6	GEN 1:6	Yaubada iyen, “Hoꞌowa aba dailina i taumahata, be hoꞌowa i daili luwagai.”
7	GEN 1:7	Yo fede, hoꞌowa hewa yai yo ubu yai Yaubada ya ginaulidi be sa lau hudoꞌi.
8	GEN 1:8	Bili daili hesana ya tole Galewa. Maihala ya bulu, mate itete lahai fafaluwagana.
9	GEN 1:9	Habahim Yaubada iyen, “Hoꞌowa galewa ubuna yai i falau esega ai tefa esega, na tanohi i taumahata.” Yo fede ya taumahata.
10	GEN 1:10	Yaubada tanohi hesana ya tole Tanohi. Na hoꞌowa sa falau esega hesana ya tole Gabogabo. Yaubada ya itadi mate sa loholoho.
11	GEN 1:11	Habahim Yaubada iyen, “Ai tanohi oyagi nene hudoꞌi - hudoꞌi yo hawahawa ti tala inꞌin, ti fuwa be ti lau liꞌe.” Yo fede, ginaulidi sa in.
15	GEN 1:15	Haba maladi sa sina lidi tanohi ai hewana.” Yo fede ya tubu.
16	GEN 1:16	Yaubada mala laꞌilaꞌidi luwaga ya ginaulidi. Maihala lahai ya ita watan na nawalahi mate iꞌipa ya ita watan. Yo kipwala hinaga ya ginaulidi.
20	GEN 1:20	Yaubada iyebom, “Suisui hudoꞌi - hudoꞌi, hoꞌowa ti gogo famohafu. Yo ataiꞌa ti failofolofoidi be galewa ti famohafu.”
22	GEN 1:22	Ya faloholohodi, na iyen, “Au talu fanafanatu be gabogabo yo tanohi au famohafudi.”
28	GEN 1:28	Habahim ya faloholohodi, na iyen, “Au talu fanafanatu, be nanatumiu tanohi mahudoꞌina ti miyai yo ti tanuwagai. Gabogabo hamadi, yada ataiꞌadi yo ginauli mwahumwahulidi tanohi yai tigatigadi yo kanekanekanedi haba ami ita watanidi hinaga.”
31	GEN 1:31	Ginauli mahudoꞌidi Yaubada ya fatubudi ya itadi, mate sa loholoho wananaha! Maihala ya bulu, mate itete lahai fafaligigi esegana.
32	GEN 2:1	Yo fede, galewa yo tanohi yo ginauli mahudoꞌidi, mate Yaubada ya ginauli faꞌofidi.
33	GEN 2:2	Lahai fafaligigi luwagana yai Yaubada ana paisowa ya faꞌofi, be lahaina ya kawa loholohoꞌen yo ya fatabu. Habahim ya anyawasi.
38	GEN 2:7	Habahim afusa ya abi tanohi yai na taumoho ya falasa. Ya yahafuwa lau hisuna yai be taumohona ya adidili yo ya mwahiu.
40	GEN 2:9	Oyagi nene hudoꞌi - hudoꞌi ya ginaulidi be sa in. Itaꞌitadi sa loholoho na anꞌandi olidi. Mwahuli oyagina mate gabu atiꞌatipuna yai yo oyagi hesa hesana loholoho yo heyaya aba ita lobahidi hinaga amainiya.
42	GEN 2:11	Saꞌa bwaꞌibwaꞌina mate hesana Pison mate Hawila nuꞌuna ya didi fataꞌiꞌili, na gole amainiya.
45	GEN 2:14	Saꞌa fafaihonana hesana Tigilesi mate Asiliya tefa saisaina yai ya didi lau. Na fafatina mate hesana Ifeleti.
46	GEN 2:15	Habahim taumohona ya lawen Iden. Gabuna yai ya tole be ya ita watan yo ya paisowai.
48	GEN 2:17	Loholoho yo heyaya aba ita lobahidi oyagina uluna, tabu u an, Ibe uluna wa an, haba wa peꞌi.
52	GEN 2:21	Yo fede, taumoho ni ya lau faꞌeno. Habahim, oitalina esega ya abifahi, na omatana ya fasusu buluhi.
55	GEN 2:24	Logena, taumoho haba tinana yo tamana ya lau afuledi, na ma lahuna sa miya esega, be sa famala esega.
57	GEN 3:1	Guyau Yaubada suisui yekoyekodi ya ginaulidi, na ganahewana yai mate weso lau bwalabwala yai ya sonoga wananaha, habahim suisui hahaisa. Weso ya libalau waihin lisina iyen, Oyagi gabu yai ni wananaha Yaubada ya falibamiu, “Tabu uludi au anidi?”
