8	GEN 1:8	Bili daili hesana ya tole Galewa. Maihala ya bulu, mate itete lahai fafaluwagana.
10	GEN 1:10	Yaubada tanohi hesana ya tole Tanohi. Na hoꞌowa sa falau esega hesana ya tole Gabogabo. Yaubada ya itadi mate sa loholoho.
28	GEN 1:28	Habahim ya faloholohodi, na iyen, “Au talu fanafanatu, be nanatumiu tanohi mahudoꞌina ti miyai yo ti tanuwagai. Gabogabo hamadi, yada ataiꞌadi yo ginauli mwahumwahulidi tanohi yai tigatigadi yo kanekanekanedi haba ami ita watanidi hinaga.”
29	GEN 1:29	Habahim iyen, “Ginauli iniꞌinidi fafaliꞌedi mahudoꞌidi tanohi mahudoꞌina yai yo oyagi fuwafuwadi tumatumadi mahudoꞌidi hinaga E felemiu, ami anꞌan.
31	GEN 1:31	Ginauli mahudoꞌidi Yaubada ya fatubudi ya itadi, mate sa loholoho wananaha! Maihala ya bulu, mate itete lahai fafaligigi esegana.
35	GEN 2:4	Itete sidohana tanoꞌubu ena ginaginaulina. Fuyana Guyau Yaubada tanoꞌubu yo galewa ya ginaulidi mate,
43	GEN 2:12	(Gole wananaha, maꞌi panepanena fisafisadi yo umeꞌehu namanamalidi amainiya sa lobahidi).
44	GEN 2:13	Saꞌa fafaluwagana mate hesana Gihon ya didi lau Kusi Nuꞌuna yai.
46	GEN 2:15	Habahim taumohona ya lawen Iden. Gabuna yai ya tole be ya ita watan yo ya paisowai.
49	GEN 2:18	Guyau hinaga iyen, Taumoho iyabona hige i loholoho. Haba ana sagu yo tau saguhina dudulaina E ginauli.
54	GEN 2:23	Adam iyen, Yee–, matabahim doga nenena doha yau, itete yau siyadagu, taugu yai sa kamfahi yo fisihogu tefana. Haba hesana E tole waihin, paꞌana taumoho oitalina yo fisihona yai Guyau ya ginauli.
57	GEN 3:1	Guyau Yaubada suisui yekoyekodi ya ginaulidi, na ganahewana yai mate weso lau bwalabwala yai ya sonoga wananaha, habahim suisui hahaisa. Weso ya libalau waihin lisina iyen, Oyagi gabu yai ni wananaha Yaubada ya falibamiu, “Tabu uludi au anidi?”
58	GEN 3:2	Waihin ya libalau weso lisina iyen, Gonowana gabu yai oyagi uludi ꞌe anidi.
64	GEN 3:8	Hwaya ya biga, na gabu yai Guyau Yaubada ya laolaoma, ahena daguguna taumoho ni ma lahuna sa atahi, yo fede oyagi fatau bulubuluhidi yai sa alasimo.
65	GEN 3:9	Na Guyau Yaubada ya yogalau taumoho lebena, iyen, Um somo yai?
66	GEN 3:10	Alinana ya fafuyo iyen, Gabu yai ahem daguguna E atahi, na E ꞌwasabu, paꞌana yau ma tau afaꞌafagu yo fede E alasimo.
69	GEN 3:13	Yo fede Guyau Yaubada ya libalau waihin lisina iyen, Somo wa ginauli? Waihin iyen, Weso ya bwalaigu be oyagi uluna E an.
70	GEN 3:14	Habahim, Guyau Yaubada ya libalau weso lisina iyen, Paꞌana laulau ni wa ginauli, kaumanana ya laowa hewam yai. Suisui manamanasadi yo yekoyekodi ganahewadi yai um haba heyaya laꞌilaꞌi wa fahoina. Haba ai bogam wa felifeli. Am kalahe, haba ma afusana wa an esegahi, fuya ouꞌouli.
