321	GEN 13:2	Abelam ya fagogo wananaha; ena bulumakau, sipi, siluba yo gole sa ouli wananaha.
322	GEN 13:3	Negebi yai ya lau nuꞌu hesa - hesa yai ee–, ya mahano lau edi aba pei palai bwaꞌibwaꞌina yai, Beteli yo Ai atiꞌatipudi yai;
328	GEN 13:9	Tanohi hola mahudoꞌina - ta faitamodaili; yena wa lau tefa seuseuli, yau haba E lau tefa siba, na yena wa lau tefa siba haba yau E lau tefa seuseuli.
333	GEN 13:14	Lota haꞌa ya lau na mulina yai Guyau ya libalau Abelam lisina, iyen, Em aba obiꞌobiyo yai matam u falaba hitin be u itaꞌita leu, u itaꞌita sai, u itaꞌita hasa yo u itaꞌita lidi;
385	GEN 16:3	Fuyana Abelam ya miyamiya Kanana nuꞌuna yai bolima safuhudohudoꞌi mulidi yai, laulau te ya tubu; Salaiya ena tau paisowa Hagala ya lawen lahuna Abelam lisina. In Idipi waihinna na ya felen be ya famala lahuna.
1109	GEN 37:25	Habahim sa taꞌai be sa kalahe; na sa itaꞌita lau mate Midiyan dodogadi Isamaiyeli laulauwewena tau uneꞌune Gileyada yai sa laolaoma sa itadi. Edi kamela hewadi yai mate mulamula hahahana yo panepanedi sa husanidi na sa lau Idipi.
1203	GEN 41:7	Witi maihawadi kikiꞌina mate witi maihawadi lalaꞌi yo laulau idahedi faligigi luwaga sa domdi. Habahim Falo ya obiyo; ya nuwatuhu lobahi mate, eno suwai.
1222	GEN 41:26	Bulumakau tubutubudi faligigi luwaga aniyona mate bolima faligigi luwaga, yo hinaga witi kuludi laꞌadi loholohodi faligigi luwaga; aniyodi gonogonowadi.
1245	GEN 41:49	Diyosepa kalahe boluna ya pei gogonidi, doha gabogabo gelegeledi; sa ouli wananaha, be fatili ya fatautau.
1385	GEN 45:26	Sa faliba tiyen, Diyosepa ma mwahumwahulina! In mate Idipi mahudoꞌina ya ita watan. Iyakobo ya tauhiti; hige i kawawananahaꞌedi.
1451	GEN 47:30	Egu fanuha bena afa tamagu edi aba boꞌusaidi ainiya wa boꞌusaigu; Idipi i otawa na au lawegu somo yai edi aba toledi. Alinana Diyosepa ya fafuyo, iyen, Somo wa falibagu haba E lau watan. Iyakobo iyen, U angwala mate, haba wa lau-watan.
1457	GEN 48:5	Lahaina yai, hola hige ya laowa Idipi na nanatum luwaga tatau, Ifelaim yo Manase haꞌa sa tubu haba aiꞌegu; doha nanatugu tatau Leubena yo Simiyon.
1458	GEN 48:6	Yena nanatum hahaisa sa tubu mulidi yai, mate um enehem; Na ai muli tanohina sa soiyen mate Ifelaim yo Manase ai hesadi haba nanatum hahaisa edi tefa sa feledi.
1469	GEN 48:17	Maihalana yai Diyosepa ya ita mate tamana sibana ya tole Ifelaim boluboluna yai, be nuwana ya heyaya; yo fede ya abilau tamana nimana Ifelaim boluboluna yai, ya tohai na bena ya tole lawen Manase ai boluboluna.
1595	EXO 3:15	Isalaela u falibadi mate, Yau, Yaubada! Abelaham, Isako, yo Iyakobo, edi Yaubada. Logena, ya duigu be E laoma lisimiu. Hesagu te, haba ya ota esegahi; hiti mulita mahudoꞌidi haba hesagu sa atahi doha. U lau be Isalaela baꞌibaꞌisadi u yoga gogondi na u falibadi mate, Yau Guyau Yaubada, haꞌa E taumahata wahawahamiu yo umi hinaga lisimiu yai. Yo fede, Yaubada iyen, U falibadi mate, Yau E laoma lisidi be somo Idipi sa ginauli lisidi yai, haꞌa E itadi.
