔ wəran kɔn kɔ ca nyɛ yɔyɔnɛ yɔn mɔ.»
578	GEN 23:6	«Məcəŋkəl su, Wəbɛ! Fum wəpɔŋ wəka Kanu məyɔnɛ su dacɔ. Məmɔmən kəfo nkɛ kəmbɔt əm mɔ, məwup wəran kam dəkəwupɛnɛ dosu dacɔ. Ali fum ɔfɔdefatɛnɛ dəkəwupɛnɛ dɔn kəwup ka wəran kam.»
721	GEN 26:28	Kɔ ŋaloku kɔ: «Sənəŋk bel-bel fɔ Kanu Kəpɔŋ kəsol am. Ti tɔ səlokɛ: Fɔ padɛrəmɛnɛ, ti tɔ tatɔkɔ məna kɔ səna, patəŋnɛ pacaŋəs danapa.
768	GEN 27:40	Dakma dam dendedəsəm doru, Məndeyi wɛŋc əm dəntɔf. Məndeyi tam taciŋa Fənɔntər fam fəndesɔŋɛ, məc-cer kɔ mɛfaŋ mɔn.»
808	GEN 29:12	Kɔ Yakuba oloku Rasɛl: «Fum ka papa kam iyɔnɛ, wan ka Rebeka iyɔnɛ.» Kɔ Rasɛl ɛyɛksɛ kəkɔ-loku ti kas Labaŋ.
1120	GEN 37:36	Kɔ aMadiyaŋ ŋaŋcaməs Isifu Misira. Kɔ Potifar wətupɛ ka Firawona yeri nwɛ ɛnayɔnɛ wəbɛ ka abum a dəsaŋka sa Firawona mɔ, ɛway kɔ.
1159	GEN 39:9	Fum nwɛ o nwɛ eyi fɛ nnɔ kəlɔ kaŋkɛ nwɛ elelɛ pəcepər im mɔ. Ɔmɔnɛnɛ f' em ntɛ o ntɛ ta kəlɔ kaŋkɛ mɛnɛ məna, bawo wəran kɔn məyɔnɛ. Ak' endesɔŋ' em oŋ kəyɔ pəlɛc pəpɔŋ, iciyanɛ sɔ Kanu-ɛ?»
1174	GEN 40:1	Ntɛ mes mamɔkɔ meŋcepər mɔ, kɔ amarəs mɛrəŋ a Firawona, wəbɛ ka Misira, wətupɛ kɔ wəcɔfɛ kɔn cəcom, ŋande ŋaciyanɛ kɔ.
1175	GEN 40:2	Kɔ pəntɛlɛ Firawona nnɔ amarəs ɔn mɛrəŋ ŋayi mɔ.
1176	GEN 40:3	Kɔ Firawona osom k'asumpər ŋa, k'aŋkɔ pacaŋər ŋa nde bili bɔkɔ anacaŋər Isifu mɔ.
1178	GEN 40:5	Pibi pin disrɛ, kɔ amarəs a Firawona aŋɛ mɛrəŋ ŋawɛrəp. Nwɛ o nwɛ, tɛwɛrəp tɔn taciŋa teciyanɛ kɔ ta wəkɔ.
1180	GEN 40:7	Kɔ Isifu eyif amarəs a Firawona aŋɛ mɛrəŋ aŋɛ ŋanayi dəbili kɔ nkɔn mɔ, k'eyif ŋa: «Ta ake tɔ nəŋɛyɛ cəro mɔkɔ-ɛ?»
1182	GEN 40:9	Kɔ wətupɛ ka Firawona yomunəs ɔlɔmər Isifu mere mamɔkɔ ɛnawɛrəp mɔ. K'oloku: «Mere mmɛ iwɛrəpna mɔ: Aŋgbɔŋkəlɔ ŋa wiŋ ŋeyin' em fɔr kiriŋ.
1184	GEN 40:11	Tɛtəŋnɛ itɔmpər apɔt nŋɛ iŋc-tupɛ wəbɛ kem Firawona mɔ. K'ilɛk yokom yɔlɔma k'ifɔcəs yi nnɔ apɔt nŋɛ iŋc-tupɛ Firawona mɔ disrɛ, k'isɔŋ Firawona məŋcɔŋcɔ ma pokom papɔkɔ inafɔcəsɛ kɔ dɔpɔt mɔ.»
