4	GEN 1:4	Kɔ Kanu kənəŋk fɔ pəwaŋkəra pentesɛ. Kɔ Kanu kəŋgbɛy pəwaŋkəra kɔ kubump.
7	GEN 1:7	Kɔ Kanu kəyɔ kɔ pəkuymɛ peyi kɔ pɛŋgbɛy domun d'antɔf kɔ dakəroŋ, kɔ teyi tatɔkɔ.
14	GEN 1:14	Kɔ Kanu kəloku sɔ: «Yomotər-motər yeyi dəpəkuymɛ, ntɛ tɔŋsɔŋɛ dɔsɔk dɛgbɛyɛnɛ kɔ pibi mɔ! Kɔ tɔyɔnɛ mɛgbɛkərɛ ma tɛm, dɔsɔk kɔ meren.
18	GEN 1:18	Pomot pɔpɔŋ pɛtasərnɛ dɔsɔk, pomot pɛfɛt kɔ cɔs yɛtasərnɛ pibi, tɔsɔŋɛ pəwaŋkəra pɛgbɛyɛnɛ kɔ kubump. Kɔ Kanu kənəŋk fɔ tentesɛ.
41	GEN 2:10	Kɔ kəŋgbɔkɔ kəwur Edeŋ, nkɛ kəŋc-dəməs dalɛ mɔ. Kɔ kəŋgbɔkɔ kaŋkɔ kəŋkɔ kəyerənɛ dalɛ disrɛ waca maŋkəlɛ.
45	GEN 2:14	K'aŋwe kəŋgbɔkɔ ka maas «Tikər», ki kəcepər kəca nkɛ dec dɛmpɛ dare da Asur mɔ. Kəŋgbɔkɔ ka maŋkəlɛ kəyɔnɛ «Efərat.»
59	GEN 3:3	Mba kətɔk nkɛ kəyi dalɛ dacɔ mɔ, Kanu kəloku: ‹Ta nədi yokom ya ki, ta nəgbuŋɛnɛ ŋaŋ ki! Kɔ nəyɔ ti-ɛ, nəŋfi.›»
62	GEN 3:6	Kɔ wəran ɛnəŋk a pokom pa kətɔk pɔmbɔt kədi, pɔmbɔt kəmɔmən, pentam kəsɔŋ kəcərɛ pətɔt kɔ pəlɛc. Kɔ wəran oŋgbotu pokom k'endi. K'ɔsɔŋ wos wəkɔ ŋanasol mɔ, kɔ wəkakɔ sɔ endi.
63	GEN 3:7	Kɔ ŋamepɛ fɔr, kɔ ŋaŋcərɛnɛ a kəsɔkər kɔ ŋawur. Kɔ ŋaŋgbotu bɔpər ya kətɔk ka cəpɔp, kɔ ŋasɔt maŋkara kɔ ŋambɛrnɛ mi.
64	GEN 3:8	Dec dɔrɔfɔy, ntɛ tefef towur mɔ, wərkun kɔ wəran ŋane dim da Kanu Kəpɔŋ, nkɛ kəŋckɔtəs mɔ. wərkun kɔ wəran kɔ ŋaŋkɔ ŋagbɔpnɛ ŋabɔlɛ Kanu fɔr kiriŋ, tɔk ya dalɛ dadɔkɔ dacɔ.
66	GEN 3:10	Kɔ wərkun oloku Kanu: «Dim d' in' am dalɛ disrɛ, k'inesɛ, bawo iwur kəsɔkər, ti t' iŋgbɔpnɛnɛ.»
74	GEN 3:18	Yika ya dəkulum yɔ mənde məc-di. Mba antɔf ŋende ŋoc-kom am bɛŋk kɔ ŋgbɔŋkəlɔ.
94	GEN 4:14	Məmbɛləs im mɔkɔ nnɔ antɔf ŋam ŋebi ŋeyi mɔ. Pənamar im kəgbɔpən' am, kɔ kəcepɛ-cepɛ dəntɔf, kɔ fum ɛmbəp im dənda-ɛ, pədif im.»
