2	GEN 1:2	Guu da pãmɛ à kɛkɛnaro, gusiaa bé à da ísiaala, ben Luda Ninii e yàa paa í pìla.
3	GEN 1:3	Ben Luda bè: Guu pu! Ben guu pù.
5	GEN 1:5	À tɔ́ kpà gupuraanɛ fãantɛ̃, gusiaa sɔ̃ gwãavĩ. Guu sì guu dɔ̀, à gurɔ káakun gwe.
8	GEN 1:8	Ben à tɔ́ kpà bàtuma pìnɛ ludambɛ. Guu sì guu dɔ̀, à gurɔ plaadeen gwe.
13	GEN 1:13	Guu sì guu dɔ̀, à gurɔ aagɔ̃deen gwe.
19	GEN 1:19	Guu sì guu dɔ̀, à gurɔ siigɔ̃deen gwe.
23	GEN 1:23	Guu sì guu dɔ̀, à gurɔ sɔɔrodeen gwe.
31	GEN 1:31	Luda pɔ́ kɛ̀ à kɛ̀nɔ è píngi, à kɛ̀ maa wásawasa. Guu sì guu dɔ̀, à gurɔ swɛɛdodeen gwe.
35	GEN 2:4	Musu kɔ̃n tɔɔtɛo naana yãn yɛ̀. Gurɔɔ kɛ̀ Dii Luda tɔɔtɛ kɔ̃n musuo kɛ̀,
43	GEN 2:12	vura pì maa. Gbɛ̀ bɛ̀ɛdeenɔɔ kú gwe dɔ.
44	GEN 2:13	Swaa pì ɔnɛ plaade tɔ́n Giɔ̃, à liga Kusu bùsuzi píngi.
49	GEN 2:18	Dii Luda bè: Gɔ̃gbɛ̃ kuuna adoo maaro. Mɛ́ dɔnlɛri kɛnɛ à gbɛ̃ndoo ũ.
51	GEN 2:20	Gɔ̃gbɛ̃ pì tɔ́ kpà pɔ́kãdeenɔnɛ píngi kɔ̃n bãanɔ kɔ̃n nɔ̀bɔsɛ̃tɛnɔ píngi, mɔde èe dɔnlɛri e ń tɛ́ a gbɛ̃ndoo ũro.
56	GEN 2:25	Gɔ̃gbɛ̃ kɔ̃n a naɔ̃o kú bũu ń plaa ń píngi, wí sɔ̃ è ń kũro.
78	GEN 3:22	Ben à bè: Gbɛ̃ntee à maa kɔ̃n à zaaao dɔ̃̀ sa, à gɔ̃̀ lán wa bà. Wé gínɛ à lí wɛ̃̀ndide bɛɛ wo à ble, lɛ àtongɔ̃ kuu gurɔ píngiro yãnzi.
103	GEN 4:23	Ben Lamɛki bè a naɔ̃ɔnɔnɛ: Ada kɔ̃n Zilao, à ma yã ma, ma naɔ̃nɔ, à swã kpá ma yãzi. Gbɛ̃ke ma kɛ̃nna, ben ma à dɛ̀, gɔ̃kparɛ pì ma lɛmɛ, ben ma à kàatɛ.
107	GEN 5:1	Adamu boriinɔ yãn yɛ̀. Gurɔɔ kɛ̀ Luda gbɛ̃nteenɔ kɛ̀, à ń kɛ́ lán a bàmɛ.
135	GEN 5:29	À tɔ́ kpànɛ Nuu à bè: Gbɛ̃ beee bé eé wa làakari kpáɛwe zĩ gbãaa kɛ̀ wée kɛ yãnzi. Wée zĩ gbãaa pì kɛɛ Dii láarikɛna tɔɔtɛnɛ yãnzimɛ.
142	GEN 6:4	Gbɛ̃ gbã̀anɔɔ kú anduna guu gurɔ beeea kɔ̃n gurɔ beee gbɛraao dɔ, gurɔɔ kɛ̀ Luda nɛ́ pìnɔ gbɛ̃ntee nɛ́nɔgbɛ̃nɔ dɔ̃̀ nɔgbɛ̃nɔ ũ, ben aɔ̃ nɛ́nɔ ìńyo. Aɔ̃ nɛ́ pìnɔn gɔ̃sagbãaa kɛ̀ aɔ̃ tɔ́ bɔ̀ zaa káakunɔ ũ.
