5	GEN 1:5	À tɔ́ kpà gupuraanɛ fãantɛ̃, gusiaa sɔ̃ gwãavĩ. Guu sì guu dɔ̀, à gurɔ káakun gwe.
14	GEN 1:14	Ben Luda bè: Pɔ́ gupurinɔ gɔ̃ kú musu aɔ̃gɔ̃ fãantɛ̃ kɛ̃ɛkɔ̃a kɔ̃n gwãavĩo, aɔ̃gɔ̃ wɛ̃̀ sèedanɔ kɔ̃n gurɔɔnɔ kɔ̃n wɛ̃̀nɔ ɔdɔańnɛ.
16	GEN 1:16	À pɔ́ gupuri ìsinɔ kɛ̀ mɛ̀n plaa, à kɛ̀ gbãaa ègɔ̃ kí blee fãantɛ̃, à kɛ̀ busɛ ègɔ̃ kí blee gwãavĩ. À sɔsɔnɛnɔ kɛ̀ dɔ.
18	GEN 1:18	aɔ̃gɔ̃ kí blee fãantɛ̃ kɔ̃n gwãavĩo, aɔ̃gɔ̃ gupura kɛ̃ɛkɔ̃a kɔ̃n gusiaao. Ben à è à kɛ̀ maa.
20	GEN 1:20	Ben Luda bè: Pɔ́ wɛ̃̀ndideenɔ í pa yɛ́lɛlɛ, bãanɔ dagula musu aɔ̃gɔ̃ vĩaa bàtumaa.
38	GEN 2:7	Dii Luda gɔ̃gbɛ̃ í kàsa kɔ̃n bùsutio, ben à ĩa wɛ̃̀ndidee vù à yĩn, ben gɔ̃gbɛ̃ pì gɔ̃̀ gbɛ̃ bɛ̃ɛ ũ.
42	GEN 2:11	À káaku tɔ́n Pisɔ̃, àmbe à liga Avila bùsuzi píngi. Vura kú bùsu pì guu,
43	GEN 2:12	vura pì maa. Gbɛ̀ bɛ̀ɛdeenɔɔ kú gwe dɔ.
57	GEN 3:1	Mlɛ̃̀ bé à mɔnafiki vĩ dɛ pɔ́ kɛ̀ Dii Ludaa kɛ̀nɔla píngi, ben à nɔgbɛ̃ là à bè: Luda bè àton dàko pì lí ke bɛɛ blenloo?
66	GEN 3:10	À wèàla à bè: Kɛ̀ ma n kĩi mà, ben vĩa ma kũ kɛ̀ má kú bũu yãnzi, ben ma utɛ.
72	GEN 3:16	Ben à bè nɔgbɛ̃nɛ: Mɛ́ n nɔ̀sina wãwãa kaarannɛ, nɛ́gɔ̃ nɛ́ ii wãwãao. N zã nii égɔ̃ kúmmamɛ, eégɔ̃ gbãa vĩ n musu.
96	GEN 4:16	Ben Kaini dà zɛ́n à kɛ̃̀ Diia. À gàa à vɛ̃̀ɛ Nɔdu bùsun Ɛdɛni ɔfãntɛ̃bɔɛ kpa.
147	GEN 6:9	Nuu boriinɔ yãn yɛ̀. Nuu nɛ́ gbɛ̃ maaamɛ. Kɛ̀ à kuu, à mɛ̀n doo bé à taari vĩro, à táa ò kɔ̃n Ludao.
164	GEN 7:4	Zaakɛ gurɔ swɛɛplaaa gbɛra mɛ́ tó lou ma tɔɔtɛa ai gurɔ baplaa fãantɛ̃ kɔ̃n gwãavĩo, lɛ mà pɔ́ wɛ̃̀ndidee kɛ̀ má kɛ̀nɔ waa tɔɔtɛa píngi.
172	GEN 7:12	Lou mà ai gurɔ baplaa fãantɛ̃ kɔ̃n gwãavĩo.
174	GEN 7:14	kɔ̃n nɔ̀bɔsɛ̃tɛnɔ píngi ń boriia kɔ̃n pɔ́kãdeenɔ píngi ń boriia kɔ̃n pɔ́taa'onkusɛanɔ píngi ń boriia kɔ̃n pɔ́ vĩananɔ píngi ń boriia, bãanɔ kɔ̃n pɔ́ dɛ̀bɛdeenɔ píngi.
