3	GEN 1:3	Kɔ Kanu kəloku: «Pəwaŋkəra peyi!» Kɔ pəwaŋkəra peyi.
6	GEN 1:6	Kɔ Kanu kəloku sɔ: «Pəkuymɛ peyi, ntɛ tɔŋsɔŋɛ domun deyersɛnɛ mɔ!»
16	GEN 1:16	Kɔ Kanu kəwurɛ yomotər-motər mɛrəŋ kɔ kəndɛt yi . Pomot pɔpɔŋ pɛtasərnɛ dɔsɔk, kɔ pomot pɛfɛt pɛtasərnɛ pibi. Kɔ Kanu kəwurɛ cɔs kɔ kəndɛt.
18	GEN 1:18	Pomot pɔpɔŋ pɛtasərnɛ dɔsɔk, pomot pɛfɛt kɔ cɔs yɛtasərnɛ pibi, tɔsɔŋɛ pəwaŋkəra pɛgbɛyɛnɛ kɔ kubump. Kɔ Kanu kənəŋk fɔ tentesɛ.
42	GEN 2:11	Kəca kəcɔkɔ-cɔkɔ k'aŋc-we «Pisɔŋ», ki kənɔŋkər atɔf ŋa Hawila fəp, nde kɛma kəyi mɔ.
49	GEN 2:18	Kɔ Kanu Kəpɔŋ kəloku: «Pəmar fɛ wərkun pəyi sona! Indelompəs wəmarəs kɔn, ntɛ tɔŋsɔŋɛ ŋayi mɛrəŋ mɔ.»
72	GEN 3:16	Kɔ Kanu kəloku wəran: «Indeyɔ kəbɛkəs kam kəc-cu'm. Pəcuca pɔ mənde məc-kom. Mɛfaŋ mam məndekɔ nda wos əm. Mba endetasərn' am.»
73	GEN 3:17	Kɔ Kanu kəloku wərkun: «Bawo, məŋcəŋkəl dim da wəran kam, kɔ məndi pokom pa kətɔk nkɛ inamɔn' am kədi mɔ, Indesɔŋ antɔf pəlɛc tetam: Pəcuca pɔ mənde məcsɔtər ŋi yeri yam dɔsɔk o dɔsɔk kiyi kam doru fəp.
93	GEN 4:13	Kɔ Kayin oloku Kanu: «Pəlel pa kiciya kem pɛmbɛk kəsarɛ.
94	GEN 4:14	Məmbɛləs im mɔkɔ nnɔ antɔf ŋam ŋebi ŋeyi mɔ. Pənamar im kəgbɔpən' am, kɔ kəcepɛ-cepɛ dəntɔf, kɔ fum ɛmbəp im dənda-ɛ, pədif im.»
164	GEN 7:4	Pəŋcəmɛ mata camət-mɛrəŋ, itorɛ wəcafən mata 40 kɔ pibi 40 camcam. Tɛm tatɔkɔ indefɛŋ nnɔ doru afum aŋɛ inasɛl mɔ fəp.»
191	GEN 8:7	K'ɛsak abɛmp ŋa ser ŋin kɔ ŋɔŋkɔ. Pəwon fɛ kɔ ŋoluksərnɛ, pənamar Nuha pəkar domun delip kəwosər dəntɔf.
209	GEN 9:3	Paka o paka mpɛ peyi wəyeŋ pɔc-kɔt mɔ, pɔyɔnɛ nu peri pəmɔ ntɛ inasɔŋ nu yokom ya yika yɛcaŋk kɔ ya tɔk mɔ. Isɔŋ nu oŋ ndɛkəl yayɔkɔ fəp.
211	GEN 9:5	Indeyif nu teta mecir monu, mmɛ mɔyɔnɛ kəyi doru konu mɔ. Indeyif sɔ ti sɛm fəp nyɛ yendedif fum mɔ. Pəmɔ ntɛ indeyif ti fum nwɛ endedif wɛŋc mɔ.»
218	GEN 9:12	Kɔ Kanu kəndeŋər: «Paka pa danapa dosu pɛmpɛ mpɛ pendeyi su dacɔ kɔ nəna, kəbəp ka ca yeŋesəm doru o doru mɔ.