143	GEN 6:5	Dii è kɛ̀ gbɛ̃nteenɔ yã zaa kɛna bíta anduna guu. Gurɔ píngi yã zaa laasuun aɔ̃ègɔ̃ lɛɛ ado,
166	GEN 7:6	Gurɔɔ kɛ̀ í dà andunala, Nuu kuu wɛ̃̀ wàa aagɔ̃mɛ.
170	GEN 7:10	Gurɔ swɛɛplaaa gbɛra í daa pì dà andunala.
190	GEN 8:6	Gurɔ baplaa gbɛra Nuu góro windo kɛ̀ à bɔ̀ yãa wɛ̃̀,
237	GEN 10:2	Yafɛti nɛ́gɔ̃gbɛ̃nɔ tɔ́n yɛ̀: Goma, Magɔgu, Midia, Girisi, Tubala, Mɛsɛki kɔ̃n Tirasao.
238	GEN 10:3	Goma nɛ́gɔ̃gbɛ̃nɔ tɔ́n yɛ̀: Asakɛnaza, Rifa, Tɔgama.
239	GEN 10:4	Girisi nɛ́gɔ̃gbɛ̃nɔ tɔ́n yɛ̀: Ɛlisa, Tasisi, Sipiru, Rodanimu.
251	GEN 10:16	Yebusinɔ, Amɔrinɔ, Gigasinɔ,
254	GEN 10:19	Aɔ̃ bùsu lɛ́zɛkiin yɛ̀. Bɔna zaa Sidɔ̃ gana Gera kɛ̀ kú Gaza saɛ ai Sɔdɔmu kɔ̃n Gɔmɔrao kɔ̃n Adamao kɔ̃n Zeboimu kɛ̀ kú Lasa saɛo.
258	GEN 10:23	Aramu nɛ́gɔ̃gbɛ̃nɔ tɔ́n yɛ̀: Uzu, Hulu, Geta kɔ̃n Mɛsɛkio.
329	GEN 13:10	Kɛ Lutu guu gwà, à è Yoda guzurɛ píngi mɔdɔ vĩ maamaa. Ai Dii gɔ̃ gá Sɔdɔmu kɔ̃n Gɔmɔrao kaatɛ, guzurɛ pì dɛ lán Dii swadako bà, lán Igipiti bùsu bà, ai à gàa pɛ́ Zoaa.
333	GEN 13:14	Lutu tana gbɛra Dii bè Abramunɛ: Guu kɛ̀ ń zɛ́n ǹ wɛ́ɛ sɛ́ ǹ gu'igbãro kɔ̃n sɔɔmɛtɛo kɔ̃n ɔfãntɛ̃bɔɛo kɔ̃n ɔfãntɛ̃gɛ̃kpɛn-o gwa.
338	GEN 14:1	Zĩkea Babilɔnia bùsu kí Amarafɛli kɔ̃n Ɛlasa bùsu kí Ariɔkio kɔ̃n Elamu bùsu kí Kɛdɔlaomao kɔ̃n Goyimu bùsu kí Tidalao
339	GEN 14:2	e zĩ̀ kaa kɔ̃n Sɔdɔmu kí Bɛrao kɔ̃n Gɔmɔra kí Bisao kɔ̃n Adama kí Sinabuo kɔ̃n Zeboimu kí Sɛmɛbao kɔ̃n Bɛla kɛ̀ wè be tia Zoa kínao.
345	GEN 14:8	Ben Sɔdɔmu kína kɔ̃n Gɔmɔra kínao kɔ̃n Adama kínao kɔ̃n Zeboimu kínao kɔ̃n Bɛla kɛ̀ wè be tia Zoa kínao fɛ̀ɛ wà gàa wà zĩ̀ káńyo Sidimu guzurɛn.
346	GEN 14:9	Aɔ̃ɔe zĩ̀ kaa kɔ̃n Elamu bùsu kínao kɔ̃n Goyimu bùsu kínao kɔ̃n Babilɔnia bùsu kínao kɔ̃n Ɛlasa bùsu kínao. Kí gɔ̃ɔn siigɔ̃ɔ pìnɔɔ e zĩ̀ kaa kɔ̃n kí gɔ̃ɔn sɔɔroonɔ.
