5	GEN 1:5	Kɔ Kanu kəwe pəwaŋkəra «dɔsɔk», kɔ kəwe kubump «pibi.» Kɔ dɔfɔy deyi, kɔ bət-bət beyi, kɔ tɔyɔnɛ dɔsɔk dɔcɔkɔ-cɔkɔ.
31	GEN 1:31	Kɔ Kanu kənəŋk fɔ mes mɔkɔ ɛnayɔ mɔ fəp, mɔtɔt dəm mɛnayi. Kɔ dɔfɔy deyi kɔ bət-bət beyi, kɔ tɔyɔnɛ tataka ta camət-tin.
56	GEN 2:25	Wərkun kɔ wəran kɔn fəp faŋan kəsɔkər kɔ ŋanayi, ta ŋaŋlapərɛnɛ-ɛ.
72	GEN 3:16	Kɔ Kanu kəloku wəran: «Indeyɔ kəbɛkəs kam kəc-cu'm. Pəcuca pɔ mənde məc-kom. Mɛfaŋ mam məndekɔ nda wos əm. Mba endetasərn' am.»
74	GEN 3:18	Yika ya dəkulum yɔ mənde məc-di. Mba antɔf ŋende ŋoc-kom am bɛŋk kɔ ŋgbɔŋkəlɔ.
100	GEN 4:20	K'Ada oŋkom Yabal, nkɔn ɔyɔnɛ wətem ka akɛk yɔcɔl acepɛ-cepɛ.
163	GEN 7:3	Kɔ bɛmp, məlɛkɛnɛ yi fəp dacɔ, yorkun camət-mɛrəŋ kɔ yɛran camət-mɛrəŋ. Ti t' endesɔŋɛ yi sɔ yeyi doru.
178	GEN 7:18	Ntɛ domun dɛŋc-pɛ mɔ, ti tɔ abil ŋoŋc-foy.
187	GEN 8:3	Kɔ domun dembelɛ antɔf kəroŋ tepic-tepic. Mata 150 disrɛ, kɔ domun dɛŋcɛsɛ dəntɔf.
371	GEN 15:10	Kɔ Abram ɛŋkɛrɛ sɛm yayɔkɔ k'eŋgber-gberi yi dacɔ dacɔ k'ombocəs yegber-gberi yayɔkɔ mɛrəŋ mɛrəŋ yɛtɛfərɛnɛ, kɔ bɛmp, məlməl m' ɛnaboc yi ta aŋgberi yi-ɛ.
396	GEN 16:14	Ti t' awenɛ kələmp kaŋkɔ, kələmp ka Lahay-Roy. Kələmp kaŋkɔ kəyi Kadɛs kɔ Beredu dacɔ.
405	GEN 17:7	Indecaŋəs danapa dem kɔ məna dacɔ kəbəp ka yuruya yam kɔ məna məfi-ɛ, indecəmɛ danapa dadɔkɔ darəŋ kɔ yuruya yam doru o doru. Tɛm tatɔkɔ Kanu kam k'indeyɔnɛ kɔ ka yuruya yam kɔ məna məndecepər-ɛ.
408	GEN 17:10	Ntɛ tɔ nəndetɔmpərərnɛ danapa dem ndɛ iŋcaŋəs kɔ məna kɔ yuruya yam kɔ məndecepər-ɛ. Nwɛ o nwɛ ɔŋyɔnɛ wərkun yuruya yam dacɔ mɔ, pakəŋc kɔ.
427	GEN 18:2	Kɔ Abraham eyekti fɔr, k'ɛnəŋk arkun maas ŋacəmɛ ta ŋambɔlɛ kɔ-ɛ. Ntɛ ɛnəŋk ŋa mɔ, k'ewirnɛ kəkɔ-bəpɛnɛ kɔ ŋa, k'ontontnɛnɛ ŋa haŋ dəntɔf.
432	GEN 18:7	K'ɛyɛksɛ sɔ kəkɔ ka nde yɔcɔl yeyi mɔ, k'osumpər tana pɔtɔt dis nde yɔcɔl yɔn dacɔ, k'ɔsɔŋ pi wəcar kɔn wətɛmp wəkin kɔ wəkakɔ olompəs pi katəna-katəna.
