3	GEN 1:3	Ben Luda bè: Guu pu! Ben guu pù.
38	GEN 2:7	Dii Luda gɔ̃gbɛ̃ í kàsa kɔ̃n bùsutio, ben à ĩa wɛ̃̀ndidee vù à yĩn, ben gɔ̃gbɛ̃ pì gɔ̃̀ gbɛ̃ bɛ̃ɛ ũ.
42	GEN 2:11	À káaku tɔ́n Pisɔ̃, àmbe à liga Avila bùsuzi píngi. Vura kú bùsu pì guu,
44	GEN 2:13	Swaa pì ɔnɛ plaade tɔ́n Giɔ̃, à liga Kusu bùsuzi píngi.
45	GEN 2:14	À ɔnɛ aagɔ̃de tɔ́n Tigiri, à dɔ̀rɔ tà Asiria bùsu ɔfãntɛ̃bɔɛ kpa. Swaa pì ɔnɛ siigɔ̃de tɔ́n Yuflati.
50	GEN 2:19	Ben Dii Luda bùsu kɔ̀ à nɔ̀bɔnɔ kɛ̀o píngi kɔ̃n bãanɔ píngi, ben à mɔ̀ńyo gɔ̃gbɛ̃ pì kiia lɛ à e dian eé tɔ́ kpáńnɛ nà. Tɔ́ kɛ̀ gɔ̃gbɛ̃ pì kpà pɔ́ wɛ̃̀ndidee pìnɔnɛ píngi gɔ̃̀ ń tɔ́ ũ.
64	GEN 3:8	Kɛ̀ gɔ̃gbɛ̃ kɔ̃n a naɔ̃o Dii Luda kĩi mà èe táa oo dàko pì guu uusiɛ, ben aɔ̃ ùtɛnɛ dàko pì lán.
65	GEN 3:9	Ben Dii Luda lɛ́ zù gɔ̃gbɛ̃zi à bè: Ń kú mámɛ?
70	GEN 3:14	Ben Dii Luda bè mlɛ̃̀nɛ: Kɛ̀ ń kɛ̀ lɛ, nɛ́gɔ̃ dɛ láari pɔ́ ũ pɔ́kãdeenɔ kɔ̃n nɔ̀bɔsɛ̃tɛnɔ tɛ́ píngi, n gbɛɛɛn nɛ́gɔ̃ gáɛɛ, bùsutin nɛ́gɔ̃ blee ai n wɛ̃̀ndi lɛ́n.
75	GEN 3:19	Ísimmagaakpana guun nɛ́ pɔ́blee en ai ǹ liara ǹ gɛ̃ bùsu guu, zaakɛ gwen ma n bɔn. Bùsutin n ũ, nɛ́ liara ǹ gɔ̃ bùsuti pì ũmɛ.
96	GEN 4:16	Ben Kaini dà zɛ́n à kɛ̃̀ Diia. À gàa à vɛ̃̀ɛ Nɔdu bùsun Ɛdɛni ɔfãntɛ̃bɔɛ kpa.
178	GEN 7:18	Í fɛ̀ɛ à kàara maamaa à dà tɔɔtɛla, ben góro pì fù íla.
193	GEN 8:9	Kɛ̀ pɔ̃tɛ̃ɛ e zɔ̃kii ero, ben a lìara à sù Nuu kiia góro guu, zaakɛ í da andunala píngimɛ. Nuu ɔɔ bɔ̀ à kũ̀ à gɛ̃̀o góro guu.
195	GEN 8:11	Pɔ̃tɛ̃ɛ pì lìara à sù à kiia uusiɛ à kù lá kàso à kpá a lɛ́zĩ. Ben Nuu dɔ̃ kɛ í làgo tɔɔtɛa.
196	GEN 8:12	À kámma bò gurɔ swɛɛplaa dɔ, ben à ɛ̀ara à pɔ̃tɛ̃ɛ pì gbàrɛ, èe liara à sù à kiia dɔro.
229	GEN 9:23	Ben Sɛmu kɔ̃n Yafɛtio utadaa sɛ̀ aɔ̃ kà ń gã̀n ń plaa aɔ̃ táa ò kɔ̃n kpɛɛo. Ń aɛ dɔna gu pãndea lɛ aɔ̃ton ń de bũukɛɛ ero yãnzi, aɔ̃ gàa wà kù ń de bũukɛɛla.
