36	GEN 2:5	bura pɔ́kee e bɔɛ tɔɔtɛa kɔ̀ro, baa sɛ̃̀, zaakɛ Dii Ludaa e tó lou màro, bensɔ̃ gbɛ̃kee kuu à tɔɔtɛ zĩi kɛro.
48	GEN 2:17	mɔde ǹton lí kɛ̀ è dɔ̃na maa kɔ̃n à zaaao ińnɛ bɛɛ blero. Tó ń blè, n gamɛ.
55	GEN 2:24	Beee yãnzin gɔ̃gbɛ̃ è a de kɔ̃n a dao tó, aɔ̃è nakɔ̃a kɔ̃n a naɔ̃o wà gɔ̃ mɛ̀ doo ũ.
61	GEN 3:5	Zaakɛ Ludaa dɔ̃ kɛ̀ tó á blè, a wɛ́ɛ é kɛ̃ é gɔ̃ lán a bà, égɔ̃ à maaa dɔ̃ kɔ̃n à zaaao.
62	GEN 3:6	Kɛ̀ nɔgbɛ̃ è lí pì bɛɛ maa, bensɔ̃ à blena égɔ̃ nna eé tó gbɛ̃ wɛ́ɛ kɛ̃, ben à à bɛɛ wò à blè. À kpà a zãa sɔ̃, ben à blè.
87	GEN 4:7	Tó n yã maaa kɛ̀, mɛ́ n síroo? Tó nɛ́ɛ yã maaa kɛ sɔ̃ro, durun naɛnnɛ n kpɛɛlɛ. N nii e à dɛɛ, séde ǹ zĩ̀ blea.
92	GEN 4:12	Tó n bú bà, tɔɔtɛ é àre kɛnnɛro. Nɛ́gɔ̃ sɔ̃ki kpákpaa ǹgɔ̃ likɔ̃aa zɔ̃ɔ anduna guu.
95	GEN 4:15	Ben Dii bènɛ: Lɛnlo! Tó gbɛ̃ n dɛ, weé gɛ̃ɛ bonnɛ gɛ̃̀n swɛɛplaamɛ. Ben Dii wɛ̃zã ke kɛ̀ Kainia, lɛ gbɛ̃ kɛ̀ kpàkũo tón à dɛro yãnzi.
104	GEN 4:24	Tó weé Kaini gɛ̃ɛ bonɛ gɛ̃̀n swɛɛplaa, mamɔma Lamɛki ma pɔ́ sɔ̃, gɛ̃̀n baaagɔ̃ akuri awɛɛswɛɛplaamɛ.
152	GEN 6:14	Ǹ góro'itɛ kɛkɛ kɔ̃n lí lɛ̀ɛtɛgɛo ǹ kpɛ́nɛnɔ kɛ à guu ǹ kɔntaa kɛa à guu kɔ̃n à kpɛɛo.
153	GEN 6:15	Nɛ́ góro pì kɛ lán kɛ̀ bà. À gbã̀aa gã̀sãsuu wàa do kpɛ́ basɔɔro, à yàasa gã̀sãsuu baplaa akuri, à lezĩ sɔ̃ gã̀sãsuu baaakuri.
154	GEN 6:16	Ǹ góro pì musu pápa, gbasa ǹ guforoo tótó à dagura gwe gã̀sãsuu doodo zaa à musu kpa. Ǹ gbà da góro pì kpado ǹ góro pì kɛ didikɔ̃ana lɛo aagɔ̃.
155	GEN 6:17	Mapi sɔ̃ mɛ́ tó í da andunala lɛ mà pɔ́ wɛ̃̀ndidee kɛ̀ aɔ̃è wesa bonɔ kaatɛ ń píngi. Pɔ́ kɛ̀ aɔ̃ɔ kú anduna guunɔ é gaga píngi.
156	GEN 6:18	Mɔde ma bà égɔ̃ kúnyo. Nɛ́ gɛ̃ góro pì guu kɔ̃n n nɛ́gɔ̃gbɛ̃nɔ kɔ̃n n naɔ̃o kɔ̃n n nɛ́nɔ naɔ̃ɔnɔo.
161	GEN 7:1	Ben Dii bè Nuunɛ: Ǹ gɛ̃ góro guu kɔ̃n n bɛdeenɔ, zaakɛ ḿbe ma n e yãnnadee ũ tɔ̃ɔrigbɛ̃nɔ tɛ́.
164	GEN 7:4	Zaakɛ gurɔ swɛɛplaaa gbɛra mɛ́ tó lou ma tɔɔtɛa ai gurɔ baplaa fãantɛ̃ kɔ̃n gwãavĩo, lɛ mà pɔ́ wɛ̃̀ndidee kɛ̀ má kɛ̀nɔ waa tɔɔtɛa píngi.
