3	GEN 1:3	Habahim Yaubada iyen, “Haga mala ta fataumahata.” Yo fede ya taumahata.
6	GEN 1:6	Yaubada iyen, “Hoꞌowa aba dailina i taumahata, be hoꞌowa i daili luwagai.”
9	GEN 1:9	Habahim Yaubada iyen, “Hoꞌowa galewa ubuna yai i falau esega ai tefa esega, na tanohi i taumahata.” Yo fede ya taumahata.
11	GEN 1:11	Habahim Yaubada iyen, “Ai tanohi oyagi nene hudoꞌi - hudoꞌi yo hawahawa ti tala inꞌin, ti fuwa be ti lau liꞌe.” Yo fede, ginaulidi sa in.
15	GEN 1:15	Haba maladi sa sina lidi tanohi ai hewana.” Yo fede ya tubu.
20	GEN 1:20	Yaubada iyebom, “Suisui hudoꞌi - hudoꞌi, hoꞌowa ti gogo famohafu. Yo ataiꞌa ti failofolofoidi be galewa ti famohafu.”
22	GEN 1:22	Ya faloholohodi, na iyen, “Au talu fanafanatu be gabogabo yo tanohi au famohafudi.”
24	GEN 1:24	Yaubada iyen, “Tanohi ginaulidi mwahumwahulidi nene hudoꞌi - hudoꞌi ti tubu: suisui manamanasadi, yekoyekodi, kanekanenedi yo kamokomodaladi.” Yo fede, somo Yaubada ya libaedi sa tubu.
26	GEN 1:26	Habahim, Yaubada iyen, “Taumoho ta ginauli doha ita. Haba tanoꞌubu mahudoꞌina: gabogabo hamadi, yada ataiꞌadi, yosiyosi, suisui kanekanenedi yo kamokamodaladi ya tanuwagaidi.”
28	GEN 1:28	Habahim ya faloholohodi, na iyen, “Au talu fanafanatu, be nanatumiu tanohi mahudoꞌina ti miyai yo ti tanuwagai. Gabogabo hamadi, yada ataiꞌadi yo ginauli mwahumwahulidi tanohi yai tigatigadi yo kanekanekanedi haba ami ita watanidi hinaga.”
30	GEN 1:30	Suisui, ataiꞌa yo ginauli tanohi yai kanekanenedi yo kamokomodaladi ginauli inꞌindi E feledi, adi anꞌan.” Yo fede, sa tubu.
57	GEN 3:1	Guyau Yaubada suisui yekoyekodi ya ginaulidi, na ganahewana yai mate weso lau bwalabwala yai ya sonoga wananaha, habahim suisui hahaisa. Weso ya libalau waihin lisina iyen, Oyagi gabu yai ni wananaha Yaubada ya falibamiu, “Tabu uludi au anidi?”
354	GEN 14:17	Abelam maꞌena Kedolama yo babaꞌisa haisa ma afa haidana sa hiyala be ya lei hafihafitidi habahim Sodom edi baꞌisa ya lau be ya failobahi Sawe gonna yai (hesana hesa, “Baꞌisa ena Gon.”)
360	GEN 14:23	ibege somo hesa kiukiu doha kaleko bodibodi mahinadi e sendolo auꞌaudi lisim yai ya abi. Doꞌata uwen, “Abelam E fagogo be aho te, in doga.”
413	GEN 17:15	Yaubada ya libalau Abelaham lisina, iyen, Lahum ibege u atahi fuyoi, “Salaiya.” Hesana haba “Sala.”
438	GEN 18:13	Habahim Guyau ya libalau Abelaham lisina, iyen, Paꞌana somo be Sala ya liuhwa na iyen, “Yau haꞌa E tinalaꞌi na sidohana haba E fanatu?”
562	GEN 22:14	Abelaham nuꞌuna hesana ya tole: “Guyau ena felefele.” Aho te nuꞌuna hesana sa atahi “Guyau ena Felefele Oyana.”
