29	GEN 1:29	Kɔ Kanu kəloku: «Isɔŋ nu yika nyɛ yɔyɔ defet dakayi mɔ, kɔ yokom ya tɔk. Yɔyɔnɛ nu yeri.
49	GEN 2:18	Kɔ Kanu Kəpɔŋ kəloku: «Pəmar fɛ wərkun pəyi sona! Indelompəs wəmarəs kɔn, ntɛ tɔŋsɔŋɛ ŋayi mɛrəŋ mɔ.»
72	GEN 3:16	Kɔ Kanu kəloku wəran: «Indeyɔ kəbɛkəs kam kəc-cu'm. Pəcuca pɔ mənde məc-kom. Mɛfaŋ mam məndekɔ nda wos əm. Mba endetasərn' am.»
73	GEN 3:17	Kɔ Kanu kəloku wərkun: «Bawo, məŋcəŋkəl dim da wəran kam, kɔ məndi pokom pa kətɔk nkɛ inamɔn' am kədi mɔ, Indesɔŋ antɔf pəlɛc tetam: Pəcuca pɔ mənde məcsɔtər ŋi yeri yam dɔsɔk o dɔsɔk kiyi kam doru fəp.
81	GEN 4:1	K'Adama ŋambəpɛnɛ kɔ wəran kɔn Hawa, kɔ Hawa ɛmbɛkəs, k'oŋkom Kayin. Kɔ Hawa oloku: «Isɔtɔ wan wərkun kəmar ka Kanu disrɛ.»
89	GEN 4:9	Kɔ Kanu kəyif Kayin: «Deke wɛŋc əm Abɛl eyi-ɛ?» Kɔ Kayin oloku fɔ: «Iŋcərɛ fɛ. Cepɔ wəkɛkəs kɔn iyɔnɛ ba?»
98	GEN 4:18	Kɔ Henok oŋkom Iradu, k'Iradu oŋkom Mehuyayɛl, kɔ Mehuyayɛl oŋkom Metusayɛl, kɔ Metusayɛl oŋkom Lɛmɛk.
141	GEN 6:3	Kɔ Kanu kəloku: «Ifaŋ fɛ kəsak afum ŋayinɛ kifir kəyinɛ doru nkɛ inasɔŋ ŋa mɔ, bawo fum sɛm dəm yɔ. Kəyi kɔn doru kəfɔde kəc-cepər sɔ meren 120.»
151	GEN 6:13	Ti t' ɛnasɔŋɛ Kanu kəloku Nuha: «Iŋcɛm-cɛmnɛ kəmələk yeŋesəm ya doru fəp, bawo tes taŋan tɔsɔŋɛ kɔ doru dɛla kədəkətɛrɛnɛ, kənim ŋa k'inder doru.
205	GEN 8:21	Kɔ Kanu Kəpɔŋ kəmbaŋ ambɔŋc ŋobotu ŋa kəloŋnɛ, kɔ kəlokunɛ dɛbəkəc, «Ifɔsɔsɔŋ antɔf pəlɛc teta fum. Kaŋce kɔ, bawo afum mɛcɛm-cɛmnɛ mɛlɛc meyi ŋa dəbəkəc kəyɛfɛ dowut daŋan, mba ifɔsɔləsər ca nyɛ yeŋesəm doru pəmɔ ntɛ intɛp ti kəcyɔ mɔ.»
209	GEN 9:3	Paka o paka mpɛ peyi wəyeŋ pɔc-kɔt mɔ, pɔyɔnɛ nu peri pəmɔ ntɛ inasɔŋ nu yokom ya yika yɛcaŋk kɔ ya tɔk mɔ. Isɔŋ nu oŋ ndɛkəl yayɔkɔ fəp.
211	GEN 9:5	Indeyif nu teta mecir monu, mmɛ mɔyɔnɛ kəyi doru konu mɔ. Indeyif sɔ ti sɛm fəp nyɛ yendedif fum mɔ. Pəmɔ ntɛ indeyif ti fum nwɛ endedif wɛŋc mɔ.»