1923	EXO 15:2	Guyau tau sagusaguhigu adiꞌadidilina; yo in agu lili, in tau fofofahigu. In egu Yaubada haba E fadebasae. Tamagu ena Yaubada, haba E tole hitin.
1924	EXO 15:3	Guyau mate, tau hiyala; Hesana mate Guyau.
1926	EXO 15:5	Gabogabo ya fakoudi; sa bulu lidi badamna yai doha umeꞌehu.
1930	EXO 15:9	Waiyunu ya nuwa saesae iyen, “Haba E weꞌa watanidi be E fafuyodima; edi gogo haba E soiyedi, na somo E fanuha haba E abi aiꞌegu; haba egu baineti E abi na E wunuidi.”
1931	EXO 15:10	Wa yahafuwa lau, yo fede, Idipi sa kapulolo; sa bulu gabogabo yai, doha somo mwahumwahuna ya bulu.
1935	EXO 15:14	Dodoga sa atahi, be ꞌwasabu ya famohafudi; Filisitiya dodogadi nuwadi sa dagugu.
1936	EXO 15:15	Idom babadadi, aluwadi sa potifahi, Mowabi edi tatau menamenadi, sa tabutabubu; na Kanana dodogadi nuwadi sa welo.
1942	EXO 15:21	Miliyam edi ya wana, Au wana lau Guyau lisina, paꞌana ada waiyunu haꞌa ya lei hafihafitidi; hosi yo tau awaidi ya fakapulolodi.
1946	EXO 15:25	Mose ya lauꞌuꞌula lau Guyau lebena, be Guyau oyagi piꞌana Mose ya faꞌita, na ya pei lawen hoꞌowa yai; yo fede, hoꞌowa wa, amnana ya loholoho. Amainiya, Guyau laugagayo ya feledi, be bena sa lau watanidi, yo amainiya hinaga ya lau itadi.
1969	EXO 16:21	Hwalahwalala ouꞌouli esega - esega ana ya tano, gonogonowana yai; na maihala ya gigibwali, somo ota fahina tanohi yai, sa welo.
2048	EXO 19:21	Habahim Guyau ya libalau lisina iyen, U fuyo lidi be dodoga u liba fanuwa tagudi tabu adi sigasiga ti diꞌoidi be ti laoma ti itagu; yena sa dudu be sa laoma, boludi haba sa peꞌi.
3848	NUM 6:24	“Guyau ena loholoho lisimiu yai yo i bobodiyemiu;
3849	NUM 6:25	Nenena i fasina lisimiu yai yo i fanuwatohatohaemiu;
4105	NUM 13:29	Amaleki dodogadi Negebi yai sa miya; Hiti, Debusi yo Amoli dodogadi nuꞌu uduꞌuduhulina yai sa miya na Kanana dodogadi gabogabo sadaina yo Diyodan hoꞌowana sa miya watan. Sa laꞌi wananaha.
4436	NUM 23:19	Yaubada hige i laulau bwalabwala doha ita dodoga; Yaubada hige nuwana i buibuiꞌi doha ita. Somo ya liba fasunuma mate ya ginauli watan. Ya liba moho na ginauli sa tubu.
4483	NUM 25:11	Ibege ya manabala fuyo! Finiyasi laulau somo ya ginauli mate yau haꞌa egu nuwanuwatuhu doha. In ibege i ita afuledi be yaubada hahaisa ti fafadebasaedi; Yau moho emi Yaubada haba ami fadebasaegu. Logena, egu manabala in ya fatuwa funuhi, be Isalaela hige ya faheyayadi.
4579	NUM 27:23	Mose, Diyesuwa ya fasinabo bena falau fadamahina; nimana ya tole lawedi hewana yai, be haba in dodoga tau foyahidi, doha haꞌa Guyau, Mose ya faliba.
5115	DEU 7:2	Fuyana ya biya afuledi nimamiu yai, be ami lei hafihafitidi mate, bena ami wunu faꞌofidi; tabu au nuwatohatohaedi, yo tabu maidamiu yali au ginauli.