95	GEN 4:15	Mba, kɔ Kanu Kəpɔŋ kəloku kɔ: «Kɔ fum endif Kayin-ɛ, aŋluksɛ ayɛk ŋɔn camət-mɛrəŋ.» Kɔ Kanu kəŋgbesi Kayin ntɛ tɔŋsɔŋɛ aŋɛ ŋambəp kɔ mɔ, ta ŋasut kɔ ŋadif.
102	GEN 4:22	Kɔ Cila nkɔn sɔ dəmnɛ oŋkom Tubal-Kayin, nwɛ ɛŋcgbɛc ca fəp ya kɔpər kɔ ya fɛc mɔ. Wəkirɛ kɔn aŋcwe Nahama.
143	GEN 6:5	Kɔ Kanu Kəpɔŋ kənəŋk fɔ deyeŋki bəkəc da afum dɛla doru, dɔsɔk o dɔsɔk mɛcɛm-cɛmnɛ mɛlɛc gbəcərəm mɔ afum ŋayinɛ.
149	GEN 6:11	Mba nnɔ fɔr ya Kanu kiriŋ, afum ŋanatesɛ fɛ bəkəc. Mes mɛlɛc gbəcərəm mɛnayi doru.
150	GEN 6:12	Kanu kənanəŋk a doru dɛsəkpɛ, bawo afum fəp ŋanagbaymɛ-gbaymɛ dɔpɔ dɔtɔt.
154	GEN 6:16	Məgbəpər ŋi tadareŋc, məsak kururu katin (mɛtər dacɔ) kəyɛfɛ nde kəroŋ haŋ nde dəkəpom, məwurɛ ŋi kumba kəsək, mədeŋər ŋi dɛk maas.
161	GEN 7:1	Kɔ Kanu kəloku Nuha: «Məbɛrɛ abil disrɛ, məna k'afum am fəp, bawo iŋkɔkcɛ a məna sona gboŋ (mən' olomp) mən' ɛcɛps' em darəŋ anapa am fəp dacɔ.
162	GEN 7:2	Məlɛkɛnɛ sɛm yɔtɔt camət-mɛrəŋ camət-mɛrəŋ, yorkun kɔ yɛran, mba sɛm yɛlɛc, məlɛk yi mɛrəŋ mɛrəŋ: Workun kɔ wɛran gbəcərəm.
171	GEN 7:11	Kəren nkɛ Nuha ɔsɔtɔ meren 600, tataka ta wəco kɔ camət-mɛrəŋ, ŋof ŋa mɛrəŋ disrɛ, kɔ domun dombuŋcɛ dəcəŋgbɔkɔ fəp, kɔ kɔm kəŋgbitɛ pəpɔŋ.
176	GEN 7:16	Kɔ yorkun kɔ yɛran sɛm dokom fəp kɔ yɛmbɛrɛ abil disrɛ pəmɔ tɔkɔ Kanu kənaloku ti Nuha mɔ, kɔ Kanu kəŋgbətər ŋa kumba.
183	GEN 7:23	Kɔ Kanu kəfɛŋ dəntɔf paka mpɛ peŋc-ŋesəm mɔ, kəyɛfɛ fum haŋ kəbəp sɛm yɔpɔŋ, yɛfɛt-yɛfɛt kɔ bɛmp, k'enim yi doru fəp. Mɛnɛ Nuha gbəcərəm, aka kəlɔ kɔn disrɛ kɔ sɛm nyɛ yɛnayi debil mɔ, ŋanafis.
190	GEN 8:6	Tataka ta 40, kɔ Nuha eŋgbiti wundɛr nwɛ ɛnabɛr abil mɔ.
195	GEN 8:11	K'antantoriya ŋoluksərnɛ dec dɔrɔfɔy ŋɛgbəm tɔbɔpər tɛcaŋk ta kətɔk nkɛ aŋwe «olif» mɔ. Kɔ Nuha ɛŋcərɛ katina a domun dɛŋcɛsɛ.
