57	GEN 3:1	Guyau Yaubada suisui yekoyekodi ya ginaulidi, na ganahewana yai mate weso lau bwalabwala yai ya sonoga wananaha, habahim suisui hahaisa. Weso ya libalau waihin lisina iyen, Oyagi gabu yai ni wananaha Yaubada ya falibamiu, “Tabu uludi au anidi?”
65	GEN 3:9	Na Guyau Yaubada ya yogalau taumoho lebena, iyen, Um somo yai?
67	GEN 3:11	Yaubada ya fatiꞌo, iyen, Sai ya falibam ma tau afaꞌafam? Oyagi uluna E laugagayoꞌen, haꞌa wa an?
69	GEN 3:13	Yo fede Guyau Yaubada ya libalau waihin lisina iyen, Somo wa ginauli? Waihin iyen, Weso ya bwalaigu be oyagi uluna E an.
86	GEN 4:6	Habahim Guyau ya libalau Kaina lisina iyen, Paꞌana somo be wa manabala? Sidohana be wa duludulu?
89	GEN 4:9	Habahim Guyau ya libalau Kaina lisina iyen, Hidam Abela somo yai? Alinana Kaina ya bui iyen, Hige ya sibai. Yau hige hidagu ya itaꞌita watan.
90	GEN 4:10	Guyau iyen, Somo wa ginauli? Tasim ꞌwasinana tanohi yai ya yogayoga hasaema lisigu.
363	GEN 15:2	Na Abelam iyen, Aee–, Yaubada Hewa Wananaha Guyauna, hola hige natugu na somo haba wa felegu? Yena E peꞌi, egu tau paisowa Damaseko dogana, Eliyesi mate, doha natugu be haba egu ginauli mahudoꞌidi ya abidi!
366	GEN 15:5	Habahim kamumu yai, Yaubada, Abelam ya lawen ena palai ganamuli yai, be ya faliba, iyen, U itaꞌita hasa galewa, be kipwala u itadi haba gonowam wa fatilidi? Um laulauwewem haba sa ouli wananaha doha kipwala.
415	GEN 17:17	Abelaham ya hoba lidi tanohi yai na ya liuhwa yo ibona ya libaliba, iyen, Yau haꞌa egu bolima 100 na haba sidohana be E fanatu? Sala haꞌa ena bolima 90 na haba gonowana ya fanatu?
434	GEN 18:9	Na sa fatiꞌoi, tiyen, Lahum Sala somo yai? Alinadi ya bui iyen, Kwalau au–, palai yai.
437	GEN 18:12	Yo fede, Sala ya liuhwa, na nuwa ganahewana yai iyen, Lahugu haꞌa ya tautaulaꞌi, yo yau haꞌa E tinalaꞌi, na haba sidohana bena E fanatu?
438	GEN 18:13	Habahim Guyau ya libalau Abelaham lisina, iyen, Paꞌana somo be Sala ya liuhwa na iyen, “Yau haꞌa E tinalaꞌi na sidohana haba E fanatu?”
439	GEN 18:14	Ginauli somo hige gonowana Guyau i ginauli? Bolima hesa lahaina doha itete, Haba E fuyoma lisim, na lahum Sala haba natuna taumoho.
442	GEN 18:17	Habahim Guyau iyebom, Somo bena E ginauli, haba Abelaham E faliba, e hafena?
448	GEN 18:23	Habahim, Abelaham ya sigilau lisina, iyen, Haba tau dudulai yo tau heyaya wa wunu gogonidi?
449	GEN 18:24	Ibe dodoga dudulaidi 50 duhu laꞌi ganahewana yai, haba sidohadi? Wananaha haba nuꞌuna wa faheyaya fahudoꞌi? E, haba nuꞌuna wa lau nuwa sahafu, dodoga 50 debadi yai?
450	GEN 18:25	Um, bena dodoga dudulaidi yo heyaheyayadi wa lau funuhi gogonidi? Mate hige laulau loholohona. Hige gonowana tau heyaya yo tau dudulai ai lisidi u ginauli doha. Tanoꞌubu tau fakasana bena laulau dudulaina ya ginauli.
453	GEN 18:28	Ibe dudulaidi 50, na faligigi sa heyaya? Haba duhu laꞌi mahudoꞌina wa faheyaya dodoga faligigi debadi yai? Guyau iyen, Ibe dudulaidi 45, hige gonowana ya faheyayadi.
