3	GEN 1:3	Habahim Yaubada iyen, “Haga mala ta fataumahata.” Yo fede ya taumahata.
6	GEN 1:6	Yaubada iyen, “Hoꞌowa aba dailina i taumahata, be hoꞌowa i daili luwagai.”
9	GEN 1:9	Habahim Yaubada iyen, “Hoꞌowa galewa ubuna yai i falau esega ai tefa esega, na tanohi i taumahata.” Yo fede ya taumahata.
11	GEN 1:11	Habahim Yaubada iyen, “Ai tanohi oyagi nene hudoꞌi - hudoꞌi yo hawahawa ti tala inꞌin, ti fuwa be ti lau liꞌe.” Yo fede, ginaulidi sa in.
15	GEN 1:15	Haba maladi sa sina lidi tanohi ai hewana.” Yo fede ya tubu.
26	GEN 1:26	Habahim, Yaubada iyen, “Taumoho ta ginauli doha ita. Haba tanoꞌubu mahudoꞌina: gabogabo hamadi, yada ataiꞌadi, yosiyosi, suisui kanekanenedi yo kamokamodaladi ya tanuwagaidi.”
28	GEN 1:28	Habahim ya faloholohodi, na iyen, “Au talu fanafanatu, be nanatumiu tanohi mahudoꞌina ti miyai yo ti tanuwagai. Gabogabo hamadi, yada ataiꞌadi yo ginauli mwahumwahulidi tanohi yai tigatigadi yo kanekanekanedi haba ami ita watanidi hinaga.”
29	GEN 1:29	Habahim iyen, “Ginauli iniꞌinidi fafaliꞌedi mahudoꞌidi tanohi mahudoꞌina yai yo oyagi fuwafuwadi tumatumadi mahudoꞌidi hinaga E felemiu, ami anꞌan.
33	GEN 2:2	Lahai fafaligigi luwagana yai Yaubada ana paisowa ya faꞌofi, be lahaina ya kawa loholohoꞌen yo ya fatabu. Habahim ya anyawasi.
38	GEN 2:7	Habahim afusa ya abi tanohi yai na taumoho ya falasa. Ya yahafuwa lau hisuna yai be taumohona ya adidili yo ya mwahiu.
39	GEN 2:8	Maihala ena aba kepama yai gabu ya ginauli Iden yai. Habahim taumoho ya falasa, amainiya ya tole.
41	GEN 2:10	Yomayoman ya didi lidi Iden, be gabuna ya fahoꞌowa. Hoꞌowa gwaluna yai ya saꞌa, be saꞌana oulina fati.
42	GEN 2:11	Saꞌa bwaꞌibwaꞌina mate hesana Pison mate Hawila nuꞌuna ya didi fataꞌiꞌili, na gole amainiya.
46	GEN 2:15	Habahim taumohona ya lawen Iden. Gabuna yai ya tole be ya ita watan yo ya paisowai.
49	GEN 2:18	Guyau hinaga iyen, Taumoho iyabona hige i loholoho. Haba ana sagu yo tau saguhina dudulaina E ginauli.
50	GEN 2:19	Be ataiꞌa, yosiyosi yo suisui yekoyekodi tanohi yai ya falasadi. Habahim ya lawedi Adam lisina, na hesa somo ya tole, mate, logena. In moho hige laꞌi, gonowana i saguhi.
52	GEN 2:21	Yo fede, taumoho ni ya lau faꞌeno. Habahim, oitalina esega ya abifahi, na omatana ya fasusu buluhi.
54	GEN 2:23	Adam iyen, Yee–, matabahim doga nenena doha yau, itete yau siyadagu, taugu yai sa kamfahi yo fisihogu tefana. Haba hesana E tole waihin, paꞌana taumoho oitalina yo fisihona yai Guyau ya ginauli.
64	GEN 3:8	Hwaya ya biga, na gabu yai Guyau Yaubada ya laolaoma, ahena daguguna taumoho ni ma lahuna sa atahi, yo fede oyagi fatau bulubuluhidi yai sa alasimo.
