33	GEN 2:2	Ai à gurɔ swɛɛplaadee zĩ gɔ̃ ká, à zĩi kɛ̀ èe kɛɛ pì yã̀a. À gurɔ swɛɛplaadee pìn à kámma bò kɔ̃n zĩi kɛ̀ à kɛ̀nɔ píngi.
34	GEN 2:3	Ben à aubarika dà gurɔ swɛɛplaadee pìn à dìɛ a pɔ́ ũ, kɛ̀ zĩ beeen à kámma bò kɔ̃n zĩi kɛ̀ à kɛ̀nɔ píngi yãnzi.
40	GEN 2:9	Dii Luda tò lí bori píngi bɔ̀ɛ tɔɔtɛa. Lí pìnɔɔ maa, bensɔ̃ ń bɛ blena nna. Lí wɛ̃̀ndide kú dàko pì gura. Lí kɛ̀ è dɔ̃na maa kɔ̃n à zaaao ińnɛ kú gwe dɔ.
62	GEN 3:6	Kɛ̀ nɔgbɛ̃ è lí pì bɛɛ maa, bensɔ̃ à blena égɔ̃ nna eé tó gbɛ̃ wɛ́ɛ kɛ̃, ben à à bɛɛ wò à blè. À kpà a zãa sɔ̃, ben à blè.
67	GEN 3:11	Ben Dii Luda à là à bè: Dé bé à ònnɛ ń kú bũuu? Lí kɛ̀ ma ginnɛ ǹ à bɛɛ ble, ń blèn yɔ́?
128	GEN 5:22	À gbɛra à táa ò kɔ̃n Ludao ai wɛ̃̀ wàa do kpɛ́ basɔɔro à nɛ́ pãndenɔ ì dɔ gɔ̃gbɛ̃nɔ kɔ̃n nɔgbɛ̃nɔo.
130	GEN 5:24	À táa ò kɔ̃n Ludao, ben wà kòrazi, kɛ̀ Luda à sɛ̀ bɔna anduna guu yãnzi.
147	GEN 6:9	Nuu boriinɔ yãn yɛ̀. Nuu nɛ́ gbɛ̃ maaamɛ. Kɛ̀ à kuu, à mɛ̀n doo bé à taari vĩro, à táa ò kɔ̃n Ludao.
160	GEN 6:22	Ben Nuu kɛ̀ lɛ à yã kɛ̀ Ludaa ònɛ kɛ̀ píngi.
165	GEN 7:5	Nuu yã kɛ̀ Dii ònɛ kɛ̀ píngi.
169	GEN 7:9	mɔ̀ Nuu kiia góro guu mɛ̀n plaplaa da kɔ̃n à kyào lán Ludaa ònɛ nà.
171	GEN 7:11	Nuu wɛ̃̀ wàa aagɔ̃dee guu à mɔ plaade gurɔ gɛ̃ro awɛɛplaadee zĩ, ben í kɛ̀ kú tɔɔtɛ gĩzĩnɔ pũ̀tã píngi, ben ludambɛ fòonɔ fɔ̃̀.
186	GEN 8:2	Í kɛ̀ kú tɔɔtɛ gĩzĩnɔ kɔ̃n ludambɛ fòonɔ tàta, ben lou kɛ̃̀.
194	GEN 8:10	À kámma bò ai gurɔ swɛɛplaa, ben à ɛ̀ara à pɔ̃tɛ̃ɛ gbàrɛ dɔ.
196	GEN 8:12	À kámma bò gurɔ swɛɛplaa dɔ, ben à ɛ̀ara à pɔ̃tɛ̃ɛ pì gbàrɛ, èe liara à sù à kiia dɔro.
197	GEN 8:13	Nuu wɛ̃̀ wàa aagɔ̃ awɛɛdodee guu à mɔ káaku gurɔ káaku zĩ, í bàba tɔɔtɛa, ben à góro pì musu gò. Kɛ̀ à guu gwà, à è í yã̀a tɔɔtɛa.
