1	GEN 1:1	À káaku Luda musu kɔ̃n tɔɔtɛo kɛ̀.
2	GEN 1:2	Guu da pãmɛ à kɛkɛnaro, gusiaa bé à da ísiaala, ben Luda Ninii e yàa paa í pìla.
3	GEN 1:3	Ben Luda bè: Guu pu! Ben guu pù.
6	GEN 1:6	Ben Luda bè: Bàtuma gɔ̃ kú ínɔ dagura lɛ à í pìnɔ kɛ̃kɔ̃a.
9	GEN 1:9	Ben Luda bè: Í kɛ̀ kú gĩzĩ kakɔ̃a gu dɔ̃nkɔ̃n, gukori bɔ. Ben à kɛ̀ lɛ.
11	GEN 1:11	Ben Luda bè: Lánɔ bɔɛ tɔɔtɛ kɔ̃n sɛ̃̀ wɛ́ɛdeenɔ kɔ̃n lí nɛ́deenɔ, baade kɔ̃n a boriio. Ben à kɛ̀ lɛ,
12	GEN 1:12	lánɔ bɔ̀ɛ tɔɔtɛ kɔ̃n sɛ̃̀ wɛ́ɛdeenɔ kɔ̃n lí nɛ́deenɔ, baade kɔ̃n a boriio. Ben Ludaa è à kɛ̀ maa.
14	GEN 1:14	Ben Luda bè: Pɔ́ gupurinɔ gɔ̃ kú musu aɔ̃gɔ̃ fãantɛ̃ kɛ̃ɛkɔ̃a kɔ̃n gwãavĩo, aɔ̃gɔ̃ wɛ̃̀ sèedanɔ kɔ̃n gurɔɔnɔ kɔ̃n wɛ̃̀nɔ ɔdɔańnɛ.
20	GEN 1:20	Ben Luda bè: Pɔ́ wɛ̃̀ndideenɔ í pa yɛ́lɛlɛ, bãanɔ dagula musu aɔ̃gɔ̃ vĩaa bàtumaa.
24	GEN 1:24	Ben Luda bè: Pɔ́ wɛ̃̀ndideenɔ bɔɛ tɔɔtɛa, pɔ́kãdeenɔ kɔ̃n pɔ́taa'onkusɛanɔ kɔ̃n nɔ̀bɔsɛ̃tɛnɔ, baade kɔ̃n a boriio. Ben à kɛ̀ lɛ.
25	GEN 1:25	Luda nɔ̀bɔsɛ̃tɛnɔ kɛ̀ baade kɔ̃n a boriio. À pɔ́kãdeenɔ kɛ̀ baade kɔ̃n a boriio. À pɔ́taa'onkusɛanɔ kɛ̀ baade kɔ̃n a boriio. Ben à è à kɛ̀ maa.
26	GEN 1:26	Ben Luda bè: Wà gbɛ̃ntee kɛ wa taka ũ, aɔ̃gɔ̃ dɛ wa bà, aɔ̃gɔ̃ kí blee kpɔ̀nɔa kɔ̃n bãanɔ kɔ̃n pɔ́kãdeenɔ kɔ̃n nɔ̀bɔsɛ̃tɛnɔ kɔ̃n pɔ́taa'onkusɛanɔ píngi.
