5	GEN 1:5	À tɔ́ kpà gupuraanɛ fãantɛ̃, gusiaa sɔ̃ gwãavĩ. Guu sì guu dɔ̀, à gurɔ káakun gwe.
7	GEN 1:7	Ben à bàtuma kɛ̀ lɛ, à í kɛ̀ kú bàtuma gĩzĩ kɛ̃̀kɔ̃a kɔ̃n í kɛ̀ kú à musuo.
9	GEN 1:9	Ben Luda bè: Í kɛ̀ kú gĩzĩ kakɔ̃a gu dɔ̃nkɔ̃n, gukori bɔ. Ben à kɛ̀ lɛ.
14	GEN 1:14	Ben Luda bè: Pɔ́ gupurinɔ gɔ̃ kú musu aɔ̃gɔ̃ fãantɛ̃ kɛ̃ɛkɔ̃a kɔ̃n gwãavĩo, aɔ̃gɔ̃ wɛ̃̀ sèedanɔ kɔ̃n gurɔɔnɔ kɔ̃n wɛ̃̀nɔ ɔdɔańnɛ.
16	GEN 1:16	À pɔ́ gupuri ìsinɔ kɛ̀ mɛ̀n plaa, à kɛ̀ gbãaa ègɔ̃ kí blee fãantɛ̃, à kɛ̀ busɛ ègɔ̃ kí blee gwãavĩ. À sɔsɔnɛnɔ kɛ̀ dɔ.
18	GEN 1:18	aɔ̃gɔ̃ kí blee fãantɛ̃ kɔ̃n gwãavĩo, aɔ̃gɔ̃ gupura kɛ̃ɛkɔ̃a kɔ̃n gusiaao. Ben à è à kɛ̀ maa.
20	GEN 1:20	Ben Luda bè: Pɔ́ wɛ̃̀ndideenɔ í pa yɛ́lɛlɛ, bãanɔ dagula musu aɔ̃gɔ̃ vĩaa bàtumaa.
27	GEN 1:27	Ben Luda gbɛ̃ntee kɛ̀ a zĩnda taka ũ. À zĩnda takan à ń kɛ́ à ũ. À ń kɛ́ gɔ̃gbɛ̃ kɔ̃n nɔgbɛ̃o.
33	GEN 2:2	Ai à gurɔ swɛɛplaadee zĩ gɔ̃ ká, à zĩi kɛ̀ èe kɛɛ pì yã̀a. À gurɔ swɛɛplaadee pìn à kámma bò kɔ̃n zĩi kɛ̀ à kɛ̀nɔ píngi.
34	GEN 2:3	Ben à aubarika dà gurɔ swɛɛplaadee pìn à dìɛ a pɔ́ ũ, kɛ̀ zĩ beeen à kámma bò kɔ̃n zĩi kɛ̀ à kɛ̀nɔ píngi yãnzi.
36	GEN 2:5	bura pɔ́kee e bɔɛ tɔɔtɛa kɔ̀ro, baa sɛ̃̀, zaakɛ Dii Ludaa e tó lou màro, bensɔ̃ gbɛ̃kee kuu à tɔɔtɛ zĩi kɛro.
38	GEN 2:7	Dii Luda gɔ̃gbɛ̃ í kàsa kɔ̃n bùsutio, ben à ĩa wɛ̃̀ndidee vù à yĩn, ben gɔ̃gbɛ̃ pì gɔ̃̀ gbɛ̃ bɛ̃ɛ ũ.
46	GEN 2:15	Dii Luda gɔ̃gbɛ̃ pì dìɛ Ɛdɛni dàko pì guu lɛ àgɔ̃ à zĩi kɛ àgɔ̃ gwaa.
57	GEN 3:1	Mlɛ̃̀ bé à mɔnafiki vĩ dɛ pɔ́ kɛ̀ Dii Ludaa kɛ̀nɔla píngi, ben à nɔgbɛ̃ là à bè: Luda bè àton dàko pì lí ke bɛɛ blenloo?
