1	GEN 1:1	À káaku Luda musu kɔ̃n tɔɔtɛo kɛ̀.
4	GEN 1:4	À è gupuraa pì maa, ben à gupuraa kɛ̃̀kɔ̃a kɔ̃n gusiaao.
5	GEN 1:5	À tɔ́ kpà gupuraanɛ fãantɛ̃, gusiaa sɔ̃ gwãavĩ. Guu sì guu dɔ̀, à gurɔ káakun gwe.
10	GEN 1:10	À tɔ́ kpà gukori pìnɛ tɔɔtɛ, ben à tɔ́ kpà í kɛ̀ kàkɔ̃aanɛ ísiaa. Ben à è à kɛ̀ maa.
16	GEN 1:16	À pɔ́ gupuri ìsinɔ kɛ̀ mɛ̀n plaa, à kɛ̀ gbãaa ègɔ̃ kí blee fãantɛ̃, à kɛ̀ busɛ ègɔ̃ kí blee gwãavĩ. À sɔsɔnɛnɔ kɛ̀ dɔ.
17	GEN 1:17	À ń pɛ́pɛ musu lɛ aɔ̃gɔ̃ anduna puu
21	GEN 1:21	Ben à pɔ́ wɛ̃̀ndidee kɛ̀ aɔ̃è lili o í guunɔ kɛ̀ kɔ̃n kpɔ̀ gbɛ̃̀ntɛ̃nɔ píngi, baade kɔ̃n a boriio. À bãanɔ kɛ̀ píngi dɔ, baade kɔ̃n a boriio. Ben à è à kɛ̀ maa.
22	GEN 1:22	À aubarika dàńgu à bè, aɔ̃gɔ̃ nɛ́ ii aɔ̃gɔ̃ kɔ̃ɔ, kpɔ̀nɔ ísiaa pa, bãanɔ kɔ̃ tɔɔtɛ.
25	GEN 1:25	Luda nɔ̀bɔsɛ̃tɛnɔ kɛ̀ baade kɔ̃n a boriio. À pɔ́kãdeenɔ kɛ̀ baade kɔ̃n a boriio. À pɔ́taa'onkusɛanɔ kɛ̀ baade kɔ̃n a boriio. Ben à è à kɛ̀ maa.
27	GEN 1:27	Ben Luda gbɛ̃ntee kɛ̀ a zĩnda taka ũ. À zĩnda takan à ń kɛ́ à ũ. À ń kɛ́ gɔ̃gbɛ̃ kɔ̃n nɔgbɛ̃o.
28	GEN 1:28	À aubarika dàńgu à bèńnɛ: Àgɔ̃ nɛ́ ii àgɔ̃ kɔ̃ɔ à anduna pa àgɔ̃ gbãaa bleea. Àgɔ̃ kí blee kpɔ̀nɔa kɔ̃n bãanɔ kɔ̃n pɔ́ wɛ̃̀ndidee kɛ̀ aɔ̃è táa o tɔɔtɛanɔ píngi.
33	GEN 2:2	Ai à gurɔ swɛɛplaadee zĩ gɔ̃ ká, à zĩi kɛ̀ èe kɛɛ pì yã̀a. À gurɔ swɛɛplaadee pìn à kámma bò kɔ̃n zĩi kɛ̀ à kɛ̀nɔ píngi.
42	GEN 2:11	À káaku tɔ́n Pisɔ̃, àmbe à liga Avila bùsuzi píngi. Vura kú bùsu pì guu,
45	GEN 2:14	À ɔnɛ aagɔ̃de tɔ́n Tigiri, à dɔ̀rɔ tà Asiria bùsu ɔfãntɛ̃bɔɛ kpa. Swaa pì ɔnɛ siigɔ̃de tɔ́n Yuflati.
62	GEN 3:6	Kɛ̀ nɔgbɛ̃ è lí pì bɛɛ maa, bensɔ̃ à blena égɔ̃ nna eé tó gbɛ̃ wɛ́ɛ kɛ̃, ben à à bɛɛ wò à blè. À kpà a zãa sɔ̃, ben à blè.