454	GEN 18:29	Abelaham ya liba fuyo Guyau lisina iyen, Ibe ainiya 40 wa lobahidi, haba sidohadi? Guyau iyen, 40 debadi yai ibege somo ya ginauli ai lisidi.
455	GEN 18:30	Habahim, iyen, Guyau tabu u manabala, hola ya falibam. Na ibe dodoga 30 dudulaidi ainiya wa lobahidi, haba nuꞌuna wa faheyaya? Yaubada iyen, Yena 30 E lobahidi, ibege somo ya ginauli.
456	GEN 18:31	Abelaham iyen, Aho te, E libalau Guyau lisina, hige ya ꞌwasabu. Ibe 20 ainiya wa lobahidi, haba nuꞌuna wa faheyaya e higeꞌe? Guyau iyen, Yena 20, ibege ya lau kwaya.
457	GEN 18:32	Habahim, Abelaham iyen, Guyau tabu u manabala, na hola ya liba fuyo ma esega. Ibe safuhudohudoꞌi ainiya wa lobahidi, haba sidohadi? Alinana Guyau ya bui, iyen, Safuhudohudoꞌi ai debadi, ibege ya lau kwaya.
463	GEN 19:5	Na sa yogayoga lau Lota lisina, tiyen, Maihona yai tatau sa laoma lisim, mate somo yai? U ledima be ma afa haidamai ai luma gwaꞌu.
467	GEN 19:9	Sa yogayoga tiyen, Um sai? U suha. Um yogayoga hiti, na sidohana bena wa famala ama tanuwaga? Doꞌata ꞌe tala faheyayam. Maꞌedi Lota sa faiꞌabi, be bena edaꞌeda sa lubi lopa.
470	GEN 19:12	Yo fede, matagabano luwaga Lota sa faliba, tiyen, Afa botiyam, nanatum tatau yo wawahin e afa efam haisa duhu laꞌi ganahewana yai, e higeꞌe? U gelaedi.
555	GEN 22:7	Isako ya libalau tamana lisina, iyen, Tamagu? Abelaham natuna alinana ya bui, iyen, Natugu, somo? Isako iyen, Tauꞌala yo oyagi haꞌa ite, na ainauya sipi natuna, somo yai?
1092	GEN 37:8	Haidana sa faliba tiyen, Em nuwatuhu bena um ema baꞌisa?! Yo bena wa ita watanimai?! Ana eno suwai yo somo ya libaen lisina yai sa waiyoꞌo wananahaꞌen.
1099	GEN 37:15	mate ya fafalau gaibu na ya leu yo ya sai nuꞌuna yai. Taumoho hudoꞌi ya ita be ya fatiꞌoi, iyen, Somo wa yoꞌoyoꞌoi?
1100	GEN 37:16	Diyosepa taumoho wa alinana ya bui, iyen, Haidagu E yoꞌoyoꞌoidi. Ibe wa falibagu iti somo yai sipi sa fafaꞌanbandi?
1104	GEN 37:20	Au laoma ta wunui be ta lofe lidiyen ai hoꞌowa puluna hesa te haba tawa, “Suisui lululudi sa nali funuhi.” Haba ana eno suwai aniyona ya fawananaha, e higeꞌe?!
1110	GEN 37:26	Hidadi Diuda ya liba iye, Somo loholoho ainiya haba te abi, ibe tasida te wunui na ꞌwasinana te fui?
1114	GEN 37:30	Ya fuyo be haidana ya falibadi iye, Gwama hige amainiya! Haba somo E ginauli?
1116	GEN 37:32	Leli uliꞌulina wa sa fafuyo tamadi lisina be sa liba, tiyen, Leli te ꞌe lobahi, haga u ita komakomaniꞌi. Bena natum ana leli e higeꞌe?
1159	GEN 39:9	Hige baꞌisa laꞌilaꞌi luma yai te doha yau. Hige somo hesa i laugagayoꞌen lisigu yai. In moho hige i falibagu bena um be yau ta eno, paꞌana um mate lahuna. Sidohana haba laulau heyaheyayana te E ginauli Yaubada matana yai?