241	GEN 10:6	Awut a Ham ŋanayɔnɛ: Kus, Misira, Put, kɔ Kanahan.
244	GEN 10:9	Nimrodu ɛnayɔnɛ wəpɛn korgba nde fɔr ya Kanu Kəpɔŋ kiriŋ. Ti tɔ alokɛnɛ: «Pəmɔ Nimrod, korgba kəpɛn nde fɔr ya Kanu Kəpɔŋ kiriŋ.»
249	GEN 10:14	aPatərus, aKasəlu (aŋɛ aPɛlɛsɛt ŋawur dacɔ mɔ) k'aKaftor.
260	GEN 10:25	Kɔ Hebɛr oŋkom awut arkun mɛrəŋ. Tewe ta wəkin tɛnayɔnɛ Pelɛk, bawo tɛm tɔn tɔ antɔf ŋɛnayerɛnɛ. Kɔ tewe ta wɛŋc tɛnayɔnɛ Yoktan.
270	GEN 11:3	Kɔ ŋalokɛnɛ: «Pasut birik, pacɔf bi!» Kɔ birik bɔcɔf babɔkɔ bɔyɔnɛ ŋa masar, kɔ kɔrtal kəyɔnɛ ŋa dos.
271	GEN 11:4	Kɔ ŋaloku sɔ: «Paŋkɔn, pacəmbər dare kɔ kəlɔ nkɛ domp da ki dendekɔ haŋ dɔsɔ kɔm mɔ. Ntɛ tɔŋsɔŋɛ pasɔtɔ tewe mɔ, tɔsɔŋɛ su sɔ kətɔsaməsər doru.»
274	GEN 11:7	Paŋkɔn, pator, panɔŋkəl-nɔŋkəl kusu kəŋan ntɛ tɔŋsɔŋɛ ta ŋanenɛnɛ sɔ mɔ.»
283	GEN 11:16	Kɔ Hebɛr ɔsɔtɔ meren 34, a pədekom Pɛlɛk.
284	GEN 11:17	Kəkom ka Pɛlɛk, Hebɛr ɛnasɔtɔ sɔ meren 430, mmɛ ɛnakom sɔ awut arkun k'awut aran alɔma mɔ.
285	GEN 11:18	Pɛlɛk ɛnasɔtɔ meren 30, a pədekom Rehu.
286	GEN 11:19	Kəkom ka Rehu, Pɛlɛk ɛnasɔtɔ sɔ meren 209, mmɛ ɛnakom sɔ awut arkun k'awut aran alɔma mɔ.
326	GEN 13:7	Kɔ kəcɔp kənde kəyi akɛk a yɔcɔl ya Abram k'akɛk a yɔcɔl ya Lɔt dacɔ. Atɔf ŋaŋɔkɔ sɔ, aKanahan k'aPerisi ŋanandɛ ŋi tɛm tatɔkɔ.
327	GEN 13:8	K'Abram oloku Lɔt: «Pəmar fɛ akɛk a yɔcɔl yam ŋacɔp k'akɛk a yɔcɔl yem. Səna sɔ pəmar fɛ su ti, bawo dɛwɛŋca dɔ səyɔnɛnɛ.
343	GEN 14:6	K'abɛ maŋkəlɛ ŋasut aHor ndaraŋan, nde mɔrɔ ma Sehir. Kɔ ŋambɛləs aHor haŋ nde tofo ntɛ Aŋkiri-ŋa-Paran ŋɛŋcəmɛ mɔ, nde tɛgbɛrɛ kəsək.
366	GEN 15:5	Kɔ Kanu kəwurɛnɛ Abram abal ŋɔn disrɛ, kɔ kəloku kɔ: «Məgbətnɛ kɔm. Məlɔm cɔs cacɔkɔ, kɔ məntam-ɛ.» Kɔ kənɔcər: «Pəmɔ cɔs cacɔkɔ, yuruya yam afɔde pactam kəlɔm ŋa fəp.»
381	GEN 15:20	ŋa aHewy, aPerisi, aRefay,
411	GEN 17:13	Pəmar pade packəŋc nwɛ andekom nde kəlɔ kam kɔ nwɛ andesɔtɔnɛ pəsam mɔ, ti tendeyɔnɛ kəfat ka danapa dem da doru o doru nde dis donu.