191	GEN 8:7	ben à bã kãnkãna gbàrɛ. Èe vĩaa èe gaa èe suu ai í bàba tɔɔtɛa.
206	GEN 8:22	Ai anduna gá àgɔ̃ kuuo pɔ́tɔ̃na kɔ̃n pɔ́kɛkɛnao, ĩa kɔ̃n guwãaao, buusiɛ kɔ̃n kwɛɛo, fãantɛ̃ kɔ̃n gwãavĩo, aɔ̃ ke é yãaro.
208	GEN 9:2	Nɔ̀bɔnɔ kɔ̃n bãanɔ kɔ̃n pɔ́taa'onkusɛanɔ kɔ̃n kpɔ̀nɔ égɔ̃ a vĩa vĩ píngi. Ma ń náare a ɔzĩ.
242	GEN 10:7	Etiopia nɛ́gɔ̃gbɛ̃nɔ tɔ́n yɛ̀: Sɛba, Avila, Sabata, Raama kɔ̃n Sabatɛkao. Raama nɛ́gɔ̃gbɛ̃nɔn Seba kɔ̃n Dedão ũ.
246	GEN 10:11	Bɔna gwe à gàa Asiria bùsun, ben à Ninɛva kàɛ kɔ̃n Reobo'io kɔ̃n Kalao
247	GEN 10:12	kɔ̃n Rɛsɛ̃ kɛ̀ kú Ninɛva dagura kɔ̃n Kalao. Ninɛvan wɛ́tɛda ìsi ũ.
252	GEN 10:17	Ivinɔ, Akinɔ, Sininɔ,
253	GEN 10:18	Avadanɔ, Zɛmarinɔ kɔ̃n Amatanɔo. Kanaa pìnɔ dàgula zãamɛ.
261	GEN 10:26	Yɔkɔtã nɛ́gɔ̃gbɛ̃nɔ tɔ́n yɛ̀: Alamɔdada, Sɛlɛfi, Azamavɛ, Yera,
264	GEN 10:29	Ofi, Avila kɔ̃n Yobabuo. Yɔkɔtã nɛ́gɔ̃gbɛ̃nɔn gwe píngi.
269	GEN 11:2	Lán gbɛ̃nɔɔ e sɔ̃ki kpákpaa ɔfãntɛ̃bɔɛ kpa nà, kɛ̀ aɔ̃ kà Babilɔnia bùsu gusararaan, ben aɔ̃ vɛ̃̀ɛ gwe.
298	GEN 11:31	Ben Tera a nɛ́ Abramu kɔ̃n a dio Lutuo kɔ̃n Abramu naɔ̃ Saraio sɛ̀ bɔna Uru, Kaladia bùsun, aɔ̃ɔe gaa Kanaa bùsun. Kɛ̀ aɔ̃ kà Arana, aɔ̃ vɛ̃̀ɛ gwe.
304	GEN 12:5	kɔ̃n a naɔ̃ Saraio kɔ̃n a vĩ̀i nɛ́ Lutuo kɔ̃n ń auziki kɛ̀ aɔ̃ɔ vĩinɔ kɔ̃n gbɛ̃ kɛ̀ aɔ̃ɔ sɛ̀ gweenɔ. Lɛn aɔ̃ bɔ̀ Arana lɛ aɔ̃ dà Kanaa zɛ́n. Kɛ̀ aɔ̃ kà gwe,
308	GEN 12:9	Ben à dà zɛ́n dɔ à mì pɛ̀ Nɛgɛvia.
320	GEN 13:1	Ben Abramu bɔ̀ Igipiti à sù Nɛgɛvi kɔ̃n a naɔ̃o kɔ̃n a auzikinɔ píngi kɔ̃n Lutuo.
321	GEN 13:2	Abramu nɛ́ auzikideemɛ, à pɔ́kãdeenɔ vĩ pari kɔ̃n kondogio kɔ̃n vurao.
322	GEN 13:3	Bɔna Nɛgɛvi à sɔ̃ki kpàkpa ai à gàa à kào Bɛtɛli, guu kɛ̀ à bùra kàɛn káaku Bɛtɛli dagura kɔ̃n Aio,
324	GEN 13:5	Lutu ègɔ̃ tɛ́ kɔ̃n Abramuo lɛdo. À sãanɔ kɔ̃n zùnɔ kɔ̃n bisakutaanɔ vĩ se.
329	GEN 13:10	Kɛ Lutu guu gwà, à è Yoda guzurɛ píngi mɔdɔ vĩ maamaa. Ai Dii gɔ̃ gá Sɔdɔmu kɔ̃n Gɔmɔrao kaatɛ, guzurɛ pì dɛ lán Dii swadako bà, lán Igipiti bùsu bà, ai à gàa pɛ́ Zoaa.