199	GEN 8:15	Ben Luda yã ò Nuunɛ à bè:
204	GEN 8:20	Ben Nuu Dii gbãgbãkii bò. À nɔ̀bɔ kɔ̃n bãa kɛ̀ wè saa oonɔ kũ̀, ben à sa'opɔ kɛ̀ wè ká tɛ́n à tɛ́ kũ òa.
210	GEN 9:4	Mɔde àton nɔ̀bɔ kɛ̀ wèe à kòto kpáro sóro, zaakɛ à arun à wɛ̃̀ndi ũ.
220	GEN 9:14	Tó má tò lou sìsi ludambɛfɛ̃ɛdaa bɔ̀a,
228	GEN 9:22	Kɛ̀ Kanaa de Hamu a de bũukɛɛ è, à bɔ̀ à gàa à ò Sɛmunɛ kɔ̃n Yafɛtio.
229	GEN 9:23	Ben Sɛmu kɔ̃n Yafɛtio utadaa sɛ̀ aɔ̃ kà ń gã̀n ń plaa aɔ̃ táa ò kɔ̃n kpɛɛo. Ń aɛ dɔna gu pãndea lɛ aɔ̃ton ń de bũukɛɛ ero yãnzi, aɔ̃ gàa wà kù ń de bũukɛɛla.
244	GEN 10:9	Tofe sàmɛ Dii aɛzĩ. À yã bé à tò wè be: Lán Nimlɔdu dɛ tofe sà ũ Dii aɛzĩ nà.
272	GEN 11:5	Ben Dii pìta à wɛ́tɛdaa pì gwà kɔ̃n kpɛ́ lezĩ kɛ̀ gbɛ̃nteenɔ bòo.
275	GEN 11:8	Ben Dii ń fãakɔ̃a gwe doodo anduna guu píngi, ben aɔ̃ ń wɛ́tɛda kaɛna tò.
276	GEN 11:9	Beee yãnzin wà tɔ́ kpà wɛ́tɛ pìnɛ Babɛli, zaakɛ gwen Dii tò anduna bori píngi yã bɔ̀n. Zaa gwemɛ à ń fãakɔ̃a anduna guu píngi.
303	GEN 12:4	Ben Abramu dà zɛ́n lán Dii ònɛ nà. Lutu gàao. À wɛ̃̀ basiigɔ̃ sɔɔrosaidee guun à bɔ̀ Arana
306	GEN 12:7	Ben Dii bɔ̀ à mɔ̀ Abramuzi à bè: Mɛ́ bùsu kɛ̀kii kpá n boriinɔamɛ. Ben à Dii gbãgbãkii bò gwe.
307	GEN 12:8	Kɛ̀ à fɛ̀ɛ gwe, à mì pɛ̀ kpiii kɛ̀ kú Bɛtɛli ɔfãntɛ̃bɔɛ kpaanɔa, ben à bùra kàɛ gwe, Bɛtɛli kú ɔfãntɛ̃gɛ̃kpɛn kpa, Ai kú ɔfãntɛ̃bɔɛ kpa. À Dii gbãgbãkii bò gwe dɔ, ben à à sìsi.
319	GEN 12:20	Fili'auna yã ò a gbɛ̃nɔnɛ Abramu yã musu, ben aɔ̃ gàa wà zɛ̀nɛ kɔ̃n a naɔ̃o kɔ̃n a auzikinɔ píngi.
323	GEN 13:4	guu kɛ̀ à sa'okii bòn yã. Ben à Dii sìsi gwe.
337	GEN 13:18	Abramu fɛ̀ɛ à gàa à vɛ̃̀ɛ Mamare gbíi lí kɛ̀ kú Ɛblɔnunɔ saɛ, ben à Dii gbãgbãkii bò gwe.
350	GEN 14:13	Ben gbɛ̃ kɛ̀ bɔ̀ ń ɔzĩ gàa à ò Eberu bori Abramunɛ zaa Mamare gbíi línɔ saɛ. Mamare kɔ̃n a dãaronɔ Ɛsɛkɔlu kɔ̃n Anɛo nɛ́ Amɔri boriinɔmɛ, aɔ̃ɔ dɛ kɔ̃ gbɛ̃ ũ kɔ̃n Abramuo.