66	GEN 3:10	À wèàla à bè: Kɛ̀ ma n kĩi mà, ben vĩa ma kũ kɛ̀ má kú bũu yãnzi, ben ma utɛ.
68	GEN 3:12	À wèàla à bè: Nɔgbɛ̃ kɛ̀ ń kpàma àgɔ̃ kúmao bé à lí pì bɛɛ kpàma má blè.
69	GEN 3:13	Ben Dii Luda nɔgbɛ̃ là à bè: Bɔ́yãnzi ń kɛ̀ lɛzi? À wèàla à bè: Mlɛ̃̀ bé à ma kɛkɛ, ben má blè.
71	GEN 3:15	Mɛ́ íbɛtɛ da mpi kɔ̃n nɔgbɛ̃o dagura, n bori kɔ̃n à boriio dagura. À borii é n mì wí, nɛ́ à gbátoge kɛ̃nna.
86	GEN 4:6	Ben Dii bè Kaininɛ: Bɔ́yãnzi n pɔ fɛ̃̀zi? À kɛ̀ dia n uu yàkɔ̃tɛɛ?
89	GEN 4:9	Dii Kaini là à bè: Mán n dãaro Abila kún? À wèàla à bè: Má dɔ̃ro. Ma dãaro dãkparin ma ũɔ́?
96	GEN 4:16	Ben Kaini dà zɛ́n à kɛ̃̀ Diia. À gàa à vɛ̃̀ɛ Nɔdu bùsun Ɛdɛni ɔfãntɛ̃bɔɛ kpa.
97	GEN 4:17	Kaini dàɛ kɔ̃n a naɔ̃o, ben à nɔ̀ sì à Ɛnɔku ì. À gbɛra Kaini wɛ́tɛ kàɛ, ben à a nɛ́ pì tɔ́ kpà wɛ́tɛ pìnɛ.
100	GEN 4:20	Ada Yabala ì. Àmbe pɔ́dãri kɛ̀ aɔ̃ègɔ̃ kú bisakutaa guunɔ dezi káaku ũ.
101	GEN 4:21	À dãaro tɔ́n Yubala. Àmbe mɔrɔlɛrinɔ kɔ̃n kurepɛrinɔ dezi káaku ũ.
102	GEN 4:22	Zila sɔ̃ bé à Tubala Kaini ì. Sian à ũ. È pɔ́ píngi pi kɔ̃n mɔ̀sio kɔ̃n mɔ̀gotɛ̃o. À dãre tɔ́n Naama.
105	GEN 4:25	Adamu dàɛ kɔ̃n a naɔ̃o dɔ, ben à nɛ́gɔ̃gbɛ̃ ì. À tɔ́ kpànɛ Sɛti à bè, Luda a gba nɛ́ pãnde Abila kɛ̀ Kaini dɛ̀ gɛ̃ɛ ũmɛ.
108	GEN 5:2	À ń kɛ́ gɔ̃gbɛ̃ kɔ̃n nɔgbɛ̃o, ben à aubarika dàńgu. À tɔ́ kpàńnɛ gbɛ̃ntee.
113	GEN 5:7	À gbɛra à kɛ̀ wɛ̃̀ wàa siigɔ̃ awɛɛswɛɛplaa à nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
116	GEN 5:10	À gbɛra à kɛ̀ wɛ̃̀ wàa siigɔ̃ kɔ̃n gɛ̃roo à nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
119	GEN 5:13	À gbɛra à kɛ̀ wɛ̃̀ wàa siigɔ̃ kpɛ́ baplaa à nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
122	GEN 5:16	À gbɛra à kɛ̀ wɛ̃̀ wàa siigɔ̃ kɔ̃n baaakurio à nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
125	GEN 5:19	À gbɛra à kɛ̀ wɛ̃̀ wàa siigɔ̃ à nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
128	GEN 5:22	À gbɛra à táa ò kɔ̃n Ludao ai wɛ̃̀ wàa do kpɛ́ basɔɔro à nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