167	GEN 7:7	À gɛ̃̀ góro'itɛ guu kɔ̃n a nɛ́nɔ kɔ̃n a naɔ̃o kɔ̃n a nɛ́nɔ naɔ̃ɔnɔo lɛ aɔ̃ bɔ í pì yãn.
169	GEN 7:9	mɔ̀ Nuu kiia góro guu mɛ̀n plaplaa da kɔ̃n à kyào lán Ludaa ònɛ nà.
173	GEN 7:13	Zĩ beeean Nuu gɛ̃̀ góro guu kɔ̃n a nɛ́nɔ Sɛmu kɔ̃n Hamuo kɔ̃n Yafɛtio kɔ̃n api naɔ̃o kɔ̃n a nɛ́nɔ naɔ̃ɔnɔ gɔ̃ɔn aagɔ̃,
175	GEN 7:15	Pɔ́ kɛ̀ aɔ̃è wesaa bonɔ mɔ̀ Nuu kiia góro guu bori kɔ̃n boriio mɛ̀n plaplaa.
177	GEN 7:17	Lou mà ai gurɔ baplaa. Kɛ̀ í e kaara, ben à góro pì sɛ̀ tɔɔtɛla.
178	GEN 7:18	Í fɛ̀ɛ à kàara maamaa à dà tɔɔtɛla, ben góro pì fù íla.
183	GEN 7:23	Luda pɔ́ wɛ̃̀ndidee kɛ̀ aɔ̃ɔ kú sĩ̀sĩaanɔ kàatɛ píngi. À gbɛ̃nteenɔ kɔ̃n nɔ̀bɔnɔ kɔ̃n pɔ́taa'onkusɛanɔ kɔ̃n bãanɔ kàatɛ anduna guu. Nuu bé à bɔ̀ ado kɔ̃n pɔ́ kɛ̀ aɔ̃ɔ kúo góro guunɔ.
185	GEN 8:1	Nuu kɔ̃n nɔ̀bɔsɛ̃tɛnɔ kɔ̃n pɔ́kãdee kɛ̀ aɔ̃ɔ kúo góro guunɔ píngi yã dɔ̀ Ludan. Kɛ̀ à ĩa gbàrɛ tɔɔtɛa, ben í nà babanaa.
188	GEN 8:4	À mɔ swɛɛplaade gurɔ gɛ̃ro awɛɛplaadee zĩ góro pì dì kpiii kɛ̀ wè be Ararataa.
190	GEN 8:6	Gurɔ baplaa gbɛra Nuu góro windo kɛ̀ à bɔ̀ yãa wɛ̃̀,
192	GEN 8:8	À pɔ̃tɛ̃ɛ gbàrɛ dɔ lɛ à e à dɔ̃ tó í làgo tɔɔtɛa.
193	GEN 8:9	Kɛ̀ pɔ̃tɛ̃ɛ e zɔ̃kii ero, ben a lìara à sù Nuu kiia góro guu, zaakɛ í da andunala píngimɛ. Nuu ɔɔ bɔ̀ à kũ̀ à gɛ̃̀o góro guu.
197	GEN 8:13	Nuu wɛ̃̀ wàa aagɔ̃ awɛɛdodee guu à mɔ káaku gurɔ káaku zĩ, í bàba tɔɔtɛa, ben à góro pì musu gò. Kɛ̀ à guu gwà, à è í yã̀a tɔɔtɛa.
200	GEN 8:16	Ǹ bɔ góro guu kɔ̃n n naɔ̃o kɔ̃n n nɛ́gɔ̃gbɛ̃nɔ kɔ̃n ń naɔ̃ɔnɔo.
203	GEN 8:19	Nɔ̀bɔnɔ píngi kɔ̃n pɔ́taa'onkusɛanɔ píngi kɔ̃n bãanɔ píngi kɔ̃n pɔ́ kɛ̀ aɔ̃è táa o tɔɔtɛanɔ píngi bɔ̀ɛ góro guu bori kɔ̃n boriio.