429	GEN 18:4	Pakɛrɛ nu oŋ domun depic nəbikɛnɛ wɛcək, nəŋesəm nnɔ kətɔk nkɛ dəntɔf.
473	GEN 19:15	Pəndeyi dɔsɔka dɛləpəs kɔ mɛlɛke ŋaloku Lɔt: «Məroknɛ məyɛfɛ dɛ, məlɛk wəran kam, kɔ awut am ayecəra aŋɛ ŋayi nnɔ mɔ, ta pəlɛc pedesɔtɔ ŋa kɔ dare dandɛ deŋciya mɔ.»
489	GEN 19:31	Kɔ wan wəran wəcɔkɔ-cɔkɔ wəka Lɔt oloku wələpəs: «Papa kosu ɔyɔnɛ wətem, fum eyi fɛ dɔtɔf nwɛ endeder su mɔ, pəmɔ ntɛ mes mosu mokur moloku ti mɔ.
492	GEN 19:34	Dɔckɔsɔk k'oloku wəfɛtəra kɔn: «Ifəntərɛna nnɔ pibi kɔ papa. Pasɔŋɛ kɔ sɔ kəmun member nnɔ pibi, ntɛ tɔŋsɔŋɛ məna sɔ nəkɔ nəfəntərɛ kɔ nkɔn mɔ tɔsɔŋɛ pasɔtɔnɛ kɔ yuruya mɔ.»
493	GEN 19:35	Pəndesɔbiyɛ kɔ awut ɔn aran ŋasɔŋ kɔ sɔ member. Pibi papɔkɔ kɔ wan kɔn wəran wəfɛt wəkɔ ɔŋkɔ pəbɛrər papa kəŋan Lɔt, kɔ ŋafəntərɛ. Kas kəŋan ɛnacərɛnɛ fɛ kəbɛrɛ kɔ kəwur ka wəkakɔ sɔ.
535	GEN 21:21	Kɔ Səmayila ɛmbɛk dəndo tɛgbɛrɛ ta Paran, kɔ kɛrɛ ɛntɛnɛ kɔ wəran wəMisira.
536	GEN 21:22	Tɛm tatɔkɔ, Abimɛlɛk ŋasol kɔ Pikɔl, wəbɛ wəka asɔdar ɔn, k'ende pəloku Abraham: «Kanu kəsol am mes mmɛ məŋyɔ mɔ fəp.
546	GEN 21:32	Kɔ ŋantəŋnɛ kəsek danapa dəndo Bɛrseba. Kɔ tɛyɛfɛ dənda, Abimɛlɛk kɔ Pikɔl wəbɛ ka asɔdar ɔn ŋayɛfɛ, kɔ ŋalukus atɔf ŋa aPɛlɛsɛt.
548	GEN 21:34	K'Abraham eŋcepərɛnɛ tɛm tobolu atɔf ŋa aPɛlɛsɛt.
555	GEN 22:7	Kɔ Isiyaka ewe kas Abraham k'eyif kɔ: «Papa!» Kɔ wəkakɔ owosɛ: «In' ɛwɛ, wan kem!» Kɔ Isiyaka oloku: «Nɛŋc dɔ dandɛ kɔ tɔk, mba deke teŋkesiya tɔkɔ aŋkɔ-loŋnɛ Kanu pacɔf mɔ peyi-ɛ?»
570	GEN 22:22	Kesed, Haso, Pildas, Yidlaf kɔ Betuhɛl.
581	GEN 23:9	A pəsak em kumbuŋkum ka Makpela nkɛ kəyɔnɛ kɔn mɔ, nde dalɛ dəkusu. Pəwayər im di gbeti mbɛ bɛntam kəsɔtɔ di mɔ, ntɛ tɔŋsɔŋɛ pəyɔnɛ di dəkəwupɛnɛ dem nəna dacɔ mɔ.»
606	GEN 24:14	Pəyɔnɛ fɔ wəyecəra nwɛ indeloku fɔ: ‹Ilɛtsɛn' am məti tɔbɔl tam imun,› a wəkayi pəlok' im: ‹Məmun, isɔŋ sɔ yɔkɔmɛ yam yomun,› pəyɔnɛ a wəkakɔ məmpocɛ wəcar kam Isiyaka! Tɛm tatɔkɔ indecərɛ a məlasɛ wəbɛ kem Abraham layidi dɔkɔ mənasɔŋ kɔ mɔ.»