337	GEN 13:18	Abramu fɛ̀ɛ à gàa à vɛ̃̀ɛ Mamare gbíi lí kɛ̀ kú Ɛblɔnunɔ saɛ, ben à Dii gbãgbãkii bò gwe.
342	GEN 14:5	À wɛ̃̀ gɛ̃ro dosaidee guun Kɛdɔlaoma kɔ̃n kína kɛ̀ aɔ̃ɔ kúonɔ mɔ̀ wà zĩ̀ blè Rɛfaimunɔa zaa Asɛtɛro Kanaimu, aɔ̃ zĩ̀ blè Zuzinɔa zaa Hamu, aɔ̃ zĩ̀ blè Ɛminɔa zaa Save Kiriataimu,
347	GEN 14:10	Sidimu guzurɛ kɔntaa wɛ̀ɛ vĩ pari. Kɛ̀ Sɔdɔmu kína kɔ̃n Gɔmɔra kínao e bàa lɛɛ, ben aɔ̃ sì à guu, ben ń gbɛ̃ kpaaanɔ bàa lɛ̀ wà gàa gusĩsĩdeen.
349	GEN 14:12	Gurɔɔ mɔ̀a Abramu vĩ̀i nɛ́ Lutu kú Sɔdɔmu, ben aɔ̃ à kũ̀ wà tào kɔ̃n à auzikinɔ.
352	GEN 14:15	Ben à a gbɛ̃nɔ kpàatɛtɛ, ben aɔ̃ sì ń tɛ́ gwãavĩ. Aɔ̃ zĩ̀ blèḿma aɔ̃ pɛ̀ḿma ai Oba, Damasiku gu'igbãroo kpa.
353	GEN 14:16	À lìara à sù kɔ̃n auziki pìnɔ píngi kɔ̃n a vĩ̀i nɛ́ Lutuo kɔ̃n à auzikinɔ. À sù kɔ̃n nɔgbɛ̃nɔo kɔ̃n gbɛ̃ pãndenɔ dɔ.
354	GEN 14:17	Kɛ̀ Abramu zĩ̀ blè Kɛdɔlaomaa kɔ̃n kína kɛ̀ aɔ̃ɔ kúonɔ èe suu, ben Sɔdɔmu kí bɔ̀ à dààlɛ Save Guzurɛ kɛ̀ wè be tia Kí Guzurɛn.
362	GEN 15:1	Beee gbɛra Dii yã ò Abramunɛ wɛ́ɛgupu'ena guu à bè: Abramu! Ǹton vĩa kɛro. Mámbe n sɛngbango ũ, n asaia égɔ̃ bíta maamaa.
363	GEN 15:2	Ben Abramu bè: Dii Luda, bɔ́n nɛ́ ma gbaa? Má nɛ́ vĩro. Damasiku gbɛ̃ Ɛliɛza bé égɔ̃ dɛ ma bɛ túbibleri ũ.
373	GEN 15:12	Kɛ̀ ɔfãntɛ̃ e gɛ̃ɛ kpɛ́n, i bíta Abramu kũ̀, ben gusia bíta vĩadee dààla.
376	GEN 15:15	Mmɔn sɔ̃, nɛ́gɔ̃ aafiamɛ ai ǹ gá zi kũo gbasa ǹ ká n dezinɔla wà n vĩi.
383	GEN 16:1	Abramu naɔ̃ Sarai e nɛ́ iro. À nɔgbɛ̃ zĩkɛri vĩ Igipiti gbɛ̃ ũ kɛ̀ wè benɛ Agyara.
406	GEN 17:8	Mɛ́ Kanaa bùsu kɛ̀ ń kú à guu nibɔ ũ kpámma píngi kɔ̃n n boriinɔ n gbɛra, lɛ aɔ̃gɔ̃ vĩ gurɔ píngi, mɛ́gɔ̃ dɛ ń Luda ũ.
