2	GEN 1:2	Guu da pãmɛ à kɛkɛnaro, gusiaa bé à da ísiaala, ben Luda Ninii e yàa paa í pìla.
4	GEN 1:4	À è gupuraa pì maa, ben à gupuraa kɛ̃̀kɔ̃a kɔ̃n gusiaao.
5	GEN 1:5	À tɔ́ kpà gupuraanɛ fãantɛ̃, gusiaa sɔ̃ gwãavĩ. Guu sì guu dɔ̀, à gurɔ káakun gwe.
7	GEN 1:7	Ben à bàtuma kɛ̀ lɛ, à í kɛ̀ kú bàtuma gĩzĩ kɛ̃̀kɔ̃a kɔ̃n í kɛ̀ kú à musuo.
8	GEN 1:8	Ben à tɔ́ kpà bàtuma pìnɛ ludambɛ. Guu sì guu dɔ̀, à gurɔ plaadeen gwe.
9	GEN 1:9	Ben Luda bè: Í kɛ̀ kú gĩzĩ kakɔ̃a gu dɔ̃nkɔ̃n, gukori bɔ. Ben à kɛ̀ lɛ.
10	GEN 1:10	À tɔ́ kpà gukori pìnɛ tɔɔtɛ, ben à tɔ́ kpà í kɛ̀ kàkɔ̃aanɛ ísiaa. Ben à è à kɛ̀ maa.
11	GEN 1:11	Ben Luda bè: Lánɔ bɔɛ tɔɔtɛ kɔ̃n sɛ̃̀ wɛ́ɛdeenɔ kɔ̃n lí nɛ́deenɔ, baade kɔ̃n a boriio. Ben à kɛ̀ lɛ,
12	GEN 1:12	lánɔ bɔ̀ɛ tɔɔtɛ kɔ̃n sɛ̃̀ wɛ́ɛdeenɔ kɔ̃n lí nɛ́deenɔ, baade kɔ̃n a boriio. Ben Ludaa è à kɛ̀ maa.
13	GEN 1:13	Guu sì guu dɔ̀, à gurɔ aagɔ̃deen gwe.
14	GEN 1:14	Ben Luda bè: Pɔ́ gupurinɔ gɔ̃ kú musu aɔ̃gɔ̃ fãantɛ̃ kɛ̃ɛkɔ̃a kɔ̃n gwãavĩo, aɔ̃gɔ̃ wɛ̃̀ sèedanɔ kɔ̃n gurɔɔnɔ kɔ̃n wɛ̃̀nɔ ɔdɔańnɛ.
16	GEN 1:16	À pɔ́ gupuri ìsinɔ kɛ̀ mɛ̀n plaa, à kɛ̀ gbãaa ègɔ̃ kí blee fãantɛ̃, à kɛ̀ busɛ ègɔ̃ kí blee gwãavĩ. À sɔsɔnɛnɔ kɛ̀ dɔ.
18	GEN 1:18	aɔ̃gɔ̃ kí blee fãantɛ̃ kɔ̃n gwãavĩo, aɔ̃gɔ̃ gupura kɛ̃ɛkɔ̃a kɔ̃n gusiaao. Ben à è à kɛ̀ maa.
19	GEN 1:19	Guu sì guu dɔ̀, à gurɔ siigɔ̃deen gwe.
20	GEN 1:20	Ben Luda bè: Pɔ́ wɛ̃̀ndideenɔ í pa yɛ́lɛlɛ, bãanɔ dagula musu aɔ̃gɔ̃ vĩaa bàtumaa.
21	GEN 1:21	Ben à pɔ́ wɛ̃̀ndidee kɛ̀ aɔ̃è lili o í guunɔ kɛ̀ kɔ̃n kpɔ̀ gbɛ̃̀ntɛ̃nɔ píngi, baade kɔ̃n a boriio. À bãanɔ kɛ̀ píngi dɔ, baade kɔ̃n a boriio. Ben à è à kɛ̀ maa.
22	GEN 1:22	À aubarika dàńgu à bè, aɔ̃gɔ̃ nɛ́ ii aɔ̃gɔ̃ kɔ̃ɔ, kpɔ̀nɔ ísiaa pa, bãanɔ kɔ̃ tɔɔtɛ.
23	GEN 1:23	Guu sì guu dɔ̀, à gurɔ sɔɔrodeen gwe.
24	GEN 1:24	Ben Luda bè: Pɔ́ wɛ̃̀ndideenɔ bɔɛ tɔɔtɛa, pɔ́kãdeenɔ kɔ̃n pɔ́taa'onkusɛanɔ kɔ̃n nɔ̀bɔsɛ̃tɛnɔ, baade kɔ̃n a boriio. Ben à kɛ̀ lɛ.
