24967	LUK 1:5	Tɛm ntɛ Herodu ɛnayɔnɛ wəbɛ ka atɔf ŋa Yude mɔ, wəloŋnɛ ka Kanu wəlɔma ɛnayi pac-we kɔ Yakariya, wəka kəgba ka aloŋnɛ nkɛ aŋc-wenɛ wətem Abiya mɔ ɛnayɔnɛ; wəran kɔn pəwur dokom da Aruna, pac-we kɔ Elisabɛt.
24971	LUK 1:9	Pəmɔ tɔkɔ aloŋnɛ a Kanu ŋaŋyɔ ti mɔ, k’aŋgbal kɔla; kɔ kɔla kəmentər Yakariya dɔsɔk dadɔkɔ kəbɛrɛ ka dəkəfo kəcempi ka kəlɔ kəpɔŋ pəkɔ-motɛ Kanu Kəpɔŋ curay.
24976	LUK 1:14	Wan wəkakɔ endesɔŋ’am kəyekti domp pəbɔt’əm sɔ mes; kəkom kɔn kəndesɔŋɛ afum alarəm kəselsər.
24977	LUK 1:15	Bawo fum wəpɔŋ endeyi fɔr ya Kanu Kəpɔŋ kiriŋ; ɔfɔde pəc-mun member, ɔfɔde pəc-mun yomunəs nyɛ yeŋcisəs mɔ, endelarɛ Amera Ŋecempi ŋa Kanu pəsɔrɔ-yi kɛrɛ dəkor.
24990	LUK 1:28	Kɔ mɛlɛkɛ mɛmbɛrɛ ndena Mari, kɔ moloku: «Pəbɔt’əm, məna nwɛ Kanu kəmar kəfili mɔ; Kanu Kəpɔŋ kəsol’am!»
25000	LUK 1:38	Kɔ Mari oloku: «Kanu kəyɔn’em tatɔkɔ məntɛp kəc-loku mɔ. Wəcar ka Kanu Kəpɔŋ iyɔnɛ; intola teyi pəmɔ tantɛ məlok’im ti mɔ.» Kɔ mɛlɛkɛ mɛyɛfɛ kɔ day kɔ mɔŋkɔ.
25009	LUK 1:47	Amera ŋem ŋɛlarɛ pəbotu teta Kanu Kəpɔŋ Wəyac kem;
25013	LUK 1:51	Kəmentər fənɔntər fa kəca kɔn: kɔ kəsaməsər afum akɔ ŋanabɛk bəkəc mɔ;
25015	LUK 1:53	Kɔ kəsɔŋɛ kənɛmbərɛ pətɔt aŋɛ dor dɛnayɔ mɔ; kɔ kəmbɛləs akɔ ŋanayɔ daka mɔ waca wɔsɔkər.
25026	LUK 1:64	Kɔ kusu kɔn kəmepɛ katina, kɔ temer tɔn tɛyɛfɛ; k’ɛyɛfɛ kəkor-koru ka Kanu.
25080	LUK 2:38	Kɔ nkɔn ɔŋkɔ sɔ pəbɛrɛ di tɛm tatɔkɔ Simɔŋ oŋc-loku teta wan pəc-kor-koru sɔ Kanu mɔ; pəc-yif Kanu nəwali, pəc-loku teta wan akɔ ŋaŋc-kar Kanu kədeyac Yerusalɛm mɔ.
25111	LUK 3:17	Pətɔmpər kəgbo kɔn pəc-fɛŋət kur kɔn; endecɛŋ-cɛŋ yika nyɛ endecɔfɛ nɛŋc ndɛ dɔntɔdenimɛ mɔ, pəlɛk malɔ mɔn pəbɛr dəkɛlɛ.»
25138	LUK 4:6	Kɔ səloku kɔ: «Indesɔŋ’əm kətam fəp kɔ pəmot pa pəlel pa dɛbɛ da tɔf yayɛ fəp; bawo anasɔŋ’im yi, ina sɔ ic-tam kəsɔŋ yi nwɛ o nwɛ iŋfaŋ mɔ.
