5995	JOS 7:17	Kɔ Yosuwe ɔŋcɔŋɛnɛ Yuda cor cor, k’ɔŋcɔkər kor ka Sera. K'ɔŋcɔŋɛnɛ kor ka Sera wɔlɔ wɔlɔ, k'ɔŋcɔkər kəlɔ ka Sabidi.
6007	JOS 8:3	Kɔ Yosuwe ɛyɛfɛ kɔ asɔdar ɔn fəp kəpɛ ka Hay. Kɔ Yosuwe ɛyɛk-yɛk asɔdar ayeŋki dis mɛcəp wəco maas, k’oloku ŋa kəkɔ Hay pibi.
6093	JOS 10:27	Dec dɔrɔfɔy, kɔ Yosuwe oloku a padeti ŋa dətɔk dəndo anagbɛk ŋa mɔ. K’aŋkɔ pagbal ŋa dəndo ŋanagbɔpnɛ mɔ, k'asuŋcɛ kusuŋka ka tɔgbɔkɛnɛ tatɔkɔ masar mɔpɔŋ. Tatɔkɔ tɔ pəsɔrɔyi dənda haŋ mɔkɔ.
6430	JOS 22:2	K’oloku ŋa: «Nəyɔ tɔkɔ Musa wəcar ka Kanu Kəpɔŋ ɛnalok' un mɔ fəp, kɔ nəŋcəŋkəl sɔ dim dem, tɔkɔ ilok' un mɔ.
7138	RUT 1:9	Intolanɛ nu: Kanu Kəpɔŋ kəpocɛ nu nwɛ o nwɛ pəforu nda wərkun!» K’oncup ŋa, kɔ ŋayɛfɛ kəbok.
7140	RUT 1:11	Kɔ Noyemi oloku: «Nəlukus aran a awut em! T’ ake tɔ nəndecɛpsɛn’em darəŋ-ɛ? Ifɔsɔtam kəsɔtɔ awut aŋɛ ŋandetam sɔ kənɛncɛ nu mɔ.
7142	RUT 1:13	nəndetam kəkar ŋa ŋabɛk, nəndefat'ɛnɛ ti oŋ kəlɔ? Ala, Awut em! Bawo pəlɛc mpɛ pɔsɔt’em mɔ, poncu pɛtas pɔkɔ pɔsɔtɔ nu mɔ, in’ ɔ Kanu kətɛfərnɛnɛ pucuy pampɛ.»
7143	RUT 1:14	Kɔ ŋambok sɔ. Kɔ Ɔrpa nkɔn oncup kɔncəra kɔn Noyemi, k’elembərnɛ kɔ, k’osumpər dɔpɔ, k’ɔŋkɔ. Mba Rut nkɔn owosɛ fɛ kəsak kɔncəra kɔn Noyemi pəkɔ.
7145	RUT 1:16	Mba kɔ Rut oloku kɔ: «Ta məsɔŋ’em kəsak’əm, məsɔŋ’em kəluks’əm darəŋ! Nde məŋkɔ mɔ, di fɔ ina sɔ indekɔ. Nde məndeyi mɔ, ina sɔ di fɔ indekɔ-yi. Afum am, afum em ŋɔ. Kanu kam, Kanu kem kɔ.
7146	RUT 1:17	Nde məndekɔ-fi mɔ, di fɔ indekɔ-fi, pawup’im di. Kanu Kəpɔŋ kədeŋər’im pəlɛc pɔpɔŋ kɔ pəyɔnɛ fɛ fɔ defi gbəcərəm dendesɔŋɛ su kəsakɛnɛ kɔ məna-ɛ.»
7147	RUT 1:18	Ntɛ Noyemi ɛnəŋk fɔ Rut ɛŋgbəc kəkɔ kɔ nkɔn mɔ, k’ɛsak kəloku kɔ sɔ te ta kəlukus.
7149	RUT 1:20	Kɔ Noyemi oloku ŋa: «Ta nəw’em sɔ ‹Noyemi› («Wəyi dəpəbotu»), nəcw’em ‹Mara› («Wəyi dəpəcuy»). Bawo Kanu nkɛ kəntam mes ma doru fəp mɔ, kəsɔŋ’im pəcuy.
