24	GEN 1:24	Ben Luda bè: Pɔ́ wɛ̃̀ndideenɔ bɔɛ tɔɔtɛa, pɔ́kãdeenɔ kɔ̃n pɔ́taa'onkusɛanɔ kɔ̃n nɔ̀bɔsɛ̃tɛnɔ, baade kɔ̃n a boriio. Ben à kɛ̀ lɛ.
25	GEN 1:25	Luda nɔ̀bɔsɛ̃tɛnɔ kɛ̀ baade kɔ̃n a boriio. À pɔ́kãdeenɔ kɛ̀ baade kɔ̃n a boriio. À pɔ́taa'onkusɛanɔ kɛ̀ baade kɔ̃n a boriio. Ben à è à kɛ̀ maa.
26	GEN 1:26	Ben Luda bè: Wà gbɛ̃ntee kɛ wa taka ũ, aɔ̃gɔ̃ dɛ wa bà, aɔ̃gɔ̃ kí blee kpɔ̀nɔa kɔ̃n bãanɔ kɔ̃n pɔ́kãdeenɔ kɔ̃n nɔ̀bɔsɛ̃tɛnɔ kɔ̃n pɔ́taa'onkusɛanɔ píngi.
30	GEN 1:30	Ma sɛ̃̀nɔ kɔ̃n lánɔ kpà pɔ́ wɛ̃̀ndideenɔa píngi ń pɔ́blee ũ, nɔ̀bɔnɔ kɔ̃n bãanɔ kɔ̃n pɔ́taa'onkusɛanɔ píngi. Ben à kɛ̀ lɛ.
145	GEN 6:7	ben à bè: Mɛ́ gbɛ̃ntee kɛ̀ má kɛ̀ tɔɔtɛa waa, gbɛ̃nteenɔ kɔ̃n nɔ̀bɔnɔ kɔ̃n pɔ́taa'onkusɛanɔ kɔ̃n bãanɔo, zaakɛ ma nɔ̀sɛ yàka ń kɛna yã musu.
152	GEN 6:14	Ǹ góro'itɛ kɛkɛ kɔ̃n lí lɛ̀ɛtɛgɛo ǹ kpɛ́nɛnɔ kɛ à guu ǹ kɔntaa kɛa à guu kɔ̃n à kpɛɛo.
158	GEN 6:20	Bã boriinɔ kɔ̃n nɔ̀bɔ boriinɔ kɔ̃n pɔ́taa'onkusɛa boriinɔ píngi aɔ̃é mɔ́ n kiia mɛ̀n plaplaa lɛ wàgɔ̃ kuu.
162	GEN 7:2	Ǹ nɔ̀bɔ kɛ̀ dɛ sa'opɔ ũunɔ sɛ́ ǹ gɛ̃ńyo da kɔ̃n à kyào mɛ̀n swɛɛplaplaa, ǹ nɔ̀bɔ kɛ̀ wè sa ooroonɔ sɛ́ mɛ̀n plaplaa da kɔ̃n à kyào.
167	GEN 7:7	À gɛ̃̀ góro'itɛ guu kɔ̃n a nɛ́nɔ kɔ̃n a naɔ̃o kɔ̃n a nɛ́nɔ naɔ̃ɔnɔo lɛ aɔ̃ bɔ í pì yãn.
168	GEN 7:8	Ben nɔ̀bɔ kɛ̀ dɛ sa'opɔ ũunɔ kɔ̃n nɔ̀bɔ kɛ̀ wè saa ooroonɔ kɔ̃n bãanɔ kɔ̃n pɔ́taa'onkusɛanɔ
174	GEN 7:14	kɔ̃n nɔ̀bɔsɛ̃tɛnɔ píngi ń boriia kɔ̃n pɔ́kãdeenɔ píngi ń boriia kɔ̃n pɔ́taa'onkusɛanɔ píngi ń boriia kɔ̃n pɔ́ vĩananɔ píngi ń boriia, bãanɔ kɔ̃n pɔ́ dɛ̀bɛdeenɔ píngi.
