44	GEN 2:13	Swaa pì ɔnɛ plaade tɔ́n Giɔ̃, à liga Kusu bùsuzi píngi.
52	GEN 2:21	Ben Dii Luda i ìsi dà gɔ̃gbɛ̃ pìla. Kɛ̀ èe ii oo, ben à à gbã̀ntɛ̃wa mɛ̀n doo bɔ̀, ben à à mɛ̀baasi tàta a gbɛ̀n.
54	GEN 2:23	Ben gɔ̃gbɛ̃ pì bè: Kɛ̀ki wá bɔ̀ ma wá guumɛ, à mɛ̀ sɔ̃ bɔ̀ ma mɛ̀ guumɛ. Weé à sísi nɔgbɛ̃, kɛ̀ Luda à bɔ̀ gɔ̃gbɛ̃ guu yãnzi.
62	GEN 3:6	Kɛ̀ nɔgbɛ̃ è lí pì bɛɛ maa, bensɔ̃ à blena égɔ̃ nna eé tó gbɛ̃ wɛ́ɛ kɛ̃, ben à à bɛɛ wò à blè. À kpà a zãa sɔ̃, ben à blè.
64	GEN 3:8	Kɛ̀ gɔ̃gbɛ̃ kɔ̃n a naɔ̃o Dii Luda kĩi mà èe táa oo dàko pì guu uusiɛ, ben aɔ̃ ùtɛnɛ dàko pì lán.
66	GEN 3:10	À wèàla à bè: Kɛ̀ ma n kĩi mà, ben vĩa ma kũ kɛ̀ má kú bũu yãnzi, ben ma utɛ.
70	GEN 3:14	Ben Dii Luda bè mlɛ̃̀nɛ: Kɛ̀ ń kɛ̀ lɛ, nɛ́gɔ̃ dɛ láari pɔ́ ũ pɔ́kãdeenɔ kɔ̃n nɔ̀bɔsɛ̃tɛnɔ tɛ́ píngi, n gbɛɛɛn nɛ́gɔ̃ gáɛɛ, bùsutin nɛ́gɔ̃ blee ai n wɛ̃̀ndi lɛ́n.
80	GEN 3:24	Kɛ̀ Dii Luda pɛ̀a, ben à kɛrubunɔ kàɛ Ɛdɛni dàko ɔfãntɛ̃bɔɛ kpa, lɛ aɔ̃gɔ̃ lí wɛ̃̀ndide zɛ́ dãkpaa kɔ̃n fɛ̃ɛdaa kɛ̀ èe tɛ́ kɛɛ èe liɛliɛɛo.
81	GEN 4:1	Adamu a naɔ̃ Awau dɔ̃̀ nɔgbɛ̃ ũ, ben à nɔ̀ sì à Kaini ì. Ben à bè: Ma gɔ̃gbɛ̃ ì kɔ̃n Dii gbãaao.
82	GEN 4:2	Ben à à dãaro Abila ì dɔ. Abila kɛ̀ sãdãri ũ, Kaini sɔ̃ kɛ̀ búbari ũ.
83	GEN 4:3	Zĩkea Kaini mɔ̀ kɔ̃n a bura pɔ́nɔo gbaa ũ Diinɛ.
85	GEN 4:5	Kaini sɔ̃ yã e ká Diinɛro, ben èe à gba síro. Ben Kaini pɔ fɛ̃̀ maamaa à uu yàkɔ̃tɛ.
86	GEN 4:6	Ben Dii bè Kaininɛ: Bɔ́yãnzi n pɔ fɛ̃̀zi? À kɛ̀ dia n uu yàkɔ̃tɛɛ?
88	GEN 4:8	Ben Kaini bè a dãaro Abilanɛ: Wà gá sɛ̃̀n. Kɛ̀ aɔ̃ kà gwe, ben à fɛ̀ɛ a dãarozi à à dɛ̀.
89	GEN 4:9	Dii Kaini là à bè: Mán n dãaro Abila kún? À wèàla à bè: Má dɔ̃ro. Ma dãaro dãkparin ma ũɔ́?
93	GEN 4:13	Ben Kaini bè Diinɛ: Ĩadamma beee gbãa dɛmala, mɛ́ fɔ̃ro.
95	GEN 4:15	Ben Dii bènɛ: Lɛnlo! Tó gbɛ̃ n dɛ, weé gɛ̃ɛ bonnɛ gɛ̃̀n swɛɛplaamɛ. Ben Dii wɛ̃zã ke kɛ̀ Kainia, lɛ gbɛ̃ kɛ̀ kpàkũo tón à dɛro yãnzi.