426	GEN 18:1	Dii bɔ̀ à mɔ̀ Ibraĩzi Mamare gbíi línɔ saɛ. Ibraĩ vɛ̃ɛna a bisakuta kpɛɛlɛ fãantɛ̃.
440	GEN 18:15	Ben Sara lɛ́ sɛ̀ à bè ée yáa dɔro, zaakɛ vĩa à kũ̀. Ben Dii bè: É'e, n yáa dɔ̀.
443	GEN 18:18	À boriinɔ égɔ̃ bíta aɔ̃égɔ̃ gbãa vĩ. Anduna bori píngi é aubarika e à gãzĩmɛ.
459	GEN 19:1	Kɛ̀ malaika gɔ̃ɔn plaaa pìnɔ kà Sɔdɔmu uusiɛ, Lutu vɛ̃ɛna Sɔdɔmu bĩi kpɛɛlɛ. Kɛ̀ à ń é, à fɛ̀ɛ à gàa à dàńlɛ à kùɛńnɛ à dàɛ a puua
466	GEN 19:8	Má nɛ́nɔgbɛ̃nɔ vĩ gɔ̃ɔn plaa kɛ̀ aɔ̃ɔ gɔ̃gbɛ̃ dɔ̃ro, mɛ́ ń bɔɛare. Lán á yezi nà à kɛńyo, mɔde àton yãke kɛ gɔ̃gbɛ̃ kɛ̀kiinɔnɛro, zaakɛ aɔ̃ pìta ma bɛmɛ.
469	GEN 19:11	Aɔ̃ɔ tò vĩ̀a gbɛ̃ kɛ̀ aɔ̃ɔ kú kpɛɛlɛnɔ kũ̀ ń píngi nɛ́ féte gbɛ̃nsi, ben aɔ̃ɔe kpɛ́ gbà wɛtɛɛ ai aɔ̃ kpàsa.
470	GEN 19:12	Gɔ̃ɔn plaaa pìnɔ bè Lutunɛ: Dé ń vĩ kɛ̀ dɔɔ? Nɛ́gɔ̃gbɛ̃nɔ, nɛ́nɔgbɛ̃nɔ, n nɛ́ anzurenɔ kɔ̃n gbɛ̃ kɛ̀ aɔ̃ɔ dɛ n gbɛ̃ ũunɔ wɛ́tɛ guu ń píngi. Ǹ bɔɛńyo,
488	GEN 19:30	Kɛ̀ Lutu bɔ̀ Zoa, à gàa à vɛ̃̀ɛ kpiiinɔ tɛ́ kɔ̃n a nɛ́nɔgbɛ̃ gɔ̃ɔn plaaanɔ, kɛ̀ à kuuna Zoa vĩa vĩ yãnzi. Ben à gɔ̃̀ kú gbɛ̀wɛɛn kɔ̃n a nɛ́nɔgbɛ̃ pìnɔ.