64	GEN 3:8	Kɛ̀ gɔ̃gbɛ̃ kɔ̃n a naɔ̃o Dii Luda kĩi mà èe táa oo dàko pì guu uusiɛ, ben aɔ̃ ùtɛnɛ dàko pì lán.
66	GEN 3:10	À wèàla à bè: Kɛ̀ ma n kĩi mà, ben vĩa ma kũ kɛ̀ má kú bũu yãnzi, ben ma utɛ.
72	GEN 3:16	Ben à bè nɔgbɛ̃nɛ: Mɛ́ n nɔ̀sina wãwãa kaarannɛ, nɛ́gɔ̃ nɛ́ ii wãwãao. N zã nii égɔ̃ kúmmamɛ, eégɔ̃ gbãa vĩ n musu.
79	GEN 3:23	Ben Dii Luda pɛ̀a à à bɔ̀ Ɛdɛni dàko pì guu. Ben Adamu gàa à tɔɔtɛ kɛ̀ Luda à bɔ̀n zĩi kɛ.
83	GEN 4:3	Zĩkea Kaini mɔ̀ kɔ̃n a bura pɔ́nɔo gbaa ũ Diinɛ.
87	GEN 4:7	Tó n yã maaa kɛ̀, mɛ́ n síroo? Tó nɛ́ɛ yã maaa kɛ sɔ̃ro, durun naɛnnɛ n kpɛɛlɛ. N nii e à dɛɛ, séde ǹ zĩ̀ blea.
91	GEN 4:11	Tia sa nɛ́gɔ̃ láari pɔ́ ũmɛ, nɛ́gɔ̃ zã̀ kɔ̃n tɔɔtɛ kɛ̀ n dãaro aru mì n ɔzĩo.
106	GEN 4:26	Sɛti sɔ̃ nɛ́gɔ̃gbɛ̃ ì, ben à tɔ́ kpànɛ Ɛnɔsu. Zaa zĩ beeean wà nà Dii sísinaa.
135	GEN 5:29	À tɔ́ kpànɛ Nuu à bè: Gbɛ̃ beee bé eé wa làakari kpáɛwe zĩ gbãaa kɛ̀ wée kɛ yãnzi. Wée zĩ gbãaa pì kɛɛ Dii láarikɛna tɔɔtɛnɛ yãnzimɛ.
147	GEN 6:9	Nuu boriinɔ yãn yɛ̀. Nuu nɛ́ gbɛ̃ maaamɛ. Kɛ̀ à kuu, à mɛ̀n doo bé à taari vĩro, à táa ò kɔ̃n Ludao.
153	GEN 6:15	Nɛ́ góro pì kɛ lán kɛ̀ bà. À gbã̀aa gã̀sãsuu wàa do kpɛ́ basɔɔro, à yàasa gã̀sãsuu baplaa akuri, à lezĩ sɔ̃ gã̀sãsuu baaakuri.
164	GEN 7:4	Zaakɛ gurɔ swɛɛplaaa gbɛra mɛ́ tó lou ma tɔɔtɛa ai gurɔ baplaa fãantɛ̃ kɔ̃n gwãavĩo, lɛ mà pɔ́ wɛ̃̀ndidee kɛ̀ má kɛ̀nɔ waa tɔɔtɛa píngi.
171	GEN 7:11	Nuu wɛ̃̀ wàa aagɔ̃dee guu à mɔ plaade gurɔ gɛ̃ro awɛɛplaadee zĩ, ben í kɛ̀ kú tɔɔtɛ gĩzĩnɔ pũ̀tã píngi, ben ludambɛ fòonɔ fɔ̃̀.
172	GEN 7:12	Lou mà ai gurɔ baplaa fãantɛ̃ kɔ̃n gwãavĩo.
173	GEN 7:13	Zĩ beeean Nuu gɛ̃̀ góro guu kɔ̃n a nɛ́nɔ Sɛmu kɔ̃n Hamuo kɔ̃n Yafɛtio kɔ̃n api naɔ̃o kɔ̃n a nɛ́nɔ naɔ̃ɔnɔ gɔ̃ɔn aagɔ̃,
174	GEN 7:14	kɔ̃n nɔ̀bɔsɛ̃tɛnɔ píngi ń boriia kɔ̃n pɔ́kãdeenɔ píngi ń boriia kɔ̃n pɔ́taa'onkusɛanɔ píngi ń boriia kɔ̃n pɔ́ vĩananɔ píngi ń boriia, bãanɔ kɔ̃n pɔ́ dɛ̀bɛdeenɔ píngi.