25150	LUK 4:18	«Amera ŋa Kanu Kəpɔŋ ŋey’im kəroŋ, bawo Kanu kəyɛk-yɛk’im ntɛ tɔsɔŋɛ iloku afum atɔyɔ daka toloku tɔtɔt mɔ; Kanu kəsom’im kədedəŋk kəyac ka acar aŋɛ asumpər dəkəwan mɔ. Ideloku atɔnəŋk a ŋandenəŋk; kədekekərɛ aŋɛ ŋayi kətam disrɛ mɔ, bəkəc yoforu disrɛ
25163	LUK 4:31	Kɔ Yesu ontor dare da Kapɛrnayum atɔf ŋa Kalile; k’ɔŋkɔ pəc-təksɛ simiti, dɔsɔk da kəŋesəm.
25175	LUK 4:43	Mba k’oloku ŋa: «Nəsak’im ikɔ-dəŋk sɔ sədare səlɔma moloku mɔtɔt ma dɛbɛ da Kanu; bawo itɔ anasom’em.»
25224	LUK 6:9	Kɔ Yesu eyif ŋa: «Ic-yif’un ma: Cəke cɔ awosɛ kəyɔ ka simiti, dɔsɔk da kəŋesəm-ɛ? Pəmar payɔ pətɔt, ka pəlɛc pɔ pəmar payɔ; pataməs fum, ka pace kɔ pəfi?»
25229	LUK 6:14	K’ewe Simɔŋ, nwɛ ɛnasɔŋ tewe ta Piyɛr mɔ; kɔ wɛŋc Andəre, Sak, Saŋ kɔ Filip, Bartelemy,
25245	LUK 6:30	Məpocɛ nwɛ o nwɛ ontol’am mɔ; kɔ fum ɛlɛkər’əm paka mpɛ pɔyɔnɛ pam mɔ, ta məwerəs kɔ pi.
25252	LUK 6:37	«Ta nəcin fum, afɔkɔ-cin nu; ta nəboc kiti ka Kanu nnɔ fum eyi mɔ, afɔdekɔ-kiti nu; nəŋaŋnɛnɛ akɔ, andekɔ-ŋaŋnɛn’on.
25255	LUK 6:40	Ali wətəkəs wəkin eŋcepər fɛ wətəksɛ kɔn; mba wətəkəs nwɛ ɛntəkəs bel-bel mɔ, eŋyi pəmɔ wətəksɛ kɔn.
25276	LUK 7:12	Ntɛ ŋalɔtərnɛ kəbɛrɛ ka dare mɔ, kɔ ŋambəpɛnɛ kɔ afum ŋaŋc-kekərɛ fum wəfi dəkəwup, mba fum nwɛ sona gboŋ sɔ kɛrɛ ɛnakom kɔ; wos pəfi sɔ. Afum alarəm a dare dadɔkɔ ŋaŋc-kekərɛ wəfi wəkakɔ dəkəwup.
25280	LUK 7:16	Kɔ fəp fənesɛ; kɔ ŋayɛfɛ kəcam debeki da Kanu, ŋac-loku: «Wədəŋk wəka Kanu wəpɔŋ ɛyɛfɛ su dacɔ! Kɔ Kanu kənder kəmar afum ɔn!»
25293	LUK 7:29	Afum aŋɛ ŋanane kɔ kəlok-loku mɔ fəp, kəbəp awerəs dut, kɔ ŋawosɛ dolompu da Kanu; ti disrɛ kɔ ŋawosɛ a Saŋ pəgbət ŋa dəromun;
25308	LUK 7:44	Kɔ Yesu ɛŋkafəlɛ k’ɛntɛfərnɛ wəran nwɛ, k’oloku Simɔŋ: «Mənəŋk wəran nwɛ? Imbɛrɛna nnɔ kəlɔ kam mba məsɔŋna f’em domun ibikɛnɛ wɛcək; mba nkɔn ɛŋcaŋkəsɛ wɛcək wem mɛŋcər mɔn, k’ɛfɛŋətɛ wi cəfon cɔn.