26	GEN 1:26	Ben Luda bè: Wà gbɛ̃ntee kɛ wa taka ũ, aɔ̃gɔ̃ dɛ wa bà, aɔ̃gɔ̃ kí blee kpɔ̀nɔa kɔ̃n bãanɔ kɔ̃n pɔ́kãdeenɔ kɔ̃n nɔ̀bɔsɛ̃tɛnɔ kɔ̃n pɔ́taa'onkusɛanɔ píngi.
30	GEN 1:30	Ma sɛ̃̀nɔ kɔ̃n lánɔ kpà pɔ́ wɛ̃̀ndideenɔa píngi ń pɔ́blee ũ, nɔ̀bɔnɔ kɔ̃n bãanɔ kɔ̃n pɔ́taa'onkusɛanɔ píngi. Ben à kɛ̀ lɛ.
31	GEN 1:31	Luda pɔ́ kɛ̀ à kɛ̀nɔ è píngi, à kɛ̀ maa wásawasa. Guu sì guu dɔ̀, à gurɔ swɛɛdodeen gwe.
33	GEN 2:2	Ai à gurɔ swɛɛplaadee zĩ gɔ̃ ká, à zĩi kɛ̀ èe kɛɛ pì yã̀a. À gurɔ swɛɛplaadee pìn à kámma bò kɔ̃n zĩi kɛ̀ à kɛ̀nɔ píngi.
34	GEN 2:3	Ben à aubarika dà gurɔ swɛɛplaadee pìn à dìɛ a pɔ́ ũ, kɛ̀ zĩ beeen à kámma bò kɔ̃n zĩi kɛ̀ à kɛ̀nɔ píngi yãnzi.
35	GEN 2:4	Musu kɔ̃n tɔɔtɛo naana yãn yɛ̀. Gurɔɔ kɛ̀ Dii Luda tɔɔtɛ kɔ̃n musuo kɛ̀,
36	GEN 2:5	bura pɔ́kee e bɔɛ tɔɔtɛa kɔ̀ro, baa sɛ̃̀, zaakɛ Dii Ludaa e tó lou màro, bensɔ̃ gbɛ̃kee kuu à tɔɔtɛ zĩi kɛro.
37	GEN 2:6	Sukaa bé è kpá andunala, ben è mɔdɔ pisi tɔɔtɛa píngi.
38	GEN 2:7	Dii Luda gɔ̃gbɛ̃ í kàsa kɔ̃n bùsutio, ben à ĩa wɛ̃̀ndidee vù à yĩn, ben gɔ̃gbɛ̃ pì gɔ̃̀ gbɛ̃ bɛ̃ɛ ũ.
39	GEN 2:8	Dii Luda swadako dìɛ ɔfãntɛ̃bɔɛ kpa kɛ̀ wè be Ɛdɛni, ben à gɔ̃gbɛ̃ kɛ̀ à kɛ̀ pì dà gwe.
40	GEN 2:9	Dii Luda tò lí bori píngi bɔ̀ɛ tɔɔtɛa. Lí pìnɔɔ maa, bensɔ̃ ń bɛ blena nna. Lí wɛ̃̀ndide kú dàko pì gura. Lí kɛ̀ è dɔ̃na maa kɔ̃n à zaaao ińnɛ kú gwe dɔ.