1186	GEN 40:13	Kɔ mata maas meŋcepər-ɛ, Firawona endesɔlukus kəyekt' əm domp, pəluks' am yɛbəc yam. Məndesɔ məctupɛ kɔ yomunəs pəmɔ tɔkɔ məŋcbəc ti mɔ, məcbɛr kɔ yeri yɔkɔ mənde kəctupɛ kɔ mɔ dəkəca.
1189	GEN 40:16	Ntɛ wəcɔfɛ ka Firawona cəcom ɛnəŋk fɔ moloku mmɛ Isifu oloku ma mere mɔ, mɔmbɔt kəne, k'oloku Isifu: «Ina mere mem, mafala maas ma kəcom kəgbɛnt m' isarɛna.
1190	GEN 40:17	Kəfala kaŋkɔ kəŋɛcna ci dacɔ mɔ fəp, yeri yɔkɔ wəcɔf cəcom ontup a pəcsɔŋ yi Firawona mɔ fəp yeyina dənda. Bɛmp yɔcsɔm yeri yayɔkɔ isarɛna kəfala disrɛ mɔ.»
1192	GEN 40:19	Kɔ mata maas meŋcepər-ɛ, Firawona endepɛn' am dareŋc, pəbɛr əm kəbənda dəkəlim pəgbɛk əm, bɛmp yɔsɔm əm.»
1193	GEN 40:20	Tataka ta maas, dɔsɔk doluksər da kəkom ka Firawona. K'ombocɛ amarəs ɔn kəsata kəpɔŋ. K'ɔsɔŋ wəcɔfɛ kɔn cəcom dɛbɛ dɔpɔŋ, amarəs ɔn fəp fɔr kiriŋ.
1194	GEN 40:21	K'oluksɛ sɔ wəka mɛrəŋ wəkɔ yɛbəc yɔkɔ ɛnayi cɔkɔ-cɔkɔ mɔ: Kɔ wəkakɔ oŋcop sɔ kəctup pəbɛr Firawona apɔt dəkəca.
1195	GEN 40:22	Kɔ Firawona osumpər wəcɔf cəcom wəpɔŋ pəmɔ tɔkɔ Isifu ɛnaloku ti mɔ.
1196	GEN 40:23	Wətupɛ ka Firawona yomunəs ɛŋcɛm-cɛmnɛ fɛ sɔ Isifu, k'ɛmpələrnɛ kɔ.
1197	GEN 41:1	Kɔ teren tin teŋcepər, teren ta mɛrəŋ, kɔ Firawona ɛwɛrəp: Pəcəmɛ kəŋgbɔkɔ nkɛ aŋwe Nil mɔ kəsək.
1200	GEN 41:4	Kɔ cəna cəleŋki ncɛ cəyɛfɛ kəsɔm cəna cətifi cəkɔ. Kɔ Firawona ɛntəmɛ.
1201	GEN 41:5	Kɔ Firawona ɔŋgbɔkərɛ sɔ kədirɛ, k'ɛwɛrəp sɔ tamɛrəŋ.
1203	GEN 41:7	Kɔ səbomp sa malɔ səfɛt nsɛ səndi səbomp sa malɔ səpɔŋ səlarɛ səkɔ. Kɔ Firawona ɛntəmɛ sɔ. Mere mayi mɔ mamɔkɔ.
1204	GEN 41:8	Dec dendesɔk, kɔ amera ŋɛlɛcɛ-lɛcɛ Firawona. K'ewe acərɛ mes k'abeki a Misira fəp. Kɔ Firawona ɔlɔmər ŋa mere mɔn. Mba ali fum ɛnayi fɛ nwɛ ɛŋctam kəloku kɔ tedisrɛ ta mere mɔn mɔ.
1205	GEN 41:9	Kɔ wətupɛ kɔn yomunəs ɛlɛk moloku, k'oloku Firawona: «Iŋcɛm-cɛmnɛ mɔkɔ tɛpələrənɛ tem.
1206	GEN 41:10	Pənatɛlɛ Firawona nnɔ amarəs ɔn ŋayi mɔ, k'osom k'asumpər im kɔ wəcɔfɛ kɔn cəcom, k'ɛmbɛr su dəbili nde kəlɔ ka wəbɛ ka abum ɔn.