25315	LUK 8:1	Ntɛ tɛyɛfɛ dənda mɔ, kɔ Yesu ende pəc-kɔt sədare; pəc-kawandi pəc-dəŋk moloku mɔtɔt ma dɛbɛ da Kanu. Ŋasol kɔ Asom ɔn wəco kɔ mɛrəŋ,
25316	LUK 8:2	kəbɛrɛnɛ ka aran alɔma aŋɛ ɛnataməs docu da dis kɔ da yɔŋk yɛlɛc mɔ: Mari wəkɔ aŋc-we «Wəka Makdala» mɔ, nwɛ anabɛləs yɔŋk yɛlɛc camət-mɛrəŋ mɔ;
25320	LUK 8:6	Kɔ mɛŋgbɛn mɔlɔma mɛntɛmpɛnɛ dəmasar; ntɛ mompoŋ mɔ, kɔ mowos, bawo mɛnayɔ fɛ pədəm.
25322	LUK 8:8	Kɔ mɛŋgbɛn mɔlɔma mɛntɛmpɛnɛ antɔf ŋɔtɔt kəroŋ. Ntɛ mamɔkɔ mompoŋ mɔ, kɔ yoŋkoməs; kɔ popoŋ mpɛ o mpɛ poŋkom mɛŋgbɛn tasar tin (100).» Yesu oŋc-loku toloku tatɔkɔ, pəc-gbəŋɛ: «Məna nwɛ məŋyɔ ləŋəs məc-ne mɔ, məcəŋkəl!»
25324	LUK 8:10	K’oloku: «Nəna ŋɔ asɔŋ kəcərɛ mɔgbɔpənɛ ma dɛbɛ da Kanu; kɔ akɔ dəcapafɔ aloku ŋa ti, mba: ‹Ŋagbətnɛ kɔ ŋantɔ kəc-nəŋk; kɔ ŋaŋcəŋkəl ta ŋaŋne-ɛ.›»
25326	LUK 8:12	Mɛŋgbɛn mmɛ mɛntɛmpɛnɛ dɔpɔ dacɔ mɔ, mi mɔyɔnɛ afum aŋɛ ŋaŋne mɔ; ŋɔŋk ŋɛlɛc ŋeder ŋeliŋ ŋa dəbəkəc toloku ta Kanu tɔkɔ ɛnane mɔ, ntɛ tɔŋsɔŋɛ payaməsər ŋa kəlaŋ nkɛ kəntam kəyac ŋa mɔ.
25330	LUK 8:16	«Nwɛ o nwɛ ɔfɔmot lamp a pəkufun di kaloŋi, ɔfɔsɔ-bɛrsɛnɛ di kəfəŋc dəntɔf; mba ɛndɛt di kədɛt dəm, ntɛ tɔŋsɔŋɛ aŋɛ ŋambɛrɛ dukəlɔ mɔ, ŋanəŋknɛ pəwaŋkəra.
25332	LUK 8:18	Nəkɛmbərnɛ tɔkɔ nəŋcəŋkəl mɔ; bawo andekɔ-bɛrɛnɛ akɔ ŋayɔ mɔ; pabelər akɔ ŋantɔyɔ mɔ ali pɔkɔ ŋaŋgbɛkər mera kəyɔnɛ paŋan mɔ.»
25376	LUK 9:6	Kɔ asom aŋɛ ŋawur ŋac-kɔt sədare; ŋac-dəŋk toloku tɔtɔt ta Kanu, ŋac-taməs acuy mofo fəp.
25377	LUK 9:7	Ntɛ Alkaly Herodu ene mes mmɛ meŋc-cepər mɔ, kɔ pəŋciyanɛ kɔ. Bawo alɔma ŋaŋc-loku a Saŋ entimɛ afi dacɔ;
25382	LUK 9:12	Ntɛ dec dɛyɛfɛ kəkalɛ mɔ, kɔ Asom ɔn ŋalɔtərnɛ kɔ ŋac-loku: «Məyɔ oŋ məsak afum akaŋɛ ŋakɔ ŋatɛn dəkədirɛ kɔ yeri nde sədare nsɛ səŋkɛl nnɔ mɔ; bawo dətɛgbɛrɛ ayi wəkawɛ.»
25389	LUK 9:19	K’acɛpsɛ ɔn darəŋ ŋaloku kɔ: «Ntɛ alɔma ŋaloku mɔ, a Saŋ wəgbət afum dəromun məyɔnɛ, k’alɔma ŋaloku a Eliya məyɔnɛ; alɔma a wədəŋk wəka Kanu wəcɔkɔ-cɔkɔ wəlɔma ɔ məyɔnɛ nwɛ ɛyɛfɛ afi dacɔ mɔ.»