179	GEN 7:19	Í kàara à dà tɔɔtɛla láe à dà kpii lezĩ kɛ̀ kú anduna guunɔla míɔmiɔ.
182	GEN 7:22	Pɔ́ kɛ̀ aɔ̃è wesaa boo kɛ̀ aɔ̃ɔ kú sĩ̀sĩaanɔ gàga píngi.
183	GEN 7:23	Luda pɔ́ wɛ̃̀ndidee kɛ̀ aɔ̃ɔ kú sĩ̀sĩaanɔ kàatɛ píngi. À gbɛ̃nteenɔ kɔ̃n nɔ̀bɔnɔ kɔ̃n pɔ́taa'onkusɛanɔ kɔ̃n bãanɔ kàatɛ anduna guu. Nuu bé à bɔ̀ ado kɔ̃n pɔ́ kɛ̀ aɔ̃ɔ kúo góro guunɔ.
185	GEN 8:1	Nuu kɔ̃n nɔ̀bɔsɛ̃tɛnɔ kɔ̃n pɔ́kãdee kɛ̀ aɔ̃ɔ kúo góro guunɔ píngi yã dɔ̀ Ludan. Kɛ̀ à ĩa gbàrɛ tɔɔtɛa, ben í nà babanaa.
186	GEN 8:2	Í kɛ̀ kú tɔɔtɛ gĩzĩnɔ kɔ̃n ludambɛ fòonɔ tàta, ben lou kɛ̃̀.
188	GEN 8:4	À mɔ swɛɛplaade gurɔ gɛ̃ro awɛɛplaadee zĩ góro pì dì kpiii kɛ̀ wè be Ararataa.
189	GEN 8:5	Í pì e lagoo ai mɔ kuridee guu. Mɔ kuridee pì gurɔ káaku zĩ kpiiinɔ mìsɔ̃ntɛ̃nɔ bɔ̀bɔ.
191	GEN 8:7	ben à bã kãnkãna gbàrɛ. Èe vĩaa èe gaa èe suu ai í bàba tɔɔtɛa.
195	GEN 8:11	Pɔ̃tɛ̃ɛ pì lìara à sù à kiia uusiɛ à kù lá kàso à kpá a lɛ́zĩ. Ben Nuu dɔ̃ kɛ í làgo tɔɔtɛa.
197	GEN 8:13	Nuu wɛ̃̀ wàa aagɔ̃ awɛɛdodee guu à mɔ káaku gurɔ káaku zĩ, í bàba tɔɔtɛa, ben à góro pì musu gò. Kɛ̀ à guu gwà, à è í yã̀a tɔɔtɛa.
198	GEN 8:14	À mɔ plaade gurɔ baaasɔɔro awɛɛplaadee zĩ í bàba tɔɔtɛa.
205	GEN 8:21	Kɛ̀ Dii à gũu mà, à kɛ̀nɛ nna, ben à laasuu lɛ̀ à bè: Mɛ́ ɛara mà láari zĩ tɔɔtɛa gbɛ̃ntee yãnzi dɔro, zaakɛ gbɛ̃ntee laasuu ègɔ̃ zaa zaa à ɔ̀wazikɛgurɔmɛ. Mɛ́ ɛara mà pɔ́ wɛ̃̀ndideenɔ kaatɛ lán má kɛ̀ nà dɔro.
206	GEN 8:22	Ai anduna gá àgɔ̃ kuuo pɔ́tɔ̃na kɔ̃n pɔ́kɛkɛnao, ĩa kɔ̃n guwãaao, buusiɛ kɔ̃n kwɛɛo, fãantɛ̃ kɔ̃n gwãavĩo, aɔ̃ ke é yãaro.
