28	GEN 1:28	Kɔ Kanu kəmpocɛ ŋa pətɔt, kɔ kəloku: «Nəyɔnɛ akombəra, nəla, nəlas antɔf, nəboc antɔf tɛfaŋ tonu! Nətasərnɛ lop ya dəkəba, bɛmp nyɛ yɛŋfɛlər dareŋc mɔ, sɛm kɔ yeliŋɛ-liŋɛ ya dəntɔf fəp.»
30	GEN 1:30	Sɛm ya dəntɔf, bɛmp ya dareŋc, yɛfɛlər-fɛlər ya dareŋc, kɔ yeliŋɛ-liŋɛ ya dəntɔf, ca fəp nyɛ yeŋesəm mɔ, isɔŋ yi dəmnɛ yika yobuk yɔyɔnɛ yi yeri.» Kɔ teyi sɔ tatɔkɔ.
49	GEN 2:18	Kɔ Kanu Kəpɔŋ kəloku: «Pəmar fɛ wərkun pəyi sona! Indelompəs wəmarəs kɔn, ntɛ tɔŋsɔŋɛ ŋayi mɛrəŋ mɔ.»
54	GEN 2:23	Kɔ wərkun oŋkulɛ: «Apayo!» «Wəkawɛ taŋ, kəbɛnt ka bɛnt yem, tɛsɛm ta sɛm yem.» Wəkawɛ andewe «wəran» wənɛŋcɛnɛ ka wərkun, bawo nnɔ dis dem d' awurɛ kɔ.
61	GEN 3:5	Bawo Kanu kəŋcərɛ, a dɔsɔk ndɛ nəndi yi mɔ, fɔr yonu yeŋmepɛ, nəyi pəmɔ Kanu nkɛ kəŋcərɛ pətɔt kɔ pəlɛc mɔ.»
66	GEN 3:10	Kɔ wərkun oloku Kanu: «Dim d' in' am dalɛ disrɛ, k'inesɛ, bawo iwur kəsɔkər, ti t' iŋgbɔpnɛnɛ.»
68	GEN 3:12	Kɔ wərkun oloku: «Wəran nwɛ məsɔŋ im mɔ, nkɔn ɔsɔŋ im pi k'ina sɔ indi.»
69	GEN 3:13	Kɔ Kanu kəyif wəran: «Ta ake tɔ məyɔnɛ tantɛ-ɛ?» Kɔ wəran oloku Kanu: «Abok ŋetiŋkər im, k'indi pokom pampɛ.»
71	GEN 3:15	Kəbɛrs əm k'inder dacɔ kɔ wəran, kəyɛfɛ nəna haŋ awut a wəran kəbəp awut a məna, Abok! Wəran ende pəc-putək əm domp, məna, Abok, məc-ŋaŋ kɔ dəmnɛ atek.»
72	GEN 3:16	Kɔ Kanu kəloku wəran: «Indeyɔ kəbɛkəs kam kəc-cu'm. Pəcuca pɔ mənde məc-kom. Mɛfaŋ mam məndekɔ nda wos əm. Mba endetasərn' am.»
78	GEN 3:22	Kɔ Kanu Kəpɔŋ kəloku: «Ah! Ntɛ fum ende pəyi oŋ pəmɔ səna mɔ, pəcərɛ pəlɛc kɔ pətɔt, səkɛmbərnɛ ta pətɛŋc kəca pəlɛk sɔ pokom pa kətɔk kəyinɛ wəyeŋ, pədeyi oŋ doru katina.»
81	GEN 4:1	K'Adama ŋambəpɛnɛ kɔ wəran kɔn Hawa, kɔ Hawa ɛmbɛkəs, k'oŋkom Kayin. Kɔ Hawa oloku: «Isɔtɔ wan wərkun kəmar ka Kanu disrɛ.»
