2	GEN 1:2	Tɛm tatɔkɔ antɔf ŋɛnayɔ fɛ teyi, kubump kənayi kəba kəroŋ. Mba Derkifin da Kanu dɛnayi sɔ domun kəroŋ doc-bum yi.
35	GEN 2:4	Dəkəyɛfɛ da kɔm k'antɔf dɔ dadɔkɔ, ntɛ awurɛ yi mɔ. Ntɛ Mariki Kanu owurɛ antɔf kɔ kɔm mɔ,
36	GEN 2:5	ali tɔtɔk pa dalɛ pin pɛnayi fɛ antɔf kəroŋ, ali ayika ŋa dalɛ ŋin ŋɛnapoŋ fɛ tɛm tatɔkɔ. Bawo Mariki Kanu ɛnatorɛ fɛ wəcafən dəntɔf, fum ɛnayi fɛ sɔ, nwɛ ɛmbəc antɔf mɔ.
37	GEN 2:6	Mba kifir kəŋc-pɛ dəntɔf, nkɛ kəŋc-dəməs antɔf fəp mɔ.
47	GEN 2:16	Kɔ Kanu Kəpɔŋ kətiŋtiŋ fum: «Məntam kədi yeri ya dalɛ dandɛ fəp.
48	GEN 2:17	Mba ta mədi pokom pa kətɔk ka kəcərɛnɛ pətɔt kɔ pəlɛc de! Bawo dɔsɔk ndɛ məndedi pokom pa ki mɔ, məŋfi!»
51	GEN 2:20	Kɔ fum ɔsɔŋ sɛm yɔcɔl fəp mewe, kɔ bɛmp ya dareŋc kɔ fum ɔsɔŋ sɔ sɛm ya dəkulum fəp mewe. Mba ta fum taŋ, ɔsɔtɔ fɛ nwɛ endetam kəcmar kɔ mɔ.
59	GEN 3:3	Mba kətɔk nkɛ kəyi dalɛ dacɔ mɔ, Kanu kəloku: ‹Ta nədi yokom ya ki, ta nəgbuŋɛnɛ ŋaŋ ki! Kɔ nəyɔ ti-ɛ, nəŋfi.›»
72	GEN 3:16	Kɔ Kanu kəloku wəran: «Indeyɔ kəbɛkəs kam kəc-cu'm. Pəcuca pɔ mənde məc-kom. Mɛfaŋ mam məndekɔ nda wos əm. Mba endetasərn' am.»
74	GEN 3:18	Yika ya dəkulum yɔ mənde məc-di. Mba antɔf ŋende ŋoc-kom am bɛŋk kɔ ŋgbɔŋkəlɔ.
85	GEN 4:5	Mba Kanu kəmɔmənɛ fɛ Kayin kɔ kəloŋnɛ kɔn fɔr yɔtɔt. Kɔ pəntɛlɛ Kayin, k'ɛŋɛy kəro.
87	GEN 4:7	Kɔ məŋkɔt bel-bel-ɛ, məndesel. Kɔ kɔ məŋkɔt pəlɛc-ɛ, kiciya kəy' əm dəkusuŋka kɔ mɛfaŋ ma ki mey' əm. Mba məsɛp mətasərnɛ ki.»
88	GEN 4:8	Kɔ Kayin ɔŋcɔpər wɛŋc Abɛl. Mba ntɛ ŋanayi dalɛ mɔ, kɔ Kayin ɛyɛfər wɛŋc Abɛl kəsutɛnɛ, k'endif kɔ.
94	GEN 4:14	Məmbɛləs im mɔkɔ nnɔ antɔf ŋam ŋebi ŋeyi mɔ. Pənamar im kəgbɔpən' am, kɔ kəcepɛ-cepɛ dəntɔf, kɔ fum ɛmbəp im dənda-ɛ, pədif im.»