435	GEN 18:10	Kɔ wəcikəra wəkin oloku: «Inder nnɔ ndaram dok tɛm tantɛ wəran kam Sara endekom wan wərkun.» Sara ɛnacəmɛ dəkusuŋka Abraham tadarəŋ pəc-cəŋkəl.
445	GEN 18:20	Kɔ Kanu Kəpɔŋ kəloku Abraham: «Mes mmɛ amboŋcɛ Sodom kɔ Komora mɔ, mɛmbɛk kɔ kiciya kayi kəyɔ wɛy-wɛy.
523	GEN 21:9	Kɔ Sara ɛnəŋk wan wərkun, nwɛ wəran wəMisira Hakar ɛnakomɛ Abraham mɔ, pəc-sel.
530	GEN 21:16	K'ɛŋkafələr k'ɔŋkɔ pəndɛ kəsək pəc-cɔpəsnɛ: «Ifaŋ fɛ kəgbətənɛ wan kem pəc-fi.» K'ɔŋkɔ pəndɛ pəbɔlɛnɛ kɔ dobolu da kələm ka ambəŋcəran katin pətɛfərnɛ kɔ, pəc-bok.
605	GEN 24:13	In' ɛwɛ iŋcəmɛ nnɔ kələmp kəsək mɔ, k'ayecəra a afum a dare ŋawur kədekɛt domun-ɛ.
613	GEN 24:21	Kɔ wəcar ka Abraham eyifnɛ teta wəyecəra nwɛ dɛbəkəc, kɔ pəyɔnɛ fɔ Kanu Kəpɔŋ kəyi kəlompsɛ kɔ pɔkɔt pɔn-ɛ.
655	GEN 24:63	Dɔfɔy dɔlɔma kɔ Isiyaka ɔŋkɔ dəŋkɔtəs dəkulum, endeyekti fɔr k'ɛnəŋk yɔkɔmɛ yec-der.
685	GEN 25:26	Kɔ teŋcepər, kɔ wəka mɛrəŋ ender pəsumpər atek ŋa wəcɔkɔ-cɔkɔ. K'awe wəkakɔ Yakuba. Isiyaka pəsɔtɔ tɛm tatɔkɔ oŋ meren 60 a k'andekomɛ kɔ awut akaŋɛ.
747	GEN 27:19	Kɔ Yakuba oloku kas: «In' ɔfɔ Esay wan kam wəcɔkɔ-cɔkɔ. Iyɔ tɔkɔ məlokun' em mɔ. Məyɛfɛ ilɛtsɛn' am, məndɛ məsɔm wɛsɛm wem, ntɛ tɔŋsɔŋɛ məna yati mətolan' em pətɔt mɔ.»
781	GEN 28:7	Yakuba ɛnane moloku ma kas kɔ kɛrɛ, k'ɔŋkɔ Padaŋ-Aram.
786	GEN 28:12	K'ɛwɛrəp. K'ɛnəŋk samɛ səcəmɛ dəntɔf domp da si doc-gbuŋɛnɛ kɔm mɛlɛke a Kanu mɛc-fərəŋk si, mɛc-pɛ, moc-tor.
798	GEN 29:2	Kɔ Yakuba ɛnəŋk kələmp dəndo dəkulum, kɔ yɔcɔl yɛfɛt-yɛfɛt yoloŋkanɛ mofo maas yɛcəmɛ kələmp kaŋkɔ kəsək, bawo kələmp kaŋkɔ kɔ yɔcɔl yoŋc-mun. Tasar mpɛ pɛnayi kələmp dəkusu mɔ pɛnabɛk.
822	GEN 29:26	Kɔ Labaŋ oloku: «Afɔsɔŋ səna ndorosu Cayi, ta antasɔŋ Bɔmbɔ-ɛ.
826	GEN 29:30	Ka Yakuba ɛnɛŋcɛ sɔ Rasɛl nwɛ ɛnabɔt kɔ mes, pətas Leya mɔ. K'ɛmbəcɛ sɔ Labaŋ meren camət-mɛrəŋ.
850	GEN 30:19	Kɔ Leya endesɔ pəbɛkəs, k'oŋkomɛ Yakuba sɔ wan wərkun wəka camət-tin.
864	GEN 30:33	Dolompu dem deŋmentər əm ti alna, kɔ məndekɔ-mɔmən kəway kem-ɛ. Mpɛ o mpɛ pɔ mənəŋk di alna cir dacɔ ta pɛntɛmsər, ta pɛŋcɛmcɛmər kɔ ŋkesiya dacɔ ta pɛŋcapsər alom mɔ, məcərɛ fɔ iŋkiyər əm pi.»