356	GEN 14:19	Ben à sa maaa ò Abramunɛ à bè: Luda Musude musu kɔ̃n tɔɔtɛo Kɛ̀ri aubarika da Abramun.
362	GEN 15:1	Beee gbɛra Dii yã ò Abramunɛ wɛ́ɛgupu'ena guu à bè: Abramu! Ǹton vĩa kɛro. Mámbe n sɛngbango ũ, n asaia égɔ̃ bíta maamaa.
367	GEN 15:6	À Dii náanɛ kɛ̀, ben Dii tò yã bɔ̀o nna a náanɛ kɛ̀ à kɛ̀ yãnzi.
371	GEN 15:10	Ben à pɔ́ pìnɔ sɛ̀ à mɔ̀o píngi à pàrapara à gògokɔ̃a, ben à kàɛ à ń aɛ dɔ̀dɔkɔ̃a, mɔde èe bãanɔ parapararo.
395	GEN 16:13	Ben Agyara bè: Ma wɛ́ɛ sì Luda kɛ̀ è ma elɛ. Ben à tɔ́ kpà Dii kɛ̀ yã ònɛnɛ Ludakɛema'ee.
396	GEN 16:14	À yã bé à tò wà tɔ́ kpà lɔ̀gɔ pìnɛ Ludabɛ̃ɛkɛema'ee lɔ̀gɔ. À kú Kadɛsi kɔ̃n Bɛrɛdio daguramɛ.
420	GEN 17:22	Kɛ̀ Luda yã ò Ibraĩnɛ à yã̀a, ben à à tò à tà musu.
421	GEN 17:23	Ben Ibraĩ a nɛ́ Sumaila sɛ̀ kɔ̃n a bɛ gɔ̃gbɛ̃ kɛ̀ wà ń í a bɛɛnɔ kɔ̃n zɔ̀ kɛ̀ wà ń lúnɔ ń píngi, ben à bã̀ngu kɛ̀ńnɛ zĩ beeea gɔ̃ɔ lán Ludaa ònɛ nà.
430	GEN 18:5	Lán a bɔɛ ma bɛɛ kpa nà, mɛ́ mɔ́are pɔ́bleeo féte lɛ à gbãaa e, gbasa à da zɛ́n. Ben aɔ̃ bè: Tɔ̀, ǹ kɛ lán ń ò nà.
458	GEN 18:33	Kɛ̀ Dii yã ò Ibraĩnɛ à yã̀a, à gɛ̃̀ zɛ́la, ben Ibraĩ ɛ̀ara à tà bɛ.
461	GEN 19:3	Lutu nàkɔ̃rɛḿma maamaa, ben aɔ̃ gɛ̃̀ à kpɛ́n. À ń yàari kɛ̀ maamaa à masa kɛ̀ńnɛ, ben aɔ̃ɔ sò.
469	GEN 19:11	Aɔ̃ɔ tò vĩ̀a gbɛ̃ kɛ̀ aɔ̃ɔ kú kpɛɛlɛnɔ kũ̀ ń píngi nɛ́ féte gbɛ̃nsi, ben aɔ̃ɔe kpɛ́ gbà wɛtɛɛ ai aɔ̃ kpàsa.
472	GEN 19:14	Lutu bɔ̀ à gàa à ò a nɛ́nɔ anzurenɔnɛ à bè: À fɛɛ wà bɔɛ, zaakɛ Dii é wɛ́tɛ kɛ̀ pì kaatɛ tiamɛ. Ben aɔ̃ɔe daa èe fàadi boomɛ.
474	GEN 19:16	Kɛ̀ Lutu e seka kɛɛ, Dii à wɛ̃nda bò, ben gɔ̃ɔn plaaa pìnɔ à kũ̀ a ɔɔa kɔ̃n à naɔ̃o kɔ̃n à nɛ́nɔgbɛ̃ gɔ̃ɔn plaaanɔ, aɔ̃ bɔ̀ɛńyo wɛ́tɛ kpɛɛ.
