45	GEN 2:14	À ɔnɛ aagɔ̃de tɔ́n Tigiri, à dɔ̀rɔ tà Asiria bùsu ɔfãntɛ̃bɔɛ kpa. Swaa pì ɔnɛ siigɔ̃de tɔ́n Yuflati.
48	GEN 2:17	mɔde ǹton lí kɛ̀ è dɔ̃na maa kɔ̃n à zaaao ińnɛ bɛɛ blero. Tó ń blè, n gamɛ.
50	GEN 2:19	Ben Dii Luda bùsu kɔ̀ à nɔ̀bɔnɔ kɛ̀o píngi kɔ̃n bãanɔ píngi, ben à mɔ̀ńyo gɔ̃gbɛ̃ pì kiia lɛ à e dian eé tɔ́ kpáńnɛ nà. Tɔ́ kɛ̀ gɔ̃gbɛ̃ pì kpà pɔ́ wɛ̃̀ndidee pìnɔnɛ píngi gɔ̃̀ ń tɔ́ ũ.
87	GEN 4:7	Tó n yã maaa kɛ̀, mɛ́ n síroo? Tó nɛ́ɛ yã maaa kɛ sɔ̃ro, durun naɛnnɛ n kpɛɛlɛ. N nii e à dɛɛ, séde ǹ zĩ̀ blea.
91	GEN 4:11	Tia sa nɛ́gɔ̃ láari pɔ́ ũmɛ, nɛ́gɔ̃ zã̀ kɔ̃n tɔɔtɛ kɛ̀ n dãaro aru mì n ɔzĩo.
92	GEN 4:12	Tó n bú bà, tɔɔtɛ é àre kɛnnɛro. Nɛ́gɔ̃ sɔ̃ki kpákpaa ǹgɔ̃ likɔ̃aa zɔ̃ɔ anduna guu.
95	GEN 4:15	Ben Dii bènɛ: Lɛnlo! Tó gbɛ̃ n dɛ, weé gɛ̃ɛ bonnɛ gɛ̃̀n swɛɛplaamɛ. Ben Dii wɛ̃zã ke kɛ̀ Kainia, lɛ gbɛ̃ kɛ̀ kpàkũo tón à dɛro yãnzi.
102	GEN 4:22	Zila sɔ̃ bé à Tubala Kaini ì. Sian à ũ. È pɔ́ píngi pi kɔ̃n mɔ̀sio kɔ̃n mɔ̀gotɛ̃o. À dãre tɔ́n Naama.
104	GEN 4:24	Tó weé Kaini gɛ̃ɛ bonɛ gɛ̃̀n swɛɛplaa, mamɔma Lamɛki ma pɔ́ sɔ̃, gɛ̃̀n baaagɔ̃ akuri awɛɛswɛɛplaamɛ.
211	GEN 9:5	Mɛ́ a aru kɛ̀ dɛ a wɛ̃̀ndi ũu gɛ̃ɛ boare. Tó nɔ̀bɔ gbɛ̃ dɛ̀ ke tó gbɛ̃ a gbɛ̃daaa dɛ̀, mɛ́ à aru gɛ̃ɛ bonɛ. Mɛ́ gɛ̃ɛ bo gbɛ̃ kɛ̀ à a gbɛ̃daaa dɛ̀a.