96	GEN 4:16	Ben Kaini dà zɛ́n à kɛ̃̀ Diia. À gàa à vɛ̃̀ɛ Nɔdu bùsun Ɛdɛni ɔfãntɛ̃bɔɛ kpa.
97	GEN 4:17	Kaini dàɛ kɔ̃n a naɔ̃o, ben à nɔ̀ sì à Ɛnɔku ì. À gbɛra Kaini wɛ́tɛ kàɛ, ben à a nɛ́ pì tɔ́ kpà wɛ́tɛ pìnɛ.
102	GEN 4:22	Zila sɔ̃ bé à Tubala Kaini ì. Sian à ũ. È pɔ́ píngi pi kɔ̃n mɔ̀sio kɔ̃n mɔ̀gotɛ̃o. À dãre tɔ́n Naama.
104	GEN 4:24	Tó weé Kaini gɛ̃ɛ bonɛ gɛ̃̀n swɛɛplaa, mamɔma Lamɛki ma pɔ́ sɔ̃, gɛ̃̀n baaagɔ̃ akuri awɛɛswɛɛplaamɛ.
105	GEN 4:25	Adamu dàɛ kɔ̃n a naɔ̃o dɔ, ben à nɛ́gɔ̃gbɛ̃ ì. À tɔ́ kpànɛ Sɛti à bè, Luda a gba nɛ́ pãnde Abila kɛ̀ Kaini dɛ̀ gɛ̃ɛ ũmɛ.
111	GEN 5:5	Kɛ̀ à kà wɛ̃̀ wàa siigɔ̃ kpɛ́ baswɛɛdo akuri, ben à gà.
114	GEN 5:8	Kɛ̀ à kà wɛ̃̀ wàa siigɔ̃ kpɛ́ basɔɔro akuri awɛɛplaa, ben à gà.
115	GEN 5:9	Ɛnɔsu wɛ̃̀ basiigɔ̃ akuridee guun à Kenana ì.
117	GEN 5:11	Kɛ̀ à kà wɛ̃̀ wàa siigɔ̃ kpɛ́ basɔɔro asɔɔro, ben à gà.
118	GEN 5:12	Kenana wɛ̃̀ baaagɔ̃ akuridee guun à Malalɛli ì.
120	GEN 5:14	Kɛ̀ à kà wɛ̃̀ wàa siigɔ̃ kpɛ́ basɔɔro akuri, ben à gà.
123	GEN 5:17	Kɛ̀ à kà wɛ̃̀ wàa siigɔ̃ kpɛ́ basɔɔro sɔɔrosai, ben à gà.
126	GEN 5:20	Kɛ̀ à kà wɛ̃̀ wàa siigɔ̃ kpɛ́ basɔraagɔ̃ awɛɛplaa, ben à gà.
133	GEN 5:27	Kɛ̀ à kà wɛ̃̀ wàa siigɔ̃ kpɛ́ basɔraagɔ̃ akuri dosai, ben à gà.
137	GEN 5:31	Kɛ̀ à kà wɛ̃̀ wàa aagɔ̃ kpɛ́ basɔraagɔ̃ akuri awɛɛswɛɛplaa, ben à gà.
138	GEN 5:32	Kɛ̀ Nuu kà wɛ̃̀ wàa plaa kpɛ́ basɔɔro, à Sɛmu kɔ̃n Hamuo kɔ̃n Yafɛtio ì.
139	GEN 6:1	Kɛ gbɛ̃nteenɔ nà parikũnaa aɔ̃ɔe daagula aɔ̃ɔe nɛ́nɔgbɛ̃nɔ ii,
147	GEN 6:9	Nuu boriinɔ yãn yɛ̀. Nuu nɛ́ gbɛ̃ maaamɛ. Kɛ̀ à kuu, à mɛ̀n doo bé à taari vĩro, à táa ò kɔ̃n Ludao.
150	GEN 6:12	Kɛ̀ Luda anduna gwà, à è à yàka, zaakɛ gbɛ̃ sãnda píngi kɛ̃̀ ń zɛ́a.
177	GEN 7:17	Lou mà ai gurɔ baplaa. Kɛ̀ í e kaara, ben à góro pì sɛ̀ tɔɔtɛla.
185	GEN 8:1	Nuu kɔ̃n nɔ̀bɔsɛ̃tɛnɔ kɔ̃n pɔ́kãdee kɛ̀ aɔ̃ɔ kúo góro guunɔ píngi yã dɔ̀ Ludan. Kɛ̀ à ĩa gbàrɛ tɔɔtɛa, ben í nà babanaa.