25392	LUK 9:22	K’ɔnɔcər a pənamar dis dɔlɔl Wan ka fum bel-bel; abeki, aloŋnɛ apɔŋ kɔ atəksɛ sariyɛ ŋabɛləs kɔ; padif kɔ; pəyɛfɛ defi tataka tɔn ta maas.
25394	LUK 9:24	Bawo, nwɛ o nwɛ ɛfaŋ kəyac kəyi doru kɔn mɔ, kəŋsalpər kɔ; mba nwɛ o nwɛ ɔ kiyi kɔn doru kəsalpər kɔ tetem mɔ, ɛyac ki.
25402	LUK 9:32	Tɛtəŋnɛ Piyɛr k’asol ɔn ŋac-dirɛ pəpɔŋ; ntɛ ŋantimɛ mɔ, kɔ ŋanəŋk Yesu pəmot pa debeki da Kanu disrɛ, kɔ afum mɛrəŋ akɔ ŋanacəmɛ kɔ nkɔn mɔ.
25409	LUK 9:39	Ŋɔŋk ŋɛlɛc ŋɔlɔma ŋɛmbɛrɛ kɔ, kɔ ŋɔsɔŋɛ kɔ kəkulɛ-kulɛ gbəŋcana babɔkɔ, kɔ ŋeyikəc kɔ pəpɔŋ, kɔ ŋɔsɔŋɛ kɔ kəfoc kəwur kɔ dəkusu; kɔ ŋɔlɔləs kɔ dis, a kɔ ŋendesak kɔ.
25415	LUK 9:45	Mba acɛpsɛ ɔn darəŋ ŋanacərɛ fɛ tedisrɛ ta toloku tatɔkɔ oŋc-loku mɔ; tɛnagbɔpnɛ ŋa, ntɛ tɔŋsɔŋɛ ta ŋaŋcərɛ ti mɔ. Kɔ ŋanesɛ kəyifət kɔ tedisrɛ ta toloku tatɔkɔ.
25418	LUK 9:48	Kɔ Yesu oloku ŋa: «Nwɛ o nwɛ ɛbaŋ wan wəkawɛ kəbaŋ kətɔt tetem, ɛmbaŋ’im ina sərka pətɔt; nwɛ o nwɛ ɛbaŋ’im, ɛmbaŋ wəkɔ osom’im mɔ. Bawo fum wəkɔ ɛŋcəmbərnɛ dəkəcəmɛ dɛfɛt mɔ, ɔyɔnɛ wəkɔ eŋcepər nu fəp.»
25419	LUK 9:49	Kɔ Saŋ ɛlɛk moloku k’oloku: «Wətəksɛ sənanəŋk fum wəlɔma pəc-bɛləsɛ yɔŋk yɛlɛc tewe tam; kɔ səfaŋ kəmɔnɛ kɔ, bawo wəkayi ɛŋcəmɛ f’am darəŋ pəmɔ səna.»
25420	LUK 9:50	Kɔ Yesu oloku kɔ: «Ta nəmɔnɛ kɔ ti; bawo fum nwɛ ɔntɔc’am mɔ, ɛfaŋ’əm.»
25428	LUK 9:58	Kɔ Yesu oloku kɔ: «Yeterer yɔyɔ bi kɔ bɛmp yɔyɔ wɔlɔ wa yi; mba Wan ka fum ɔyɔ fɛ nnɔ ɛntam kəboc domp mɔ.»
25430	LUK 9:60	Kɔ Yesu oloku fum wəkakɔ: «Məsak afi ŋawup afi; kɔ məna, məkɔ mədəŋk dɛbɛ da Kanu.»
25438	LUK 10:6	Kɔ pəyɔnɛ, fum wəka pəforu eyi kəlɔ kaŋkɔ-ɛ, pəforu ponu peŋyi kɔ kəroŋ; kɔ pəyɔnɛ fɛ ti-ɛ, pəforu papɔkɔ poluksərn’on.
25439	LUK 10:7	Nəyi kəlɔ kaŋkɔ, nədi yeri, nəmun domun da kəlɔ kaŋkɔ; bawo pəmar pasɔŋ wəbəc kəway kɔn. Ta nəc-cal-cali wɔlɔ de!