27	GEN 1:27	Ben Luda gbɛ̃ntee kɛ̀ a zĩnda taka ũ. À zĩnda takan à ń kɛ́ à ũ. À ń kɛ́ gɔ̃gbɛ̃ kɔ̃n nɔgbɛ̃o.
29	GEN 1:29	Ben Luda bè: Ma pɔ́ wɛ́ɛdee kɛ̀ kú tɔɔtɛanɔ kpàawa a pɔ́blee ũ píngi kɔ̃n lí nɛ́deenɔ píngi.
31	GEN 1:31	Luda pɔ́ kɛ̀ à kɛ̀nɔ è píngi, à kɛ̀ maa wásawasa. Guu sì guu dɔ̀, à gurɔ swɛɛdodeen gwe.
32	GEN 2:1	Lɛn Luda musu kɔ̃n tɔɔtɛo kɛ̀ lɛ kɔ̃n ń pɔ́nɔ píngi.
35	GEN 2:4	Musu kɔ̃n tɔɔtɛo naana yãn yɛ̀. Gurɔɔ kɛ̀ Dii Luda tɔɔtɛ kɔ̃n musuo kɛ̀,
36	GEN 2:5	bura pɔ́kee e bɔɛ tɔɔtɛa kɔ̀ro, baa sɛ̃̀, zaakɛ Dii Ludaa e tó lou màro, bensɔ̃ gbɛ̃kee kuu à tɔɔtɛ zĩi kɛro.
38	GEN 2:7	Dii Luda gɔ̃gbɛ̃ í kàsa kɔ̃n bùsutio, ben à ĩa wɛ̃̀ndidee vù à yĩn, ben gɔ̃gbɛ̃ pì gɔ̃̀ gbɛ̃ bɛ̃ɛ ũ.
39	GEN 2:8	Dii Luda swadako dìɛ ɔfãntɛ̃bɔɛ kpa kɛ̀ wè be Ɛdɛni, ben à gɔ̃gbɛ̃ kɛ̀ à kɛ̀ pì dà gwe.
40	GEN 2:9	Dii Luda tò lí bori píngi bɔ̀ɛ tɔɔtɛa. Lí pìnɔɔ maa, bensɔ̃ ń bɛ blena nna. Lí wɛ̃̀ndide kú dàko pì gura. Lí kɛ̀ è dɔ̃na maa kɔ̃n à zaaao ińnɛ kú gwe dɔ.
46	GEN 2:15	Dii Luda gɔ̃gbɛ̃ pì dìɛ Ɛdɛni dàko pì guu lɛ àgɔ̃ à zĩi kɛ àgɔ̃ gwaa.
49	GEN 2:18	Dii Luda bè: Gɔ̃gbɛ̃ kuuna adoo maaro. Mɛ́ dɔnlɛri kɛnɛ à gbɛ̃ndoo ũ.
50	GEN 2:19	Ben Dii Luda bùsu kɔ̀ à nɔ̀bɔnɔ kɛ̀o píngi kɔ̃n bãanɔ píngi, ben à mɔ̀ńyo gɔ̃gbɛ̃ pì kiia lɛ à e dian eé tɔ́ kpáńnɛ nà. Tɔ́ kɛ̀ gɔ̃gbɛ̃ pì kpà pɔ́ wɛ̃̀ndidee pìnɔnɛ píngi gɔ̃̀ ń tɔ́ ũ.
52	GEN 2:21	Ben Dii Luda i ìsi dà gɔ̃gbɛ̃ pìla. Kɛ̀ èe ii oo, ben à à gbã̀ntɛ̃wa mɛ̀n doo bɔ̀, ben à à mɛ̀baasi tàta a gbɛ̀n.
54	GEN 2:23	Ben gɔ̃gbɛ̃ pì bè: Kɛ̀ki wá bɔ̀ ma wá guumɛ, à mɛ̀ sɔ̃ bɔ̀ ma mɛ̀ guumɛ. Weé à sísi nɔgbɛ̃, kɛ̀ Luda à bɔ̀ gɔ̃gbɛ̃ guu yãnzi.
57	GEN 3:1	Mlɛ̃̀ bé à mɔnafiki vĩ dɛ pɔ́ kɛ̀ Dii Ludaa kɛ̀nɔla píngi, ben à nɔgbɛ̃ là à bè: Luda bè àton dàko pì lí ke bɛɛ blenloo?