193	GEN 8:9	Kɛ̀ pɔ̃tɛ̃ɛ e zɔ̃kii ero, ben a lìara à sù Nuu kiia góro guu, zaakɛ í da andunala píngimɛ. Nuu ɔɔ bɔ̀ à kũ̀ à gɛ̃̀o góro guu.
197	GEN 8:13	Nuu wɛ̃̀ wàa aagɔ̃ awɛɛdodee guu à mɔ káaku gurɔ káaku zĩ, í bàba tɔɔtɛa, ben à góro pì musu gò. Kɛ̀ à guu gwà, à è í yã̀a tɔɔtɛa.
205	GEN 8:21	Kɛ̀ Dii à gũu mà, à kɛ̀nɛ nna, ben à laasuu lɛ̀ à bè: Mɛ́ ɛara mà láari zĩ tɔɔtɛa gbɛ̃ntee yãnzi dɔro, zaakɛ gbɛ̃ntee laasuu ègɔ̃ zaa zaa à ɔ̀wazikɛgurɔmɛ. Mɛ́ ɛara mà pɔ́ wɛ̃̀ndideenɔ kaatɛ lán má kɛ̀ nà dɔro.
224	GEN 9:18	Nuu nɛ́ kɛ̀ aɔ̃ bɔ̀ɛ góro guunɔ tɔ́n yɛ̀: Sɛmu, Hamu, Yafɛti. Hamun Kanaa de ũ.
227	GEN 9:21	Kɛ̀ à geepiwɛ̃ɛ mì à kã̀, ben à daɛna bũu a kpɛ́n.
228	GEN 9:22	Kɛ̀ Kanaa de Hamu a de bũukɛɛ è, à bɔ̀ à gàa à ò Sɛmunɛ kɔ̃n Yafɛtio.
230	GEN 9:24	Kɛ̀ wɛ̃ɛ kɛ̃̀ Nuua à fɛ̀ɛ, à mà lán a nɛ́ zãa kɛ̀are nà,
231	GEN 9:25	ben à bè: Kanaa égɔ̃ láari pɔ́ ũmɛ, àmbe égɔ̃ a gbɛ̃nɔ zɔ̀ zãa ũ.
232	GEN 9:26	Ben à bè: Aubarikadeen Dii, Sɛmu Luda ũ, Kanaanɔ égɔ̃ dɛ Sɛmunɔ zɔ̀nɔ ũ.
233	GEN 9:27	Luda kaarana kɛ Yafɛtinɛ, Yafɛtinɔ ń baka e Sɛmunɔ aubarika guu, Kanaanɔ égɔ̃ dɛ Yafɛtinɔ zɔ̀nɔ ũ.
241	GEN 10:6	Hamu nɛ́gɔ̃gbɛ̃nɔ tɔ́n yɛ̀: Etiopia, Igipiti, Libia kɔ̃n Kanaao.
245	GEN 10:10	Babilɔnia bùsu kɛ̀ à kí blèa káaku wɛ́tɛdaan Babɛli kɔ̃n Ɛrɛkio kɔ̃n Akadao kɔ̃n Kalanɛo ũ.
246	GEN 10:11	Bɔna gwe à gàa Asiria bùsun, ben à Ninɛva kàɛ kɔ̃n Reobo'io kɔ̃n Kalao
247	GEN 10:12	kɔ̃n Rɛsɛ̃ kɛ̀ kú Ninɛva dagura kɔ̃n Kalao. Ninɛvan wɛ́tɛda ìsi ũ.
249	GEN 10:14	Patarusinɔ, Kasalunɔ kɔ̃n Kɛrɛtinɔ kɛ̀ Filisitininɔ bɔ̀ ń guunɔo.
250	GEN 10:15	Kanaa daudu Sidɔ̃ boriinɔn yɛ̀: Itinɔ,
253	GEN 10:18	Avadanɔ, Zɛmarinɔ kɔ̃n Amatanɔo. Kanaa pìnɔ dàgula zãamɛ.
270	GEN 11:3	Aɔ̃ bèkɔ̃nɛ: Wà gá wà kúnku bɔ wà kpáta maamaa. Kúnkun ń gbɛ̀ ũ, kɔntaan ń siminti ũ.
295	GEN 11:28	Arana gà a de Tera wáa zaa Urumɛ Kaladia bùsun, guu kɛ̀ wà à ìn.
298	GEN 11:31	Ben Tera a nɛ́ Abramu kɔ̃n a dio Lutuo kɔ̃n Abramu naɔ̃ Saraio sɛ̀ bɔna Uru, Kaladia bùsun, aɔ̃ɔe gaa Kanaa bùsun. Kɛ̀ aɔ̃ kà Arana, aɔ̃ vɛ̃̀ɛ gwe.