482	GEN 19:24	ben Dii tò tɛ́ kɔ̃n ɔfãntɛ̃gbɔ̃o bɔ̀ musu à kà Sɔdɔmu kɔ̃n Gɔmɔraola.
505	GEN 20:9	Ben Abimɛlɛki Ibraĩ sìsi à bènɛ: Bɔ́yãnzi ń kɛ̀we lɛzi? Bɔ́ taarin má kɛ̀nnɛ gbasa ń tò ma gɔ̃ durundee ũ kɔ̃n ma bùsuo? N yã kɛ̀ dɛ wà kɛroo kɛ̀mɛ.
514	GEN 20:18	zaakɛ Dii tò Abimɛlɛki bɛ nɔgbɛ̃nɔ pãa kũ̀ yã Ibraĩ naɔ̃ yã musu.
515	GEN 21:1	Dii aubarika dà Saragu lán à ò nà, à kɛ̀nɛ lán à lɛ́ gbɛ̃̀nɛ nà.
529	GEN 21:15	Kɛ̀ í yã̀aḿma, à gɔ̃kparɛ pì tò lí gbáru,
551	GEN 22:3	Kɛ̀ à fɛ̀ɛ kɔngɔ idɛ'idɛ, à gàari yì a zaakinɛ, ben à a zĩkɛrinɔ sɛ̀ gɔ̃ɔn plaa kɔ̃n a nɛ́ Isaaku pìo. À sa'oyaka pàra, ben à dà zɛ́n, èe gaa guu kɛ̀ Ludaa ònɛn.
555	GEN 22:7	Ben Isaaku yã ò a denɛ à bè: Baa! À wèàla à bè: Bɔ́mɛɛ nɛ́? Ben à bènɛ: Wá tɛ́ kũna kɔ̃n yàkao, sãnɛ bɔ̀rɔ kɛ̀ wé ká tɛ́n à tɛ́ kũ kú mámɛ?
557	GEN 22:9	Kɛ̀ aɔ̃ kà guu kɛ̀ Ludaa ònɛn, à sa'okii bò gwe à yàka kpàkpaàla, ben à a nɛ́ pì yì à dà yàka pìla sa'okii musu.
558	GEN 22:10	Kɛ̀ à fɛ̃ɛ sɛ̀ à ɔ bɔ̀ lɛ à a nɛ́ pì kòto kpá,
561	GEN 22:13	Ibraĩ wɛ́ɛ sɛ̀, ben à sãkaro è líwakaa kà à kobazi. Ben à gàa à à kũ̀ à sa'opɔ kɛ̀ wè ká tɛ́n à tɛ́ kũ òo a nɛ́ gɛ̃ɛ ũ.
568	GEN 22:20	Beee gbɛra wà ò Ibraĩnɛ wà bè: N vĩ̀i Nao naɔ̃ Milika nɛ́gɔ̃gbɛ̃nɔ ì.
582	GEN 23:10	Ɛflɔnu vɛ̃ɛna ń tɛ́ a wɛ́tɛ bĩilɛn gwe, ben à ò Ibraĩnɛ Itinɔ wáa ń píngi à bè:
588	GEN 23:16	Ibraĩ à yã mà, ben à kondogi kɛ̀ à ò yɔ̃̀nɛ gbɛ̃nɔ wáa laatarinɔ zakaa.
594	GEN 24:2	Ben à ò a zɔ̀blerinɔ gbɛ̃nsi kɛ̀ dɛ a pɔ́ píngi yãgɔ̃gɔ̃ri ũunɛ à bè: Ǹ ɔ sɔtɔ ma gbáda gbáru,
599	GEN 24:7	Dii Luda Musude ma bɔ ma de bɛ ma danɛnɔ bùsun, ben à yã òmɛ à la dà à bè é bùsu kɛ̀kii kpá ma boriinɔamɛ. Àmbe eé a Malaika zĩ à dɔnnɛ aɛ. Gwen nɛ́ nɔɔ sɛ́n ma nɛ́nɛ.