347	GEN 14:10	Sidimu guzurɛ kɔntaa wɛ̀ɛ vĩ pari. Kɛ̀ Sɔdɔmu kína kɔ̃n Gɔmɔra kínao e bàa lɛɛ, ben aɔ̃ sì à guu, ben ń gbɛ̃ kpaaanɔ bàa lɛ̀ wà gàa gusĩsĩdeen.
348	GEN 14:11	Zĩ̀blerinɔ Sɔdɔmu kɔ̃n Gɔmɔrao auzikinɔ kɔ̃n ń pɔ́bleenɔ sɛ̀ɛ píngi aɔ̃ tào.
349	GEN 14:12	Gurɔɔ mɔ̀a Abramu vĩ̀i nɛ́ Lutu kú Sɔdɔmu, ben aɔ̃ à kũ̀ wà tào kɔ̃n à auzikinɔ.
354	GEN 14:17	Kɛ̀ Abramu zĩ̀ blè Kɛdɔlaomaa kɔ̃n kína kɛ̀ aɔ̃ɔ kúonɔ èe suu, ben Sɔdɔmu kí bɔ̀ à dààlɛ Save Guzurɛ kɛ̀ wè be tia Kí Guzurɛn.
382	GEN 15:21	kɔ̃n Amɔrinɔ kɔ̃n Kanaanɔ kɔ̃n Gigasinɔ kɔ̃n Yebusinɔo.
398	GEN 16:16	Gurɔɔ kɛ̀ Agyara Sumaila ì, Abramu wɛ̃̀ basiigɔ̃ awɛɛswɛɛdomɛ.
399	GEN 17:1	Kɛ̀ Abramu kà wɛ̃̀ basɔɔro dosai, Dii bɔ̀ à mɔ̀zi à bè: Luda Gbãabitaden ma ũ. Ǹ táa omao ǹgɔ̃ kuu taari sai.
415	GEN 17:17	Ben Ibraĩ dàɛ a puua Luda aɛ à yáa dɔ̀ à bè a nɔ̀sɛ guu: Gbɛ̃ kɛ̀ kà wɛ̃̀ basɔɔroo é nɛ́ iɔ́? Lán Sara kà wɛ̃̀ basiigɔ̃ akuri nà, eé nɛ́ iɔ́?
424	GEN 17:26	Gurɔ dɔ̃nkɔ̃ pì zĩ Ibraĩ bã̀ngu kɛ̀ kɔ̃n a nɛ́ Sumailao
433	GEN 18:8	Ben Ibraĩ zwifãani kɔ̃n zwi'ipuo kɔ̃n zù kɛ̀ wà kɛ̀kɛ pìo sɛ̀ à gàa à dìɛńnɛ. Gurɔɔ kɛ̀ aɔ̃ɔe pɔ́ blee, àpi zɛ ń saɛ lí gbáru gwe.
445	GEN 18:20	Ben Dii ɛ̀ara à bè: Yã kɛ̀ wèe oo Sɔdɔmu kɔ̃n Gɔmɔrao musu pari, ń durun gɛ̃̀ ɔla.
463	GEN 19:5	Aɔ̃ lɛ́ zù Lutuzi wà bè: Gɔ̃gbɛ̃ kɛ̀ aɔ̃ pìta n bɛ uusiɛanɔɔ kú máa? Ǹ bɔɛńyowe, wà pãpãa kɛńyo.
467	GEN 19:9	Aɔ̃ bènɛ: Ǹ guwe gwe! Ben aɔ̃ bè dɔ: Gbɛ̃ kɛ̀ nɛ́ gbɛ̃ zĩ̀tɔmɛ, ben à yezi à kɛ wa yãkpaɛkɛri ũ. Wé yã zaaa kɛnnɛ dɛ ń pɔ́la. Ben aɔ̃ kùsia gbãaao, aɔ̃ɔe mɔɔ kpɛ́ gbà gboro.