208	GEN 9:2	Nɔ̀bɔnɔ kɔ̃n bãanɔ kɔ̃n pɔ́taa'onkusɛanɔ kɔ̃n kpɔ̀nɔ égɔ̃ a vĩa vĩ píngi. Ma ń náare a ɔzĩ.
244	GEN 10:9	Tofe sàmɛ Dii aɛzĩ. À yã bé à tò wè be: Lán Nimlɔdu dɛ tofe sà ũ Dii aɛzĩ nà.
271	GEN 11:4	Ben aɔ̃ bè: Wà wɛ́tɛdaa káɛ wà kpɛ́didikɔ̃ana bo à mìsɔ̃ntɛ̃ zɔ̃ ludambɛɛa. Wà wa zĩnda tɔ́ bɔ lɛ wàtongɔ̃ fãakɔ̃ana doodo anduna guuro yãnzi.
272	GEN 11:5	Ben Dii pìta à wɛ́tɛdaa pì gwà kɔ̃n kpɛ́ lezĩ kɛ̀ gbɛ̃nteenɔ bòo.
302	GEN 12:3	Mɛ́ aubarika da gbɛ̃ kɛ̀ aɔ̃é sa maaa onnɛɛnɔn, mɛ́ gbɛ̃ kɛ̀ aɔ̃é sa zaaa onnɛɛnɔ ká. Anduna bori píngi é aubarika e n gãzĩ.
304	GEN 12:5	kɔ̃n a naɔ̃ Saraio kɔ̃n a vĩ̀i nɛ́ Lutuo kɔ̃n ń auziki kɛ̀ aɔ̃ɔ vĩinɔ kɔ̃n gbɛ̃ kɛ̀ aɔ̃ɔ sɛ̀ gweenɔ. Lɛn aɔ̃ bɔ̀ Arana lɛ aɔ̃ dà Kanaa zɛ́n. Kɛ̀ aɔ̃ kà gwe,
310	GEN 12:11	Kɛ̀ à kà kĩi kɔ̃n Igipitio, à bè a naɔ̃nɛ: Má dɔ̃ nɔ maan n ũ.
315	GEN 12:16	Ben à Abramu gwà maamaa à yãnzi, à sãanɔ kpàa kɔ̃n zùnɔ kɔ̃n zaakinɔ kɔ̃n gɔ̃gbɛ̃ zĩkɛrinɔ kɔ̃n nɔgbɛ̃ zĩkɛrinɔ kɔ̃n lakuminɔo.
316	GEN 12:17	Ben Dii gyã pãsĩnɔ kà Fili'aunan kɔ̃n a bɛdeenɔ Abramu naɔ̃ pì yãnzi.
321	GEN 13:2	Abramu nɛ́ auzikideemɛ, à pɔ́kãdeenɔ vĩ pari kɔ̃n kondogio kɔ̃n vurao.
324	GEN 13:5	Lutu ègɔ̃ tɛ́ kɔ̃n Abramuo lɛdo. À sãanɔ kɔ̃n zùnɔ kɔ̃n bisakutaanɔ vĩ se.
326	GEN 13:7	Ben lɛokpakɔ̃a gɛ̃̀ Abramu pɔ́dãrinɔ kɔ̃n Lutu pɔ́dãrinɔ dagura. Zĩ beeea sɔ̃ Kanaanɔ kɔ̃n Pɛrizinɔɔ kú bùsu pìn.
329	GEN 13:10	Kɛ Lutu guu gwà, à è Yoda guzurɛ píngi mɔdɔ vĩ maamaa. Ai Dii gɔ̃ gá Sɔdɔmu kɔ̃n Gɔmɔrao kaatɛ, guzurɛ pì dɛ lán Dii swadako bà, lán Igipiti bùsu bà, ai à gàa pɛ́ Zoaa.
332	GEN 13:13	Sɔdɔmudeenɔ sɔ̃ɔ zaa, durunkɛri sànɔn ń ũ Dii aɛzĩ.
338	GEN 14:1	Zĩkea Babilɔnia bùsu kí Amarafɛli kɔ̃n Ɛlasa bùsu kí Ariɔkio kɔ̃n Elamu bùsu kí Kɛdɔlaomao kɔ̃n Goyimu bùsu kí Tidalao
339	GEN 14:2	e zĩ̀ kaa kɔ̃n Sɔdɔmu kí Bɛrao kɔ̃n Gɔmɔra kí Bisao kɔ̃n Adama kí Sinabuo kɔ̃n Zeboimu kí Sɛmɛbao kɔ̃n Bɛla kɛ̀ wè be tia Zoa kínao.