212	GEN 9:6	Tó gbɛ̃ a gbɛ̃daaa dɛ̀, weé à dɛ, zaakɛ ma gbɛ̃ntee kɛ̀ ma taka ũmɛ.
220	GEN 9:14	Tó má tò lou sìsi ludambɛfɛ̃ɛdaa bɔ̀a,
222	GEN 9:16	Tó ma ludambɛfɛ̃ɛdaa è loua, ma bà kuuna kɔ̃n pɔ́ wɛ̃̀ndide bori píngio ai gurɔ píngi yã é dɔmagumɛ.
237	GEN 10:2	Yafɛti nɛ́gɔ̃gbɛ̃nɔ tɔ́n yɛ̀: Goma, Magɔgu, Midia, Girisi, Tubala, Mɛsɛki kɔ̃n Tirasao.
238	GEN 10:3	Goma nɛ́gɔ̃gbɛ̃nɔ tɔ́n yɛ̀: Asakɛnaza, Rifa, Tɔgama.
239	GEN 10:4	Girisi nɛ́gɔ̃gbɛ̃nɔ tɔ́n yɛ̀: Ɛlisa, Tasisi, Sipiru, Rodanimu.
244	GEN 10:9	Tofe sàmɛ Dii aɛzĩ. À yã bé à tò wè be: Lán Nimlɔdu dɛ tofe sà ũ Dii aɛzĩ nà.
291	GEN 11:24	Nao wɛ̃̀ baaakuri dosaidee guun à Tera ì.
293	GEN 11:26	Tera kɛ̀ wɛ̃̀ baaagɔ̃ akuri, ben à Abramu kɔ̃n Nao kɔ̃n Aranao ì.
294	GEN 11:27	Tera boriinɔ yãn yɛ̀. Tera Abramu kɔ̃n Nao kɔ̃n Aranao ì, ben Arana Lutu ì.
295	GEN 11:28	Arana gà a de Tera wáa zaa Urumɛ Kaladia bùsun, guu kɛ̀ wà à ìn.
298	GEN 11:31	Ben Tera a nɛ́ Abramu kɔ̃n a dio Lutuo kɔ̃n Abramu naɔ̃ Saraio sɛ̀ bɔna Uru, Kaladia bùsun, aɔ̃ɔe gaa Kanaa bùsun. Kɛ̀ aɔ̃ kà Arana, aɔ̃ vɛ̃̀ɛ gwe.
299	GEN 11:32	Tera wɛ̃̀ wàa do asɔɔrodee guun à gà zaa Arana.
311	GEN 12:12	Tó Igipitinɔ n e, aɔ̃é be ma naɔ̃n n ũ, aɔ̃é ma dɛ aɔ̃é n tó.
328	GEN 13:9	Ǹ bùsu gwa da n aɛ píngi. Wà kɛ̃kɔ̃a. Tó n gaa ɔzɛzi, mɛ́ gá ɔplazi. Tó n gaa ɔplazimɛ sɔ̃, mɛ́ gá ɔzɛzi.
334	GEN 13:15	Tɔɔtɛ kɛ̀ ń è píngi, má kpàmma, eégɔ̃ dɛ mpi kɔ̃n n boriinɔ pɔ́ ũ ai gurɔ píngi.
335	GEN 13:16	Mɛ́ tó n boriinɔ kɛ pari lán bùsu'ãatɛ̃ bà. Tó gbɛ̃ke é fɔ̃ à bùsu'ãatɛ̃ naro, ɛ̃ndɛ̃ eé fɔ̃ à n boriinɔ naro.
338	GEN 14:1	Zĩkea Babilɔnia bùsu kí Amarafɛli kɔ̃n Ɛlasa bùsu kí Ariɔkio kɔ̃n Elamu bùsu kí Kɛdɔlaomao kɔ̃n Goyimu bùsu kí Tidalao
387	GEN 16:5	Ben Sarai bè Abramunɛ: Taari kɛ̀ wà kɛ̀mɛɛ gɔ̃̀ n yã ũmɛ. Ma a zɔ̀ kpàmma. Kɛ̀ à è á nɔ̀sina, ben ègɔ̃ dɔkɛɛmao. Mpi kɔ̃n mapio, Dii bé eé yã gɔ̃gɔ̃we.
430	GEN 18:5	Lán a bɔɛ ma bɛɛ kpa nà, mɛ́ mɔ́are pɔ́bleeo féte lɛ à gbãaa e, gbasa à da zɛ́n. Ben aɔ̃ bè: Tɔ̀, ǹ kɛ lán ń ò nà.
446	GEN 18:21	Mɛ́ gá gwe sa mà gwa, tó yã kɛ̀ aɔ̃ɔe kɛɛ zaa lán má mà nà. Tó aɔ̃ɔ dɛ lɛ sɔ̃ro, mɛ́ dɔ̃.
449	GEN 18:24	Tó gbɛ̃ maaanɔɔ kú wɛ́tɛ pì guu aɔ̃ kà gɔ̃ɔn baplaa akuri, nɛ́ ń waran yɔ́? Nɛ́ sùu kɛ wɛ́tɛ pìo gbɛ̃ maa gɔ̃ɔn baplaa akuri pìnɔ yãnziroo?