7150	RUT 1:21	Ntɛ incyɛfɛ dɛ kəkɔ mɔ, waca wem wɛnalarɛ kɔ Kanu Kəpɔŋ kəluks’em waca wɔsɔkər. Awa! Nəsak kəw’em ‹Noyemi›, bawo Kanu, kəŋkafələrn’em, kɔ kəsɔŋ’im pəcuy.»
7155	RUT 2:4	Pəwon fɛ kɔ Bɔs ɛmbɛrɛ kəyɛfɛ ka Betlɛhɛm. Kɔ Bɔs eyif atɛl ɔn, k’oloku ŋa: «Kanu Kəpɔŋ kəsolɛ nu!» K’atɛl ŋantolanɛ kɔ ntɛ: «Awa! Məna sɔ, Kanu Kəpɔŋ kəpoc’am pətɔt!»
7158	RUT 2:7	Ntɛ oloku mɔ: ‹Icəmɛ atɛl darəŋ icgbɛtəs, icwɛtsɛnɛ sɔ mɛŋgbɛn min min mɔkɔ mɛntɛmpɛnɛ toka dacɔ mɔ.› Kəyɛfɛ ntɛ enderna nnɔ bət-bət a k’ɛncəmɛ mɔ, haŋ ndɛkəl. Pəpic p’ eŋesəm dəkəlɔ.»
7161	RUT 2:10	Kɔ Rut ontontnɛnɛ Bɔs haŋ k’ɛfəntərɛ dəntɔf. K’oloku Bɔs: «Cəke c’ iyɔ-ɛ, ntɛ məndeyɔn’em mamɛ, ina nwɛ məntɔcərɛ mɔ?»
7162	RUT 2:11	Kɔ Bɔs oloku kɔ: «Alɔmər’im mi tin tin tin mes mmɛ məyɔ kɔncəra kam, kəyɛfɛ ntɛ wos’əm efi mɔ, tɔkɔ məsak papa kam, iya kam, k’atɔf ŋam nŋɛ aŋkom’əm mɔ, məcder nnɔ, nda afum aŋɛ mənatɔcərɛ tɔcɔkɔ-cɔkɔ mɔ.
7163	RUT 2:12	Kanu Kəpɔŋ kəluks’am tɔkɔ məyɔ mɔ! Kanu Kəpɔŋ kəsɔŋ’am ti kəway, nkɔn Kanu ka Yisrayel nkɛ mənder məndɛ katəkəp kɔn dəntɔf mɔ.»
7164	RUT 2:13	Kɔ Rut oloku: «Məmbaŋ’im bel-bel kɔ t' ɔmbɔt’im. Moloku mam mɔsɔŋ’em abəkəc kəfəntərɛ, kɔ məŋkɔ məmɔmən ti-ɛ, ali wəcar kam wəkin səfɔtəŋnɛnɛ.»
7165	RUT 2:14	Ntɛ tɛm ta kədi yeri tendebəp mɔ, kɔ Bɔs oloku Rut: «Məde mədi yeri nnɔ səyi mɔ, məbaŋ kəcom, məctɛm ki nnɔ dəmɛnc.» Kɔ Rut ɔŋkɔ pəndɛ atɛl kəsək. Kɔ Bɔs ɔsɔŋ kɔ yeri. Kɔ Rut endi yeri, k’ɛnɛmbərɛ, k’ɛmɛŋkərnɛ yɛlpəs.
7168	RUT 2:17	Kɔ Rut ɛŋgbɛtəs haŋ dɔfɔy, k’ɛsɛpər ɔrs ŋɔkɔ ɛnagbɛtəs mɔ, k’ɔsɔtɔ mɛŋgbɛn ma ɔrs pan pin.
7169	RUT 2:18	Kɔ Rut ɛlɛk ɔrs nŋɛ k’ɛsarɛ, k’eŋkekərɛ ŋi, k’ɔŋkɔ pəmentər kɔncəra kɔn. K’owurɛ sɔ yeri yɔn yɛləpəs, k’ɔsɔŋ kɔ.
7170	RUT 2:19	Kɔ kɔncəra kɔn eyif kɔ: «Deke məŋgbɛtəs ɔrs nŋɛ fəp mɔkɔ-ɛ? Dalɛ d’ ana dɔ məmbəcna-ɛ? Kanu Kəpɔŋ kəmar nwɛ ɛŋkɛkəsən’am mɔ!» Kɔ Rut oloku kɔncəra kɔn: «Abɔf ŋa wərkun wəlɔma ŋ’ imbəcna, pacwe kɔ Bɔs.»
