1	GEN 1:1	À káaku Luda musu kɔ̃n tɔɔtɛo kɛ̀.
5	GEN 1:5	À tɔ́ kpà gupuraanɛ fãantɛ̃, gusiaa sɔ̃ gwãavĩ. Guu sì guu dɔ̀, à gurɔ káakun gwe.
11	GEN 1:11	Ben Luda bè: Lánɔ bɔɛ tɔɔtɛ kɔ̃n sɛ̃̀ wɛ́ɛdeenɔ kɔ̃n lí nɛ́deenɔ, baade kɔ̃n a boriio. Ben à kɛ̀ lɛ,
12	GEN 1:12	lánɔ bɔ̀ɛ tɔɔtɛ kɔ̃n sɛ̃̀ wɛ́ɛdeenɔ kɔ̃n lí nɛ́deenɔ, baade kɔ̃n a boriio. Ben Ludaa è à kɛ̀ maa.
28	GEN 1:28	À aubarika dàńgu à bèńnɛ: Àgɔ̃ nɛ́ ii àgɔ̃ kɔ̃ɔ à anduna pa àgɔ̃ gbãaa bleea. Àgɔ̃ kí blee kpɔ̀nɔa kɔ̃n bãanɔ kɔ̃n pɔ́ wɛ̃̀ndidee kɛ̀ aɔ̃è táa o tɔɔtɛanɔ píngi.
30	GEN 1:30	Ma sɛ̃̀nɔ kɔ̃n lánɔ kpà pɔ́ wɛ̃̀ndideenɔa píngi ń pɔ́blee ũ, nɔ̀bɔnɔ kɔ̃n bãanɔ kɔ̃n pɔ́taa'onkusɛanɔ píngi. Ben à kɛ̀ lɛ.
31	GEN 1:31	Luda pɔ́ kɛ̀ à kɛ̀nɔ è píngi, à kɛ̀ maa wásawasa. Guu sì guu dɔ̀, à gurɔ swɛɛdodeen gwe.
33	GEN 2:2	Ai à gurɔ swɛɛplaadee zĩ gɔ̃ ká, à zĩi kɛ̀ èe kɛɛ pì yã̀a. À gurɔ swɛɛplaadee pìn à kámma bò kɔ̃n zĩi kɛ̀ à kɛ̀nɔ píngi.
34	GEN 2:3	Ben à aubarika dà gurɔ swɛɛplaadee pìn à dìɛ a pɔ́ ũ, kɛ̀ zĩ beeen à kámma bò kɔ̃n zĩi kɛ̀ à kɛ̀nɔ píngi yãnzi.
37	GEN 2:6	Sukaa bé è kpá andunala, ben è mɔdɔ pisi tɔɔtɛa píngi.
42	GEN 2:11	À káaku tɔ́n Pisɔ̃, àmbe à liga Avila bùsuzi píngi. Vura kú bùsu pì guu,
50	GEN 2:19	Ben Dii Luda bùsu kɔ̀ à nɔ̀bɔnɔ kɛ̀o píngi kɔ̃n bãanɔ píngi, ben à mɔ̀ńyo gɔ̃gbɛ̃ pì kiia lɛ à e dian eé tɔ́ kpáńnɛ nà. Tɔ́ kɛ̀ gɔ̃gbɛ̃ pì kpà pɔ́ wɛ̃̀ndidee pìnɔnɛ píngi gɔ̃̀ ń tɔ́ ũ.
54	GEN 2:23	Ben gɔ̃gbɛ̃ pì bè: Kɛ̀ki wá bɔ̀ ma wá guumɛ, à mɛ̀ sɔ̃ bɔ̀ ma mɛ̀ guumɛ. Weé à sísi nɔgbɛ̃, kɛ̀ Luda à bɔ̀ gɔ̃gbɛ̃ guu yãnzi.