25443	LUK 10:11	‹Səŋkoŋər’un kəbof ka dare donu ali nkɛ kəsoptɛ su dəwɛcək mɔ, səluks’on ki; nətam kəcərɛ a dɛbɛ da Kanu dɔlɔtərnɛ.›
25456	LUK 10:24	Bawo adəŋk a Kanu kɔ abɛ a tɔf yɛlarəm ŋanafaŋ kənəŋk mmɛ nəyi kənəŋk mɔ, mba ŋananəŋk fɛ mi; ŋanafaŋ kəne mmɛ nəyi kəne mɔ, mba ŋanane fɛ mi.
25463	LUK 10:31	Kɔ tosurɛnɛ wəloŋnɛ wəlɔma osolnɛ sɔ dɔpɔ din dadɔkɔ; ntɛ wəloŋnɛ nwɛ ɛnəŋk fum wəkɔ anasut mɔ, k’eŋcepər dɔpɔ ntende pəbɔlɛ kɔ.
25464	LUK 10:32	Kɔ wəLewy wəlɔma ender sɔ kəfo kin kaŋkɔ; kɔ wəkakɔ sɔ ɛnəŋk fum nwɛ, kɔ nkɔn sɔ eŋcepər ntende pəbɔlɛ kɔ.
25466	LUK 10:34	Kɔ wəSamari nwɛ ɔlɔtərnɛ fum nwɛ, k’oloŋər ruŋc yɔn member, k’ɔmbɔy yi moro; k’esektər yi. Kɔ wəSamari nwɛ ɛlɛk fum wəkakɔ k’endeŋ kɔ pɔkɔtɛnɛ pɔn kəroŋ, k’eŋkekərɛ kɔ karwaŋse kəlɔma, k’ɔŋkɔ pəboc kɔ di, k’ɛŋcəmɛ tetɔn.
25476	LUK 11:2	Kɔ Yesu oloku ŋa: «Kɔ nənde kəc-lok-lokər Kanu-ɛ, nəloku: Papa! Pacərɛ decempi da tewe tam; Dɛbɛ dam deder!
25477	LUK 11:3	Məc-sɔŋ su dɔsɔk o dɔsɔk kəcom kosu ka dɔsɔk;
25483	LUK 11:9	Kɔ ina, ilok’un: Nətola, aŋsɔŋ’un; nətɛn, nəŋnəŋk; nəsut-sut kumba, aŋgbitɛ nu.
25484	LUK 11:10	Bawo məna nwɛ məntola mɔ, ampoc’am; məna nwɛ məntɛn mɔ, məŋnəŋk; pagbitɛ nwɛ oŋsut-sut kumba mɔ.
25500	LUK 11:26	Awa! Kɔ ŋɔŋk ŋɛlɛc ŋaŋɔkɔ ŋɔŋkɔ, ŋɛtɛn akos aŋi yɔŋk yɛlɛc camət-mɛrəŋ nyɛ yɛnanaŋkanɛ kəlɛcɛ yɛtas ŋi mɔ; kɔ ŋosolɛ yi kɔ yender yɛcəmɛ fum nwɛ darəŋ. Awa, kɔ pəlɛc pɛnaŋkanɛ fum wəkakɔ pətas tɔkɔ pənayi kɔ mɔ.»
25503	LUK 11:29	Ntɛ kənay kəŋc-mɛpnɛ Yesu mɔ, kɔ ŋayɛfɛ kəloku: «Afum a ndɛkəl ŋantesɛ fɛ; tɔyɔ tɛgbɛkərɛ ntɛ tɛyɛfɛ ndena Kanu mɔ tɔ ŋafaŋ kənəŋk; mba ali tin afɔsɔ-mentər ŋa kɔ pəyɔnɛ fɛ ta Yunusa-ɛ.
25508	LUK 11:34	Dɔfɔr dam dɔyɔnɛ lamp da dis. Kɔ dɔfɔr dam dentesɛ-ɛ, dis dam fəp doŋmotnɛ; mba kɔ dɔfɔr dam dɔntɔtesɛ-ɛ, dis dam sɔ kubump kɔ deŋyi.