240	GEN 10:5	Borii pìnɔ bé wà dàgula ísia gɛɛzi, aɔ̃ kɔ̃ kpàatɛtɛ bùsu kɔ̃n bùsuo bori kɔ̃n boriio danɛdanɛ, baade kɔ̃n a boriyão.
245	GEN 10:10	Babilɔnia bùsu kɛ̀ à kí blèa káaku wɛ́tɛdaan Babɛli kɔ̃n Ɛrɛkio kɔ̃n Akadao kɔ̃n Kalanɛo ũ.
246	GEN 10:11	Bɔna gwe à gàa Asiria bùsun, ben à Ninɛva kàɛ kɔ̃n Reobo'io kɔ̃n Kalao
254	GEN 10:19	Aɔ̃ bùsu lɛ́zɛkiin yɛ̀. Bɔna zaa Sidɔ̃ gana Gera kɛ̀ kú Gaza saɛ ai Sɔdɔmu kɔ̃n Gɔmɔrao kɔ̃n Adamao kɔ̃n Zeboimu kɛ̀ kú Lasa saɛo.
255	GEN 10:20	Hamu nɛ́gɔ̃gbɛ̃nɔn gwe bori kɔ̃n boriio bùsu kɔ̃n bùsuo danɛdanɛ, baade kɔ̃n a boriyão.
265	GEN 10:30	Bɔna Mɛsa gana Sefa kɔ̃n kpiii kɛ̀ kú ɔfãntɛ̃bɔɛ kpaanɔ, àmbe ń bùsu ũ.
266	GEN 10:31	Sɛmu nɛ́gɔ̃gbɛ̃nɔn gwe píngi bori kɔ̃n boriio bùsu kɔ̃n bùsuo danɛdanɛ, baade kɔ̃n a boriyão.
267	GEN 10:32	Nuu nɛ́gɔ̃gbɛ̃nɔ boriinɔn gwe danɛdanɛ bùsu kɔ̃n bùsuo. Aɔ̃ kiian anduna bori píngi bɔ̀n aɔ̃ dàgula í dana andunalaa gbɛra.
269	GEN 11:2	Lán gbɛ̃nɔɔ e sɔ̃ki kpákpaa ɔfãntɛ̃bɔɛ kpa nà, kɛ̀ aɔ̃ kà Babilɔnia bùsu gusararaan, ben aɔ̃ vɛ̃̀ɛ gwe.
295	GEN 11:28	Arana gà a de Tera wáa zaa Urumɛ Kaladia bùsun, guu kɛ̀ wà à ìn.
298	GEN 11:31	Ben Tera a nɛ́ Abramu kɔ̃n a dio Lutuo kɔ̃n Abramu naɔ̃ Saraio sɛ̀ bɔna Uru, Kaladia bùsun, aɔ̃ɔe gaa Kanaa bùsun. Kɛ̀ aɔ̃ kà Arana, aɔ̃ vɛ̃̀ɛ gwe.
300	GEN 12:1	Dii bè Abramunɛ: Ǹ bɔ n bùsun n danɛnɔ tɛ́ n de bɛ, ǹ tá bùsu kɛ̀ mɛ́ ɔdɔannɛɛn.
305	GEN 12:6	ben aɔ̃ bɔ̀ɛ bùsu pìn ai aɔ̃ kà Mɔre gbíi lí kiia Sɛkɛmu. Kanaanɔɔ kú bùsu pìn gurɔ beeea.
306	GEN 12:7	Ben Dii bɔ̀ à mɔ̀ Abramuzi à bè: Mɛ́ bùsu kɛ̀kii kpá n boriinɔamɛ. Ben à Dii gbãgbãkii bò gwe.
307	GEN 12:8	Kɛ̀ à fɛ̀ɛ gwe, à mì pɛ̀ kpiii kɛ̀ kú Bɛtɛli ɔfãntɛ̃bɔɛ kpaanɔa, ben à bùra kàɛ gwe, Bɛtɛli kú ɔfãntɛ̃gɛ̃kpɛn kpa, Ai kú ɔfãntɛ̃bɔɛ kpa. À Dii gbãgbãkii bò gwe dɔ, ben à à sìsi.