342	GEN 14:5	À wɛ̃̀ gɛ̃ro dosaidee guun Kɛdɔlaoma kɔ̃n kína kɛ̀ aɔ̃ɔ kúonɔ mɔ̀ wà zĩ̀ blè Rɛfaimunɔa zaa Asɛtɛro Kanaimu, aɔ̃ zĩ̀ blè Zuzinɔa zaa Hamu, aɔ̃ zĩ̀ blè Ɛminɔa zaa Save Kiriataimu,
343	GEN 14:6	aɔ̃ zĩ̀ blè Orinɔa ń kpiii kɛ̀ wè be Seia ai à gàa pɛ́ Ɛli Parana gbáaa.
344	GEN 14:7	Ben aɔ̃ lìara wà sù Ɛmisipa. Àmbe wè be tia Kadɛsi. Aɔ̃ zĩ̀ blè Amalɛki bùsua píngi kɔ̃n Amɔri borii kɛ̀ aɔ̃ɔ kú Azazɔ̃tamanɔa dɔ.
345	GEN 14:8	Ben Sɔdɔmu kína kɔ̃n Gɔmɔra kínao kɔ̃n Adama kínao kɔ̃n Zeboimu kínao kɔ̃n Bɛla kɛ̀ wè be tia Zoa kínao fɛ̀ɛ wà gàa wà zĩ̀ káńyo Sidimu guzurɛn.
346	GEN 14:9	Aɔ̃ɔe zĩ̀ kaa kɔ̃n Elamu bùsu kínao kɔ̃n Goyimu bùsu kínao kɔ̃n Babilɔnia bùsu kínao kɔ̃n Ɛlasa bùsu kínao. Kí gɔ̃ɔn siigɔ̃ɔ pìnɔɔ e zĩ̀ kaa kɔ̃n kí gɔ̃ɔn sɔɔroonɔ.
347	GEN 14:10	Sidimu guzurɛ kɔntaa wɛ̀ɛ vĩ pari. Kɛ̀ Sɔdɔmu kína kɔ̃n Gɔmɔra kínao e bàa lɛɛ, ben aɔ̃ sì à guu, ben ń gbɛ̃ kpaaanɔ bàa lɛ̀ wà gàa gusĩsĩdeen.
348	GEN 14:11	Zĩ̀blerinɔ Sɔdɔmu kɔ̃n Gɔmɔrao auzikinɔ kɔ̃n ń pɔ́bleenɔ sɛ̀ɛ píngi aɔ̃ tào.
349	GEN 14:12	Gurɔɔ mɔ̀a Abramu vĩ̀i nɛ́ Lutu kú Sɔdɔmu, ben aɔ̃ à kũ̀ wà tào kɔ̃n à auzikinɔ.
350	GEN 14:13	Ben gbɛ̃ kɛ̀ bɔ̀ ń ɔzĩ gàa à ò Eberu bori Abramunɛ zaa Mamare gbíi línɔ saɛ. Mamare kɔ̃n a dãaronɔ Ɛsɛkɔlu kɔ̃n Anɛo nɛ́ Amɔri boriinɔmɛ, aɔ̃ɔ dɛ kɔ̃ gbɛ̃ ũ kɔ̃n Abramuo.
351	GEN 14:14	Kɛ̀ Abramu mà wà a danɛ kũ̀ wà tào, ben à a bɛ zĩ̀karinɔ sɛ̀ɛ gɔ̃ɔn wàa do kpɛ́ baswɛɛdo plaasai à pɛ̀ɛ kína pìnɔzi, ben à ń lé Dani.
352	GEN 14:15	Ben à a gbɛ̃nɔ kpàatɛtɛ, ben aɔ̃ sì ń tɛ́ gwãavĩ. Aɔ̃ zĩ̀ blèḿma aɔ̃ pɛ̀ḿma ai Oba, Damasiku gu'igbãroo kpa.
353	GEN 14:16	À lìara à sù kɔ̃n auziki pìnɔ píngi kɔ̃n a vĩ̀i nɛ́ Lutuo kɔ̃n à auzikinɔ. À sù kɔ̃n nɔgbɛ̃nɔo kɔ̃n gbɛ̃ pãndenɔ dɔ.