304	GEN 12:5	kɔ̃n a naɔ̃ Saraio kɔ̃n a vĩ̀i nɛ́ Lutuo kɔ̃n ń auziki kɛ̀ aɔ̃ɔ vĩinɔ kɔ̃n gbɛ̃ kɛ̀ aɔ̃ɔ sɛ̀ gweenɔ. Lɛn aɔ̃ bɔ̀ Arana lɛ aɔ̃ dà Kanaa zɛ́n. Kɛ̀ aɔ̃ kà gwe,
305	GEN 12:6	ben aɔ̃ bɔ̀ɛ bùsu pìn ai aɔ̃ kà Mɔre gbíi lí kiia Sɛkɛmu. Kanaanɔɔ kú bùsu pìn gurɔ beeea.
307	GEN 12:8	Kɛ̀ à fɛ̀ɛ gwe, à mì pɛ̀ kpiii kɛ̀ kú Bɛtɛli ɔfãntɛ̃bɔɛ kpaanɔa, ben à bùra kàɛ gwe, Bɛtɛli kú ɔfãntɛ̃gɛ̃kpɛn kpa, Ai kú ɔfãntɛ̃bɔɛ kpa. À Dii gbãgbãkii bò gwe dɔ, ben à à sìsi.
309	GEN 12:10	Kɛ̀ dekaa kà bùsu pìn, ben Abramu gàa gurɔ plaaa kɛ Igipiti, zaakɛ dekaa pì gɛ̃̀ ɔla.
310	GEN 12:11	Kɛ̀ à kà kĩi kɔ̃n Igipitio, à bè a naɔ̃nɛ: Má dɔ̃ nɔ maan n ũ.
313	GEN 12:14	Kɛ̀ aɔ̃ kà Igipiti, Igipitinɔɔ è nɔgbɛ̃ pì maaa gɛ̃̀.
314	GEN 12:15	Kɛ̀ Igipiti kí Fili'auna ìbanɔ à è, aɔ̃ à maaa gɔ̃̀gɔ̃nɛ, ben wà à sɛ̀ wà gɛ̃̀o Fili'aunanɛ a bɛ.
326	GEN 13:7	Ben lɛokpakɔ̃a gɛ̃̀ Abramu pɔ́dãrinɔ kɔ̃n Lutu pɔ́dãrinɔ dagura. Zĩ beeea sɔ̃ Kanaanɔ kɔ̃n Pɛrizinɔɔ kú bùsu pìn.
329	GEN 13:10	Kɛ Lutu guu gwà, à è Yoda guzurɛ píngi mɔdɔ vĩ maamaa. Ai Dii gɔ̃ gá Sɔdɔmu kɔ̃n Gɔmɔrao kaatɛ, guzurɛ pì dɛ lán Dii swadako bà, lán Igipiti bùsu bà, ai à gàa pɛ́ Zoaa.
331	GEN 13:12	Abramu gɔ̃̀ Kanaa bùsun, Lutu sɔ̃ɔ kú Yoda guzurɛ wɛ́tɛnɔ dagura. À bùra kàɛ Sɔdɔmu saɛ.
338	GEN 14:1	Zĩkea Babilɔnia bùsu kí Amarafɛli kɔ̃n Ɛlasa bùsu kí Ariɔkio kɔ̃n Elamu bùsu kí Kɛdɔlaomao kɔ̃n Goyimu bùsu kí Tidalao
340	GEN 14:3	Kí gɔ̃ɔn sɔɔroo pìnɔ kɔ̃ kàkɔ̃a ń píngi Sidimu guzurɛn. Àmbe sɛ̀bɛ wisidee ũ tia.
341	GEN 14:4	Wɛ̃̀ kuri awɛɛplaaa dagura aɔ̃ègɔ̃ tángba kpaa Kɛdɔlaomaa. À wɛ̃̀ kuri awɛɛ'aagɔ̃dee guun aɔ̃ gì bɔnɛzi.
342	GEN 14:5	À wɛ̃̀ gɛ̃ro dosaidee guun Kɛdɔlaoma kɔ̃n kína kɛ̀ aɔ̃ɔ kúonɔ mɔ̀ wà zĩ̀ blè Rɛfaimunɔa zaa Asɛtɛro Kanaimu, aɔ̃ zĩ̀ blè Zuzinɔa zaa Hamu, aɔ̃ zĩ̀ blè Ɛminɔa zaa Save Kiriataimu,
344	GEN 14:7	Ben aɔ̃ lìara wà sù Ɛmisipa. Àmbe wè be tia Kadɛsi. Aɔ̃ zĩ̀ blè Amalɛki bùsua píngi kɔ̃n Amɔri borii kɛ̀ aɔ̃ɔ kú Azazɔ̃tamanɔa dɔ.