309	GEN 12:10	Kɛ̀ dekaa kà bùsu pìn, ben Abramu gàa gurɔ plaaa kɛ Igipiti, zaakɛ dekaa pì gɛ̃̀ ɔla.
315	GEN 12:16	Ben à Abramu gwà maamaa à yãnzi, à sãanɔ kpàa kɔ̃n zùnɔ kɔ̃n zaakinɔ kɔ̃n gɔ̃gbɛ̃ zĩkɛrinɔ kɔ̃n nɔgbɛ̃ zĩkɛrinɔ kɔ̃n lakuminɔo.
320	GEN 13:1	Ben Abramu bɔ̀ Igipiti à sù Nɛgɛvi kɔ̃n a naɔ̃o kɔ̃n a auzikinɔ píngi kɔ̃n Lutuo.
322	GEN 13:3	Bɔna Nɛgɛvi à sɔ̃ki kpàkpa ai à gàa à kào Bɛtɛli, guu kɛ̀ à bùra kàɛn káaku Bɛtɛli dagura kɔ̃n Aio,
324	GEN 13:5	Lutu ègɔ̃ tɛ́ kɔ̃n Abramuo lɛdo. À sãanɔ kɔ̃n zùnɔ kɔ̃n bisakutaanɔ vĩ se.
326	GEN 13:7	Ben lɛokpakɔ̃a gɛ̃̀ Abramu pɔ́dãrinɔ kɔ̃n Lutu pɔ́dãrinɔ dagura. Zĩ beeea sɔ̃ Kanaanɔ kɔ̃n Pɛrizinɔɔ kú bùsu pìn.
328	GEN 13:9	Ǹ bùsu gwa da n aɛ píngi. Wà kɛ̃kɔ̃a. Tó n gaa ɔzɛzi, mɛ́ gá ɔplazi. Tó n gaa ɔplazimɛ sɔ̃, mɛ́ gá ɔzɛzi.
329	GEN 13:10	Kɛ Lutu guu gwà, à è Yoda guzurɛ píngi mɔdɔ vĩ maamaa. Ai Dii gɔ̃ gá Sɔdɔmu kɔ̃n Gɔmɔrao kaatɛ, guzurɛ pì dɛ lán Dii swadako bà, lán Igipiti bùsu bà, ai à gàa pɛ́ Zoaa.
331	GEN 13:12	Abramu gɔ̃̀ Kanaa bùsun, Lutu sɔ̃ɔ kú Yoda guzurɛ wɛ́tɛnɔ dagura. À bùra kàɛ Sɔdɔmu saɛ.
335	GEN 13:16	Mɛ́ tó n boriinɔ kɛ pari lán bùsu'ãatɛ̃ bà. Tó gbɛ̃ke é fɔ̃ à bùsu'ãatɛ̃ naro, ɛ̃ndɛ̃ eé fɔ̃ à n boriinɔ naro.
336	GEN 13:17	Ǹ fɛɛ ǹ liga bùsu pìzi ǹ à gbã̀a kɔ̃n à yàasao gwa, zaakɛ má kpàmmamɛ.
338	GEN 14:1	Zĩkea Babilɔnia bùsu kí Amarafɛli kɔ̃n Ɛlasa bùsu kí Ariɔkio kɔ̃n Elamu bùsu kí Kɛdɔlaomao kɔ̃n Goyimu bùsu kí Tidalao
344	GEN 14:7	Ben aɔ̃ lìara wà sù Ɛmisipa. Àmbe wè be tia Kadɛsi. Aɔ̃ zĩ̀ blè Amalɛki bùsua píngi kɔ̃n Amɔri borii kɛ̀ aɔ̃ɔ kú Azazɔ̃tamanɔa dɔ.