217	GEN 9:11	Isɔŋ nu temer, ntɛ t' indeyɔ: Domun dɔfɔdesɔdi antɔf, wəcafən ɔfɔdesɔyi nwɛ endeləsər antɔf mɔ.»
219	GEN 9:13	Isɛkən ambəŋcəran (asiŋki) ŋem nde dəkɔm. In' ende kəc-cɛm-cɛməs im temer ntɛ isɔŋ antɔf mɔ.
222	GEN 9:16	K'Iŋc-kɔna-nəŋk asiŋki-ɛ, iŋcɛm-cɛmnɛ temer ta doru o doru ntɛ inasɔŋ' un, kɔ ca fəp nyɛ yeŋesəm doru mɔ.»
231	GEN 9:25	Kɔ Nuha oloku: «Intolanɛ Kanahan pəlɛc! Kanahan pəyɔnɛ wəcar ka acar a awɛŋc aŋa!»
232	GEN 9:26	Kɔ Nuha oloku sɔ: «Intola Kanu Kəpɔŋ, Kanu ka Semy, Kanahan pəyɔnɛ wəcar kəŋan!
301	GEN 12:2	Indesɔŋ' am kəyɔnɛ ka kas k'afum alarəm, indesɔŋ əm pətɔt, indesɔŋɛ tewe tam tɛbɛk. Məndetolanɛ afum alɔma pətɔt.
302	GEN 12:3	Indesɔŋ pətɔt aŋɛ ŋandetolan' am pətɔt mɔ. Indesɔŋ pəlɛc aŋɛ ŋandetolan' am pəlɛc mɔ. Tetam tɔ indesɔŋɛnɛ cusuŋka ca doru fəp pətɔt.»
306	GEN 12:7	Kɔ Kanu Kəpɔŋ kəwurər Abram kɔ kəloku kɔ: «Indesɔŋ atɔf ŋaŋɛ yuruya yam.» K'Abram olompəs dəkəloŋnɛ da Kanu Kəpɔŋ nkɛ kənawurər kɔ dəndo mɔ.
335	GEN 13:16	Indesɔŋɛ yuruya yam yɛla haŋ ta antam kəlɔm ŋa-ɛ, pəmɔ tɔkɔ antɔtam kəlɔm kəbof antɔf kəroŋ mɔ.
357	GEN 14:20	Ileləs Kanu nkɛ kəyi fəp kəroŋ mɔ, nkɛ kəlɛk ayɛfərɛnɛ am kɔ kəmbɛr əm dəwaca mɔ!» Kɔ Abram ɔsɔŋ kɔ farilɛ fa ca yɔkɔ ŋanasɔtɔ dəkəwan mɔ fəp.
359	GEN 14:22	Kɔ Abram oluksɛ wəbɛ wəka Sodom mɔcɔp: «Indot kəca nnɔ Kanu Kəpɔŋ nkɛ kəyi afum fəp kəroŋ mɔ, nkɛ kəyɔnɛ wəbɛ wəka dareŋc kɔ dəntɔf mɔ.
360	GEN 14:23	Ifɔlɛk ali paka pin ca yam dacɔ. Ali debeŋa kɔ pəyi fɛ ti-ɛ pɛpətərɛ pa kɔfta kam. Ti tɔ məntɔtam kəloku: ‹In' ɔsɔŋɛ Abram kəyɔ daka.›
361	GEN 14:24	Ifɔlɛk daka o daka, mɛnɛ yeri nyɛ afum em ŋandi mɔ, kɔ kəyer nkɛ atemp em Esekol, Haner, kɔ Mamrɛ ŋasɔtɔ mɔ, bawo pəmar ŋasɔtɔ kəyer.»
362	GEN 15:1	Ntɛ mes mamɔkɔ meŋcepər mɔ, kɔ Kanu Kəpɔŋ kəwurər Abram dəmere kɔ kəloku kɔ ntɛ: «Ta mənesɛ, Abram! Ina yati indeyɔn' am aca. Indeluks' am kəway pəpɔŋ.»