346	GEN 14:9	Aɔ̃ɔe zĩ̀ kaa kɔ̃n Elamu bùsu kínao kɔ̃n Goyimu bùsu kínao kɔ̃n Babilɔnia bùsu kínao kɔ̃n Ɛlasa bùsu kínao. Kí gɔ̃ɔn siigɔ̃ɔ pìnɔɔ e zĩ̀ kaa kɔ̃n kí gɔ̃ɔn sɔɔroonɔ.
347	GEN 14:10	Sidimu guzurɛ kɔntaa wɛ̀ɛ vĩ pari. Kɛ̀ Sɔdɔmu kína kɔ̃n Gɔmɔra kínao e bàa lɛɛ, ben aɔ̃ sì à guu, ben ń gbɛ̃ kpaaanɔ bàa lɛ̀ wà gàa gusĩsĩdeen.
351	GEN 14:14	Kɛ̀ Abramu mà wà a danɛ kũ̀ wà tào, ben à a bɛ zĩ̀karinɔ sɛ̀ɛ gɔ̃ɔn wàa do kpɛ́ baswɛɛdo plaasai à pɛ̀ɛ kína pìnɔzi, ben à ń lé Dani.
354	GEN 14:17	Kɛ̀ Abramu zĩ̀ blè Kɛdɔlaomaa kɔ̃n kína kɛ̀ aɔ̃ɔ kúonɔ èe suu, ben Sɔdɔmu kí bɔ̀ à dààlɛ Save Guzurɛ kɛ̀ wè be tia Kí Guzurɛn.
356	GEN 14:19	Ben à sa maaa ò Abramunɛ à bè: Luda Musude musu kɔ̃n tɔɔtɛo Kɛ̀ri aubarika da Abramun.
359	GEN 14:22	Ben Abramu bènɛ: Má sì kɔ̃n Dii Luda Musude musu kɔ̃n tɔɔtɛo Kɛ̀rio,
364	GEN 15:3	Kɛ̀ nɛ́ɛ ma gba nɛ́ro, ma bɛ zĩkɛri pì bé égɔ̃ dɛ ma túbibleri ũ.
368	GEN 15:7	À bènɛ dɔ: Diin ma ũ, mámbe ma n bɔ Uru, Kaladia bùsun, lɛ mà bùsu kɛ̀kii kpámma yãnzi.
372	GEN 15:11	Kɛ̀ yeberekunɔ mɔ̀ wà zɔ̃̀zɔ̃ nɔ̀bɔ pìnɔa, ben Abramu pɛ̀ḿma.
373	GEN 15:12	Kɛ̀ ɔfãntɛ̃ e gɛ̃ɛ kpɛ́n, i bíta Abramu kũ̀, ben gusia bíta vĩadee dààla.
378	GEN 15:17	Kɛ̀ ɔfãntɛ̃ gɛ̃̀ kpɛ́n, guu sì, ben Abramu è kĩi kɛ̀ èe tɛ́sukpɛ bɔɔ kɔ̃n sɛ̃̀tɛo e gɛ̃ɛ nɔ̀bɔ kɛ̀ à pàrapara pìnɔ dagura.
380	GEN 15:19	bùsu kɛ̀ Keninɔɔ kún kɔ̃n Kenizinɔ kɔ̃n Kadamɔnunɔ
382	GEN 15:21	kɔ̃n Amɔrinɔ kɔ̃n Kanaanɔ kɔ̃n Gigasinɔ kɔ̃n Yebusinɔo.
385	GEN 16:3	Abramu wɛ̃̀ kuri kɛna Kanaa bùsun gbɛran Sarai a zɔ̀ Agyara kpàa nɔɔ ũ.
386	GEN 16:4	Abramu dàɛo, ben à nɔ̀ sì. Kɛ̀ à è á nɔ̀sina, à dɔkɛ̀ a diio.