603	GEN 24:11	Kɛ̀ à kà gwe, à tò lakuminɔ kámma bò lɔ̀gɔ saɛ wɛ́tɛ kpɛɛ. Kɛ̀ uusiɛ kɛ̀, gurɔɔ kɛ̀ nɔgbɛ̃nɔ è bɔɛ í tɔ́,
606	GEN 24:14	nɔkparɛ kɛ̀ má ònɛ à a loo pita à í tɔ́mɛ mà mi, tó à bèmɛ mà mi, ben à kpà ma lakuminɔa dɔ, ɛ̃ndɛ̃ mɛ́ dɔ̃ kɛ̀ n gbɛ̃kɛɛ kɛ̀ ma diinɛ, nɔgbɛ̃ kɛ̀ ń dìɛ n zɔ̀bleri Isaaku pɔ́ ũun gwe.
622	GEN 24:30	zaakɛ à è a dãre tãnga kɔ̃n zãao dana, ben à yã kɛ̀ gɔ̃gbɛ̃ pì ònɛ mà. Kɛ̀ à gàa à à lè kɔ̃n lakuminɔ lɔ̀gɔ lɛ́a,
624	GEN 24:32	Gɔ̃gbɛ̃ pì gɛ̃̀ ua, ben Labã lakuminɔ asoo pòro à sɛ̃̀la kori kɔ̃n tàgaao kpàḿma à í kpà gɔ̃gbɛ̃ pìa à a gbá pípio kɔ̃n à gbɛ̃nɔ ń píngi.
629	GEN 24:37	Ma dii tò ma la dà, zaakɛ à bè màton Kanaa kɛ̀ à kú ń tɛ́nɔ nɔɔ sɛ́ a nɛ́nɛro.
632	GEN 24:40	À wèmala à bè, Dii kɛ̀ a táa òo bé eé a Malaika zĩ à gá zɛmɛ, lɛ ma tá kɛ nna, mɛ́ nɔɔ sɛ́ a nɛ́nɛ a de bɛ danɛnɔ tɛ́.
643	GEN 24:51	Rɛbɛkan yɛ̀, ǹ à sɛ́ ǹ táo, à gɔ̃ n dii nɛ́ naɔ̃ ũ lán Dii ò nà.
652	GEN 24:60	Aɔ̃ sa maaa ò Rɛbɛkanɛ wà bè: Nɛ́, ǹ gɔ̃ gbɛ̃ pariinɔ dazi ũ, n boriinɔ gɔ̃ gbãa vĩ ń zangurinɔa.
688	GEN 25:29	Zĩkea Yakubu e dò kukuu, ben Isau sù kɔ̃n sɛ̃̀tɛo nɔaa e à dɛɛ.
689	GEN 25:30	Ben à bè Yakubunɛ: N yã nna! Ǹ tó mà dò tɛ̃a beee ble, zaakɛ nɔaa e ma dɛɛmɛ. Beee yãnzi wà tɔ́ kpà Isaunɛ Ɛdɔmu.
715	GEN 26:22	À bɔ̀ gwe, ben à lɔ̀gɔ pãnde yɔ̃̀ dɔ, aɔ̃ɔe swèe kɛ à yã musu dɔro. Ben à tɔ́ kpànɛ Mɛ̀porokii, zaakɛ à bè: Dii tò wa mɛ̀ pòro, wé dagula sa.