363	GEN 15:2	Kɔ Abram eyif Kanu: «Kanu Wəbɛ Wəpɔŋ, ake məndesɔŋ im-ɛ? Intas ta iyɔ wan-ɛ, wədelɛk kɛ kem ɔyɔnɛ Elihɛsɛr wəka Damas.»
368	GEN 15:7	Kɔ Kanu kəloku kɔ: «In' ɔyɔnɛ Kanu Kəpɔŋ nkɛ kənawur' am Ur ŋa aKaldi kədesɔŋ əm atɔf ŋaŋɛ, məde məlɛk ŋi kɛ.»
375	GEN 15:14	Mba Indetɔrəs afum aŋɛ ŋandecəmbər ŋa dacar mɔ, ŋandewur atɔf ŋaŋɔkɔ kɔ ca yɛlarəm.
379	GEN 15:18	Dɔsɔk dadɔkɔ dɔ Kanu Kəpɔŋ kəŋcaŋəs kiyi kəŋan tes tin kɔ Abram. Kɔ Kanu kəloku Abram: «Isɔŋ yuruya yam kəyɛfɛ ka kəŋgbɔkɔ ka Misira haŋ Efərat, kəŋgbɔkɔ kəpɔŋ:
380	GEN 15:19	Indesɔŋ yuruya yam atɔf ŋa aKeni, aKenisi, aKadmon,
387	GEN 16:5	Kɔ Saray oloku Abram: «Mən' endesarɛ pəcuy pa mɔlɔməs mmɛ ɔlɔməs im mɔ! Ina yati, in' ɛlɛk wəcar kem k'imbɛr əm kɔ dəwaca, mba ntɛ ɛnəŋknɛ oŋ pəbɛkəs mɔ, k'ɛyɛfɛ kəfərfərəs im. Mba Kanu Kəpɔŋ kəmboc su kiti dacɔ (kəyi su dacɔ), ina kɔ məna!»
392	GEN 16:10	Kɔ mɛlɛkɛ ma Kanu Kəpɔŋ moloku kɔ: «Indesɔŋɛ yuruya yam yɛla haŋ ta antam kəlɔm ŋa-ɛ.»
395	GEN 16:13	Kɔ Hakar ɔsɔŋ tewe a Kanu Kəpɔŋ nkɛ kənalok-lokər kɔ mɔ, «Ata-Ɛl-Roy,» ti tɔ tatɔkɔ: «Inəŋk nnɔ Kanu nkɛ kənəŋk im mɔ.»
399	GEN 17:1	Ntɛ Abram ɔsɔtɔ meren 99 mɔ, kɔ Kanu Kəpɔŋ kəwurər kɔ, kəc-loku kɔ: «In' ɔyɔnɛ Kanu nkɛ kəntam mes ma doru fəp mɔ, məkɔt fɔr yem kiriŋ, məcəmɛ pəlompu darəŋ.
400	GEN 17:2	Indecaŋəs danapa dosu, ina kɔ məna dacɔ, isɔŋ əm yuruya yɛlarəm.»
404	GEN 17:6	Indesɔŋ əm dokombəra dɔpɔŋ, indesɔŋ' am kəkom ka afum alarəm, abɛ yati ŋandeyi ŋa dacɔ.
405	GEN 17:7	Indecaŋəs danapa dem kɔ məna dacɔ kəbəp ka yuruya yam kɔ məna məfi-ɛ, indecəmɛ danapa dadɔkɔ darəŋ kɔ yuruya yam doru o doru. Tɛm tatɔkɔ Kanu kam k'indeyɔnɛ kɔ ka yuruya yam kɔ məna məndecepər-ɛ.
406	GEN 17:8	Indesɔŋ əm kɔ yuruya yam atɔf ŋa Kanahan ŋaŋɛ məntɛp kəc-bɛrɛ mɔ fəp, ŋendeyɔnɛ ŋaŋan doru o doru, iyɔnɛ Kanu kəŋan.»
414	GEN 17:16	Kəpocɛ kɔ k'inder, ipocɛ sɔ məna wan nwɛ endekom' am mɔ. Indepocɛ kɔ pətɔt, nkɔn endeyɔnɛ kɛrɛ ka tɔf yɛlarəm. Abɛ a tɔf yɛlarəm ŋandewur kɔ dəris.»