869	GEN 30:38	Kɔ Yakuba ɔndɔfət wara wawɔkɔ ɛnanaci mɔ nde yɔcɔl yoŋcmun mɔ, ntɛ tɔŋsɔŋɛ yɛcnəŋk wara wawɔkɔ mɔ, tɔsɔŋɛ yorkun yɛc-cɛc yɛran kɔ yender dəkəmun-ɛ.
874	GEN 30:43	Kɔ Yakuba ende pəyɔnɛ wəka daka wəpɔŋ. K'ɔyɔ yɔcɔl yɛfɛt-yɛfɛt yɛlarəm, acar arkun, acar aran, yɔkɔme kɔ sofale-e.
894	GEN 31:20	Kɔ Yakuba nkɔn entiŋkər Labaŋ wəAram kəkɔ kɔn, ta elembərnɛ kɔ-ɛ.
901	GEN 31:27	Ta ake tɔ məŋgbɔpnɛnɛ kɔ məyɛksɛ-ɛ? Məntiŋkər f' em ba, məyɛksər f' em ba? K'inasak əm məkɔ pəbotu disrɛ, pac-leŋəs, pac-fula pac-fer.
915	GEN 31:41	Tɔsɔtɔ meren wəco mɛrəŋ ntɛ iyi nnɔ ndaram mɔ. Icbəc' am teta awut am aran meren wəco kɔ maŋkəlɛ, kɔ meren mmɛ camət-tin, ta yɔcɔl yam yɛfɛt-yɛfɛt. Mba mənacepɛ-cepɛ kəway kem haŋ wəco.
971	GEN 33:10	Kɔ Yakuba oloku Esay: «Ala. Ilɛtsɛn' am, kɔ pəyɔnɛ fɔ isɔtər əm kətəŋnɛ, məwosɛ məbaŋ kəpocɛ kem. Ti t' imɔmənɛ kəro kam pəmɔ tɔkɔ aŋmɔmən kəro ka Kanu mɔ, kɔ məselɛn' em bel-bel.
979	GEN 33:18	Kɔ Yakuba ɛmbɛrɛ kətamnɛ disrɛ dare da Səkɛm, atɔf ŋa Kanahan. K'ɔŋkɔ pəcəmbərəs dare kəsək kəbɛrɛ kɔn kəyɛfɛ ka Padaŋ-Aram.
988	GEN 34:7	Kɔ awut a Yakuba ŋander kəyɛfɛ dalɛ. Ntɛ ŋane moloku mamɔkɔ mɔ, kɔ mosumpər ŋa. Kɔ pəntɛlɛ ŋa, bawo Səkɛm ɛnayɔ tɔyɔ ntɛ pənatɔmar paŋaŋnɛnɛ kɔ Yisrayel mɔ: Kəkiyɛ kəcərɛ Dina wan ka Yakuba dɛran, ta ŋayɔnɛ akin ayi-ɛ.
990	GEN 34:9	Antam kəkotərɛnɛ pac-nɛŋcɛnɛnɛ. Nəde nəc-sɔŋ su awut anu aran, nəc-lɛk awut asu aran.
997	GEN 34:16	Tɛm tatɔkɔ səŋwosɛ kəc-lɛk awut anu aran sənɛŋcɛ, nəna sɔ dəmnɛ nəc-lɛk akosu nəc-nɛŋcɛ. Səndɛ nnɔ kɔ nəna payɔnɛ sɔ afum akin ayi.