1208	GEN 41:12	Tɛtəŋnɛ səyi bili bin kɔ wətɛmp wəcar wəHebəru wəka wəbɛ ka abum a Firawona wəlɔma. Kɔ səloku kɔ nwɛ o nwɛ mere mɔn k'oloku su tedisrɛ ta mi.
1209	GEN 41:13	Kɔ tosurɛnɛ kɔ teyi pəmɔ tɔkɔ ɛnaloku nwɛ o nwɛ mɔ. Kɔ Firawona oluks' em yɛbəc yem yɔcɔkɔ-cɔkɔ. K'ɛŋgbɛk wəka mɛrəŋ kem.»
1210	GEN 41:14	Kɔ Firawona osom a pawenɛ kɔ Isifu. K'awurɛnɛ kɔ katəna-katəna dəbili. K'ofonənɛ, k'ɛsəkpər yamos, k'ɔŋkɔ nde Firawona ɛnawe kɔ mɔ.
1211	GEN 41:15	Kɔ Firawona oloku Isifu: «Iwɛrəp, mba ali fum isɔtɔ fɛ nwɛ oŋlok' im tedisrɛ ta mere mem mɔ. Mba alok' im a məntam kəloku tedisrɛ ta mere mmɛ aŋlok' əm mɔ.»
1212	GEN 41:16	Kɔ Isifu oloku Firawona: «Bafɔ in' ɔfɔ! Kanu kəndeloku Firawona tedisrɛ ta mere mɔn.»
1213	GEN 41:17	Kɔ Firawona oloku Isifu: «Mere mem-ɛ, kəŋgbɔkɔ kəsək iŋcəmɛna.
1221	GEN 41:25	Kɔ Isifu oloku Firawona: «Mere ma Firawona fep, toloku tin tɔ moloku. Kanu kəyi kəmentər Firawona ntɛ kəndeyɔ mɔ.
1224	GEN 41:28	Pəmɔ tɔkɔ intɛp ti kəc-loku Firawona mɔ, Kanu kəmentər Firawona tɔkɔ kəndeyɔ mɔ.
1228	GEN 41:32	Kɔ mənəŋk Firawona pəgbɔkərɛ kəwɛrəp mere min mamɔkɔ kəmɛrəŋ-ɛ, Kanu kəyi kəsɔŋɛ kɔ kəcərɛ: A mes melip nnɔ kəyi mɔ, kəbɛlkər kɔ kənder oŋ kəbəc yɛbəc yaki.
1229	GEN 41:33	Ntɛ Firawona ɛŋcərɛ oŋ a Isifu ɔyɔ amera, k'ɛŋcərɛ sɔ mes mɔ, kɔ Firawona ɔsɔŋ kɔ dɛbɛ atɔf ŋa Misira disrɛ.
1230	GEN 41:34	Firawona pəyɛfɛ oŋ, pəboŋcəs akɔ ŋandeyɔnɛ abɛ aŋɛ ŋandekɔ-tɛnɛ atɔf ŋa Misira mɔ, ntɛ tɔŋsɔŋɛ ŋabaŋəs katin ka kəcamət ka kəsɔtɔ yɛtɛl yaŋan, atɔf ŋa Misira meren camət-mɛrəŋ ma kəmɛmbərɛ mmɛ disrɛ mɔ.
1231	GEN 41:35	Ŋaloŋka yeri ya meren mobotu mmɛ mender mɔ, ŋayɔ ti dim da Firawona dəntɔf. Firawona pəsom pamɛŋk yeri sədare fəp.
1233	GEN 41:37	Kɔ moloku mamɔkɔ mɔmbɔt Firawona kɔ amarəs ɔn.
1234	GEN 41:38	Kɔ Firawona eyif ŋa: «Andetam kəsɔtɔ fum pəmɔ Isifu ba, pəyɔ amera ŋa Kanu?»
1235	GEN 41:39	Kɔ Firawona oloku Isifu: «Ntɛ Kanu kəsɔŋ əm kəcərɛ ka mes mamɛ fəp mɔ, fum o fum eyi fɛ nwɛ ɔsɔk domp, pəcərɛ mes pəmɔ məna mɔ.