1022	GEN 35:10	Yaubada ya libalau Iyakobo lisina iyen, Hesam “Iyakobo,” in moho hesam ibege ti atahi fuyoi “Iyakobo.” Hesam haba “Isalaela.” Logena Yaubada, Iyakobo hesana ya tole Isalaela.
1091	GEN 37:7	“Gabu yai witi pilipilinidi na hige walolona na egu pili ya obiyo dudulai, na umi emi pili sa obiyo fafataꞌiꞌili be sa dulu lidi lisina yai.”
1101	GEN 37:17	Taumoho wa iyen, Amaiteꞌi na haꞌa sa lau. E atahi tiyen, “Te lau Dotan.” Yo fede Diyosepa afa tuwahana ya lau watandi be ya lobahidi Dotan nuꞌuna sadaina yai.
1104	GEN 37:20	Au laoma ta wunui be ta lofe lidiyen ai hoꞌowa puluna hesa te haba tawa, “Suisui lululudi sa nali funuhi.” Haba ana eno suwai aniyona ya fawananaha, e higeꞌe?!
1275	GEN 42:22	Leubena iyen, Haꞌa E falibamiu yawa, “Tabu heyaya au ginauli gwama ni ai lebena. In moho hige au mode! Aho ite haba ꞌwasinana giluna te bahei.”
1368	GEN 45:9	Doꞌata te, feula au fuyo tamada lebena be au faliba auwen, “Natum Diyosepa alinana doha ite: Guyau haꞌa ya tole Idipi mahudoꞌina tau ita watanina. Be u lidi lisina. Tabu u fadagege!”
1370	GEN 45:11	“Ainiya haba ya ita watanim, paꞌana galamo wesawesasa bolima faligigi hola otadi. Yena higeꞌe, um yo am boga mahudoꞌidi ibege emi gogo.”
1456	GEN 48:4	na ya falibagu iyen, “Nanatum boludi haba E felem, na am hiti mulita haba sa famala boga yalayalaga. Yo tanohina haba E duwai wahawaham mulim yai edi tanohi otaꞌota fahina.”
1472	GEN 48:20	Lahaina yai ena faloholoho ya feledi, iyen, Ai hesamiu haba Isalaela faloholoho sa fapaisowa be tiyen: “Haba Yaubada ya ginaulimiu doha Ifelaim yo Manase.” Yo fede, Ifelaim ya tole bwaꞌiyen, na Manase muli yai.
1524	GEN 50:17	“Haidam, Tamam ena Yaubada ena tau paisowa, somo heyayana sa ginauli lisim yai mate edi heyayana u nuwatuhu afulen.” Diyosepa wasa te ya atahiyen, yo fede ya tan, paꞌana hola hige ti sibai mate, edi heyaya haꞌa ya nuwatuhu afulen.
1565	EXO 2:10	Muli yai, gwama ya laꞌi, ya lawen baꞌisa natuna lisina, be ya faseda doha natuna wananahana. Iyabona iyen, Hoꞌowa yai ya poupouli, na E abi hitin, haba hesana E tole “Mose.”
1593	EXO 3:13	In moho Mose ya liba fuyo iyen, Ibe E lau Isalaela dodogadi lisidi be E falibadi, yawa, “Wahawahamiu edi Yaubada ya duigu be E laoma lisimiu, haba sa fatiꞌoigu, tiyen, “Hesana somo? Haba somo E falibadi?”
1594	EXO 3:14	Yaubada iyen, “Yau mate Yau!” Doha ite haba wa falibadi: In sai hesana “Yau” mate ya duigu be E laoma lebemiu.
1834	EXO 12:17	Hitina yo hitina “Fwalawa Fafayisti Gesana Mataꞌasina” bena ami fafanuwa hitin, paꞌana lahaina ami boga Idipi yai E foya fahidi.