70	GEN 3:14	Habahim, Guyau Yaubada ya libalau weso lisina iyen, Paꞌana laulau ni wa ginauli, kaumanana ya laowa hewam yai. Suisui manamanasadi yo yekoyekodi ganahewadi yai um haba heyaya laꞌilaꞌi wa fahoina. Haba ai bogam wa felifeli. Am kalahe, haba ma afusana wa an esegahi, fuya ouꞌouli.
73	GEN 3:17	Hinaga ya libalau Adam lisina iyen, Oyagi uluna E falaugagayoꞌen mate tabu u an! In moho, lahum alinana wa lau watan be uluna wa an. Debam yai tanohi E kaumananaen. Gabu yai haba hawa nulinulidi sa tala inꞌin, na haba wa ankamkamna, be kalahe wa lobahi, yo somo iyabodi sa in hinaga, am kalahe.
75	GEN 3:19	Haba wa an muyahasa yo wa paisowa adidili be kalahe wa lobahi, ya lau ee–, ai muli haba wa peꞌi, wa fuyo tanohi. Paꞌana tanohi yai E falasam. Um afusa, be yena wa peꞌi haba wa famala afusa.
77	GEN 3:21	Habahim edi kaleko suisui ꞌwapidi yai Guyau Yaubada ya ginaulidi, be ya faliꞌodi.
78	GEN 3:22	Habahim, Guyau Yaubada iyen, Dodoga te sa famala doha Ita, paꞌana loholoho yo heyaya haꞌa sa sibaidi. Tabu nimadi ti lolon be mwahuli oyagina uluna ti abi be ti an. Doꞌata, haba sa miya ee–, hige anadan.
86	GEN 4:6	Habahim Guyau ya libalau Kaina lisina iyen, Paꞌana somo be wa manabala? Sidohana be wa duludulu?
88	GEN 4:8	Habahim Kaina tasina Abela ya faliba iyen, Te lau, te laulau tiga. Fuyana sa laulau tiga Kaina tasina ya tohai be ya wunui.
89	GEN 4:9	Habahim Guyau ya libalau Kaina lisina iyen, Hidam Abela somo yai? Alinana Kaina ya bui iyen, Hige ya sibai. Yau hige hidagu ya itaꞌita watan.
91	GEN 4:11	Aho ite E kaumananaem. E duwim nuꞌu yai te. Hidam ꞌwasinana ya tabuliwa, itaꞌitana doha tanohi te moꞌana i tasoꞌe be ꞌwasinana i tofi, fuyana wa lau funuhi.
106	GEN 4:26	Seti hinaga natuna taumoho. Hesana ya tole: Inosi. Fuyanna yai mate dodoga sa fatubu Guyau hesana sa fadebasae.
147	GEN 6:9	Itete Nowa dedena: Nanatuna faihona hesadi mate, Sem, Ham yo Diyapeti. Nowa ena fuya yai mate hige ena lau pono hesa. Yaubada moho ya famuli watan.
155	GEN 6:17	Haba diboli utuꞌutu E fatamaliyawa ai tanohi, be ginauli mwahumwahulidi mahudoꞌidi haba ya faheyayadi. Ginauli be sa peꞌi.
161	GEN 7:1	Habahim Yaubada ya libalau Nowa lisina iyen, Ma lahum, yo nanatumiu, ma lalahudi, au luhulau waga ganahewana, paꞌana E ita mate hiti tanoꞌubu yai te, um ibom wa dudulai.
201	GEN 8:17	Suisui, ataiꞌa, yo suisui kamokomadaladi mahudoꞌidi au lawedi ganamuli. Haba sa talu fafanatu be tanoꞌubu mahudoꞌina sa famohafu.
204	GEN 8:20	Habahim Nowa antalasam katakatanna ya ginauli, na suisui yo ataiꞌa anꞌandi ya abidi be ya gabudi. Ena antalasam ya lau Yaubada lisina.
208	GEN 9:2	Suisui, ataiꞌa, suisui kamokomodaladi yo hama haba sa miyamiya na sa ꞌwasaꞌwasabuwemiu. Haba gigibwali E felemiu be nimamiu yai ami ita watanidi.
