2	GEN 1:2	Tanoꞌubu mate afaꞌafana yo hige i poiꞌumai. Na kamumu mate hoꞌowa hewana ya fakou, yo Yaubada Yaluwana mate hoꞌowa hewana ya famohafu.
10	GEN 1:10	Yaubada tanohi hesana ya tole Tanohi. Na hoꞌowa sa falau esega hesana ya tole Gabogabo. Yaubada ya itadi mate sa loholoho.
24	GEN 1:24	Yaubada iyen, “Tanohi ginaulidi mwahumwahulidi nene hudoꞌi - hudoꞌi ti tubu: suisui manamanasadi, yekoyekodi, kanekanenedi yo kamokomodaladi.” Yo fede, somo Yaubada ya libaedi sa tubu.
26	GEN 1:26	Habahim, Yaubada iyen, “Taumoho ta ginauli doha ita. Haba tanoꞌubu mahudoꞌina: gabogabo hamadi, yada ataiꞌadi, yosiyosi, suisui kanekanenedi yo kamokamodaladi ya tanuwagaidi.”
45	GEN 2:14	Saꞌa fafaihonana hesana Tigilesi mate Asiliya tefa saisaina yai ya didi lau. Na fafatina mate hesana Ifeleti.
49	GEN 2:18	Guyau hinaga iyen, Taumoho iyabona hige i loholoho. Haba ana sagu yo tau saguhina dudulaina E ginauli.
56	GEN 2:25	Taumoho yo waihin ma tau afaꞌafadi, in moho, hige ti taumayamaya.
57	GEN 3:1	Guyau Yaubada suisui yekoyekodi ya ginaulidi, na ganahewana yai mate weso lau bwalabwala yai ya sonoga wananaha, habahim suisui hahaisa. Weso ya libalau waihin lisina iyen, Oyagi gabu yai ni wananaha Yaubada ya falibamiu, “Tabu uludi au anidi?”
68	GEN 3:12	Taumoho iyen, Waihin wa tole maꞌegu, in, oyagina uluna ya felegu be E an.
78	GEN 3:22	Habahim, Guyau Yaubada iyen, Dodoga te sa famala doha Ita, paꞌana loholoho yo heyaya haꞌa sa sibaidi. Tabu nimadi ti lolon be mwahuli oyagina uluna ti abi be ti an. Doꞌata, haba sa miya ee–, hige anadan.
79	GEN 3:23	Yo fede Guyau Yaubada ya weꞌaidi Iden Gabuna yai. Tanohi lisina yai ya falasadi, mate lisina yai, hinaga adi sa uma.
88	GEN 4:8	Habahim Kaina tasina Abela ya faliba iyen, Te lau, te laulau tiga. Fuyana sa laulau tiga Kaina tasina ya tohai be ya wunui.
90	GEN 4:10	Guyau iyen, Somo wa ginauli? Tasim ꞌwasinana tanohi yai ya yogayoga hasaema lisigu.
269	GEN 11:2	Tefa saisai yai sa aulaha sa laoma ee–, sa mahano Babela Gonna yai sa miya.
294	GEN 11:27	Itete Tela laulauwewena: Abelam, Nahola, yo Halan. Tamadi mate Tela. Lota mate, tamana Halan.
298	GEN 11:31	Tela natuna Abelam, wahana Halan natuna Lota, yo botiyana Salaiya, Abelam natuna, mate mahudoꞌidi Kaladiya dodogadi edi nuꞌu Ula yai sa aulaha bena sa lau Kanana. In moho, sa lau ee–, Halan nuꞌuna yai amainiya sa miya. Na hige ti abi mahano Kanana yai.
299	GEN 11:32	Tela ena bolima 205 habahim ya peꞌi Halan Nuꞌuna yai.
306	GEN 12:7	Guyau ya taumahata Abelam lisina yai, na iyen, Tanohi te haba laulauwewem E feledi.
327	GEN 13:8	Yo fede, Abelam ya libalau Lota lisina iyen, Tabu um yo yau e em yosiyosi tau ita watanidi yo yau egu ma afa haidada ta faibayaho, paꞌana um mate efagu.
328	GEN 13:9	Tanohi hola mahudoꞌina - ta faitamodaili; yena wa lau tefa seuseuli, yau haba E lau tefa siba, na yena wa lau tefa siba haba yau E lau tefa seuseuli.