491	GEN 19:33	Gwãavĩ beeea aɔ̃ wɛ̃ɛ kàkanɛ, ben Yɔ̃ɔ gàa à dàɛo. Lutu e dɔ̃ gurɔɔ kɛ̀ à dàɛao ke gurɔɔ kɛ̀ à fɛ̀ɛro.
493	GEN 19:35	Gwãavĩ beeea dɔ aɔ̃ wɛ̃ɛ kàkanɛ, ben Bãa gàa à dàɛo. Lutu e dɔ̃ gurɔɔ kɛ̀ à dàɛao ke gurɔɔ kɛ̀ à fɛ̀ɛro.
497	GEN 20:1	Ben Ibraĩ fɛ̀ɛ gwe à gàa Nɛgɛvi bùsun Kadɛsi kɔ̃n Suruo dagura. Kɛ̀ à gàa à vɛ̃̀ɛ Gera,
499	GEN 20:3	Ben Luda bɔ̀ à mɔ̀ Abimɛlɛkizi nanaa guu gwãavĩ à bènɛ: Nɛ́ ga nɔɔ kɛ̀ ń sɛ̀ pì yãnzi, zaakɛ nɔzãreemɛ.
501	GEN 20:5	Àmbe à bèmɛ a dãrenloo? Nɔgbɛ̃ pì sɔ̃ bè a dãgɔ̃mɛ. Ma yã kɛ̀ a zɛ́amɛ, má taari vĩro.
504	GEN 20:8	Ben Abimɛlɛki fɛ̀ɛ kɔngɔ idɛ'idɛ, à a gbɛ̃nɔ sìsi à yã pì tɔ̃kɛ̃̀ńnɛ ń píngi, ben vĩa ń kũ maamaa.
507	GEN 20:11	Ibraĩ wèàla à bè: Mɛ́ɛ daa yã gbɛ̃kee Luda vĩa vĩ bùsu kɛ̀kii guuro, weé ma dɛ ma naɔ̃ yãnzimɛ.
511	GEN 20:15	Ben Abimɛlɛki bè: Ma bùsun yɛ̀, ǹ vɛ̃ɛ guu kɛ̀ ń yezin.
530	GEN 21:16	ben à gàa à vɛ̃̀ɛ aɛ kàzulɛɛki zã̀ lɛ́n, zaakɛ à bè á yezi à a nɛ́ gana ero. Kɛ̀ à gàa à vɛ̃̀ɛ kãa lɛ, ben à nà ɔ́ɔdɔnaa.
531	GEN 21:17	Luda gɔ̃kparɛ pì ɔ́ɔ dɔɔ mà, ben Luda Malaika lɛ́ zù Agyarazi zaa musu à bè: Bɔ́ bé à n lee Agyara? Ǹton vĩa kɛro, zaakɛ Luda nɛ́ pì ɔ́ɔ dɔɔ mà guu kɛ̀ à kún.
560	GEN 22:12	Ben à bè: Ǹton ɔ na nɛ́ pìaro ǹton yãke kɛnɛro. Má dɔ̃ sa kɛ̀ ń ma vĩa vĩ, nɛ́ɛ gímɛ kɔ̃n n nɛ́ mɛ̀n doooro.
565	GEN 22:17	mɛ́ aubarika dangu mà n borii kaarannɛ lán sɔsɔnɛnɔ bà, aɔ̃égɔ̃ pari lán ísialɛ bùsu'ãatɛ̃ bà. N boriinɔ égɔ̃ gbãa vĩ n ibɛɛnɔa.
568	GEN 22:20	Beee gbɛra wà ò Ibraĩnɛ wà bè: N vĩ̀i Nao naɔ̃ Milika nɛ́gɔ̃gbɛ̃nɔ ì.
571	GEN 22:23	Bɛtuɛli pì bé à Rɛbɛka ì. Nɛ́gɔ̃gbɛ̃ gɔ̃ɔn sɔraagɔ̃ɔ kɛ̀ Milika ì kɔ̃n Ibraĩ vĩ̀i Naon gwe.
576	GEN 23:4	Nibɔ kɔ̃n gbɛ̃ zĩ̀tɔon ma ũ a tɛ́. À tɔɔtɛ yáma gɛ̀vĩikii ũ mà gɛ̀ vĩin.
578	GEN 23:6	Maree, ǹ wa yã ma. Luda gbɛ̃ aubarikadeen n ũ wa tɛ́. Ǹ n gɛ̀ vĩi gbɛ̀wɛɛ kɛ̀ kɛ̀nnɛ maaa guu. Wa gbɛ̃ke é n tɛ̃ gbɛ̀wɛɛ kɛ̀ nɛ́ n gɛ̀ vĩi à guuro.
580	GEN 23:8	à bèńnɛ: À ma yã ma, tó a we mà a gɛ̀ vĩi kɛ̀. À wɛ́ɛ kɛmɛ Zoa nɛ́ Ɛflɔnua
581	GEN 23:9	à Makpɛla gbɛ̀wɛɛ kɛ̀ kú à bú lɛ́zi yá ma à ɔɔa, eé gɔ̃ ma gɛ̀vĩikii ũ a bùsun.
582	GEN 23:10	Ɛflɔnu vɛ̃ɛna ń tɛ́ a wɛ́tɛ bĩilɛn gwe, ben à ò Ibraĩnɛ Itinɔ wáa ń píngi à bè:
583	GEN 23:11	Auo mare, ǹ ma yã ma. Ma n gba buraa pì kɔ̃n gbɛ̀wɛɛ kɛ̀ kú gweeo. Ma n gba ma gbɛ̃nɔ wáa. Ma n gbamɛ, lɛ ǹ n gɛ̀ vĩin.