7171	RUT 2:20	Kɔ Noyemi oloku wəran ka wan kɔn: «Inəŋk fɔ Kanu Kəpɔŋ nkɛ kəsɔrɔlasɛ sənayi doru layidi, pəmɔ akɔ ŋafi mɔ. Kanu kəmar wərkun wəkawɛ!» K’oloku wəran ka wan kɔn: «Wərkun wəkawɛ, fum kosu wəka dəkəca ɔ fɔ. Ŋa ŋɔ pəmar ŋacəmɛ su dəntɔf.»
7172	RUT 2:21	Kɔ Rut wəMohabu oloku sɔ: «Olok’im sɔ, məlɔtərnɛ acar em haŋ ŋalip kətɛl’em fəp.»
7175	RUT 3:1	Kɔ kɔncəra ka Rut, Noyemi, oloku kɔ: «Wan kem, ifaŋ kəsɔŋ’am kəlɔ, məna sɔ məŋesəm, ntɛ tɔŋsɔŋɛ pəbɔt sɔ məna mɔ.
7176	RUT 3:2	Ndɛkəl oŋ, Bɔs nwɛ ɛsak’əm məcbəc kɔ acar ɔn mɔ, məlaŋ ti oŋ a fum kosu ɔ fɔ? Məncərɛ sɔ a pibi pa mɔkɔ p’ aŋkɔ-foy nde dəkur mɛŋgbɛn mamɔkɔ anatɛlɛ kɔ mɔ?
7178	RUT 3:4	K’endena pəckɔ dəkəfəntərɛ-ɛ, məgbɛkərɛ da ɛŋfəntərɛ mɔ. Kɔ məyɛfɛ-ɛ, məkɔ məfeni kɔ kəloto nde dəwɛcək, məfəntərɛ. Nkɔn Bɔs yati ɔŋkɔ-lok’əm tɔkɔ pəmar a məyɔ mɔ.»
7179	RUT 3:5	Kɔ Rut oloku kɔncəra kɔn: «Iŋkɔ-yɔ tantɛ məlok’im mɔ fəp.»
7180	RUT 3:6	Kɔ Rut ɔŋkɔ nde dəkur, k’ɔyɔ tɔkɔ kɔncəra kɔn ɛnaloku kɔ mɔ fəp.
7181	RUT 3:7	Kɔ Bɔs endi yeri, k’omun, kɔ pəmbɔt kɔ dəris. K’ɔŋkɔ pəfəntərɛ nde kur kələpsər mɔ. Kɔ Rut ɔŋkɔ pəfeni kɔ kəloto dəwɛcək, k’ɛmbɛrɛ, k’ɛfəntərɛ.
7182	RUT 3:8	Pəndeyi cɛk-cɛk, kɔ dis dɛyɛfɛ wərkun nwɛ, endekafəlɛ: k’ɛmbəp wəran pəfəntərɛ kɔ wɛcək tantɔf.
7184	RUT 3:10	Kɔ Bɔs oloku: «Kanu Kəpɔŋ kəpoc’am pətɔt wan kem! Layidi dandɛ məntɛp kəclas mɔ, dementər sɔ kəbɔtər ka kɔncəra kam pətas tɔkɔ mənayɔ mɔ. Bawo məncəmɛ fɛ atɛmp darəŋ ŋayɔ daka, ŋayɔ fɛ daka.
7185	RUT 3:11	Ndɛkəl oŋ wan kem ta mənesɛ, ntɛ o ntɛ tɔ məloku, iŋyɔn’am ti, bawo dare fəp dɛncərɛ a wəran wətɔt məyɔnɛ.
7186	RUT 3:12	Ndɛkəl oŋ, kance kɔ pəmar a icəmɛ nu dəntɔf, mba wəlɔma eyi nwɛ ɔlɔtərnɛ dokom kɔ wos’əm pətas ina mɔ.
7187	RUT 3:13	Məcepərɛnɛ nnɔ pibi. Bət-bətana, k’ɛfaŋ kəlɛk kɛ kɔn ka kəcəmɛ nu dəntɔf-ɛ, tentesɛ, pəcəmɛ nu dəntɔf. Mba k’ɔntɔfaŋ kəcəmɛ nu dəntɔf-ɛ, ina incəmɛ nu dəntɔf, Kanu Kəpɔŋ kəyi de! Məfəntərɛ haŋ dec dɔcsɔk.»