25516	LUK 11:42	Mba pəlɛcər’un nəna aFarisi! Bawo nəŋsɔŋ Kanu farilɛ fa mɛrkɛt kɔ malaŋkan; mba nəc-pələr dolompu kɔ kəbɔtər ka Kanu. Tatɔkɔ tɔ pəmar payɔ, ta ampələrnɛ tɔkɔ-ɛ.
25526	LUK 11:52	«Pəlɛcər’un, nəna atəksɛ a sariyɛ! Bawo nəliŋ tasapa pa kəcərɛ; nəna sərka nəmbɛrɛ fɛ, nəwosɛ fɛ sɔ acuru ŋabɛrɛ akɔ ŋanafaŋ kəbɛrɛ mɔ.»
25531	LUK 12:3	Itɔ ɔsɔŋɛ ntɛ o ntɛ tɔ nəloku kubump, andene ti daŋ peŋ; kɔ ntɛ məŋmɛŋkəs fum dɛləŋəs dukəlɔ mɔ, andedəŋk ti kəlɔ kəroŋ.»
25535	LUK 12:7	Ali cəfon ca domp donu alɔm ci fəp. Ta nənesɛ; bawo pəlel ponu peŋcepər pa gbaŋa yɛlarəm!»
25536	LUK 12:8	«Ic-lok’un ti: Nwɛ o nwɛ owosɛ afum alarəm dacɔ a wəcɛpsɛ kem darəŋ ɔyɔnɛ; Wan ka fum endesɔrəmnɛ-wosɛ nnɔ fɔr ya mɛlɛkɛe a Kanu kiriŋ, a wəkɔn fum wəkakɔ ɔyɔnɛ.
25538	LUK 12:10	Nwɛ o nwɛ oloku pəlɛc pa Wan ka fum, andekɔ-ŋaŋnɛnɛ wəkayi; mba nwɛ o nwɛ ɔlɔməs Amera Ŋecempi ŋa Kanu, afɔdekɔ-ŋaŋnɛnɛ kɔ.»
25539	LUK 12:11	«K’ande pac-liŋəs’un kəkekərɛ nde dəkəcəpəs-ɛ, kɔ pəyɔnɛ fɛ ti nda aboc kiti, kɔ pəyɔnɛ fɛ ti abɛ-ɛ, ta nəcɛm-cɛmnɛ ntɛ nəŋkɔyacnɛ, kɔ tɔkɔ nəŋkɔloku mɔ;
25547	LUK 12:19	Kɔ tɛyɛfɛ dənda-ɛ, ilokunɛ dɛbəkəc: «Iyɔ daka dɛlarəm dɛmɛŋkərnɛ meren mɛlarəm; iŋesəm oŋ, idi, imun iwoləs.»›
25548	LUK 12:20	Mba kɔ Kanu kəloku kɔ: ‹Məna Wəbəc, Wətɔcərɛ tes! Pibi pa mɔkɔ yati pɔ andewer’əm kiyi kam doru; tɔkɔ məlompəs mɔ, anɔ ɔ məndesakərɛ ti-ɛ?›»
25559	LUK 12:31	Nətɛn dɛbɛ da Kanu; nkɔn Kanu endesɔŋ’un yɛləpəs yɔkɔ.»
25561	LUK 12:33	Nəcaməs daka donu, nəpocɛ kəway kaŋkɔ atɔyɔ daka. Ntɛ tɔŋsɔŋɛ nəmɛŋkərnɛ daka da alna ndena Kanu mɔ. Daka da ndena Kanu dɔfɔlip! Dəndo wəke eyi fɛ nwɛ ɔŋlɔtərnɛ di mɔ; ate ŋeyi fɛ nŋɛ ŋɔŋsɔm di mɔ.
25581	LUK 12:53	Kas kəgbɛy wan wərkun, wan wərkun pəgbɛy kas; kɛrɛ kəgbɛy wan wəran, wan wəran pəgbɛy kɛrɛ; kɔŋcəra kəgbɛy wəran ka wan kɔn, wan-sɔ pəgbɛy kɔŋcəra.»