197	GEN 8:13	Tataka tɔcɔkɔ-cɔkɔ ta ŋof ŋɔcɔkɔ-cɔkɔ nŋɛ Nuha ɔsɔtɔ meren 601, ti tɔ domun dɛnasak antɔf. Kɔ Nuha eŋgbipi abil, k'ɔmɔmən doru. K'ɛnəŋk fɔ domun fəp dowosər.
223	GEN 9:17	Kɔ Kanu kəŋgbɔkərɛnɛ sɔ moloku mamɛ Nuha: «Asiŋki ŋementər temer ntɛ isɔŋ nu kɔ ca ya doru nyɛ yeŋesəm mɔ.»
225	GEN 9:19	Awut a Nuha akaŋɛ maas ŋagbɔkərɛ sɔ kəlas antɔf.
243	GEN 10:8	Kus ɛnakom sɔ Nimrod, nkɔn onuŋkɛnɛ kəyɔnɛ korgba doru dandɛ.
244	GEN 10:9	Nimrodu ɛnayɔnɛ wəpɛn korgba nde fɔr ya Kanu Kəpɔŋ kiriŋ. Ti tɔ alokɛnɛ: «Pəmɔ Nimrod, korgba kəpɛn nde fɔr ya Kanu Kəpɔŋ kiriŋ.»
323	GEN 13:4	Kəca nkɛ ɛnanuŋkɛnɛ kəlompəs aŋgbip ŋa Kanu dənda, k'Abram oŋkornɛ tewe ta Kanu Kəpɔŋ.
328	GEN 13:9	Antɔf fəp ŋɔ ŋaŋɛ ŋey' əm fɔr kiriŋ mɔ. Kɔ məŋkɔ kəca kətɔt-ɛ, iŋkɔ kəmeriya. Kɔ məŋkɔ kəmeriya, iŋkɔ kətɔt, mba məwosɛ səgbɛyɛnɛ.»
330	GEN 13:11	Kɔ Lɔt ɛlɛk dalɛ da Yurdɛn fəp, k'ɔŋkɔ kəca nkɛ dec dɛmpɛ mɔ, tatɔkɔ tɔ ŋanagbɛyɛnɛ kɔ Abram.
343	GEN 14:6	K'abɛ maŋkəlɛ ŋasut aHor ndaraŋan, nde mɔrɔ ma Sehir. Kɔ ŋambɛləs aHor haŋ nde tofo ntɛ Aŋkiri-ŋa-Paran ŋɛŋcəmɛ mɔ, nde tɛgbɛrɛ kəsək.
352	GEN 14:15	K'Abram eyerəs kənay (kəgba) kɔn, kɔ ŋawɛkərnɛ ŋa kəyɛfərɛnɛ ka pibi, nkɔn Abram k'amar ɔn, kɔ ŋasut asumpər a wan ka wəbek' ɔn, kɔ ŋambɛləs ŋa haŋ Hoba, nŋɛ ŋeyi Damas kəca kəmeriya mɔ.
366	GEN 15:5	Kɔ Kanu kəwurɛnɛ Abram abal ŋɔn disrɛ, kɔ kəloku kɔ: «Məgbətnɛ kɔm. Məlɔm cɔs cacɔkɔ, kɔ məntam-ɛ.» Kɔ kənɔcər: «Pəmɔ cɔs cacɔkɔ, yuruya yam afɔde pactam kəlɔm ŋa fəp.»
371	GEN 15:10	Kɔ Abram ɛŋkɛrɛ sɛm yayɔkɔ k'eŋgber-gberi yi dacɔ dacɔ k'ombocəs yegber-gberi yayɔkɔ mɛrəŋ mɛrəŋ yɛtɛfərɛnɛ, kɔ bɛmp, məlməl m' ɛnaboc yi ta aŋgberi yi-ɛ.