356	GEN 14:19	Melekisideki ena faloholoho Abelam ya felen, na iyen, Yaubada Hewa Wananaha, Galewa yo Tanoꞌubu Tau Ginaulina haba ena loholoho ya fatalu ai lisim.
359	GEN 14:22	In moho Abelam ya libalau Sodom edi kin lisina, iyen, Yaubada ya Hasai Wananaha Guyauna, Galewa yo Tanoꞌubu Tau Ginaulidi, hesana yai E angwala mate,
362	GEN 15:1	Muli yai habahim, Yaubada eno suwai yai ya libalau Abelam lisina, iyen, Tabu u ꞌwasabu, Yau haba E bobodiyem, yo maisam haba ya laꞌi.
365	GEN 15:4	Guyau ya libalau Abelam lebena iyen, Taumoho te, ibege em ginauli i abidi, paꞌana natum haba E felem be em ginauli mahudoꞌidi haba aiꞌena.
399	GEN 17:1	Abelam ena bolima 99 na Guyau ya taumahata lebena yai. Ya faliba iyen, Yau Yaubada Tau Gigibwali. U famuli watanigu yo em laulau bena sa dudulai!
402	GEN 17:4	Egu yali te ai lebem E ginauli: Um haba dodoga ouꞌouli Tamadi.
410	GEN 17:12	Tatau sa yosidi, na edi lahai faligigi faihona, yo saluma em luma yai sa tubu ye em moni yai wa une laolaoma lebedi yai, iti hige nanatum, mate wa fagabidi hinaga.
412	GEN 17:14	Taumoho sai ya waiyoꞌo, be mwagisana duduna ꞌwapina ti tomo haba sa tomo afulen paꞌana yali wa ya ꞌwaiyoꞌoꞌen.
417	GEN 17:19	In moho, Yaubada ya liba, iyen, Tabu u liba doha. Lahum Sala haba natum taumoho ya yosi, na hesana haba wa tole Isako. Yau haba egu yali otaꞌota fahina E fawananaha ai lebena yo ana hiti mulita ai lisidi.
447	GEN 18:22	Tatau luwaga sa aulaha sa lau Sodom, na Abelaham mate Guyau nuwanuwana yai ya obiꞌobiyo.
450	GEN 18:25	Um, bena dodoga dudulaidi yo heyaheyayadi wa lau funuhi gogonidi? Mate hige laulau loholohona. Hige gonowana tau heyaya yo tau dudulai ai lisidi u ginauli doha. Tanoꞌubu tau fakasana bena laulau dudulaina ya ginauli.
465	GEN 19:7	Na ya libalau lebedi, iyebom, Afa haidagu, hafena! Tabu laulau heyaheyayana ni au ginauli.
475	GEN 19:17	Sa lau ganamuli yai, na anelu hesa ya falibadi, iyen, Nanabumiu, au gela! Tabu au timuli bui, yo tabu ai gonu au anyawasi. Au gela au lau tuꞌa. Haba ibege au peꞌi.
526	GEN 21:12	In moho, Yaubada, Abelaham ya faliba, iyen, Tabu nuwam u famode. Somo lahum Sala ya falibam, u lau watan, paꞌana Isako ai lisina haba hesam ya laꞌi yo haba wa tadada.
551	GEN 22:3	Bonbonna hola ma hwalahwalalana, Abelaham ya obiyo. Ena ainauya oyagina ya abi nonohai, be donki hewana yai ya au fapatudi. Tau paisowa luwaga yo Isako Abelaham ya foyahidi, sa lau, nuꞌuna somo Yaubada haꞌa ya faliba ana halulu.
555	GEN 22:7	Isako ya libalau tamana lisina, iyen, Tamagu? Abelaham natuna alinana ya bui, iyen, Natugu, somo? Isako iyen, Tauꞌala yo oyagi haꞌa ite, na ainauya sipi natuna, somo yai?
560	GEN 22:12	Yaubada iyen, Tabu nimam u faguli gwama ai hewana. Tabu somo hesa u ginauli ai lisina. Atabahim E sibai, mate Yaubada wa ꞌwasabuwen, paꞌana natum eseꞌesegana, hige u nuhafi.
1024	GEN 35:12	Tanohi Abelaham yo Isako E feledi haba E felem hinaga, yo tanohina te haba E fele faꞌawa wahawaham lisidi yai.