643	GEN 24:51	Rebeka ɔfɔ wəkawɛ fɔr yam kiriŋ, məlɛk kɔ nəkɔ. Pəkɔ pəyɔnɛ wəran ka wan ka wəbɛ kam pəmɔ tɔkɔ Kanu Kəpɔŋ kəloku ti mɔ.»
679	GEN 25:20	Isiyaka ɛnasɔtɔ meren 40 a k'endenɛŋcɛ Rebeka, wan wəran wəka Betuhɛl wəka Aram wəka Padaŋ-Aram, wəkirɛ ka Labaŋ wəka Aram.
694	GEN 26:1	Kɔ dor dende deyi dɔtɔf, ndɛ dɛnaciyanɛ kɔ dor dɔcɔkɔ-cɔkɔ dɔkɔ dɛnayi di tɛm ta Abraham mɔ. Kɔ Isiyaka ɔŋkɔ nda Abimɛlɛk, wəbɛ ka aPɛlɛsɛt nde Kerar.
700	GEN 26:7	Ntɛ afum a tofo tatɔkɔ ŋaŋcyifət teta wəran kɔn mɔ, pəc-loku ŋa: «Wəkirɛ kem ɔfɔ.» Pəc-nesɛ kəloku fɔ wəran kɔn ɔfɔ, ta afum a tofo tatɔkɔ ŋadif kɔ, bawo Rebeka ɛnatesɛ.
701	GEN 26:8	Ntɛ kiyi kɔn kəŋc-won di mɔ, kɔ tosurɛnɛ Abimɛlɛk wəbɛ ka aPɛlɛsɛt pəwurɛ kəro dəwundɛr pəc-mɔmən, k'ɛnəŋk Isiyaka pəc-cɛcɛnɛ kɔ wəran kɔn Rebeka.
703	GEN 26:10	Kɔ Abimɛlɛk oloku kɔ: «Cəke məyɔ su tantɛ? Pəpic pɛcəmɛ wəlɔma su dacɔ ŋafəntərɛ kɔ wəran kam, kɔ mən' ɔsɔŋɛ su ti kəciya.»
707	GEN 26:14	Isiyaka ɛnayɔ yɔcɔl yɛlarəm: Cəna, cir, ŋkesiya, kɔ acar alarəm, tɔsɔŋɛ aPɛlɛsɛt ŋayɔnɛ kɔ kəraca.
708	GEN 26:15	Cələmp ncɛ acar a kas Abraham ŋanakay kiyi kɔn doru mɔ, kɔ aPɛlɛsɛt ŋaməntən ci, kɔ ŋalas ci kəbof.
711	GEN 26:18	Kɔ Isiyaka ɔŋgbɔkərɛ sɔ kəkay cələmp ncɛ anakay tɛm ta kas Abraham, a kɔ aPɛlɛsɛt ŋaməntən ci kəcepər ka defi da Abraham mɔ. K'ewe sɔ ci mewe mɔkɔ kas ɛnawe ci mɔ.
719	GEN 26:26	Kɔ Abimɛlɛk ɛyɛfɛ Kerar kəkɔ-nəŋk nkɔn Isiyaka ŋasol kɔ Ahusat wanapa kɔn, kɔ Pikɔl wəbɛ wəka asɔdar ɔn.
734	GEN 27:6	Kɔ Rebeka oloku wan kɔn Yakuba: «Ntɛ t' ine. Papa kam pəcloku wɛŋc əm Esay:
746	GEN 27:18	Kɔ Yakuba ɔŋkɔ nde papa kɔn eyi mɔ, k'oloku: «Papa wəkem!» Kɔ Isiyaka owosɛ: «In' ɛwɛ. Mən' an' ɔfɔ-ɛ, Wan kem?»
759	GEN 27:31	Kɔ Esay olompəs sɔ peri k'eŋkenɛ kas Isiyaka. K'oloku kas: «Papa məyɛfɛ məsɔm wɛsɛm wa wan kam, ntɛ tɔŋsɔŋɛ mətolan' em pətɔt məna yati mɔ.»