1024	GEN 35:12	Atɔf nŋɛ isɔŋ Abraham kɔ Isiyaka mɔ, indesɔŋ əm ŋi kɔ yuruya yam kɔ məndecepər-ɛ. Indesɔŋ ŋa atɔf ŋaŋɛ.»
1030	GEN 35:18	Ntɛ Rasɛl ɛŋc-fi mɔ, k'ewe wan wəkakɔ Bɛn-Oni. Mba kɔ kas ewe kɔ Beŋyamin.
1048	GEN 36:7	bawo yɔcɔl yɛnalar ŋa, ta ŋantam kəyi tofo tin-ɛ. Atɔf nŋɛ ŋanayi mɔ ŋɛnafɛtər ŋa teta yɔcɔl yaŋan yɛlarəm.
1097	GEN 37:13	Kɔ Yakuba oloku Isifu: «Awɛŋc əm aŋa ŋayi Səkɛm ŋawurɛnɛ yɔcɔl kəkɔsɔ-mət. Məder, ifaŋ kəsom əm nde ŋayi mɔ.» Kɔ Isifu owosɛ: «In' ɛwɛ!»
1154	GEN 39:4	Kɔ Isifu ende pəsɔtɔ kəlaŋ ka wəbɛ kɔn nwɛ ɛŋc-bəcɛ mɔ. Kɔ wəkakɔ ɛlɛk kɔ, k'ɔsɔŋ kɔ dɛbɛ da kəcəmbər-cəmbər mes ma kəlɔ kɔn disrɛ. K'ɛlɛk daka dɔn fəp k'ɛmbɛr di Isifu dəwaca pəc-lompsɛ-lompsɛ kɔ di kəcəmbər-cəmbər.
1158	GEN 39:8	Kɔ Isifu ɛfati. K'oloku wəran ka wəbɛ kɔn: «Mənəŋk ntɛ wəbɛ kem ɛlɛk mes mɔn fəp k'ɛmbɛr im dəwaca mɔ, tɔsɔŋɛ ɔfɔsɔyɔ ntɛ o ntɛ dɛkɛr k'ɛlɛk sɔ daka dɔn fəp k'ɔsɔŋ im kəcəmbər-cəmbər.
1209	GEN 41:13	Kɔ tosurɛnɛ kɔ teyi pəmɔ tɔkɔ ɛnaloku nwɛ o nwɛ mɔ. Kɔ Firawona oluks' em yɛbəc yem yɔcɔkɔ-cɔkɔ. K'ɛŋgbɛk wəka mɛrəŋ kem.»
1217	GEN 41:21	Cəna cətifi ncɛ cəcbɛrɛ cəleŋki dəputuk, ta aŋcərɛ kɔ pəyɔnɛ fɔ yati cəmbɛrɛ ci dəputuk-ɛ. Kɔ cəna cəlɛc ncɛ cənaŋkanɛ sɔ kəlɛcɛ, pətas tɔkɔ cənalɛcɛ mɔ. K'intəmɛ.
1227	GEN 41:31	Kɔ dor dadɔkɔ deŋcepər-ɛ, afɔdetam kəcərɛ yati kɔ pəyi fɔ kənɛmbərɛ kənayi dɛ tɔlɔma-ɛ. Debeki da dor dadɔkɔ dendesɔŋɛ ti.
1244	GEN 41:48	Kɔ Isifu oloŋka yeri yayɔkɔ fəp Misira meren mmɛ camət-mɛrəŋ. K'oloŋka yeri ya sədare səfɛt səkɔ sənɔŋkər sədare səpɔŋ mɔ.
1268	GEN 42:15	Awa, yɛbəc nyɛ y' indecəmbər nu: Indɛrəmɛ nu tewe ta Firawona, nəfɔwur nnɔ ta wəfɛt konu wələpəs wəkakɔ nəsak dɛkɛr mɔ ender-ɛ.
1269	GEN 42:16	Nəsom wɛŋc konu wəkin pəkɔkɛrɛ wɛŋc konu wəkakɔ nəsak dɛkɛr mɔ. Kɔ nəna aŋɛ endesak nnɔ mɔ, dəbili andebɛr nu. Andemɔmən moloku monu, pacərɛ kɔ pəyɔnɛ kaŋce kɔ nəloku-ɛ. Kɔ pəyɔnɛ fɛ ti-ɛ, indɛrəmɛ nu tewe ta Firawona atɛn mes ŋɔ nəyɔnɛ!»