62	GEN 3:6	Oyagi uluna waihin ya ita mate ya fagado lelelehi, be iyen, Yena E an, haba E sonoga. Yo fede uluna ya losi be tefana ya an, na lahuna ana, tefana ya felen be ya an hinaga.
63	GEN 3:7	Oyagi uluna tefana sa an, mate nuwadi sa tasoꞌe be sa nuwatuhu lobahi iti ma tau afaꞌafadi, yo fede oyagi doha kuhou mate lugudi sa hinoꞌidi, be sa liꞌodi.
70	GEN 3:14	Habahim, Guyau Yaubada ya libalau weso lisina iyen, Paꞌana laulau ni wa ginauli, kaumanana ya laowa hewam yai. Suisui manamanasadi yo yekoyekodi ganahewadi yai um haba heyaya laꞌilaꞌi wa fahoina. Haba ai bogam wa felifeli. Am kalahe, haba ma afusana wa an esegahi, fuya ouꞌouli.
71	GEN 3:15	Um yo waihin yo ami hiti mulita haba ami fawaiyunu. In haba kulum ya bwaꞌi golugolu, Na um haba ahe geduna wa nali.
72	GEN 3:16	Guyau ya libalau waihin lisina iyen, Em fanatu yai haba kamkamna laꞌilaꞌi wa fahoina. Kamkamna yai, haba nanatum wa yosidi. Em gadosisi haba ya ota esegahi lahum lisina yai be in haba am tanuwaga.
73	GEN 3:17	Hinaga ya libalau Adam lisina iyen, Oyagi uluna E falaugagayoꞌen mate tabu u an! In moho, lahum alinana wa lau watan be uluna wa an. Debam yai tanohi E kaumananaen. Gabu yai haba hawa nulinulidi sa tala inꞌin, na haba wa ankamkamna, be kalahe wa lobahi, yo somo iyabodi sa in hinaga, am kalahe.
75	GEN 3:19	Haba wa an muyahasa yo wa paisowa adidili be kalahe wa lobahi, ya lau ee–, ai muli haba wa peꞌi, wa fuyo tanohi. Paꞌana tanohi yai E falasam. Um afusa, be yena wa peꞌi haba wa famala afusa.
80	GEN 3:24	Yaubada, gabu yai ya lau weꞌaidi, mulina yai gabu tefa saisaina yai, anelu ya toledi, hesadi Selubim. Baineti ya ala balabalelem hinaga ya tole ya taꞌitaꞌiꞌili asiꞌasi tefa ouꞌouli yai, be mwahuli oyagina edaꞌedana ya gudu.
81	GEN 4:1	Adam ma lahuna Iwa sa eno bili, yo fede Iwa ya boga be natuna Kaina ya yosi. Na ya liba iyen, Guyau ena faisagusagu yai natugu taumoho E yosi.
82	GEN 4:2	Muliyai natuna hesa hesana Abela ya yosi. Fuyanna sa lalaꞌi, Abela mate yosiyosi tau itaꞌita watanidi, na Kaina mate gabu tau paipaisowa.
84	GEN 4:4	Abela hinaga sipi natuna halahala fwauna tubu loholohona ya wunui be tefana ya lau Guyau ya felen, ena antalasam. Guyau Abela ya ita faloholoho yo ena antalasam hinaga.
85	GEN 4:5	In moho Kaina ena antalasam Guyau hige i ita faloholoho. Yo fede Kaina ya manabala be ya dulu.
87	GEN 4:7	Ibe wa sibai somo wa ginauli ya loholoho, haba wa kwade. Na paꞌana heyaya wa ginauli, heyaheyaya haꞌa em edaꞌeda ya dulu tawan be ya tanuwagaim. In moho bena wa anfalen.
88	GEN 4:8	Habahim Kaina tasina Abela ya faliba iyen, Te lau, te laulau tiga. Fuyana sa laulau tiga Kaina tasina ya tohai be ya wunui.
89	GEN 4:9	Habahim Guyau ya libalau Kaina lisina iyen, Hidam Abela somo yai? Alinana Kaina ya bui iyen, Hige ya sibai. Yau hige hidagu ya itaꞌita watan.
