415	GEN 17:17	Entonces e Abraham cotuan esto que utacbꞌu ut ujor tama ut e rum y cay tzene y cay ojron jax taca y che: “¿O ererto ca aquetpa tatabꞌir inteꞌ winic xeꞌ war ucojco 100 año? Y e Sara, ¿cochato tuaꞌ achꞌijrtesian cocha warix ucojco noventa año?” che e Abraham.
437	GEN 18:12	Y wacchetaca e Sara cay tzene, y ubꞌijnu cocha era y che: “¿Cocha nic tuaꞌ inchꞌami inteꞌ nuxi tzayer tuaꞌ inchꞌijrtesian, cocha nen y ninoxibꞌ ayix meyra cajabꞌ?” che e Sara jax taca.
681	GEN 25:22	Pero cocha cuach war ucojco e Rebeca, e chꞌurcabꞌobꞌ era cay uyobꞌi ubꞌobꞌ macuir unac. Entonces cay ubꞌijnu y che: “Pues jay bꞌan war uchiobꞌ conda merato acuxpobꞌ, ¿tucꞌa tuaꞌ inxin innumse nibꞌa conda acuxpobꞌ?” xeꞌ che e Rebeca jax taca. Entonces jaxir cay uyubꞌi tuaꞌ Cawinquirar Dios tama tunor era,
7222	1SA 1:8	Entonces ixin e Elcaná tuaꞌ oꞌjron taca e Ana y che: “Ana, ¿tucꞌa tuaꞌ que war iyaruꞌ? Y ¿tucꞌa tuaꞌ que war imerecna cocha era este que machi cꞌani iweꞌ? Nen inyajta oit, o ¿ma ca jax más nojta ucꞌampibꞌir era, que jay ayan ani diez amaxtac xeꞌ machi uyajta oit?” che e Elcaná.
7305	1SA 4:6	Pero conda tin e ajtzꞌojyirobꞌ xeꞌ tuobꞌ uchꞌajnarir e Filisti uyubꞌiobꞌ e sian aruar era, ojronobꞌ y chenobꞌ: “¿Tucꞌa canic tuaꞌ que war coybꞌi e nuxi aruar era tuobꞌ uchꞌajnarir e Héber?” chenobꞌ e ajtzꞌojyirobꞌ era. Pero conda cꞌotoy unatobꞌ que cꞌotesna e cofre tiaꞌ aquetpa e pacto tuaꞌ Cawinquirar Dios esto tama e lugar era,
7353	1SA 6:20	Entonces ojronobꞌ tin e turobꞌ tama e chinam era y chenobꞌ: “Mamajchi erer awawan tut Cawinquirar Dios xeꞌ erach. Y ¿chi canic tut tuaꞌ cawebꞌta axin e cofre tiaꞌ aquetpa e pacto tuaꞌ Cawinquirar Dios tuaꞌ machi aquetpa ticajam?” chenobꞌ e winicobꞌ era.
7422	1SA 10:2	Y era que ilocꞌoy taniwejtzꞌer, iꞌxin atajwi abꞌa taca chateꞌ winicobꞌ xeꞌ turobꞌ tuyejtzꞌer umujr e Raquel xeꞌ aquetpa tama e chinam Selsah xeꞌ aquetpa tama uyocher e departamento Benjamín. Y jaxirobꞌ tuaꞌ uyaretobꞌ que tajwinobꞌix e bꞌiqꞌuit chijobꞌ xeꞌ war asajca, y que atata machi ixto war ubꞌijnu tama e bꞌiqꞌuit chijobꞌ, sino que war ubꞌijnu tamaret. Y war uyubꞌi tuaꞌ e gente axin que: “¿Iwira ca tiaꞌ turu niunen?” xeꞌ war che atata.
7431	1SA 10:11	Pero conda tin e unatobꞌ chi e Saúl cꞌotoy unatobꞌ tunor lo que cay uche era, bꞌactobꞌ cora y ojronobꞌ y chenobꞌ: “¿Tucꞌa war unumse ubꞌa uyunen e Quis que war utattzꞌi ucꞌabꞌa e Dios bꞌan cocha arobꞌna umener taca inteꞌ nuxi nuc bꞌan cocha uchiobꞌ tin e profetobꞌ? O ¿war canic aquetpa profeta e Saúl?” chenobꞌ e winicobꞌ era.