72	GEN 3:16	Guyau ya libalau waihin lisina iyen, Em fanatu yai haba kamkamna laꞌilaꞌi wa fahoina. Kamkamna yai, haba nanatum wa yosidi. Em gadosisi haba ya ota esegahi lahum lisina yai be in haba am tanuwaga.
73	GEN 3:17	Hinaga ya libalau Adam lisina iyen, Oyagi uluna E falaugagayoꞌen mate tabu u an! In moho, lahum alinana wa lau watan be uluna wa an. Debam yai tanohi E kaumananaen. Gabu yai haba hawa nulinulidi sa tala inꞌin, na haba wa ankamkamna, be kalahe wa lobahi, yo somo iyabodi sa in hinaga, am kalahe.
77	GEN 3:21	Habahim edi kaleko suisui ꞌwapidi yai Guyau Yaubada ya ginaulidi, be ya faliꞌodi.
78	GEN 3:22	Habahim, Guyau Yaubada iyen, Dodoga te sa famala doha Ita, paꞌana loholoho yo heyaya haꞌa sa sibaidi. Tabu nimadi ti lolon be mwahuli oyagina uluna ti abi be ti an. Doꞌata, haba sa miya ee–, hige anadan.
79	GEN 3:23	Yo fede Guyau Yaubada ya weꞌaidi Iden Gabuna yai. Tanohi lisina yai ya falasadi, mate lisina yai, hinaga adi sa uma.
81	GEN 4:1	Adam ma lahuna Iwa sa eno bili, yo fede Iwa ya boga be natuna Kaina ya yosi. Na ya liba iyen, Guyau ena faisagusagu yai natugu taumoho E yosi.
83	GEN 4:3	Fuya hesa Kaina kalahe ya umahidi, anꞌandi ya abidi ya lau Guyau ya felen ena antalasam.
84	GEN 4:4	Abela hinaga sipi natuna halahala fwauna tubu loholohona ya wunui be tefana ya lau Guyau ya felen, ena antalasam. Guyau Abela ya ita faloholoho yo ena antalasam hinaga.
85	GEN 4:5	In moho Kaina ena antalasam Guyau hige i ita faloholoho. Yo fede Kaina ya manabala be ya dulu.
86	GEN 4:6	Habahim Guyau ya libalau Kaina lisina iyen, Paꞌana somo be wa manabala? Sidohana be wa duludulu?
89	GEN 4:9	Habahim Guyau ya libalau Kaina lisina iyen, Hidam Abela somo yai? Alinana Kaina ya bui iyen, Hige ya sibai. Yau hige hidagu ya itaꞌita watan.
90	GEN 4:10	Guyau iyen, Somo wa ginauli? Tasim ꞌwasinana tanohi yai ya yogayoga hasaema lisigu.
106	GEN 4:26	Seti hinaga natuna taumoho. Hesana ya tole: Inosi. Fuyanna yai mate dodoga sa fatubu Guyau hesana sa fadebasae.
143	GEN 6:5	Dodoga tanoꞌubu yai Guyau ya itadi mate fuya ouꞌouli edi laulau yo edi nuwanuwatuhu sa heyaya wananaha,
144	GEN 6:6	be Guyau ya fatalapili lau dodoga ya ginaulidi tanoꞌubu yai, be nuwana ya heyaya.
145	GEN 6:7	Yo fede Guyau ya liba iyen, Ginauli somo mahudoꞌidi E ginaulidi tanoꞌubu yai haba E abifahidi. Paꞌana dodoga nuwagu sa faheyaya.
146	GEN 6:8	In moho Guyau Nowa ya ita faloholoho.
155	GEN 6:17	Haba diboli utuꞌutu E fatamaliyawa ai tanohi, be ginauli mwahumwahulidi mahudoꞌidi haba ya faheyayadi. Ginauli be sa peꞌi.
165	GEN 7:5	Yo fede Guyau somo ya fatalaha mate ya ginauli watanidi.
183	GEN 7:23	Ginauli mwahumwahulidi mahudoꞌidi tanoꞌubu yai: dodoga, suisui, ginauli kamokamodaladi yo ataiꞌa mate Guyau ya abifahidi. Nowa yo safalumadi waga ganahewana yai mate sa mwahuli.