95	GEN 4:15	Mba, kɔ Kanu Kəpɔŋ kəloku kɔ: «Kɔ fum endif Kayin-ɛ, aŋluksɛ ayɛk ŋɔn camət-mɛrəŋ.» Kɔ Kanu kəŋgbesi Kayin ntɛ tɔŋsɔŋɛ aŋɛ ŋambəp kɔ mɔ, ta ŋasut kɔ ŋadif.
98	GEN 4:18	Kɔ Henok oŋkom Iradu, k'Iradu oŋkom Mehuyayɛl, kɔ Mehuyayɛl oŋkom Metusayɛl, kɔ Metusayɛl oŋkom Lɛmɛk.
118	GEN 5:12	Kɔ Kenaŋ ɔsɔtɔ meren 70 a k'endekom Mahalalel.
119	GEN 5:13	Ntɛ oŋkom Mahalalel mɔ, kɔ Kenaŋ eyi sɔ doru meren 840, mmɛ ɛnakom sɔ awut arkun k'awut aran alɔma mɔ.
121	GEN 5:15	Mahalalel ɛnasɔtɔ meren 65 a k'endekom Yɛrɛdu.
122	GEN 5:16	Ntɛ Mahalalel oŋkom Yɛrɛdu mɔ, k'eyi sɔ doru meren 830, mmɛ ɛnakom sɔ awut arkun k'awut aran alɔma mɔ.
123	GEN 5:17	Kəwon ka Mahalalel doru fəp, kənasɔtɔ meren 895, k'efi.
127	GEN 5:21	Henok ɛnasɔtɔ meren 65 a k'endekom Metusela.
128	GEN 5:22	Ntɛ Henok oŋkom Metusela mɔ, k'ɔsɔtɔ sɔ meren 300 ŋasol kɔ Kanu. K'oŋkom sɔ awut arkun k'aran alɔma.
131	GEN 5:25	Metusela ɛnasɔtɔ meren 187 a k'endekom Lɛmɛk.
132	GEN 5:26	Ntɛ Metusela oŋkom Lɛmɛk mɔ, k'ɔsɔtɔ sɔ meren 782, mmɛ ɛnakom sɔ awut arkun k'awut aran alɔma mɔ.
133	GEN 5:27	Kəwon ka Metusela doru kənasɔtɔ meren 969, k'efi.
146	GEN 6:8	Mba kɔ Nuha ɔsɔtɔ kəŋanɛnɛ ka Kanu Kəpɔŋ, bawo Kanu kənanəŋk dolompu dɔn.
149	GEN 6:11	Mba nnɔ fɔr ya Kanu kiriŋ, afum ŋanatesɛ fɛ bəkəc. Mes mɛlɛc gbəcərəm mɛnayi doru.
152	GEN 6:14	Məcaŋɛ abil ŋɔpɔŋ cəbam ca kawe, məwurɛ ŋi sədəkəlɔ səlarəm, məsop ŋi kɔrtal tedisrɛ kɔ todoru.
154	GEN 6:16	Məgbəpər ŋi tadareŋc, məsak kururu katin (mɛtər dacɔ) kəyɛfɛ nde kəroŋ haŋ nde dəkəpom, məwurɛ ŋi kumba kəsək, mədeŋər ŋi dɛk maas.
155	GEN 6:17	Bawo ina, domun dɛlarəm d' indesak ndɛ dendemələk ca fəp mɔ. Mpɛ o mpɛ peŋesəm doru mɔ, pendefi.
157	GEN 6:19	Məde məbɛrsɛnɛ sɔ ŋi disrɛ sɛm ya doru fəp mɛrəŋ mɛrəŋ, workun kɔ wɛran, ntɛ tɔŋsɔŋɛ nəde nəyi doru kɔ yi mɔ.
161	GEN 7:1	Kɔ Kanu kəloku Nuha: «Məbɛrɛ abil disrɛ, məna k'afum am fəp, bawo iŋkɔkcɛ a məna sona gboŋ (mən' olomp) mən' ɛcɛps' em darəŋ anapa am fəp dacɔ.