417	GEN 17:19	Kɔ Kanu kəloku: «Ala! Wəran kam Sara endekom' am wan nwɛ məndewe Isiyaka mɔ. Indecəmɛ danapa dosu darəŋ kɔ nkɔn, iyɛfɛ sɔ icəmɛ di darəŋ kɔ yuruya yɔn kɔ nkɔn eŋcepər-ɛ danapa da doru o doru dɔ.
418	GEN 17:20	Ntɛ tendeŋərnɛ ti mɔ, ine wəran kam pəc-tolanɛ Səmayila: Indepocɛ kɔ pətɔt, indesɔŋ kɔ dokombəra dɔpɔŋ indesɔŋɛ yuruya yɔn yɛla endeyɔnɛ kas ka abɛ wəco kɔ mɛrəŋ kɔ wətem ka afum alarəm.
430	GEN 18:5	Indesɔŋ nu sɔ peri, ntɛ tɔŋsɔŋɛ nu kəsɔtɔ sɔ fənɔntər mɔ, a nədekɔ tɛm tatɔkɔ nəfɔdecepər nnɔ nderem kifəli, iyi kiyi konu.» Kɔ acikəra ŋaloku: «Tentesɛ! Məyɔ tɔkɔ məloku mɔ.»
435	GEN 18:10	Kɔ wəcikəra wəkin oloku: «Inder nnɔ ndaram dok tɛm tantɛ wəran kam Sara endekom wan wərkun.» Sara ɛnacəmɛ dəkusuŋka Abraham tadarəŋ pəc-cəŋkəl.
440	GEN 18:15	Kɔ Sara eyemɛ, k'ombupərɛ «Isel fɛ,» bawo ɛnanesɛ. Kɔ Kanu Kəpɔŋ kəŋgbɔkərɛ: «Ala, məsel!»
442	GEN 18:17	Kɔ Kanu Kəpɔŋ kəyifnɛ: «Imɛŋkər Abraham ntɛ ifaŋ kəyɔ mɔ ba?
453	GEN 18:28	Tɔlɔma afum alompu akaŋɛ 50 ŋandekɔ-but afum kəcamət paləsər oŋ dare fəp ba?» Kɔ Kanu kəloku: «Ifɔləsər di k'imbəp di afum alompu 40 kɔ kəcamət-ɛ.»
454	GEN 18:29	Kɔ Abraham ɛŋcəmɛ kɔ darəŋ kəloku kɔ toloku ntɛ: «Tɔlɔma alompu 40 ŋ' andekɔ-bəp di?» Kɔ Kanu kəloku: «Ifɔləsər, k'imbəp di alompu 40-ɛ.»
455	GEN 18:30	Kɔ Abraham oloku: «Ilɔktərn' am, Kanu Wəbɛ! Ta pətɛl' am k'ilok-loku sɔ-ɛ! Tɔlɔma alompu 30 ŋ' andekɔ-bəp di?» Kɔ Kanu kəloku Abraham: «Ifɔləsər di k'imbəp dɔtɔf afum alompu 30-ɛ.»
456	GEN 18:31	Kɔ Abraham oloku: «Kanu Wəbɛ, məŋaŋnɛnɛ mɔcɔp mem. Tɔlɔma alompu wəco mɛrəŋ ŋ' andekɔ-bəp di?» Kɔ Kanu kəloku Abraham: «Ifɔləsər di teta afum akakɔ wəco mɛrəŋ.»
457	GEN 18:32	Kɔ Abraham oloku: «Ilɛtsɛn' am, Wəbɛ kem! Ta pətɛl' am, tɛləpəs t' indelok-lokər əm. Tɔlɔma alompu wəco ŋayi di.» Kɔ Kanu kəloku sɔ Abraham, «Ifɔləsər di teta afum akakɔ wəco.»