87	GEN 4:7	Kɔ məŋkɔt bel-bel-ɛ, məndesel. Kɔ kɔ məŋkɔt pəlɛc-ɛ, kiciya kəy' əm dəkusuŋka kɔ mɛfaŋ ma ki mey' əm. Mba məsɛp mətasərnɛ ki.»
92	GEN 4:12	Kɔ mənde məcbəc antɔf-ɛ, ŋɔfɔde ŋɔcsɔŋ əm pəbotu pa ŋi. Ti tɔ pənde pəctɛlɛn' am məc-cepɛ-cepɛ dəkəbəc.»
94	GEN 4:14	Məmbɛləs im mɔkɔ nnɔ antɔf ŋam ŋebi ŋeyi mɔ. Pənamar im kəgbɔpən' am, kɔ kəcepɛ-cepɛ dəntɔf, kɔ fum ɛmbəp im dənda-ɛ, pədif im.»
104	GEN 4:24	Kɔ pəyɔnɛ fɔ padif afum camət-mɛrəŋ kəluksɛ ayɛk ŋa Kayin-ɛ, andedif afum 77, a pacluksɛ ayɛk ŋa Lemɛk.»
105	GEN 4:25	Adama kɔ Hawa ŋasɔtɔ sɔ wan. Kɔ Hawa ewe kɔ «Sɛt», ti tɔ tatɔkɔ «Kanu kəsɔŋ im sɔ wəlɔma kədeyɔn' em Abɛl wəkɔ Kayin endif mɔ.»
135	GEN 5:29	Kɔ Lɛmɛk ewe wan wəkakɔ «Nuha.» K'oloku: «Wəkawɛ ende pəcyaməsɛ-yaməsɛ su, kəcɛm-cɛmnɛ ka pucuy mpɛ yɛbəc yocuca nyɛ waca womboc antɔf nyɛ, Kanu Kəpɔŋ kənasɔŋ pəlɛc te tosu mɔ.»
145	GEN 6:7	Kɔ Kanu kəloku: «Kənim k'inder afum aŋɛ inasɛl mɔ, kəyɛfɛ afum, kəbəp sɛm, kəkɔ ka yeliŋɛ-liŋɛ haŋ bɛmp ya dareŋc, bawo iŋaŋnɛ tɛlər kəsɛl kəŋan.»
159	GEN 6:21	Awa, mətɛn yeri fəp, məmɛŋkərnɛ yi ntɛ tɔŋsɔŋɛ nəde nəc-sɔtɔ yedi nəna kɔ yi mɔ.»
164	GEN 7:4	Pəŋcəmɛ mata camət-mɛrəŋ, itorɛ wəcafən mata 40 kɔ pibi 40 camcam. Tɛm tatɔkɔ indefɛŋ nnɔ doru afum aŋɛ inasɛl mɔ fəp.»
201	GEN 8:17	Məwurɛnɛ sɔ sɛm yɛləpəs nyɛ yeyi abil disrɛ kɔ məna mɔ. Kɔ bɛmp dokom fəp, sɛm yɛfɛt kɔ yɔpɔŋ, yɛsam doru yokom.»
205	GEN 8:21	Kɔ Kanu Kəpɔŋ kəmbaŋ ambɔŋc ŋobotu ŋa kəloŋnɛ, kɔ kəlokunɛ dɛbəkəc, «Ifɔsɔsɔŋ antɔf pəlɛc teta fum. Kaŋce kɔ, bawo afum mɛcɛm-cɛmnɛ mɛlɛc meyi ŋa dəbəkəc kəyɛfɛ dowut daŋan, mba ifɔsɔləsər ca nyɛ yeŋesəm doru pəmɔ ntɛ intɛp ti kəcyɔ mɔ.»