181	GEN 7:21	Pɔ́ wɛ̃̀ndidee kɛ̀ aɔ̃è táa o tɔɔtɛanɔ gàga píngi, bãanɔ kɔ̃n pɔ́kãdeenɔ kɔ̃n nɔ̀bɔsɛ̃tɛnɔ kɔ̃n pɔ́taa'onkusɛanɔ kɔ̃n gbɛ̃nteenɔ ń píngi.
183	GEN 7:23	Luda pɔ́ wɛ̃̀ndidee kɛ̀ aɔ̃ɔ kú sĩ̀sĩaanɔ kàatɛ píngi. À gbɛ̃nteenɔ kɔ̃n nɔ̀bɔnɔ kɔ̃n pɔ́taa'onkusɛanɔ kɔ̃n bãanɔ kàatɛ anduna guu. Nuu bé à bɔ̀ ado kɔ̃n pɔ́ kɛ̀ aɔ̃ɔ kúo góro guunɔ.
201	GEN 8:17	Ǹ pɔ́ wɛ̃̀ndidee kɛ̀ aɔ̃ɔ kúnyonɔ bɔɛ píngi, bãanɔ kɔ̃n nɔ̀bɔnɔ kɔ̃n pɔ́taa'onkusɛanɔ píngi, lɛ aɔ̃ fãakɔ̃a tɔɔtɛa aɔ̃gɔ̃ nɛ́ ii aɔ̃gɔ̃ kaara anduna guu.
203	GEN 8:19	Nɔ̀bɔnɔ píngi kɔ̃n pɔ́taa'onkusɛanɔ píngi kɔ̃n bãanɔ píngi kɔ̃n pɔ́ kɛ̀ aɔ̃è táa o tɔɔtɛanɔ píngi bɔ̀ɛ góro guu bori kɔ̃n boriio.
204	GEN 8:20	Ben Nuu Dii gbãgbãkii bò. À nɔ̀bɔ kɔ̃n bãa kɛ̀ wè saa oonɔ kũ̀, ben à sa'opɔ kɛ̀ wè ká tɛ́n à tɛ́ kũ òa.
208	GEN 9:2	Nɔ̀bɔnɔ kɔ̃n bãanɔ kɔ̃n pɔ́taa'onkusɛanɔ kɔ̃n kpɔ̀nɔ égɔ̃ a vĩa vĩ píngi. Ma ń náare a ɔzĩ.
246	GEN 10:11	Bɔna gwe à gàa Asiria bùsun, ben à Ninɛva kàɛ kɔ̃n Reobo'io kɔ̃n Kalao
314	GEN 12:15	Kɛ̀ Igipiti kí Fili'auna ìbanɔ à è, aɔ̃ à maaa gɔ̃̀gɔ̃nɛ, ben wà à sɛ̀ wà gɛ̃̀o Fili'aunanɛ a bɛ.
316	GEN 12:17	Ben Dii gyã pãsĩnɔ kà Fili'aunan kɔ̃n a bɛdeenɔ Abramu naɔ̃ pì yãnzi.
317	GEN 12:18	Ben Fili'auna Abramu sìsi à bènɛ: Bɔ́ yã ń kɛ̀mɛ gwee? Bɔ́yãnzi nɛ́ɛ omɛ kɛ̀ n naɔ̃nloo?
319	GEN 12:20	Fili'auna yã ò a gbɛ̃nɔnɛ Abramu yã musu, ben aɔ̃ gàa wà zɛ̀nɛ kɔ̃n a naɔ̃o kɔ̃n a auzikinɔ píngi.
323	GEN 13:4	guu kɛ̀ à sa'okii bòn yã. Ben à Dii sìsi gwe.
333	GEN 13:14	Lutu tana gbɛra Dii bè Abramunɛ: Guu kɛ̀ ń zɛ́n ǹ wɛ́ɛ sɛ́ ǹ gu'igbãro kɔ̃n sɔɔmɛtɛo kɔ̃n ɔfãntɛ̃bɔɛo kɔ̃n ɔfãntɛ̃gɛ̃kpɛn-o gwa.
335	GEN 13:16	Mɛ́ tó n boriinɔ kɛ pari lán bùsu'ãatɛ̃ bà. Tó gbɛ̃ke é fɔ̃ à bùsu'ãatɛ̃ naro, ɛ̃ndɛ̃ eé fɔ̃ à n boriinɔ naro.