7188	RUT 3:14	Kɔ Rut ɛfəntərɛ kɔ wɛcək tantɔf haŋ kɔ dec dɔsɔk, k’ɛyɛfɛ pəpan-pan, tɛm ntɛ antɔtam kəcnɛpəlɛnɛ mɔ. Kɔ Bɔs oloku kɔ: «Ta pacərɛ a məndersa nnɔ dəkur de!»
7189	RUT 3:15	Kɔ Bɔs oloku kɔ: «Məcipi kəfakəl nkɛ məncəpnɛ mɔ, məsumpər ki bel-bel.» Kɔ Rut osumpər kəfakəl, kɔ Bɔs ɛmbɛrɛ kɔ mɛŋgbɛn ma ɔrs tafala camət-tin, k’onuŋkər kɔ, kɔ Bɔs ɔŋkɔ dare.
7192	RUT 3:18	Kɔ Noyemi oloku Rut: «Məyi nnɔ, wan kem, haŋ məcərɛ kɔ tɔkɔ mes mamɛ mendeləpsər mɔ, bawo wərkun wəkawɛ, ɔfɔsɔtam kəndɛ k’ɔntɔlip mes mamɛ mɔkɔ-ɛ!»
7193	RUT 4:1	Kɔ Bɔs ɔŋkɔ dəkəbɛrɛ da dare daŋan k’ɔŋkɔ pəndɛ. Pəwon fɛ kɔ wəkomɛnɛ ka Elimɛlɛk wəka dəkəca, nwɛ Bɔs ɛnaloku a wəkakɔ ɛnaŋkanɛ kəlɔtərnɛ kəcəmɛ ka Rut dəntɔf pətas kɔ mɔ, kɔ wərkun nwɛ encepər, kɔ Bɔs ewe kɔ: «Məcɔŋnɛ məde məndɛ nnɔ, məna kare!» Kɔ wəkakɔ ɔncɔŋnɛ k’ɔŋkɔ pəndɛ.
7194	RUT 4:2	Kɔ Bɔs ɛlɛk afum abeki wəco dare disrɛ, k’oloku ŋa: «Nəndɛ nnɔ!» Kɔ akakɔ ŋandɛ.
7195	RUT 4:3	Kɔ Bɔs oloku wəkɔ pənamar a pəcəmɛ Rut dəntɔf mɔ: «Ntɛ Noyemi ɛyɛfɛ atɔf ŋa Mohabu, k’ɛfaŋ kəcaməs antɔf ŋɔkɔ ŋɛnayɔnɛ ŋa wɛnc kosu Elimɛlɛk mɔ.
7196	RUT 4:4	K’incɛm-cɛmnɛ kəsɔŋ’am ti kəcərɛ, ilok’əm ti: Məsɛp məway di, fɔr ya abeki a afum asu kiriŋ kɔ afum acuru akɔ ŋandetəŋnɛ ti mɔ! Kɔ məfaŋ kəway di-ɛ, məway! Kɔ məntɔsɔfaŋ di-ɛ, məsɔŋ’em ti kəcərɛ, bawo sariyɛ sa kɛ kaŋkɛ, kɔ məna məyɛfɛ day-ɛ, in’ ɔ pəmar icəmɛ.» Kɔ wərkun nwɛ oloku Bɔs: «Ifaŋ kəway dalɛ dadɔkɔ yati.»
7203	RUT 4:11	Kɔ afum akɔ ŋanacəmɛ dəkusuŋka mɔ fəp faŋan kɔ abeki ŋambaŋɛnɛ: «Teyi fɔr yosu kiriŋ! Kanu Kəpɔŋ kəpocɛ wəran wəkawɛ awut pəmɔ Leya kɔ Rasɛl, aran aŋɛ mɛrəŋ aŋɛ ŋaŋkom afum a atɔf ŋa Yisrayel mɔ. Kanu Kəpɔŋ kəsɔŋ’əm fənɔntər aka kusuŋka ka Ɛfərat dacɔ, məsɔtɔ tewe nde Betlɛhɛm!