206	GEN 8:22	«Kəwon ka antɔf doru fəp, kəbɔf kɔ kətɛl, pəwonu kɔ pəcaŋki, kətən kɔ dɛrəŋ, dɔsɔk kɔ pibi, yɔfɔdelip.»
211	GEN 9:5	Indeyif nu teta mecir monu, mmɛ mɔyɔnɛ kəyi doru konu mɔ. Indeyif sɔ ti sɛm fəp nyɛ yendedif fum mɔ. Pəmɔ ntɛ indeyif ti fum nwɛ endedif wɛŋc mɔ.»
213	GEN 9:7	Kɔ nəna, nəyɔnɛ akombəra, nəkom pəlarəm, nəsaməsər doru.»
217	GEN 9:11	Isɔŋ nu temer, ntɛ t' indeyɔ: Domun dɔfɔdesɔdi antɔf, wəcafən ɔfɔdesɔyi nwɛ endeləsər antɔf mɔ.»
222	GEN 9:16	K'Iŋc-kɔna-nəŋk asiŋki-ɛ, iŋcɛm-cɛmnɛ temer ta doru o doru ntɛ inasɔŋ' un, kɔ ca fəp nyɛ yeŋesəm doru mɔ.»
223	GEN 9:17	Kɔ Kanu kəŋgbɔkərɛnɛ sɔ moloku mamɛ Nuha: «Asiŋki ŋementər temer ntɛ isɔŋ nu kɔ ca ya doru nyɛ yeŋesəm mɔ.»
244	GEN 10:9	Nimrodu ɛnayɔnɛ wəpɛn korgba nde fɔr ya Kanu Kəpɔŋ kiriŋ. Ti tɔ alokɛnɛ: «Pəmɔ Nimrod, korgba kəpɛn nde fɔr ya Kanu Kəpɔŋ kiriŋ.»
271	GEN 11:4	Kɔ ŋaloku sɔ: «Paŋkɔn, pacəmbər dare kɔ kəlɔ nkɛ domp da ki dendekɔ haŋ dɔsɔ kɔm mɔ. Ntɛ tɔŋsɔŋɛ pasɔtɔ tewe mɔ, tɔsɔŋɛ su sɔ kətɔsaməsər doru.»
274	GEN 11:7	Paŋkɔn, pator, panɔŋkəl-nɔŋkəl kusu kəŋan ntɛ tɔŋsɔŋɛ ta ŋanenɛnɛ sɔ mɔ.»
302	GEN 12:3	Indesɔŋ pətɔt aŋɛ ŋandetolan' am pətɔt mɔ. Indesɔŋ pəlɛc aŋɛ ŋandetolan' am pəlɛc mɔ. Tetam tɔ indesɔŋɛnɛ cusuŋka ca doru fəp pətɔt.»
306	GEN 12:7	Kɔ Kanu Kəpɔŋ kəwurər Abram kɔ kəloku kɔ: «Indesɔŋ atɔf ŋaŋɛ yuruya yam.» K'Abram olompəs dəkəloŋnɛ da Kanu Kəpɔŋ nkɛ kənawurər kɔ dəndo mɔ.
319	GEN 12:20	Kɔ Firawona oloku afum ɔn, «Nəsak kɔ pəkɔ nkɔn, kɔ wəran kɔn kɔ ca nyɛ yɔyɔnɛ yɔn mɔ.»
328	GEN 13:9	Antɔf fəp ŋɔ ŋaŋɛ ŋey' əm fɔr kiriŋ mɔ. Kɔ məŋkɔ kəca kətɔt-ɛ, iŋkɔ kəmeriya. Kɔ məŋkɔ kəmeriya, iŋkɔ kətɔt, mba məwosɛ səgbɛyɛnɛ.»
336	GEN 13:17	Məyɛfɛ məkɔt atɔf ŋaŋɛ dobolu kɔ dowokəlu da ŋi, bawo indesɔŋ əm ŋi.»
358	GEN 14:21	Kɔ wəbɛ wəka Sodom oloku Abram: «Məsɔŋ im afum, məlɛk ca yayɛ fəp yam.»
361	GEN 14:24	Ifɔlɛk daka o daka, mɛnɛ yeri nyɛ afum em ŋandi mɔ, kɔ kəyer nkɛ atemp em Esekol, Haner, kɔ Mamrɛ ŋasɔtɔ mɔ, bawo pəmar ŋasɔtɔ kəyer.»