341	GEN 14:4	Wɛ̃̀ kuri awɛɛplaaa dagura aɔ̃ègɔ̃ tángba kpaa Kɛdɔlaomaa. À wɛ̃̀ kuri awɛɛ'aagɔ̃dee guun aɔ̃ gì bɔnɛzi.
352	GEN 14:15	Ben à a gbɛ̃nɔ kpàatɛtɛ, ben aɔ̃ sì ń tɛ́ gwãavĩ. Aɔ̃ zĩ̀ blèḿma aɔ̃ pɛ̀ḿma ai Oba, Damasiku gu'igbãroo kpa.
362	GEN 15:1	Beee gbɛra Dii yã ò Abramunɛ wɛ́ɛgupu'ena guu à bè: Abramu! Ǹton vĩa kɛro. Mámbe n sɛngbango ũ, n asaia égɔ̃ bíta maamaa.
396	GEN 16:14	À yã bé à tò wà tɔ́ kpà lɔ̀gɔ pìnɛ Ludabɛ̃ɛkɛema'ee lɔ̀gɔ. À kú Kadɛsi kɔ̃n Bɛrɛdio daguramɛ.
419	GEN 17:21	Baa kɔ̃n beeeo ma bà kuunanyo é gɔ̃ Isaakuamɛ. Zii mɔndaa'i Sara é à i.
433	GEN 18:8	Ben Ibraĩ zwifãani kɔ̃n zwi'ipuo kɔ̃n zù kɛ̀ wà kɛ̀kɛ pìo sɛ̀ à gàa à dìɛńnɛ. Gurɔɔ kɛ̀ aɔ̃ɔe pɔ́ blee, àpi zɛ ń saɛ lí gbáru gwe.
439	GEN 18:14	Yãke ègɔ̃ zĩ'ũmɛro. Zii mɔndaa'i tó à gurɔɔ kà, mɛ́ mɔ́ n kiia, gbasa Sara nɛ́ i gɔ̃gbɛ̃ ũ.
460	GEN 19:2	à bè: Ma diinɔ, a yã nna! À mɔ́ à gá pita mamɔma a zɔ̀bleri bɛ. À zú o à i kɛ̀, zia kɔngɔ idɛ'idɛ é da zɛ́n. Aɔ̃ bè: Auo, wé i gãalɛmɛ.
465	GEN 19:7	à bè: O'o ma gbɛ̃nɔ, àton yã zaaa kɛro.
550	GEN 22:2	Ben Luda bènɛ: Ǹ n nɛ́ mɛ̀n doo kɛ̀ ń yezi Isaaku sɛ́ ǹ gáo Mɔria bùsun, ǹ sa'opɔ kɛ̀ wè ká tɛ́n à tɛ́ kũ oo kpiii kɛ̀ mɛ́ onnɛɛa.
551	GEN 22:3	Kɛ̀ à fɛ̀ɛ kɔngɔ idɛ'idɛ, à gàari yì a zaakinɛ, ben à a zĩkɛrinɔ sɛ̀ gɔ̃ɔn plaa kɔ̃n a nɛ́ Isaaku pìo. À sa'oyaka pàra, ben à dà zɛ́n, èe gaa guu kɛ̀ Ludaa ònɛn.
554	GEN 22:6	Ibraĩ sa'oyaka sɛ̀ à dì a nɛ́ pìnɛ, ben à tɛ́ kũna kɔ̃n fɛ̃ɛo, aɔ̃ɔe gaa lɛdo.
556	GEN 22:8	Ben Ibraĩ bè: Ma nɛ́, Luda bé eé sa'osã kpá. Ben aɔ̃ɔ tɛ́kɔ̃zi wèe gaa.
557	GEN 22:9	Kɛ̀ aɔ̃ kà guu kɛ̀ Ludaa ònɛn, à sa'okii bò gwe à yàka kpàkpaàla, ben à a nɛ́ pì yì à dà yàka pìla sa'okii musu.