718	GEN 26:25	Gwen à sa'okii bòn à Dii sìsi. Ben à bùra kàɛ gwe à gbɛ̃nɔɔ e lɔ̀gɔ yɔ̃ɔ.
725	GEN 26:32	Zĩ beeea Isaaku gbɛ̃nɔ mɔ̀ wà lɔ̀gɔ kɛ̀ aɔ̃ɔ yɔ̃̀ yã ònɛ wà bè: Wa í è.
732	GEN 27:4	Ǹ ma pɔyezi dò kuku ǹ mɔ́omɛ mà ble, mɛ́ sa'olɛ kɛnnɛ lɛ mà kpɛ́ mà ga.
733	GEN 27:5	Rɛbɛka yã kɛ̀ Isaaku ò Isaunɛ pì mà. Kɛ̀ Isau fɛ̀ɛ à gàa tofe ká,
734	GEN 27:6	ben à gàa à ò Yakubunɛ à bè: Má mà n de yã ò n vĩ̀inɛ à bè
735	GEN 27:7	à gá à nɔ̀bɔ dɛare à a pɔyezi dò kukuoare à ble, é sa'olɛ kɛnɛ kɔ̃n Dii tɔ́o lɛ á kpɛ́ à ga.
737	GEN 27:9	Ǹ gá blè kpàsa guu ǹ blènɛ maaa kũ mɛ̀n plaa ǹ suo. Mɛ́ n de pɔyezi dò kukunɛ,
742	GEN 27:14	Ben Yakubu gàa à blè pìnɔ dɛ̀ à sùo a danɛ, ben à à de pɔyezi dò kùkunɛ.
745	GEN 27:17	Ben à dò kɔ̃n burɛdi kɛ̀ à kɛ̀o kpàa.
747	GEN 27:19	Yakubu wèàla à bè: Mámbe Isau n daudu. Lán ń òmɛ nà, má kɛ̀ lɛ. Ǹ fɛɛ ǹ vɛ̃ɛ ǹ ma ɔzĩi ble lɛ ǹ sa'olɛ kɛmɛ.
750	GEN 27:22	Yakubu sɔ̃̀ a dezi, ben à ɔ kɛ̀a à bè: Kòto kɛ̀kii nɛ́ Yakubu kòtomɛ, ɔɔ kɛ̀kii sɔ̃ Isau ɔɔmɛ.
757	GEN 27:29	Gbɛ̃nɔ é zɔ̀ blennɛ, boriinɔ é kúɛ n aɛ, nɛ́gɔ̃ dɛ n gbɛ̃nɔ dii ũ, n da nɛ́nɔ é kúɛnnɛ. Luda é lɛ́ kɛ gbɛ̃ kɛ̀ aɔ̃ lɛ́ kɛ̀nnɛɛnɔnɛ, eé aubarika da gbɛ̃ kɛ̀ aɔ̃ sa maaa ònnɛɛnɔn.
761	GEN 27:33	Yã pì Isaaku swɛ̃̀ zɔ̃̀ èe lugalugaa à bè: Dé bé à nɔ̀bɔ dɛ̀ à mɔ̀omɛ yã ai ǹgɔ̃ gá su má sò? Ma sa'olɛ kɛ̀nɛ kɔ̀, àmbe eé aubarika e.
770	GEN 27:42	Wà yã kɛ̀ Isau ò kɔɔmɔtɔ kɛ̀ Rɛbɛkanɛ, ben à Yakubu sìsi à bè: Isau yezi à gɛ̃ɛ bomma à n dɛ.
786	GEN 28:12	Ben à nanaa ò à gára è pɛɛna tɔɔtɛ ai à gàa à zɔ̃̀ ludambɛɛa, Luda malaikanɔɔ e didiia aɔ̃ɔe pitaa.
789	GEN 28:15	Mɛ́gɔ̃ kúnyo, mɛ́gɔ̃ n dãkpaa guu kɛ̀ nɛ́ɛ gaan píngi, mɛ́ ɛara mà sunyo bùsu kɛ̀kiin, zaakɛ mɛ́ n tónlo mɛ́ yã kɛ̀ má ònnɛɛ kɛ.
806	GEN 29:10	Kɛ̀ Yakubu a desɛ̃ Labã nɛ́nɔgbɛ̃ Rasɛli è kɔ̃n à de sãanɔ, à sɔ̃̀ lɔ̀gɔzi à gbɛ̀ gò lɔ̀gɔ pìlɛ, ben à í kpà a desɛ̃ sãanɔa.
808	GEN 29:12	Ben à ònɛ kɛ̀ à de danɛ Rɛbɛka nɛ́n a ũ. Ben Rasɛli bàalɛ à gàa à ò a denɛ.
809	GEN 29:13	Kɛ̀ Labã a dãre nɛ́ Yakubu baaru mà, à bàalɛ à gàa daàlɛ. Kɛ̀ à kà, ben à kùsia à lɛ́ pɛ̀a à tào a bɛ. Ben Yakubu yã kɛ̀ kɛ̀nɔ ònɛ píngi.