451	GEN 18:26	Ben Dii bè: Tó ma gbɛ̃ maaanɔ è Sɔdɔmu gɔ̃ɔn baplaa akuri, mɛ́ sùu kɛ wɛ́tɛ pìo ń yãnzi.
453	GEN 18:28	Tó gɔ̃ɔn sɔɔroo kɛ̃̀sã gɔ̃ɔn baplaa akuri pì guu, gɔ̃ɔn sɔɔroo pìnɔ yãnzi nɛ́ wɛ́tɛ pì kaatɛɔ́? Ben Dii bè: Tó ma gbɛ̃ maaanɔ è gɔ̃ɔn baplaa asɔɔro, mɛ́ wɛ́tɛ pì kaatɛro.
454	GEN 18:29	Ben Ibraĩ kpɛ́ èe yã oonɛ à bè: Tó gbɛ̃ maaanɔ kà baplaa sɔ̃ nɛ́? Ben Dii bè: Mɛ́ yãke kɛro gɔ̃ɔn baplaaa pìnɔ yãnzi.
455	GEN 18:30	Ben à bè: Dii, n yã nna! Ǹton pɔ fɛ̃ro, má yezi mà yã o dɔ. Tó gbɛ̃ maaanɔ kà baaakuri sɔ̃ nɛ́? À wèàla à bè: Tó ma gbɛ̃ maaanɔ è aɔ̃ kà gɔ̃ɔn baaakuri, mɛ́ yãke kɛro.
456	GEN 18:31	Ben à bè: Ǹ gaafaa kɛmɛ dɔ Dii, mà yã onnɛ. Tó gbɛ̃ maaanɔ kà gɔ̃ɔn baroo sɔ̃ nɛ́? À wèàla à bè: Mɛ́ wɛ́tɛ pì kaatɛro gɔ̃ɔn baroo pìnɔ yãnzi.
457	GEN 18:32	Ben à bè: Dii, ǹton pɔ fɛ̃ro, yã kɛ̀kii baasi mɛ́ yã o dɔro. Tó gbɛ̃ maaanɔ kà gɔ̃ɔn kuri sɔ̃ nɛ́? À wèàla à bè: Mɛ́ wɛ́tɛ pì kaatɛro gɔ̃ɔn kuri pìnɔ yãnzi.
503	GEN 20:7	Tia sa, à gɔ̃gbɛ̃ pì nɔɔ kpáa, zaakɛ annabimɛ. Eé adua kɛnnɛ lɛ ǹ gɔ̃ aafia. Tó nɛ́ɛ à nɔɔ pì kpáa sɔ̃ro, ǹgɔ̃ dɔ̃ kɛ̀ n gamɛ, mpi kɔ̃n n gbɛ̃nɔ a píngi.
572	GEN 22:24	À nɔ yìgisai Ruma nɛ́nɔ tɔ́n yɛ̀: Teba, Gaamu, Tasa kɔ̃n Maakao.
587	GEN 23:15	Maree, ǹ ma yã ma. Tɔɔtɛ kɛ̀ à ɔɔ kà kondogi wàa plaamɛ, bɔ́n beee ũ wa dagura? Ǹ n gɛ̀ vĩin.
597	GEN 24:5	Ben à zɔ̀bleri pì à là à bè: Tó nɔgbɛ̃ pì e we à tɛ̀mazi à sùmao bùsu kɛ̀kiin sɔ̃ro nɛ́? Mɛ́ gá kɔ̃n n nɛ́o bùsu kɛ̀ n bɔnn yɔ́?
600	GEN 24:8	Tó nɔgbɛ̃ pì e we à tɛ̀nziro, n bɔ ladana kɛ̀ ń la dàmɛɛ kɛ̀ guu. Ǹton gá gwe kɔ̃n ma nɛ́oro fá!
605	GEN 24:13	Ǹ gwa, má zɛna lɔ̀gɔ saɛ. Tó wɛ́tɛ nɔkparɛnɔ bɔ̀ɛ í tɔ́,
614	GEN 24:22	Kɛ̀ lakuminɔ í mì aɔ̃ yã̀a, ben gɔ̃gbɛ̃ pì vura tãnga maaa dà nɔɔ pìnɛ a yĩa, à vura zãa dànɛ mɛ̀n plaa. Tãnga pì tìisi kà giramu sɔɔro, zãa pìnɔ sɔ̃ giramu basɔsɔɔro.