362	GEN 15:1	Ntɛ mes mamɔkɔ meŋcepər mɔ, kɔ Kanu Kəpɔŋ kəwurər Abram dəmere kɔ kəloku kɔ ntɛ: «Ta mənesɛ, Abram! Ina yati indeyɔn' am aca. Indeluks' am kəway pəpɔŋ.»
363	GEN 15:2	Kɔ Abram eyif Kanu: «Kanu Wəbɛ Wəpɔŋ, ake məndesɔŋ im-ɛ? Intas ta iyɔ wan-ɛ, wədelɛk kɛ kem ɔyɔnɛ Elihɛsɛr wəka Damas.»
364	GEN 15:3	Kɔ Abram ɔnɔcər: «Məsɔŋ f' em awut, nwɛ aŋkom nde kəlɔ kem disrɛ mɔ, nkɔn endelɛk kɛ kem.»
365	GEN 15:4	Kɔ Kanu Kəpɔŋ kəloku kɔ, «Ala, bafɔ nkɔn endeyɔnɛ wəlɛk ka kɛ kam, mba wan kam wəkom nwɛ endewur əm dəris mɔ yati.»
366	GEN 15:5	Kɔ Kanu kəwurɛnɛ Abram abal ŋɔn disrɛ, kɔ kəloku kɔ: «Məgbətnɛ kɔm. Məlɔm cɔs cacɔkɔ, kɔ məntam-ɛ.» Kɔ kənɔcər: «Pəmɔ cɔs cacɔkɔ, yuruya yam afɔde pactam kəlɔm ŋa fəp.»
368	GEN 15:7	Kɔ Kanu kəloku kɔ: «In' ɔyɔnɛ Kanu Kəpɔŋ nkɛ kənawur' am Ur ŋa aKaldi kədesɔŋ əm atɔf ŋaŋɛ, məde məlɛk ŋi kɛ.»
370	GEN 15:9	Kɔ Kanu kəloku kɔ: «Məkɛr' em wana weyecəra win, wir wɛran win, kɔ aŋkesiya ŋorkun ŋin fəp fayi ya meren maas maas, tɔpay tin kɔ topokpoka tin.»
377	GEN 15:16	Yuruya yam yendeluksərnɛ nnɔ mɛnɛ tɛm ta danapa da maŋkəlɛ, bawo 'Amɔr ŋantacepərər fɛ kiciya kəŋan a idebɛləs ŋa.»
382	GEN 15:21	ŋa 'Amɔr, aKanahan, aKirkas, kɔ aYebus.»
384	GEN 16:2	Kɔ Saray oloku Abram: «Mənəŋk, Kanu Kəpɔŋ kəyaməsər im kəsɔtɔ ka wan. Məfəntərɛ kɔ wəcar kem, tɔlɔma intam kəsɔtər kɔ wan wərkun.» Kɔ Abram ɛŋcəŋkəl dim da Saray.
388	GEN 16:6	Kɔ Abram oluksɛ Saray moloku: «Wəcar kam ey' əm dəwaca. Məyɔ kɔ tɔkɔ tentes' am mɔ.» Awa, kɔ Saray ɔntɔrəs Hakar haŋ kɔ Hakar ɛyɛksər kɔ, k'ɔŋkɔ pəbɔlɛ.
390	GEN 16:8	Kɔ mɛlɛkɛ mmɛ meyif: «Hakar, wəcar ka Saray, deke məyɛfɛ-ɛ? Deke məŋkɔ-ɛ?» Kɔ Hakar oluksɛ mi moloku: «Wəbɛra kem Saray, iyɛksər.»
