15	GEN 1:15	Aɔ̃gɔ̃ dɛ pɔ́ gupurinɔ ũ musu lɛ wàgɔ̃ anduna puu. Ben à kɛ̀ lɛ.
26	GEN 1:26	Ben Luda bè: Wà gbɛ̃ntee kɛ wa taka ũ, aɔ̃gɔ̃ dɛ wa bà, aɔ̃gɔ̃ kí blee kpɔ̀nɔa kɔ̃n bãanɔ kɔ̃n pɔ́kãdeenɔ kɔ̃n nɔ̀bɔsɛ̃tɛnɔ kɔ̃n pɔ́taa'onkusɛanɔ píngi.
27	GEN 1:27	Ben Luda gbɛ̃ntee kɛ̀ a zĩnda taka ũ. À zĩnda takan à ń kɛ́ à ũ. À ń kɛ́ gɔ̃gbɛ̃ kɔ̃n nɔgbɛ̃o.
29	GEN 1:29	Ben Luda bè: Ma pɔ́ wɛ́ɛdee kɛ̀ kú tɔɔtɛanɔ kpàawa a pɔ́blee ũ píngi kɔ̃n lí nɛ́deenɔ píngi.
30	GEN 1:30	Ma sɛ̃̀nɔ kɔ̃n lánɔ kpà pɔ́ wɛ̃̀ndideenɔa píngi ń pɔ́blee ũ, nɔ̀bɔnɔ kɔ̃n bãanɔ kɔ̃n pɔ́taa'onkusɛanɔ píngi. Ben à kɛ̀ lɛ.
34	GEN 2:3	Ben à aubarika dà gurɔ swɛɛplaadee pìn à dìɛ a pɔ́ ũ, kɛ̀ zĩ beeen à kámma bò kɔ̃n zĩi kɛ̀ à kɛ̀nɔ píngi yãnzi.
38	GEN 2:7	Dii Luda gɔ̃gbɛ̃ í kàsa kɔ̃n bùsutio, ben à ĩa wɛ̃̀ndidee vù à yĩn, ben gɔ̃gbɛ̃ pì gɔ̃̀ gbɛ̃ bɛ̃ɛ ũ.
49	GEN 2:18	Dii Luda bè: Gɔ̃gbɛ̃ kuuna adoo maaro. Mɛ́ dɔnlɛri kɛnɛ à gbɛ̃ndoo ũ.
50	GEN 2:19	Ben Dii Luda bùsu kɔ̀ à nɔ̀bɔnɔ kɛ̀o píngi kɔ̃n bãanɔ píngi, ben à mɔ̀ńyo gɔ̃gbɛ̃ pì kiia lɛ à e dian eé tɔ́ kpáńnɛ nà. Tɔ́ kɛ̀ gɔ̃gbɛ̃ pì kpà pɔ́ wɛ̃̀ndidee pìnɔnɛ píngi gɔ̃̀ ń tɔ́ ũ.
51	GEN 2:20	Gɔ̃gbɛ̃ pì tɔ́ kpà pɔ́kãdeenɔnɛ píngi kɔ̃n bãanɔ kɔ̃n nɔ̀bɔsɛ̃tɛnɔ píngi, mɔde èe dɔnlɛri e ń tɛ́ a gbɛ̃ndoo ũro.