1843	EXO 12:26	Na yena nanatumiu sa fatiꞌoimiu, tiyen, “Faꞌatiti abiꞌabina te, aniyona somo?”
1844	EXO 12:27	Alinadi haba ami bui auwen, “Itete Guyau ena Bayawa Antalasamna fafaʼatitina paꞌana Idipi yai Isalaela edi luma ya bayawaidi na Idipi ya lau funuhidi, na ita higeꞌe.” Mose ya libaliba ofi mate Isalaela dodogadi sa hoba lidi be Guyau sa fadebasae.
1882	EXO 13:14	Fuya matada yai, yena natum taumoho ya fatiꞌoim, iyen, “Laulau te ginaginaulidi te aniyona somo?” U faliba uwe, “Guyau ena gigibwali yai Idipi yai ya foya fahimai. Somo yai sa lau fayofayoꞌemai amainiya.”
1902	EXO 14:12	Idipi yai haꞌa ꞌe falibam, aiyawa, “U lau afulemai! Haba Idipi dodogadi edi ꞌe paisowa. Ibe edi ꞌe paisowa nuwana haba i loholoho wananaha, habahim peꞌi nuꞌu pitapitalina yai.”
1930	EXO 15:9	Waiyunu ya nuwa saesae iyen, “Haba E weꞌa watanidi be E fafuyodima; edi gogo haba E soiyedi, na somo E fanuha haba E abi aiꞌegu; haba egu baineti E abi na E wunuidi.”
1960	EXO 16:12	Isalaela u falibadi, uwen, “Emi fatalapili mahudoꞌina haꞌa Guyau ya atahiyedi, be maimailafi haba anihi E felemiu. Na hwalahwalala haba kalahe laꞌina somo sa fanuha, sa abi. Haba sa sibai Yau Guyau, mate edi Yaubada.”
1964	EXO 16:16	Guyau ya fatalahamiu iyen, “Bena emi luma ganahewana yai tau miya oulina yai ami, ami tano watan, doga esega - esega, ana laꞌina lita esega.”
1979	EXO 16:31	Isalaela dodogadi kalahena hesana sa tole “mena.” Itaꞌitana doha tuma kafukafuna, na amnana doha bisiketa, ma amoꞌamona sa gabu.
1991	EXO 17:7	Nuꞌuna hesana ya tole, “Masa yo Meliba,” paꞌana Isalaela sa fatalapili yo paꞌana Guyau sa lauꞌita fuyana tiyen, Guyau maꞌeda, e higeꞌe?
3258	LEV 18:6	“Yau Guyau! Tabu sai laꞌi efana hesa maꞌena ti luma gwaꞌu.” Guyau iyen,
3276	LEV 18:24	“Logena, laulaudi te, tabu laꞌi i fabidahemiu, paꞌana laulaudi te debadi yai, Kanana dodogadi safaluma haba E weꞌaidi matamiu yai, haꞌa sa fabidahedi.”
3284	LEV 19:2	Isalaela dodogadi u faꞌoigogodi na u falibadi uwe, “Bena tabuna miyana ami miyamiyaꞌen paꞌana Yau, Guyau emi Yaubada tabuna.” Guyau hinaga iyen,
3300	LEV 19:18	Yau Guyau E liba mate, “Tabu am hala u abi e hidam u mana balaʼen. In moho falem tau miya bena wa gadosisiyen doha wa gadosisi fuyoim.”
3851	NUM 6:27	Ibe yena hesagu sa fapaisowa Isalaela dodogadi ai lisidi, yau haba loholoho E feledi.”
4140	NUM 14:31	Nanatumiu ami libaedi auwe, ‘Ama waiyunu haba, nanatumai, sa tohaidi.” In moho higeꞌe! Haba E lawedi be tanohina ami ꞌwaiyoꞌoꞌen, ainiya haba sa miyai.
4144	NUM 14:35	“E liba dudulai! Ginaulidi te haba E ginauli watanidi dodoga heyaheyayadi te ai lisidi, safalumadi sa nuwa esega be sa taꞌai mulimuliyegu. Haba sa peꞌi ofi ai nuꞌu pitapitalina te. Yau, Guyau haꞌa E liba.”