59	GEN 3:3	mɔde lí kɛ̀ kú dàko pì gura súusu, Luda bè wàton à bɛɛ blero wàton ɔ kɛa sero, lɛ wàton garo yãnzi.
61	GEN 3:5	Zaakɛ Ludaa dɔ̃ kɛ̀ tó á blè, a wɛ́ɛ é kɛ̃ é gɔ̃ lán a bà, égɔ̃ à maaa dɔ̃ kɔ̃n à zaaao.
64	GEN 3:8	Kɛ̀ gɔ̃gbɛ̃ kɔ̃n a naɔ̃o Dii Luda kĩi mà èe táa oo dàko pì guu uusiɛ, ben aɔ̃ ùtɛnɛ dàko pì lán.
65	GEN 3:9	Ben Dii Luda lɛ́ zù gɔ̃gbɛ̃zi à bè: Ń kú mámɛ?
67	GEN 3:11	Ben Dii Luda à là à bè: Dé bé à ònnɛ ń kú bũuu? Lí kɛ̀ ma ginnɛ ǹ à bɛɛ ble, ń blèn yɔ́?
69	GEN 3:13	Ben Dii Luda nɔgbɛ̃ là à bè: Bɔ́yãnzi ń kɛ̀ lɛzi? À wèàla à bè: Mlɛ̃̀ bé à ma kɛkɛ, ben má blè.
70	GEN 3:14	Ben Dii Luda bè mlɛ̃̀nɛ: Kɛ̀ ń kɛ̀ lɛ, nɛ́gɔ̃ dɛ láari pɔ́ ũ pɔ́kãdeenɔ kɔ̃n nɔ̀bɔsɛ̃tɛnɔ tɛ́ píngi, n gbɛɛɛn nɛ́gɔ̃ gáɛɛ, bùsutin nɛ́gɔ̃ blee ai n wɛ̃̀ndi lɛ́n.
73	GEN 3:17	Ben à bè gɔ̃gbɛ̃nɛ: Lán n n naɔ̃ yã mà nà, lí kɛ̀ ma ginnɛ ǹ à bɛɛ blee ń blè, tɔɔtɛ gɔ̃̀ láari pɔ́ ũ n yãnzi, ɔsi kɔ̃n ɔsiion nɛ́gɔ̃ pɔ́blee en ai n wɛ̃̀ndi lɛ́n.
77	GEN 3:21	Dii Luda báa uta kɛ̀ Adamunɛ kɔ̃n à naɔ̃o, ben à dàńnɛ.
79	GEN 3:23	Ben Dii Luda pɛ̀a à à bɔ̀ Ɛdɛni dàko pì guu. Ben Adamu gàa à tɔɔtɛ kɛ̀ Luda à bɔ̀n zĩi kɛ.
80	GEN 3:24	Kɛ̀ Dii Luda pɛ̀a, ben à kɛrubunɔ kàɛ Ɛdɛni dàko ɔfãntɛ̃bɔɛ kpa, lɛ aɔ̃gɔ̃ lí wɛ̃̀ndide zɛ́ dãkpaa kɔ̃n fɛ̃ɛdaa kɛ̀ èe tɛ́ kɛɛ èe liɛliɛɛo.
95	GEN 4:15	Ben Dii bènɛ: Lɛnlo! Tó gbɛ̃ n dɛ, weé gɛ̃ɛ bonnɛ gɛ̃̀n swɛɛplaamɛ. Ben Dii wɛ̃zã ke kɛ̀ Kainia, lɛ gbɛ̃ kɛ̀ kpàkũo tón à dɛro yãnzi.
98	GEN 4:18	Ɛnɔku Irada ì, Irada Mɛuyaɛli ì, Mɛuyaɛli Mɛtusaɛli ì, Mɛtusaɛli Lamɛki ì.
99	GEN 4:19	Lamɛki nɔɔ sɛ̀ mɛ̀n plaa, à doo tɔ́n Ada, à doo sɔ̃ Zila.
103	GEN 4:23	Ben Lamɛki bè a naɔ̃ɔnɔnɛ: Ada kɔ̃n Zilao, à ma yã ma, ma naɔ̃nɔ, à swã kpá ma yãzi. Gbɛ̃ke ma kɛ̃nna, ben ma à dɛ̀, gɔ̃kparɛ pì ma lɛmɛ, ben ma à kàatɛ.
104	GEN 4:24	Tó weé Kaini gɛ̃ɛ bonɛ gɛ̃̀n swɛɛplaa, mamɔma Lamɛki ma pɔ́ sɔ̃, gɛ̃̀n baaagɔ̃ akuri awɛɛswɛɛplaamɛ.
105	GEN 4:25	Adamu dàɛ kɔ̃n a naɔ̃o dɔ, ben à nɛ́gɔ̃gbɛ̃ ì. À tɔ́ kpànɛ Sɛti à bè, Luda a gba nɛ́ pãnde Abila kɛ̀ Kaini dɛ̀ gɛ̃ɛ ũmɛ.