53	GEN 2:22	Ben à gɔ̃gbɛ̃ gbã̀ntɛ̃wa kɛ̀ à bɔ̀ pì lìɛ nɔgbɛ̃ ũ, ben à gàao à kiia.
55	GEN 2:24	Beee yãnzin gɔ̃gbɛ̃ è a de kɔ̃n a dao tó, aɔ̃è nakɔ̃a kɔ̃n a naɔ̃o wà gɔ̃ mɛ̀ doo ũ.
56	GEN 2:25	Gɔ̃gbɛ̃ kɔ̃n a naɔ̃o kú bũu ń plaa ń píngi, wí sɔ̃ è ń kũro.
63	GEN 3:7	Aɔ̃ plaa ń píngi wɛ́ɛ kɛ̃̀, ben aɔ̃ɔ dɔ̃̀ sa kɛ̀ aɔ̃ɔ kú bũu. Ben aɔ̃ gooda lá nàbi wà nàńzi.
66	GEN 3:10	À wèàla à bè: Kɛ̀ ma n kĩi mà, ben vĩa ma kũ kɛ̀ má kú bũu yãnzi, ben ma utɛ.
67	GEN 3:11	Ben Dii Luda à là à bè: Dé bé à ònnɛ ń kú bũuu? Lí kɛ̀ ma ginnɛ ǹ à bɛɛ ble, ń blèn yɔ́?
70	GEN 3:14	Ben Dii Luda bè mlɛ̃̀nɛ: Kɛ̀ ń kɛ̀ lɛ, nɛ́gɔ̃ dɛ láari pɔ́ ũ pɔ́kãdeenɔ kɔ̃n nɔ̀bɔsɛ̃tɛnɔ tɛ́ píngi, n gbɛɛɛn nɛ́gɔ̃ gáɛɛ, bùsutin nɛ́gɔ̃ blee ai n wɛ̃̀ndi lɛ́n.
73	GEN 3:17	Ben à bè gɔ̃gbɛ̃nɛ: Lán n n naɔ̃ yã mà nà, lí kɛ̀ ma ginnɛ ǹ à bɛɛ blee ń blè, tɔɔtɛ gɔ̃̀ láari pɔ́ ũ n yãnzi, ɔsi kɔ̃n ɔsiion nɛ́gɔ̃ pɔ́blee en ai n wɛ̃̀ndi lɛ́n.
74	GEN 3:18	Eé lɛ̀nɔ kɔ̃n lá ũkãdeenɔ bɔɛnnɛ, gbasa ǹ bura pɔ́nɔ ble.
75	GEN 3:19	Ísimmagaakpana guun nɛ́ pɔ́blee en ai ǹ liara ǹ gɛ̃ bùsu guu, zaakɛ gwen ma n bɔn. Bùsutin n ũ, nɛ́ liara ǹ gɔ̃ bùsuti pì ũmɛ.
81	GEN 4:1	Adamu a naɔ̃ Awau dɔ̃̀ nɔgbɛ̃ ũ, ben à nɔ̀ sì à Kaini ì. Ben à bè: Ma gɔ̃gbɛ̃ ì kɔ̃n Dii gbãaao.
82	GEN 4:2	Ben à à dãaro Abila ì dɔ. Abila kɛ̀ sãdãri ũ, Kaini sɔ̃ kɛ̀ búbari ũ.
83	GEN 4:3	Zĩkea Kaini mɔ̀ kɔ̃n a bura pɔ́nɔo gbaa ũ Diinɛ.
89	GEN 4:9	Dii Kaini là à bè: Mán n dãaro Abila kún? À wèàla à bè: Má dɔ̃ro. Ma dãaro dãkparin ma ũɔ́?
91	GEN 4:11	Tia sa nɛ́gɔ̃ láari pɔ́ ũmɛ, nɛ́gɔ̃ zã̀ kɔ̃n tɔɔtɛ kɛ̀ n dãaro aru mì n ɔzĩo.
94	GEN 4:14	Nɛ́ɛ pɛɛma tɔɔtɛ kɛ̀a gbã̀amɛ sa. Mɛ́ kɛ̃kɔ̃anyo sa. Mɛ́gɔ̃ sɔ̃ki kpákpaa màgɔ̃ likɔ̃aa zɔ̃ɔ anduna guu, gbɛ̃ kɛ̀ kpàkũmao é ma dɛ.
95	GEN 4:15	Ben Dii bènɛ: Lɛnlo! Tó gbɛ̃ n dɛ, weé gɛ̃ɛ bonnɛ gɛ̃̀n swɛɛplaamɛ. Ben Dii wɛ̃zã ke kɛ̀ Kainia, lɛ gbɛ̃ kɛ̀ kpàkũo tón à dɛro yãnzi.