270	GEN 11:3	Sa faliba fuyoꞌidi tiyen, Au laoma! Haba bwadagowa te abi be te gabu fapoꞌidi. Be luma edi aba ginaulina mate ginaulidi sa fanonohaidi.
271	GEN 11:4	Na tiyen, Matabahim, haba duhu balabalamumu hesa te ginauli yo luma hesa laꞌilaꞌi na hewa lofalofana te ginauli ya hasai ee–, galewa. Haba sa noꞌonoꞌoꞌeda be tabu ta failaulauwida.
272	GEN 11:5	Habahim Yaubada ya lidima be duhu balabalamumu yo luma hewa lofalofa dodoga sa ginauli, ya ita,
274	GEN 11:7	Haga ta lidi be edi alina ta bui, be tabu alinadi ti atahi lobahi fuyoi.
294	GEN 11:27	Itete Tela laulauwewena: Abelam, Nahola, yo Halan. Tamadi mate Tela. Lota mate, tamana Halan.
295	GEN 11:28	Fuyanna Halan, Ula Nuꞌuna yai Kaladiya ganahewana yai, ya peꞌi mate tamana hola ya miyamiya.
296	GEN 11:29	Abelam mate lahuna Salaiya, na Nahola lahuna Milika. Halan natuna mate Milika yo Isika.
298	GEN 11:31	Tela natuna Abelam, wahana Halan natuna Lota, yo botiyana Salaiya, Abelam natuna, mate mahudoꞌidi Kaladiya dodogadi edi nuꞌu Ula yai sa aulaha bena sa lau Kanana. In moho, sa lau ee–, Halan nuꞌuna yai amainiya sa miya. Na hige ti abi mahano Kanana yai.
299	GEN 11:32	Tela ena bolima 205 habahim ya peꞌi Halan Nuꞌuna yai.
303	GEN 12:4	Yo fede, Guyau alinana Abelam ya lau watan be maꞌena Lota sa lau. Fuyana Halan sa lau afulen mate Abelam ena bolima 75.
304	GEN 12:5	Abelam lahuna yo madiyana Lota ya foyahidi. Ena ginauli, yosiyosi, yo ena dodoga Halan nuꞌuna yai ya lawe gogonidi. Na sa lau Kanana tanohina, be sa mahano amainiya.
337	GEN 13:18	Yo fede, Abelam ena palai ya faꞌaulaha bodaidi ya lau Hebelon yai be oyagi laꞌilaꞌi Mamale, sadaina yai ya gogo. Amainiya antalasam aba gabuna katakatanna ya ginauli.
350	GEN 14:13	In moho, doga hesa ya gela be ya lau sulu Hebelu dogana, Abelam ena ya liba. In mate Mamale ena oyagi laꞌilaꞌidi sadaidi yai ya miyamiya. Mamale ena sulu Amoli. Haihaidana mate Esikoli yo Ane. Iti mahudoꞌidi mate maꞌedi Abelam adi sana.
352	GEN 14:15	Amainiya ena tau hiyala ya pei daili, na iꞌipana adi waiyunu sa laufidi be sa an fadabalalaidi na sa weꞌaidi ee–, Hoba, Damaseko tefa lidilidina yai.
355	GEN 14:18	Habahim, Salem edi baꞌisa, Melekisideki, fwalawa yo wain ya abidi, be ya lawedi Abelam lisina. In mate Yaubada Hewa Wananaha ena tau antalasam.
356	GEN 14:19	Melekisideki ena faloholoho Abelam ya felen, na iyen, Yaubada Hewa Wananaha, Galewa yo Tanoꞌubu Tau Ginaulina haba ena loholoho ya fatalu ai lisim.
357	GEN 14:20	Hewa Wananaha Yaubadana te fadebasae paꞌana am waiyunu ya lei hafihafitidi. Ginauli somo - somo Abelam ya abidi, ya daili be pei safuhudohudoꞌi, na habahim pei esega ya abi be Melekisideki ya felen.