1236	GEN 41:40	Məna Isifu, mən' endeyɔnɛ wəkiriŋ ka kəlɔ kem, afum a atɔf ŋem fəp. Mən' ɔ ŋandeyi darəŋ, dɛbɛ da ina Firawona gbəcərəm dendecepər dam.»
1237	GEN 41:41	Kɔ Firawona oloku Isifu: «Misira mɔ mamɛ isɔŋ əm dɛbɛ da atɔf ŋaŋɛ fəp.»
1238	GEN 41:42	Kɔ Firawona owurɛ kurundɛ kɔn dəkəca, k'ɛmbɛr ki Isifu dəkəca. K'ɛmbɛr Isifu yamos yɔtɔt. K'ɛŋgbɛk kɔ kɛma dəkilim.
1239	GEN 41:43	Kɔ Firawona ɛmbɛk Isifu abil ŋa kəwan ŋɔkɔ wɛnacɔŋc wɔn mɔ, kɔ ŋaŋcɛk kəkɔ. Kɔ afum ŋayɛfɛ kəkul-kulɛnɛ ŋa: «Abərek!» Tatɔkɔ tɔ Firawona ɛnasɔŋ Isifu dɛbɛ, atɔf ŋa Misira.
1240	GEN 41:44	Kɔ Firawona oloku sɔ Isifu: «In' ɔyɔnɛ Firawona! Kɔ məntɔwosɛ-ɛ atɔf ŋa Misira, ali fum ɔfɔyekti dɛ kəca, k'ɔŋkɔ yekti kəcək kɔn atɔf ŋa Misira.»
1241	GEN 41:45	Kɔ Firawona ewe Isifu tewe ta Misira «Cafənat Paheneyah.» K'ɔsɔŋ kɔ wəran pacwe kɔ Asnat, wan wəran ka Potifera, Sali Almamy sa dare da Hon. Kɔ Isifu owur kəkɔ-cərɛ Misira mmɛ ɛnasɔtɔ kəkɔtɛnɛ dɛbɛ ta ɛŋcərɛ mi mɔ.
1242	GEN 41:46	Isifu ɛnasɔtɔ meren 30 a Firawona pədecərɛ kɔ. Ntɛ aŋcəmbər kɔ dɛbɛ mɔ, fɔr ya Firawona kiriŋ yɔ Isifu ɛnawur kəkɔ-cərɛ atɔf ŋa Misira fəp.
1251	GEN 41:55	Ntɛ dor dosumpər aka Misira mɔ, kɔ ŋambokər Firawona kəsɔtɔ ka cəcom. Kɔ Firawona oloku aka Misira: «Nəkɔ nənəŋk Isifu, ntɛ oŋloku nu mɔ, nəyɔ tatɔkɔ!»
1268	GEN 42:15	Awa, yɛbəc nyɛ y' indecəmbər nu: Indɛrəmɛ nu tewe ta Firawona, nəfɔwur nnɔ ta wəfɛt konu wələpəs wəkakɔ nəsak dɛkɛr mɔ ender-ɛ.
1269	GEN 42:16	Nəsom wɛŋc konu wəkin pəkɔkɛrɛ wɛŋc konu wəkakɔ nəsak dɛkɛr mɔ. Kɔ nəna aŋɛ endesak nnɔ mɔ, dəbili andebɛr nu. Andemɔmən moloku monu, pacərɛ kɔ pəyɔnɛ kaŋce kɔ nəloku-ɛ. Kɔ pəyɔnɛ fɛ ti-ɛ, indɛrəmɛ nu tewe ta Firawona atɛn mes ŋɔ nəyɔnɛ!»
1283	GEN 42:30	Kɔ ŋaloku kas kəŋan: «Fum wəkɔ ɔyɔnɛ wəbɛ wəka Misira mɔ, olok-lokərɛ su dim deyeŋki, k'endeŋɛ su kəyɔnɛ atɛn mes ma Misira mmɛ səndeloku aka nnɔ mɔ.
1342	GEN 44:17	Kɔ Isifu oloku: «Ifɔdebəc ti tatɔkɔ! Fum nwɛ anəŋkɛ apɔt mɔ, endeyɔnɛ wəcar kem. Kɔ nəna, nəpɛrnɛ nəkɔ ndena papa konu bəkəc yoforu disrɛ.»