4860	NUM 35:13	Aba Gela Taondi ni haba ya famala ena aba alasimo, be doga peꞌipeꞌina, ni, ana boga tabu ana gum ti abi. Tau aiyunu haba gonowana ya miya ee–, lau fatala fuyana.”
5012	DEU 4:6	Laugagayo te au lau watan komakomanidi, be haba nuꞌu hahaisa dodogadi, emi nuwatuhu loholohona yo emi sibasiba sa ita lobahidi. Yena laugagayodi sa atahiyedi, haba tiyen, “Moꞌisa, Isalaela mate nuꞌu laꞌilaꞌi yo dodogadi sa sibasiba yo edi nuwatuhu sa loholoho.”
5156	DEU 8:17	Haba auwen, “Egu gigibwali yo egu adidili yai, egu gogo E fatubudi.”
5380	DEU 17:14	Yena ami luhulau tanohi Guyau emi Yaubada ya felemiu bena aiꞌemiu ami abi, yo ami gogoi, haba auwen, “Nuꞌu hahaisa sadaida yai mate edi kin. Eda ta faꞌobiyo. Haba ita doha iti.”
5845	DEU 34:4	Habahim Guyau, Mose ya faliba iyen, Tanohina, logena ite, fuyana E angwalaꞌen be Abelaham, Isako yo Iyakobo E falibadi yawa, “Haba laulauwewemiu E feledi.” Tanohina wa, ite E faꞌitam. In moho ibege u lau niya.
5918	JOS 4:6	Ite umeꞌehu te haba eda fafaꞌilala somo Yaubada ya ginauli. Fuya matada yai, yena nanatumiu sa fatiꞌo, “Umeꞌehu te, aniyona somo?”
5919	JOS 4:7	Haba ami falibadi, auwe, “Umeꞌehu te haba ya fafanuwa hitinida, fuyana Yaubada ena Laugagayo Aba Husaꞌina sa ilolo lawen tefa, Hoꞌowana mate ya tiwa. Ya famala eda fafaꞌilala, fuya hige ana siga.”
5933	JOS 4:21	Be ya liba Isalaela lebedi yai, iyebom, Bobon asubena, yena ami hiti mulita sa fatiꞌo, tiyebom, “Umeꞌehu te, aniyona somo?”
5935	JOS 4:23	Yo hoꞌowa ya fatede, be gonowana te lau tefa, doha beyabeyana Gabogabo Balebalelemna ya fatede, eneheda.”
5939	JOS 5:3	Yo fede, sidohana Yaubada ya fatalaha, ya ginauli watan, be Isalaela tataudi mwagisadi dududi ꞌwapidi sa ibofahidi. Tuꞌana ni hesana sa tole, “Mwagisa Dududi ꞌWapidi Aba Ibofahidi.”
5957	JOS 6:6	Diyesuwa ya libalau tau antalasam lisidi, iyen, “Tatau au falibadi, bena sa fatubu, be duhu balabalamumu sa fataꞌiꞌili. Tau hiyala pele hesa sa bwaꞌi, mulina yai bwagigi tau abina faligigi luwaga, habahim, laugagayo tau baheina.”
6485	JOS 24:7	sa anꞌeta laoma, itiye, “Aee–, u saguhimai!” Na kamumu E tole, iti yo Idipi dodogadi atiꞌatipudi yai. Na gabogabo E fasiu fuyoi, be sa kapulolo. Ami siba somo E ginauli Idipi lisidi yai.
7209	RUT 4:17	Na wawahindi amainiya sa miyamiya tiyen, “Naomi natuna taumoho.” Be hesana sa tole, Obedi.
7222	1SA 1:8	Elikana, Lahuna ya faliba komakomaniꞌi iyen, Hidagu! Paꞌana somo be wa tan? Sidohana hige u kalahe? Nuwam ya heyaya be? Wananaha hige natum. Nuwagu yai yawa, “Wa fanuha wananahaigu! In moho Ibe nanatum boludi haba wa fanuha wananahaigu, habahim itete.”