205	GEN 8:21	Guyau Antalasam panena loholohona ya atahi, na nuwana yai iyen, Dodoga ma kikiꞌinadi ya laoma ee–, sa lalaꞌi edi nuwatuhu mate, heyaya haba sa ginaginauli. In moho tanohi ibege ya kaumananaen fuyoi. Ginauli mwahumwahulidi haꞌa E ginaulidi, ibege ya faheyaya fuyoꞌidi.
269	GEN 11:2	Tefa saisai yai sa aulaha sa laoma ee–, sa mahano Babela Gonna yai sa miya.
300	GEN 12:1	Guyau ya libalau Abelam lisina, iyen, Em nuꞌu, em dodoga yo tamam ena luma dodogadi u lau afuledi na u lau tanohi haba E faꞌitam ainiya.
303	GEN 12:4	Yo fede, Guyau alinana Abelam ya lau watan be maꞌena Lota sa lau. Fuyana Halan sa lau afulen mate Abelam ena bolima 75.
306	GEN 12:7	Guyau ya taumahata Abelam lisina yai, na iyen, Tanohi te haba laulauwewem E feledi.
323	GEN 13:4	be somo yai katakatan ena aba ginauli bwaꞌiyena yai, amainiya Abelam ya lauꞌuꞌula lau Guyau lisina.
329	GEN 13:10	Lota ya itaꞌita lau, Diyodan gonna ya lau ee–, Sowa, mahudoꞌina ya ita, mate hoꞌowa sa ouli doha Guyau ena gabu Iden yai yo doha Idipi tanohina. (Fuyana yai mate Guyau hola hige Sodom yo Gomola i lau kwayaidi).
332	GEN 13:13	Fuyana yai Sodom dodogadi sa nuwatuhu lau wata be heyaya sa laulau ginauli Guyau matana yai.
333	GEN 13:14	Lota haꞌa ya lau na mulina yai Guyau ya libalau Abelam lisina, iyen, Em aba obiꞌobiyo yai matam u falaba hitin be u itaꞌita leu, u itaꞌita sai, u itaꞌita hasa yo u itaꞌita lidi;
348	GEN 14:11	Kin fati mate Sodom yo Gomola yai ginauli yo kalahe sa gelaedi na sa lau.
353	GEN 14:16	Ginauli somo adi waiyunu sa abidi mate sa fafuyodi. Madiyana Lota yo ena ginauli mahudoꞌidi, wawahin yo dodoga haisa hiyala yai sa gelaedi mate sa fafuyodi hinaga.
354	GEN 14:17	Abelam maꞌena Kedolama yo babaꞌisa haisa ma afa haidana sa hiyala be ya lei hafihafitidi habahim Sodom edi baꞌisa ya lau be ya failobahi Sawe gonna yai (hesana hesa, “Baꞌisa ena Gon.”)
356	GEN 14:19	Melekisideki ena faloholoho Abelam ya felen, na iyen, Yaubada Hewa Wananaha, Galewa yo Tanoꞌubu Tau Ginaulina haba ena loholoho ya fatalu ai lisim.
357	GEN 14:20	Hewa Wananaha Yaubadana te fadebasae paꞌana am waiyunu ya lei hafihafitidi. Ginauli somo - somo Abelam ya abidi, ya daili be pei safuhudohudoꞌi, na habahim pei esega ya abi be Melekisideki ya felen.
358	GEN 14:21	Sodom edi baꞌisa ya libalau Abelam lisina, iyen, Ginauli mahudoꞌidi u abidi na egu dodoga moho, u fele fafuyogu.
359	GEN 14:22	In moho Abelam ya libalau Sodom edi kin lisina, iyen, Yaubada ya Hasai Wananaha Guyauna, Galewa yo Tanoꞌubu Tau Ginaulidi, hesana yai E angwala mate,
363	GEN 15:2	Na Abelam iyen, Aee–, Yaubada Hewa Wananaha Guyauna, hola hige natugu na somo haba wa felegu? Yena E peꞌi, egu tau paisowa Damaseko dogana, Eliyesi mate, doha natugu be haba egu ginauli mahudoꞌidi ya abidi!
