7153	RUT 2:2	Kɔ Rut wəMohabu oloku kɔncəra kɔn Noyemi. «Ikɔ nde dalɛ ikɔ icgbɛtəs wətɛl nwɛ ɔŋkɔ-wos’em kəyi kɔ darəŋ mɔ.» Kɔ Noyemi oloku Rut: «Məkɔ, wan kem.»
7178	RUT 3:4	K’endena pəckɔ dəkəfəntərɛ-ɛ, məgbɛkərɛ da ɛŋfəntərɛ mɔ. Kɔ məyɛfɛ-ɛ, məkɔ məfeni kɔ kəloto nde dəwɛcək, məfəntərɛ. Nkɔn Bɔs yati ɔŋkɔ-lok’əm tɔkɔ pəmar a məyɔ mɔ.»
25010	LUK 1:48	bawo owosɛ kəgbal fɔr nnɔ ina, wəcar kɔn wəfəfər iyi mɔ. Ɛy, kəyɛfɛ ndɛkəl haŋ tɛm fəp, afum ŋande ŋac-lok’im a pəmbɔt’im,
25102	LUK 3:8	Nəmentər dəmɔyɔ a nəŋsəkpər mera, kɔ nəŋcəmɛ pəlompu darəŋ. Nəsak kəc-lokunɛ: ‹Abraham ɔyɔnɛ wətem kosu.› Bawo ic-lok’un a Kanu kəntam kəkafəli masar mamɛ awut a Abraham.
25142	LUK 4:10	‹Kanu kəndesak mɛlɛkɛe ɔn aŋɛ ŋande kəc-bum’əm mɔ;›
25150	LUK 4:18	«Amera ŋa Kanu Kəpɔŋ ŋey’im kəroŋ, bawo Kanu kəyɛk-yɛk’im ntɛ tɔsɔŋɛ iloku afum atɔyɔ daka toloku tɔtɔt mɔ; Kanu kəsom’im kədedəŋk kəyac ka acar aŋɛ asumpər dəkəwan mɔ. Ideloku atɔnəŋk a ŋandenəŋk; kədekekərɛ aŋɛ ŋayi kətam disrɛ mɔ, bəkəc yoforu disrɛ
25157	LUK 4:25	Kaŋce kɔ kaŋkɛ indesɔ-lok’un mɔ: Aran aŋɛ awos aŋa ŋanafi Yisrayel mɔ ŋanala tɛm ta Eliya, tɛm ntɛ kɔm kənagbətnɛ meren maas yof camət-tin mɔ, a kɔ dor dɔpɔŋ dosumpər atɔf mɔ.
25237	LUK 6:22	Pəbɔt’un kɔ afum ŋandeter’un-ɛ, ŋac-bɛləs’un, ŋac-lɔməs’un, ŋac-ləsər’un mewe bawo nəlaŋ dim da «Wan ka fum.»
25374	LUK 9:4	Nnɔ o nnɔ aŋkɔ-baŋ’un waca mɛrəŋ mɔ, nəyi di, difɔ nəndekɔ-wur a nəsumpər dɔpɔ donu kəkɔ.
25375	LUK 9:5	Nnɔ o nnɔ afum ŋantɔkɔ-wos’on kəyi mɔ, kɔ nəndewur dare dadɔkɔ-ɛ, nəkoŋ-koŋ wɛcək wonu, itɔ endeyɔnɛ sede nnɔ ŋayi mɔ.
25390	LUK 9:20	Kɔ Yesu eyif ŋa sɔ: «Kɔ cəke cɔ nəna nəŋcɛm-cɛmnɛn’em kəyɔnɛ-ɛ?» Kɔ Piyɛr oloku Yesu: «Wəyɛk-yɛk wəka Kanu məyɔnɛ.»
25444	LUK 10:12	Ic-lok’un a dɔsɔk dadɔkɔ, tɔyɔ ntɛ andeyɔ dare dadɔkɔ mɔ, tendeyeŋk tecepər ta Sodom.»
25447	LUK 10:15	Kɔ məna, dare da Kapɛrnayum, məŋcɛm-cɛmnɛ a andekɔ-pɛn’am haŋ dareŋc? Ala! Andekɔ-tor’am dəntɔf haŋ nnɔ afum afi ŋayi mɔ.
25454	LUK 10:22	Ic-lok’un a Papa kem ɛmbɛr’im ca fəp dəwaca. Nwɛ o nwɛ ɛŋcərɛ fɛ nwɛ ɔyɔnɛ Wan mɔ, kɔ pəntɔyɔnɛ Papa-ɛ; nwɛ o nwɛ ɛŋcərɛ fɛ sɔ nwɛ ɔyɔnɛ Papa mɔ, kɔ pəntɔyɔnɛ Wan-ɛ, kɔ afum akɔ Wan ɛŋfaŋ kəloku ti mɔ.»
25482	LUK 11:8	ic-lok’un ti: Ali pəyɔnɛ fɔ ɔfɔyɛfɛ pəsɔŋ kɔ ci bawo wanapa kɔn ɔfɔ, endeyɛfɛ pəsɔŋ kɔ daka o daka ndɛ ɛfaŋ mɔ, bawo wanapa kɔn ɛŋgbəc gbɛs a mɛnɛ pəsɔŋ kɔ.