61	GEN 3:5	Zaakɛ Ludaa dɔ̃ kɛ̀ tó á blè, a wɛ́ɛ é kɛ̃ é gɔ̃ lán a bà, égɔ̃ à maaa dɔ̃ kɔ̃n à zaaao.
63	GEN 3:7	Aɔ̃ plaa ń píngi wɛ́ɛ kɛ̃̀, ben aɔ̃ɔ dɔ̃̀ sa kɛ̀ aɔ̃ɔ kú bũu. Ben aɔ̃ gooda lá nàbi wà nàńzi.
64	GEN 3:8	Kɛ̀ gɔ̃gbɛ̃ kɔ̃n a naɔ̃o Dii Luda kĩi mà èe táa oo dàko pì guu uusiɛ, ben aɔ̃ ùtɛnɛ dàko pì lán.
65	GEN 3:9	Ben Dii Luda lɛ́ zù gɔ̃gbɛ̃zi à bè: Ń kú mámɛ?
66	GEN 3:10	À wèàla à bè: Kɛ̀ ma n kĩi mà, ben vĩa ma kũ kɛ̀ má kú bũu yãnzi, ben ma utɛ.
68	GEN 3:12	À wèàla à bè: Nɔgbɛ̃ kɛ̀ ń kpàma àgɔ̃ kúmao bé à lí pì bɛɛ kpàma má blè.
69	GEN 3:13	Ben Dii Luda nɔgbɛ̃ là à bè: Bɔ́yãnzi ń kɛ̀ lɛzi? À wèàla à bè: Mlɛ̃̀ bé à ma kɛkɛ, ben má blè.
70	GEN 3:14	Ben Dii Luda bè mlɛ̃̀nɛ: Kɛ̀ ń kɛ̀ lɛ, nɛ́gɔ̃ dɛ láari pɔ́ ũ pɔ́kãdeenɔ kɔ̃n nɔ̀bɔsɛ̃tɛnɔ tɛ́ píngi, n gbɛɛɛn nɛ́gɔ̃ gáɛɛ, bùsutin nɛ́gɔ̃ blee ai n wɛ̃̀ndi lɛ́n.
71	GEN 3:15	Mɛ́ íbɛtɛ da mpi kɔ̃n nɔgbɛ̃o dagura, n bori kɔ̃n à boriio dagura. À borii é n mì wí, nɛ́ à gbátoge kɛ̃nna.
73	GEN 3:17	Ben à bè gɔ̃gbɛ̃nɛ: Lán n n naɔ̃ yã mà nà, lí kɛ̀ ma ginnɛ ǹ à bɛɛ blee ń blè, tɔɔtɛ gɔ̃̀ láari pɔ́ ũ n yãnzi, ɔsi kɔ̃n ɔsiion nɛ́gɔ̃ pɔ́blee en ai n wɛ̃̀ndi lɛ́n.
74	GEN 3:18	Eé lɛ̀nɔ kɔ̃n lá ũkãdeenɔ bɔɛnnɛ, gbasa ǹ bura pɔ́nɔ ble.
77	GEN 3:21	Dii Luda báa uta kɛ̀ Adamunɛ kɔ̃n à naɔ̃o, ben à dàńnɛ.
78	GEN 3:22	Ben à bè: Gbɛ̃ntee à maa kɔ̃n à zaaao dɔ̃̀ sa, à gɔ̃̀ lán wa bà. Wé gínɛ à lí wɛ̃̀ndide bɛɛ wo à ble, lɛ àtongɔ̃ kuu gurɔ píngiro yãnzi.