42	GEN 2:11	À káaku tɔ́n Pisɔ̃, àmbe à liga Avila bùsuzi píngi. Vura kú bùsu pì guu,
44	GEN 2:13	Swaa pì ɔnɛ plaade tɔ́n Giɔ̃, à liga Kusu bùsuzi píngi.
45	GEN 2:14	À ɔnɛ aagɔ̃de tɔ́n Tigiri, à dɔ̀rɔ tà Asiria bùsu ɔfãntɛ̃bɔɛ kpa. Swaa pì ɔnɛ siigɔ̃de tɔ́n Yuflati.
47	GEN 2:16	Ben à yã dìɛnɛ à bè: Nɛ́ fɔ̃ ǹ dàko pì lí píngi bɛɛ ble,
48	GEN 2:17	mɔde ǹton lí kɛ̀ è dɔ̃na maa kɔ̃n à zaaao ińnɛ bɛɛ blero. Tó ń blè, n gamɛ.
50	GEN 2:19	Ben Dii Luda bùsu kɔ̀ à nɔ̀bɔnɔ kɛ̀o píngi kɔ̃n bãanɔ píngi, ben à mɔ̀ńyo gɔ̃gbɛ̃ pì kiia lɛ à e dian eé tɔ́ kpáńnɛ nà. Tɔ́ kɛ̀ gɔ̃gbɛ̃ pì kpà pɔ́ wɛ̃̀ndidee pìnɔnɛ píngi gɔ̃̀ ń tɔ́ ũ.
51	GEN 2:20	Gɔ̃gbɛ̃ pì tɔ́ kpà pɔ́kãdeenɔnɛ píngi kɔ̃n bãanɔ kɔ̃n nɔ̀bɔsɛ̃tɛnɔ píngi, mɔde èe dɔnlɛri e ń tɛ́ a gbɛ̃ndoo ũro.
52	GEN 2:21	Ben Dii Luda i ìsi dà gɔ̃gbɛ̃ pìla. Kɛ̀ èe ii oo, ben à à gbã̀ntɛ̃wa mɛ̀n doo bɔ̀, ben à à mɛ̀baasi tàta a gbɛ̀n.
53	GEN 2:22	Ben à gɔ̃gbɛ̃ gbã̀ntɛ̃wa kɛ̀ à bɔ̀ pì lìɛ nɔgbɛ̃ ũ, ben à gàao à kiia.
54	GEN 2:23	Ben gɔ̃gbɛ̃ pì bè: Kɛ̀ki wá bɔ̀ ma wá guumɛ, à mɛ̀ sɔ̃ bɔ̀ ma mɛ̀ guumɛ. Weé à sísi nɔgbɛ̃, kɛ̀ Luda à bɔ̀ gɔ̃gbɛ̃ guu yãnzi.
55	GEN 2:24	Beee yãnzin gɔ̃gbɛ̃ è a de kɔ̃n a dao tó, aɔ̃è nakɔ̃a kɔ̃n a naɔ̃o wà gɔ̃ mɛ̀ doo ũ.
56	GEN 2:25	Gɔ̃gbɛ̃ kɔ̃n a naɔ̃o kú bũu ń plaa ń píngi, wí sɔ̃ è ń kũro.
57	GEN 3:1	Mlɛ̃̀ bé à mɔnafiki vĩ dɛ pɔ́ kɛ̀ Dii Ludaa kɛ̀nɔla píngi, ben à nɔgbɛ̃ là à bè: Luda bè àton dàko pì lí ke bɛɛ blenloo?
58	GEN 3:2	Ben nɔgbɛ̃ wè mlɛ̃̀ pìla à bè: Wé fɔ̃ wà dàko pì líbɛɛ ble,
59	GEN 3:3	mɔde lí kɛ̀ kú dàko pì gura súusu, Luda bè wàton à bɛɛ blero wàton ɔ kɛa sero, lɛ wàton garo yãnzi.
61	GEN 3:5	Zaakɛ Ludaa dɔ̃ kɛ̀ tó á blè, a wɛ́ɛ é kɛ̃ é gɔ̃ lán a bà, égɔ̃ à maaa dɔ̃ kɔ̃n à zaaao.
62	GEN 3:6	Kɛ̀ nɔgbɛ̃ è lí pì bɛɛ maa, bensɔ̃ à blena égɔ̃ nna eé tó gbɛ̃ wɛ́ɛ kɛ̃, ben à à bɛɛ wò à blè. À kpà a zãa sɔ̃, ben à blè.