107	GEN 5:1	Adamu boriinɔ yãn yɛ̀. Gurɔɔ kɛ̀ Luda gbɛ̃nteenɔ kɛ̀, à ń kɛ́ lán a bàmɛ.
128	GEN 5:22	À gbɛra à táa ò kɔ̃n Ludao ai wɛ̃̀ wàa do kpɛ́ basɔɔro à nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
130	GEN 5:24	À táa ò kɔ̃n Ludao, ben wà kòrazi, kɛ̀ Luda à sɛ̀ bɔna anduna guu yãnzi.
131	GEN 5:25	Mɛtusela wɛ̃̀ bakɛ̃ndo awɛɛswɛɛplaadee guun à Lamɛki ì.
134	GEN 5:28	Lamɛki kɛ̀ wɛ̃̀ bakɛ̃ndo awɛɛplaa, ben à nɛ́gɔ̃gbɛ̃ ì.
136	GEN 5:30	Nuu ina gbɛra Lamɛki kɛ̀ wɛ̃̀ wàa aagɔ̃ sɔɔrosai à nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
140	GEN 6:2	ben Luda nɛ́nɔɔ è gbɛ̃ntee nɛ́nɔgbɛ̃ pìnɔɔ maa, ben aɔ̃ɔe ń sɛɛ ń pɔyezia.
142	GEN 6:4	Gbɛ̃ gbã̀anɔɔ kú anduna guu gurɔ beeea kɔ̃n gurɔ beee gbɛraao dɔ, gurɔɔ kɛ̀ Luda nɛ́ pìnɔ gbɛ̃ntee nɛ́nɔgbɛ̃nɔ dɔ̃̀ nɔgbɛ̃nɔ ũ, ben aɔ̃ nɛ́nɔ ìńyo. Aɔ̃ nɛ́ pìnɔn gɔ̃sagbãaa kɛ̀ aɔ̃ tɔ́ bɔ̀ zaa káakunɔ ũ.
147	GEN 6:9	Nuu boriinɔ yãn yɛ̀. Nuu nɛ́ gbɛ̃ maaamɛ. Kɛ̀ à kuu, à mɛ̀n doo bé à taari vĩro, à táa ò kɔ̃n Ludao.
149	GEN 6:11	Ludaa è anduna gbɛ̃nɔ yàka ń píngi, taarikɛna anduna pà.
150	GEN 6:12	Kɛ̀ Luda anduna gwà, à è à yàka, zaakɛ gbɛ̃ sãnda píngi kɛ̃̀ ń zɛ́a.
151	GEN 6:13	Ben Luda bè Nuunɛ: Mɛ́ gbɛ̃ sãnda píngi kaatɛ, zaakɛ aɔ̃ yãnzin taarikɛna dà andunalazi. Mɛ́ ń kaatɛ lɛdo kɔ̃n andunaomɛ.
160	GEN 6:22	Ben Nuu kɛ̀ lɛ à yã kɛ̀ Ludaa ònɛ kɛ̀ píngi.
169	GEN 7:9	mɔ̀ Nuu kiia góro guu mɛ̀n plaplaa da kɔ̃n à kyào lán Ludaa ònɛ nà.
172	GEN 7:12	Lou mà ai gurɔ baplaa fãantɛ̃ kɔ̃n gwãavĩo.
176	GEN 7:16	Pɔ́ wɛ̃̀ndideenɔ bori píngi gɛ̃̀ da kɔ̃n à kyào lán Ludaa dìɛnɛ nà. Ben Dii gbà tàtańlɛ.
177	GEN 7:17	Lou mà ai gurɔ baplaa. Kɛ̀ í e kaara, ben à góro pì sɛ̀ tɔɔtɛla.
183	GEN 7:23	Luda pɔ́ wɛ̃̀ndidee kɛ̀ aɔ̃ɔ kú sĩ̀sĩaanɔ kàatɛ píngi. À gbɛ̃nteenɔ kɔ̃n nɔ̀bɔnɔ kɔ̃n pɔ́taa'onkusɛanɔ kɔ̃n bãanɔ kàatɛ anduna guu. Nuu bé à bɔ̀ ado kɔ̃n pɔ́ kɛ̀ aɔ̃ɔ kúo góro guunɔ.