7204	RUT 4:12	Kanu Kəpɔŋ kəsɔŋ’əm kɔ wəran wəkawɛ awut alarəm, Kanu kəsɔŋɛ afum am ŋade ŋayi pəmɔ awut a kəlɔ ka Perɛc, aŋɛ Tamar ɛnakomɛ Yuda mɔ!»
7205	RUT 4:13	Kɔ Bɔs ɛnɛncɛ Rut, k’ombocərnɛ kɔ. Kɔ Kanu Kəpɔŋ kəsɔŋɛ Rut kəbɛkəs, k’oŋkom wan wərkun.
7206	RUT 4:14	Kɔ aran ŋaloku Noyemi: «Səŋkor-koru Kanu Kəpɔŋ nkɛ kəsɔŋɛ mɔkɔ k’aŋkom fum nwɛ endekɛkəs’əm mɔ. Kanu kəde kəpocɛ wan kam fənɔntər Yisrayel.
7207	RUT 4:15	Endekafəl’əm teyi, pəkɛkəs’əm detembəra dam disrɛ. Bawo wəran ka wan kam nwɛ ɔmbɔtər’əm mɔ, okom kɔ. Wəran ka wan kam nwɛ encepər’əm awut arkun camət-mɛrəŋ mɔ.»
24965	LUK 1:3	Kəleləs kam, Teyofil, itɔ pəwurɛn’em fɔ pəntesɛ ina sɔ, ntɛ intɛn mi bel-bel kəyɛfɛ dəkəcop mɔ. Awa, isɔŋ’am mi kəcərɛ dəmecicəs pəmɔ tɔkɔ inatəkəs mi mɔ,
24966	LUK 1:4	ntɛ tɔŋsɔŋɛ məcərɛ kaŋce ka mes mmɛ antəks’am mɔ.
24971	LUK 1:9	Pəmɔ tɔkɔ aloŋnɛ a Kanu ŋaŋyɔ ti mɔ, k’aŋgbal kɔla; kɔ kɔla kəmentər Yakariya dɔsɔk dadɔkɔ kəbɛrɛ ka dəkəfo kəcempi ka kəlɔ kəpɔŋ pəkɔ-motɛ Kanu Kəpɔŋ curay.
24975	LUK 1:13	Mba kɔ mɛlɛkɛ mmɛ moloku kɔ: «Ta mənesɛ Yakariya, bawo Kanu kəlɛk kətola kam: Elisabɛt, wəran kam, endekom’am wan wərkun məde məwe kɔ tewe ta Saŋ.
24976	LUK 1:14	Wan wəkakɔ endesɔŋ’am kəyekti domp pəbɔt’əm sɔ mes; kəkom kɔn kəndesɔŋɛ afum alarəm kəselsər.
24981	LUK 1:19	Kɔ mɛlɛkɛ mɔsɔŋɛ kɔ kəcərɛ, moc-loku kɔ : «Ina ɔyɔnɛ Yibirila nwɛ ɛŋcəmɛ Kanu fɔr kiriŋ mɔ! Asom’im kəsom dəm kədelok-lokər’əm, ilok’əm toloku tɔtɔt tantɛ.
24984	LUK 1:22	Yakariya endewur, ɛntam fɛ kəlok-lokər ŋa, kɔ afum ŋaŋcərɛ a Kanu kəsɔŋɛ Yakariya kənəŋk tes tɔlɔma dəndo kəfo kəcempi disrɛ. Kɔ Yakariya ɔyɔnɛ wətɔtam kəlok-loku, k’ɛyɛfɛ kəlok-lokərɛ ŋa waca.