346	GEN 14:9	Aɔ̃ɔe zĩ̀ kaa kɔ̃n Elamu bùsu kínao kɔ̃n Goyimu bùsu kínao kɔ̃n Babilɔnia bùsu kínao kɔ̃n Ɛlasa bùsu kínao. Kí gɔ̃ɔn siigɔ̃ɔ pìnɔɔ e zĩ̀ kaa kɔ̃n kí gɔ̃ɔn sɔɔroonɔ.
353	GEN 14:16	À lìara à sù kɔ̃n auziki pìnɔ píngi kɔ̃n a vĩ̀i nɛ́ Lutuo kɔ̃n à auzikinɔ. À sù kɔ̃n nɔgbɛ̃nɔo kɔ̃n gbɛ̃ pãndenɔ dɔ.
368	GEN 15:7	À bènɛ dɔ: Diin ma ũ, mámbe ma n bɔ Uru, Kaladia bùsun, lɛ mà bùsu kɛ̀kii kpámma yãnzi.
370	GEN 15:9	À wèàla à bè: Ǹ zùnunu wɛ̃̀ aagɔ̃ɔ sɛ́ kɔ̃n blè wɛ̃̀ aagɔ̃ɔo kɔ̃n sãkaro wɛ̃̀ aagɔ̃ɔo kɔ̃n pɔ̃tɛ̃ɛtɛ̃ngoo kɔ̃n lukulukuo.
374	GEN 15:13	Ben Dii bènɛ: Ǹgɔ̃ dɔ̃ kɛ̀ n boriinɔ égɔ̃ nibɔ blee bùsu kɛ̀ dɛ ń pɔ́ ũroo guu, aɔ̃égɔ̃ zɔ̀ blee gwe, weégɔ̃ wɛ́ɛ tãaḿma ai wɛ̃̀ wàa plaa.
379	GEN 15:18	Zĩ beeean Dii bè a bà égɔ̃ kú kɔ̃n Abramuo à bè: Mɛ́ bùsu kɛ̀kii kpá n boriinɔa zaa Igipiti gulɛzɛki swaa ai swadaa kɛ̀ wè be Yuflati,
380	GEN 15:19	bùsu kɛ̀ Keninɔɔ kún kɔ̃n Kenizinɔ kɔ̃n Kadamɔnunɔ
385	GEN 16:3	Abramu wɛ̃̀ kuri kɛna Kanaa bùsun gbɛran Sarai a zɔ̀ Agyara kpàa nɔɔ ũ.
406	GEN 17:8	Mɛ́ Kanaa bùsu kɛ̀ ń kú à guu nibɔ ũ kpámma píngi kɔ̃n n boriinɔ n gbɛra, lɛ aɔ̃gɔ̃ vĩ gurɔ píngi, mɛ́gɔ̃ dɛ ń Luda ũ.
411	GEN 17:13	Wà à ì n bɛn yoo kesɔ̃ wà lù zɔ̀ ũn yoo, sé à bã̀ngu kɛ. Beee égɔ̃ dɛ ma bà kuunaao gurɔ píngi sèeda ũ a mɛ̀a.
414	GEN 17:16	Mɛ́ aubarika dan mà tó à nɛ́ i gɔ̃gbɛ̃ ũ, eé gɔ̃ boriinɔ dazi ũ, bùsu kínanɔ é bɔ à kiia.
416	GEN 17:18	Ben à ɛ̀ara à bè Ludanɛ: Ǹ sùu kɛ ǹ Sumaila gwa.
432	GEN 18:7	Ben à bàa lɛ̀ à gɛ̃̀ a zùnɔ tɛ́ à zùnɛ bɔ̀rɔ maaa kũ̀ à kpà a zĩkɛria, ben zĩkɛri pì gàa à kɛ̀kɛ kpakpaa.
433	GEN 18:8	Ben Ibraĩ zwifãani kɔ̃n zwi'ipuo kɔ̃n zù kɛ̀ wà kɛ̀kɛ pìo sɛ̀ à gàa à dìɛńnɛ. Gurɔɔ kɛ̀ aɔ̃ɔe pɔ́ blee, àpi zɛ ń saɛ lí gbáru gwe.