210	GEN 9:4	Mɔde àton nɔ̀bɔ kɛ̀ wèe à kòto kpáro sóro, zaakɛ à arun à wɛ̃̀ndi ũ.
211	GEN 9:5	Mɛ́ a aru kɛ̀ dɛ a wɛ̃̀ndi ũu gɛ̃ɛ boare. Tó nɔ̀bɔ gbɛ̃ dɛ̀ ke tó gbɛ̃ a gbɛ̃daaa dɛ̀, mɛ́ à aru gɛ̃ɛ bonɛ. Mɛ́ gɛ̃ɛ bo gbɛ̃ kɛ̀ à a gbɛ̃daaa dɛ̀a.
212	GEN 9:6	Tó gbɛ̃ a gbɛ̃daaa dɛ̀, weé à dɛ, zaakɛ ma gbɛ̃ntee kɛ̀ ma taka ũmɛ.
216	GEN 9:10	kɔ̃n pɔ́ wɛ̃̀ndidee kɛ̀ aɔ̃ɔ kúao kɛ̀ aɔ̃ bɔ̀ góro guunɔ píngi, bãanɔ kɔ̃n pɔ́kãdeenɔ kɔ̃n nɔ̀bɔsɛ̃tɛnɔ kɔ̃n pɔ́ kɛ̀ aɔ̃ɔ kú tɔɔtɛanɔ píngi.
220	GEN 9:14	Tó má tò lou sìsi ludambɛfɛ̃ɛdaa bɔ̀a,
221	GEN 9:15	lán ma bà kúao nà kɔ̃n pɔ́ wɛ̃̀ndide bori píngio, à yã é dɔmagumɛ. Mɛ́ tó í da andunala à pɔ́ wɛ̃̀ndidee kaatɛ píngi dɔro.
222	GEN 9:16	Tó ma ludambɛfɛ̃ɛdaa è loua, ma bà kuuna kɔ̃n pɔ́ wɛ̃̀ndide bori píngio ai gurɔ píngi yã é dɔmagumɛ.
224	GEN 9:18	Nuu nɛ́ kɛ̀ aɔ̃ bɔ̀ɛ góro guunɔ tɔ́n yɛ̀: Sɛmu, Hamu, Yafɛti. Hamun Kanaa de ũ.
301	GEN 12:2	Mɛ́ tó n borii kɛ pari, mɛ́ aubarika dangu mà n tɔ́ bɔ, n kiian weégae aubarika en.
311	GEN 12:12	Tó Igipitinɔ n e, aɔ̃é be ma naɔ̃n n ũ, aɔ̃é ma dɛ aɔ̃é n tó.
328	GEN 13:9	Ǹ bùsu gwa da n aɛ píngi. Wà kɛ̃kɔ̃a. Tó n gaa ɔzɛzi, mɛ́ gá ɔplazi. Tó n gaa ɔplazimɛ sɔ̃, mɛ́ gá ɔzɛzi.
335	GEN 13:16	Mɛ́ tó n boriinɔ kɛ pari lán bùsu'ãatɛ̃ bà. Tó gbɛ̃ke é fɔ̃ à bùsu'ãatɛ̃ naro, ɛ̃ndɛ̃ eé fɔ̃ à n boriinɔ naro.
361	GEN 14:24	Mɛ́ pɔ́ke sɛ́ro, sé pɔ́blee kɛ̀ ma gbɛ̃nɔɔ blè baasiro. Mɔde Anɛ kɔ̃n Ɛsɛkɔluo kɔ̃n Mamare kɛ̀ aɔ̃ gàamaonɔ, ǹ tó aɔ̃ ń baka sɛ́.