129	GEN 5:23	À kà wɛ̃̀ wàa do kpɛ́ basɔraagɔ̃ asɔɔro.
130	GEN 5:24	À táa ò kɔ̃n Ludao, ben wà kòrazi, kɛ̀ Luda à sɛ̀ bɔna anduna guu yãnzi.
132	GEN 5:26	À gbɛra à kɛ̀ wɛ̃̀ wàa aagɔ̃ kpɛ́ bakɛ̃ndo awɛɛplaa à nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
135	GEN 5:29	À tɔ́ kpànɛ Nuu à bè: Gbɛ̃ beee bé eé wa làakari kpáɛwe zĩ gbãaa kɛ̀ wée kɛ yãnzi. Wée zĩ gbãaa pì kɛɛ Dii láarikɛna tɔɔtɛnɛ yãnzimɛ.
141	GEN 6:3	Ben Dii bè: Ma Ninii égɔ̃ kú gbɛ̃nteenɔ guu gurɔ píngiro, zaakɛ mɛ̀baadeemɛ. À gurɔɔnɔ égɔ̃ wɛ̃̀ baswɛɛdo.
144	GEN 6:6	ben à nɔ̀sɛ yàka gbɛ̃ntee kɛ̀ à kɛ̀ tɔɔtɛa yã musu. À laasuu pãnde lɛ̀,
153	GEN 6:15	Nɛ́ góro pì kɛ lán kɛ̀ bà. À gbã̀aa gã̀sãsuu wàa do kpɛ́ basɔɔro, à yàasa gã̀sãsuu baplaa akuri, à lezĩ sɔ̃ gã̀sãsuu baaakuri.
167	GEN 7:7	À gɛ̃̀ góro'itɛ guu kɔ̃n a nɛ́nɔ kɔ̃n a naɔ̃o kɔ̃n a nɛ́nɔ naɔ̃ɔnɔo lɛ aɔ̃ bɔ í pì yãn.
183	GEN 7:23	Luda pɔ́ wɛ̃̀ndidee kɛ̀ aɔ̃ɔ kú sĩ̀sĩaanɔ kàatɛ píngi. À gbɛ̃nteenɔ kɔ̃n nɔ̀bɔnɔ kɔ̃n pɔ́taa'onkusɛanɔ kɔ̃n bãanɔ kàatɛ anduna guu. Nuu bé à bɔ̀ ado kɔ̃n pɔ́ kɛ̀ aɔ̃ɔ kúo góro guunɔ.