1180	GEN 40:7	Yo fede ya fatiꞌoidi iyen, Paꞌana somo nenemiu sa heyaya?
1254	GEN 42:1	Witi, Idipi yai wasana Iyakobo ya atahiyen be nanatuna ya falibadi iyen, Sidohana be ami famata kinokino?
1260	GEN 42:7	Maihalana yai haidana ya ita lobahidi, in moho bena haga in fali alina be ya fatiꞌo sagasagali lisidi yai. Iyen, Somo yai ami laoma? Alinana sa fafuyo tiyen, Kanana nuꞌuna yai ꞌe laoma, bena kalahe ꞌe une.
1483	GEN 49:9	Um doha laiyon gubugubufwauna. Am mwaiha wa wunui, na wa fuyoma. Wa eno na taum wa lolondi, doha laiyon laꞌilaꞌi adiꞌadidilina, haba sai gonowana ya fanohim?
1562	EXO 2:7	Yo fede, lofuna ya lau lisidi, be ya fatiꞌo, iyen, Gonowana E lau be Hebelu waihinina hesa E faliba be ya faseda?
1568	EXO 2:13	Bobonna ya fuyo mate, Hebelu tataudi luwaga sa lululu. Tau ponoli lisina yai ya libalau, iyen, Paꞌana somo hidam wa talai?
1569	EXO 2:14	Taumoho wa Mose ya faliba, iyen, Sai ya tolem ema baꞌisa yo tau fafalau fatala dogana? Bena wa lau funuhigu doha Idipi dogana wa lau funuhi? Yo fede, Mose ya ꞌwasabu be nuwana yai iyen, Somo E ginauli mate dodoga haꞌa sa itagu?
1583	EXO 3:3	Nuwana yai iyen, Hige ya nuwatuhu lobahi. Paꞌana somo be oyagi kiukiu ni, hige i ala ofi?
1591	EXO 3:11	Na Mose ya libalau Yaubada lisina, iyen, Yau doga gaibu. Yau sai be haba E lau Kin Falo lisina, be Isalaela E auledi Idipi yai?
1593	EXO 3:13	In moho Mose ya liba fuyo iyen, Ibe E lau Isalaela dodogadi lisidi be E falibadi, yawa, “Wahawahamiu edi Yaubada ya duigu be E laoma lisimiu, haba sa fatiꞌoigu, tiyen, “Hesana somo? Haba somo E falibadi?”
1843	EXO 12:26	Na yena nanatumiu sa fatiꞌoimiu, tiyen, “Faꞌatiti abiꞌabina te, aniyona somo?”
1882	EXO 13:14	Fuya matada yai, yena natum taumoho ya fatiꞌoim, iyen, “Laulau te ginaginaulidi te aniyona somo?” U faliba uwe, “Guyau ena gigibwali yai Idipi yai ya foya fahimai. Somo yai sa lau fayofayoꞌemai amainiya.”
1895	EXO 14:5	Fuyana Idipi edi Baꞌisa sa faliba mate Isalaela haꞌa sa gela, yo fede maꞌena tau paisowa lalaꞌidi edi nuwanuwatuhu sa buidi. Na tiyen, Paꞌana somo Isalaela te biya afuledi sa lau? Aho te hige gonowana ti paisowa boda.
1901	EXO 14:11	Mose sa faliba tiyen, Nuwana Idipi nuꞌuna hige boꞌusa, be logena wa foyaimai nuꞌu pitapitalina yai te bena ꞌe peꞌi?! Idipi yai wa foya fahimai mate somo haꞌa wa ginauli?!
1905	EXO 14:15	Habahim Guyau ya libalau Mose lisina, iyen, Paꞌana somo be ami tantan laoma lisigu? Isalaela u falibadi be ti aulaha.
1945	EXO 15:24	Dodoga sa fatalapili Mose lisina yai, tiyen, Somo haba ꞌe nom?
1963	EXO 16:15	Isalaela sa ita mate hige ti sibai, be sa fafatiꞌo fuyoꞌidi, tiyen, Ite somo? Mose ya falibadi, iyen, Guyau ami kalahe ya felemiu, bena ami an.
1976	EXO 16:28	Habahim Guyau ya libalau Mose lisina iyen, Dodoga te haba ma fisa alinagu ami moꞌa peiyedi?
1986	EXO 17:2	Sa fatalapili Mose lisina yai, tiyen, Hoꞌowa u felemai be ai nom. Mose alinadi ya bui iyen, Sidohana be Guyau ami lauꞌita? Emi nuwatuhu bena Guyau ibege i saguhida?