641	GEN 24:49	Tia sa tó é we à gbɛ̃kɛ kɔ̃n náanɛo yã kɛ ma diinɛ, à omɛ. Tó ée we sɔ̃ro, à omɛ, mɛ́ gá gu pãndea.
674	GEN 25:15	Adada, Tema, Yetu, Nafisi kɔ̃n Kedemao.
740	GEN 27:12	Tó ma de ɔ kɛ̀ma, tó à ma dɔ̃, eé be mɛ́ɛ a kɛɛ pãpãmɛ, eé lɛ́ kɛmɛ sa'olɛ gɛ̃ɛ ũ.
767	GEN 27:39	Ben à de wèàla à bè: Tɔɔtɛ kɛ̀ nɛ́gɔ̃ kún égɔ̃ maaro, mɔdɔ é bɔnnɛ zaa musuro.
773	GEN 27:45	Tó à nɔ̀sɛ kpàɛ, tó yã kɛ̀ ń kɛ̀nɛ sã̀n, mɛ́ gbɛ̃ zĩ wà n gbɛ̀ sɛ́. Má yezi mà kora a gɔ̃ɔn plaaanɔzi píngi gurɔ doro.
774	GEN 27:46	Ben Rɛbɛka bè Isaakunɛ: Iti nɔgbɛ̃nɔ nii bɔ̀magu. Tó Yakubu Iti nɔɔ sɛ̀ bùsu kɛ̀kiin lán Isau nɔgbɛ̃ beeenɔ bà, ma kuuna égɔ̃ nnamɛ dɔro.
794	GEN 28:20	Yakubu lù sɛ̀ Diinɛ à bè: Tó ń kúmao, tó nɛ́ ma dãkpa ma wɛ́tɛ kɛ̀kii gana guu, tó nɛ́ ma gba pɔ́blee kɔ̃n pɔ́kãsãanɔ
799	GEN 29:3	Tó kpàsa pìnɔ kàkɔ̃a gwe píngi, ben wè gbɛ̀ pì go lɔ̀gɔ pìlɛ wà í kpáḿma, ben wè ɛara wà gbɛ̀ pì tataàlɛ a gbɛ̀n.
804	GEN 29:8	Ben aɔ̃ bè: Wé fɔ̃ro. Tó èe kɛ sã kpàsanɔ kàkɔ̃a píngi baasiro, wè gbɛ̀ go lɔ̀gɔ pìlɛ wà í kpáḿmaro.
832	GEN 30:1	Kɛ̀ Rasɛli è ée nɛ́ ii kɔ̃n Yakubuoro, à gɔ̃aanɔ kpà kɔ̃n a vĩ̀io. Ben à bè Yakubunɛ: Ǹ nɔ̀ dɔmagu. Tó mɛ́ɛ e sɔ̃ro, mɛ́ gamɛ.
846	GEN 30:15	Lea bènɛ: Kɛ̀ n ma gɔ̃ɔ sìma, beee e mɔ́mmaro, ben ń yezi ǹ ma nɛ́ yenzi ɛ̃zɛ̃ sí dɔɔ́? Rasɛli bè: Tó ń kpàma, ḿbe nɛ́ io gbã̀a.
850	GEN 30:19	Lea ɛ̀ara à nɔ̀ sì dɔ à Tori ì,
858	GEN 30:27	Ben Labã bènɛ: Tó ma n pɔnnaa è, ǹ gɔ̃mao kɛ̀. Ma màso kɛ̀ má è Dii aubarika kɛ̀mɛ n yãnzi.
864	GEN 30:33	Tó n ma asaiapɔ gwà gana gurɔ aɛzĩ, nɛ́ dɔ̃ tó má yãpuraa vĩ. Blè kɛ̀ kuu bakebakero ben à togetogero, ke sãnɛ bɔ̀rɔ kɛ̀ siaro, ɛ̃ndɛ̃ ma kpãi òmɛ.
865	GEN 30:34	Labã bè: Tɔ̀! Àgɔ̃ dɛ lán ń ò nà.
870	GEN 30:39	Tó aɔ̃ kpákpa ò lí pìnɔ saɛ, ben aɔ̃ègɔ̃ nɛ́ wɛ̃zãdeenɔ ii kɔ̃n à togetogenɔ kɔ̃n à bakebakenɔo.
872	GEN 30:41	Tó pɔ́bori maaanɔ fɛ̀ɛ kɔ̃n kpákpa'onao, Yakubu è lí pìnɔ pɛ́ɛpɛɛɛ pɔ́nɔ aɛzĩ ímikiia, lɛ aɔ̃ kpákpa o ń saɛ.
873	GEN 30:42	Tó pɔ́ ginanɔmɛ sɔ̃, è lí pɛ́ɛpɛɛńnɛro. Lɛn pɔ́ ginanɔ gɔ̃̀ Labã pɔ́ ũ lɛ, ben pɔ́bori maaanɔ gɔ̃̀ Yakubu pɔ́ ũ.