1343	GEN 44:18	Kɔ Yuda ɔlɔtərnɛ Isifu k'oloku kɔ: «Ilɔktərn' am wəbɛ məwosɛ wəmarəs kam pəlok-lokər əm ta abəkəc ŋɛp' am nnɔ eyi mɔ! Bawo məyi pəmɔ Firawona.
1361	GEN 45:2	K'ɛyɛfɛ kəbok, aMisira kɔ aka kəlɔ ka Firawona ŋane kɔ dim kəbok.
1367	GEN 45:8	Ndɛkəl oŋ, bafɔ nən' ɛkɛr' em nnɔ, mba Kanu kɔ. Kanu kəŋcəmbər im iyɔnɛ papa ka Firawona, wəbɛ wəka kəlɔ kɔn disrɛ, wəkiriŋ ka atɔf ŋa Misira fəp.
1371	GEN 45:12	«Fɔtɔ nəŋgbətnɛ ti fɔr yonu, kɔ wəfɛt kem Beŋyamin ɛŋgbətən' em fɔr yɔn yati a in' oŋlok-lokər nu.
1375	GEN 45:16	Kɔ moloku mamɔkɔ mɛsam kəlɔ ka Firawona fəp disrɛ, a awɛŋc a Isifu ŋanderna mɔkɔ. Kɔ toloku tatɔkɔ tɔmbɔt Firawona kɔ amarəs ɔn.
1376	GEN 45:17	Kɔ Firawona oloku Isifu: «Məloku awɛŋc əm aŋa: ‹Nəyɔ ntɛ: Nəlɛk yɔcɔl yonu, nəkɔ atɔf ŋa Kanahan.
1380	GEN 45:21	Kɔ awut a Yakuba ŋayɔ tatɔkɔ. Kɔ Isifu ɔsɔŋ awɛŋc aŋa cibil pəmɔ tɔkɔ Firawona ɛnasom kɔ ti mɔ. K'ɔsɔŋ ŋa sɔ yeri yɔkɔ ŋanakɔ kəcdi dɔpɔ mɔ.
1392	GEN 46:5	Kɔ Yakuba ɛyɛfɛ Bɛrseba. Kɔ awut a Yakuba ŋaŋkekərɛ kas kəŋan, aran aŋan, kɔ awut aŋan cibil ca dəntɔf disrɛ ncɛ Firawona ɛnasɔŋ pakɔ kɛrɛ ŋa mɔ.
1418	GEN 46:31	Kɔ Isifu oloku awɛŋc aŋa kɔ afum a papa kɔn: «Ilukus ikɔ iluksɛ Firawona kəbɛrɛ konu. Ikɔ iloku kɔ fɔ: ‹Awɛŋc im aŋa kɔ afum a papa kem aŋɛ ŋanayi atɔf ŋa Kanahan mɔ, ŋander nnɔ iyi mɔ.
1420	GEN 46:33	Kɔ tɛm tendebəp ntɛ Firawona endewe nu pəcyif nu: ‹Ake 'yɔnɛ yɛbəc yonu-ɛ?›
1422	GEN 47:1	Kɔ Isifu ɔŋkɔ pəluksɛ ti Firawona. K'oloku kɔ: «Awɛŋc im aŋa kɔ papa kem ŋander kəyɛfɛ ka atɔf ŋa Kanahan kɔ yɔcɔl yaŋan ŋkesiya, cir kɔ cəna kəbəp ka ca yaŋan fəp. Ŋayi tantɛ atɔf ŋa Kosɛŋ.»
1423	GEN 47:2	Kɔ Isifu ɛlɛk awɛŋc aŋa kəcamət k'ementər ŋa Firawona.
1424	GEN 47:3	Kɔ Firawona eyif awɛŋc a Isifu: «Ake 'yɔnɛ yɛbəc yonu-ɛ?» Kɔ awɛŋc a Isifu ŋaloku Firawona: «Sən' acar am, akɛk a ŋkesiya, cir kɔ cəna ŋɔ səyɔnɛ pəmɔ papa kosu aŋa.»