185	GEN 8:1	Nuu kɔ̃n nɔ̀bɔsɛ̃tɛnɔ kɔ̃n pɔ́kãdee kɛ̀ aɔ̃ɔ kúo góro guunɔ píngi yã dɔ̀ Ludan. Kɛ̀ à ĩa gbàrɛ tɔɔtɛa, ben í nà babanaa.
199	GEN 8:15	Ben Luda yã ò Nuunɛ à bè:
207	GEN 9:1	Ben Luda aubarika dà Nuun kɔ̃n à nɛ́nɔ à bèńnɛ: Àgɔ̃ nɛ́ ii àgɔ̃ kaara à anduna pa.
214	GEN 9:8	Luda bè Nuunɛ kɔ̃n à nɛ́nɔ dɔ:
218	GEN 9:12	Ben Luda ɛ̀ara à bè: Ma bà égɔ̃ kúao kɔ̃n pɔ́ wɛ̃̀ndidee kɛ̀ aɔ̃ɔ kúaonɔ ai gurɔ píngimɛ. À sèedan yɛ̀.
223	GEN 9:17	Ben Luda bè Nuunɛ: Ma bà kuuna kɔ̃n pɔ́ wɛ̃̀ndidee kɛ̀ aɔ̃ɔ kú anduna guu píngio sèedan gwe.
232	GEN 9:26	Ben à bè: Aubarikadeen Dii, Sɛmu Luda ũ, Kanaanɔ égɔ̃ dɛ Sɛmunɔ zɔ̀nɔ ũ.
233	GEN 9:27	Luda kaarana kɛ Yafɛtinɛ, Yafɛtinɔ ń baka e Sɛmunɔ aubarika guu, Kanaanɔ égɔ̃ dɛ Yafɛtinɔ zɔ̀nɔ ũ.
241	GEN 10:6	Hamu nɛ́gɔ̃gbɛ̃nɔ tɔ́n yɛ̀: Etiopia, Igipiti, Libia kɔ̃n Kanaao.
244	GEN 10:9	Tofe sàmɛ Dii aɛzĩ. À yã bé à tò wè be: Lán Nimlɔdu dɛ tofe sà ũ Dii aɛzĩ nà.
248	GEN 10:13	Igipiti boriinɔn yɛ̀: Ludunɔ, Anamunɔ, Lɛabanɔ, Nafatunɔ,
254	GEN 10:19	Aɔ̃ bùsu lɛ́zɛkiin yɛ̀. Bɔna zaa Sidɔ̃ gana Gera kɛ̀ kú Gaza saɛ ai Sɔdɔmu kɔ̃n Gɔmɔrao kɔ̃n Adamao kɔ̃n Zeboimu kɛ̀ kú Lasa saɛo.
257	GEN 10:22	Sɛmu nɛ́gɔ̃gbɛ̃nɔ tɔ́n yɛ̀: Elamu, Asiria, Apasada, Ludu kɔ̃n Aramuo.
269	GEN 11:2	Lán gbɛ̃nɔɔ e sɔ̃ki kpákpaa ɔfãntɛ̃bɔɛ kpa nà, kɛ̀ aɔ̃ kà Babilɔnia bùsu gusararaan, ben aɔ̃ vɛ̃̀ɛ gwe.
294	GEN 11:27	Tera boriinɔ yãn yɛ̀. Tera Abramu kɔ̃n Nao kɔ̃n Aranao ì, ben Arana Lutu ì.
298	GEN 11:31	Ben Tera a nɛ́ Abramu kɔ̃n a dio Lutuo kɔ̃n Abramu naɔ̃ Saraio sɛ̀ bɔna Uru, Kaladia bùsun, aɔ̃ɔe gaa Kanaa bùsun. Kɛ̀ aɔ̃ kà Arana, aɔ̃ vɛ̃̀ɛ gwe.