84	GEN 4:4	Abila sɔ̃ mɔ̀ kɔ̃n a sãnɛ káaku mɛ̀kpanao. Abila yã kà Diinɛ, ben à à gbaa sì.
85	GEN 4:5	Kaini sɔ̃ yã e ká Diinɛro, ben èe à gba síro. Ben Kaini pɔ fɛ̃̀ maamaa à uu yàkɔ̃tɛ.
88	GEN 4:8	Ben Kaini bè a dãaro Abilanɛ: Wà gá sɛ̃̀n. Kɛ̀ aɔ̃ kà gwe, ben à fɛ̀ɛ a dãarozi à à dɛ̀.
89	GEN 4:9	Dii Kaini là à bè: Mán n dãaro Abila kún? À wèàla à bè: Má dɔ̃ro. Ma dãaro dãkparin ma ũɔ́?
91	GEN 4:11	Tia sa nɛ́gɔ̃ láari pɔ́ ũmɛ, nɛ́gɔ̃ zã̀ kɔ̃n tɔɔtɛ kɛ̀ n dãaro aru mì n ɔzĩo.
92	GEN 4:12	Tó n bú bà, tɔɔtɛ é àre kɛnnɛro. Nɛ́gɔ̃ sɔ̃ki kpákpaa ǹgɔ̃ likɔ̃aa zɔ̃ɔ anduna guu.
94	GEN 4:14	Nɛ́ɛ pɛɛma tɔɔtɛ kɛ̀a gbã̀amɛ sa. Mɛ́ kɛ̃kɔ̃anyo sa. Mɛ́gɔ̃ sɔ̃ki kpákpaa màgɔ̃ likɔ̃aa zɔ̃ɔ anduna guu, gbɛ̃ kɛ̀ kpàkũmao é ma dɛ.
100	GEN 4:20	Ada Yabala ì. Àmbe pɔ́dãri kɛ̀ aɔ̃ègɔ̃ kú bisakutaa guunɔ dezi káaku ũ.
101	GEN 4:21	À dãaro tɔ́n Yubala. Àmbe mɔrɔlɛrinɔ kɔ̃n kurepɛrinɔ dezi káaku ũ.
103	GEN 4:23	Ben Lamɛki bè a naɔ̃ɔnɔnɛ: Ada kɔ̃n Zilao, à ma yã ma, ma naɔ̃nɔ, à swã kpá ma yãzi. Gbɛ̃ke ma kɛ̃nna, ben ma à dɛ̀, gɔ̃kparɛ pì ma lɛmɛ, ben ma à kàatɛ.
107	GEN 5:1	Adamu boriinɔ yãn yɛ̀. Gurɔɔ kɛ̀ Luda gbɛ̃nteenɔ kɛ̀, à ń kɛ́ lán a bàmɛ.
128	GEN 5:22	À gbɛra à táa ò kɔ̃n Ludao ai wɛ̃̀ wàa do kpɛ́ basɔɔro à nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
130	GEN 5:24	À táa ò kɔ̃n Ludao, ben wà kòrazi, kɛ̀ Luda à sɛ̀ bɔna anduna guu yãnzi.
135	GEN 5:29	À tɔ́ kpànɛ Nuu à bè: Gbɛ̃ beee bé eé wa làakari kpáɛwe zĩ gbãaa kɛ̀ wée kɛ yãnzi. Wée zĩ gbãaa pì kɛɛ Dii láarikɛna tɔɔtɛnɛ yãnzimɛ.
142	GEN 6:4	Gbɛ̃ gbã̀anɔɔ kú anduna guu gurɔ beeea kɔ̃n gurɔ beee gbɛraao dɔ, gurɔɔ kɛ̀ Luda nɛ́ pìnɔ gbɛ̃ntee nɛ́nɔgbɛ̃nɔ dɔ̃̀ nɔgbɛ̃nɔ ũ, ben aɔ̃ nɛ́nɔ ìńyo. Aɔ̃ nɛ́ pìnɔn gɔ̃sagbãaa kɛ̀ aɔ̃ tɔ́ bɔ̀ zaa káakunɔ ũ.
145	GEN 6:7	ben à bè: Mɛ́ gbɛ̃ntee kɛ̀ má kɛ̀ tɔɔtɛa waa, gbɛ̃nteenɔ kɔ̃n nɔ̀bɔnɔ kɔ̃n pɔ́taa'onkusɛanɔ kɔ̃n bãanɔo, zaakɛ ma nɔ̀sɛ yàka ń kɛna yã musu.