585	GEN 23:13	ben à bè Ɛflɔnunɛ ń píngi wáa: Ǹ swã kpá ǹ ma yã ma. Mɛ́ buraa pì fĩa bonnɛ. Ǹ ma ɔɔ sí, mɛ́ ma gɛ̀ vĩin.
587	GEN 23:15	Maree, ǹ ma yã ma. Tɔɔtɛ kɛ̀ à ɔɔ kà kondogi wàa plaamɛ, bɔ́n beee ũ wa dagura? Ǹ n gɛ̀ vĩin.
591	GEN 23:19	Beee gbɛra Ibraĩ a naɔ̃ vĩ̀i Makpɛla bura gbɛ̀wɛɛ pì guu Mamare kɛ̀ wè be tia Ɛblɔnu saɛ, Kanaa bùsun.
592	GEN 23:20	Lɛn bú kɔ̃n gbɛ̀wɛɛ kɛ̀ dɛ Itinɔ pɔ́ ũ yãao gɔ̃̀ Ibraĩnɛ gɛ̀vĩikii ũ lɛ.
607	GEN 24:15	Èe yã pì o à yã̀aro, ben Bɛtuɛli nɛ́ Rɛbɛka bɔ̀ kɔ̃n looo dina a gã̀n. Bɛtuɛli nɛ́ Ibraĩ vĩ̀i Nao nɛ́ kɛ̀ à ì kɔ̃n a naɔ̃ Milikaomɛ.
614	GEN 24:22	Kɛ̀ lakuminɔ í mì aɔ̃ yã̀a, ben gɔ̃gbɛ̃ pì vura tãnga maaa dà nɔɔ pìnɛ a yĩa, à vura zãa dànɛ mɛ̀n plaa. Tãnga pì tìisi kà giramu sɔɔro, zãa pìnɔ sɔ̃ giramu basɔsɔɔro.
619	GEN 24:27	Dii ma dii Ibraĩ Luda aubarika vĩ kɛ̀ èe gí gbɛ̃kɛ kɔ̃n náanɛo yã kɛnɛro yãnzi. Mapi sɔ̃, Dii dɔ̀mɛ aɛ ma dii danɛnɔ bɛ.
621	GEN 24:29	Rɛbɛka pì dãgɔ̃ vĩ kɛ̀ wè benɛ Labã. À bɔ̀ wɛ́tɛ kpɛɛ kɔ̃n bào à gàa à gɔ̃gbɛ̃ pì lè lɔ̀gɔ lɛ́a,
627	GEN 24:35	Dii aubarika kɛ̀ ma diinɛ maamaa, ben à gɔ̃̀ auzikidee ũ. À à gbà sãanɔ kɔ̃n zùnɔ kɔ̃n kondogio kɔ̃n vurao kɔ̃n gɔ̃gbɛ̃ zĩkɛrinɔ kɔ̃n nɔgbɛ̃ zĩkɛrinɔ kɔ̃n lakuminɔ kɔ̃n zaakinɔ.
628	GEN 24:36	Ma dii pì naɔ̃ Sara nɛ́ ì gɔ̃gbɛ̃ ũ a zikũ guu, ben ma dii pɔ́ kɛ̀ à vĩi kpà nɛ́ pìa píngi.
640	GEN 24:48	Ben ma kuɛ ma dɔnzi kɛ̀ Dii ma dii Ibraĩ Ludanɛ ma sáabu kpàa, zaakɛ à dɔ̀mɛ aɛ zɛ́ maaa guu, lɛ mà a dii vĩ̀i dio sɛ́ à nɛ́nɛ.
642	GEN 24:50	Labã kɔ̃n Bɛtuɛlio wèàla wà bè: Yã pì bɔ̀ Dii kiiamɛ, wá yãke ona vĩro, à maaa ke à zaaa.
645	GEN 24:53	Ben à zãblebɔ kɛ̀ wà kɛ̀ kɔ̃n kondogio kɔ̃n vurao kɔ̃n pɔ́kãsãanɔ bɔ̀ɛ à kpà Rɛbɛkaa. À à vĩ̀i kɔ̃n à dao gbà pɔ́ ɔɔdeenɔ dɔ.