460	GEN 19:2	Kɔ Lɔt oloku ŋa: «Ilɛtsɛnɛ nu, nəna abɛ em, nəder nnɔ kəlɔ ka wəcar konu. Nəcepərɛnɛ dɛ pibi, nəbikɛnɛ wɛcək, nədena nəyɛfɛ bət-bətana suy, nəsumpər sɔ dɔpɔ donu, nəkɔ.» Kɔ mɛlɛke ŋaloku kɔ: «Ala, nnɔ tofo tantɛ tɔ səndecepərɛnɛ pibi!»
465	GEN 19:7	K'oloku ŋa: «Ala, Anapa, Ilɛtsɛnɛ nu ta nəyɔ pəlɛc pampɛ!
466	GEN 19:8	Ilɛtsɛnɛ nu! Iyɔ ayecəra mɛrəŋ atɔcərɛ arkun, ilɛtsɛnɛ nu ikɛrɛ nu ŋa nnɔ dabaŋka, nəyɔ ŋa mɛfaŋ monu. Mba ta nəyɔ acikəra em ntɛ o ntɛ, bawo kiyi kem kɔ ŋayinɛ dɛ!»
477	GEN 19:19	Ilɛtsɛn' am! Wəcar kam ɔsɔtər əm kəŋaŋnɛ ntɛ məlas layidi dam nnɔ iyi mɔ, ntɛ məsak im kəyi doru mɔ, mba ifɔtam kəyɛksɛ ibəp tɔrɔ tatɔkɔ a məctorɛ pəlɛc, kɔ pəyi fɛ ti-ɛ ina sɔ, iŋfi.
478	GEN 19:20	Ilɛtsɛn' am məŋnəŋk dare dɔkɔ, dɔlɔtərn' em k'iyɛksɛ ibɛrɛ di kɔ dɛfɛtɛ sɔ. Məc' em ikɔ indɛ iyacnɛ di, dɛfɛtɛ fɛ ba? Intam di kəbɛrɛ, tɔsɔŋ' em kəyi doru!»
492	GEN 19:34	Dɔckɔsɔk k'oloku wəfɛtəra kɔn: «Ifəntərɛna nnɔ pibi kɔ papa. Pasɔŋɛ kɔ sɔ kəmun member nnɔ pibi, ntɛ tɔŋsɔŋɛ məna sɔ nəkɔ nəfəntərɛ kɔ nkɔn mɔ tɔsɔŋɛ pasɔtɔnɛ kɔ yuruya mɔ.»
502	GEN 20:6	Kɔ Kanu kəloku kɔ dəmere: «Iŋcərɛ bel-bel ina sɔ, a abəkəc ŋosoku ŋɔ mənayɔ ntɛ məcyɔ tantɛ mɔ. Ina yati in' ɛyaməs am kədəktər im, ti t' inatɔwos' am a məgbuŋɛnɛ kɔ.
507	GEN 20:11	Kɔ Abraham oloku: «Inacɛm-cɛmnɛ a kənesɛ Kanu kəyi fɛ nnɔ, a andedif im teta wəran kem.
512	GEN 20:16	K'oloku Sara: «Isɔŋ wɛŋc əm wərkun mɛŋcəmbəl ma gbeti wul win, bɔyɔn' am aca nnɔ afum ŋayi mɔ, kəmentər fɔ məŋcərɛ fɛ tɔlɔm o tɔlɔm tes tantɛ disrɛ.»
517	GEN 21:3	Kɔ Abraham ewe wan wərkun nwɛ Sara oŋkomɛ kɔ mɔ «Isiyaka.»
518	GEN 21:4	Kɔ Abraham ɛŋkəŋc Isiyaka wan kɔn wərkun nwɛ tataka ta camət-maas tɔn, pəmɔ tɔkɔ Kanu kənasom kɔ ti mɔ.
519	GEN 21:5	Abraham ɛnasɔtɔ meren 100, ntɛ aŋc-kom wan kɔn Isiyaka mɔ.
520	GEN 21:6	Kɔ Sara oloku: «Kanu kəsɔŋ' em kəselsər. Nwɛ o nwɛ ene kəkom kem Isiyaka mɔ, tɔŋyɔ kɔ mesel.»
522	GEN 21:8	Kɔ wan ɛmbɛk k'awurɛ kɔ mɛsɛ. Kɔ Abraham omboc kəsata kəpɔŋ dɔsɔk ndɛ awurɛ Isiyaka mɛsɛ mɔ.
526	GEN 21:12	Mba kɔ Kanu kəloku Abraham: «Ta tɛtɛl' am teta wan kam wərkun kɔ kɛrɛ, wəcar kam. Məwosɛnɛ Sara ntɛ o ntɛ ɛŋfaŋər əm mɔ. Bawo nnɔ Isiyaka eyi mɔ, məndesɔtɔ yuruya nyɛ yendetɔmpər tewe tam mɔ.