1425	GEN 47:4	Kɔ ŋaloku sɔ Firawona: «Sənder kədendɛ atɔf ŋaŋɛ, bawo dəkəcɔl deyi fɛ sɔ nde acar am ŋayɛfɛ mɔ, kɔ dor dɛmbɛk kəbɛk dəm atɔf ŋa Kanahan. Məwosɛ oŋ acar am kəndɛ atɔf ŋa Kosɛŋ.»
1426	GEN 47:5	Kɔ Firawona oloku Isifu: «Papa kam kɔ awɛŋc əm aŋa ŋander nnɔ məyi mɔ.
1428	GEN 47:7	Kɔ Isifu ɛŋkɛrɛ papa kɔn Yakuba kədementər kɔ Firawona. Kɔ Yakuba ontolanɛ Firawona.
1429	GEN 47:8	Kɔ Firawona eyif Yakuba: «Meren cəke mɔ məyi doru-ɛ?»
1431	GEN 47:10	Kɔ Yakuba ontolanɛ sɔ Firawona. K'ɛyɛfɛ, k'ɛsak kɔ.
1432	GEN 47:11	Kɔ Isifu ɛndəs papa kɔn kɔ awɛŋc aŋa atɔf ŋa Misira. K'ɔsɔŋ ŋa antɔf Misira, nde atɔf ŋa Ramsɛs, pəmɔ tɔkɔ Firawona ɛnaloku kɔ ti mɔ.
1435	GEN 47:14	Kɔ Isifu ɛwɛtəs gbeti fəp mbɛ bɛnayi atɔf ŋa Misira kɔ atɔf ŋa Kanahan mɔ. Pəcsəkpərɛ gbeti babɔkɔ malɔ, kɔ Isifu ɛmbɛrsɛ gbeti babɔkɔ nde kəlɔ ka Firawona.
1438	GEN 47:17	Kɔ ŋaŋkɛrɛ Isifu yɔcɔl yaŋan. Kɔ Isifu ɔŋsɔŋ ŋa yeri kəsəkpɛ ka yɔcɔl yaŋan: Fəlɛs, yɔcɔl yɛfɛt kɔ yɔpɔŋ, sɔfale. Kɔ Isifu ɔsɔŋ ŋa yeri ya teren tatɔkɔ kəsəkpɛ ka yɔcɔl yaŋan fəp.
1440	GEN 47:19	Səndefi oŋ fɔr yam kiriŋ ba, kɔ ntɔf yosu? Məway su kɔ ntɔf yosu kəsəkpɛ ka yeri. Tɛm tatɔkɔ səyɔnɛ acar a Firawona, səna kɔ ntɔf yosu. Məsɔŋ su defet səbəc ta sədefi, ntɔf yosu yedefəntərɛ gbəlməs.»
1441	GEN 47:20	Kɔ Isifu ɛwayɛ Firawona ntɔf ya Misira fəp, aka Misira fəp ŋanacaməs ntɔf yaŋan, bawo dor dɛnabɛkər ŋa. Kɔ atɔf ŋɔyɔnɛ oŋ ŋa Firawona.
1442	GEN 47:21	Kɔ Firawona ɛlɛk afum aŋɛ ŋanayi dəcələŋcər ca Misira mɔ, k'ɛŋkɛrɛ ŋa sədare səpɔŋ.
1443	GEN 47:22	Mba Isifu ɛnaway fɛ ntɔf ya Sali Almamye, bawo Firawona ɛnamɔnɛ kəway ka ntɔf yaŋan. Sali Almamye ŋayi kəkɛkəs ka Firawona disrɛ, ti tɔ Sali Almamye ŋanatɔcaməsɛ ntɔf yaŋan.
1444	GEN 47:23	Kɔ Isifu oloku afum a Misira: «Iway nu mɔkɔ kɔ ntɔf yonu, nəyɔnɛ mɔkɔ aka Firawona. Defet dɛndɛ: Nəntam kəbɔf dəntɔf.
1445	GEN 47:24	Kɔ nəndetɛl-ɛ, nəsɔŋ poboc pin pa kətɛl konu kɔ nəyer ki kəcamət-ɛ Firawona. Nəna nəlɛk yoboc maŋkəlɛ nyɛ, yendeyɔnɛ nu yeri ya dɛkɛr kɔ awut, yɔyɔnɛ nu sɔ defet da teren tɔcɔŋc.»