24985	LUK 1:23	Ntɛ mataka mɔn ma yɛbəc meŋcepər mɔ, k’olukus nde kəlɔ kɔn.
24986	LUK 1:24	Pəwon fɛ, kɔ wəran kɔn Elisabɛt ɛmbɛkəs. K’ɔŋgbɔpnɛ yof kəcamət, pəc-loku:
24987	LUK 1:25	«Ntɛ tɔ Kanu Kəpɔŋ kəyɔn’em, kəntɛp oŋ kədewosɛ kəwur’em malap nnɔ afum ŋayi mɔ.»
24991	LUK 1:29	Kɔ toloku tatɔkɔ tɔsɔŋɛ kɔ pəyi Mari yama-yama. K’eyifnɛ ntɛ kəyif kaŋkɔ kəloku mɔ.
24997	LUK 1:35	Kɔ mɛlɛkɛ moloku kɔ: «Amera Ŋecempi ŋa Kanu ŋendeder’əm, fənɔntər fa Wəbɛ wəka dareŋc fəkump’əm katəkəp kɔn. Itɔ endesɔŋɛ wan nwɛ andekom mɔ kəcemp, pac-kulɛ kɔ «Wan ka Kanu.»
25000	LUK 1:38	Kɔ Mari oloku: «Kanu kəyɔn’em tatɔkɔ məntɛp kəc-loku mɔ. Wəcar ka Kanu Kəpɔŋ iyɔnɛ; intola teyi pəmɔ tantɛ məlok’im ti mɔ.» Kɔ mɛlɛkɛ mɛyɛfɛ kɔ day kɔ mɔŋkɔ.
25002	LUK 1:40	K’ɔŋkɔ pəbɛrɛ kəlɔ ka Yakariya, k’eyif Elisabɛt.
25004	LUK 1:42	kɔ ŋɔsɔŋɛ Elisabɛt kəgbəŋɛ kəloku: «Kanu kəmpoc’am pətɔt aran fəp dacɔ,
25005	LUK 1:43	Ak’ iyɔnɛ ntɛ iya wəka Wəbɛ kem endeder kəyif’im mɔ?
25006	LUK 1:44	Ntɛ ine kəyif kam mɔ, kɔ wan ɛsɛp’im dəkor pəbotu disrɛ.
25011	LUK 1:49	bawo Wəka fənɔntər nwɛ ɔyɔn’em mes mɔpɔŋ mɔ, tewe tɔn teŋcemp!
25018	LUK 1:56	Kɔ Mari ŋayi kɔ Elisabɛt haŋ yof maas, k’olukus nde ndɔrɔn.
25019	LUK 1:57	Kɔ tɛm tɛmbəp ntɛ pənamar Elisabɛt pəkom mɔ, k’oŋkom wan wərkun.
25026	LUK 1:64	Kɔ kusu kɔn kəmepɛ katina, kɔ temer tɔn tɛyɛfɛ; k’ɛyɛfɛ kəkor-koru ka Kanu.
25029	LUK 1:67	K’Amera Ŋecempi ŋa Kanu ŋɛlarɛ Yakariya papa ka Saŋ, k’ɛyɛfɛ kədəŋk moloku mmɛ Kanu kənasɔŋ kɔ kəloku mɔ, pəc-loku:
25042	LUK 1:80	Kɔ wan ɛmbɛk, pəc-sɔtɔ fənɔntər fa amera. K’eyi dəndo dətɛgbɛrɛ haŋ dɔsɔk ndɛ ɛnamentərnɛ nnɔ afum aka Yisrayel ŋayi mɔ.
25049	LUK 2:7	k’oŋkom wan kɔn wəcɔkɔ-cɔkɔ wərkun. K’ɔfɔktər kɔ dəkəloto, k’ɔŋkɔ pəboc kɔ dətaŋku ntɛ aŋc-bɛrɛ yɔcɔl yeri mɔ, bawo ŋanasɔtɔ fɛ kəfo dəndo dəkarwaŋse.
25053	LUK 2:11	Mɔkɔ, nde dare da Dawuda disrɛ, aŋkom’on wəyac, nwɛ ɔyɔnɛ Wəbɛ, nwɛ Kanu kəyɛk-yɛk mɔ.
25054	LUK 2:12	Ntɛ tendeyɔn’on tɛnɛpəlɛ taka ti: Nəŋkɔ-bəp kənaka pafɔktər ki dəkəloto, kəfəntərɛ dətaŋku ntɛ ambɛrɛ yɔcɔl yeri mɔ.
25063	LUK 2:21	Ntɛ kəkom ka wan kəsɔtɔ mata camət-maas mɔ, k’aŋkəŋc kɔ, k’awe kɔ Yesu, tewe ntɛ mɛlɛkɛ mɛnaboŋcər ŋa, ta antabɛkəs kɔ mɔ.