7230	1SA 1:16	E lauꞌuꞌula doha ite paꞌana nuwagu hige i loholoho be tabu u nuwatuhui uwen, “waihin heyayana.”
7287	1SA 3:9	Yo fede ya libalau Samuwela lisina, iyen, U lau u eno na yena ya yoga fuyoim uwen, “Guyau, u liba. Yau, em tau paisowa, E ataꞌatahi.” Habahim, Samuwela ya lau be ena aba eno yai ya eno-fuyo.
7292	1SA 3:14	Logena, E angwala Eli maꞌana boga lebedi yai yawa, “Emi ainauya e emi antalasam ami ledima lebegu yai, mate hige gonowana emi heyaya ni ya nuwatuhu afuledi.”
7422	1SA 10:2	Yena aho wa lau afulegu, haba tatau luwaga Leisulu boꞌusana Selesaha yai, Beniyamin nuꞌuna sigasigana sadaina yai, wa lobahidi. Haba sa falibam tiyen, Donki ami yoꞌoyoꞌoidi haꞌa sa lobahidi be tamam, hige donki i modeꞌedi. In moho, aho te ya libaliba, hola iyen, “Somo haba E ginauli be natugu E lobahi?”
7438	1SA 10:18	Ita Isalaela eda Yaubada yo eda Guyau alinana doha ite, “Isalaela dodogadi, Idipi yai Yau E fofofahidima. Idipi edi gigibwali yai yo nuꞌu mahudoꞌidi sa fafaꞌankamkamnadi, lisidi yai E fofofahidi.”
7580	1SA 15:18	Guyau ya fatamalim iyen, “Em tau hiyala maꞌem au lau Amaleki dodogadi heyaya sa laulau ginauli, au faheyayadi. Au hiyalaidi ee–, mahudoꞌidi au wunu faꞌofidi.”
7599	1SA 16:2	Samuwela ya fatiꞌo iyen, Haba sidohana egu laulau? Saulo liba te ya atahiyen haba ya wunuigu! Guyau iyen, Bulumakau tinabawa gubugubufwauna u abi na uwen, “E laoma antalasam E ginauli Guyau ai lisina.”
8137	2SA 5:2	Beyabeyana, Saulo hola ma kinna um logem Isalaela eda tau hiyala wa foyahidi wa lau wa hiyahiyala be Guyau ya falibam iyen, “Um haba egu dodoga Isalaela wa ita watanidi doha sipi tau itaꞌitawata sipi ya ita watanidi yo haba wa famala edi baꞌisa.”
8188	2SA 7:5	U lau be egu tau paisowa Deiwidi, u faliba uwen, “Guyau ya liba doha ite: ‘Um hige, logem, bena egu luma u ginauli!”
8199	2SA 7:16	Am boga haba ya tadada yo laulauwewem haba sa obiyo kin hige anadan.”
8299	2SA 12:10	Egu liba hige u lau watan, na wa ita lidilidiyegu be Ulaiya, Hiti dogana, lahuna wa abi, lahum. Logena be, laulauwewem aho te na fuya matadi yai, baineti yai haba sa wunuidi.”
8301	2SA 12:12	Um simosimo yai laulau te wa ginaulidi be dodoga ibege ti siba. Na Yau E ginauli haba ai mahata, Isalaela dodogadi mahudoꞌidi ai matadi.”
8311	2SA 12:22	Alinadi ya bui iyen, Gwama hola ma mwahumwahulina mate E anhudi yo E tan. Yau yawa, “Bena Guyau haba i nuwatohatohaegu be wawaya i famwahuli.”
8783	1KI 2:10	Deiwidi ya kin Isalaela yai bolima 40. Na Hebelon yai bolima faligigi luwaga. Yelusalem yai bolima 33. Solomon tamana Deiwidi ya falau damahi be ya kin, yo hige gonowana sai i famwahimwahiu. Deiwidi ya peꞌi Yelusalem yai, na tefana hesa hesana “Deiwidi ena Nuꞌu” amainiya sa boꞌusai.