147	GEN 6:9	Nuu boriinɔ yãn yɛ̀. Nuu nɛ́ gbɛ̃ maaamɛ. Kɛ̀ à kuu, à mɛ̀n doo bé à taari vĩro, à táa ò kɔ̃n Ludao.
153	GEN 6:15	Nɛ́ góro pì kɛ lán kɛ̀ bà. À gbã̀aa gã̀sãsuu wàa do kpɛ́ basɔɔro, à yàasa gã̀sãsuu baplaa akuri, à lezĩ sɔ̃ gã̀sãsuu baaakuri.
154	GEN 6:16	Ǹ góro pì musu pápa, gbasa ǹ guforoo tótó à dagura gwe gã̀sãsuu doodo zaa à musu kpa. Ǹ gbà da góro pì kpado ǹ góro pì kɛ didikɔ̃ana lɛo aagɔ̃.
164	GEN 7:4	Zaakɛ gurɔ swɛɛplaaa gbɛra mɛ́ tó lou ma tɔɔtɛa ai gurɔ baplaa fãantɛ̃ kɔ̃n gwãavĩo, lɛ mà pɔ́ wɛ̃̀ndidee kɛ̀ má kɛ̀nɔ waa tɔɔtɛa píngi.
169	GEN 7:9	mɔ̀ Nuu kiia góro guu mɛ̀n plaplaa da kɔ̃n à kyào lán Ludaa ònɛ nà.
176	GEN 7:16	Pɔ́ wɛ̃̀ndideenɔ bori píngi gɛ̃̀ da kɔ̃n à kyào lán Ludaa dìɛnɛ nà. Ben Dii gbà tàtańlɛ.
179	GEN 7:19	Í kàara à dà tɔɔtɛla láe à dà kpii lezĩ kɛ̀ kú anduna guunɔla míɔmiɔ.
181	GEN 7:21	Pɔ́ wɛ̃̀ndidee kɛ̀ aɔ̃è táa o tɔɔtɛanɔ gàga píngi, bãanɔ kɔ̃n pɔ́kãdeenɔ kɔ̃n nɔ̀bɔsɛ̃tɛnɔ kɔ̃n pɔ́taa'onkusɛanɔ kɔ̃n gbɛ̃nteenɔ ń píngi.
189	GEN 8:5	Í pì e lagoo ai mɔ kuridee guu. Mɔ kuridee pì gurɔ káaku zĩ kpiiinɔ mìsɔ̃ntɛ̃nɔ bɔ̀bɔ.
194	GEN 8:10	À kámma bò ai gurɔ swɛɛplaa, ben à ɛ̀ara à pɔ̃tɛ̃ɛ gbàrɛ dɔ.
195	GEN 8:11	Pɔ̃tɛ̃ɛ pì lìara à sù à kiia uusiɛ à kù lá kàso à kpá a lɛ́zĩ. Ben Nuu dɔ̃ kɛ í làgo tɔɔtɛa.
196	GEN 8:12	À kámma bò gurɔ swɛɛplaa dɔ, ben à ɛ̀ara à pɔ̃tɛ̃ɛ pì gbàrɛ, èe liara à sù à kiia dɔro.
197	GEN 8:13	Nuu wɛ̃̀ wàa aagɔ̃ awɛɛdodee guu à mɔ káaku gurɔ káaku zĩ, í bàba tɔɔtɛa, ben à góro pì musu gò. Kɛ̀ à guu gwà, à è í yã̀a tɔɔtɛa.
203	GEN 8:19	Nɔ̀bɔnɔ píngi kɔ̃n pɔ́taa'onkusɛanɔ píngi kɔ̃n bãanɔ píngi kɔ̃n pɔ́ kɛ̀ aɔ̃è táa o tɔɔtɛanɔ píngi bɔ̀ɛ góro guu bori kɔ̃n boriio.