470	GEN 19:12	Gɔ̃ɔn plaaa pìnɔ bè Lutunɛ: Dé ń vĩ kɛ̀ dɔɔ? Nɛ́gɔ̃gbɛ̃nɔ, nɛ́nɔgbɛ̃nɔ, n nɛ́ anzurenɔ kɔ̃n gbɛ̃ kɛ̀ aɔ̃ɔ dɛ n gbɛ̃ ũunɔ wɛ́tɛ guu ń píngi. Ǹ bɔɛńyo,
482	GEN 19:24	ben Dii tò tɛ́ kɔ̃n ɔfãntɛ̃gbɔ̃o bɔ̀ musu à kà Sɔdɔmu kɔ̃n Gɔmɔraola.
486	GEN 19:28	Kɛ̀ à Sɔdɔmu kɔ̃n Gɔmɔrao kpaa gwà kɔ̃n guzurɛ pìo píngi, à è tɛ́sukpɛ e fɛɛɛ tɔɔtɛ lán mɔ̀datɛ tɛ́sukpɛ bà.
491	GEN 19:33	Gwãavĩ beeea aɔ̃ wɛ̃ɛ kàkanɛ, ben Yɔ̃ɔ gàa à dàɛo. Lutu e dɔ̃ gurɔɔ kɛ̀ à dàɛao ke gurɔɔ kɛ̀ à fɛ̀ɛro.
493	GEN 19:35	Gwãavĩ beeea dɔ aɔ̃ wɛ̃ɛ kàkanɛ, ben Bãa gàa à dàɛo. Lutu e dɔ̃ gurɔɔ kɛ̀ à dàɛao ke gurɔɔ kɛ̀ à fɛ̀ɛro.
497	GEN 20:1	Ben Ibraĩ fɛ̀ɛ gwe à gàa Nɛgɛvi bùsun Kadɛsi kɔ̃n Suruo dagura. Kɛ̀ à gàa à vɛ̃̀ɛ Gera,
498	GEN 20:2	à bè a naɔ̃ Sara nɛ́ a dãremɛ, ben Gera kí Abimɛlɛki gbɛ̃ zĩ̀ à à sɛ̀ à sùo.
535	GEN 21:21	Gurɔɔ kɛ̀ à kú Parani gbáa pì guun à da Igipiti bùsu nɔɔ sɛ̀nɛ.
536	GEN 21:22	Gurɔ beeea Abimɛlɛki kɔ̃n a zĩ̀kpɛɛnɔ gbɛ̃nsi Fikɔluo gàa Ibraĩ kiia aɔ̃ bènɛ: Ludaa kúnyo yã kɛ̀ nɛ́ɛ kɛɛ guu píngi.
547	GEN 21:33	Ibraĩ sãma lí tɔ̃̀ Bɛsɛba, ben à Dii Luda Gurɔpingide sìsi gwe.
572	GEN 22:24	À nɔ yìgisai Ruma nɛ́nɔ tɔ́n yɛ̀: Teba, Gaamu, Tasa kɔ̃n Maakao.
599	GEN 24:7	Dii Luda Musude ma bɔ ma de bɛ ma danɛnɔ bùsun, ben à yã òmɛ à la dà à bè é bùsu kɛ̀kii kpá ma boriinɔamɛ. Àmbe eé a Malaika zĩ à dɔnnɛ aɛ. Gwen nɛ́ nɔɔ sɛ́n ma nɛ́nɛ.
613	GEN 24:21	Gɔ̃gbɛ̃ pì zɛna èe à gwaa tíii, lɛ à e à dɔ̃ tó Dii é tó a tá kɛ nna, ke eé kɛ nnaro.
624	GEN 24:32	Gɔ̃gbɛ̃ pì gɛ̃̀ ua, ben Labã lakuminɔ asoo pòro à sɛ̃̀la kori kɔ̃n tàgaao kpàḿma à í kpà gɔ̃gbɛ̃ pìa à a gbá pípio kɔ̃n à gbɛ̃nɔ ń píngi.
669	GEN 25:10	kɛ̀ Ibraĩ pì lù Itinɔa. Gwen wà à vĩ̀in kɔ̃n a naɔ̃ Sarao.
694	GEN 26:1	Dekaa kà bùsu pìn à káakupɔ kɛ̀ kà Ibraĩ gurɔɔ baasi, ben Isaaku fɛ̀ɛ à gàa Filisitininɔ kí Abimɛlɛki kiia Gera.