188	GEN 8:4	À mɔ swɛɛplaade gurɔ gɛ̃ro awɛɛplaadee zĩ góro pì dì kpiii kɛ̀ wè be Ararataa.
192	GEN 8:8	À pɔ̃tɛ̃ɛ gbàrɛ dɔ lɛ à e à dɔ̃ tó í làgo tɔɔtɛa.
194	GEN 8:10	À kámma bò ai gurɔ swɛɛplaa, ben à ɛ̀ara à pɔ̃tɛ̃ɛ gbàrɛ dɔ.
196	GEN 8:12	À kámma bò gurɔ swɛɛplaa dɔ, ben à ɛ̀ara à pɔ̃tɛ̃ɛ pì gbàrɛ, èe liara à sù à kiia dɔro.
198	GEN 8:14	À mɔ plaade gurɔ baaasɔɔro awɛɛplaadee zĩ í bàba tɔɔtɛa.
204	GEN 8:20	Ben Nuu Dii gbãgbãkii bò. À nɔ̀bɔ kɔ̃n bãa kɛ̀ wè saa oonɔ kũ̀, ben à sa'opɔ kɛ̀ wè ká tɛ́n à tɛ́ kũ òa.
207	GEN 9:1	Ben Luda aubarika dà Nuun kɔ̃n à nɛ́nɔ à bèńnɛ: Àgɔ̃ nɛ́ ii àgɔ̃ kaara à anduna pa.
213	GEN 9:7	Àgɔ̃ nɛ́ ii àgɔ̃ kaara, à da andunala àgɔ̃ kɔ̃ɔ.
218	GEN 9:12	Ben Luda ɛ̀ara à bè: Ma bà égɔ̃ kúao kɔ̃n pɔ́ wɛ̃̀ndidee kɛ̀ aɔ̃ɔ kúaonɔ ai gurɔ píngimɛ. À sèedan yɛ̀.
235	GEN 9:29	À kɛ̀ wɛ̃̀ wàa siigɔ̃ kpɛ́ baswɛɛplaa akuri, ben à gà.
243	GEN 10:8	Nimlɔdu nɛ́ Etiopia boriimɛ dɔ. Àmbe anduna gbãabitade tɔ́de káaku ũ.
244	GEN 10:9	Tofe sàmɛ Dii aɛzĩ. À yã bé à tò wè be: Lán Nimlɔdu dɛ tofe sà ũ Dii aɛzĩ nà.
256	GEN 10:21	Yafɛti dãaro Sɛmu borii kɛ̀ dɔ. Àmbe Eberunɔ dezi káaku ũ.
260	GEN 10:25	Eberu nɛ́gɔ̃gbɛ̃nɔ ì gɔ̃ɔn plaa. À doo tɔ́n Pɛlɛgi, zaakɛ à gurɔɔn wà kɛ̃̀kɔ̃a anduna guu. À dãaro tɔ́n Yɔkɔtã.
278	GEN 11:11	À gbɛra à kɛ̀ wɛ̃̀ wàa plaa kpɛ́ basɔɔro a nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
280	GEN 11:13	À gbɛra à kɛ̀ wɛ̃̀ wàa plaa kɔ̃n aagɔ̃ɔo a nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
282	GEN 11:15	À gbɛra à kɛ̀ wɛ̃̀ wàa plaa kɔ̃n aagɔ̃ɔo a nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
284	GEN 11:17	À gbɛra à kɛ̀ wɛ̃̀ wàa plaa kɔ̃n baaakurio a nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
286	GEN 11:19	À gbɛra à kɛ̀ wɛ̃̀ wàa do akuri dosai a nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
288	GEN 11:21	À gbɛra à kɛ̀ wɛ̃̀ wàa do awɛɛswɛɛplaa a nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
290	GEN 11:23	À gbɛra à kɛ̀ wɛ̃̀ wàa do a nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
292	GEN 11:25	À gbɛra à kɛ̀ wɛ̃̀ baswɛɛdo dosai a nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
303	GEN 12:4	Ben Abramu dà zɛ́n lán Dii ònɛ nà. Lutu gàao. À wɛ̃̀ basiigɔ̃ sɔɔrosaidee guun à bɔ̀ Arana
307	GEN 12:8	Kɛ̀ à fɛ̀ɛ gwe, à mì pɛ̀ kpiii kɛ̀ kú Bɛtɛli ɔfãntɛ̃bɔɛ kpaanɔa, ben à bùra kàɛ gwe, Bɛtɛli kú ɔfãntɛ̃gɛ̃kpɛn kpa, Ai kú ɔfãntɛ̃bɔɛ kpa. À Dii gbãgbãkii bò gwe dɔ, ben à à sìsi.
318	GEN 12:19	À kɛ̀ dia n bè n dãremɛ, ben ma à sɛ̀ nɔɔ ũu? N naɔ̃n yɛ̀! Ǹ n pɔ́ sɛ́ ǹ táo.
324	GEN 13:5	Lutu ègɔ̃ tɛ́ kɔ̃n Abramuo lɛdo. À sãanɔ kɔ̃n zùnɔ kɔ̃n bisakutaanɔ vĩ se.
327	GEN 13:8	Ben Abramu bè Lutunɛ: À maa lɛokpakɔ̃a gɔ̃ kú wa daguraro, ke ma pɔ́dãrinɔ kɔ̃n n pɔ́dãrinɔ dagura, zaakɛ danɛnɔn wa ũ.