1274	GEN 42:21	Ti tɔ ŋanayɔ, ŋaclokɛnɛ: «Ɛy. Sən' ɛnayɔ ti wɛŋc kosu. Bawo anəŋk ayɛk ŋɔn, tɛm ntɛ oŋcloku su a paŋaŋnɛnɛ kɔ mɔ, ta aŋcəŋkəlɛ kɔ-ɛ. Ti tɔ ayɛk ŋɔn ŋeyi kəsutɛ su tantɛ.»
1356	GEN 44:31	eŋfi katina kɔ ɔntɔnəŋkɛ su wəfɛt kosu-ɛ. Tɛm tatɔkɔ amarəs am ŋandesɔŋɛ wəmarəs kam papa kosu kətorɛnɛ cəfon cɔn cəfer dabiya pəcuy disrɛ.
1365	GEN 45:6	Teren ta mɛrəŋ ta dor tɔ tantɛ dɔtɔf. Pəŋcəmɛ meren kəcamət afɔde pac-bifti, afɔde pac-tɛl.
1374	GEN 45:15	Kɔ Isifu oŋcupəs awɛŋc aŋa fəp. Kɔ ŋandeləpsər kəndɛ tofo tin kɔ ŋalok-loku.
1405	GEN 46:18	Awut a Silpa wəmarəs nwɛ Labaŋ ɛnasɔŋ wan kɔn wəran Leya mɔ, ŋɔ akakɔ aŋɛ ɛnakomɛ Yakuba mɔ. Ŋanayi afum wəco kɔ camət-tin.
1412	GEN 46:25	Awut a Bilha ŋɔ akakɔ, Bilha nwɛ Labaŋ ɛnasɔŋ wan kɔn wəran Rasɛl mɔ pəyɔkɔ wəcar k'oŋkomɛ ŋa Yakuba. Ŋanayi afum camət-mɛrəŋ.
1430	GEN 47:9	Kɔ Yakuba oloku kɔ: «Meren mmɛ isɔtɔ kəcepɛ-cepɛ disrɛ mɔ, mɔsɔtɔ meren 130, kiyi kem doru kəŋcepər katəna-katəna. Iŋcepərɛnɛ meren meyeŋki kiyi kem doru. Intasɔtɔ fɛ meren mmɛ akombəra em ŋanasɔtɔ mɔ, mba tecepərɛnɛ doru tin tayi tɔ səŋcepərɛnɛ doru.»
1439	GEN 47:18	Ntɛ teren tatɔkɔ teŋcepər mɔ, kɔ aka Misira ŋander sɔ nnɔ Isifu eyi mɔ teren tɔc-kɔsɔk. Kɔ ŋaloku kɔ: «Səfɔtam kəmɛŋkər əm a gbeti bosu belip, kɔ yɔcɔl yosu yelip. Daka o daka dɛŋcəmɛ fɛ su sɔ, mɛnɛ dis dosu kɔ ntɔf yosu.
1459	GEN 48:7	Kəder kem Padaŋ, kɔ Rasɛl efir im dɔpɔ da Kanahan, ta pəmbɔlɛ su kəbɛrɛ Efrata-ɛ. Difɔ inawup kɔ katina dəndo dɔpɔ da Efrata, nde pəyɔnɛ Betlɛhɛm mɔ.»
1517	GEN 50:10	Ŋandebəp pəferere pa Atad, nŋɛ ŋeyi Yurdɛn takəroŋ mɔ, kɔ ŋawup Yakuba dəndo kəyekyekəs disrɛ. Kɔ Isifu ombok kas mata camət-mɛrəŋ.
5954	JOS 6:3	Awa asɔdar fəp ŋanɔŋkər dare. Ŋanɔŋkər dare katin dɔsɔk o dɔsɔk haŋ mata camət-tin.
5965	JOS 6:14	Kɔ ŋanɔŋkər dare katin tataka ta mɛrəŋ, kɔ ŋalukus nde dəsaŋka. Kɔ ŋayɔ ti mata camət-tin.
5966	JOS 6:15	Tataka ta camət-mɛrəŋ kɔ ŋayɛfɛ pəpanpan kɔ ŋanɔŋkər dare camət-mɛrəŋ. Mba dɔsɔk din dadɔkɔ gbəcərəm dɔ ŋananɔŋkər dare camət-mɛrəŋ.