699	GEN 26:6	Ben Isaaku gɔ̃̀ Gera.
704	GEN 26:11	Ben Abimɛlɛki gbɛ̃nɔ swã sùkãńnɛ píngi à bè: Gbɛ̃ kɛ̀ ɔ kɛ̀ gɔ̃gbɛ̃ pìa kɔ̃n à naɔ̃o, weé à dɛ.
710	GEN 26:17	Ben Isaaku bɔ̀ gwe à bùra kàɛ Gera guzurɛn, ben à gurɔplaa kɛ̀ gwe.
713	GEN 26:20	Ben Gera pɔ́dãrinɔ swèe kɛ̀ kɔ̃n Isaaku pɔ́dãrinɔ wà bè: Wa ímɛ. Ben à tɔ́ kpà lɔ̀gɔ pìnɛ Swèe, kɛ̀ aɔ̃ swèe kɛ̀o yãnzi.
718	GEN 26:25	Gwen à sa'okii bòn à Dii sìsi. Ben à bùra kàɛ gwe à gbɛ̃nɔɔ e lɔ̀gɔ yɔ̃ɔ.
719	GEN 26:26	Ben Abimɛlɛki bɔ̀ Gera à mɔ̀ Isaaku kiia kɔ̃n a kpàasi Auzao kɔ̃n a zĩ̀kpɛɛnɔ gbɛ̃nsi Fikɔluo.
757	GEN 27:29	Gbɛ̃nɔ é zɔ̀ blennɛ, boriinɔ é kúɛ n aɛ, nɛ́gɔ̃ dɛ n gbɛ̃nɔ dii ũ, n da nɛ́nɔ é kúɛnnɛ. Luda é lɛ́ kɛ gbɛ̃ kɛ̀ aɔ̃ lɛ́ kɛ̀nnɛɛnɔnɛ, eé aubarika da gbɛ̃ kɛ̀ aɔ̃ sa maaa ònnɛɛnɔn.
777	GEN 28:3	Luda Gbãapingide aubarika dangu à tó ǹ nɛ́ i maamaa, aɔ̃gɔ̃ kaara lɛ ǹ gɔ̃ boriinɔ dezi ũ.
791	GEN 28:17	Vĩa à kũ̀ à bè: Guu kɛ̀ ma kã fɛ̀ɛ. Luda bɛɛmɛ, ludambɛ zɛ́mɛ.
798	GEN 29:2	Kɛ̀ à kà gwe, à lɔ̀gɔ è sɛ̃̀n sã kpàsa lɛo aagɔ̃ kaɛna à saɛ, zaakɛ lɔ̀gɔ pì ín wè kpáḿma. Gbɛ̀ bíta tatana lɔ̀gɔ pìlɛ.
800	GEN 29:4	Ben Yakubu sãdãrinɔ là à bè: Gbɛ̃nɔ, a bɔ mámɛ? Aɔ̃ wèàla wà bè: Wa bɔ Aranamɛ.
842	GEN 30:11	Ben Lea bè: Mìnnaamɛ. Ben à tɔ́ kpànɛ Gada.
884	GEN 31:10	Gurɔɔ kɛ̀ blènɔɔ e kpákpa oo, ma nanaa ò, ben nanaa guu má è blèkofĩi kɛ̀ aɔ̃ɔe kpákpa oonɔ nɛ́ blè wɛ̃zãdeenɔmɛ kɔ̃n à bakebakenɔ kɔ̃n à togetogenɔo.
895	GEN 31:21	À fɛ̀ɛ à bàalɛ kɔ̃n a pɔ́nɔ píngi à bikũ̀ Yuflatia, ben à mì pɛ̀ Giliada gusĩsĩdeea.
897	GEN 31:23	À a gbɛ̃nɔ kàkɔ̃a, ben à pɛ̀ɛzi. À táa ò gurɔ swɛɛplaa, ben à à lè Giliada gusĩsĩdeen.
899	GEN 31:25	Labã Yakubu bùra lè pɛɛna Giliada gusĩsĩdeen, ben à bùra kàɛ gwe kɔ̃n a gbɛ̃nɔo se.
906	GEN 31:32	Gbɛ̃ kɛ̀ n n tãanɔ è à kiia, wà à dɛ. Ǹ ma pɔ́nɔ gwagwa wa gbɛ̃nɔ wáa. Tó n n pɔ́ è, ǹ sɛ́. Yakubu sɔ̃ɔ dɔ̃ kɛ̀ Rasɛli Labã pɔ́ sɛ̀ kpãiro.