90	GEN 4:10	Guyau iyen, Somo wa ginauli? Tasim ꞌwasinana tanohi yai ya yogayoga hasaema lisigu.
91	GEN 4:11	Aho ite E kaumananaem. E duwim nuꞌu yai te. Hidam ꞌwasinana ya tabuliwa, itaꞌitana doha tanohi te moꞌana i tasoꞌe be ꞌwasinana i tofi, fuyana wa lau funuhi.
92	GEN 4:12	Yena ai tanohina ni wa paisowa, gabuna ibege anꞌanna. Um haba tau laulau gaibu ai tanoꞌubu.
105	GEN 4:25	Adam ma lahuna Iwa sa eno bili fuyo, natudi taumoho, na hesana sa tole: Seti. Iwa iyen, Yaubada ya ainauya fuyoꞌigu. Natugu Abela falau damahina, fuyanna hidana ya wunui.
144	GEN 6:6	be Guyau ya fatalapili lau dodoga ya ginaulidi tanoꞌubu yai, be nuwana ya heyaya.
146	GEN 6:8	In moho Guyau Nowa ya ita faloholoho.
147	GEN 6:9	Itete Nowa dedena: Nanatuna faihona hesadi mate, Sem, Ham yo Diyapeti. Nowa ena fuya yai mate hige ena lau pono hesa. Yaubada moho ya famuli watan.
149	GEN 6:11	Dodoga mahudoꞌidi mate Yaubada matana yai heyaya sa laulau ginauli be heyaheyaya wa ya tadada.
150	GEN 6:12	Nuꞌu mahudoꞌina Yaubada ya ita mate heyaya ya famohafu yo dodoga laulau heyaheyayadi sa miyamiyaꞌedi.
159	GEN 6:21	Kalahe hesa - hesa gonowana sa an, u abidi, tefana suisui adi na tefana ami, mate u pei gogondi.
160	GEN 6:22	Yo fede somo Yaubada ya fatalaha mate Nowa ya ginauli watanidi.
161	GEN 7:1	Habahim Yaubada ya libalau Nowa lisina iyen, Ma lahum, yo nanatumiu, ma lalahudi, au luhulau waga ganahewana, paꞌana E ita mate hiti tanoꞌubu yai te, um ibom wa dudulai.
162	GEN 7:2	Yosiyosi anꞌan faligigi luwaga ma lalahudi yo suisui dabudabu ma lalahudi u lawedi.
163	GEN 7:3	Yo ataiꞌa faligigi luwaga, nene hesa - hesa, ma lalahudi, u lawedi hinaga. Be haba sa mwahumwahuli ai tanoꞌubu.
164	GEN 7:4	Lahai faligigi luwaga mulidi yai haba tanoꞌubu E faꞌusa ee–, lahai 40 yo maihona 40, be ginauli mwahumwahulidi mahudoꞌidi haꞌa E ginaulidi haba E kamfahidi.
165	GEN 7:5	Yo fede Guyau somo ya fatalaha mate ya ginauli watanidi.
167	GEN 7:7	Nowa, lahuna, afa nanatuna yo lalahudi, diboli utuꞌutu sa gelaen be sa luhu waga yai.
170	GEN 7:10	Lahai faligigi luwaga mulidi yai diboli utuꞌutu ya laoma tanoꞌubu.
200	GEN 8:16	Ma lahum, nanatumiu yo afa lalahudi ai waga au kalamahano.
201	GEN 8:17	Suisui, ataiꞌa, yo suisui kamokomadaladi mahudoꞌidi au lawedi ganamuli. Haba sa talu fafanatu be tanoꞌubu mahudoꞌina sa famohafu.
202	GEN 8:18	Yo fede Nowa ma lahuna yo nanatuna ma lalahudi waga sa lau afulen, na sa tulubeꞌu.
203	GEN 8:19	Suisui, ataiꞌa yo suisui kamokamodaladi mahudoꞌidi waga sa lau afulen, na sa tulubeꞌu hinaga.
205	GEN 8:21	Guyau Antalasam panena loholohona ya atahi, na nuwana yai iyen, Dodoga ma kikiꞌinadi ya laoma ee–, sa lalaꞌi edi nuwatuhu mate, heyaya haba sa ginaginauli. In moho tanohi ibege ya kaumananaen fuyoi. Ginauli mwahumwahulidi haꞌa E ginaulidi, ibege ya faheyaya fuyoꞌidi.
206	GEN 8:22	Uma fuyana yo falolo fuyana, gogoma yo gigibwali, haiꞌin yo haibeꞌu, lahai yo iꞌipa, ibege ti ofi, yo tanoꞌubu ya miya esegahi, ya lau ee–, fuya hige ana siga.