63	GEN 3:7	Aɔ̃ plaa ń píngi wɛ́ɛ kɛ̃̀, ben aɔ̃ɔ dɔ̃̀ sa kɛ̀ aɔ̃ɔ kú bũu. Ben aɔ̃ gooda lá nàbi wà nàńzi.
64	GEN 3:8	Kɛ̀ gɔ̃gbɛ̃ kɔ̃n a naɔ̃o Dii Luda kĩi mà èe táa oo dàko pì guu uusiɛ, ben aɔ̃ ùtɛnɛ dàko pì lán.
66	GEN 3:10	À wèàla à bè: Kɛ̀ ma n kĩi mà, ben vĩa ma kũ kɛ̀ má kú bũu yãnzi, ben ma utɛ.
67	GEN 3:11	Ben Dii Luda à là à bè: Dé bé à ònnɛ ń kú bũuu? Lí kɛ̀ ma ginnɛ ǹ à bɛɛ ble, ń blèn yɔ́?
69	GEN 3:13	Ben Dii Luda nɔgbɛ̃ là à bè: Bɔ́yãnzi ń kɛ̀ lɛzi? À wèàla à bè: Mlɛ̃̀ bé à ma kɛkɛ, ben má blè.
70	GEN 3:14	Ben Dii Luda bè mlɛ̃̀nɛ: Kɛ̀ ń kɛ̀ lɛ, nɛ́gɔ̃ dɛ láari pɔ́ ũ pɔ́kãdeenɔ kɔ̃n nɔ̀bɔsɛ̃tɛnɔ tɛ́ píngi, n gbɛɛɛn nɛ́gɔ̃ gáɛɛ, bùsutin nɛ́gɔ̃ blee ai n wɛ̃̀ndi lɛ́n.
71	GEN 3:15	Mɛ́ íbɛtɛ da mpi kɔ̃n nɔgbɛ̃o dagura, n bori kɔ̃n à boriio dagura. À borii é n mì wí, nɛ́ à gbátoge kɛ̃nna.
72	GEN 3:16	Ben à bè nɔgbɛ̃nɛ: Mɛ́ n nɔ̀sina wãwãa kaarannɛ, nɛ́gɔ̃ nɛ́ ii wãwãao. N zã nii égɔ̃ kúmmamɛ, eégɔ̃ gbãa vĩ n musu.
73	GEN 3:17	Ben à bè gɔ̃gbɛ̃nɛ: Lán n n naɔ̃ yã mà nà, lí kɛ̀ ma ginnɛ ǹ à bɛɛ blee ń blè, tɔɔtɛ gɔ̃̀ láari pɔ́ ũ n yãnzi, ɔsi kɔ̃n ɔsiion nɛ́gɔ̃ pɔ́blee en ai n wɛ̃̀ndi lɛ́n.
74	GEN 3:18	Eé lɛ̀nɔ kɔ̃n lá ũkãdeenɔ bɔɛnnɛ, gbasa ǹ bura pɔ́nɔ ble.
75	GEN 3:19	Ísimmagaakpana guun nɛ́ pɔ́blee en ai ǹ liara ǹ gɛ̃ bùsu guu, zaakɛ gwen ma n bɔn. Bùsutin n ũ, nɛ́ liara ǹ gɔ̃ bùsuti pì ũmɛ.
76	GEN 3:20	Adamu tɔ́ kpà a naɔ̃nɛ Awau, zaakɛ gbɛ̃ píngi dazimɛ.
77	GEN 3:21	Dii Luda báa uta kɛ̀ Adamunɛ kɔ̃n à naɔ̃o, ben à dàńnɛ.
78	GEN 3:22	Ben à bè: Gbɛ̃ntee à maa kɔ̃n à zaaao dɔ̃̀ sa, à gɔ̃̀ lán wa bà. Wé gínɛ à lí wɛ̃̀ndide bɛɛ wo à ble, lɛ àtongɔ̃ kuu gurɔ píngiro yãnzi.
80	GEN 3:24	Kɛ̀ Dii Luda pɛ̀a, ben à kɛrubunɔ kàɛ Ɛdɛni dàko ɔfãntɛ̃bɔɛ kpa, lɛ aɔ̃gɔ̃ lí wɛ̃̀ndide zɛ́ dãkpaa kɔ̃n fɛ̃ɛdaa kɛ̀ èe tɛ́ kɛɛ èe liɛliɛɛo.
81	GEN 4:1	Adamu a naɔ̃ Awau dɔ̃̀ nɔgbɛ̃ ũ, ben à nɔ̀ sì à Kaini ì. Ben à bè: Ma gɔ̃gbɛ̃ ì kɔ̃n Dii gbãaao.
82	GEN 4:2	Ben à à dãaro Abila ì dɔ. Abila kɛ̀ sãdãri ũ, Kaini sɔ̃ kɛ̀ búbari ũ.
84	GEN 4:4	Abila sɔ̃ mɔ̀ kɔ̃n a sãnɛ káaku mɛ̀kpanao. Abila yã kà Diinɛ, ben à à gbaa sì.
85	GEN 4:5	Kaini sɔ̃ yã e ká Diinɛro, ben èe à gba síro. Ben Kaini pɔ fɛ̃̀ maamaa à uu yàkɔ̃tɛ.
87	GEN 4:7	Tó n yã maaa kɛ̀, mɛ́ n síroo? Tó nɛ́ɛ yã maaa kɛ sɔ̃ro, durun naɛnnɛ n kpɛɛlɛ. N nii e à dɛɛ, séde ǹ zĩ̀ blea.