25534	LUK 12:6	Bafɔ gbaŋa kəcamət y’aŋcaməs pəsam gbəleŋ mɛrəŋ? Awa! Ic-lok’un a Kanu kəfɔpəl ali ŋin yi dacɔ.
25539	LUK 12:11	«K’ande pac-liŋəs’un kəkekərɛ nde dəkəcəpəs-ɛ, kɔ pəyɔnɛ fɛ ti nda aboc kiti, kɔ pəyɔnɛ fɛ ti abɛ-ɛ, ta nəcɛm-cɛmnɛ ntɛ nəŋkɔyacnɛ, kɔ tɔkɔ nəŋkɔloku mɔ;
25540	LUK 12:12	bawo Amera Ŋecempi ŋa Kanu ŋendekɔ-təks’on gbəŋcana babɔkɔ tɔkɔ pəmar nəndekɔ-loku mɔ.»
25565	LUK 12:37	Pəbɔt acar akakɔ wəbɛ kəŋan, ɔŋc-kɔna-der pəbəp kɔ pəc-kar kəgbitɛ kɔ mɔ. Amina! Ic-lok’un ti: Endegbəŋcnɛ bɛlɛt, pədəs acar akakɔ dəmɛsa kəkɔ-di yeri, nkɔn pəyerəs ŋa yi.
25587	LUK 12:59	Ic-lok’əm məfɔwur dəbili kɔ məntɔlip kəsɔŋ pəsam pɔkɔ məntɔmpərɛ wəkekərɛ kam dəbili mɔ.
25636	LUK 14:14	Tɛm tatɔkɔ pəbɔt’əm, bawo ŋayɔ fɛ daka ndɛ ŋaŋkɔ-luks’am kəway ka pətɔt papɔkɔ mɔ. Kanu gbəcərəm kəndekɔ-tam kəluks’am kəway kaŋkɔ, nde ayɔ pətɔt ŋandekɔ-yɛfɛ defi mɔ.»
25686	LUK 15:29	Mba kɔ wan wəcɔkɔ-cɔkɔ nwɛ oloku kas: ‹Meren mɛlarəm mɔ mamɛ, iyi’əm darəŋ ic-bəc’am pəmɔ wəcar, ali dɔsɔk din iŋgbɛkəl fɛ mosom mam, mba ali dɔsɔk din sɔ məna məsɔŋ f’em tir idif səwoləs kɔ anapa’em.
25768	LUK 18:11	WəFarisi nwɛ pəcəmɛ pəc-lok-lokər Kanu dɛbəkəc ntɛ: ‹Kanu, iyek-yekəs’əm ntɛ intɔyi pəmɔ afum aləpəs akɔ ŋayɔnɛ abaŋəs ca ya afum mɔ, ta ŋalomp, ŋac-sumpər dalakɔ, kɔ intɔyi pəmɔ wəwerəs dut nwɛ mɔ.
25774	LUK 18:17	Awa! Ic-lok’un nwɛ o nwɛ ɔntɔbaŋ dɛbɛ da Kanu pəmɔ wan wəfɛt mɔ, ɔfɔbɛrɛ ŋi disrɛ few!»
25927	LUK 21:32	Ic-lok’un kaŋce: Afum a tɛm tantɛ ŋafɔdelip kəfi fəp, a ta teyi-ɛ.
25945	LUK 22:12	Endekɔ-mentər’un kəlɔ kəroŋ, dukəlɔ dɔpɔŋ kɔ ca yɔkɔ pəmar mɔ fəp. Dəndo kəfo kaŋkɔ kɔ nəŋkɔlompəs yeri ya Pak.
25964	LUK 22:31	Kɔ Yesu oloku Simɔŋ Piyɛr: «Simɔŋ, Simɔŋ! Məkɛmbərnɛ! Sentani səntola kədɛs-dɛs’un dəsifitɛ pəmɔ kəcom.
25967	LUK 22:34	Mba kɔ Yesu oloku kɔ: «Piyɛr, ic-lok’əm, məndebaŋɛnɛ kətɔ-cər’em kəmaas a kicipi kəc-cam.»
25968	LUK 22:35	Kɔ Yesu eyif ŋa: «Ntɛ iŋc-som’un ta iŋsɔŋ’un pəsam, ta iŋsɔŋ’un alɔba ŋɛbɛrɛ yamos, ta iŋsɔŋ’un cɔfta cəbɛrnɛ mɔ, paka penayi yi dacɔ mpɛ nənatɔ-sɔtɔ mɔ ba?» Kɔ acɛpsɛ ɔn darəŋ ŋaloku: «Ala! Ali pin pɛnayi fɛ.»
25994	LUK 22:61	Kɔ wəbɛ Yesu ɛŋkafəlɛ k’ɛŋgbətnɛ Piyɛr. Kɔ Piyɛr ɛŋcɛm-cɛmnɛ toloku tɔkɔ wəbɛ Yesu ɛnaloku kɔ mɔ: «Məndebaŋɛnɛ kətɔ-cər’em kəmaas a kicipi kəc-cam.»
26046	LUK 23:42	K’oloku: «Yesu məde məcɛm-cɛmn’em kɔ məndekɔ-bɛrɛ dɛbɛ dam dəntɔf-ɛ.»
26104	LUK 24:44	Ntɛ elip kəsɔm alop nŋɛ mɔ, k’oloku ŋa: «Mes mamɛ m’ iŋc-lok’un ntɛ inayi kɔ nəna mɔ; mɛnɛ mes mɔkɔ aŋcic tetem Tawureta Musa, yecicəs yecempi ya adəŋk a Kanu kɔ Yabura Dawuda mɔ fəp meyi.»