8842	1KI 3:23	Habahim, Kin iyen, Itete iyebom, “Gwama peꞌipeꞌina te um natum na mwahumwahulina yau natugu,” na hesa iyen, “Higeꞌe, mwahumwahulina yau natugu na peꞌipeꞌina um natum.”
8886	1KI 5:19	Egu nuwatuhu te, E fanuha ibe Guyau egu Yaubada hesana aba faꞌatitiyenna lumana E ginauli. Doha Guyau, tamagu Deiwidi haꞌa ya faliba iyen, “Natum taumoho E faꞌobiyo baꞌisa, tau falau damahim haba hesagu aba faꞌatitiyenna lumana ya ginauli.”
9018	1KI 8:30	Yau yo em dodoga Isalaela, ema anꞌeta u atahi. Yena E sana lau nuꞌuna be E lauꞌuꞌula mate em aba miya Galewa yai, ainiya ema lauꞌuꞌula u atahi, na ema heyaya u nuwatuhu afuledi.”
9142	1KI 11:31	Habahim Delebowam ya faliba iyen, “Sena safuhudohudoꞌi u abidi, enehem, paꞌana Guyau, Isalaela edi Yaubada ya liba iyen, ‘U itaꞌita, Yau mate, Solomon haba E kamfahi ena aba tanuwaga nuꞌuna yai na sulu safuhudohudoꞌi haba E felem.”
9163	1KI 12:9	Ya fatiꞌoidi iyen, Emi nuwatuhu somo? Dodoga sa libaliba laoma lisigu tiyen, “Ema paisowa u famalahadi, tabu doha tamam ena fuya yai.” Haba somo E falibadi?
9165	1KI 12:11	In paisowa mwahumwahudi ya felemiu na yau haba mwahumwahu wananahadi E felemiu! In balawa yai ya talaimiu na yau haba seni yai E talaimiu.”
9333	1KI 17:13	In moho Ilaidiya ya libalau kaihwabu lisina iyen, Tabu u ꞌwasabu! Guyau Isalaela edi Yaubada ya liba iyen, “Fwalawa huliuna yo oliwe masina fuhena ibege i ofi ee–, Guyau usa ya leyama be tanohi ya faꞌwau!” Be u lau luma na somo wa libaen, u ginauli watan. Bwaiꞌibwaꞌina bena fwalawa agu begana wa ginauli. Habahim somo ota fahina begana, ma natum ami wa gabu.
9388	1KI 18:44	Ya fuyoma, iyen, Yada kiukiu, laꞌina doha doga nimana, gabogabo yai ya pohe hasaema E ita. Yo fede Ilaidiya ya faliba iye, U lau Kin Ahaba u faliba uwe, “Usa ibe i eli buluhim be em ai saliyoti u awa u lidi.”
9573	2KI 2:18	Ilaisa mate Diyeliko yai ya miyamiya na fuyanna sa fuyoma ya falibadi iyen, Doha haꞌa E falibamiu yawa, “Tabu au lau.”
9650	2KI 4:43	Na tau lau fayofayo ya liba iyen, Ii–yui, kalahe te hige dodoga 100 gonowadi. Ilaisa alinana ya bui iyen, Guyau ya liba iyen, “Haba sa anꞌan ee–, bogadi sa yahayaha na ota fahidi u feledi.”
9664	2KI 5:13	Neimani ena tau lau fayofayo sa laoma lisina tiyen, Baꞌisa! Ibe peloweta ya falibam ginauli laꞌilaꞌi hesa wa ginauli, haba wa ginauli. Be yena Peloweta iyen, “U lau u kaisum be u aꞌa,” bena moho ena liba wa lau watan.
10032	2KI 18:4	Yaubada bwalabwaladi aba fadebasaedi ya anfaheyayaidi, umeꞌehu tabudi ya dem ifiꞌifidi yo edi yaubada waiwaihin, hesana Aselaha duhudi ya ibodi. Beyabeyana Mose, weso ya ginauli kapa yai mate ya andem pwaipwaiꞌidi hinaga. Wesona hesana “Nehusitan.” Na Isalaela dodogadi antalasam sa anꞌangabu lau lisina, fuya lofalofa ya lau ee–, ya andem pwaipwai faꞌofi.