88	GEN 4:8	Ben Kaini bè a dãaro Abilanɛ: Wà gá sɛ̃̀n. Kɛ̀ aɔ̃ kà gwe, ben à fɛ̀ɛ a dãarozi à à dɛ̀.
91	GEN 4:11	Tia sa nɛ́gɔ̃ láari pɔ́ ũmɛ, nɛ́gɔ̃ zã̀ kɔ̃n tɔɔtɛ kɛ̀ n dãaro aru mì n ɔzĩo.
92	GEN 4:12	Tó n bú bà, tɔɔtɛ é àre kɛnnɛro. Nɛ́gɔ̃ sɔ̃ki kpákpaa ǹgɔ̃ likɔ̃aa zɔ̃ɔ anduna guu.
93	GEN 4:13	Ben Kaini bè Diinɛ: Ĩadamma beee gbãa dɛmala, mɛ́ fɔ̃ro.
94	GEN 4:14	Nɛ́ɛ pɛɛma tɔɔtɛ kɛ̀a gbã̀amɛ sa. Mɛ́ kɛ̃kɔ̃anyo sa. Mɛ́gɔ̃ sɔ̃ki kpákpaa màgɔ̃ likɔ̃aa zɔ̃ɔ anduna guu, gbɛ̃ kɛ̀ kpàkũmao é ma dɛ.
95	GEN 4:15	Ben Dii bènɛ: Lɛnlo! Tó gbɛ̃ n dɛ, weé gɛ̃ɛ bonnɛ gɛ̃̀n swɛɛplaamɛ. Ben Dii wɛ̃zã ke kɛ̀ Kainia, lɛ gbɛ̃ kɛ̀ kpàkũo tón à dɛro yãnzi.
97	GEN 4:17	Kaini dàɛ kɔ̃n a naɔ̃o, ben à nɔ̀ sì à Ɛnɔku ì. À gbɛra Kaini wɛ́tɛ kàɛ, ben à a nɛ́ pì tɔ́ kpà wɛ́tɛ pìnɛ.
98	GEN 4:18	Ɛnɔku Irada ì, Irada Mɛuyaɛli ì, Mɛuyaɛli Mɛtusaɛli ì, Mɛtusaɛli Lamɛki ì.
99	GEN 4:19	Lamɛki nɔɔ sɛ̀ mɛ̀n plaa, à doo tɔ́n Ada, à doo sɔ̃ Zila.
103	GEN 4:23	Ben Lamɛki bè a naɔ̃ɔnɔnɛ: Ada kɔ̃n Zilao, à ma yã ma, ma naɔ̃nɔ, à swã kpá ma yãzi. Gbɛ̃ke ma kɛ̃nna, ben ma à dɛ̀, gɔ̃kparɛ pì ma lɛmɛ, ben ma à kàatɛ.
104	GEN 4:24	Tó weé Kaini gɛ̃ɛ bonɛ gɛ̃̀n swɛɛplaa, mamɔma Lamɛki ma pɔ́ sɔ̃, gɛ̃̀n baaagɔ̃ akuri awɛɛswɛɛplaamɛ.
105	GEN 4:25	Adamu dàɛ kɔ̃n a naɔ̃o dɔ, ben à nɛ́gɔ̃gbɛ̃ ì. À tɔ́ kpànɛ Sɛti à bè, Luda a gba nɛ́ pãnde Abila kɛ̀ Kaini dɛ̀ gɛ̃ɛ ũmɛ.