366	GEN 15:5	Ben à bɔ̀o bàazi à bè: Ǹ musu gwa ǹ sɔsɔnɛnɔ naro, tó nɛ́ fɔ̃. Lɛmɛ n boriinɔ égɔ̃ dɛ lɛ.
404	GEN 17:6	Mɛ́ tó n bori kɛ pari, boriinɔ kɔ̃n kínanɔ é bɔ n kiia.
414	GEN 17:16	Mɛ́ aubarika dan mà tó à nɛ́ i gɔ̃gbɛ̃ ũ, eé gɔ̃ boriinɔ dazi ũ, bùsu kínanɔ é bɔ à kiia.
428	GEN 18:3	à bè: Dii, tó ma n pɔnnaa è, ǹton gɛ̃ mamɔma n zɔ̀blerilaro.
439	GEN 18:14	Yãke ègɔ̃ zĩ'ũmɛro. Zii mɔndaa'i tó à gurɔɔ kà, mɛ́ mɔ́ n kiia, gbasa Sara nɛ́ i gɔ̃gbɛ̃ ũ.
446	GEN 18:21	Mɛ́ gá gwe sa mà gwa, tó yã kɛ̀ aɔ̃ɔe kɛɛ zaa lán má mà nà. Tó aɔ̃ɔ dɛ lɛ sɔ̃ro, mɛ́ dɔ̃.
449	GEN 18:24	Tó gbɛ̃ maaanɔɔ kú wɛ́tɛ pì guu aɔ̃ kà gɔ̃ɔn baplaa akuri, nɛ́ ń waran yɔ́? Nɛ́ sùu kɛ wɛ́tɛ pìo gbɛ̃ maa gɔ̃ɔn baplaa akuri pìnɔ yãnziroo?
451	GEN 18:26	Ben Dii bè: Tó ma gbɛ̃ maaanɔ è Sɔdɔmu gɔ̃ɔn baplaa akuri, mɛ́ sùu kɛ wɛ́tɛ pìo ń yãnzi.
453	GEN 18:28	Tó gɔ̃ɔn sɔɔroo kɛ̃̀sã gɔ̃ɔn baplaa akuri pì guu, gɔ̃ɔn sɔɔroo pìnɔ yãnzi nɛ́ wɛ́tɛ pì kaatɛɔ́? Ben Dii bè: Tó ma gbɛ̃ maaanɔ è gɔ̃ɔn baplaa asɔɔro, mɛ́ wɛ́tɛ pì kaatɛro.
454	GEN 18:29	Ben Ibraĩ kpɛ́ èe yã oonɛ à bè: Tó gbɛ̃ maaanɔ kà baplaa sɔ̃ nɛ́? Ben Dii bè: Mɛ́ yãke kɛro gɔ̃ɔn baplaaa pìnɔ yãnzi.
455	GEN 18:30	Ben à bè: Dii, n yã nna! Ǹton pɔ fɛ̃ro, má yezi mà yã o dɔ. Tó gbɛ̃ maaanɔ kà baaakuri sɔ̃ nɛ́? À wèàla à bè: Tó ma gbɛ̃ maaanɔ è aɔ̃ kà gɔ̃ɔn baaakuri, mɛ́ yãke kɛro.
456	GEN 18:31	Ben à bè: Ǹ gaafaa kɛmɛ dɔ Dii, mà yã onnɛ. Tó gbɛ̃ maaanɔ kà gɔ̃ɔn baroo sɔ̃ nɛ́? À wèàla à bè: Mɛ́ wɛ́tɛ pì kaatɛro gɔ̃ɔn baroo pìnɔ yãnzi.
457	GEN 18:32	Ben à bè: Dii, ǹton pɔ fɛ̃ro, yã kɛ̀kii baasi mɛ́ yã o dɔro. Tó gbɛ̃ maaanɔ kà gɔ̃ɔn kuri sɔ̃ nɛ́? À wèàla à bè: Mɛ́ wɛ́tɛ pì kaatɛro gɔ̃ɔn kuri pìnɔ yãnzi.
478	GEN 19:20	Ǹ lakutu ke gwa kãaa. Lán à kĩi nà, mɛ́ fɔ̃ mà bàa lɛ́ mà gá gwe. Lakutu nɛ́ngomɛ sɔ̃. Ǹ tó mà bàa sí mà tá gwe, mɛ́gɔ̃ aafia. Asa à nɛ́ngoroo?
503	GEN 20:7	Tia sa, à gɔ̃gbɛ̃ pì nɔɔ kpáa, zaakɛ annabimɛ. Eé adua kɛnnɛ lɛ ǹ gɔ̃ aafia. Tó nɛ́ɛ à nɔɔ pì kpáa sɔ̃ro, ǹgɔ̃ dɔ̃ kɛ̀ n gamɛ, mpi kɔ̃n n gbɛ̃nɔ a píngi.