162	GEN 7:2	Məlɛkɛnɛ sɛm yɔtɔt camət-mɛrəŋ camət-mɛrəŋ, yorkun kɔ yɛran, mba sɛm yɛlɛc, məlɛk yi mɛrəŋ mɛrəŋ: Workun kɔ wɛran gbəcərəm.
183	GEN 7:23	Kɔ Kanu kəfɛŋ dəntɔf paka mpɛ peŋc-ŋesəm mɔ, kəyɛfɛ fum haŋ kəbəp sɛm yɔpɔŋ, yɛfɛt-yɛfɛt kɔ bɛmp, k'enim yi doru fəp. Mɛnɛ Nuha gbəcərəm, aka kəlɔ kɔn disrɛ kɔ sɛm nyɛ yɛnayi debil mɔ, ŋanafis.
187	GEN 8:3	Kɔ domun dembelɛ antɔf kəroŋ tepic-tepic. Mata 150 disrɛ, kɔ domun dɛŋcɛsɛ dəntɔf.
193	GEN 8:9	Mba ŋɛnasɔtɔ fɛ kəfo nkɛ ŋɛntam kəndɛ mɔ, bawo domun dɛnasɔrɛbaŋ antɔf fəp, kɔ ŋoluksərnɛ nde debil. Kɔ Nuha ɛntɛŋc kəca k'osumpər ŋi, k'ɛmbɛrsɛ debil.
196	GEN 8:12	K'ɛŋkarɛnɛ sɔ haŋ tataka ta camət-mɛrəŋ, k'ɛsak sɔ antantoriya. Mba ntɛ ŋi ŋɔŋkɔ mɔ, ŋɛnalukus fɛ sɔ nnɔ eyi mɔ.
200	GEN 8:16	«Məwur abil disrɛ, məna kɔ wəran kam, awut am k'aran aŋan.
201	GEN 8:17	Məwurɛnɛ sɔ sɛm yɛləpəs nyɛ yeyi abil disrɛ kɔ məna mɔ. Kɔ bɛmp dokom fəp, sɛm yɛfɛt kɔ yɔpɔŋ, yɛsam doru yokom.»
210	GEN 9:4	Mba pəmar fɛ nəde nəc-sɔm wɛsɛm nwɛ wɔsɔrɔyɔ mecir mayi mɔ.
229	GEN 9:23	Semy kɔ Yafɛt ŋalɛk kəloto. Mɛrəŋ maŋan fəp, kɔ ŋaŋkumpənɛ kəloto kaŋkɔ dəcəro. Kɔ ŋaŋkɔ tokəmuntəra kɔ ŋaŋkɔ ŋabəp papa kəŋan pəyi kəsɔkər. Kɔ ŋaŋkump kɔ kəsɔkər kəŋkɔ ɛnafəntərɛ mɔ. Mba ntɛ ŋanakafəli cəro cəŋan a kɔ ŋaŋkɔ kas kəŋan tokəmuntəra mɔ, ŋananəŋk fɛ kas kəŋan kəsɔkər.
237	GEN 10:2	Awut a Yafɛt ŋanayɔnɛ: Komɛr, Makɔk, Maday, Yawaŋ, Tubal, Mɛsɛk, kɔ Tiras.
241	GEN 10:6	Awut a Ham ŋanayɔnɛ: Kus, Misira, Put, kɔ Kanahan.
248	GEN 10:13	Kɔ Misira ɛnayɔnɛ wətɛm k'afum aŋɛ: Aka Lud, aHanam, aLehab, aNaftu,
258	GEN 10:23	Awut a Aram ŋanayɔnɛ: Huc, Hul, Kɛtɛr kɔ Mas.
265	GEN 10:30	Kɔ ŋandɛ kəyɛfɛ ka Mesa, Sefar kəsək, haŋ nde mɔrɔ ma nde dec dɛmpɛ mɔ.
296	GEN 11:29	Abram kɔ Nahor ŋanɛŋcɛ. Wəran ka Abram aŋc-we Saray kɔ wəran ka Nahor, Milka. Milka, wan ka Haraŋ ɛnayi, ŋapaŋnɛ kas kin kɔ Yiska.