100	GEN 4:20	Ada Yabala ì. Àmbe pɔ́dãri kɛ̀ aɔ̃ègɔ̃ kú bisakutaa guunɔ dezi káaku ũ.
101	GEN 4:21	À dãaro tɔ́n Yubala. Àmbe mɔrɔlɛrinɔ kɔ̃n kurepɛrinɔ dezi káaku ũ.
102	GEN 4:22	Zila sɔ̃ bé à Tubala Kaini ì. Sian à ũ. È pɔ́ píngi pi kɔ̃n mɔ̀sio kɔ̃n mɔ̀gotɛ̃o. À dãre tɔ́n Naama.
105	GEN 4:25	Adamu dàɛ kɔ̃n a naɔ̃o dɔ, ben à nɛ́gɔ̃gbɛ̃ ì. À tɔ́ kpànɛ Sɛti à bè, Luda a gba nɛ́ pãnde Abila kɛ̀ Kaini dɛ̀ gɛ̃ɛ ũmɛ.
109	GEN 5:3	Adamu wɛ̃̀ baswɛɛdo akuridee guun à nɛ́ ì a taka ũ à bɔ̀kɔ̃bao, ben à tɔ́ kpànɛ Sɛti.
139	GEN 6:1	Kɛ gbɛ̃nteenɔ nà parikũnaa aɔ̃ɔe daagula aɔ̃ɔe nɛ́nɔgbɛ̃nɔ ii,
142	GEN 6:4	Gbɛ̃ gbã̀anɔɔ kú anduna guu gurɔ beeea kɔ̃n gurɔ beee gbɛraao dɔ, gurɔɔ kɛ̀ Luda nɛ́ pìnɔ gbɛ̃ntee nɛ́nɔgbɛ̃nɔ dɔ̃̀ nɔgbɛ̃nɔ ũ, ben aɔ̃ nɛ́nɔ ìńyo. Aɔ̃ nɛ́ pìnɔn gɔ̃sagbãaa kɛ̀ aɔ̃ tɔ́ bɔ̀ zaa káakunɔ ũ.
159	GEN 6:21	Ǹ pɔ́blee kɛ̀ wè ble píngi sɛ́ɛ ǹ kakɔ̃a a kũsãɛ ũ, apinɔ kɔ̃n pɔ́ pìnɔ.
161	GEN 7:1	Ben Dii bè Nuunɛ: Ǹ gɛ̃ góro guu kɔ̃n n bɛdeenɔ, zaakɛ ḿbe ma n e yãnnadee ũ tɔ̃ɔrigbɛ̃nɔ tɛ́.
162	GEN 7:2	Ǹ nɔ̀bɔ kɛ̀ dɛ sa'opɔ ũunɔ sɛ́ ǹ gɛ̃ńyo da kɔ̃n à kyào mɛ̀n swɛɛplaplaa, ǹ nɔ̀bɔ kɛ̀ wè sa ooroonɔ sɛ́ mɛ̀n plaplaa da kɔ̃n à kyào.
168	GEN 7:8	Ben nɔ̀bɔ kɛ̀ dɛ sa'opɔ ũunɔ kɔ̃n nɔ̀bɔ kɛ̀ wè saa ooroonɔ kɔ̃n bãanɔ kɔ̃n pɔ́taa'onkusɛanɔ
171	GEN 7:11	Nuu wɛ̃̀ wàa aagɔ̃dee guu à mɔ plaade gurɔ gɛ̃ro awɛɛplaadee zĩ, ben í kɛ̀ kú tɔɔtɛ gĩzĩnɔ pũ̀tã píngi, ben ludambɛ fòonɔ fɔ̃̀.
193	GEN 8:9	Kɛ̀ pɔ̃tɛ̃ɛ e zɔ̃kii ero, ben a lìara à sù Nuu kiia góro guu, zaakɛ í da andunala píngimɛ. Nuu ɔɔ bɔ̀ à kũ̀ à gɛ̃̀o góro guu.
204	GEN 8:20	Ben Nuu Dii gbãgbãkii bò. À nɔ̀bɔ kɔ̃n bãa kɛ̀ wè saa oonɔ kũ̀, ben à sa'opɔ kɛ̀ wè ká tɛ́n à tɛ́ kũ òa.
205	GEN 8:21	Kɛ̀ Dii à gũu mà, à kɛ̀nɛ nna, ben à laasuu lɛ̀ à bè: Mɛ́ ɛara mà láari zĩ tɔɔtɛa gbɛ̃ntee yãnzi dɔro, zaakɛ gbɛ̃ntee laasuu ègɔ̃ zaa zaa à ɔ̀wazikɛgurɔmɛ. Mɛ́ ɛara mà pɔ́ wɛ̃̀ndideenɔ kaatɛ lán má kɛ̀ nà dɔro.