25584	LUK 12:56	Nəna Abaŋɛnɛ dofum! Nəntam kəcərɛ mɛgbɛkərɛ ma tɔkɔ antɔf kɔ kɔm yeŋyi mɔ; ta ake tɔ nəntɔtam kəcərɛnɛ tɛgbɛkərɛ ta tɛm tantɛ, ntɛ tɛyɛfɛ ndena Kanu mɔ-ɛ?»
25595	LUK 13:8	Kɔ wəbum ka dalɛ oloku kɔ: ‹Wəbɛ, məsak kətɔk kəkom kaŋkɛ kəren nkɛ gbəcərəm pamɔmən sɔ; indekay haŋ inɔŋkər, ibɛr ma sɔ ŋcɛk-cɛk-a.
25598	LUK 13:11	Wəran wəlɔma ɛnayi dənda nwɛ ŋɔŋk ŋɛlɛc ŋɛnasɔŋɛ kətɔ-kɔt kəyɛfɛ meren wəco kɔ camət-maas mɔ; ɛnanutnɛ, ta ɛntam kətɛŋcɛ-ɛ.
25604	LUK 13:17	Yesu kəloku moloku mamɔkɔ, kɔ tɔsɔŋɛ ater ɔn fəp kəlapərnɛ; mba pənabɔt kənay fəp, mɔyɔ mɔpɔŋ mamɔkɔ Yesu ɔŋc-yɔ mɔ.
25617	LUK 13:30	Tɛm tatɔkɔ, alɔma aŋɛ ŋayɔnɛ mɔkɔ aləpsər mɔ, ŋandekɔ-yɔnɛ akiriŋ; akɔ ŋayɔnɛ akiriŋ mɔ, ŋayɔnɛ aləpsər.»
25620	LUK 13:33	Mba mɛnɛ ikɔt mɔkɔ, alna kɔ dɔsɔkɔ; bawo pəmar fɛ wədəŋk wəka Kanu efi kəfo kəcuru ta pəyɔnɛ Yerusalɛm-ɛ.»
25621	LUK 13:34	«Yerusalɛm! Yerusalɛm! Nŋɛ ŋendif adəŋk a Kanu mɔ, ŋɛc-cacas aŋɛ Kanu kəsom nnɔ ŋeyi mɔ; pənabas’im kəloŋka ka awut’am pəmɔ ntɛ acɔkɔ ŋokombəra ŋoŋloŋka awut baŋca ya ŋi dəntɔf mɔ! Mba kɔ nəntɔfaŋ ti.
25633	LUK 14:11	Nwɛ o nwɛ ɛlɛknɛ, andetorɛ kɔ; nwɛ o nwɛ otorɛnɛ andepɛnɛ kɔ.»
25640	LUK 14:18	Mba kɔ kan-kan ɛyɛfɛ kəlɛtsɛnɛ kɔ. Kɔ wəcɔkɔ-cɔkɔ oloku kɔ: ‹Məŋaŋnɛn’em, dalɛ d’ iway idɔ pəmar ikɔ imɔmən; ilɛtsɛn’am ta məsumpər’em ti!›
25689	LUK 15:32	Mba pəmar yati paboc kəsata, pawoləs: Bawo wɛŋc’əm wəkawɛ məŋnəŋk mɔ, ɛnafi, k’olukus sɔ kəyi doru; ɛnasɔlɛ, k’anəŋk kɔ sɔ.›»
25702	LUK 16:13	Ali wəcar wəkin ɔfɔtam kəbəcɛ abɛ mɛrəŋ. Kɔ pəyi ti-ɛ, enter wəkin pəbɔtər wəka mɛrəŋ; kɔ pəyɔnɛ fɛ ti-ɛ, pəcəŋkəlɛ wəkin ta ɛŋcəŋkəlɛ wəka mɛrəŋ-ɛ. Nəfɔtam kəbəcɛ Kanu kɔ pəsam.»
25704	LUK 16:15	Kɔ Yesu oloku ŋa: «Nəna, nəŋcəmbərnɛ afum alompu nnɔ awɛŋc’un aŋa ŋayi mɔ, mba Kanu kəŋcər’on bəkəc; bawo ntɛ afum ŋampɛnɛ dareŋc mɔ, itɔ Kanu nkɔn eŋce.