207	GEN 9:1	Yaubada ena loholoho Nowa ma afa nanatuna ya feledi. Ya libalau lisidi iyen, Au talu fananatu be tanoꞌubu au famohafu.
208	GEN 9:2	Suisui, ataiꞌa, suisui kamokomodaladi yo hama haba sa miyamiya na sa ꞌwasaꞌwasabuwemiu. Haba gigibwali E felemiu be nimamiu yai ami ita watanidi.
211	GEN 9:5	ꞌWasinamiu haba E fatala doha ite: Yena suisui hesa doga ya wunui, suisui ni haba sa lau funuhi hinaga. Na yena doga hesa, doga ya wunui, haba ami lau funuhi paꞌana ꞌwasinana mate mwahuli pwalana.
213	GEN 9:7	Na umi, au talu fanafanatu yo au tadada be tanohi mahudoꞌina au famohafu.
214	GEN 9:8	Yaubada ya libalau Nowa ma afa nanatuna lisidi iyen,
217	GEN 9:11	E ginauli lisimiu yai mate ginauli mwahumwahulidi mahudoꞌidi yo tanohi ibege utufi i faheyaya fuyoꞌidi.
221	GEN 9:15	haba egu yali E nuwanuwatuhui, Yau yo um lisida yai, yo ginauli mwahumwahulidi mahudoꞌidi hinaga lisidi yai. Ibege ginauli mwahumwahulidi mahudoꞌidi utufi i faheyaya fuyoꞌidi.
270	GEN 11:3	Sa faliba fuyoꞌidi tiyen, Au laoma! Haba bwadagowa te abi be te gabu fapoꞌidi. Be luma edi aba ginaulina mate ginaulidi sa fanonohaidi.
274	GEN 11:7	Haga ta lidi be edi alina ta bui, be tabu alinadi ti atahi lobahi fuyoi.
298	GEN 11:31	Tela natuna Abelam, wahana Halan natuna Lota, yo botiyana Salaiya, Abelam natuna, mate mahudoꞌidi Kaladiya dodogadi edi nuꞌu Ula yai sa aulaha bena sa lau Kanana. In moho, sa lau ee–, Halan nuꞌuna yai amainiya sa miya. Na hige ti abi mahano Kanana yai.
300	GEN 12:1	Guyau ya libalau Abelam lisina, iyen, Em nuꞌu, em dodoga yo tamam ena luma dodogadi u lau afuledi na u lau tanohi haba E faꞌitam ainiya.
302	GEN 12:3	Yena sai ya kawa loholohoꞌem, mate Yau hinaga haba E kawa loholohoꞌen, na sai ya kaumananaem haba E kaumananaen. Debam yai egu loholoho haba ya talu dodoga mahudoꞌidi tanoꞌubu yai ai lisidi.
303	GEN 12:4	Yo fede, Guyau alinana Abelam ya lau watan be maꞌena Lota sa lau. Fuyana Halan sa lau afulen mate Abelam ena bolima 75.
304	GEN 12:5	Abelam lahuna yo madiyana Lota ya foyahidi. Ena ginauli, yosiyosi, yo ena dodoga Halan nuꞌuna yai ya lawe gogonidi. Na sa lau Kanana tanohina, be sa mahano amainiya.
305	GEN 12:6	Abelam tanohina ya tafo dadai, ya lau ee–, oyagi laꞌilaꞌi hesa Sekem nuꞌuna yai hesana Mole, amainiya ana sigasiga. Fuyana yai Kanana dodogadi amainiya sa miyamiya.
320	GEN 13:1	Abelam ma lahuna Idipi yai sa aulaha be sa lau Negebi. Edi ginauli yo yosiyosi mahudoꞌidi sa lawe esegahidi yo fede, Lota ya lau watanidi.
321	GEN 13:2	Abelam ya fagogo wananaha; ena bulumakau, sipi, siluba yo gole sa ouli wananaha.
322	GEN 13:3	Negebi yai ya lau nuꞌu hesa - hesa yai ee–, ya mahano lau edi aba pei palai bwaꞌibwaꞌina yai, Beteli yo Ai atiꞌatipudi yai;
323	GEN 13:4	be somo yai katakatan ena aba ginauli bwaꞌiyena yai, amainiya Abelam ya lauꞌuꞌula lau Guyau lisina.
324	GEN 13:5	Fuyana Lota Abelam ya laulau watan, in hinaga ena sipi, bulumakau, yo palai.
325	GEN 13:6	In moho, tanohina yai, yosiyosi adi ban hige i laꞌi, be hige gonowana ti miya esega.
326	GEN 13:7	Yo fede, Abelam ena yosiyosi tau ita watanidi yo Lota ena yosiyosi tau ita watanidi sa faibayaho. Fuyana yai mate Kanana yo Pelesi dodogadi hinaga nuꞌuna yai ni sa miyamiya.