10127	2KI 21:4	Guyau ena Luma Tabuna ganahewana yai antalasam aba gabugabudi katakatandi yaubada bwalabwala enehedi, ya ginaulidi. In moho Guyau ena Luma Yelusalem yai ni, beyabeyana haꞌa ya libaen iye “Hesagu ainiya haba ya ota.”
10169	2KI 22:20	Wa peꞌi be sa boꞌusaim, ai mulim heyaheyaya te, haba E leyama Yelusalem yai.” Habahim kin ena tau paisowa, Peloweta Holida ena bui, sa fafuyo Kin Diyosaiya lebena.
12021	2CH 36:23	Somo Kin Sailusi ya libaen mate itete, “Guyau, Galewa Yaubadana, mate nuꞌu mahudoꞌina tanoꞌubu yai ya felegu yo ya fasinabogu bena ena Dubu Tabuna ai Yelusalem E ginauli, Diuda Nuꞌuna yai. Salumadi Yaubada enehena mate Guyau emi Yaubada haba maꞌemiu, mate au leu niya.”
12503	NEH 8:6	Esela iye, Guyau hesana E lau hitin! In Yaubada Adiꞌadidilina! Dodoga mahudoꞌidi nimadi sa lau hitindi tiyen, “Moꞌisa! Wananaha!” Habahim sa hoba lidi tanohi yai na Guyau sa fadebasae.
12506	NEH 8:9	Fuyana dodoga, laugagayo libadi ni sa atahi mate, sa tan, be Gawana Nehemaiya, yo Esela, (in tau antalasam yo laugagayo tau lau faꞌataenna) yo Sulu Lewi, iti laugagayo tau liba fanegadi, mahudoꞌidi sa falibadi tiyen, “Guyau, emi Yaubada matana yai lahai te, mate tabuna. Be tabu au tan!”
12878	JOB 1:5	Mataꞌasi ofina yai, Diyobi ya yogaidi sa laoma be ya abi nonohaidi. Hwalahwalala ya eno obiyo haba ainauya antalasam ya gabu nanatuna enehedi, paꞌana ena nuwatuhu iyen, “Bena nanatugu heyaya ti ginauli yo nuwadi yai Yaubada ti kaumananai.” Laulau te ya famala Diyobi ena miyamiya, fuya ouꞌouli.
12910	JOB 3:2	Iyen, Aee–, Guyau, ibe edi fuya yosigu, tabu ti nuwatuhui, na maihonana tiyen, “gwama sa yosi!”
13929	JOB 42:3	Wa fatiꞌoigu uwe, “Sidohana ma nuwa afaꞌafam wa libaliba? Sidohana be egu nuwatuhu wa fafadosi fuyoꞌidi?” Wananaha, E libaliba gaibu, doha tawa, “Ya siba.” Ginaulidi sa loholoho wananaha, in moho hige egu sibasiba haba ya sai tawatawanim.
13930	JOB 42:4	Guyau uwe, “Aho ite u ataꞌatahi! Haba E libaliba. Haba E fatiꞌoim na egu bui wa felegu!”
14310	PSA 27:8	Wa liba uwen, “U laoma u fadebasaegu!” Logena e laoma.
14729	PSA 51:6	Um moho lisim yai heyaheyaya E ginauli, laulau heyayana matam yai E ginauli; be fuyanna wa falibagu uwen, “Heyaya wa ginauli!” Mate, wa liba dudulai.
15446	PSA 90:3	Dodoga wa bui fafuyodi afusa. Uwen, “Umi tau peꞌi, au fafuyo afusa!”
15530	PSA 95:10	Bolima 40 egu manabala hiti ni lisidi yai. Ayawa, “Dodoga ni, nuwadi sa anꞌanloya gaibu, egu laulau hige ti sibaidi.”