1028	GEN 35:16	Habahim Beteli yai sa aulaha. Efalati hola ma lofana na Leisulu taulina ya faꞌoitagu. Ena labalaba ya pilipili be ena kamkamna ganahewana yai tau abi falabalaba ya libalau lisina iyen, Tabu u ꞌwasabu paꞌana natum taumoho hesa.
1099	GEN 37:15	mate ya fafalau gaibu na ya leu yo ya sai nuꞌuna yai. Taumoho hudoꞌi ya ita be ya fatiꞌoi, iyen, Somo wa yoꞌoyoꞌoi?
1101	GEN 37:17	Taumoho wa iyen, Amaiteꞌi na haꞌa sa lau. E atahi tiyen, “Te lau Dotan.” Yo fede Diyosepa afa tuwahana ya lau watandi be ya lobahidi Dotan nuꞌuna sadaina yai.
1103	GEN 37:19	Ibodi sa oiꞌoiliba, tiyen, Ma! Tau eno suwai ya laoma!
1105	GEN 37:21	Fuyana Leubena ya atahiyen, mate haidana ya lau biliyedi, Iye, Tabu ta wunui.
1106	GEN 37:22	Tabu ꞌwasinana nimada yai i didi. Ai pulu pitapitalina te, ta lofe lidiyen, nuꞌu pitapitalina yai te. Na tabu nimamiu i talu ai hewana. Leubena ya libalau haidana lisidi yai doha, paꞌana ena nuwatuhu mate, bena haba ya fofofahi be ya fafuyo tamadi lisina.
1111	GEN 37:27	Au laoma ta uneꞌuneꞌen Midiyan dodogadi ai lisidi. Tabu ta wunui, in ꞌwasinada tefana. Yo fede haidana wa hidadi ena nuwatuhu sa lau watan.
1117	GEN 37:33	Tamadi leli ya ita lobahi na ya liba, iyen, Ii–, natugu ana leli! Nuwana suisui anꞌannalidi ti nali puliti!
1181	GEN 40:8	Alinana sa bui tiyen, Tataumai luwaga ama eno suwai hige sai hesa haba aniyodi i liba famahatadi. Habahim Diyosepa ya falibadi iyen, Yaubada in ibona mate eno suwai aniyodi ya fafamahatadi! Ami eno suwaidi au falibagu.
1234	GEN 41:38	Yo fede Falo ya fatiꞌoidi iyebom, Haba taumoho hesa te yoꞌoi doha Diyosepa. Taumohona bena Yaubada Yaluwana lisina yai.
1244	GEN 41:48	Idipi yai, mahula bolima faligigi luwaga ganahewadi yai, kalahe mahudoꞌina Diyosepa ya tano gogoidi. Tefa hesa - hesa yai, kalahe sa uma mate hinaga ya pei gogonidi siti hesa - hesa yai.
1246	GEN 41:50	Hola galamo wesawesasa bolimanna hige i fatubu na, Diyosepa nanatuna tatau luwaga, lahuna Asenata ya yosidi. Tineꞌeuna tamana mate Potifela, Idipi edi yaubada hudoꞌi On nuꞌuna yai, edi tau antalasam hesa.
1247	GEN 41:51	Tau tuwaha hesana ya tole Manase na iyen, Paꞌana Yaubada ya ginauligu be egu pilipili ouꞌouli yo tamagu ana boga mahudoꞌidi E nuwa fuiyedi.
1275	GEN 42:22	Leubena iyen, Haꞌa E falibamiu yawa, “Tabu heyaya au ginauli gwama ni ai lebena. In moho hige au mode! Aho ite haba ꞌwasinana giluna te bahei.”
1368	GEN 45:9	Doꞌata te, feula au fuyo tamada lebena be au faliba auwen, “Natum Diyosepa alinana doha ite: Guyau haꞌa ya tole Idipi mahudoꞌina tau ita watanina. Be u lidi lisina. Tabu u fadagege!”
1390	GEN 46:3	Yaubada Iyen, Yau, Tamam ena Yaubada. Tabu u ꞌwasabu, u hasai Idipi, ainiya haba yau E ginaulim be wa famala nuꞌu laꞌilaꞌi.
1453	GEN 48:1	Fuya fisa mulidi yai, Diyosepa ena sa liba tiyen, Tamam ya asiyebo. Yo fede nanatuna tatau Manase, yo Ifelaim maidana sa lau.