327	GEN 13:8	Yo fede, Abelam ya libalau Lota lisina iyen, Tabu um yo yau e em yosiyosi tau ita watanidi yo yau egu ma afa haidada ta faibayaho, paꞌana um mate efagu.
328	GEN 13:9	Tanohi hola mahudoꞌina - ta faitamodaili; yena wa lau tefa seuseuli, yau haba E lau tefa siba, na yena wa lau tefa siba haba yau E lau tefa seuseuli.
329	GEN 13:10	Lota ya itaꞌita lau, Diyodan gonna ya lau ee–, Sowa, mahudoꞌina ya ita, mate hoꞌowa sa ouli doha Guyau ena gabu Iden yai yo doha Idipi tanohina. (Fuyana yai mate Guyau hola hige Sodom yo Gomola i lau kwayaidi).
330	GEN 13:11	Amainiya sa faitamo daili. Lota Diyodan gonna ya fasinabo be ya aulaha ya lau maihala ena aba tala hitima yai.
332	GEN 13:13	Fuyana yai Sodom dodogadi sa nuwatuhu lau wata be heyaya sa laulau ginauli Guyau matana yai.
333	GEN 13:14	Lota haꞌa ya lau na mulina yai Guyau ya libalau Abelam lisina, iyen, Em aba obiꞌobiyo yai matam u falaba hitin be u itaꞌita leu, u itaꞌita sai, u itaꞌita hasa yo u itaꞌita lidi;
336	GEN 13:17	U lau tanohina u tafo dadai paꞌana haba E felem.
337	GEN 13:18	Yo fede, Abelam ena palai ya faꞌaulaha bodaidi ya lau Hebelon yai be oyagi laꞌilaꞌi Mamale, sadaina yai ya gogo. Amainiya antalasam aba gabuna katakatanna ya ginauli.
351	GEN 14:14	Abelam wasa ya atahiyen mate madiyana Lota sa tohai, yo fede, ena tau hiyala dodogadi ena tau paisowa nanatudi 318 ya yoga gogonidima, be baꞌibaꞌisa fati sa weꞌa dudu lidi ee–, Dan duhu laꞌina yai.
352	GEN 14:15	Amainiya ena tau hiyala ya pei daili, na iꞌipana adi waiyunu sa laufidi be sa an fadabalalaidi na sa weꞌaidi ee–, Hoba, Damaseko tefa lidilidina yai.
354	GEN 14:17	Abelam maꞌena Kedolama yo babaꞌisa haisa ma afa haidana sa hiyala be ya lei hafihafitidi habahim Sodom edi baꞌisa ya lau be ya failobahi Sawe gonna yai (hesana hesa, “Baꞌisa ena Gon.”)
356	GEN 14:19	Melekisideki ena faloholoho Abelam ya felen, na iyen, Yaubada Hewa Wananaha, Galewa yo Tanoꞌubu Tau Ginaulina haba ena loholoho ya fatalu ai lisim.
357	GEN 14:20	Hewa Wananaha Yaubadana te fadebasae paꞌana am waiyunu ya lei hafihafitidi. Ginauli somo - somo Abelam ya abidi, ya daili be pei safuhudohudoꞌi, na habahim pei esega ya abi be Melekisideki ya felen.
358	GEN 14:21	Sodom edi baꞌisa ya libalau Abelam lisina, iyen, Ginauli mahudoꞌidi u abidi na egu dodoga moho, u fele fafuyogu.
362	GEN 15:1	Muli yai habahim, Yaubada eno suwai yai ya libalau Abelam lisina, iyen, Tabu u ꞌwasabu, Yau haba E bobodiyem, yo maisam haba ya laꞌi.
366	GEN 15:5	Habahim kamumu yai, Yaubada, Abelam ya lawen ena palai ganamuli yai, be ya faliba, iyen, U itaꞌita hasa galewa, be kipwala u itadi haba gonowam wa fatilidi? Um laulauwewem haba sa ouli wananaha doha kipwala.