527	GEN 21:13	Indeyɔnɛ sɔ wan ka wəcar kam atɔf. Bawo nkɔn sɔ yuruya yam y' ɔyɔnɛ.»
530	GEN 21:16	K'ɛŋkafələr k'ɔŋkɔ pəndɛ kəsək pəc-cɔpəsnɛ: «Ifaŋ fɛ kəgbətənɛ wan kem pəc-fi.» K'ɔŋkɔ pəndɛ pəbɔlɛnɛ kɔ dobolu da kələm ka ambəŋcəran katin pətɛfərnɛ kɔ, pəc-bok.
538	GEN 21:24	Kɔ Abraham oloku: «Indɛrəm am ti.»
540	GEN 21:26	Kɔ Abimɛlɛk oloku: «Iŋcərɛ fɛ nwɛ ɛnayɔ tɔyɔ tatɔkɔ mɔ: Mənasɔŋɛ f' em ti kəcərɛ, mɔkɔ məndesɔŋ' em oŋ ti kəcərɛ.»
549	GEN 22:1	Ntɛ mes mmɛ meŋcepər mɔ, kɔ Kanu kəmbocər Abraham dɔpɔ, kɔ kəwe kɔ: «Abraham!» K'owosɛnɛ ki: «In' ɛwɛ!»
550	GEN 22:2	Kɔ Kanu kəloku: «Məlɛk oŋ wan kam sona Isiyaka, wəkakɔ məmbɔtər mɔ. Məkɔ atɔf ŋa Moriya dəndo, məkɔ məloŋnɛn' em kɔ kəloŋnɛ ka kəcɔf nde tɔrɔ mpɛ indekɔ-mentər əm mɔ.»
551	GEN 22:3	Kɔ Abraham ɛyɛfɛ bət-bət suy k'ɛŋgbɛk sɔfale sɔn kəbənda, k'ɛlɛkɛnɛ acar ɔn atɛmp mɛrəŋ kɔ wan kɔn Isiyaka. Kɔ Abraham ɛŋgbɛs tɔk nyɛ ɛnakɔcɔfɛ poloŋnɛ mɔ, k'ɛntas nde kəfo kəŋkɔ Kanu kənamentər kɔ mɔ.
553	GEN 22:5	K'oloku atɛmp ɔn: «Nəyi nnɔ kɔ sɔfale. Isiyaka k'ina, kəpɛ kɔ sənder nde kəroŋ kəkɔ-loŋnɛ Kanu. Kɔ səlip-ɛ, səndebəp nu nnɔ.»
554	GEN 22:6	Kɔ Abraham ɛlɛk tɔk nyɛ anakɔcɔfɛ poloŋnɛ mɔ, k'ɛsarəsər yi wan kɔn Isiyaka, kɔ nkɔn ɛlɛk nɛŋc kɔ faka. Kɔ ŋasol mɛrəŋ maŋan kəkɔ.
555	GEN 22:7	Kɔ Isiyaka ewe kas Abraham k'eyif kɔ: «Papa!» Kɔ wəkakɔ owosɛ: «In' ɛwɛ, wan kem!» Kɔ Isiyaka oloku: «Nɛŋc dɔ dandɛ kɔ tɔk, mba deke teŋkesiya tɔkɔ aŋkɔ-loŋnɛ Kanu pacɔf mɔ peyi-ɛ?»