1446	GEN 47:25	Kɔ ŋaloku Firawona: «Məluksɛ su kəyi doru! Səsɔtɔ kəŋaŋnɛnɛ ka wəbɛ kosu, səndeyɔnɛ wəcar ka Firawona.»
1447	GEN 47:26	Kɔ Isifu ɛŋcəmbər ti kɔ tɔyɔnɛ mɔkɔ tɔyɔ ta Misira: Poboc pa kəcamət fəp pa Firawona pɔ. Mɛnɛ ntɔf ya Sali Almamye gbəcərəm yɔtɔyɔnɛ ya Firawona.
1511	GEN 50:4	Ntɛ mataka ma kəbal kɔn meŋcepər mɔ, kɔ Isifu oloku afum akɔ ŋanayi nde saŋka sa Firawona mɔ, k'oloku ŋa: «K'intam kəsɔtər nu layidi-ɛ, nəloku ntɛ Firawona ilɛtsɛnɛ nu:
1513	GEN 50:6	Kɔ Firawona oloku kɔ: «Məpɛ məkɔwup papa kam pəmɔ tɔkɔ ɔsɔŋ' am kədɛrəm mɔ.»
1514	GEN 50:7	Kɔ Isifu ɛmpɛ kəkɔ-wup papa kɔn. Kɔ ŋampɛ kɔ abeki aka saŋka sa Firawona fəp kəbəp abeki a atɔf ŋa Misira.
5952	JOS 6:1	Anakaŋkəla dəkəbɛrɛ da Yeriko, pabɛŋkər-bɛŋkər di teta aka Yisrayel. Fum o fum oŋc-wur fɛ, fum ɛŋc-bɛrɛ fɛ.
6113	JOS 11:4	Kɔ ŋawur fəp kɔ asɔdar aŋan, kɔ ŋayɔnɛ afum akin ayi, ŋanala pəmɔ asəŋc nŋɛ ŋeyi nde kəba kəsək mɔ. Fəlɛs kɔ cibil ca kəwan yɛnala.
6158	JOS 13:2	Ntɔf nyɛ yɛcəmɛ kəbaŋ: Ntɔf ya aFilisti fəp, kɔ ŋa aka Kesur fəp,
6159	JOS 13:3	kəyɛfɛ ka kəŋgbɔkɔ ka Sihɔr nkɛ kəŋyɛksɛ domun Misira tekiriŋ mɔ, haŋ nde kələŋcər ka Ekəron kəca kəmeriya ka nde dec dɛmpɛ mɔ, nkɛ kəmar kəyɔnɛ ka aka Kanahan akɔ abɛ aFilisti aŋɛ kəcamət ŋayi ŋa kəroŋ mɔ: Wəbɛ wəka Kasa, wəbɛ wəka Asdodi, wəbɛ wəka Askalɔŋ, wəbɛ wəka Kat, kɔ wəbɛ wəka Ekəron, kəlɛkɛnɛ antɔf ŋa aka Awi.
6442	JOS 22:14	kɔ ŋaŋkɔ kɔ akiriŋ wəcɔ akin akin aka cusuŋka cacɔkɔ dəcor dəcor. Fəp faŋan akiriŋ a dəcusuŋka ŋɔ ŋanayɔnɛ afum alarəm aka Yisrayel akakɔ dacɔ.
7131	RUT 1:2	Tewe ta fum wəkakɔ tɛnayɔnɛ Elimɛlɛk, pacwe wəran kɔn Noyemi, kɔ mewe ma awut ɔn arkun akakɔ mɛrəŋ mɛnayɔnɛ Malɔŋ kɔ Kilyɔŋ. Fəp faŋan aka kor ka Ɛfərat ŋɔ ŋanayɔnɛ, dare da Betlɛhɛm nde atɔf ŋa Yuda. Kɔ ŋander sədalɛ sa Mohabu kɔ ŋandɛ di.
7152	RUT 2:1	Noyemi ɛnayɔ wəkomɛnɛ ka wos wəlɔma. Fum wəpɔŋ ɛnayi, pəyɔ sɔ daka. Bɔs b’ ancwe kɔ.