561	GEN 22:13	Ibraĩ wɛ́ɛ sɛ̀, ben à sãkaro è líwakaa kà à kobazi. Ben à gàa à à kũ̀ à sa'opɔ kɛ̀ wè ká tɛ́n à tɛ́ kũ òo a nɛ́ gɛ̃ɛ ũ.
565	GEN 22:17	mɛ́ aubarika dangu mà n borii kaarannɛ lán sɔsɔnɛnɔ bà, aɔ̃égɔ̃ pari lán ísialɛ bùsu'ãatɛ̃ bà. N boriinɔ égɔ̃ gbãa vĩ n ibɛɛnɔa.
612	GEN 24:20	Ben à a lo'i kà pɔ́nɔ ímibɔn gɔ̃ɔ, à lìara à bàa lɛ̀ à gàa à í tɔ́ lɔ̀gɔn, ben à í tɔ̀ lakuminɔnɛ píngi.
654	GEN 24:62	À mɔ̀ à lè Isaaku sù kɔ̃n lɔ̀gɔ kɛ̀ wè be Ludabɛ̃ɛkɛema'eeo à vɛ̃̀ɛ Nɛgɛvi bùsun.
670	GEN 25:11	Ibraĩ gana gbɛra Luda aubarika dà à nɛ́ Isaakun. À vɛ̃ɛna Ludabɛ̃ɛkɛema'ee lɔ̀gɔ saɛ.
683	GEN 25:24	Kɛ̀ à nɛ́'igurɔɔ kà, ben à sìkanɔ ì gɔ̃gbɛ̃nɔ ũ.
718	GEN 26:25	Gwen à sa'okii bòn à Dii sìsi. Ben à bùra kàɛ gwe à gbɛ̃nɔɔ e lɔ̀gɔ yɔ̃ɔ.
732	GEN 27:4	Ǹ ma pɔyezi dò kuku ǹ mɔ́omɛ mà ble, mɛ́ sa'olɛ kɛnnɛ lɛ mà kpɛ́ mà ga.
735	GEN 27:7	à gá à nɔ̀bɔ dɛare à a pɔyezi dò kukuoare à ble, é sa'olɛ kɛnɛ kɔ̃n Dii tɔ́o lɛ á kpɛ́ à ga.
738	GEN 27:10	nɛ́ gáonɛ à ble, eé sa'olɛ kɛnnɛ lɛ à kpɛ́ à ga.
740	GEN 27:12	Tó ma de ɔ kɛ̀ma, tó à ma dɔ̃, eé be mɛ́ɛ a kɛɛ pãpãmɛ, eé lɛ́ kɛmɛ sa'olɛ gɛ̃ɛ ũ.
747	GEN 27:19	Yakubu wèàla à bè: Mámbe Isau n daudu. Lán ń òmɛ nà, má kɛ̀ lɛ. Ǹ fɛɛ ǹ vɛ̃ɛ ǹ ma ɔzĩi ble lɛ ǹ sa'olɛ kɛmɛ.
751	GEN 27:23	Ben èe à dɔ̃ro, kɛ̀ à ɔɔnɔ kã vĩ lán Isau pɔ́ bà yãnzi. À yezi à sa'olɛ kɛnɛ,
753	GEN 27:25	Ben à bè: Ǹ pɔ́ kpáma mà n ɔzĩi ble, mɛ́ sa'olɛ kɛnnɛ. Kɛ̀ à dìɛnɛ, ben à blè. À mɔ̀nɛ kɔ̃n wɛ̃ɛo, à mì dɔ.
755	GEN 27:27	Ben à sɔ̃̀zi à lɛ́ pɛ̀a. Kɛ̀ Isaaku à pɔ́kãsãanɔ gũu mà, ben à sa'olɛ kɛ̀nɛ à bè: Ma nɛ́ gũu dɛ lán buraa kɛ̀ Dii aubarika dàn bà.
758	GEN 27:30	Kɛ̀ Isaaku sa'olɛ kɛ̀ Yakubunɛ à yã̀a, ben Yakubu gù à kiia. Kɛ̀ à vĩ̀i sù kɔ̃n tofekao gɔ̃ɔ,
759	GEN 27:31	ben à pɔ́blee kɛ̀ a denɛ dɔ à gàaonɛ, ben à bènɛ: Baa! Ǹ fɛɛ ǹ ma ɔzĩi ble ǹ sa'olɛ kɛmɛ.
761	GEN 27:33	Yã pì Isaaku swɛ̃̀ zɔ̃̀ èe lugalugaa à bè: Dé bé à nɔ̀bɔ dɛ̀ à mɔ̀omɛ yã ai ǹgɔ̃ gá su má sò? Ma sa'olɛ kɛ̀nɛ kɔ̀, àmbe eé aubarika e.