300	GEN 12:1	Kɔ Kanu Kəpɔŋ kəloku Abram: «Məwur atɔf ŋam, dəŋkom dam, kəlɔ ka papa kam, məkɔ atɔf nŋɛ indementər əm mɔ.
301	GEN 12:2	Indesɔŋ' am kəyɔnɛ ka kas k'afum alarəm, indesɔŋ əm pətɔt, indesɔŋɛ tewe tam tɛbɛk. Məndetolanɛ afum alɔma pətɔt.
305	GEN 12:6	K'Abram ɛŋcali atɔf haŋ kəfo nkɛ aŋc-we Səkɛm, haŋ nde tofo ntɛ Aŋkiri-ŋa-More ŋɛŋcəmɛ mɔ. Aka Kanahan ŋanayi atɔf ŋaŋɔkɔ tɛm tatɔkɔ.
309	GEN 12:10	Dɔr dɛnayi dɔtɔf, k'Abram ontor Misira kəkɔ-cepərɛnɛ tɛm, bawo dor dɛŋc-bɛk kəbɛk dəm.
310	GEN 12:11	Ntɛ ɔlɔtərnɛ kəbɛrɛ Misira mɔ, k'oloku wəran kɔn Saray: «Məcəŋkəl im, iŋcərɛ fɔ wəran wətɔt teyi məyɔnɛ.
311	GEN 12:12	K'aka Misira ŋaŋdekɔ-nəŋk əm-ɛ, ŋandekɔ-loku: ‹Wəran kɔn ɔfɔ!› Tɛm tatɔkɔ ŋandekɔ-dif im, ŋasak məna.
312	GEN 12:13	Mədekɔ məloku ŋa a wəkirɛ kem məyɔnɛ. Ntɛ tɔŋsɔŋɛ ŋasumpər im bel-bel tetam mɔ, tetam tendekɔ-sɔŋɛ, ta ifi-ɛ.»
313	GEN 12:14	Ntɛ Abram ɛmbɛrɛ Misira mɔ, k'aka Misira ŋanəŋk wəran nwɛ entesɛ pəcepərər.
316	GEN 12:17	Mba kɔ Kanu Kəpɔŋ kəsɔŋ Firawona k'afum ɔn ruŋc yɔpɔŋ teta Saray, wəran ka Abram.
318	GEN 12:19	T'ake tɔ məlokɛ a wəkirɛ kam ɔfɔ-ɛ? Məsɔŋ' em kəlɛk kɔ pəyɔnɛ wəran kem. Ndɛkəl oŋ, wəran kam ɛwɛ. Məlɛk kɔ! Məkɔ!»
320	GEN 13:1	K'Abram ɛmpɛrnɛ Misira kəkɔ ka kəca ka Nɛkɛf, nkɔn, wəran kɔn kɔ ca yɔkɔ ɛnayɔ mɔ fəp. Lɔt ŋanasol ti.
329	GEN 13:10	Kɔ Lɔt eyekti fɔr k'ɛnəŋk aranta ŋa Yurdɛn tɔkɔ ŋɛndəm mɔ (tɛm tatɔkɔ ta Kanu kəntaləsər Sodom kɔ Komora-ɛ), pəŋckɔ haŋ Cohar pəmɔ aranta (mɛrɛ) ŋa Kanu Kəpɔŋ, pəmɔ atɔf ŋa Misira.
333	GEN 13:14	Kɔ Kanu Kəpɔŋ kəloku Abram, ntɛ ŋasakɛnɛ oŋ kɔ Lɔt mɔ: «Məyekti fɔr kəyɛfɛ dənda məyi mɔ, məmɔmən kəca kətɔt, kəmeriya nde dec dɛmpɛ kɔ nde dɛŋkalɛ mɔ.