5155	DEU 8:16	Ya fakalahemiu mena yai, nuꞌu pitapitalina yai. Mena te beyabeyana afa wahamiu hige ti anꞌanniꞌi. Guyau doha ite ya ginauli lisimiu yai; ya nuwa lidilidiyemiu yo bena ya lau itamiu, be ai ofiꞌofina haba loholoho ya leyawa lisimiu.
5401	DEU 18:15	Guyau emi Yaubada haba peloweta hesa doha yau, ai ganahewamiu ya faꞌobiyo; na bena ami ataꞌatahi lau lebena.
5404	DEU 18:18	Peloweta hesa haba E faꞌobiyo doha um, hidamiu hesa, ai ganahewamiu; ginauli mahudoꞌina E faliba haba ai moꞌana ya falibamiu.
5408	DEU 18:22	Yena peloweta Guyau ai hesana somo ya libaen, na hige i tubu mate wasa ni, hige Guyau lisina yai i laoma. Peloweta ni, iyabona ena nuwatuhu yai ya libaliba; tabu au ꞌwasabuwen.
5959	JOS 6:8	Diyesuwa somo ya falibadi, doha sa ginaulidi: Habahim, tau hiyala pele hesa sa bwaꞌi; mulina yai, tau antalasam bwagigi sa yufi; atipu yai, tau antalasam, iti laugagayo tau baheina, mulidi yai, hiyala pele hesa. Ma esega, bwagigi sa yufidi, dagugudi.
5962	JOS 6:11	Habahim, tatau mahudoꞌidi ya falibadi, be Yaubada ena Laugagayo Aba Husaꞌina sa iloloi, be duhu balabalamumu sa fataꞌiꞌili ma esega, habahim, sa fiyoma edi aba miya yai; amainiya sa eno.
5963	JOS 6:12	Bobon ma hwalahwalalana, Diyesuwa ya obiyo. Itete haba lahai fafaluwagana, tau antalasam yo hiyala tataudi duhu balabalamumu wa sa fataꞌiꞌili bodai gonogonowana doha bon: Bwaꞌibwaꞌidi tau hiyala pele hesa; mulina yai, tau antalasam faligigi luwaga, bwagigi tau yufidi; atipu yai, Laugagayo tau baheina; mulidi yai, hiyala pele hesa. Itete, fafaluwagana, bwagigi sa yufidi, alinadi.
5967	JOS 6:16	Fafaligigi luwagana yai sa taꞌiꞌili, tau antalasam begana haba bwagigi sa fadagugu, na Diyesuwa tatau mahudoꞌidi ya falibadi be sa halabo, yo iye, Nuꞌu te Yaubada haꞌa ya feleda! Duhu balabalamumu yo ginauli mahudoꞌidi ganahewana yai bena ami faheyaya esegahidi; ya famala eda antalasam Yaubada eda Guyau, enahena.
7165	RUT 2:14	Kalahe fuyana yai Bowasi ya libalau Luta lisina, iyen, U laoma, be fwalawa tefana u abi, na u bwalui ai liꞌu. Yo fede, ma afa haidana tau paisowa sa taꞌai, na Bowasi kalahe gabugabudi haisa ya fatamali lawen lisina. Ya anꞌan ee–, bogana ya yahayaha. In moho, ana kalahe ya antole; hige i faꞌofidi.
7185	RUT 3:11	Luta, atabahim, tabu u mode. Yau haba ginauli mahudoꞌidi wa fanufanuhadi E ginaulidi; doha dodoga nuꞌu yai te haꞌa sa sibaim, mate um waihin loholohona.
7244	1SA 2:2	Hige sai hesa fafatabuna doha Guyau; Hige sai hesa sadaim yai. Hige poꞌa hesa, tau bobodiyenda, doha eda Yaubada, Hige sai hesa i itaꞌita wata doha Um, ema Yaubada.
7245	1SA 2:3	Tabu keke hesana au atahi; Nuwa saesae au fatautau. Paꞌana Guyau Yaubada ginauli mahudoꞌina ya sibaidi, be emi laulau haba ya fakasadi.
7246	1SA 2:4	Guyau, um tau hiyala edi kukupidu tau dem pwaipwaidi; na dodoga belubeludi wa faꞌadidilidi.
7249	1SA 2:7	Haisa Guyau ya fagogo gesagesadi na haisa ya fagogodi; haisa ya tole lidilidiyedi, na haisa ya tole hitinidi.