25069	LUK 2:27	Kɔ Amera Ŋecempi ŋa Kanu ŋɔŋcɔŋəs kɔ, k’ɔŋkɔ nde kəlɔ kəpɔŋ ka Kanu. Ntɛ akombəra a Yesu ŋaŋkekərɛ kɔ kəkɔ-yɔnɛ kɔ tɔkɔ sariyɛ səloku mɔ,
25076	LUK 2:34	Kɔ Simɔŋ ontolanɛ ŋa, k’oloku Mari iya wəka Yesu: «Kanu kəŋkɛrɛ wan wəkawɛ kədesɔŋɛ aka Yisrayel alarəm kətɛmpɛnɛ, pəyekti sɔ alarəm. Paka pa Kanu pɔ mpɛ pendesɔŋɛ afum kəgbɛkəlɛnɛ mɔ.
25077	LUK 2:35	Endebɛr pəwaŋkəra bəkəc ya akɔ ŋayɔ mɛcɛm-cɛmnɛ mɔgbɔpnɛ mɔ. Kɔ məna Mari, pəcuy pendefut’əm abəkəc pəmɔ tɔkɔ kəŋgbasar kəŋfutu mɔ.»
25079	LUK 2:37	Kɔ wos ende pəfi, k’eyi oŋ ta ɔyɔ wərkun-ɛ. Hana pəsɔtɔ meren 84 k’eyi, ta ɔmbɔlɛ kəlɔ kəpɔŋ ka Kanu-ɛ pəc-bəc mɛfaŋ ma Kanu daŋ kɔ pibi kəlok-lokər Kanu kɔ kəsuŋ disrɛ.
25101	LUK 3:7	Afum alarəm akɔ ŋaŋc-der nkɔn Saŋ pədegbət ŋa dəromun mɔ, ŋɔ oŋc-loku ti: «Nəna aŋɛ nəyi pəmɔ bok mɔ! Anɔ ɛtəks’on kəyɛksər ka mɛtɛlɛ mmɛ mender mɔ-ɛ?
25105	LUK 3:11	K’oloku ŋa: «Məna nwɛ məŋyɔ suma mɛrəŋ mɔ, məpocɛ wəkɔ ɔntɔyɔ mɔ, məna nwɛ məŋyɔ yeri mɔ, məpocɛ wəkɔ ɔntɔyɔ mɔ.»
25107	LUK 3:13	K’oloku ŋa: «Ta nədeŋər mpɛ o mpɛ antɔlok’un kəbaŋ mɔ.»
25108	LUK 3:14	Kɔ asɔdar ŋayif kɔ sɔ: «A səna-a, cəke cɔ pəmar səyɔ oŋ-ɛ?» K’oloku ŋa: «Ta nəmentər nwɛ o nwɛ fənɔntər, ta nədeŋɛ sɔ nwɛ o nwɛ yem, kəway konu kətəŋn’on.»
25110	LUK 3:16	Kɔ Saŋ oloku ŋa: «Ina dəromun iŋgbət’un de, mba wəlɔma eyi kəder nwɛ ɔyɔ fənɔntər pətas’im mɔ, ali cɔfta cɔn iyɔ fɛ dofum ndɛ pəmarɛ isikəli ci mɔ. Wəkakɔ, Amera Ŋecempi ŋa Kanu disrɛ kɔ nɛŋc yɔ ende pəc-gbət’un.
25113	LUK 3:19	Mba kɔ Saŋ ɛnal wəbɛ Herodu teta Herodiyas, wəran nwɛ ɛnabaŋər wɛŋc k’ɛnɛŋcɛ mɔ, kɔ teta mes mɛlɛc mɔkɔ Herodu ɛnayɔ mɔ.
25114	LUK 3:20	Kɔ Herodu ende pənaŋkanɛ kələsər: k’osumpər Saŋ, k’ɛmbɛr kɔ dəbili.
25138	LUK 4:6	Kɔ səloku kɔ: «Indesɔŋ’əm kətam fəp kɔ pəmot pa pəlel pa dɛbɛ da tɔf yayɛ fəp; bawo anasɔŋ’im yi, ina sɔ ic-tam kəsɔŋ yi nwɛ o nwɛ iŋfaŋ mɔ.