365	GEN 15:4	Guyau ya libalau Abelam lebena iyen, Taumoho te, ibege em ginauli i abidi, paꞌana natum haba E felem be em ginauli mahudoꞌidi haba aiꞌena.
374	GEN 15:13	Habahim Guyau ya libalau Abelam lisina, iyen, Wa siba mate, am hiti mulita haba ai nuꞌu hesa sa miya taꞌotaꞌowawa. Haba sa fahisu faheyayadi doha fayofayo tau abidi ya lau ee–, bolima 400.
384	GEN 16:2	Yo fede, Salaiya ya libalau Abelam lisina iyen, Guyau ya taꞌai mulimuliyegu lisina yai ibege ya fanatu. U lau be maꞌem egu tau paisowa au eno bili, nuwana ai lisina haba agu boga ya tadada. Salaiya ena nuwatuhu, Abelam ya ehe watawatan.
399	GEN 17:1	Abelam ena bolima 99 na Guyau ya taumahata lebena yai. Ya faliba iyen, Yau Yaubada Tau Gigibwali. U famuli watanigu yo em laulau bena sa dudulai!
426	GEN 18:1	Mamale ena oyagi laꞌilaꞌi sadaina yai, Guyau ya taumahata Abelaham lisina yai. Lahai laꞌi yai ena palai luhuluhu launa yai ya taꞌataꞌai.
435	GEN 18:10	Habahim Guyau iyen, Bolima hesa maihala doha itete, Haba E fuyoma, na lahum Sala haba natum taumoho ya yosi. Sala ya ataꞌatahi, ena palai luhuluhu launa yai.
438	GEN 18:13	Habahim Guyau ya libalau Abelaham lisina, iyen, Paꞌana somo be Sala ya liuhwa na iyen, “Yau haꞌa E tinalaꞌi na sidohana haba E fanatu?”
439	GEN 18:14	Ginauli somo hige gonowana Guyau i ginauli? Bolima hesa lahaina doha itete, Haba E fuyoma lisim, na lahum Sala haba natuna taumoho.
440	GEN 18:15	Sala ya ꞌwasabu. Yo fede, ya bwala, iyen, Yau hige ya liuhwa. Na Guyau iyen, Na fede, wa liuhwa!
442	GEN 18:17	Habahim Guyau iyebom, Somo bena E ginauli, haba Abelaham E faliba, e hafena?
444	GEN 18:19	Logena E fasinabo be haba nanatuna yo wahawahana, ya eda bwaꞌiyedi be Guyau ena laulau sa miyamiyaꞌedi, be Guyau ena liba fasunuma Abelaham lisina yai, ya ginauli.
445	GEN 18:20	Habahim Guyau iyen, Sodom yo Gomola dodogadi mate edi heyaheyaya sa laꞌi wananaha, yo laulau heyaheyayadi sa laulau ginauli mate, wasadi E atahiyedi.
447	GEN 18:22	Tatau luwaga sa aulaha sa lau Sodom, na Abelaham mate Guyau nuwanuwana yai ya obiꞌobiyo.
451	GEN 18:26	Guyau iyen, Yena dodoga dudulaidi 50 Sodom duhu laꞌi ai ganahewana E lobahidi mate, ai debadi haba nuꞌuna ibege ya faheyaya.
452	GEN 18:27	Habahim Abelaham ya liba fuyo, iyen, Yau afusa gaibu. Hige egu loholoho hesa. In moho, aho te, E libalau Guyau lisina. Hige ya ꞌwasabu.
453	GEN 18:28	Ibe dudulaidi 50, na faligigi sa heyaya? Haba duhu laꞌi mahudoꞌina wa faheyaya dodoga faligigi debadi yai? Guyau iyen, Ibe dudulaidi 45, hige gonowana ya faheyayadi.