391	GEN 16:9	Kɔ mɛlɛkɛ ma Kanu Kəpɔŋ moloku, «Məluksərnɛ ndena wəbɛra kam, məkɔ məfəntərɛ kɔ dəntɔf.»
394	GEN 16:12	Wan kam endeyi pəmɔ sɔfale sa dop. Ende pəc-caŋ afum fəp kəyɛfərɛnɛ, fəp fəc-yɛfərɛnɛ kɔ nkɔn. Sona s' endendɛ pəbɔlɛnɛ afum aləpəs aŋɛ.»
395	GEN 16:13	Kɔ Hakar ɔsɔŋ tewe a Kanu Kəpɔŋ nkɛ kənalok-lokər kɔ mɔ, «Ata-Ɛl-Roy,» ti tɔ tatɔkɔ: «Inəŋk nnɔ Kanu nkɛ kənəŋk im mɔ.»
400	GEN 17:2	Indecaŋəs danapa dosu, ina kɔ məna dacɔ, isɔŋ əm yuruya yɛlarəm.»
406	GEN 17:8	Indesɔŋ əm kɔ yuruya yam atɔf ŋa Kanahan ŋaŋɛ məntɛp kəc-bɛrɛ mɔ fəp, ŋendeyɔnɛ ŋaŋan doru o doru, iyɔnɛ Kanu kəŋan.»
412	GEN 17:14	Wərkun nwɛ o nwɛ antɔkəŋc mɔ, aŋwurɛ wəkayi afum ɔn dacɔ, tɛm tatɔkɔ danapa dem delip nnɔ nkɔn eyi mɔ.»
414	GEN 17:16	Kəpocɛ kɔ k'inder, ipocɛ sɔ məna wan nwɛ endekom' am mɔ. Indepocɛ kɔ pətɔt, nkɔn endeyɔnɛ kɛrɛ ka tɔf yɛlarəm. Abɛ a tɔf yɛlarəm ŋandewur kɔ dəris.»
419	GEN 17:21	Mba ntɛ tɔyɔnɛ ta danapa dem mɔ, Sara oŋkom' am tɛm tantɛ dok.»
430	GEN 18:5	Indesɔŋ nu sɔ peri, ntɛ tɔŋsɔŋɛ nu kəsɔtɔ sɔ fənɔntər mɔ, a nədekɔ tɛm tatɔkɔ nəfɔdecepər nnɔ nderem kifəli, iyi kiyi konu.» Kɔ acikəra ŋaloku: «Tentesɛ! Məyɔ tɔkɔ məloku mɔ.»
431	GEN 18:6	Kɔ Abraham ɔŋkɔ katəna-katəna abal ŋɔn disrɛ nde Sara eyi mɔ, k'oloku kɔ: «Məkufɛ məlɛk farin fədɛsdɛs tafala kəmaas məgbɛntɛ akaŋɛ cəcom.»
434	GEN 18:9	Ntɛ ŋalip kədi yeri mɔ, kɔ ŋayif Abraham: «Deke wəran kam Sara eyi-ɛ?» Kɔ Abraham oloku ŋa, «Eyi nde abal disrɛ.»
435	GEN 18:10	Kɔ wəcikəra wəkin oloku: «Inder nnɔ ndaram dok tɛm tantɛ wəran kam Sara endekom wan wərkun.» Sara ɛnacəmɛ dəkusuŋka Abraham tadarəŋ pəc-cəŋkəl.
437	GEN 18:12	Kɔ Sara eselərnɛ pəc-loku: «Ndɛkəl ntɛ isikər oŋ mɔ, pəbotu pendey' im sɔ ba? Wos im sɔ, esikər.»
439	GEN 18:14	Tes teyi ntɛ tɛntambər Kanu Kəpɔŋ mɔ ba? Dok tɛm tantɛ imboŋcər əm mɔ, inder nnɔ ndaram, Sara endesɔtɔ wan wərkun.»