372	GEN 15:11	Kɔ yɔfən yontorər sɛm yegber-gberi yayɔkɔ, mba k'Abram ɛmbɛləs yi.
373	GEN 15:12	Dec dendekalɛ, k'Abram endirərnɛ, k'ayekyek ŋɔpɔŋ ŋɛŋgbəpərnɛ kɔ k'enesɛ dəmere.
379	GEN 15:18	Dɔsɔk dadɔkɔ dɔ Kanu Kəpɔŋ kəŋcaŋəs kiyi kəŋan tes tin kɔ Abram. Kɔ Kanu kəloku Abram: «Isɔŋ yuruya yam kəyɛfɛ ka kəŋgbɔkɔ ka Misira haŋ Efərat, kəŋgbɔkɔ kəpɔŋ:
389	GEN 16:7	Kɔ mɛlɛkɛ ma Kanu Kəpɔŋ mɔŋkɔ mɛbəp kɔ nde dətɛgbɛrɛ kələmp kəlɔma kəsək ta ɔmbɔlɛ kəŋgbɔkɔ nkɛ kəyi dɔpɔ da Sur mɔ.
416	GEN 17:18	Kɔ Abraham oloku Kanu: «Məgbətənɛ Səmayila doru!»
431	GEN 18:6	Kɔ Abraham ɔŋkɔ katəna-katəna abal ŋɔn disrɛ nde Sara eyi mɔ, k'oloku kɔ: «Məkufɛ məlɛk farin fədɛsdɛs tafala kəmaas məgbɛntɛ akaŋɛ cəcom.»
440	GEN 18:15	Kɔ Sara eyemɛ, k'ombupərɛ «Isel fɛ,» bawo ɛnanesɛ. Kɔ Kanu Kəpɔŋ kəŋgbɔkərɛ: «Ala, məsel!»
452	GEN 18:27	Kɔ Abraham ɔŋgbɔkərɛ k'oloku: «Nəmɔmən ntɛ iyeŋk abəkəc kəlok-lokər Kanu Wəbɛ mɔ, ina nwɛ iyɔnɛ kəbof ka dəntɔf kɔ ka dənɛŋc dəm mɔ.
464	GEN 19:6	Kɔ Lɔt owur dəkusuŋka nnɔ ŋayi mɔ, k'ɛŋgbət kumba tadarəŋ tɔn.
468	GEN 19:10	Kɔ mɛlɛkɛ mmɛ mɛrəŋ mosumpər Lɔt, kɔ mɛmbɛrsɛ kɔ, kɔ mɛŋgbət kumba.
500	GEN 20:4	Abimɛlɛk nwɛ ɛnatɔgbuŋɛnɛ wəran nwɛ mɔ, k'eyif: «Kanu cəke cɔ pəyi-ɛ, kədif kɔ mənder atɔf ŋin ali ŋayɔnɛ afum alompu?
502	GEN 20:6	Kɔ Kanu kəloku kɔ dəmere: «Iŋcərɛ bel-bel ina sɔ, a abəkəc ŋosoku ŋɔ mənayɔ ntɛ məcyɔ tantɛ mɔ. Ina yati in' ɛyaməs am kədəktər im, ti t' inatɔwos' am a məgbuŋɛnɛ kɔ.
512	GEN 20:16	K'oloku Sara: «Isɔŋ wɛŋc əm wərkun mɛŋcəmbəl ma gbeti wul win, bɔyɔn' am aca nnɔ afum ŋayi mɔ, kəmentər fɔ məŋcərɛ fɛ tɔlɔm o tɔlɔm tes tantɛ disrɛ.»
528	GEN 21:14	Kɔ Abraham ɛyɛfɛ bət-bət suy, k'ɛlɛk kəcom, k'ɛlas apampɛ domun k'ɔsɔŋ Hakar, k'ɛndəŋsər kɔ wan, k'ɛmbɛləs ŋa. Kɔ Hakar ɔŋkɔ pəyi Tɛgbɛrɛ ta Bɛrseba.
530	GEN 21:16	K'ɛŋkafələr k'ɔŋkɔ pəndɛ kəsək pəc-cɔpəsnɛ: «Ifaŋ fɛ kəgbətənɛ wan kem pəc-fi.» K'ɔŋkɔ pəndɛ pəbɔlɛnɛ kɔ dobolu da kələm ka ambəŋcəran katin pətɛfərnɛ kɔ, pəc-bok.