1470	GEN 48:18	Yo fede, Diyosepa iyen, Tamagu, Itete tau tuwaha. Ai sibam u abilau ai boluboluna.
1484	GEN 49:10	Tuꞌe nimam yai, ibege i beꞌu, e baꞌisa ena tuꞌe, ahena solasoladi yai, ibege hinaga i beꞌu, ana sigana ee–, ya laoma tanuwagana lebena yo nuꞌu sa awa abi, mate in ena.
1523	GEN 50:16	Be wasa tau lawenna sa fatamali lawen Diyosepa lisina be iyen, Tamam hola hige i peꞌi na ya liba, iyen,
1524	GEN 50:17	“Haidam, Tamam ena Yaubada ena tau paisowa, somo heyayana sa ginauli lisim yai mate edi heyayana u nuwatuhu afulen.” Diyosepa wasa te ya atahiyen, yo fede ya tan, paꞌana hola hige ti sibai mate, edi heyaya haꞌa ya nuwatuhu afulen.
1526	GEN 50:19	Na Diyosepa ya falibadi iyen, Tabu au ꞌwasabu. Yau hige Yaubada.
1568	EXO 2:13	Bobonna ya fuyo mate, Hebelu tataudi luwaga sa lululu. Tau ponoli lisina yai ya libalau, iyen, Paꞌana somo hidam wa talai?
1569	EXO 2:14	Taumoho wa Mose ya faliba, iyen, Sai ya tolem ema baꞌisa yo tau fafalau fatala dogana? Bena wa lau funuhigu doha Idipi dogana wa lau funuhi? Yo fede, Mose ya ꞌwasabu be nuwana yai iyen, Somo E ginauli mate dodoga haꞌa sa itagu?
1585	EXO 3:5	Guyau iyen, Tabu u sigima. Am ahe sumasuma u kamfahidi, paꞌana tanohi fafagabina yai wa obiꞌobiyo.
1586	EXO 3:6	Yau mate wahawaham Abelaham, Isako, yo Iyakobo edi Yaubada. Yo fede Mose matana ya fakoudi paꞌana ya ꞌwasabu, Tabu Yaubada i ita.
1587	EXO 3:7	Habahim Guyau iyen, Wananaha, egu dodoga sidohana edi fafahisu faheyayadi yo edi fafakamnadi Idipi yai haꞌa E ita. Tau lau faliuhwaidi debadi yai edi tan E atahi. Edi kamkamna E sibai.
1809	EXO 11:2	Guyau, Idipi dodogadi nuwadi ya buidi be Isalaela dodogadi sa mata amnaꞌedi. Na Idipi ganahewana yai Falo ena tau paisowa laꞌilaꞌidi yo dodoga hinaga mate Mose sa ita hitin. Yo fede iyen, Dodoga u falibadi: Tatau yo wawahin, sadaidi yai tau miya somo sa ginaulidi siluba yai yo gole yai bena sa anꞌetaidi.
1826	EXO 12:9	Tabu sipi ma idaꞌidahena au an yo tabu au buꞌa. Bena mahudoꞌina ami gabu ai oyagi. Kuluna, ahena yo tauna ganahewadi bena ami gabudi.
1827	EXO 12:10	Tabu au antole. Yena antole ya ota ee–, ya lahai, hwalahwalana bena ami gabu goludi.
1840	EXO 12:23	Yena Guyau ya lau Idipi ya laufi bena ya wunuidi, haba ʼwasina ya ita luma tape duhuduhudi yai yo lau fabala yai, haba Tau Laulau Funu Aneluna emi luma ya bayawaidi, be ibege i lau funuhimiu.
1870	EXO 13:2	Isalaela nanatudi tatau tau bwaꞌibwaꞌidi yo yosiyosi tamoꞌanadi tubu bwaꞌi mahudoꞌina au fatabudi yau ai lebegu. Tau wananaha e suisui, mahudoꞌina yau egu.
1903	EXO 14:13	Mose dodoga alinadi ya bui iyen, Tabu au ꞌwasabu. Au obiyo esegahimiu na Guyau aho te ya fofofahimiu haba ami ita. Idipi dodogadi aho te ami itadi ibege au ita fuyoꞌidi.