444	GEN 18:19	Bawo inasom kɔ pəloku awut ɔn kɔ afum ɔn, a ŋacəmɛ dɔpɔ da ina, Kanu Kəpɔŋ darəŋ, ŋacəmɛ pəlompu darəŋ kɔ sariyɛ ntɛ tɔŋsɔŋɛ ina Kanu ilasɛ Abraham dim ndɛ ɛnasɔŋ tetɔn mɔ.»
446	GEN 18:21	Kətor k'inder dəntɔf idemɔmən kɔ pəyɔnɛ fɔ ntɛ aŋloku taŋan mɔ kaŋce kɔ-ɛ, kɔ pəntɔyɔnɛ ti-ɛ, ina sɔ icərɛ ti.»
451	GEN 18:26	Kɔ Kanu Kəpɔŋ kəloku: «K'imbəp nde dare da Sodom disrɛ afum alompu 50-ɛ, iŋaŋnɛnɛ aləpəs akɔ te taŋan.»
456	GEN 18:31	Kɔ Abraham oloku: «Kanu Wəbɛ, məŋaŋnɛnɛ mɔcɔp mem. Tɔlɔma alompu wəco mɛrəŋ ŋ' andekɔ-bəp di?» Kɔ Kanu kəloku Abraham: «Ifɔləsər di teta afum akakɔ wəco mɛrəŋ.»
457	GEN 18:32	Kɔ Abraham oloku: «Ilɛtsɛn' am, Wəbɛ kem! Ta pətɛl' am, tɛləpəs t' indelok-lokər əm. Tɔlɔma alompu wəco ŋayi di.» Kɔ Kanu kəloku sɔ Abraham, «Ifɔləsər di teta afum akakɔ wəco.»
460	GEN 19:2	Kɔ Lɔt oloku ŋa: «Ilɛtsɛnɛ nu, nəna abɛ em, nəder nnɔ kəlɔ ka wəcar konu. Nəcepərɛnɛ dɛ pibi, nəbikɛnɛ wɛcək, nədena nəyɛfɛ bət-bətana suy, nəsumpər sɔ dɔpɔ donu, nəkɔ.» Kɔ mɛlɛke ŋaloku kɔ: «Ala, nnɔ tofo tantɛ tɔ səndecepərɛnɛ pibi!»
463	GEN 19:5	Kɔ ŋawe Lɔt kɔ ŋayif kɔ: «Deke afum akɔ ŋayi-ɛ, aŋɛ ŋambɛrɛ nnɔ ndaram nnɔ pibi pampɛ mɔ? Məwurɛnɛ ŋa nnɔ səyi mɔ, ntɛ tɔŋsɔŋɛ səfəntərər ŋa mɔ.»
471	GEN 19:13	Kələsər kɔ sənder tofo tantɛ, bawo Kanu Kəpɔŋ fɔr kiriŋ, ntɛ aŋlokɛ afum a dare dandɛ mɔ, tɛmbɛk. Kanu Kəpɔŋ kəsom su kədeləsər dare dandɛ.»
472	GEN 19:14	Kɔ Lɔt ɔŋkɔ pəbəp arkun aŋɛ ŋananɛŋcɛ awut ɔn mɔ, k'oloku ŋa: «Nəkufɛ nəyɛfɛ dɛ! Bawo Kanu Kəpɔŋ kənderer kələsər dare dandɛ.» Mba, kɔ arkun akaŋɛ ŋaŋcɛm-cɛmənɛ a kəwoləs kɔ Lɔt ɛndɛ.
473	GEN 19:15	Pəndeyi dɔsɔka dɛləpəs kɔ mɛlɛke ŋaloku Lɔt: «Məroknɛ məyɛfɛ dɛ, məlɛk wəran kam, kɔ awut am ayecəra aŋɛ ŋayi nnɔ mɔ, ta pəlɛc pedesɔtɔ ŋa kɔ dare dandɛ deŋciya mɔ.»