25708	LUK 16:19	«Wəka daka wəlɔma ɛnayi, pəc-bɛrnɛ yamos yɔtɔt, yeyeŋki kəway; dɔsɔk o dɔsɔk pəyi pətɔt disrɛ, pəc-di yeri yɔtɔt.
25712	LUK 16:23	Nde kəfo nkɛ afi ŋaŋkɔ mɔ, kɔ wəka daka eyekti fɔr; k’ɛnəŋk pəbɔlɛ Abraham kɔ Lasar pəc-ŋesəm kɔ kəsək.
25713	LUK 16:24	Kɔ wəka daka nwɛ oŋkulərnɛ: ‹Papa Abraham, məyɔn’em nɔnɔfɔr! Məsom Lasar pəgbət tɛlər tɔn dəromun pəder pəcaŋkəs’im temer; bawo kətɔrɔ k’indɛ nnɔ nɛŋc dandɛ.›
25718	LUK 16:29	Kɔ Abraham oloku: ‹Ala, awɛŋc’əm aŋa ŋayɔ Musa kɔ adəŋk a Kanu; ŋacəŋkəl ŋa.›
25723	LUK 17:3	Nəkɛmbərnɛ bel-bel! Kɔ wɛŋc’əm eŋciya-ɛ, məgbəŋ-gbəŋər kɔ; k’ɛsəkpər amera pəcəmɛ pəlompu darəŋ-ɛ, məŋaŋnɛnɛ kɔ.
25728	LUK 17:8	Ntɛ oŋloku kɔ mɔ: ‹Məlompəs’em yeri yem, məbɛrnɛ duma məsɔŋ’im yeri, haŋ ilip kədi yeri imun; k’ilip-ɛ, məna mədi yeri məmun.›
25730	LUK 17:10	Tin tayi tɔ kɔ nəna, kɔ nəlip k’ɔyɔ mes mɔkɔ afaŋər’un mɔ fəp-ɛ, nəloku: ‹Acar gbəcərəm ŋɔ səyɔnɛ; ntɛ pəmar su kəyɔ mɔ, tɔ səyɔ.›»
25732	LUK 17:12	Eyi kəbɛrɛ tadare tɔlɔma, kɔ afum wəco aka sen alɔma ŋander ŋafaynɛ kɔ; kɔ ŋaŋcəmɛ pəbɔlɛ.
25754	LUK 17:34	Ic-lok’un: Pibi papɔkɔ, afum mɛrəŋ ŋandefəntərɛ kəfəŋc kin, pasumpər wəkin pasak wəkɔ;
25761	LUK 18:4	Kɔ wəboc kiti nwɛ ɛfatər kɔ haŋ, k’ende pəlokunɛ dɛbəkəc: ‹Ali ntɛ intɔcərɛ Kanu, ta ileləs nwɛ o nwɛ mɔ;
25767	LUK 18:10	«Kɔ afum mɛrəŋ ŋampɛ kəkɔ-tola Kanu nde kəlɔ kəpɔŋ ka Kanu; wəkin nwɛ pəyɔnɛ wəFarisi, wəkɔ pəyɔnɛ wəwerəs dut.
25771	LUK 18:14	Ic-lok’un: Fum wəkakɔ ɛnalomp nnɔ Kanu kəyi mɔ, a k’endelukus nde ndɔrɔn; mba wəFarisi ɛnalomp fɛ nnɔ Kanu kəyi mɔ. Nwɛ o nwɛ ɛlɛknɛ, andetorɛ kɔ; nwɛ o nwɛ otontnɛ, andepɛnɛ kɔ.»
25777	LUK 18:20	Məŋcərɛ mosom ma Kanu: Ta məsumpər dalakɔ; ta mədif fum; ta məkiyɛ; ta məbaŋɛ fum yem disrɛ; məleləs akombəra am- papa kam kɔ iya kam.»
25789	LUK 18:32	Bawo andekɔ-bɛr kɔ atɔyɔnɛ Suyif dəwaca; andekɔ-fani kɔ, andekɔ-tɔrəs kɔ, andekɔ-yuksər kɔ lin,
25803	LUK 19:3	pəc-tɛn kəcərɛ fum nwɛ aŋwe Yesu mɔ; mba ɛŋc-tam fɛ ti, bawo afum ŋanala, nkɔn pəbumpsɛnɛ.