7283	1SA 3:5	Ya obiyo be ya tafo lau Eli lisina, iyen, Wa yogaigu. Yau ite. Na Eli iyen, Yau hige ya yogaim; u fuyo u eno. Be Samuwela ya fuyo ya eno.
7284	1SA 3:6	Guyau ya yoga fuyo, iyen, Samuwela! Samuwela ya obiyo be ya lau Eli lebena, iyen, Wa yogaigu. Yau ite. Eli ya faliba iyen, Natugu, yau hige ya yogaim; u fuyo u eno.
7376	1SA 8:5	Sa faliba tiyen, Wa tautaulaꞌi yo nanatum em laulau hige ti lau watanidi; aho te kin u fasinabo. Haba ya foyahida, be ita haba doha nuꞌu hahaisa dodogadi, maꞌedi kin.
7426	1SA 10:6	Maihalana yai ni, Guyau Yaluwana ma gigibwalina haba ya luhufim be ma afa haidam haba ena liba ami fatala yogayogaꞌen; na Guyau haba nuwam ya fafalifalihu fuyoi.
7608	1SA 16:11	Yo fede ya fatiꞌo lau Desi lisina, iyen, Nanatum tatau mahudoꞌidi logedi itete? Desi iyen, Higeꞌe. Tau mulita wananaha hola hige i laoma. In, sipi ya itaꞌita watandi. Na Samuwela iyen, Ana liba au fatamali be i laoma; ibege hola ta anꞌangogo ana siga ee–, ya mahanoma.
7685	1SA 18:7	Wawahin wana sa wanawanai yo sa leꞌileꞌi. Tiyebom, Saulo waiyunu 1,000 ya wunuidi; In moho, Deiwidi mate 10,000!
8274	2SA 11:12	Habahim, Deiwidi ya libalau Ulaiya lebena iyen, Aho te, aiteꞌi u miya; bobon haba E fatamali fuyoim. Yo fede, lahaina yai ni Ulaiya ya miya Yelusalem yai.
9365	1KI 18:21	Habahim Ilaidiya dodoga matadi yai ya obiyo na iyen, Nuwamiu hige au fadosidi feufeulaidi, paꞌana nuwatuhu luwaga sa faiꞌabi ganahewamiu yai. Yena Guyau, in Yaubada, beti au famuli watan; na yena Baꞌala, in yaubada, beti au famuli watan! In moho, dodoga hige somo ti libaen.
12894	JOB 1:21	Na iyen, E tubuma, ma tau afaꞌafagu. Na ma tau afaꞌafagu haba E peꞌi. Guyau somo ya felegu, haꞌa ya fafuyo; In moho, Guyau E fadebasae.
12912	JOB 3:4	Lahaina ni u bui be i kamumu; Haba Yaubadana ibege i modeꞌen. Tabu mala i sina, ai hewana.
12914	JOB 3:6	Iꞌipa, kamumu i abi didini; Tabu edi fuya yosigu lahaina ti fatili esegahi, egu fuya tubu lahaina ti saufahi!
12939	JOB 4:5	In moho aho pilipili wa fafahoina. Lisina yai mate nuwam ya belubelu; ya oi tawaim, yo fede, haꞌai! Em adidili ya ofi.
13936	JOB 42:10	Afa haidana faihona enehedi ya lauꞌuꞌula; mulina yai habahim, Guyau, Diyobi ya fagogo fuyoi. Ena ginauli asiꞌasinadi ya lau fadamahi fuyoꞌidi, yo hewadi yai hinaga ya falau tawa fuyoi.
13947	PSA 1:4	Dodoga heyaheyayadi edi laulau hige doha ite; iti doha hawahawa wenuna hwayahwayau ya yofohi.
14024	PSA 8:3	Wawaya nom haꞌa sa dabu, yo ma nomnomdi haba sa fadebasaen. Ami waiyunu lisidi yai haba ya ita watanimiu, yo ya bobodiyemiu; Sai haba ya fakamkamnamiu.