336	GEN 13:17	Məyɛfɛ məkɔt atɔf ŋaŋɛ dobolu kɔ dowokəlu da ŋi, bawo indesɔŋ əm ŋi.»
337	GEN 13:18	Kɔ Abram eŋcepɛ cəbal cɔn, k'ende pədɔf ci nde tofo ntɛ ŋkiri-ŋa-Mamre yɛŋcəmɛ mɔ kəsək, ta ɔmbɔlɛ Hɛbərɔŋ-ɛ, k'olompəs di dəkəloŋnɛ tewe ta Kanu Kəpɔŋ.
341	GEN 14:4	Meren wəco kɔ mɛrəŋ ŋayi kətam ka Kədɔr-Lahomɛr dəntɔf, mba teren ta wəco kɔ maas kɔ ŋayeŋkər kɔ səbomp.
344	GEN 14:7	K'abɛ akaŋɛ maŋkəlɛ ŋaluksərnɛ Eyən-Mispe (nŋɛ ŋɔyɔnɛ Kadɛs mɔ), kɔ ŋasut aHamalek atɔf ŋaŋan fəp kɔ 'Amɔr aŋɛ ŋanandɛ Hacacon-Tamar mɔ.
350	GEN 14:13	Kɔ wəmulpɛ dəkəwan wəkin ende pəloku ti Abram wəHebəru, nwɛ ɛnandɛ nde kəfo nkɛ Aŋkiri-ŋa-Mamre wəka 'Amɔr ŋɛŋcəmɛ mɔ. Mamre nwɛ pəyɔnɛ wɛŋc ka Eskol kɔ Haner, aŋɛ ŋanacaŋəs kətəŋnɛ kɔ Abram mɔ.
355	GEN 14:18	Melkisedek, wəbɛ wəka Salɛm, ɛŋkɛrɛ kəcom kɔ member: Melkisedek, wəloŋnɛ wəka Kanu Kəpɔŋ, nkɛ kəyi afum aka doru fəp kəroŋ mɔ, ɛnayi.
356	GEN 14:19	Kɔ Melkisedek ontolanɛ Abram, k'oloku: «Məna Abram, Kanu nkɛ kəyi fəp kəroŋ mɔ, Wəbɛ wəka dəntɔf kɔ dareŋc, kəpoc' am pətɔt.
358	GEN 14:21	Kɔ wəbɛ wəka Sodom oloku Abram: «Məsɔŋ im afum, məlɛk ca yayɛ fəp yam.»
361	GEN 14:24	Ifɔlɛk daka o daka, mɛnɛ yeri nyɛ afum em ŋandi mɔ, kɔ kəyer nkɛ atemp em Esekol, Haner, kɔ Mamrɛ ŋasɔtɔ mɔ, bawo pəmar ŋasɔtɔ kəyer.»
364	GEN 15:3	Kɔ Abram ɔnɔcər: «Məsɔŋ f' em awut, nwɛ aŋkom nde kəlɔ kem disrɛ mɔ, nkɔn endelɛk kɛ kem.»
366	GEN 15:5	Kɔ Kanu kəwurɛnɛ Abram abal ŋɔn disrɛ, kɔ kəloku kɔ: «Məgbətnɛ kɔm. Məlɔm cɔs cacɔkɔ, kɔ məntam-ɛ.» Kɔ kənɔcər: «Pəmɔ cɔs cacɔkɔ, yuruya yam afɔde pactam kəlɔm ŋa fəp.»
370	GEN 15:9	Kɔ Kanu kəloku kɔ: «Məkɛr' em wana weyecəra win, wir wɛran win, kɔ aŋkesiya ŋorkun ŋin fəp fayi ya meren maas maas, tɔpay tin kɔ topokpoka tin.»