454	GEN 18:29	Abelaham ya liba fuyo Guyau lisina iyen, Ibe ainiya 40 wa lobahidi, haba sidohadi? Guyau iyen, 40 debadi yai ibege somo ya ginauli ai lisidi.
455	GEN 18:30	Habahim, iyen, Guyau tabu u manabala, hola ya falibam. Na ibe dodoga 30 dudulaidi ainiya wa lobahidi, haba nuꞌuna wa faheyaya? Yaubada iyen, Yena 30 E lobahidi, ibege somo ya ginauli.
456	GEN 18:31	Abelaham iyen, Aho te, E libalau Guyau lisina, hige ya ꞌwasabu. Ibe 20 ainiya wa lobahidi, haba nuꞌuna wa faheyaya e higeꞌe? Guyau iyen, Yena 20, ibege ya lau kwaya.
457	GEN 18:32	Habahim, Abelaham iyen, Guyau tabu u manabala, na hola ya liba fuyo ma esega. Ibe safuhudohudoꞌi ainiya wa lobahidi, haba sidohadi? Alinana Guyau ya bui, iyen, Safuhudohudoꞌi ai debadi, ibege ya lau kwaya.
458	GEN 18:33	Lahaina yai, Guyau maꞌena Abelaham sa libaliba ofi. Habahim Guyau ya aulaha na Abelaham ya fuyo ena palai.
460	GEN 19:2	Na ya libalau lisidi iyen, Aee–, egu Guyau, Yauwedo! Au laoma egu luma be ahemiu au kaisudi. Haba iꞌipa aiteꞌi ami lau eno, na hwalahwalala haba ami aulaha boda. Alinana sa bui, tiyen, Higeꞌe, haba ai duhu laꞌi dobidobina ꞌe eno.
471	GEN 19:13	Paꞌana dobuna te edi heyaheyaya sa laꞌi wananaha, logena be Guyau ya fatamalimai ꞌe laoma bena ꞌe gabu golu.
472	GEN 19:14	Be Lota ya lau nanatuna wawahin luwaga afa lalahudi haꞌa ya fasinabodi, ya falibadi iyen, Feula! Au aulaha, paꞌana Guyau duhu laꞌi te, haba ya gabu golu. Na edi nuwatuhu bena haga ya laulau faliuhwa.
474	GEN 19:16	In moho, Lota nuwana ya luwaluwaga. Yo fede, anelu sa abilau ma lahuna yo nanatudi wawahin luwaga nimadi yai sa solu weꞌaweꞌadi, be sa lau duhu laꞌi ganamulina yai, paꞌana Guyau ya nuwatohatohaedi.
482	GEN 19:24	Habahim, galewa yai, umeꞌehu ala balebalelemdi Guyau ya fatamalidima. Yo fede, Sodom yo Gomola sa alagolu.
483	GEN 19:25	Duhu laꞌi lalalaꞌi yo kikiꞌina mahudoꞌidi ya faheyayadi. Ginauli mwahumwahulidi yo umaꞌuma, oyagi, hawahawa yo suisui mahudoꞌidi ya gabu goludi.
515	GEN 21:1	Guyau ya loholoho Sala lisina yai, be somo Yaubada ya liba fasunuma wa, ya fawananaha.
522	GEN 21:8	Gwama ya laꞌi ofi be nom sa fadabu, lahaina yai, Abelaham anꞌangogo laꞌilaꞌi ya ginauli.
562	GEN 22:14	Abelaham nuꞌuna hesana ya tole: “Guyau ena felefele.” Aho te nuꞌuna hesana sa atahi “Guyau ena Felefele Oyana.”
563	GEN 22:15	Guyau ena anelu galewa yai ya liba fuyo, iyen,
1038	GEN 35:26	Liya ena paula tau abina Silipa nanatuna mate Gada yo Asela. Iyakobo nanatuna te Padan Alam yai sa yosidi.
1091	GEN 37:7	“Gabu yai witi pilipilinidi na hige walolona na egu pili ya obiyo dudulai, na umi emi pili sa obiyo fafataꞌiꞌili be sa dulu lidi lisina yai.”