534	GEN 21:20	Kɔ Kanu kəmbum wan nwɛ ɛŋc-bɛk, pəyi dətɛgbɛrɛ mɔ, k'ende pəyɔnɛ wəpɛnɛ mbəŋcəran.
535	GEN 21:21	Kɔ Səmayila ɛmbɛk dəndo tɛgbɛrɛ ta Paran, kɔ kɛrɛ ɛntɛnɛ kɔ wəran wəMisira.
551	GEN 22:3	Kɔ Abraham ɛyɛfɛ bət-bət suy k'ɛŋgbɛk sɔfale sɔn kəbənda, k'ɛlɛkɛnɛ acar ɔn atɛmp mɛrəŋ kɔ wan kɔn Isiyaka. Kɔ Abraham ɛŋgbɛs tɔk nyɛ ɛnakɔcɔfɛ poloŋnɛ mɔ, k'ɛntas nde kəfo kəŋkɔ Kanu kənamentər kɔ mɔ.
563	GEN 22:15	Kɔ mɛlɛkɛ ma Kanu Kəpɔŋ mɔŋgbɔkərɛ sɔ kəwe Abraham dareŋc,
581	GEN 23:9	A pəsak em kumbuŋkum ka Makpela nkɛ kəyɔnɛ kɔn mɔ, nde dalɛ dəkusu. Pəwayər im di gbeti mbɛ bɛntam kəsɔtɔ di mɔ, ntɛ tɔŋsɔŋɛ pəyɔnɛ di dəkəwupɛnɛ dem nəna dacɔ mɔ.»
587	GEN 23:15	«Wəbɛ kem, məcəŋkəl im! Antɔf ŋa gbeti mɛŋcəmbəl 400, ake babɔkɔ bɔyɔnɛ ina kɔ məna dacɔ-ɛ? Məwup di wəran kam!»
588	GEN 23:16	Ntɛ Abraham ene moloku ma Hɛfəroŋ mɔ, k'ɔsɔŋ kɔ gbeti mbɛ ɛnaboŋc mɔ, gbeti mɛŋcəmbəl 400, fɔr ya aHewy kiriŋ. Gbeti mɛŋcəmbəl 400 babɔkɔ, bɛnayɔnɛ hakɛ ŋa kəway ka antɔf ŋaŋɔkɔ tɛm tatɔkɔ nnɔ acaməs ŋayi mɔ.
607	GEN 24:15	Ɛnalip fɛ moloku, kɔ Rebeka wan ka Betuhɛl, wan-sɔ ka Milka kɔ Nahor wɛŋc ka Abraham oŋwur pəgbaŋnɛ tɔbɔl tɔn.
627	GEN 24:35	Bel-bel bɔ Kanu kəmpocɛ wəbɛ kem pətɔt nwɛ ɔyɔnɛ fum wəlel mɔ. Kanu kəmpocɛ kɔ yɔcɔl yɔpɔŋ kɔ yɛfɛt, gbeti kɔ kɛma, acar arkun kɔ aran, yɔkɔmɛ kɔ sɔfale.
637	GEN 24:45	Ilipna fɛ ti kəlokunɛ dɛbəkəc, kɔ Rebeka oŋwur pəgbaŋnɛ tɔbɔl dəkəbaŋca. K'ontor dəkələmp k'ɛŋkɛt domun. K'iloku kɔ: ‹Ilɛtsɛn' am məpoc' em imun.›
638	GEN 24:46	K'ɛmbɛlkər kətin' em tɔbɔl tɔn tɔkɔ ɛŋgbaŋnɛna mɔ, k'olok' im: ‹Məmun, indepocɛ sɔ yɔkɔmɛ yam yomun.› K'imun, k'ompocɛ sɔ yɔkɔmɛ yem kɔ yomun.
645	GEN 24:53	Kɔ wəcar k'Abraham owurɛ ca ya gbeti, ca ya kɛma, kɔ yamos k'ɔsɔŋ yi Rebeka, k'ompocɛ sɔ Labaŋ wɛŋc wərkun wəka Rebeka kɔ kɛrɛ kəŋan pəlarəm.