5983	JOS 7:5	Kɔ afum aka Hay ŋandifər ŋa afum wəco maas kɔ camət-tin. Kɔ ŋayɛfɛ kəbɛləs ŋa kəyɛfɛ dare dəkusu haŋ Sabarim, kɔ ŋasut ŋa pətəmbələr pa tɔrɔ. Kɔ afum ŋanesɛ kəsutɛnɛ kɔ dis dɛŋdɛŋcɛ ŋa.
5991	JOS 7:13	Məyɛfɛ, məkɔ, məloŋka afum. Məloku ŋa: «Nəsɔkəsnɛ alna. Kanu Kəpɔŋ, Kanu ka Yisrayel kəsom im ti kədelok' un: Ca ncɛ inamɔn' on mɔ, yey' un dəwaca.› Aka Yisrayel nəfɔtam kəyɛfərɛnɛ kɔ aterɛnɛ anu kɔ nəntɔwurɛ ca cacɔkɔ nu dacɔ-ɛ.
6021	JOS 8:17	Ali fum anasak fɛ Hay kɔ Betel nwɛ ɛnatɔ-wur kəkɔ-bɛləs aka Yisrayel mɔ. Kəbɛlkər kəbɛləs aka Yisrayel kənasɔŋɛ ta aŋgbət cumba ca dare-ɛ.
6023	JOS 8:19	Kɔ aliŋɛ ŋawur katəna-katəna nde ŋanagbɔpəsnɛ mɔ, kɔ ŋayɛksɛ kəkɔ dare, kɔ ŋambɛrɛ, kɔ ŋasumpər dare kɔ ŋaŋcɔf di katəna-katəna.
6043	JOS 9:4	Kɔ ŋa sɔ ŋaŋkɔ kəkɔ-yɔ aka Yisrayel kɔ Yosuwe cəmpən-pən. Kɔ ŋalɛk lɔba yɛlɛc, kɔ ŋandeŋər sɔfale səŋan kɔ cəbuntəlɛ ca member cəlɛc cəfutɛ-futɛ.
6044	JOS 9:5	Kɔ ŋaŋbɛrəsnɛ cɔfta cəlɛc cəlɛc cəwalɛ-walɛ, pasɔtəs ci, ŋabɛrəsnɛ suma səwalɛ-walɛ. Cəcom ncɛ ŋanamɛŋkərnɛ kəkɔsɔm mɔ fəp cənawos, cəputkɛ.
6053	JOS 9:14	Kɔ afum a Yosuwe ŋamɔmən ca ya acikəra ta ŋayif ti Kanu Kəpɔŋ-ɛ.
6056	JOS 9:17	Kɔ aka Yisrayel ŋaŋkɔ nde dare daŋan, tataka ta maas kɔ ŋambɛrɛ di. Sədare sasɔkɔ sənatəŋnɛ Kabayɔŋ, Kefira, Beyerot, kɔ Kiriyat-Yeyarim.
6084	JOS 10:18	Kɔ Yosuwe oloku: «Nəbiŋkəli masar mɔpɔŋ, nəkɔ nəsuŋcɛ mi kusuŋka ka tɔgbɔkɛnɛ tatɔkɔ, nəcəmbər di afum ŋac-bum.
6195	JOS 14:6	Kɔ aka Yuda ŋalɔtərnɛ Yosuwe nde Kilkal. Kɔ Kalebi wan ka Yefune wəka Kenisi eyif kɔ: «Məna məŋcərɛ tɔkɔ Kanu Kəpɔŋ kəloku Musa fum wəka Kanu te tosu mɔ, ina kɔ məna, nde Kadɛs-Barneya.
6204	JOS 14:15	Tewe ta Hebərɔŋ tɔcɔkɔ-cɔkɔ tɛnayɔnɛ Kiriyat-Arba. Arba fum wəpɔŋ ɛnayi aka Anak dacɔ. Kəyɛfɛ tɛm tatɔkɔ kɔ antɔf ŋɔfɔr, kəwan kəyi fɛ sɔ.