25139	LUK 4:7	Awa, kɔ məna məntontnɛn’em fɔr kiriŋ-ɛ, yayɛ fəp yam yɔ yɔŋyɔnɛ.»
25143	LUK 4:11	k’aŋcic sɔ: ‹Ŋandetɔmpər’əm dəwaca ntɛ tɔŋsɔŋɛ ta məmpət tasar mɔ.›»
25148	LUK 4:16	Kɔ Yesu ender Nasarɛt nde anadusum kɔ mɔ, k’ɛmbɛrɛ dəkəcəpəs simiti, dɔsɔk da kəŋesəm, pəmɔ tɔkɔ ɔŋc-yɔ ti mɔ. K’ɛyɛfɛ kəkɔ-karaŋ,
25149	LUK 4:17	k’asɔŋ kɔ buk ba wədəŋk wəka Kanu Esayi. K’emperi buk, k’ɛmbəp da aŋcic:
25150	LUK 4:18	«Amera ŋa Kanu Kəpɔŋ ŋey’im kəroŋ, bawo Kanu kəyɛk-yɛk’im ntɛ tɔsɔŋɛ iloku afum atɔyɔ daka toloku tɔtɔt mɔ; Kanu kəsom’im kədedəŋk kəyac ka acar aŋɛ asumpər dəkəwan mɔ. Ideloku atɔnəŋk a ŋandenəŋk; kədekekərɛ aŋɛ ŋayi kətam disrɛ mɔ, bəkəc yoforu disrɛ
25152	LUK 4:20	Ntɛ Yesu elip kəkaraŋ mɔ, k’ɛnɛp buk, k’ɔsɔŋ bi wəmarəs nwɛ ɛnatɔmpər teta səbuk mɔ, k’ɔŋkɔ pəndɛ. Akɔ ŋanayi dəkəcəpəs disrɛ mɔ fəp kɔ ŋaŋgbətnɛ kɔ.
25155	LUK 4:23	Kɔ Yesu oloku ŋa: «Iŋcərɛ a nəndelok’im capafɔ ncɛ: ‹Wətɛn-cɔl mətaməsnɛ məna sərka!› Nəndesɔ-lok’im: ‹Səne mes mɔkɔ məŋcepərɛnɛ Kapɛrnayum mɔ fəp, məyɔ sɔ mes min mayi nnɔ aŋkom’əm mɔ.›»
25163	LUK 4:31	Kɔ Yesu ontor dare da Kapɛrnayum atɔf ŋa Kalile; k’ɔŋkɔ pəc-təksɛ simiti, dɔsɔk da kəŋesəm.
25170	LUK 4:38	Ntɛ Yesu ɛyɛfɛ dəndo dəkəcəpəs mɔ, k’ɔŋkɔ ndena Simɔŋ. K’ɔŋkɔ pəbəp iya wəka wəran ka Simɔŋ pəc-yikcɛnɛ fiba fəpɔŋ, kɔ akakɔ ŋayɛfɛ kəlɛtsɛnɛ Yesu a pəmar ŋa.
25171	LUK 4:39	Kɔ Yesu entilsərnɛ wəran nwɛ k’ɛŋgbəŋ-gbəŋər fiba fafɔkɔ, kɔ fiba fəsak wəran nwɛ. Gbəŋcana babɔkɔ kɔ wəran nwɛ ɛyɛfɛ k’eyerəs afum yeri.
25172	LUK 4:40	Ntɛ dec dɛŋkalɛ mɔ, aŋɛ ŋanayɔ acuy mɔ fəp, kɔ ŋaŋkenɛ ŋa Yesu. K’endeŋəsər ŋa waca fəp, kɔ ŋantamnɛ.
25174	LUK 4:42	Dec dendesɔk, kɔ Yesu owur k’ɔŋkɔ nde kəfo kəyer-yer kəlɔma. Kɔ afum alarəm ŋawur kətɛn kɔ, kɔ ŋaŋkɔ ŋabəp kɔ dəndo kəfo kaŋkɔ. Ŋanafaŋ fɛ kəsak Yesu pəkɔ.
25175	LUK 4:43	Mba k’oloku ŋa: «Nəsak’im ikɔ-dəŋk sɔ sədare səlɔma moloku mɔtɔt ma dɛbɛ da Kanu; bawo itɔ anasom’em.»