658	GEN 24:66	Kɔ wəcar oloku kɔ: «Wəbɛ kem ɔfɔ.» K'ɛlɛk kəloto kɔn k'ɛŋgbalərnɛ. Kɔ wəcar ka Abraham ɔlɔmər Isiyaka mes mɔkɔ ɛnacepərɛnɛ mɔ fəp.
675	GEN 25:16	Mewe maŋan mɔ mamɔkɔ tɛndɛ taŋan cəgbo cəgbo. Abɛ wəco kɔ mɛrəŋ ŋanayi ŋa kiriŋ dɛlay daŋan.
682	GEN 25:23	Kɔ Kanu kəloku kɔ: «Afum a tɔf mɛrəŋ ŋay' əm dəkor, afum mɛrəŋ akakɔ ŋandegbɛyɛnɛ kəwur əm dəkor. Afum a wəkin nwɛ ŋandetasərnɛ aka wəka mɛrəŋ. Wəbeki endeyi wəfɛt wəkɔ dəntɔf.»
693	GEN 25:34	Kɔ Yakuba ompocɛ Esay kəcom, kɔ mɛŋc mamɔkɔ. Kɔ Esay endi yeri yayɔkɔ, k'omun, k'ɛyɛfɛ k'ɔŋkɔ. Tatɔkɔ tɔ Esay ɛnagbal dəkəcəmɛ da debeki dɔn.
704	GEN 26:11	Kɔ Abimɛlɛk ɔsɔŋ dim dadɔkɔ afum ɔn fəp, ntɛ: «Məna nwɛ məŋgbuŋɛnɛ wərkun nwɛ kɔ wəran kɔn mɔ, andeŋər əm sariyɛ sa defi.»
711	GEN 26:18	Kɔ Isiyaka ɔŋgbɔkərɛ sɔ kəkay cələmp ncɛ anakay tɛm ta kas Abraham, a kɔ aPɛlɛsɛt ŋaməntən ci kəcepər ka defi da Abraham mɔ. K'ewe sɔ ci mewe mɔkɔ kas ɛnawe ci mɔ.
713	GEN 26:20	Akɛk a yɔcɔl ya dare da Kerar ŋaŋcaŋ akɛk a yɔcɔl ya Isiyaka kəcɔp, ŋac-simsɛ kələmp, kɔ ŋaloku: «Kələmp kaŋkɛ kosu kɔ.» Kɔ Isiyaka ewe kələmp kaŋkɔ Esɛk, bawo afum ŋanagbɛkəlɛnɛ ta ki kɔ nkɔn.
714	GEN 26:21	Kɔ acar a Isiyaka ŋaluksərnɛ sɔ kəkay kələmp kəlɔma nkɛ anagbɛkəlɛnɛ sɔ taka ki mɔ, k'ewe ki Sitna.
715	GEN 26:22	K'eliŋ saŋka sɔn dəndo, k'ɔŋkɔ pəkay sɔ kələmp kəlɔma nkɛ anatɔgbɛkəlɛnɛ ta ki mɔ, k'ewe ki Rehobɔt, bawo, oŋcloku: Kanu Kəpɔŋ kəyac su, kəsikəli su, kədesɔtɔ fənɔntər atɔf ŋaŋɛ.
730	GEN 27:2	Kɔ Isiyaka ɔŋgbɔkərɛ: «Iyɔnɛ wətem, iŋcərɛ fɛ dɔsɔk dem defi.
741	GEN 27:13	Kɔ kɛrɛ oloku kɔ: «Tɔyɔnɛ fɔ pəlɛc papɔkɔ peder im! Məcəŋkəl gbəcərəm dim dem. Məkɔ məkɛr' em mir.»
766	GEN 27:38	Kɔ Esay eyif kas: «Kətola pətɔt kin kaŋkɔ gboŋ kɔ məyɔ ba, Papa? Ina sɔ mətolan' em pətɔt, Papa!» Kɔ Esay ɛyɛfɛ kəbok.