882	GEN 31:8	Tó à bè sã bakebakenɔn ma baka ũ, sãanɔ ègɔ̃ nɛ́ bakebakenɔ ii. Tó à bè à wɛ̃zãdeenɔ bé wà ma baka ũ, sãanɔ ègɔ̃ nɛ́ wɛ̃zãdeenɔ ii.
887	GEN 31:13	Mámbe Luda kɛ̀ bɔ̀ à mɔ̀nzi Bɛtɛli ũ, guu kɛ̀ n gbɛ̀ pɛ̀ɛn n nɔ́si kùa n lù sɛ̀ma. Tia sa ǹ fɛɛ ǹ bɔ bùsu kɛ̀n ǹ tá n bɛ bùsun.
906	GEN 31:32	Gbɛ̃ kɛ̀ n n tãanɔ è à kiia, wà à dɛ. Ǹ ma pɔ́nɔ gwagwa wa gbɛ̃nɔ wáa. Tó n n pɔ́ è, ǹ sɛ́. Yakubu sɔ̃ɔ dɔ̃ kɛ̀ Rasɛli Labã pɔ́ sɛ̀ kpãiro.
916	GEN 31:42	Tó èe kɛ ma dezi Ibraĩ Luda kɛ̀ ma de Isaaku à vĩa vĩi zɛ̀mao baasiro, lɛ n ma gbarɛ ɔkori. Luda zĩi kɛ̀ má kɛ̀ kɔ̃n nawɛ̃ao è, ben à kpã̀kɛ̃nzi gĩa gwãavĩ.
924	GEN 31:50	Tó n ĩa dà ma nɛ́nɔgbɛ̃nɔa ke tó n nɔ pãndenɔ sɛ̀ dɔ, baa tó wá kú kɔ̃ kiiaro, ǹgɔ̃ dɔ̃ sãnsãn kɛ̀ Ludan wa yã pì sèedadee ũ.
937	GEN 32:9	Tó Isau mɔ̀ à sì à lɛo dooa, à lɛo doo kɛ̀ gɔ̃̀ é bɔ.
939	GEN 32:11	N gbɛ̃kɛɛ kɔ̃n náanɛ yão kɛ̀mɛ maamaa ma bɛ̀ɛ e káro. Gurɔɔ kɛ̀ ma bikũ Yodaa, gò bé à na ma ɔzĩ ado. Tia sa ma su kɔ̃n auziki lɛo plaaa kɛ̀nɔ.
946	GEN 32:18	À bè gbɛ̃ káakunɛ: Tó ma vĩ̀i dànlɛ à n la à bè: Démɛ n dii ũu? Nɛ́ɛ gaa mámɛ? Dé bé à pɔ́ kɛ̀ nɛ́ɛ dãa kɛ̀nɔ vĩi?
948	GEN 32:20	À yã dɔ̃nkɔ̃ pì ò gbɛ̃ plaadeenɛ kɔ̃n gbɛ̃ aagɔ̃deeo kɔ̃n pɔ́dãrinɔ ń píngi à bè: Tó a da Isaulɛ, à onɛ lɛ.
955	GEN 32:27	Gɔ̃gbɛ̃ pì bè: Ǹ ma gbarɛ, zaakɛ guu e dɔɔ. Ben Yakubu bènɛ: Tó èe kɛ ǹ aubarika damagu baasiro, mɛ́ n gbarɛro.
971	GEN 33:10	Ben Yakubu bè: Auo! N yã nna! Tó ma n pɔnnaa è, ǹ ma gba sí, zaakɛ wa wɛ́ɛsikɔ̃lɛna kɛ̀mɛ lán wɛ́ɛsikɔ̃lɛna kɔ̃n Ludao bàmɛ, ben n gbãakɛ kpàmazi.
974	GEN 33:13	Ben à wèàla à bè: Ma dii, ń dɔ̃ kɛ̀ nɛ́nɔ gbãa vĩro, ben má sãa kɔ̃n zùnɛ bɔ̀rɔnɔ vĩ. Tó wa tá gbãaa ò gurɔ do, pɔ́kãdeenɔ é gaga píngimɛ.