1987	EXO 17:3	Na dodoga mate sa gadomagu be hola sa fafatalapili Mose lebena yai, tiyen, Paꞌana somo Idipi yai wa foya fahimai be te laoma? Bena ma nanatumai yo ema yosiyosi gadomagu ya kamfunuhimai?
1988	EXO 17:4	Yo fede Mose ya lauꞌuꞌula lau Guyau lisina iyen, Somo haba dodoga te ai lisidi E ginauli? Begana haba sa lau umeꞌehuigu.
1991	EXO 17:7	Nuꞌuna hesana ya tole, “Masa yo Meliba,” paꞌana Isalaela sa fatalapili yo paꞌana Guyau sa lauꞌita fuyana tiyen, Guyau maꞌeda, e higeꞌe?
2013	EXO 18:13	Bobonna Mose dodoga ya falau fataladi. Sa obiyo fataꞌiꞌili hwalahwalala ya lau ee–, maimailafi. Fuyanna Mose ginauli mahudoꞌina ya ginauli Detelo ya ita mate ya fatiꞌo iyen, Sidohana be doha ite wa ginauli dodoga lisidi yai? Paꞌana somo ibom wa falau fataladi na dodoga mahudoꞌidi sa obiyo fataꞌiꞌilim hwalahwalala ya lau ee–, maimailafi?
4095	NUM 13:19	Edi aba miya tanohina somo - somohena? Ya loholoho e ya heyaya? Taon fafaganadi e fafagana gesagesadi yai sa miyamiya?
4096	NUM 13:20	Tanohina somo - somohena? Ya mahula e higeꞌe? Oyagi amainiya e higeꞌe? Au anpate adidili be tanohi ni, fuwafuwana haisa au ledima. Wain uludi adi fuya nanau bwaꞌibwaꞌi, fuyana.
4112	NUM 14:3	Sidohana be Guyau ya laweda tanohi te, lisina yai? Haba sa wunuida na lalahuda yo nanatuda, haba sa gelaedi. Ya loholoho moho ibe te fuyo Idipi.
4316	NUM 20:4	Sidohana be ai, Guyau ena dodoga, wa foyahimai nuꞌu pitapitalina yai te? Be haba ꞌe peꞌi aiteꞌi maꞌemai yosiyosi?
4317	NUM 20:5	Amainiya hige hoꞌowa, yo hige witi, figi e wain e pomaganata. Sidohana be Idipi yai wa abimai, be wa foyafahimai be wa lawemai nuꞌu heyaheyayana yai te?
4322	NUM 20:10	Mose maꞌena Elon dodoga sa faꞌoigogo esegahidima umeꞌehu sadaina yai na Mose iyen, Tau kawayagala, au ataꞌatahi! Ai umeꞌehu te bena hoꞌowa ami ꞌe leyama?
4385	NUM 22:9	Yaubada ya laoma Balam lisina be ya fatiꞌoi iyen, Tatau lisim yai te, safaluma?
4404	NUM 22:28	Habahim Guyau ena gigibwali yai donki ya libalau Balam lisina iyen, Somo E ginauli lebem yai be ma faihona wa talaigu?
4408	NUM 22:32	Na Guyau ena anelu Balam ya faliba iyen, Sidohana be em donki wa talai ma faihona? Am lali wa lawelawen te E ita faheyaya be E laoma bena em edaꞌeda E naha buluhi.
5038	DEU 4:32	Guyau emi Yaubada hige doha yaubada hahaisa. Idipi yai ena adidili yai ya foyahimiu, be ya lau itamiu. Noꞌo ginaulidi yo fafaꞌilala ya lau ginauli matamiu yai. Debamiu yai, Idipi ya hiyalaidi be kamkamna laꞌilaꞌi sa fahoina. Ya abimiu, be ami famala ena dodoga, be fuyana Sainai Tuꞌana yai oyagi ya ala balebalelem ganahewana yai ya falibamiu. Haꞌa ami atahi, na hige au peꞌi! Ginauli doha ite, beyabeyana ya tubu, e higeꞌe? Higeꞌe! Fuyana Guyau ena fuya bwaꞌibwaꞌina dodoga ya ginaulidi tanoꞌubu yai, haga au nuwatuhui. Tanoꞌubu mahudoꞌina au yoꞌoi! Hige yaubada hesa, ginaulidi doha ite i ginaulidi.