771	GEN 27:43	Awa wan kem, məcəŋkəl im! Məyɛfɛ, məkɔ məgbɔpnɛ ndena wɛŋc im wərkun Labaŋ nde Haraŋ.
774	GEN 27:46	Kɔ Rebeka oloku Isiyaka: «Doru dɛŋgbəf im teta awut aran aHewy. Kɔ Yakuba ɛnɛŋcɛ wəHewy, wan wəran wəka dɔtɔf pəmɔ akaŋɛ, ake indesɔyɔ oŋ doru-ɛ?»
786	GEN 28:12	K'ɛwɛrəp. K'ɛnəŋk samɛ səcəmɛ dəntɔf domp da si doc-gbuŋɛnɛ kɔm mɛlɛke a Kanu mɛc-fərəŋk si, mɛc-pɛ, moc-tor.
829	GEN 29:33	K'ɔŋgbɔkərɛ sɔ kɛmbɛkəs, k'oŋkom sɔ wan wərkun. Kɔ Leya oloku fɔ: «Kanu Kəpɔŋ kəne a ambɔtər f' em, kɔ kəsɔŋ im sɔ wəkawɛ.» Kɔ Leya ɔsɔŋ wəkakɔ tewe ta Simɔŋ.
830	GEN 29:34	Kɔ Leya oluksərnɛ k'ɛmbɛkəs, k'oŋkom wan wərkun sɔ. K'oloku: «Tantɛ taŋ, wos im endegbɛkər' em, bawo iŋkomɛ kɔ awut arkun maas. It' anasɔŋɛ wan wəkakɔ tewe ta Levi.»
838	GEN 30:7	Kɔ Bilha wəcar ka Rasɛl, ɔŋgbɔkərɛ sɔ kəbɛkəs, k'oŋkomɛ Yakuba wan wərkun ta mɛrəŋ.
843	GEN 30:12	Silpa wəcar ka Leya ɔŋgbɔkərɛ sɔ kəkomɛ Yakuba wan wərkun ta mɛrəŋ.
866	GEN 30:35	Awa, dɔsɔk dadɔkɔ dɔ, Labaŋ ɛŋcəmbər mbiyofo ya cəgbɛr, yɛcɛmcɛmər, cir cətɛmsər kɔ cəcɛmcɛmər cir ncɛ cənayɔ pəfer mɔ fəp, ŋkesiya yɔkɔ yɛnayɔ alom ŋɛcapsər mɔ. Kɔ Labaŋ ɛlɛk yi fəp, k'ɛmbɛr awut ɔn dəwaca.
870	GEN 30:39	Kɔ yɔcɔl yɛŋcɛcɛnɛ wara wawɔkɔ kəsək, ti tɛnasɔŋɛ yɔcɔl yockoməs mowut ma cəgbɛr, mɛtɛmsər kɔ mɛcɛmcɛmər.
871	GEN 30:40	Ntɛ Yakuba ɛŋgbɛy meŋkesiya mɔ, kɛŋcəmbər yi fɔr ya yɔcɔl ya Labaŋ kiriŋ nyɛ yɛnayɔ cəgbɛr kɔ alom ŋɛcapsər mɔ, k'ɔsɔtɔ yɔcɔl nyɛ ɛnacəmbər taciŋa ta owosɛ yɔnɔŋkəlɛnɛ kɔ ya Labaŋ mɔ.
876	GEN 31:2	Kɔ Yakuba ɛŋgbɛkərɛ fɔ kəro ka Labaŋ kəyi fɛ sɔ nnɔ eyi mɔ, pəmɔ tɔkɔ pənayi cɔkɔ-cɔkɔ mɔ.
879	GEN 31:5	K'oloku ŋa: «Iŋgbɛkərɛ fɔ, kəro ka papa konu kəyi fɛ sɔ nnɔ iyi mɔ, pəmɔ tɔkɔ pənayi cɔkɔ-cɔkɔ mɔ. Mba Kanu ka papa kem kəsol' em.