14305	PSA 27:3	Ibe sa fataꞌiꞌiligu; ibege ya ꞌwasabu. Yo yena agu halulu sa laoma, haba nuwagu ya adidili.
14308	PSA 27:6	Habahim, E tamahiti, be agu waiyunu sa fataꞌiꞌiligu E tiꞌe tawaidi be ibege ti lei hafihafitigu. Em luma fatabuna yai haba egu antalasam E ginauli ma wowogu; Haba E wana yo dagugu loholohona E ginauli be Guyau E fadebasae.
14311	PSA 27:9	Yau em tau lau fayofayo! Tabu u manabalaꞌegu be u taꞌai mulimuliyegu. Um tau sagusaguhigu, Yaubada, um tau famwahuligu; tabu u nuwa afulegu.
14412	PSA 34:5	E lauꞌuꞌula lau Guyau lisina be ya atahi; yo egu ꞌwasabu mahudoꞌidi yai ya fasagu fahigu.
14419	PSA 34:12	Nanatugu, au laoma be au ataꞌatahi; Guyau fafaꞌatitina haba E fatalahamiu.
14423	PSA 34:16	Guyau tau laulau dudulai ya bobodiyedi, na yena edi tan ya atahiyedi haba ya fasagufahidi;
14424	PSA 34:17	na nenena ya fasana hudoꞌiyen, tau heyaya lisidi yai; yo sa peꞌi, haba ya nuwa fuiyedi.
14430	PSA 34:23	Guyau haba ena tau lau fayofayo ya sagu fahidi; yo salumadi sa sunumaꞌen bena In tau saguhidi, ibege heyaya ti fahoina.
14729	PSA 51:6	Um moho lisim yai heyaheyaya E ginauli, laulau heyayana matam yai E ginauli; be fuyanna wa falibagu uwen, “Heyaya wa ginauli!” Mate, wa liba dudulai.
14731	PSA 51:8	Um wa fanuha wananaha bena ma nuwa ofi fahigu E laowa lisim, tabu ya nuwa luwaluwaga; sibasiba um wa fatalahagu.
14742	PSA 51:19	Aee–, Yaubada, nuwagu ya tamo golugolu mate egu antalasamna logena; Yaubada um nuwa lidilidi yo nuwa talu wa fanuha.
14948	PSA 67:4	Yaubada! Dodoga ti fadebasaem; dodoga mahudoꞌidi ti fadebasaem!
14951	PSA 67:7	Habahim gabu anꞌandi sa anaho; Yaubada Eda Yaubada ya aiꞌainauyaida.
15460	PSA 90:17	Guyau ema Yaubada, u ainauyaimai; ema paisowa hinaga ti loholoho.
15522	PSA 95:2	Te laoma lisina ma lautoꞌida; dagugu laꞌilaꞌi te ginaulidi yo te wana ma kwadeda ya lau lisina.
15855	PSA 110:1	Guyau ya libalau egu Guyau lisina; Ai sibagu u taꞌai ya lau ee–, am waiyunu E abidi, be ahem ubuna yai E toledi.
16315	PSA 139:8	Ibe E hasai galewa, um amainiya; ibe E peꞌi be sa boꞌusaigu, um hinaga amainiya.
16320	PSA 139:13	Tinagu bogana ganahewana yai wa itagu; um ibom moho wa siba yau amainiya, kamumu ganahewana yai. Taugu mahudoꞌidi wa ginaulidi, wa fasusu gogondi tinagu bogana ganahewana yai. E fadebasaem paꞌana wa ginauli loholohoꞌigu yo wa ginauli komakomanigu. E siba wananaha em paisowa sa fanuwa noꞌonoꞌo wananaha.
16709	PRO 9:1	Sibasiba ena luma ya ginauli; ana duhu faligigi luwaga uliꞌulidi ya tadidi.
16710	PRO 9:2	Kalahe ya abi nonohai mataꞌasi laꞌilaꞌi ana yo ana wain ya faꞌasi; ena fatafata hinaga ya abi nonohai.
17127	PRO 23:13	Natum ya lau pono u fadudulai. Tabu u ita afulen; ibe wa pidili, ibege i peꞌi.
17181	PRO 24:32	Ginaulidi te, E mainene komakomanidi; E fadosidi nuwagu yai be E ita lobahi.
17226	PRO 26:15	Doga ꞌwaweꞌwawewena ya fafanonoha; hige gonowana ana kalahe yai i saguhi fuyoi.
17395	ECC 1:10	Doga haba sidohana iyen, “Hola au ita! Ite ginauli falifalihuna.” Higeꞌe! Ginauli te, haꞌa beyabeyana amaiteꞌi; ita hola hige ta tubu. In, haꞌa amaiteꞌi.