359	GEN 14:22	In moho Abelam ya libalau Sodom edi kin lisina, iyen, Yaubada ya Hasai Wananaha Guyauna, Galewa yo Tanoꞌubu Tau Ginaulidi, hesana yai E angwala mate,
363	GEN 15:2	Na Abelam iyen, Aee–, Yaubada Hewa Wananaha Guyauna, hola hige natugu na somo haba wa felegu? Yena E peꞌi, egu tau paisowa Damaseko dogana, Eliyesi mate, doha natugu be haba egu ginauli mahudoꞌidi ya abidi!
366	GEN 15:5	Habahim kamumu yai, Yaubada, Abelam ya lawen ena palai ganamuli yai, be ya faliba, iyen, U itaꞌita hasa galewa, be kipwala u itadi haba gonowam wa fatilidi? Um laulauwewem haba sa ouli wananaha doha kipwala.
374	GEN 15:13	Habahim Guyau ya libalau Abelam lisina, iyen, Wa siba mate, am hiti mulita haba ai nuꞌu hesa sa miya taꞌotaꞌowawa. Haba sa fahisu faheyayadi doha fayofayo tau abidi ya lau ee–, bolima 400.
376	GEN 15:15	Haba wa miya gwaugwau ee–, wa tautaulaꞌi wananaha, habahim wa peꞌi be sa boꞌusaim.
383	GEN 16:1	Abelam lahuna Salaiya ya hamoꞌafi na ena tau paisowa Idipi waihinna hesana Hagala.
385	GEN 16:3	Fuyana Abelam ya miyamiya Kanana nuꞌuna yai bolima safuhudohudoꞌi mulidi yai, laulau te ya tubu; Salaiya ena tau paisowa Hagala ya lawen lahuna Abelam lisina. In Idipi waihinna na ya felen be ya famala lahuna.
397	GEN 16:15	Yo fede, Hagala natuna taumoho ya yosi, na Abelam hesana ya tole Isamaiyeli.
398	GEN 16:16	Fuyana Abelam ena bolima 86 mate Hagala Isamaiyeli ya yosi.
403	GEN 17:5	Hige gonowana hesam ti atahi fuyoi Abelam, haba tiyen, Abelaham paꞌana E fasinabom be haba nuꞌu ouꞌouli adi ulutubu.
406	GEN 17:8	Kanana tanohina, aho ite, amainiya ami gogogo, mate dodoga haisa enehedi, in moho, tanohina ni mahudoꞌina um yo nanatum yo nanatum nanatudi E felemiu. Haba ya famala aiꞌemiu ee–, hige anadan. Nanatum ma afa nanatudi haba Yau edi Yaubada.
413	GEN 17:15	Yaubada ya libalau Abelaham lisina, iyen, Lahum ibege u atahi fuyoi, “Salaiya.” Hesana haba “Sala.”
414	GEN 17:16	Haba egu loholoho E felen, na ai lisina haba natum taumoho ya yosi! Haba egu loholoho E felen, be ya famala nuꞌu ouꞌouli tinadi na laulauwewena yai haba kin sa tubu.
429	GEN 18:4	Hola au anyawasi oyagi te ai loguloguna, na E lau hoꞌowa E yahiyama be ahemiu ami kaisudi.
432	GEN 18:7	Habahim ya fabelele ya lau bulumakau baiwadi yai, gubugubufwauna ya tohai, be ena paula tau abina ya felen, be ya asui feufeulai.
435	GEN 18:10	Habahim Guyau iyen, Bolima hesa maihala doha itete, Haba E fuyoma, na lahum Sala haba natum taumoho ya yosi. Sala ya ataꞌatahi, ena palai luhuluhu launa yai.
438	GEN 18:13	Habahim Guyau ya libalau Abelaham lisina, iyen, Paꞌana somo be Sala ya liuhwa na iyen, “Yau haꞌa E tinalaꞌi na sidohana haba E fanatu?”
439	GEN 18:14	Ginauli somo hige gonowana Guyau i ginauli? Bolima hesa lahaina doha itete, Haba E fuyoma lisim, na lahum Sala haba natuna taumoho.