204	GEN 8:20	Ben Nuu Dii gbãgbãkii bò. À nɔ̀bɔ kɔ̃n bãa kɛ̀ wè saa oonɔ kũ̀, ben à sa'opɔ kɛ̀ wè ká tɛ́n à tɛ́ kũ òa.
205	GEN 8:21	Kɛ̀ Dii à gũu mà, à kɛ̀nɛ nna, ben à laasuu lɛ̀ à bè: Mɛ́ ɛara mà láari zĩ tɔɔtɛa gbɛ̃ntee yãnzi dɔro, zaakɛ gbɛ̃ntee laasuu ègɔ̃ zaa zaa à ɔ̀wazikɛgurɔmɛ. Mɛ́ ɛara mà pɔ́ wɛ̃̀ndideenɔ kaatɛ lán má kɛ̀ nà dɔro.
206	GEN 8:22	Ai anduna gá àgɔ̃ kuuo pɔ́tɔ̃na kɔ̃n pɔ́kɛkɛnao, ĩa kɔ̃n guwãaao, buusiɛ kɔ̃n kwɛɛo, fãantɛ̃ kɔ̃n gwãavĩo, aɔ̃ ke é yãaro.
208	GEN 9:2	Nɔ̀bɔnɔ kɔ̃n bãanɔ kɔ̃n pɔ́taa'onkusɛanɔ kɔ̃n kpɔ̀nɔ égɔ̃ a vĩa vĩ píngi. Ma ń náare a ɔzĩ.
209	GEN 9:3	Pɔ́ kɛ̀ aɔ̃è táa oonɔ píngi égɔ̃ dɛ a pɔ́blee ũ. Ma ń kpáawa píngi lán ma blɛɛ kɛ̀ è bɔɛ tɔɔtɛanɔ kpàawa nà yã.
210	GEN 9:4	Mɔde àton nɔ̀bɔ kɛ̀ wèe à kòto kpáro sóro, zaakɛ à arun à wɛ̃̀ndi ũ.
220	GEN 9:14	Tó má tò lou sìsi ludambɛfɛ̃ɛdaa bɔ̀a,
221	GEN 9:15	lán ma bà kúao nà kɔ̃n pɔ́ wɛ̃̀ndide bori píngio, à yã é dɔmagumɛ. Mɛ́ tó í da andunala à pɔ́ wɛ̃̀ndidee kaatɛ píngi dɔro.
229	GEN 9:23	Ben Sɛmu kɔ̃n Yafɛtio utadaa sɛ̀ aɔ̃ kà ń gã̀n ń plaa aɔ̃ táa ò kɔ̃n kpɛɛo. Ń aɛ dɔna gu pãndea lɛ aɔ̃ton ń de bũukɛɛ ero yãnzi, aɔ̃ gàa wà kù ń de bũukɛɛla.