762	GEN 27:34	Ntɛ Esay ene moloku ma kas mɔ, k'ɛmbɛr kəbebe, k'oŋkulɛ-kulɛ pəpɔŋ, k'oloku kas: «Ina sɔ mətolan' em pətɔt Papa.»
764	GEN 27:36	Kɔ Esay oloku: «Cepɔ ntɛ asɔŋ kɔ tewe ta Yakuba mɔ, ti t' ɛŋnɛmpəs' em haŋ kəmɛrəŋ? Ɛnabaŋər im tɔkɔ dəcəmɛ da debeki dem. Kɔ pəndesɔyi tantɛ k'ɛŋlɛkər im sɔ kətolanɛ pətɔt kem.» Kɔ Esay endeŋər: «Papa, məmɛŋkərnɛ fɛ sɔ kətolanɛ pətɔt kəlɔma, məsɔŋ im ki?»
766	GEN 27:38	Kɔ Esay eyif kas: «Kətola pətɔt kin kaŋkɔ gboŋ kɔ məyɔ ba, Papa? Ina sɔ mətolan' em pətɔt, Papa!» Kɔ Esay ɛyɛfɛ kəbok.
776	GEN 28:2	Məyɛfɛ. Məkɔ Padaŋ-Aram, ndena papa ka iya kam. Məlɛk di wəran awut aran a ŋcɔk' am Labaŋ dacɔ.
778	GEN 28:4	Pəsɔŋ əm kətolanɛ pətɔt ka Abraham, məna kɔ yuruya yam ntɛ tɔŋsɔŋɛ atɔf ŋaŋɛ məyi decikəra mɔ, ŋey' əm dəwaca pəmɔ tɔkɔ Kanu Kəpɔŋ kənasɔŋ ŋi Abraham mɔ.»
779	GEN 28:5	Kɔ Isiyaka ɛsak Yakuba k'ɔŋkɔ Padaŋ-Aram, ndena Labaŋ wan ka Betuhɛl, wəAram, wɛŋc wərkun wəka Rebeka, iya wəka Yakuba kɔ Esay.
780	GEN 28:6	Kɔ Esay ɛnəŋk fɔ Isiyaka ontolanɛ Yakuba pətɔt, k'oloku kɔ kəkɔ sɔ Padaŋ-Aram pəkɔtɛn wəran, mba ntɛ Isiyaka oŋc-tolanɛ kɔ mɔ, ɛnasom kɔ ntɛ: «Ta mənɛŋcɛ wəran wəka Kanahan de.»
781	GEN 28:7	Yakuba ɛnane moloku ma kas kɔ kɛrɛ, k'ɔŋkɔ Padaŋ-Aram.
791	GEN 28:17	K'enesɛ k'oloku: «Mba tofo tɔyɔ wɛy-wɛy! Pəŋciyanɛ fɛ dɛ kɔ kəlɔ ka Kanu, kusuŋka ka dareŋc kɔ!»
799	GEN 29:3	Difɔ yɔcɔl fəp yɛŋcbəpɛnɛ. Pabiŋkəli tasar papɔkɔ anaboc kələmp dəkusu mɔ, cir kɔ ŋkesiya yomun. Kɔ yelip-ɛ paluksɛ tasar papɔkɔ sɔ kələmp dəkusu.
819	GEN 29:23	Pəndeyi dɔfɔy, k'ɛlɛk wan kɔn wəran Leya k'eŋkenɛ Yakuba, kɔ Yakuba ɛnɛŋcɛ kɔ.
842	GEN 30:11	Kɔ Leya oloku fɔ: «Pəbotu pender!» Kɔ Leya ɔsɔŋ wan wəkakɔ tewe ta Kadu.
846	GEN 30:15	Kɔ Leya oloku Rasɛl: «Pəntəŋnɛ f' am ntɛ məmbaŋər im wos im mɔ, mɛnɛ məsɔtɔ sɔ yeri ya wan kem?» Kɔ Rasɛl oloku Leya: «Awa! Ndaram ende mɔkɔ fəntərɛ, kəway ka yeri ya wan kam.»