442	GEN 18:17	Habahim Guyau iyebom, Somo bena E ginauli, haba Abelaham E faliba, e hafena?
445	GEN 18:20	Habahim Guyau iyen, Sodom yo Gomola dodogadi mate edi heyaheyaya sa laꞌi wananaha, yo laulau heyaheyayadi sa laulau ginauli mate, wasadi E atahiyedi.
448	GEN 18:23	Habahim, Abelaham ya sigilau lisina, iyen, Haba tau dudulai yo tau heyaya wa wunu gogonidi?
450	GEN 18:25	Um, bena dodoga dudulaidi yo heyaheyayadi wa lau funuhi gogonidi? Mate hige laulau loholohona. Hige gonowana tau heyaya yo tau dudulai ai lisidi u ginauli doha. Tanoꞌubu tau fakasana bena laulau dudulaina ya ginauli.
452	GEN 18:27	Habahim Abelaham ya liba fuyo, iyen, Yau afusa gaibu. Hige egu loholoho hesa. In moho, aho te, E libalau Guyau lisina. Hige ya ꞌwasabu.
453	GEN 18:28	Ibe dudulaidi 50, na faligigi sa heyaya? Haba duhu laꞌi mahudoꞌina wa faheyaya dodoga faligigi debadi yai? Guyau iyen, Ibe dudulaidi 45, hige gonowana ya faheyayadi.
455	GEN 18:30	Habahim, iyen, Guyau tabu u manabala, hola ya falibam. Na ibe dodoga 30 dudulaidi ainiya wa lobahidi, haba nuꞌuna wa faheyaya? Yaubada iyen, Yena 30 E lobahidi, ibege somo ya ginauli.
457	GEN 18:32	Habahim, Abelaham iyen, Guyau tabu u manabala, na hola ya liba fuyo ma esega. Ibe safuhudohudoꞌi ainiya wa lobahidi, haba sidohadi? Alinana Guyau ya bui, iyen, Safuhudohudoꞌi ai debadi, ibege ya lau kwaya.
458	GEN 18:33	Lahaina yai, Guyau maꞌena Abelaham sa libaliba ofi. Habahim Guyau ya aulaha na Abelaham ya fuyo ena palai.
460	GEN 19:2	Na ya libalau lisidi iyen, Aee–, egu Guyau, Yauwedo! Au laoma egu luma be ahemiu au kaisudi. Haba iꞌipa aiteꞌi ami lau eno, na hwalahwalala haba ami aulaha boda. Alinana sa bui, tiyen, Higeꞌe, haba ai duhu laꞌi dobidobina ꞌe eno.
462	GEN 19:4	Hola ma tuhutuhulidi, na Sodom duhu laꞌi dodogadi, hewahewali yo tatau lalaꞌi sa laoma be luma sa gana panpanen.
475	GEN 19:17	Sa lau ganamuli yai, na anelu hesa ya falibadi, iyen, Nanabumiu, au gela! Tabu au timuli bui, yo tabu ai gonu au anyawasi. Au gela au lau tuꞌa. Haba ibege au peꞌi.
482	GEN 19:24	Habahim, galewa yai, umeꞌehu ala balebalelemdi Guyau ya fatamalidima. Yo fede, Sodom yo Gomola sa alagolu.
521	GEN 21:7	Be Sala ya liba, iyen, Hige gonowana sai hesa Abelaham i faliba mate Sala haba wawaya ya ita watandi! In moho, ena fuya tautaulaꞌi yai natuna E yosi.
523	GEN 21:9	Fuya ma esega, Hagala Natuna Isamaiyeli ya fafamanabala Isako lisina yai, na Sala ya ita.
527	GEN 21:13	Na hinaga em tau paisowa Hagala natuna Isamaiyeli ai lisina haba am hiti mulita ya tadada nuꞌu tefa mahudoꞌina yai, paꞌana Isamaiyeli hinaga um natum.
528	GEN 21:14	Bobonna ma hwalahwalalana Abelaham ya eno obiyo be anꞌan yo hoꞌowa leduna ya abi nonohaidi be Hagala ya fabahei, na habahim ma natuna ya duidi, be nuꞌu sa lau afulen. Hagala ma natuna sa lau Belesiba, nuꞌuna pitapitalina yai sa laulau gaibu.