230	GEN 9:24	Kɛ̀ wɛ̃ɛ kɛ̃̀ Nuua à fɛ̀ɛ, à mà lán a nɛ́ zãa kɛ̀are nà,
231	GEN 9:25	ben à bè: Kanaa égɔ̃ láari pɔ́ ũmɛ, àmbe égɔ̃ a gbɛ̃nɔ zɔ̀ zãa ũ.
243	GEN 10:8	Nimlɔdu nɛ́ Etiopia boriimɛ dɔ. Àmbe anduna gbãabitade tɔ́de káaku ũ.
244	GEN 10:9	Tofe sàmɛ Dii aɛzĩ. À yã bé à tò wè be: Lán Nimlɔdu dɛ tofe sà ũ Dii aɛzĩ nà.
245	GEN 10:10	Babilɔnia bùsu kɛ̀ à kí blèa káaku wɛ́tɛdaan Babɛli kɔ̃n Ɛrɛkio kɔ̃n Akadao kɔ̃n Kalanɛo ũ.
256	GEN 10:21	Yafɛti dãaro Sɛmu borii kɛ̀ dɔ. Àmbe Eberunɔ dezi káaku ũ.
269	GEN 11:2	Lán gbɛ̃nɔɔ e sɔ̃ki kpákpaa ɔfãntɛ̃bɔɛ kpa nà, kɛ̀ aɔ̃ kà Babilɔnia bùsu gusararaan, ben aɔ̃ vɛ̃̀ɛ gwe.
270	GEN 11:3	Aɔ̃ bèkɔ̃nɛ: Wà gá wà kúnku bɔ wà kpáta maamaa. Kúnkun ń gbɛ̀ ũ, kɔntaan ń siminti ũ.
271	GEN 11:4	Ben aɔ̃ bè: Wà wɛ́tɛdaa káɛ wà kpɛ́didikɔ̃ana bo à mìsɔ̃ntɛ̃ zɔ̃ ludambɛɛa. Wà wa zĩnda tɔ́ bɔ lɛ wàtongɔ̃ fãakɔ̃ana doodo anduna guuro yãnzi.
273	GEN 11:6	Ben à bè: Aɔ̃ píngi ń borii dɔ̃nkɔ̃mɛ, yã dɔ̃nkɔ̃n aɔ̃è o, ben yã kɛ̀ aɔ̃ɔe bɔɔon yɛ̀ɔ́? Yã kɛ̀ aɔ̃ à laasuu lɛ̀ tia sa aɔ̃é kɛmɛ, pɔ́ke é kpáńnɛ à kɛna guu dɔro.
274	GEN 11:7	Wà pita wà gá gwe wà ń yã yãkɔ̃tɛńnɛ lɛ aɔ̃ton kɔ̃ yã ma dɔro.
295	GEN 11:28	Arana gà a de Tera wáa zaa Urumɛ Kaladia bùsun, guu kɛ̀ wà à ìn.
300	GEN 12:1	Dii bè Abramunɛ: Ǹ bɔ n bùsun n danɛnɔ tɛ́ n de bɛ, ǹ tá bùsu kɛ̀ mɛ́ ɔdɔannɛɛn.
302	GEN 12:3	Mɛ́ aubarika da gbɛ̃ kɛ̀ aɔ̃é sa maaa onnɛɛnɔn, mɛ́ gbɛ̃ kɛ̀ aɔ̃é sa zaaa onnɛɛnɔ ká. Anduna bori píngi é aubarika e n gãzĩ.
303	GEN 12:4	Ben Abramu dà zɛ́n lán Dii ònɛ nà. Lutu gàao. À wɛ̃̀ basiigɔ̃ sɔɔrosaidee guun à bɔ̀ Arana
306	GEN 12:7	Ben Dii bɔ̀ à mɔ̀ Abramuzi à bè: Mɛ́ bùsu kɛ̀kii kpá n boriinɔamɛ. Ben à Dii gbãgbãkii bò gwe.
310	GEN 12:11	Kɛ̀ à kà kĩi kɔ̃n Igipitio, à bè a naɔ̃nɛ: Má dɔ̃ nɔ maan n ũ.
312	GEN 12:13	Ǹ beńnɛ ma dãremɛ n ũ lɛ wà ma sí ɔplaplaa n yãnzi. Lán nɛ́ ma mì sí nàn gwe.
318	GEN 12:19	À kɛ̀ dia n bè n dãremɛ, ben ma à sɛ̀ nɔɔ ũu? N naɔ̃n yɛ̀! Ǹ n pɔ́ sɛ́ ǹ táo.
322	GEN 13:3	Bɔna Nɛgɛvi à sɔ̃ki kpàkpa ai à gàa à kào Bɛtɛli, guu kɛ̀ à bùra kàɛn káaku Bɛtɛli dagura kɔ̃n Aio,
328	GEN 13:9	Ǹ bùsu gwa da n aɛ píngi. Wà kɛ̃kɔ̃a. Tó n gaa ɔzɛzi, mɛ́ gá ɔplazi. Tó n gaa ɔplazimɛ sɔ̃, mɛ́ gá ɔzɛzi.