882	GEN 31:8	Pənaloku fɔ yɛtɛmsər yɔyɔnɛ kəway kam-ɛ, kɔ yɔcɔl fəp yɛnader yockoməs awut atɛmsər. Pənaloku sɔ fɔ ya cəgbɛr yɔyɔnɛ kəway kam-ɛ, yɔcɔl fəp kɔ awut a cəgbɛr yɔ yɛnader yockoməs.
892	GEN 31:18	Kɔ Yakuba osolɛ yɔcɔl yɔn kəkɛk, kɔ daka dɔn fəp ndɛ ɛnasɔtɔ mɔ, yɔcɔl nyɛ ɛnasɔtɔ Padaŋ-Aram mɔ, k'ɔŋkɔ ndena papa kɔn Isiyaka, atɔf ŋa Kanahan.
909	GEN 31:35	Kɔ Rasɛl oloku papa kɔn: «Papa, ta pətɛl' am, ntɛ intɔyɛfɛn' am mɔ, tɛntəŋnɛ iyɔ tɔkɔ teŋyi aran tɛm o tɛm mɔ.» Kɔ Labaŋ ɛntɛn mɛrəŋka mmɛ haŋ, ɛnəŋk fɛ.
916	GEN 31:42	Pəyɔnɛ fɛ Kanu ka papa kem Abraham, Kanu Kəwɛy-wɛy ka Isiyaka kəsol' em-ɛ, kɔ tantɛ tɔ məsak im ilukus waca wɔsɔkər. Kanu kənəŋk malap mem, kɔ kəlɔləs nkɛ inalɔləs waca mɔ, ti tɔ kəmbocɛsa su nendisna kiti.»
954	GEN 32:26	Kɔ Yakuba eyi di sona. Pəndebiyɛ, kɔ fum wəlɔma ɛyɛfɛ kəsiməs kɔ Yakuba haŋ dɔsɔka.
960	GEN 32:32	Kɔ Yakuba ɔsɔŋ tofo tatɔkɔ tewe ta Peniyɛl, bawo nkɔn olokunɛ: «Inəŋk Kanu səgbətnɛnɛ, k'intɔfi.»
961	GEN 32:33	Dec dɛŋcpɛ a pəc-cepər Peniyɛl. Yakuba pəctorər tɔkɔc tɔn. Ti tɔsɔŋɛ ntɛ awut a Yisrayel ŋantɔsɔm abənta ŋa dətɔkɔc mɔ, bawo abənta ŋa dətɔkɔc ŋɔ Kanu kənasut Yakuba, nde kəbɛnt ka dəkəcək kɔ kəbɛnt ka dəkumunt yɛmbəpɛnɛ mɔ.
973	GEN 33:12	Kɔ Esay oloku: «Paŋkɔn, pasolnɛ dɔpɔ, in' endey' əm kiriŋ.»
979	GEN 33:18	Kɔ Yakuba ɛmbɛrɛ kətamnɛ disrɛ dare da Səkɛm, atɔf ŋa Kanahan. K'ɔŋkɔ pəcəmbərəs dare kəsək kəbɛrɛ kɔn kəyɛfɛ ka Padaŋ-Aram.
995	GEN 34:14	Kɔ awut a Yakuba ŋaloku Səkɛm kɔ kas: «Pəŋcuca su kəsɔŋ wəkirɛ kosu, fum nwɛ antɔkəŋc mɔ, bawo tendeyɔnɛ kəlapəs kosu.
1004	GEN 34:23	Yɔcɔl yaŋan kɔ ca yaŋan fəp yɔfɔdeyɔnɛ yosu ba? Pawosɛ tɛfaŋ taŋan gbəcərəm, ŋayi su dɛ.»
1011	GEN 34:30	Kɔ Yakuba oloku Simɔŋ kɔ Lewy: «Nəyɔ em pəlɛc te tonu tendesɔŋɛ aka Kanahan kɔ Perisi ŋadeter im, nəŋcərɛ a səmpicɛ, kəbɛrɛnɛ kɔ ŋander kədesutɛnɛ kɔ ina, tɛm tatɔkɔ ŋandesut im ŋaləsər afum em.»