209	GEN 9:3	Pɔ́ kɛ̀ aɔ̃è táa oonɔ píngi égɔ̃ dɛ a pɔ́blee ũ. Ma ń kpáawa píngi lán ma blɛɛ kɛ̀ è bɔɛ tɔɔtɛanɔ kpàawa nà yã.
210	GEN 9:4	Mɔde àton nɔ̀bɔ kɛ̀ wèe à kòto kpáro sóro, zaakɛ à arun à wɛ̃̀ndi ũ.
211	GEN 9:5	Mɛ́ a aru kɛ̀ dɛ a wɛ̃̀ndi ũu gɛ̃ɛ boare. Tó nɔ̀bɔ gbɛ̃ dɛ̀ ke tó gbɛ̃ a gbɛ̃daaa dɛ̀, mɛ́ à aru gɛ̃ɛ bonɛ. Mɛ́ gɛ̃ɛ bo gbɛ̃ kɛ̀ à a gbɛ̃daaa dɛ̀a.
212	GEN 9:6	Tó gbɛ̃ a gbɛ̃daaa dɛ̀, weé à dɛ, zaakɛ ma gbɛ̃ntee kɛ̀ ma taka ũmɛ.
219	GEN 9:13	Mɛ́ ludambɛfɛ̃ɛdaa bɔ loua ma bà kuuna kɔ̃n andunao sèeda ũ.
224	GEN 9:18	Nuu nɛ́ kɛ̀ aɔ̃ bɔ̀ɛ góro guunɔ tɔ́n yɛ̀: Sɛmu, Hamu, Yafɛti. Hamun Kanaa de ũ.
227	GEN 9:21	Kɛ̀ à geepiwɛ̃ɛ mì à kã̀, ben à daɛna bũu a kpɛ́n.
228	GEN 9:22	Kɛ̀ Kanaa de Hamu a de bũukɛɛ è, à bɔ̀ à gàa à ò Sɛmunɛ kɔ̃n Yafɛtio.
229	GEN 9:23	Ben Sɛmu kɔ̃n Yafɛtio utadaa sɛ̀ aɔ̃ kà ń gã̀n ń plaa aɔ̃ táa ò kɔ̃n kpɛɛo. Ń aɛ dɔna gu pãndea lɛ aɔ̃ton ń de bũukɛɛ ero yãnzi, aɔ̃ gàa wà kù ń de bũukɛɛla.
231	GEN 9:25	ben à bè: Kanaa égɔ̃ láari pɔ́ ũmɛ, àmbe égɔ̃ a gbɛ̃nɔ zɔ̀ zãa ũ.
232	GEN 9:26	Ben à bè: Aubarikadeen Dii, Sɛmu Luda ũ, Kanaanɔ égɔ̃ dɛ Sɛmunɔ zɔ̀nɔ ũ.
233	GEN 9:27	Luda kaarana kɛ Yafɛtinɛ, Yafɛtinɔ ń baka e Sɛmunɔ aubarika guu, Kanaanɔ égɔ̃ dɛ Yafɛtinɔ zɔ̀nɔ ũ.
242	GEN 10:7	Etiopia nɛ́gɔ̃gbɛ̃nɔ tɔ́n yɛ̀: Sɛba, Avila, Sabata, Raama kɔ̃n Sabatɛkao. Raama nɛ́gɔ̃gbɛ̃nɔn Seba kɔ̃n Dedão ũ.