526	GEN 21:12	ben Luda bènɛ: Ǹton tó n nɔ̀sɛ yaka n nɛ́ kɔ̃n n nɔgbɛ̃ zĩkɛri pìo yã musuro. Yã kɛ̀ Sara e oonnɛ píngi ǹ ma, zaakɛ Isaaku boriinɔn weégae beńnɛ n boriinɔ ũ.
527	GEN 21:13	Mɛ́ tó zɔ̀ nɛ́ pì borii kɛ se, zaakɛ n nɛ́mɛ.
532	GEN 21:18	Ǹ fɛɛ ǹ n nɛ́ pì sɛ́ ǹ à kũ a ɔɔa, zaakɛ mɛ́ tó à gɔ̃ bori ìsi ũ.
574	GEN 23:2	gbasa à gà zaa Kiriataba kɛ̀ wè be tia Ɛblɔnu, Kanaa bùsun. Ben Ibraĩ à sósobi kɛ̀ à ɔ́ɔ dɔ̀ à gana yã musu.
580	GEN 23:8	à bèńnɛ: À ma yã ma, tó a we mà a gɛ̀ vĩi kɛ̀. À wɛ́ɛ kɛmɛ Zoa nɛ́ Ɛflɔnua
595	GEN 24:3	mɛ́ tó ǹ sí kɔ̃n Dii musu kɔ̃n tɔɔtɛo Luda tɔ́o kɛ̀ nɛ́ Kanaa kɛ̀ má kú ń tɛ́nɔ nɔɔ sɛ́ ma nɛ́nɛro.
597	GEN 24:5	Ben à zɔ̀bleri pì à là à bè: Tó nɔgbɛ̃ pì e we à tɛ̀mazi à sùmao bùsu kɛ̀kiin sɔ̃ro nɛ́? Mɛ́ gá kɔ̃n n nɛ́o bùsu kɛ̀ n bɔnn yɔ́?
600	GEN 24:8	Tó nɔgbɛ̃ pì e we à tɛ̀nziro, n bɔ ladana kɛ̀ ń la dàmɛɛ kɛ̀ guu. Ǹton gá gwe kɔ̃n ma nɛ́oro fá!
604	GEN 24:12	ben à adua kɛ̀ à bè: Dii, ma dii Ibraĩ Luda, ǹ gbɛ̃kɛɛ kɛ ma diinɛ ǹ tó ma tá kɛ nna uusiɛa.
605	GEN 24:13	Ǹ gwa, má zɛna lɔ̀gɔ saɛ. Tó wɛ́tɛ nɔkparɛnɔ bɔ̀ɛ í tɔ́,
606	GEN 24:14	nɔkparɛ kɛ̀ má ònɛ à a loo pita à í tɔ́mɛ mà mi, tó à bèmɛ mà mi, ben à kpà ma lakuminɔa dɔ, ɛ̃ndɛ̃ mɛ́ dɔ̃ kɛ̀ n gbɛ̃kɛɛ kɛ̀ ma diinɛ, nɔgbɛ̃ kɛ̀ ń dìɛ n zɔ̀bleri Isaaku pɔ́ ũun gwe.