331	GEN 13:12	Abramu gɔ̃̀ Kanaa bùsun, Lutu sɔ̃ɔ kú Yoda guzurɛ wɛ́tɛnɔ dagura. À bùra kàɛ Sɔdɔmu saɛ.
340	GEN 14:3	Kí gɔ̃ɔn sɔɔroo pìnɔ kɔ̃ kàkɔ̃a ń píngi Sidimu guzurɛn. Àmbe sɛ̀bɛ wisidee ũ tia.
341	GEN 14:4	Wɛ̃̀ kuri awɛɛplaaa dagura aɔ̃ègɔ̃ tángba kpaa Kɛdɔlaomaa. À wɛ̃̀ kuri awɛɛ'aagɔ̃dee guun aɔ̃ gì bɔnɛzi.
342	GEN 14:5	À wɛ̃̀ gɛ̃ro dosaidee guun Kɛdɔlaoma kɔ̃n kína kɛ̀ aɔ̃ɔ kúonɔ mɔ̀ wà zĩ̀ blè Rɛfaimunɔa zaa Asɛtɛro Kanaimu, aɔ̃ zĩ̀ blè Zuzinɔa zaa Hamu, aɔ̃ zĩ̀ blè Ɛminɔa zaa Save Kiriataimu,
344	GEN 14:7	Ben aɔ̃ lìara wà sù Ɛmisipa. Àmbe wè be tia Kadɛsi. Aɔ̃ zĩ̀ blè Amalɛki bùsua píngi kɔ̃n Amɔri borii kɛ̀ aɔ̃ɔ kú Azazɔ̃tamanɔa dɔ.
353	GEN 14:16	À lìara à sù kɔ̃n auziki pìnɔ píngi kɔ̃n a vĩ̀i nɛ́ Lutuo kɔ̃n à auzikinɔ. À sù kɔ̃n nɔgbɛ̃nɔo kɔ̃n gbɛ̃ pãndenɔ dɔ.
355	GEN 14:18	Ben Salɛmu kí Mɛlɛkizɛdɛki mɔ̀ kɔ̃n burɛdio kɔ̃n geepiwɛ̃ɛo. Àpi nɛ́ Luda Musude gbã̀gbãrimɛ.
365	GEN 15:4	Ben Dii bènɛ: Àmbe eégɔ̃ dɛ n túbibleri ũro. Nɛ́ kɛ̀ eé bɔ n plɛ̀n bé eégɔ̃ dɛ n túbibleri ũ.
367	GEN 15:6	À Dii náanɛ kɛ̀, ben Dii tò yã bɔ̀o nna a náanɛ kɛ̀ à kɛ̀ yãnzi.
368	GEN 15:7	À bènɛ dɔ: Diin ma ũ, mámbe ma n bɔ Uru, Kaladia bùsun, lɛ mà bùsu kɛ̀kii kpámma yãnzi.
370	GEN 15:9	À wèàla à bè: Ǹ zùnunu wɛ̃̀ aagɔ̃ɔ sɛ́ kɔ̃n blè wɛ̃̀ aagɔ̃ɔo kɔ̃n sãkaro wɛ̃̀ aagɔ̃ɔo kɔ̃n pɔ̃tɛ̃ɛtɛ̃ngoo kɔ̃n lukulukuo.