243	GEN 10:8	Nimlɔdu nɛ́ Etiopia boriimɛ dɔ. Àmbe anduna gbãabitade tɔ́de káaku ũ.
244	GEN 10:9	Tofe sàmɛ Dii aɛzĩ. À yã bé à tò wè be: Lán Nimlɔdu dɛ tofe sà ũ Dii aɛzĩ nà.
245	GEN 10:10	Babilɔnia bùsu kɛ̀ à kí blèa káaku wɛ́tɛdaan Babɛli kɔ̃n Ɛrɛkio kɔ̃n Akadao kɔ̃n Kalanɛo ũ.
247	GEN 10:12	kɔ̃n Rɛsɛ̃ kɛ̀ kú Ninɛva dagura kɔ̃n Kalao. Ninɛvan wɛ́tɛda ìsi ũ.
256	GEN 10:21	Yafɛti dãaro Sɛmu borii kɛ̀ dɔ. Àmbe Eberunɔ dezi káaku ũ.
265	GEN 10:30	Bɔna Mɛsa gana Sefa kɔ̃n kpiii kɛ̀ kú ɔfãntɛ̃bɔɛ kpaanɔ, àmbe ń bùsu ũ.
270	GEN 11:3	Aɔ̃ bèkɔ̃nɛ: Wà gá wà kúnku bɔ wà kpáta maamaa. Kúnkun ń gbɛ̀ ũ, kɔntaan ń siminti ũ.
310	GEN 12:11	Kɛ̀ à kà kĩi kɔ̃n Igipitio, à bè a naɔ̃nɛ: Má dɔ̃ nɔ maan n ũ.
311	GEN 12:12	Tó Igipitinɔ n e, aɔ̃é be ma naɔ̃n n ũ, aɔ̃é ma dɛ aɔ̃é n tó.
312	GEN 12:13	Ǹ beńnɛ ma dãremɛ n ũ lɛ wà ma sí ɔplaplaa n yãnzi. Lán nɛ́ ma mì sí nàn gwe.
318	GEN 12:19	À kɛ̀ dia n bè n dãremɛ, ben ma à sɛ̀ nɔɔ ũu? N naɔ̃n yɛ̀! Ǹ n pɔ́ sɛ́ ǹ táo.
327	GEN 13:8	Ben Abramu bè Lutunɛ: À maa lɛokpakɔ̃a gɔ̃ kú wa daguraro, ke ma pɔ́dãrinɔ kɔ̃n n pɔ́dãrinɔ dagura, zaakɛ danɛnɔn wa ũ.
332	GEN 13:13	Sɔdɔmudeenɔ sɔ̃ɔ zaa, durunkɛri sànɔn ń ũ Dii aɛzĩ.
334	GEN 13:15	Tɔɔtɛ kɛ̀ ń è píngi, má kpàmma, eégɔ̃ dɛ mpi kɔ̃n n boriinɔ pɔ́ ũ ai gurɔ píngi.
340	GEN 14:3	Kí gɔ̃ɔn sɔɔroo pìnɔ kɔ̃ kàkɔ̃a ń píngi Sidimu guzurɛn. Àmbe sɛ̀bɛ wisidee ũ tia.
349	GEN 14:12	Gurɔɔ mɔ̀a Abramu vĩ̀i nɛ́ Lutu kú Sɔdɔmu, ben aɔ̃ à kũ̀ wà tào kɔ̃n à auzikinɔ.
350	GEN 14:13	Ben gbɛ̃ kɛ̀ bɔ̀ ń ɔzĩ gàa à ò Eberu bori Abramunɛ zaa Mamare gbíi línɔ saɛ. Mamare kɔ̃n a dãaronɔ Ɛsɛkɔlu kɔ̃n Anɛo nɛ́ Amɔri boriinɔmɛ, aɔ̃ɔ dɛ kɔ̃ gbɛ̃ ũ kɔ̃n Abramuo.
351	GEN 14:14	Kɛ̀ Abramu mà wà a danɛ kũ̀ wà tào, ben à a bɛ zĩ̀karinɔ sɛ̀ɛ gɔ̃ɔn wàa do kpɛ́ baswɛɛdo plaasai à pɛ̀ɛ kína pìnɔzi, ben à ń lé Dani.