374	GEN 15:13	Kɔ Kanu kəloku Abram: «Məcərɛ a yuruya yam yendeyɔnɛ acikəra atɔf ŋocuru nŋɛ ŋɔntɔyɔnɛ ŋaŋan mɔ. Ŋandekɔ-yɔnɛ di acar, andekɔ-tɔrəs ŋa di haŋ meren 400.
375	GEN 15:14	Mba Indetɔrəs afum aŋɛ ŋandecəmbər ŋa dacar mɔ, ŋandewur atɔf ŋaŋɔkɔ kɔ ca yɛlarəm.
379	GEN 15:18	Dɔsɔk dadɔkɔ dɔ Kanu Kəpɔŋ kəŋcaŋəs kiyi kəŋan tes tin kɔ Abram. Kɔ Kanu kəloku Abram: «Isɔŋ yuruya yam kəyɛfɛ ka kəŋgbɔkɔ ka Misira haŋ Efərat, kəŋgbɔkɔ kəpɔŋ:
383	GEN 16:1	Saray wəran k'Abram ɛnakomɛ fɛ kɔ wan. Mba ɛnayɔ wəcar wəran wəMisira, pacwe kɔ Hakar.
384	GEN 16:2	Kɔ Saray oloku Abram: «Mənəŋk, Kanu Kəpɔŋ kəyaməsər im kəsɔtɔ ka wan. Məfəntərɛ kɔ wəcar kem, tɔlɔma intam kəsɔtər kɔ wan wərkun.» Kɔ Abram ɛŋcəŋkəl dim da Saray.
385	GEN 16:3	Awa, kɔ Saray wəran ka Abram ɛlɛk wəcar kɔn wəMisira, Hakar, k'ɔsɔŋ kɔ wos Abram pəyɔ kɔ wəran. Tɛnatəŋnɛ kəndɛ ka Abram atɔf ŋa Kanahan kəsɔtɔ meren wəco.
387	GEN 16:5	Kɔ Saray oloku Abram: «Mən' endesarɛ pəcuy pa mɔlɔməs mmɛ ɔlɔməs im mɔ! Ina yati, in' ɛlɛk wəcar kem k'imbɛr əm kɔ dəwaca, mba ntɛ ɛnəŋknɛ oŋ pəbɛkəs mɔ, k'ɛyɛfɛ kəfərfərəs im. Mba Kanu Kəpɔŋ kəmboc su kiti dacɔ (kəyi su dacɔ), ina kɔ məna!»
388	GEN 16:6	Kɔ Abram oluksɛ Saray moloku: «Wəcar kam ey' əm dəwaca. Məyɔ kɔ tɔkɔ tentes' am mɔ.» Awa, kɔ Saray ɔntɔrəs Hakar haŋ kɔ Hakar ɛyɛksər kɔ, k'ɔŋkɔ pəbɔlɛ.
391	GEN 16:9	Kɔ mɛlɛkɛ ma Kanu Kəpɔŋ moloku, «Məluksərnɛ ndena wəbɛra kam, məkɔ məfəntərɛ kɔ dəntɔf.»
393	GEN 16:11	Kɔ mɛlɛkɛ ma Kanu Kəpɔŋ moloku kɔ: «Məmbɛkəs tantɛ, wan wərkun məndekom, wan nwɛ məndesɔŋ tewe ta Səmayila mɔ, bawo Kanu kəne kəkulɛ-kulɛ ka pəcuy pam.
402	GEN 17:4	«Ta ina, danapa dem dɛndɛ kɔ məna dacɔ: Məndeyɔnɛ kas ka afum a tɔf yɛlarəm.
407	GEN 17:9	Kɔ Kanu kəloku Abraham: «Məna kɔ yuruya yam, dɛtɛmp dɛtɛmp nəleləs danapa ndɛ səŋcaŋəs mɔ.
416	GEN 17:18	Kɔ Abraham oloku Kanu: «Məgbətənɛ Səmayila doru!»