921	GEN 31:47	Ben Labã tɔ́ kpà gbɛ̀didikɔ̃ana pìnɛ Yega Saaduta. Yakubu tɔ́ kpànɛ Galɛɛdi.
922	GEN 31:48	Labã bè: Gbɛ̀didikɔ̃ana kɛ̀kiin sèeda ũ wa dagura gbã̀a. Bee yãnzi wà tɔ́ kpànɛ Galɛɛdi.
939	GEN 32:11	N gbɛ̃kɛɛ kɔ̃n náanɛ yão kɛ̀mɛ maamaa ma bɛ̀ɛ e káro. Gurɔɔ kɛ̀ ma bikũ Yodaa, gò bé à na ma ɔzĩ ado. Tia sa ma su kɔ̃n auziki lɛo plaaa kɛ̀nɔ.
942	GEN 32:14	Gwen Yakubu ìn. Pɔ́ kɛ̀ à plɛ̀plɛ à a vĩ̀i gbaanɔn yɛ̀:
950	GEN 32:22	Gbaa pìnɔ dɔ̀nɛ aɛ, ben à gɔ̃̀ bùran gwãavĩ mɔ̀a à ì gwe.
955	GEN 32:27	Gɔ̃gbɛ̃ pì bè: Ǹ ma gbarɛ, zaakɛ guu e dɔɔ. Ben Yakubu bènɛ: Tó èe kɛ ǹ aubarika damagu baasiro, mɛ́ n gbarɛro.
956	GEN 32:28	Gɔ̃gbɛ̃ pì à là à bè: N tɔ́n diaa? À wèàla à bè: Ma tɔ́n Yakubu.
981	GEN 33:20	Gwen à sa'okii bòn, à tɔ́ kpànɛ Luda Isarailinɔ Luda.
1000	GEN 34:19	Gɔ̃kparɛ pì yã pì gɔ̃̀gɔ̃ kpakpaa kɛ̀ Yakubu nɛ́nɔgbɛ̃ yã kànɛ yãnzi. À bɛ̀ɛ vĩ dɛńla a de bɛdeenɔ tɛ́.
1002	GEN 34:21	Gbɛ̃ pìnɔ yãke vĩwaoro. Wà tó aɔ̃gɔ̃ kú wa bùsun aɔ̃gɔ̃ laa taa, zaakɛ bùsu pì yàasa eé mɔ́wa. Wé ń nɛ́nɔgbɛ̃nɔ sɛ́ wé wa nɛ́nɔ kpáḿma.
1003	GEN 34:22	Gbɛ̃ pìnɔ sɔ̃ é we wàgɔ̃ kúwao lɛ wà gɔ̃ bori dɔ̃nkɔ̃ ũro, séto èe kɛ wa gɔ̃gbɛ̃ píngi bã̀ngu kɛ̀ lán ń bà baasiro.
1023	GEN 35:11	Luda bènɛ dɔ: Luda Gbãapingiden ma ũ. Àgɔ̃ nɛ́ ii àgɔ̃ kaara. Borii é bɔ n kiia kɔ̃n bori pariinɔ dɔ, n bori kenɔ égɔ̃ dɛ kínanɔ ũ.
1034	GEN 35:22	Gurɔɔ kɛ̀ à kú bùsu pìn Rubɛni gàa à dàɛ kɔ̃n Bilao, Yakubu nɔ yìgisai, ben Yakubu yã pì mà. Yakubu nɛ́gɔ̃gbɛ̃nɔ ì mɛ̀n kuri awɛɛplaa.
1038	GEN 35:26	Lea zĩkɛri Zilipa nɛ́nɔn Gada kɔ̃n Asao ũ. Nɛ́gɔ̃gbɛ̃ kɛ̀ wà ń í kɔ̃n Yakubuo Mɛsɔpɔtamianɔn gwe.