1021	GEN 35:9	Kɔ Kanu kəwurər sɔ Yakuba, ntɛ ɛmbɛrɛ Padaŋ-Aram mɔ, kɔ kəmpocɛ kɔ pətɔt.
1038	GEN 35:26	Awut a Silpa, wəmarəs ka Leya: Kadu kɔ Aser. Awut a Yakuba ŋanayi akakɔ, aŋɛ ɛnakom Padaŋ-Aram mɔ.
1080	GEN 36:39	Kɔ Bahal-Hanan wan ka Akbɔr efi. Kɔ Hadar ɛlɛk dɛbɛ dɔn. Tewe ta dare dɔn tɛnayɔnɛ Pawu, kɔ tewe ta wəran kɔn tɛnayɔnɛ Mehetabɛl, wan ka Matrɛdu wəran, wan ka Mesahabu wəran.
1081	GEN 36:40	Mewe ma abɛ a Esay mɔ mamɔkɔ, dəcor dəcor, dətɔf tɔf. Pəmɔ tatɔkɔ mewe maŋan moloku ti mɔ: Wəbɛ Timna, wəbɛ Alwa, wəbɛ Yetet,
1082	GEN 36:41	wəbɛ Oholibama, wəbɛ Ela, wəbɛ Pinɔŋ,
1086	GEN 37:2	Dokombəra da Yakuba dɛndɛ: Kəsɔtɔ ka Isifu meren wəco kɔ camət-mɛrəŋ, kɔ Isifu ɛyɛfɛ pəc-cɛpsɛ awɛŋc aŋa darəŋ ŋackɛk ŋkesiya kɔ cir. Pəyɔnɛ wan wəfɛt, pəc-cəmɛ awut arkun a Bilha kɔ Silpa darəŋ, aran a kas. Mba Isifu eŋcder pəcsɔŋɛ papa kəŋan kəcərɛ mɛcɛmcɛmənɛ mɛlɛc mɔkɔ meŋc-cepər di mɔ fəp.
1091	GEN 37:7	Dəkulum ayina pacsek mɛmpəlɛ. Pəwon fɛ kɔ kilim kem ka mɛmpəlɛ kəyɛfɛ kɔ kəŋcəmɛ sot! Kɔ cilim ca mɛmpəlɛ ma nəna cənder cənɔŋkər kemi, kɔ cəntontnɛnɛ ki.»
1101	GEN 37:17	Kɔ wərkun nwɛ oloku kɔ: «Ŋayɛfɛ dɛ, inenɛna ŋa ŋac-loku: ‹Paŋkɔn kəca ka Dotaŋ.›» Kɔ Isifu ɛŋcəmɛ ni yaŋan darəŋ, kɔ yɔcɔl haŋ k'ɔŋkɔ pəbəp ŋa Dotaŋ.
1104	GEN 37:20	Nəder oŋ padif kɔ, pagbal kɔ nde dəkələmp. Pakɔ paloku fɔ wɛsɛm wɔsɔm kɔ. Pamɔmən oŋ daka ndɛ kəwɛrəp kɔn kəndeyɔnɛ mɔ.»
1120	GEN 37:36	Kɔ aMadiyaŋ ŋaŋcaməs Isifu Misira. Kɔ Potifar wətupɛ ka Firawona yeri nwɛ ɛnayɔnɛ wəbɛ ka abum a dəsaŋka sa Firawona mɔ, ɛway kɔ.
1143	GEN 38:23	Kɔ Yuda oloku: «Pəmɛŋkərnɛ ca yem yɔkɔ ɔntɔmpər mɔ! Ta patɛnərnɛ malap. Bawo isom pakenɛ kɔ wir wowut kɔ məntɔnəŋk kɔ.»
1144	GEN 38:24	Ntɛ yof maas yeŋcepər mɔ, k'ande paloku Yuda: «Wəran ka wan kam ɔŋkɔt yama-yama, kɔ tɔsɔŋɛ kɔ kəbɛkəs.» Kɔ Yuda oloku: «Nəwurɛnɛ kɔ. Pacɔf kɔ!»
1149	GEN 38:29	Mba kɔ kənaka nkɛ kəliŋ kəca kɔ wɛŋc onuŋkɛnɛ kəwur. Kɔ wəbaŋ wan eyifnɛ: «Kəpəc kəre kɔ məwurɛ kaŋkɛ-ɛ?» Kɔ Tamar ewe wan wəkakɔ Perɛc.