762	GEN 27:34	Kɛ̀ Isau a de yã pì mà, à pũ̀tã à ɔ́ gbãaa dɔ̀ à kɛ̀ wɛ̃nda, ben à bè: Baa! Ǹ sa'olɛ kɛmɛ dɔ.
763	GEN 27:35	Ben à bè: N dãaro mɔ̀ kɔ̃n ɔ̃ndɔ̃ɔo à n sa'olɛ sì kɔ̀.
764	GEN 27:36	Ben Isau bè: À tɔ́n Yakuburoo? À ma kɛkɛ à kɛ̀ gɛ̃̀n plaan gwe sa. À ma daudukɛzɛ sìma yã, ben à ma sa'olɛ sìma tia dɔ. Mɛ́ sa'olɛ e dɔroɔ́?
766	GEN 27:38	Isau bè a denɛ: Baa, sa'olɛ beeen ń vĩ adoɔ́? Ǹ sa'olɛ pãnde kɛmɛ dɔ Baa. Ben Isau wii gbãaa lɛ̀.
769	GEN 27:41	Isau íbɛtɛ sɛ̀ kɔ̃n Yakubuo sa'olɛ kɛ̀ à de kɛ̀nɛ yãnzi, ben à bè a nɔ̀sɛ guu: Ma de gaa zã̀ro, gbasa mɛ́ ma dãaro dɛ.
775	GEN 28:1	Ben Isaaku Yakubu sìsi à sa'olɛ kɛ̀nɛ à yã dànɛ à bè: Ǹton nɔɔ sɛ́ Kanaa nɔgbɛ̃nɔ tɛ́ro.
780	GEN 28:6	Isau mà Isaaku sa'olɛ kɛ̀ Yakubunɛ à à gbàrɛ Mɛsɔpɔtamia lɛ à nɔɔ sɛ́ gwe. Kɛ̀ à sa'olɛ pì kɛ̀nɛ, à bè àton nɔɔ sɛ́ Kanaa nɔgbɛ̃nɔ tɛ́ro.
788	GEN 28:14	N boriinɔ égɔ̃ pari lán bùsuti bà, aɔ̃é dagula ɔfãntɛ̃bɔɛ kpa kɔ̃n ɔfãntɛ̃gɛ̃kpɛn-o kɔ̃n gu'igbãrooo kɔ̃n sɔɔmɛtɛo. Anduna bori píngi é aubarika e mpi kɔ̃n n boriio gãzĩ.
831	GEN 29:35	À ɛ̀ara à nɔ̀ sì dɔ à nɛ́ ì gɔ̃gbɛ̃ ũ à bè: Kɛ̀kii sa ma Dii sáabu kpà, ben à tɔ́ kpànɛ Yuda. Ben à nɛ́'ii zɛ̀.
840	GEN 30:9	Kɛ̀ Lea è a nɛ́'ii zɛ̀, ben à a zĩkɛri Zilipa kpà Yakubua nɔɔ ũ dɔ.
941	GEN 32:13	Mpi sɔ̃, n bè nɛ́ aubarika damagu nɛ́ ma borii kaara lán ísialɛa bùsu'ãatɛ̃ bà weé fɔ̃ wà ń naroro ń pari yãnzi.
981	GEN 33:20	Gwen à sa'okii bòn, à tɔ́ kpànɛ Luda Isarailinɔ Luda.
1019	GEN 35:7	À sa'okii bò gwe, ben à tɔ́ kpà guu pìnɛ Bɛtɛli Luda, zaakɛ gwen Luda bɔ̀ à mɔ̀zin gurɔɔ kɛ̀ èe bàa sii a vĩ̀inɛ.