449	GEN 18:24	Tó gbɛ̃ maaanɔɔ kú wɛ́tɛ pì guu aɔ̃ kà gɔ̃ɔn baplaa akuri, nɛ́ ń waran yɔ́? Nɛ́ sùu kɛ wɛ́tɛ pìo gbɛ̃ maa gɔ̃ɔn baplaa akuri pìnɔ yãnziroo?
450	GEN 18:25	Ǹ sùu kɛ! Ǹton kɛ lɛro. Ǹton gbɛ̃ maaanɔ dɛdɛ lɛdo kɔ̃n gbɛ̃ zaaanɔro, zaakɛ aɔ̃ɔ dɔ̃nkɔ̃ro. Ǹ sùu kɛ! Ǹton kɛ lɛro. Mmɔn kɛ̀ ń dɛ anduna píngi yãkpaɛkɛri ũ, nɛ́ yã kɛ a zɛ́aroo?
451	GEN 18:26	Ben Dii bè: Tó ma gbɛ̃ maaanɔ è Sɔdɔmu gɔ̃ɔn baplaa akuri, mɛ́ sùu kɛ wɛ́tɛ pìo ń yãnzi.
452	GEN 18:27	Ben Ibraĩ ɛ̀ara à bè dɔ: Mamɔma kɛ̀ má dɛ bùsuti kɔ̃n túbuo ũ, ǹ gaafaa kɛmɛ mà yã onnɛ, Dii.
459	GEN 19:1	Kɛ̀ malaika gɔ̃ɔn plaaa pìnɔ kà Sɔdɔmu uusiɛ, Lutu vɛ̃ɛna Sɔdɔmu bĩi kpɛɛlɛ. Kɛ̀ à ń é, à fɛ̀ɛ à gàa à dàńlɛ à kùɛńnɛ à dàɛ a puua
463	GEN 19:5	Aɔ̃ lɛ́ zù Lutuzi wà bè: Gɔ̃gbɛ̃ kɛ̀ aɔ̃ pìta n bɛ uusiɛanɔɔ kú máa? Ǹ bɔɛńyowe, wà pãpãa kɛńyo.
467	GEN 19:9	Aɔ̃ bènɛ: Ǹ guwe gwe! Ben aɔ̃ bè dɔ: Gbɛ̃ kɛ̀ nɛ́ gbɛ̃ zĩ̀tɔmɛ, ben à yezi à kɛ wa yãkpaɛkɛri ũ. Wé yã zaaa kɛnnɛ dɛ ń pɔ́la. Ben aɔ̃ kùsia gbãaao, aɔ̃ɔe mɔɔ kpɛ́ gbà gboro.
489	GEN 19:31	Ben Yɔ̃ɔ bè Bãanɛ: Wa de zi kũ̀, ben gɔ̃gbɛ̃ kee kú bùsun à daɛwao lán wè kɛ nàro.
497	GEN 20:1	Ben Ibraĩ fɛ̀ɛ gwe à gàa Nɛgɛvi bùsun Kadɛsi kɔ̃n Suruo dagura. Kɛ̀ à gàa à vɛ̃̀ɛ Gera,
498	GEN 20:2	à bè a naɔ̃ Sara nɛ́ a dãremɛ, ben Gera kí Abimɛlɛki gbɛ̃ zĩ̀ à à sɛ̀ à sùo.
505	GEN 20:9	Ben Abimɛlɛki Ibraĩ sìsi à bènɛ: Bɔ́yãnzi ń kɛ̀we lɛzi? Bɔ́ taarin má kɛ̀nnɛ gbasa ń tò ma gɔ̃ durundee ũ kɔ̃n ma bùsuo? N yã kɛ̀ dɛ wà kɛroo kɛ̀mɛ.
507	GEN 20:11	Ibraĩ wèàla à bè: Mɛ́ɛ daa yã gbɛ̃kee Luda vĩa vĩ bùsu kɛ̀kii guuro, weé ma dɛ ma naɔ̃ yãnzimɛ.
510	GEN 20:14	Ben Abimɛlɛki mɔ̀ kɔ̃n sãanɔ kɔ̃n zùnɔ kɔ̃n gɔ̃gbɛ̃ zĩkɛrinɔ kɔ̃n nɔgbɛ̃ zĩkɛrinɔ à kpà Ibraĩa, ben à à naɔ̃ sɔ̀kpanɛ.