557	GEN 22:9	Ntɛ ŋambəp kəfo nkɛ Kanu kənamentər kɔ mɔ, kɔ Abraham ɔlɔ dəkəloŋnɛ Kanu, k'omboc tɔk. K'oŋkot wan kɔn Isiyaka, k'edeŋər kɔ tɔk ya dəkəloŋnɛ kəroŋ.
559	GEN 22:11	Kɔ mɛlɛkɛ ma Kanu Kəpɔŋ mewe kɔ dareŋc. Kɔ moloku: «Abraham! Abraham!» K'owosɛ: «In' ɛwɛ!»
564	GEN 22:16	kɔ moloku: «Toloku ta Kanu Kəpɔŋ indɛrəm' am ti, ina sərka! ‹Bawo məyɔ tantɛ, məfatɛnɛ f' em wan kam sona Isiyaka,
583	GEN 23:11	«Ala, wəbɛ kem. Məcəŋkəl im! Isɔŋ əm dalɛ, k'isɔŋ əm sɔ kumbuŋkum kəŋkɔ kəyi di mɔ. Isɔŋ əm ki, fɔr ya awut a atɔf ŋem kiriŋ. Məwup di wəran kam.»
585	GEN 23:13	K'oloku ntɛ Hɛfəroŋ, fɔr ya afum a dɔtɔf kiriŋ: «Məna sɔ məkafəlɛ məcəŋkəl im! Iŋsɔŋ kəway ka dalɛ! Məwosɛn' em ti, a idewup di wəran kem.»
595	GEN 24:3	Indesɔŋ' am kədɛrəm Kanu Kəpɔŋ, Kanu nkɛ kəyi dareŋc kɔ dəntɔf mɔ, ta məlɛkɛ wan kem wəran wəKanahan, afum akaŋɛ indɛ dacɔ mɔ.
596	GEN 24:4	Mba məde məkɔ atɔf ŋem nde dəŋkom dem, məlɛkɛ di wan kem Isiyaka wəran.»
605	GEN 24:13	In' ɛwɛ iŋcəmɛ nnɔ kələmp kəsək mɔ, k'ayecəra a afum a dare ŋawur kədekɛt domun-ɛ.
606	GEN 24:14	Pəyɔnɛ fɔ wəyecəra nwɛ indeloku fɔ: ‹Ilɛtsɛn' am məti tɔbɔl tam imun,› a wəkayi pəlok' im: ‹Məmun, isɔŋ sɔ yɔkɔmɛ yam yomun,› pəyɔnɛ a wəkakɔ məmpocɛ wəcar kam Isiyaka! Tɛm tatɔkɔ indecərɛ a məlasɛ wəbɛ kem Abraham layidi dɔkɔ mənasɔŋ kɔ mɔ.»
611	GEN 24:19	Ntɛ elip kəsɔŋ wəcar ka Abraham k'omun mɔ, k'oloku kɔ sɔ: «Indekɛtɛ yɔkɔmɛ yam domun yi sɔ yomun haŋ pətəŋnɛ yi.»
619	GEN 24:27	pəcloku: «Iŋkorkor əm məna Kanu Kəpɔŋ nkɛ, Kanu ka wəbɛ kem Abraham. Məna nwɛ məntɔsak kəlas layidi ndɛ mənasɔŋ kɔ mɔ, məcyɔnɛ wəbɛ kem mɛfaŋ mɔn fəp mɔ! Kanu Kəpɔŋ məsol' em kɔ məŋkɛr' em haŋ nnɔ kəlɔ ka awɛŋc a wəbɛ kem Abraham.»
623	GEN 24:31	Kɔ Labaŋ oloku: «Məder məna nwɛ Kanu kəmpocɛ mɔ! Ta ake tɔ məndeyinɛ dabaŋka-ɛ? Ifɛŋ dəkəlɔ k'ilompsɛ yɔkɔmɛ yam tofo.»
625	GEN 24:33	Kɔ tɛyɛfɛ dənda k'aŋcəmbərɛ kɔ yeri. Mba k'oloku: «Ifɔdi kərɛsna paka, mɛnɛ iloku toloku ntɛ inder kəloku mɔ.» Kɔ Labaŋ oloku kɔ: «Məloku!»