997	GEN 34:16	Tó a bã̀ngu kɛ̀, wé wa nɛ́nɔ kpãsãawa wé a nɛ́nɔ sɛ́ nɔɔ ũ. Wégɔ̃ kúao, wé gɔ̃ bori dɔ̃nkɔ̃nɔ ũ.
1052	GEN 36:11	Ɛlifaza nɛ́gɔ̃gbɛ̃nɔn Temana, Omaa, Zefo, Gatamu kɔ̃n Kenazio ũ.
1053	GEN 36:12	Ɛlifaza nɔ yìgisain Timina ũ. Àmbe à Amalɛki ìo. Isau nɔ Ada dionɔn gwe.
1056	GEN 36:15	Isau bori kínanɔn yɛ̀: Isau daudu Ɛlifaza bori kínanɔn Temana, Omaa, Zefo, Kenazi,
1063	GEN 36:22	Lotana nɛ́gɔ̃gbɛ̃nɔn yɛ̀: Ori kɔ̃n Omamuo. Lotana dãren Timina ũ.
1075	GEN 36:34	Kɛ̀ à gà, ben Temana bùsu gbɛ̃ Usamu kí blè à gɛ̃ɛ ũ.
1081	GEN 36:40	Isau bori kínanɔ tɔ́n yɛ̀ kɔ̃n ń bùsunɔ: Timina, Alava, Yɛtɛ,
1083	GEN 36:42	Kenazi, Temana, Mibiza,
1100	GEN 37:16	À wèàla à bè: Mɛ́ɛ ma vĩ̀inɔ wɛtɛɛmɛ. Tó ń ń sãdãkii dɔ̃, ǹ omɛ.
1110	GEN 37:26	Ben Yuda bè a gbɛ̃nɔnɛ: Tó wa wa dãaro dɛ̀, ben wa à gɛ̀ ùtɛ, bɔ́ àren wé ee?
1126	GEN 38:6	Ben Yuda nɔgbɛ̃ kɛ̀ wè benɛ Tama sɛ̀ a daudu Ɛɛnɛ.
1131	GEN 38:11	Ben Yuda bè a nɛ́ gyaanɔ Tamanɛ: Ǹ gá ǹgɔ̃ gyaanɔɔ blee n de bɛ ai ma nɛ́ Sela ìsi kũ. Zaakɛ èe daa Sela é ga lán a vĩ̀inɔ bàmɛ. Ben Tama gàa à vɛ̃̀ɛ a de bɛ.
1132	GEN 38:12	Kɛ̀ à gurɔɔ gì kɛ̀, ben Yuda naɔ̃ gà. Kɛ̀ à nɔ̀sɛ kpàɛ, à dà zɛ́n èe gaa a sãkãkɛ̃ɛrinɔ kiia Timina kɔ̃n a gbɛ̃nna Irao.
1133	GEN 38:13	Ben wà à baaru kpà Tamanɛ wà bè: N zã de e gaa Timina a sãanɔ kã kɛ̃ɛ.
1134	GEN 38:14	Ben à a gyaanɔblepɔnɔ bɔ̀ à pɔ́dangãn sɛ̀ à kù a uua, ben à gàa à vɛ̃̀ɛ Enaimu bĩilɛa Timina zɛ́n. Zaakɛ à è Sela bíta kũ̀, wèe à kpáa nɔɔ ũro.
1136	GEN 38:16	Ben à sɔ̃̀zi zɛ́ saɛ à bè: Ǹ tó mà daɛnyo. Èe à dɔ̃ a nɛ́ gyaanɔɔ ũro. Ben nɔgbɛ̃ pì bè: Tó n daɛmao, bɔ́n nɛ́ kpámaa?
1144	GEN 38:24	Mɔ aagɔ̃ɔ gbɛra wà mɔ̀ wà ò Yudanɛ wà bè: N nɛ́ naɔ̃ Tama kaarua kà, ben à nɔ̀ sì a pãpãkɛna pì guu. Yuda bè: À bɔo wà tɛ́ sɔ̃a.
1187	GEN 40:14	Tó yã bɔ̀nyo nna, ǹ tó ma yã gɔ̃ dɔngu. Ǹ gbɛ̃kɛɛ kɛmɛ ǹ ma yã o Fili'aunanɛ lɛ à ma bɔ kpɛ́siaa kɛ̀ guu.
1205	GEN 41:9	Ben wɛ̃kpaatɛri kí fɛ̀ɛ à yã ò Fili'aunanɛ à bè: Taari kɛ̀ má kɛ̀ yãa dɔ̀magu gbã̀a.