354	GEN 14:17	Kɛ̀ Abramu zĩ̀ blè Kɛdɔlaomaa kɔ̃n kína kɛ̀ aɔ̃ɔ kúonɔ èe suu, ben Sɔdɔmu kí bɔ̀ à dààlɛ Save Guzurɛ kɛ̀ wè be tia Kí Guzurɛn.
357	GEN 14:20	Aubarikadeen Luda Musude kɛ̀ à n ibɛɛnɔ nànnɛ n ɔzĩ ũ. Ben Abramu auziki kɛ̀ èe suunɔ píngi kuridee kpàa.
360	GEN 14:23	mɛ́ n pɔ́ke sɛ́ro, baa kyateyĩba, lɛ ǹton be n ma kɛ auzikidee ũro yãnzi.
362	GEN 15:1	Beee gbɛra Dii yã ò Abramunɛ wɛ́ɛgupu'ena guu à bè: Abramu! Ǹton vĩa kɛro. Mámbe n sɛngbango ũ, n asaia égɔ̃ bíta maamaa.
363	GEN 15:2	Ben Abramu bè: Dii Luda, bɔ́n nɛ́ ma gbaa? Má nɛ́ vĩro. Damasiku gbɛ̃ Ɛliɛza bé égɔ̃ dɛ ma bɛ túbibleri ũ.
364	GEN 15:3	Kɛ̀ nɛ́ɛ ma gba nɛ́ro, ma bɛ zĩkɛri pì bé égɔ̃ dɛ ma túbibleri ũ.
373	GEN 15:12	Kɛ̀ ɔfãntɛ̃ e gɛ̃ɛ kpɛ́n, i bíta Abramu kũ̀, ben gusia bíta vĩadee dààla.
375	GEN 15:14	Mɔde mɛ́ ĩa kɛ borii kɛ̀ aɔ̃ɔe zɔ̀ bleeńnɛnɔa, n boriinɔ é bɔɛ kɔ̃n auziki bítao.
376	GEN 15:15	Mmɔn sɔ̃, nɛ́gɔ̃ aafiamɛ ai ǹ gá zi kũo gbasa ǹ ká n dezinɔla wà n vĩi.
378	GEN 15:17	Kɛ̀ ɔfãntɛ̃ gɛ̃̀ kpɛ́n, guu sì, ben Abramu è kĩi kɛ̀ èe tɛ́sukpɛ bɔɔ kɔ̃n sɛ̃̀tɛo e gɛ̃ɛ nɔ̀bɔ kɛ̀ à pàrapara pìnɔ dagura.
379	GEN 15:18	Zĩ beeean Dii bè a bà égɔ̃ kú kɔ̃n Abramuo à bè: Mɛ́ bùsu kɛ̀kii kpá n boriinɔa zaa Igipiti gulɛzɛki swaa ai swadaa kɛ̀ wè be Yuflati,
383	GEN 16:1	Abramu naɔ̃ Sarai e nɛ́ iro. À nɔgbɛ̃ zĩkɛri vĩ Igipiti gbɛ̃ ũ kɛ̀ wè benɛ Agyara.
384	GEN 16:2	Ben Sarai bè Abramunɛ: Lán Dii ma kɛ pãaa ũ nà, ǹ daɛ kɔ̃n ma zĩkɛrio. Má sì kɛ̀ mɛ́ nɛ́nɔ e à gãzĩ. Ben Abramu Sarai yã mà.
388	GEN 16:6	Ben Abramu wèàla à bè: N zɔ̀ kuu n pɔ́ ũmɛ. Ǹ kɛnɛ lán ń yezi nà. Kɛ̀ Sarai ĩa dàa, ben à bàa lɛ̀nɛ.
390	GEN 16:8	Ben à à là à bè: Sarai zĩkɛri Agyara, n bɔ mámɛ? Nɛ́ɛ gaa mámɛ? Ben à wèàla à bè: Mɛ́ɛ bàa lɛɛ ma dii Sarainɛmɛ.
403	GEN 17:5	Weégae bennɛ Abramu dɔro, sé Ibraĩ, zaakɛ mɛ́ n kɛ bori pariinɔ dezi ũ.