1028	GEN 35:16	Ben aɔ̃ fɛ̀ɛ Bɛtɛli wà dà zɛ́n. Kɛ̀ aɔ̃ kà kĩi kɔ̃n Ɛflatao, Rasɛli nɛ́'igurɔɔ kà, ben nɛ́'ii kɛ̀a zĩ'ũ.
1029	GEN 35:17	Nɛ́'iwãwãa à kũ̀ gbãa, ben nɛ́sɛɛri bènɛ: Ǹton vĩa kɛro, n nɛ́gɔ̃gbɛ̃ ì dɔ.
1103	GEN 37:19	Aɔ̃ bèkɔ̃nɛ: À gwa, nana'ori e mɔɔ kãaa.
1109	GEN 37:25	Ben aɔ̃ vɛ̃̀ɛ wèe pɔ́ blee. Kɛ̀ aɔ̃ wɛ́ɛ sɛ̀, aɔ̃ Sumaila bori laatarinɔ è, aɔ̃ bɔ̀ Giliada bùsun aɔ̃ɔe gaa Igipiti. Aɔ̃ lakuminɔɔ dò pɔ́nɔ kɔ̃n lí'ɔ ɛ̃zɛ̃o kɔ̃n lí'ɔ gũ nnannaao sɛna.
1120	GEN 37:36	Midiã pìnɔ sɔ̃ Yusufu yà Pɔtifaa Igipiti. Fili'auna ìba kemɛ, àmbe à dogarinɔ gbɛ̃nsi ũ.
1151	GEN 39:1	Kɛ̀ Sumaila boriinɔ kà kɔ̃n Yusufuo Igipiti, ben Igipiti gbɛ̃ Pɔtifa à lùḿma. Fili'auna ìba kemɛ, àmbe à dogarinɔ gbɛ̃nsi ũ.
1174	GEN 40:1	Beee gbɛra Igipiti kí Fili'auna wɛ̃kpaatɛri kɔ̃n a burɛdikɛrio taari kɛ̀nɛ.
1184	GEN 40:11	Má Fili'auna togo kũna, ben ma geepi bɛɛ pìnɔ sɛ̀ má fɛ̃̀ à togoo pì guu má kpàa.
1186	GEN 40:13	Gurɔ aagɔ̃ɔ gbɛra Fili'auna é n mì sí. Eé ɛara à n da n zĩi guu, nɛ́ ɛara ǹgɔ̃ geepiwɛ̃ɛ bɔɔnɛ lán nɛɛ̀gɔ̃ kɛɛ nà yã.
1187	GEN 40:14	Tó yã bɔ̀nyo nna, ǹ tó ma yã gɔ̃ dɔngu. Ǹ gbɛ̃kɛɛ kɛmɛ ǹ ma yã o Fili'aunanɛ lɛ à ma bɔ kpɛ́siaa kɛ̀ guu.
1190	GEN 40:17	Gbíi kɛ̀ kú musu, burɛdi bori parii kɛ̀ má kɛ̀ Fili'aunanɛ ká à guu, ben bãanɔɔ e blee ma musu.
1192	GEN 40:19	Gurɔ aagɔ̃ɔ gbɛra Fili'auna é n mì zɔ̃ à n logo lía, bãanɔ é n ble.
1193	GEN 40:20	À gurɔ aagɔ̃dee sɔ̃ Fili'auna igurɔ làa kɔ̃kɔ̃mɛ, ben à pɔ́blee kɛ̀ a ìbanɔnɛ. À wɛ̃kpaatɛri kí kɔ̃n burɛdikɛri kío bɔ̀ɛ kpɛ́n a ìbanɔ wáa.