6211	JOS 15:7	Kəyɛfɛ di kələŋcər kəŋkɔ Debir kəcepər ta mɔrɔ dacɔ nde aranta ŋa Akɔr, kəkafələr kəca kəmeriya ntende Kilkal, nde pəntɛfərɛnɛ kɔ Kəpɛ ka Adumim kəca kətɔt ka kəŋgbɔkɔ. Kəc-cepər domun da En-Sɛmɛs kəsək, kəkɔ kəfutər nde En-Rokɛl.
6219	JOS 15:15	Kɛyɛfɛ dəndo kɔ Kalebi ɛmpɛrnɛ kəkɔ-wɛkərnɛ afum a dare da Debir. Debir dɔ aŋc-we cɔkɔ-cɔkɔ Kiriyat-Sefer.
6284	JOS 17:7	Kələŋcər ka Manase kəŋc-kɔ kəyɛfɛ Aser haŋ Mikəmetat, nde pəntɛfərɛnɛ kɔ Sɛkɛm, kəkɔ kəca kətɔt ntende antɔf ŋa aka En-Tapuwa.
6300	JOS 18:5	Ŋandeyerɛnɛ antɔf mopoc camət-mɛrəŋ. Aka Yuda ŋaŋkɔyi Nɛkɛf, antɔf ŋaŋan ntende kəca kətɔt ka nde dec dɛmpɛ mɔ, kɔ aka kusuŋka ka Isifu ŋa ŋayi nde antɔf ŋaŋan ntende kəca kəmeriya.
6307	JOS 18:12	Kəca kəmeriya ka nde dec dɛmpɛ mɔ, kɔ kələŋcər kəŋan kəŋcop kəyɛfɛ ka Yurdɛn. Kɔ kəmpɛrnɛ pətəmbələr pa Yeriko kəca kəmeriya, kɔ kəmpɛrnɛ mɔrɔ ntende dec dɛŋkalɛ mɔ, kəkɔ kəfutər ntende dətɛgbɛrɛ ta Bɛt-Awɛn.
6311	JOS 18:16	Kələŋcər kaŋkɔ kəc-tor dəkələpsər da mɔrɔ mmɛ mɛntɛfərɛnɛ kɔ aranta ŋa Bɛn-Hinɔm mɔ, kəca kəmeriya ka nde dec dɛmpɛ aranta ŋa aRefay mɔ. Kəsolnɛ aranta ŋa Hinɔm nde mɔrɔ dacɔ, pətəmbələr pa aYebus ntende kəca kətɔt ka nde dec dɛmpɛ mɔ, ki kətor haŋ En-Rokɛl.
6337	JOS 19:14	Kɔ kələŋcər kaŋkɔ kəŋkɔ kəkafələr ntende kəca kəmeriya ka nde dec dɛmpɛ Hanaton mɔ, kəkɔ kəfutər nde mɔrɔ dacɔ nde aranta ŋa Yifta-El.
6344	JOS 19:21	Rɛmɛt, En-Kanim, En-Hada kɔ Bɛt-Pacɛc.
6453	JOS 22:25	Kanu Kəpɔŋ kəmboc kələŋcər Yurdɛn nəna kɔ səna dacɔ, aRuben, kɔ aKadu, ali tes teyi f' on sɔ dacɔ kɔ Kanu Kəpɔŋ!› Teta awut anu tendesɔŋɛ ta awut asu ŋaŋnesɛ sɔ Kanu Kəpɔŋ-ɛ.
6505	JOS 24:27	Kɔ Yosuwe oloku afum fəp: «Nəgbətnɛ pi, tasar pampɛ peyi su dacɔ, bawo pi pɛtəŋnɛ moloku mmɛ Kanu Kəpɔŋ kənaloku su mɔ fəp. Sede sɔ pɔyɔnɛ kɔ nəlukus Kanu darəŋ-ɛ.
7145	RUT 1:16	Mba kɔ Rut oloku kɔ: «Ta məsɔŋ’em kəsak’əm, məsɔŋ’em kəluks’əm darəŋ! Nde məŋkɔ mɔ, di fɔ ina sɔ indekɔ. Nde məndeyi mɔ, ina sɔ di fɔ indekɔ-yi. Afum am, afum em ŋɔ. Kanu kam, Kanu kem kɔ.