106	GEN 4:26	Sɛti sɔ̃ nɛ́gɔ̃gbɛ̃ ì, ben à tɔ́ kpànɛ Ɛnɔsu. Zaa zĩ beeean wà nà Dii sísinaa.
107	GEN 5:1	Adamu boriinɔ yãn yɛ̀. Gurɔɔ kɛ̀ Luda gbɛ̃nteenɔ kɛ̀, à ń kɛ́ lán a bàmɛ.
108	GEN 5:2	À ń kɛ́ gɔ̃gbɛ̃ kɔ̃n nɔgbɛ̃o, ben à aubarika dàńgu. À tɔ́ kpàńnɛ gbɛ̃ntee.
109	GEN 5:3	Adamu wɛ̃̀ baswɛɛdo akuridee guun à nɛ́ ì a taka ũ à bɔ̀kɔ̃bao, ben à tɔ́ kpànɛ Sɛti.
111	GEN 5:5	Kɛ̀ à kà wɛ̃̀ wàa siigɔ̃ kpɛ́ baswɛɛdo akuri, ben à gà.
114	GEN 5:8	Kɛ̀ à kà wɛ̃̀ wàa siigɔ̃ kpɛ́ basɔɔro akuri awɛɛplaa, ben à gà.
117	GEN 5:11	Kɛ̀ à kà wɛ̃̀ wàa siigɔ̃ kpɛ́ basɔɔro asɔɔro, ben à gà.
120	GEN 5:14	Kɛ̀ à kà wɛ̃̀ wàa siigɔ̃ kpɛ́ basɔɔro akuri, ben à gà.
123	GEN 5:17	Kɛ̀ à kà wɛ̃̀ wàa siigɔ̃ kpɛ́ basɔɔro sɔɔrosai, ben à gà.
126	GEN 5:20	Kɛ̀ à kà wɛ̃̀ wàa siigɔ̃ kpɛ́ basɔraagɔ̃ awɛɛplaa, ben à gà.
130	GEN 5:24	À táa ò kɔ̃n Ludao, ben wà kòrazi, kɛ̀ Luda à sɛ̀ bɔna anduna guu yãnzi.
133	GEN 5:27	Kɛ̀ à kà wɛ̃̀ wàa siigɔ̃ kpɛ́ basɔraagɔ̃ akuri dosai, ben à gà.
134	GEN 5:28	Lamɛki kɛ̀ wɛ̃̀ bakɛ̃ndo awɛɛplaa, ben à nɛ́gɔ̃gbɛ̃ ì.
137	GEN 5:31	Kɛ̀ à kà wɛ̃̀ wàa aagɔ̃ kpɛ́ basɔraagɔ̃ akuri awɛɛswɛɛplaa, ben à gà.
138	GEN 5:32	Kɛ̀ Nuu kà wɛ̃̀ wàa plaa kpɛ́ basɔɔro, à Sɛmu kɔ̃n Hamuo kɔ̃n Yafɛtio ì.
139	GEN 6:1	Kɛ gbɛ̃nteenɔ nà parikũnaa aɔ̃ɔe daagula aɔ̃ɔe nɛ́nɔgbɛ̃nɔ ii,
140	GEN 6:2	ben Luda nɛ́nɔɔ è gbɛ̃ntee nɛ́nɔgbɛ̃ pìnɔɔ maa, ben aɔ̃ɔe ń sɛɛ ń pɔyezia.
141	GEN 6:3	Ben Dii bè: Ma Ninii égɔ̃ kú gbɛ̃nteenɔ guu gurɔ píngiro, zaakɛ mɛ̀baadeemɛ. À gurɔɔnɔ égɔ̃ wɛ̃̀ baswɛɛdo.
142	GEN 6:4	Gbɛ̃ gbã̀anɔɔ kú anduna guu gurɔ beeea kɔ̃n gurɔ beee gbɛraao dɔ, gurɔɔ kɛ̀ Luda nɛ́ pìnɔ gbɛ̃ntee nɛ́nɔgbɛ̃nɔ dɔ̃̀ nɔgbɛ̃nɔ ũ, ben aɔ̃ nɛ́nɔ ìńyo. Aɔ̃ nɛ́ pìnɔn gɔ̃sagbãaa kɛ̀ aɔ̃ tɔ́ bɔ̀ zaa káakunɔ ũ.
143	GEN 6:5	Dii è kɛ̀ gbɛ̃nteenɔ yã zaa kɛna bíta anduna guu. Gurɔ píngi yã zaa laasuun aɔ̃ègɔ̃ lɛɛ ado,
144	GEN 6:6	ben à nɔ̀sɛ yàka gbɛ̃ntee kɛ̀ à kɛ̀ tɔɔtɛa yã musu. À laasuu pãnde lɛ̀,