1197	GEN 41:1	Wɛ̃̀ plaa papana gbɛra Fili'auna nanaa ò, à è á zɛna Nili lɛ́a.
1200	GEN 41:4	Ben zù yãyãna wɔ̀zɔgɔwɔzɔgɔ pìnɔ zù maa mɛ̀kpana pìnɔ mɔ̀mɔ, ben Fili'auna vù.
1202	GEN 41:6	Ben à ése sáko wɛ́ɛ wodowodoo kɛ̀ lou'i kɛ̃̀sãḿmanɔ è, à pìa ń gbɛra dɔ sáko swɛɛplaa.
1203	GEN 41:7	Ben ése sáko wɛ́ɛ wodowodoo pìnɔ ése sáko maa wɛ́ɛdee pìnɔ mɔ̀mɔ. Kɛ̀ Fili'auna vù, à è nanaan á ò.
1205	GEN 41:9	Ben wɛ̃kpaatɛri kí fɛ̀ɛ à yã ò Fili'aunanɛ à bè: Taari kɛ̀ má kɛ̀ yãa dɔ̀magu gbã̀a.
1210	GEN 41:14	Ben Fili'auna gbɛ̃ zĩ̀ wà Yusufu sísi, ben wà gàa wà à bɔ̀ wɛ̀ɛn kpakpaa. À mì bò à a pɔ́kãsãanɔ lìɛ, ben à gàa Fili'auna kiia.
1211	GEN 41:15	Ben Fili'auna bènɛ: Ma nanaa ò, gbɛ̃kee e fɔ̃ à à bɔkɔ̃tɛna òmɛro. Má mà wà bè tó wà ònnɛ, nɛɛ̀ fɔ̃ ǹ à bɔkɔ̃tɛna ońnɛ.
1213	GEN 41:17	Ben Fili'auna bènɛ: Ma nanaa guu má è má zɛna Nili lɛ́a.
1219	GEN 41:23	Ben má è ése sáko teee wɛ́ɛ wodowodoo kɛ̀ lou'i kɛ̃̀sãḿmanɔ pìa ń gbɛra dɔ sáko swɛɛplaa.
1223	GEN 41:27	Zù yãyãna wɔ̀zɔgɔwɔzɔgɔ mɛ̀n swɛɛplaaa kɛ̀ aɔ̃ bɔ̀ɛ wà tɛ̀ à káakupɔnɔ kpɛɛ pìnɔ nɛ́ wɛ̃̀ swɛɛplaamɛ. Lɛmɛ ése sáko wɛ́ɛ wodowodoo kɛ̀ lou'i kɛ̃̀sãḿma sáko swɛɛplaaa pìnɔ dɛ lɛ dɔ. Beeenɔmɛ wɛ̃̀ swɛɛplaaa kɛ̀ dekaa é ká ũ.
1233	GEN 41:37	Yã pì kɛ̀ Fili'aunanɛ kɔ̃n a ìbanɔ ń píngi,
1239	GEN 41:43	À a sɔ̃goro plaadee kpàa táa'obɔ ũ, ben gbɛ̃ kɛ̀ aɔ̃ɔ dɔnɛ aɛnɔ ègɔ̃ pataa: À kúɛ! À kúɛ! Lɛmɛ Fili'auna tò Yusufu gbãa vĩ Igipiti bùsun lɛ.
1241	GEN 41:45	À tɔ́ kpànɛ Zafɛna Panɛa, ben à Ɛliɔpɔli wɛ́tɛ sa'ori Potifɛra nɛ́nɔgbɛ̃ Asɛna kpàa nɔɔ ũ.
1242	GEN 41:46	Gurɔɔ kɛ̀ Yusufu zĩi sɛ̀ Igipiti kí Fili'auna bɛ, à wɛ̃̀ baaakurimɛ. Ben à bɔ̀ Fili'auna kiia à gàa à lili ò Igipiti gu píngia.
1245	GEN 41:49	A blɛwɛɛ kàkɔ̃a bítabita lán ísialɛ bùsu'ãatɛ̃ bà, ben wà zɛ̀ à zaka lɛ́ yɔ̃naa, kɛ̀ weé fɔ̃ wà à lɛ́ dɔ̃ro yãnzi.
1251	GEN 41:55	Kɛ̀ nɔaa gɛ̃̀ Igipitinɔn píngi, aɔ̃ wii lɛ̀ Fili'aunanɛ à pɔ́blee kpáḿma. Ben à bèńnɛ ń píngi: À gá Yusufu kiia à kɛ lán eé oare nà.
1262	GEN 42:9	Nanaa kɛ̀ à ò yã ń yã musu dɔ̀n, ben à bèńnɛ: Gu'asiigwarinɔn a ũ, a mɔ wa bùsu kɛ̃sãkii gwamɛ.