5141	DEU 8:2	Au nuwatuhui sidohana Guyau emi Yaubada eda lofalofa yai ena foyafoyahimiu nuꞌu pitapitalina yai, bolima 40 mulidi yai. Ya nuwa lidilidiyemiu yo ya lau itamiu, be haba emi nuwanuwatuhu ya sibaidi. Ena laugagayo haba ami lau watanidi, e higeꞌe?
5407	DEU 18:21	Nuwana, ami nuwanuwatuhu, auwen, Sidohana haba ꞌe siba mate, wasa te hige Guyau lisina yai i laoma?
5918	JOS 4:6	Ite umeꞌehu te haba eda fafaꞌilala somo Yaubada ya ginauli. Fuya matada yai, yena nanatumiu sa fatiꞌo, “Umeꞌehu te, aniyona somo?”
5933	JOS 4:21	Be ya liba Isalaela lebedi yai, iyebom, Bobon asubena, yena ami hiti mulita sa fatiꞌo, tiyebom, “Umeꞌehu te, aniyona somo?”
5949	JOS 5:13	Diyesuwa ya sigilau Diyeliko sadaina yai, na matana ya lau hitin yo fede, taumoho hesa ya ita nuwanuwana yai, ya obiꞌobiyo, ma kepakepatana. Diyesuwa ya hasai, ya fatiꞌo iyen, Um hidamai, o ama waiyunu?
6493	JOS 24:15	Ibe yena Yaubada Wananaha hige au fanuha, mate, lahai te, nuwamiu au hinelidi. Haba yaubada tausomo ami lau watanidi? Ami mumuga, Ifeleti yai edi yaubada haisa? E Amoli edi yaubada haisa iti edi tanohi yai te, aho te miyamiya? In moho, maꞌagu boga haba Yaubada eda Guyau ꞌe lau watan.
7140	RUT 1:11	Naomi alinadi ya fafiyo iyen, Nanatugu, au fuyo! Paꞌana somo be ami lau watanigu? Ami nuwatuhui bena haba E fanatu fuyo, be nanatugu tatau, na haba ami faidi?
7142	RUT 1:13	Haba tabu au nahi na ami bagibagiyedi ee–, sa hewali? Nanatugu, higeꞌe! Ami sibai mate hige gonowana. Yaubada ya taꞌai mulimuliyegu, be nuwagu ya heyayaꞌemiu.
7148	RUT 1:19	Sa lau ee–, sa mahano Betelehem yai. Dodoga mahudoꞌidi nuwadi sa amna, na wawahin sa fatiꞌo fuyoꞌidi, tiyen Itete moꞌisa, Naomi?
7156	RUT 2:5	Bowasi ya fatiꞌo lau tau paisowa edi baꞌisa lebena, iyen, Waihin hasahasalana ni, sai?
7161	RUT 2:10	Luta ya dulu lidi ena faꞌatiti ya ginauli, na ya libalau Bowasi lebena, iyen, Yau taꞌowawa. Sidohana be wa modeꞌegu? Yo paꞌana somo wa abi loholohoꞌigu?
7170	RUT 2:19	Naomi ya fatiꞌo lau Luta lisina, iyen, Somo yai wa tanoꞌidi? Sai ena gabu yai wa paisowa? Haba taumoho ni Yaubada ya fanuwa loholoho, paꞌana ya abim be wa paisowa. Yo fede, Luta, Naomi ya faliba mate Bowasi ena gabu yai ya paipaisowa.
7183	RUT 3:9	Bowasi ya fatiꞌo, iyen, Um sai? Luta alinana ya bui, iye, Baꞌisa, Yau! Em mwahu mate, bena wa faigu, be wa ita watanigu, paꞌana am hwahwayasa mate yau.
7190	RUT 3:16	Fuyana Luta ya fuyoma lawana lisina. Naomi ya fatiꞌo, iyen, Natugu, sidohana? Habahim, somo mahudoꞌina Bowasi ya ginauli, enehena ya dede,
7222	1SA 1:8	Elikana, Lahuna ya faliba komakomaniꞌi iyen, Hidagu! Paꞌana somo be wa tan? Sidohana hige u kalahe? Nuwam ya heyaya be? Wananaha hige natum. Nuwagu yai yawa, “Wa fanuha wananahaigu! In moho Ibe nanatum boludi haba wa fanuha wananahaigu, habahim itete.”
7228	1SA 1:14	be ya faliba iyen, Maihala somo nom haba wa fatautau? Am wain u lawe hudoꞌiyen.