383	GEN 16:1	Abramu naɔ̃ Sarai e nɛ́ iro. À nɔgbɛ̃ zĩkɛri vĩ Igipiti gbɛ̃ ũ kɛ̀ wè benɛ Agyara.
396	GEN 16:14	À yã bé à tò wà tɔ́ kpà lɔ̀gɔ pìnɛ Ludabɛ̃ɛkɛema'ee lɔ̀gɔ. À kú Kadɛsi kɔ̃n Bɛrɛdio daguramɛ.
409	GEN 17:11	À bã̀ngu kɛ ma bà kuunaao sèeda ũ.
434	GEN 18:9	Ben aɔ̃ à là wà bè: N naɔ̃ Sara kú mámɛ? À bè: À kú kutaan gwe.
438	GEN 18:13	Ben Dii Ibraĩ là à bè: À kɛ̀ dia Sara yáa dɔ̀? À bè amɔ kɛ̀ a zi kũ̀ é fɔ̃ à nɛ́ i dɔɔ́?
443	GEN 18:18	À boriinɔ égɔ̃ bíta aɔ̃égɔ̃ gbãa vĩ. Anduna bori píngi é aubarika e à gãzĩmɛ.
455	GEN 18:30	Ben à bè: Dii, n yã nna! Ǹton pɔ fɛ̃ro, má yezi mà yã o dɔ. Tó gbɛ̃ maaanɔ kà baaakuri sɔ̃ nɛ́? À wèàla à bè: Tó ma gbɛ̃ maaanɔ è aɔ̃ kà gɔ̃ɔn baaakuri, mɛ́ yãke kɛro.
456	GEN 18:31	Ben à bè: Ǹ gaafaa kɛmɛ dɔ Dii, mà yã onnɛ. Tó gbɛ̃ maaanɔ kà gɔ̃ɔn baroo sɔ̃ nɛ́? À wèàla à bè: Mɛ́ wɛ́tɛ pì kaatɛro gɔ̃ɔn baroo pìnɔ yãnzi.
457	GEN 18:32	Ben à bè: Dii, ǹton pɔ fɛ̃ro, yã kɛ̀kii baasi mɛ́ yã o dɔro. Tó gbɛ̃ maaanɔ kà gɔ̃ɔn kuri sɔ̃ nɛ́? À wèàla à bè: Mɛ́ wɛ́tɛ pì kaatɛro gɔ̃ɔn kuri pìnɔ yãnzi.
460	GEN 19:2	à bè: Ma diinɔ, a yã nna! À mɔ́ à gá pita mamɔma a zɔ̀bleri bɛ. À zú o à i kɛ̀, zia kɔngɔ idɛ'idɛ é da zɛ́n. Aɔ̃ bè: Auo, wé i gãalɛmɛ.
461	GEN 19:3	Lutu nàkɔ̃rɛḿma maamaa, ben aɔ̃ gɛ̃̀ à kpɛ́n. À ń yàari kɛ̀ maamaa à masa kɛ̀ńnɛ, ben aɔ̃ɔ sò.
472	GEN 19:14	Lutu bɔ̀ à gàa à ò a nɛ́nɔ anzurenɔnɛ à bè: À fɛɛ wà bɔɛ, zaakɛ Dii é wɛ́tɛ kɛ̀ pì kaatɛ tiamɛ. Ben aɔ̃ɔe daa èe fàadi boomɛ.
483	GEN 19:25	À wɛ́tɛ pìnɔ kàatɛ kɔ̃n gbɛ̃nɔ kɔ̃n guzurɛ pìo kɔ̃n línɔ kɔ̃n sɛ̃̀nɔ píngi.
495	GEN 19:37	Yɔ̃ɔ nɛ́ ì gɔ̃gbɛ̃ ũ, ben à tɔ́ kpànɛ Mɔabu. Àmbe Mɔabu borii kɛ̀ aɔ̃ɔ kuu ai gbã̀anɔ dezi káaku ũ.
496	GEN 19:38	Bãa nɛ́ ì gɔ̃gbɛ̃ ũ se, ben à tɔ́ kpànɛ Bɛnami. Àmbe Amɔni borii kɛ̀ aɔ̃ɔ kuu ai gbã̀anɔ dezi káaku ũ.
500	GEN 20:4	À mɔ̀ à lè Abimɛlɛki e daɛo kɔ̀ro, ben à bè: Dii, nɛ́ borii kɛ̀ aɔ̃ɔe yãke kɛroonɔ dɛdɛn yɔ́?
501	GEN 20:5	Àmbe à bèmɛ a dãrenloo? Nɔgbɛ̃ pì sɔ̃ bè a dãgɔ̃mɛ. Ma yã kɛ̀ a zɛ́amɛ, má taari vĩro.