357	GEN 14:20	Aubarikadeen Luda Musude kɛ̀ à n ibɛɛnɔ nànnɛ n ɔzĩ ũ. Ben Abramu auziki kɛ̀ èe suunɔ píngi kuridee kpàa.
358	GEN 14:21	Sɔdɔmu kína bè Abramunɛ: Ǹ ma gbɛ̃nɔ kpáma ǹgɔ̃ auziki kũna n pɔ́ ũ.
360	GEN 14:23	mɛ́ n pɔ́ke sɛ́ro, baa kyateyĩba, lɛ ǹton be n ma kɛ auzikidee ũro yãnzi.
362	GEN 15:1	Beee gbɛra Dii yã ò Abramunɛ wɛ́ɛgupu'ena guu à bè: Abramu! Ǹton vĩa kɛro. Mámbe n sɛngbango ũ, n asaia égɔ̃ bíta maamaa.
363	GEN 15:2	Ben Abramu bè: Dii Luda, bɔ́n nɛ́ ma gbaa? Má nɛ́ vĩro. Damasiku gbɛ̃ Ɛliɛza bé égɔ̃ dɛ ma bɛ túbibleri ũ.
364	GEN 15:3	Kɛ̀ nɛ́ɛ ma gba nɛ́ro, ma bɛ zĩkɛri pì bé égɔ̃ dɛ ma túbibleri ũ.
365	GEN 15:4	Ben Dii bènɛ: Àmbe eégɔ̃ dɛ n túbibleri ũro. Nɛ́ kɛ̀ eé bɔ n plɛ̀n bé eégɔ̃ dɛ n túbibleri ũ.
368	GEN 15:7	À bènɛ dɔ: Diin ma ũ, mámbe ma n bɔ Uru, Kaladia bùsun, lɛ mà bùsu kɛ̀kii kpámma yãnzi.
369	GEN 15:8	Ben Abramu bè: Dii Luda, dian mɛ́gɔ̃ dɔ̃ kɛ̀ eégɔ̃ dɛ ma pɔ́ ũu?
373	GEN 15:12	Kɛ̀ ɔfãntɛ̃ e gɛ̃ɛ kpɛ́n, i bíta Abramu kũ̀, ben gusia bíta vĩadee dààla.
374	GEN 15:13	Ben Dii bènɛ: Ǹgɔ̃ dɔ̃ kɛ̀ n boriinɔ égɔ̃ nibɔ blee bùsu kɛ̀ dɛ ń pɔ́ ũroo guu, aɔ̃égɔ̃ zɔ̀ blee gwe, weégɔ̃ wɛ́ɛ tãaḿma ai wɛ̃̀ wàa plaa.
376	GEN 15:15	Mmɔn sɔ̃, nɛ́gɔ̃ aafiamɛ ai ǹ gá zi kũo gbasa ǹ ká n dezinɔla wà n vĩi.
383	GEN 16:1	Abramu naɔ̃ Sarai e nɛ́ iro. À nɔgbɛ̃ zĩkɛri vĩ Igipiti gbɛ̃ ũ kɛ̀ wè benɛ Agyara.
384	GEN 16:2	Ben Sarai bè Abramunɛ: Lán Dii ma kɛ pãaa ũ nà, ǹ daɛ kɔ̃n ma zĩkɛrio. Má sì kɛ̀ mɛ́ nɛ́nɔ e à gãzĩ. Ben Abramu Sarai yã mà.
385	GEN 16:3	Abramu wɛ̃̀ kuri kɛna Kanaa bùsun gbɛran Sarai a zɔ̀ Agyara kpàa nɔɔ ũ.
387	GEN 16:5	Ben Sarai bè Abramunɛ: Taari kɛ̀ wà kɛ̀mɛɛ gɔ̃̀ n yã ũmɛ. Ma a zɔ̀ kpàmma. Kɛ̀ à è á nɔ̀sina, ben ègɔ̃ dɔkɛɛmao. Mpi kɔ̃n mapio, Dii bé eé yã gɔ̃gɔ̃we.
388	GEN 16:6	Ben Abramu wèàla à bè: N zɔ̀ kuu n pɔ́ ũmɛ. Ǹ kɛnɛ lán ń yezi nà. Kɛ̀ Sarai ĩa dàa, ben à bàa lɛ̀nɛ.
393	GEN 16:11	Ń nɔ̀sina, nɛ́ nɛ́ i gɔ̃gbɛ̃ ũ, nɛ́ tɔ́ kpánɛ Sumaila, zaakɛ Dii n yã mà n wɛ́ɛtãmma guu.