24991	LUK 1:29	Kɔ toloku tatɔkɔ tɔsɔŋɛ kɔ pəyi Mari yama-yama. K’eyifnɛ ntɛ kəyif kaŋkɔ kəloku mɔ.
25079	LUK 2:37	Kɔ wos ende pəfi, k’eyi oŋ ta ɔyɔ wərkun-ɛ. Hana pəsɔtɔ meren 84 k’eyi, ta ɔmbɔlɛ kəlɔ kəpɔŋ ka Kanu-ɛ pəc-bəc mɛfaŋ ma Kanu daŋ kɔ pibi kəlok-lokər Kanu kɔ kəsuŋ disrɛ.
25085	LUK 2:43	Ntɛ mataka ma kəsata melip mɔ, kɔ akombəra a Yesu ŋasumpər dɔpɔ kəlukus ndaraŋan, mba kɔ wan Yesu nkɔn eyi Yerusalɛm, ta akombəra ɔn ŋaŋcərɛ ti-ɛ.
25112	LUK 3:18	Saŋ oŋc-loku sɔ afum moloku mɔtɔt pəc-yeŋkəs ŋa sɔ bəkəc bel-bel.
25193	LUK 5:17	Dɔsɔk dɔlɔma Yesu pəc-təksɛ. AFarisi kɔ atəksɛ a sariyɛ ŋandɛ. Ŋayɛfɛ-yɛfɛ sədare sa tɔf ya Kalile kɔ Yude, kɔ dare da Yerusalɛm. Kɔ fənɔntər fa Kanu Kəpɔŋ fəyi kɔ Yesu, ntɛ tɔŋsɔŋɛ pəc-taməs acuy mɔ.
25216	LUK 6:1	Simiti səlɔma, dɔsɔk da kəŋesəm, kɔ Yesu eyi kəcali dalɛ, kɔ acɛpsɛ ɔn darəŋ ŋaŋŋosəru malɔ ŋac-gbac-gbaci mi ŋac-sɔm.
25222	LUK 6:7	Atəksɛ sariyɛ kɔ aFarisi ŋaŋkɔkcɛ Yesu bel-bel, kɔ pəyɔnɛ fɔ ɔŋkɔtaməs fum simiti, dɔsɔk da kəŋesəm-ɛ. Ŋanayɔ ti ntɛ tɔŋsɔŋɛ ŋasɔtɔ teyemsɛnɛ kɔ mɔ.
25279	LUK 7:15	Kɔ wəfi ɛyɛfɛ k’ɛndɛ, k’oŋcop kəlok-loku. Kɔ Yesu oluksɛ wəfi nwɛ kɛrɛ.
25337	LUK 8:23	Ŋayi kəcali, kɔ Yesu endirərnɛ. Kɔ afef ŋɔpɔŋ ŋɛyɛfɛ kəwur dəkəba kɔ abil ŋɛfaŋ kəkalɛ, kɔ ŋayi dəpəwɛy-wɛy.
25355	LUK 8:41	Kɔ fum wəlɔma, pac-we kɔ Sayirus, nwɛ ɛnayɔnɛ wəbɛ wəka dəkəcəpəs mɔ, owur nde pəc-der. Kɔ Sayirus ɛfəntərɛ dəntɔf, k’osumpər Yesu wɛcək, pəc-lɛtsɛnɛ kɔ kəwosɛ kəder ka kəlɔ kɔn.
25356	LUK 8:42	Bawo ɛnayɔ wan wəran wəkin gboŋ, nwɛ ɛnasɔtɔ meren wəco kɔ mɛrəŋ mɔ, pəc-fi. Ntɛ ɛyɛfɛ kəkɔ mɔ, kɔ kənay kəmɛpnɛ kɔ haŋ ŋac-yaməsər kɔ kəŋesəm.
25357	LUK 8:43	Wəran wəlɔma ɛnayi di, wəkakɔ pəc-yak kəyɛfɛ ka meren wəco kɔ mɛrəŋ ta pəŋcəmbərəs-ɛ. Wəran nwɛ ɛnabɛrsɛ daka dɔn fəp nnɔ atɛn cɔl ŋayi mɔ, ntɛ tɔŋsɔŋɛ pataməs kɔ mɔ. Mba ali fum ɛnatam fɛ kətaməs kɔ.