7282	1SA 3:4	Habahim, Guyau Samuwela ya yogai. Iyen, Samuwela! Alinana Samuwela ya bui iyen, Ho? Yau ite.
7295	1SA 3:17	Eli ya fatiꞌo iyen, Guyau somo ya falibam? U libaen. Tabu u simo. Yena hige u falibagu Yaubada haba ya faꞌankamkamnam.
7422	1SA 10:2	Yena aho wa lau afulegu, haba tatau luwaga Leisulu boꞌusana Selesaha yai, Beniyamin nuꞌuna sigasigana sadaina yai, wa lobahidi. Haba sa falibam tiyen, Donki ami yoꞌoyoꞌoidi haꞌa sa lobahidi be tamam, hige donki i modeꞌedi. In moho, aho te ya libaliba, hola iyen, “Somo haba E ginauli be natugu E lobahi?”
7431	1SA 10:11	Safalumadi Saulo sa sibai mate sa ita ya libaliba peloweta be sa noꞌo tiyen, Kisi natuna ya somo? Wananaha in peloweta?
7432	1SA 10:12	Taumoho hudoꞌi amainiya ya miyamiya alinadi ya bui iyebom, Tau foyahidi sai? Somo ya tubu Saulo lebena yai sa ita be sa noꞌo, na ya famala edi libaliba, be haba Saulo fatiꞌona sa fafalau boda tiyebom, Saulo, wananaha peloweta?
7434	1SA 10:14	Muliyai, Saulo madiyana ya fatiꞌo lau Saulo yo ena tau lau fayofayo lisidi iyebom, Somo yai ami laoma? Saulo iyebom, Donki ꞌe laulau yoꞌoidi be ꞌe yoꞌo asaha, yo fede ꞌe lau Samuwela lebena.
7442	1SA 10:22	Be Guyau sa fatiꞌoi, tiyebom, Dogana ya laoma, e higeꞌe? Guyau alinadi ya bui iyebom, Ginauli ganahewadi yai ya alasimo.
7576	1SA 15:14	Samuwela alinana ya bui iyebom, Ibe yena doha, paꞌana somo be sipi nenelidi yo bulumakau hwadududi E atahi?
7599	1SA 16:2	Samuwela ya fatiꞌo iyen, Haba sidohana egu laulau? Saulo liba te ya atahiyen haba ya wunuigu! Guyau iyen, Bulumakau tinabawa gubugubufwauna u abi na uwen, “E laoma antalasam E ginauli Guyau ai lisina.”
7601	1SA 16:4	Guyau somo ya libaen, Samuwela ya lau watan. Fuyanna ya mahano Betelehem yai mate taon babadadi sa failobahi, yo fede ꞌwasabu ya kam fafatabubudi, na sa fatiꞌo, tiyen, Ma nuwa loholohom wa laoma?
7608	1SA 16:11	Yo fede ya fatiꞌo lau Desi lisina, iyen, Nanatum tatau mahudoꞌidi logedi itete? Desi iyen, Higeꞌe. Tau mulita wananaha hola hige i laoma. In, sipi ya itaꞌita watandi. Na Samuwela iyen, Ana liba au fatamali be i laoma; ibege hola ta anꞌangogo ana siga ee–, ya mahanoma.
7776	1SA 21:2	Deiwidi ya lau tau antalasam, Ahimeleki lisina. Ahimeleki ꞌwasabu ya kamfafatabubu edi failobahi yai na ya fatiꞌo lau Deiwidi lisina iyen, Hige sai hesa maꞌem? Paꞌana somo be iyabom wa laoma?
7778	1SA 21:4	Kalahe somo lebem yai? Fwalawa faligigi e somo lebem yai u felegu!
8269	2SA 11:7	Fuyanna Ulaiya ya mahano ya fatiꞌo iyen, Diyowabi yo tau hiyala sa loholoho? Na hiyala sidosidohana?
8272	2SA 11:10	Deiwidi ena sa liba mate Ulaiya hige i lau ena luma be ya fatiꞌoi iyen, Edaꞌeda lofalofa yai wa laoma? Paꞌana somo hige u lau em luma?
8298	2SA 12:9	Paꞌana somo Guyau ena liba wa ꞌwaiyoꞌoꞌen be heyaya wa ginauli matana yai? Hiyala yai Ulaiya wa ita afulen be Amon dodogadi edi baineti yai, sa wunui. Na lahuna wa abi, lahum.