303	GEN 12:4	Ben Abramu dà zɛ́n lán Dii ònɛ nà. Lutu gàao. À wɛ̃̀ basiigɔ̃ sɔɔrosaidee guun à bɔ̀ Arana
304	GEN 12:5	kɔ̃n a naɔ̃ Saraio kɔ̃n a vĩ̀i nɛ́ Lutuo kɔ̃n ń auziki kɛ̀ aɔ̃ɔ vĩinɔ kɔ̃n gbɛ̃ kɛ̀ aɔ̃ɔ sɛ̀ gweenɔ. Lɛn aɔ̃ bɔ̀ Arana lɛ aɔ̃ dà Kanaa zɛ́n. Kɛ̀ aɔ̃ kà gwe,
312	GEN 12:13	Ǹ beńnɛ ma dãremɛ n ũ lɛ wà ma sí ɔplaplaa n yãnzi. Lán nɛ́ ma mì sí nàn gwe.
320	GEN 13:1	Ben Abramu bɔ̀ Igipiti à sù Nɛgɛvi kɔ̃n a naɔ̃o kɔ̃n a auzikinɔ píngi kɔ̃n Lutuo.
324	GEN 13:5	Lutu ègɔ̃ tɛ́ kɔ̃n Abramuo lɛdo. À sãanɔ kɔ̃n zùnɔ kɔ̃n bisakutaanɔ vĩ se.
326	GEN 13:7	Ben lɛokpakɔ̃a gɛ̃̀ Abramu pɔ́dãrinɔ kɔ̃n Lutu pɔ́dãrinɔ dagura. Zĩ beeea sɔ̃ Kanaanɔ kɔ̃n Pɛrizinɔɔ kú bùsu pìn.
327	GEN 13:8	Ben Abramu bè Lutunɛ: À maa lɛokpakɔ̃a gɔ̃ kú wa daguraro, ke ma pɔ́dãrinɔ kɔ̃n n pɔ́dãrinɔ dagura, zaakɛ danɛnɔn wa ũ.
329	GEN 13:10	Kɛ Lutu guu gwà, à è Yoda guzurɛ píngi mɔdɔ vĩ maamaa. Ai Dii gɔ̃ gá Sɔdɔmu kɔ̃n Gɔmɔrao kaatɛ, guzurɛ pì dɛ lán Dii swadako bà, lán Igipiti bùsu bà, ai à gàa pɛ́ Zoaa.
330	GEN 13:11	Ben Lutu Yoda guzurɛ sɛ̀ píngi. Aɔ̃ kɛ̃̀kɔ̃a, ben Lutu dà zɛ́n à tà ɔfãntɛ̃bɔɛ kpa.
331	GEN 13:12	Abramu gɔ̃̀ Kanaa bùsun, Lutu sɔ̃ɔ kú Yoda guzurɛ wɛ́tɛnɔ dagura. À bùra kàɛ Sɔdɔmu saɛ.
333	GEN 13:14	Lutu tana gbɛra Dii bè Abramunɛ: Guu kɛ̀ ń zɛ́n ǹ wɛ́ɛ sɛ́ ǹ gu'igbãro kɔ̃n sɔɔmɛtɛo kɔ̃n ɔfãntɛ̃bɔɛo kɔ̃n ɔfãntɛ̃gɛ̃kpɛn-o gwa.
349	GEN 14:12	Gurɔɔ mɔ̀a Abramu vĩ̀i nɛ́ Lutu kú Sɔdɔmu, ben aɔ̃ à kũ̀ wà tào kɔ̃n à auzikinɔ.
353	GEN 14:16	À lìara à sù kɔ̃n auziki pìnɔ píngi kɔ̃n a vĩ̀i nɛ́ Lutuo kɔ̃n à auzikinɔ. À sù kɔ̃n nɔgbɛ̃nɔo kɔ̃n gbɛ̃ pãndenɔ dɔ.
355	GEN 14:18	Ben Salɛmu kí Mɛlɛkizɛdɛki mɔ̀ kɔ̃n burɛdio kɔ̃n geepiwɛ̃ɛo. Àpi nɛ́ Luda Musude gbã̀gbãrimɛ.