511	GEN 20:15	Ben Abimɛlɛki bè: Ma bùsun yɛ̀, ǹ vɛ̃ɛ guu kɛ̀ ń yezin.
528	GEN 21:14	Ben Ibraĩ fɛ̀ɛ kɔngɔ idɛ'idɛ, à pɔ́blee sɛ̀ kɔ̃n í tùuo à kpà Agyaraa. À dìnɛ, ben à à nɛ́ kpàa dɔ. À à gbàrɛ, ben à gàa èe likɔ̃aa zɔ̃ɔ Bɛsɛba gbáan.
531	GEN 21:17	Luda gɔ̃kparɛ pì ɔ́ɔ dɔɔ mà, ben Luda Malaika lɛ́ zù Agyarazi zaa musu à bè: Bɔ́ bé à n lee Agyara? Ǹton vĩa kɛro, zaakɛ Luda nɛ́ pì ɔ́ɔ dɔɔ mà guu kɛ̀ à kún.
533	GEN 21:19	Luda nɔgbɛ̃ pì wɛ́ɛ kɛ̃̀nɛ, ben à lɔ̀gɔ è. À gàa à í tɔ̀ a tùu pa, ben à mɔ̀ à kpà a nɛ́ pìa à mì.
535	GEN 21:21	Gurɔɔ kɛ̀ à kú Parani gbáa pì guun à da Igipiti bùsu nɔɔ sɛ̀nɛ.
537	GEN 21:23	Ǹ la damɛ kɛ̀ gɔ̃ɔ ǹ sí kɔ̃n Ludao kɛ̀ nɛ́ bɔ ma kpɛɛro ke ma nɛ́nɔ ke ma boriinɔ. Lán ma gbɛ̃kɛɛ kɛ̀nnɛ nà, ǹ kɛmɛ lɛ kɔ̃n bùsu kɛ̀ ń kú à guu gbɛ̃ zĩ̀tɔ ũuo.
541	GEN 21:27	Ben Ibraĩ sãanɔ kɔ̃n zùnɔ kũ̀ à kpà Abimɛlɛkia, ben aɔ̃ lɛdolɛ kɛ̀ kɔ̃o.
546	GEN 21:32	Lɛn aɔ̃ lɛdolɛ kɛ̀ Bɛsɛba lɛ, ben Abimɛlɛki kɔ̃n a zĩ̀kpɛɛnɔ gbɛ̃nsi Fikɔluo lìara wà tà Filisitininɔ bùsun.
548	GEN 21:34	Ben à gurɔplaa kɛ̀ Filisitininɔ bùsu pì guu.
550	GEN 22:2	Ben Luda bènɛ: Ǹ n nɛ́ mɛ̀n doo kɛ̀ ń yezi Isaaku sɛ́ ǹ gáo Mɔria bùsun, ǹ sa'opɔ kɛ̀ wè ká tɛ́n à tɛ́ kũ oo kpiii kɛ̀ mɛ́ onnɛɛa.
559	GEN 22:11	ben Dii Malaika lɛ́ zùzi zaa musu à bè: Ibraĩ! Ibraĩ! À wèàla à bè: Maɛ kɛ̀!
563	GEN 22:15	Dii Malaika ɛ̀ara à lɛ́ zù Ibraĩzi zaa musu dɔ
565	GEN 22:17	mɛ́ aubarika dangu mà n borii kaarannɛ lán sɔsɔnɛnɔ bà, aɔ̃égɔ̃ pari lán ísialɛ bùsu'ãatɛ̃ bà. N boriinɔ égɔ̃ gbãa vĩ n ibɛɛnɔa.
567	GEN 22:19	Kɛ̀ Ibraĩ lìara à sù a zĩkɛrinɔ kiia, aɔ̃ fɛ̀ɛ wà tà Bɛsɛba, ben à gurɔplaa kɛ̀ gwe.
574	GEN 23:2	gbasa à gà zaa Kiriataba kɛ̀ wè be tia Ɛblɔnu, Kanaa bùsun. Ben Ibraĩ à sósobi kɛ̀ à ɔ́ɔ dɔ̀ à gana yã musu.