1915	EXO 14:25	Saliyoti ya falau sopudi be adi paisowa ya laꞌi. Idipi tiyen, Guyau Isalaela edi ya lau! Ta lau afuledi!
1923	EXO 15:2	Guyau tau sagusaguhigu adiꞌadidilina; yo in agu lili, in tau fofofahigu. In egu Yaubada haba E fadebasae. Tamagu ena Yaubada, haba E tole hitin.
1951	EXO 16:3	Tiyen, Idipi yai ibe Guyau ya lau funuhimai haba olina. Amainiya ꞌe miyamiya mate ama mwaiha yo kalahe. Na aho te, ami foyahimai, be ꞌe laoma amaiteꞌi, haba guliyam ya kamfunuhimai.
1967	EXO 16:19	Mose ya falibadi iye, Tabu laꞌi au antole bobon enehena.
1990	EXO 17:6	Haba ai matam E obiyo umeꞌehu ai hewana, Sainai Tuꞌana yai. Tuꞌe u faꞌoiyen ai umeꞌehu, haba hoꞌowa ya didima be dodoga sa nom. Yo fede, Mose doha ya ginauli Isalaela babada matadi yai.
2005	EXO 18:5	Detelo yo Mose lahuna Sipola ma nanatuna sa laoma nuꞌu pitapitalina yai, somo yai Mose edi palai aba peidi, Yaubada ena Tuꞌa Fafagabina sadaina yai.
2021	EXO 18:21	Tatau paisowa gonowadi sa ginauli mate u fasinabodi. Iti bena Yaubada tau ꞌwasabuwenna yo dodoga dududulaidi yo bena laulau bwalabwala adi ꞌwaiꞌwaiyoꞌo. Haba dodoga 1000, 100, 50, yo 10 sa ita watanidi.
2038	EXO 19:11	Na ai lahai fafaihonana bena haꞌa sa nonoha, paꞌana lahaina ni haba ai Sainai Tuꞌana E leta lidiwa na dodoga mahudoꞌidi haba sa itagu
2055	EXO 20:3	Tabu yaubada hahaisa au fadebasaedi, Yau moho.
2057	EXO 20:5	Tabu au tuli bono e au lauꞌuꞌula lau oitau hesa lisina, paꞌana Yau Guyau emi Yaubada mate nuwa elaꞌela Yaubadana. Tina yo tama edi heyaya debadi yai, nanatu E faꞌankamkamnadi ya lau ee–, hiti fafaihonana yo hiti fafatitina,
2064	EXO 20:12	Tamam yo tinam u faꞌatitiyedi, haba gonowana tanohi Guyau em Yaubada ya felem, ai lisina wa miya lofalofa.
2065	EXO 20:13	Tabu sai laꞌi u wunui.
2066	EXO 20:14	Taumoho e waihina mai nahinahi tabu mai nahinahi hesa maꞌem au eno bili.
2067	EXO 20:15	Tabu u angafu.
2747	LEV 1:1	Palai Tabuna yai Guyau ya yoga lau Mose lebena iyebom,
2749	LEV 1:3	Yena ena antalasam bulumakau, bena tamoꞌana tubutubu loholohona ya leyama Palai Tabuna e Tabanaikeli aba luhuluhu launa yai be habaGuyau ya ita faloholoho.
2751	LEV 1:5	Guyau matana yai bena bulumakau tamoꞌana gubufwauna ya lau funuhi na Elon nanatuna, iti antalasam tau gabugabudi haba yosiyosi ꞌwasinana ni sa abi be aba antalasam sadaidi fati sa lau sibusibuwedi Palai Tabuna aba luhuluhu launa yai.
2753	LEV 1:7	Tau antalasam Elon, nanatuna tatau bena oyagi sa toledi aba antalasam hewana yai na sa yufi.
2781	LEV 3:2	Nimana bena ya tole yosiyosi kuluna yai habahim ya lau funuhi Aba Oigogo Palaina Tabuna aba luhuluhu launa yai. Elon nanatuna, iti antalasam tau gabugabudi haba ꞌwasinana sa abi be aba antalasam sadaina fati sa lau sibusibuidi.
3056	LEV 13:3	Tau antalasam haba ꞌwapi iwalana ni ya ita komakomaniꞌi, na ibe sadaina yai olo sa kafukafu yo ya bonu sigi lidi mate ni: ꞌwapi asiyebona, be tau antalasam haba ya liba famahata mate hola ma bonuna yo ma bidana.