17430	ECC 3:1	Ginauli mahudoꞌina maꞌana lahai; galewa ubuna yai maꞌana fuya.
17517	ECC 7:18	Ya loholoho ibe fanuwatagu libadi te ami nuwa nuwatuhuidi; sai Guyau ya faꞌatitiyen haba laulau heyaheyayadi luwaga te, ya gebaedi.
17758	ISA 2:3	be dodoga boludi haba tiyen, “U laoma, ta lau Yaubada ena tuꞌa, ta lau Isalaela edi Guyau ena Dubu Tabuna. Ena laulau haba ya fatalahada be gonowana te lau watanidi. Yaubada ena lau faꞌata mate Yelusalem yai sa tulu beꞌuma; be Saiyon Tuꞌana yai ena dodoga ya falibadi.”
17811	ISA 5:2	Tanohina ya giyali na umeꞌehuna ya tanoi; be wain loholohodi ya umahidi. Aba itaꞌita wata lumana ya ginauli, Wain uludi ena aba folofolodi galina laꞌilaꞌi sa pidi umeꞌehu yai. Habahim wain uludi edi fuya nanau ya bagiyen, in moho nanaudi mate sa tabulu.
17814	ISA 5:5	Egu wain gabuna mate haba egu abiꞌabina doha ite; wain gogolana ya in be ya yabalu haba E anꞌoiꞌidi yo ganaganana haba E lopa fahi be suisui adi banwawa yai ya fuyo.
17902	ISA 9:2	Guyau um wa fatadadadi, yo edi kwade wa falaꞌidi; be sa kwade matam yai doha dodoga lau gabu fuyana yai sa kwade, yo doha taumoho hiyala yai ginauli ya abidi na ya kwade.
18398	ISA 35:8	Ainiya haba edaꞌeda laꞌilaꞌi, hesana mate “Tabuna edaꞌedana.” Tau heyaya ibege edaꞌedana ti lau watan; salumadi sa laulau niya mate, edi edaꞌeda yo ya une fahidi haba edana sa lau watan.
18399	ISA 35:9	Laiyon ibege laꞌi ainiya; Suisui anꞌannalidi ibege laꞌi i tau bayawa lau niya. Salumadi Yaubada ya fofofahidi moho, haba edaꞌedana sa lau watan.
18494	ISA 40:4	Dahadaha au famohafudi; tuꞌa yo uduhuli au fatabatabadi. Piupiu hitidi au fadudulaidi yo mala heyaheyaya haba sa famala gon.
18496	ISA 40:6	Alina hudoꞌi ya liba iyen, “Wasa au duwai!” Yo fede E fatiꞌo, yawa, “Wasa somo haba E duwai?” Iyen, “U liba, uwen, ‘Dodoga mahudoꞌimiu mate doha hawahawa yo mula; Paꞌana ibege ti ota lofalofa.”
18499	ISA 40:9	Sai wasa loholohona wa leyama Saiyon, u hasai tuꞌa lofalofana. Ai Yelusalem wasa te, u fatala yogayogaꞌen, tabu u ꞌwasabu; Diuda taonidi u falibadi uwe, “Ma! Emi Yaubada ite!”
18501	ISA 40:11	Haba doha tau itaꞌita wata sipi ya foyahidi be sa anban; Sipi nanatudi haba ya foyahi gogonidima be ya labadi yo sipi fanafanatudi haba ya foyahidi.
18551	ISA 42:1	Itete egu tau paisowa, Yau E faꞌadidili, yo E fasinabo, nuwagu ya loholoho lisina yai; Yaluwagu haꞌa E tole lisina yai, be dudulai haba ya leyama nuꞌu ouꞌouli.
18556	ISA 42:6	“Yau, Guyau, E yogaim, yo gigibwali E felem bena E ita haba dudulai ya tubu ai tanoꞌubu. Um ai debam haba yali E ginauli dodoga mahudoꞌidi ai lebedi; Yo um ai debam Yau haba mala E leyama ai nuꞌudi.