475	GEN 19:17	Ntɛ mɛlɛke ŋawurɛnɛ ŋa dare disrɛ mɔ, kɔ mɛlɛkɛ min moloku Lɔt: «Məyɛksɛ ntɛ tɔŋsɔŋɛ ta məfi mɔ! Ta məmɔmən tadarəŋ, ta məcəmbərəs tofo o tofo nnɔ aranta ŋaŋɛ! Məkɔ məndɛ məyacnɛ nde dətɔrɔ, ta mədefi.»
490	GEN 19:32	Məder səsɔŋɛ kɔ kəmun member ntɛ tɔŋsɔŋɛ pəfəntərər su, tɔŋsɔŋɛ səsɔtɔnɛ kɔ yuruya mɔ.»
492	GEN 19:34	Dɔckɔsɔk k'oloku wəfɛtəra kɔn: «Ifəntərɛna nnɔ pibi kɔ papa. Pasɔŋɛ kɔ sɔ kəmun member nnɔ pibi, ntɛ tɔŋsɔŋɛ məna sɔ nəkɔ nəfəntərɛ kɔ nkɔn mɔ tɔsɔŋɛ pasɔtɔnɛ kɔ yuruya mɔ.»
498	GEN 20:2	Abraham oŋc-loku afum aka di teta wəran kɔn Sara: «Wəkirɛ kem ɔfɔ.» Kɔ Abimɛlɛk, wəbɛ wəka Kerar, ɛmbaŋ Sara.
501	GEN 20:5	Nkɔn Abraham yati olok' im: ‹Wəkirɛ kem ɔfɔ,› kɔ wəran yati nkɔn sɔ oloku: ‹Wɛŋc im wərkun ɔfɔ?› Abəkəc ŋosoku ŋ' inayɔ, ali pəlɛc iyɔ fɛ.»
503	GEN 20:7	Ndɛkəl, məluksɛ wəran wəkawɛ wos. Bawo wədəŋk wəka Kanu ɔ ɔyɔnɛ, endetolan' am məyi doru. Kɔ məntɔluksɛ kɔ-ɛ, məcərɛ a kəfi kɔ mənder kɔ ca yɔkɔ məyɔ mɔ fəp.»
505	GEN 20:9	Kɔ Abimɛlɛk ewe Abraham k'eyif kɔ: «Cəke cɔ məyɔ su tantɛ-ɛ? Kɔ kiciya kəre k'iŋciy' am-ɛ, ntɛ məsɔŋɛ su, ina k'atɔf ŋem kəciya pəpɔŋ mɔ? Məyɔ em mɔyɔ mmɛ pəntɔmar məyɔ em mɔ.»
511	GEN 20:15	Kɔ Abimɛlɛk oloku: «Atɔf ŋem ŋɔ ŋaŋɛ nnɔ fɔr yam kiriŋ, məndɛ nnɔ pəndebɔt əm mɔ.»
512	GEN 20:16	K'oloku Sara: «Isɔŋ wɛŋc əm wərkun mɛŋcəmbəl ma gbeti wul win, bɔyɔn' am aca nnɔ afum ŋayi mɔ, kəmentər fɔ məŋcərɛ fɛ tɔlɔm o tɔlɔm tes tantɛ disrɛ.»
520	GEN 21:6	Kɔ Sara oloku: «Kanu kəsɔŋ' em kəselsər. Nwɛ o nwɛ ene kəkom kem Isiyaka mɔ, tɔŋyɔ kɔ mesel.»
521	GEN 21:7	K'endeŋər: «An' ɛnatam kəsɔŋɛ Abraham kəlaŋ a Sara endemɛsər awut-ɛ? Mba iŋkomɛ kɔ wan wərkun detem dɔn disrɛ.»
524	GEN 21:10	Kɔ Sara oloku Abraham: «Məbɛləs wan wəran wəcar nwɛ kɔ wan kɔn wərkun. Bawo wan ka wəcar wəkawɛ ŋafɔdepaŋnɛ kɛ kɔ wan kem.»