613	GEN 24:21	Gɔ̃gbɛ̃ pì zɛna èe à gwaa tíii, lɛ à e à dɔ̃ tó Dii é tó a tá kɛ nna, ke eé kɛ nnaro.
631	GEN 24:39	Ben ma a dii là ma bè, tó nɔgbɛ̃ pì e we à tɛ́mazi sɔ̃ro nɛ́?
633	GEN 24:41	À bè tó ma gaa a borii kiia, tó wèe wero, mɛ́ bɔ ladana kɛ̀ má la dàaree guu.
634	GEN 24:42	Kɛ̀ ma ka lɔ̀gɔ kiia gbã̀a ma bè: Dii, ma dii Ibraĩ Luda, tó n we, ǹ tó ma tá kɛ nna.
636	GEN 24:44	tó à bè mà mi, ben à tɔ̀ ma lakuminɔnɛ dɔ, mɛ́ dɔ̃ kɛ̀ nɔkparɛ kɛ̀ ń dìɛ à kɛ ma dii nɛ́ pɔ́ ũun gwe.
641	GEN 24:49	Tia sa tó é we à gbɛ̃kɛ kɔ̃n náanɛo yã kɛ ma diinɛ, à omɛ. Tó ée we sɔ̃ro, à omɛ, mɛ́ gá gu pãndea.
647	GEN 24:55	Nɔɔ vĩ̀i kɔ̃n à dao bè: Ǹ tó nɛ́ pì gɔ̃wao baa gurɔ kuri, é gbasa à tá.
667	GEN 25:8	ben à gà. À zi kũ̀ kótokoto, gbasa à kà a gbɛ̃nɔla gɛ̀wãa.
684	GEN 25:25	Kɛ̀ gbɛ̃ káaku e bɔɔ, à bɔ̀ tɛ̃ɛ zónzon. À mɛ̀kã vĩ lán uta kãdee bà, ben wà tɔ́ kpànɛ Isau.
687	GEN 25:28	Isaaku ye Isauzi kɛ̀ à nɔ̀bɔ lóu vĩ yãnzi. Rɛbɛka sɔ̃ɔ ye Yakubuzi.
689	GEN 25:30	Ben à bè Yakubunɛ: N yã nna! Ǹ tó mà dò tɛ̃a beee ble, zaakɛ nɔaa e ma dɛɛmɛ. Beee yãnzi wà tɔ́ kpà Isaunɛ Ɛdɔmu.
700	GEN 26:7	Kɛ̀ wɛ́tɛ pì deenɔɔ e à laa à naɔ̃ yã musu, à bè a dãremɛ. Èe vĩa kɛɛ, zaakɛ èe daa tó à bè a naɔ̃mɛ, weé a dɛ nɔɔ pì yãnzi, zaakɛ nɔɔ pì nɛ́ nɔ maaamɛ.
740	GEN 27:12	Tó ma de ɔ kɛ̀ma, tó à ma dɔ̃, eé be mɛ́ɛ a kɛɛ pãpãmɛ, eé lɛ́ kɛmɛ sa'olɛ gɛ̃ɛ ũ.
741	GEN 27:13	Ben à da bènɛ: Luda tó lɛ́kɛnannɛɛ pì gɔ̃mɛ. Ǹ ma yã ma dé! Ǹ gá ǹ dɛ ǹ suomɛ.
749	GEN 27:21	Ben Isaaku bènɛ: Ǹ sɔ̃mazi mà ɔ kɛmma lɛ mà dɔ̃ tó ma nɛ́ Isaumɛ yãpura.
768	GEN 27:40	Nɛ́gɔ̃ fɛ̃ɛda kũna, nɛ́ zɔ̀ ble n dãaronɛ. Lɛmɛ dɔ n làakari é gɔ̃ kpaɛnaro, nɛ́ à gbóngo gonla.
773	GEN 27:45	Tó à nɔ̀sɛ kpàɛ, tó yã kɛ̀ ń kɛ̀nɛ sã̀n, mɛ́ gbɛ̃ zĩ wà n gbɛ̀ sɛ́. Má yezi mà kora a gɔ̃ɔn plaaanɔzi píngi gurɔ doro.
774	GEN 27:46	Ben Rɛbɛka bè Isaakunɛ: Iti nɔgbɛ̃nɔ nii bɔ̀magu. Tó Yakubu Iti nɔɔ sɛ̀ bùsu kɛ̀kiin lán Isau nɔgbɛ̃ beeenɔ bà, ma kuuna égɔ̃ nnamɛ dɔro.
777	GEN 28:3	Luda Gbãapingide aubarika dangu à tó ǹ nɛ́ i maamaa, aɔ̃gɔ̃ kaara lɛ ǹ gɔ̃ boriinɔ dezi ũ.
789	GEN 28:15	Mɛ́gɔ̃ kúnyo, mɛ́gɔ̃ n dãkpaa guu kɛ̀ nɛ́ɛ gaan píngi, mɛ́ ɛara mà sunyo bùsu kɛ̀kiin, zaakɛ mɛ́ n tónlo mɛ́ yã kɛ̀ má ònnɛɛ kɛ.
794	GEN 28:20	Yakubu lù sɛ̀ Diinɛ à bè: Tó ń kúmao, tó nɛ́ ma dãkpa ma wɛ́tɛ kɛ̀kii gana guu, tó nɛ́ ma gba pɔ́blee kɔ̃n pɔ́kãsãanɔ