527	GEN 21:13	Indeyɔnɛ sɔ wan ka wəcar kam atɔf. Bawo nkɔn sɔ yuruya yam y' ɔyɔnɛ.»
532	GEN 21:18	Məyɛfɛ məlɛk wan, məsumpər kɔ waca mɛrəŋ, bawo afum alarəm ŋ' indesɔŋ kɔ.»
537	GEN 21:23	Mədɛrəm' em oŋ ma nnɔ, məckornɛ Kanu a məfɔdetiŋkər im, məfɔdesɔtiŋkər awut em, məfɔtiŋkər awut-sɔ em, kɔ məndetɔmpər em kɔ atɔf nŋɛ məyi mɔ abəkəc ŋosoku, pəmɔ layidi ndɛ intɔmpər' am mɔ.»
538	GEN 21:24	Kɔ Abraham oloku: «Indɛrəm am ti.»
540	GEN 21:26	Kɔ Abimɛlɛk oloku: «Iŋcərɛ fɛ nwɛ ɛnayɔ tɔyɔ tatɔkɔ mɔ: Mənasɔŋɛ f' em ti kəcərɛ, mɔkɔ məndesɔŋ' em oŋ ti kəcərɛ.»
544	GEN 21:30	K'Abraham oloku Abimɛlɛk: «Məwosɛ kəbaŋ cir caŋcɛ tɔyɔnɛ kəmentər a in' ɛnakay kələmp kaŋkɛ.»
550	GEN 22:2	Kɔ Kanu kəloku: «Məlɛk oŋ wan kam sona Isiyaka, wəkakɔ məmbɔtər mɔ. Məkɔ atɔf ŋa Moriya dəndo, məkɔ məloŋnɛn' em kɔ kəloŋnɛ ka kəcɔf nde tɔrɔ mpɛ indekɔ-mentər əm mɔ.»
553	GEN 22:5	K'oloku atɛmp ɔn: «Nəyi nnɔ kɔ sɔfale. Isiyaka k'ina, kəpɛ kɔ sənder nde kəroŋ kəkɔ-loŋnɛ Kanu. Kɔ səlip-ɛ, səndebəp nu nnɔ.»
556	GEN 22:8	Kɔ Abraham oloku: «Wan kem, Kanu ki sərka kəŋkɔ-sɔtɔ teŋkesiya ntɛ aŋkɔ-loŋnɛ pacɔf mɔ.» Kɔ ŋasol mɛrəŋ maŋan sɔ kəkɔ.
560	GEN 22:12	Kɔ mɛlɛkɛ moloku: «Ta mədeŋər wan kam kəca, ta məyɔ kɔ tes o tes, bawo iŋcərɛ oŋ ndɛkəl a məŋnesɛ Kanu, ntɛ məntɔfatɛn' em wan kam mɔ, wan kam sona.»
562	GEN 22:14	Kɔ Abraham ɔsɔŋ tofo tatɔkɔ tewe ta «Kanu Kəpɔŋ Yire.» Ti tɔ aŋlokɛ mɔkɔ: «Nde tɔrɔ ta Kanu Kəpɔŋ kəroŋ, endekɔ-sɔtɔ pɛmarsɛnɛ.»
576	GEN 23:4	«Wəcikəra iyɔnɛ, wəcepərɛnɛ tɛm nnɔ ndoronu, nəpoc em tofo towupɛnɛ nnɔ ndoronu, intam kəwup wəran kem, ibɔlɛn' em kɔ.»
578	GEN 23:6	«Məcəŋkəl su, Wəbɛ! Fum wəpɔŋ wəka Kanu məyɔnɛ su dacɔ. Məmɔmən kəfo nkɛ kəmbɔt əm mɔ, məwup wəran kam dəkəwupɛnɛ dosu dacɔ. Ali fum ɔfɔdefatɛnɛ dəkəwupɛnɛ dɔn kəwup ka wəran kam.»