7432	1SA 10:12	Entonces cocha machi unatobꞌ tucꞌa tuaꞌ ubꞌijnuobꞌ tamar lo que war uche e Saúl, ojron inteꞌ tujam e winicobꞌ era y che: “O ¿erer canic aquetpa profeta tin e majax profeta utata?” che inteꞌ era. Y de allí cay uchiobꞌ inteꞌ ojroner tama e Saúl y chenobꞌ: “O ¿jax canic inteꞌ profeta e Saúl ubꞌan?” chenobꞌ.
7730	1SA 19:22	Entonces ubꞌijnu e Saúl tuaꞌ axin esto tama e chinam Ramá ubꞌan. Y conda cꞌotoy esto tiaꞌ ayan e nuxi chꞌen xeꞌ abꞌutcꞌa taca e jaꞌ conda acꞌaxi e jajar xeꞌ turu tama e lugar Secú, uyubꞌi tuaꞌ tin e turobꞌ tama e lugar era y che: “¿Tiaꞌ turu e Samuel y e David?” che e Saúl. Y arobꞌna que turobꞌ tama e aldea Naiot xeꞌ aquetpa tama e chinam Ramá.
7732	1SA 19:24	Y conda cꞌotoy cay ulocse ubꞌujc lo que ucꞌampes tama inteꞌ tzꞌojyir y e bꞌujc lo que ucꞌampes cocha inteꞌ rey, y bꞌan cocha era cay utattzꞌi ucꞌabꞌa e Dios taca inteꞌ nuxi nuc tut e Samuel y cucrema tut e rum, y bꞌan quetpa tama tunor e día y tama tunor e acbꞌar ubꞌan. Y de allí cay uchiobꞌ inteꞌ ojroner tama e Saúl y chenobꞌ: “O ¿jax canic inteꞌ profeta e Saúl ubꞌan?” chenobꞌ.
7943	1SA 27:10	Y conda acꞌotoy tut e Aquís jaxir uyubꞌi tuaꞌ y che: “¿Tucꞌa chinam cay ache e tzꞌojyir tacar?” che e Aquís. Y e David umajres e Aquís y che: “Pues inyajr cay cache e tzꞌojyir ejmar bꞌana tama e lugar xeꞌ tuaꞌ uchꞌajnarir e Judá, y otro inyajr ixion ejmar bꞌana tama e lugar xeꞌ tuaꞌ uchꞌajnarir e Jerahmeel, y otro inyajr ixion ejmar bꞌana tiaꞌ aturuanobꞌ tin e tuobꞌ uchꞌajnarir e Madian,” che e David.
8032	2SA 1:7	Y tamar era e Saúl sutpa uwiren tama upat, y upejquen tuaꞌ incꞌotoy tuyejtzꞌer. Y entonces inware: “¿Tucꞌa acꞌani tuaꞌ inche?” inware.
8231	2SA 9:1	Pues tama inteꞌ día e David cay uyubꞌi tuaꞌ tin tin xeꞌ turobꞌ tuyejtzꞌer y che: “¿Ayanto ca chi xeꞌ quetpato bꞌixir tama ufamilia e Saúl xeꞌ erer ani inchecsu nicꞌunersiaj tut tuaꞌ incꞌajpes e Jonatán?” che e David.
8307	2SA 12:18	Entonces conda tzꞌacta siete día, chamay e chuchu sitz, pero uyajcꞌamparobꞌ bꞌactobꞌ tuaꞌ uchecsuobꞌ que chamay e chꞌurcabꞌ, y ubꞌijnuobꞌ cocha era y chenobꞌ: “Pues conda turuto ani e chuchu sitz cay caware tuaꞌ achpa aweꞌ y jaxir machi ucꞌani. Y coner jay caware que chamay e chuchu sitz, ¿tucꞌa canic axin uche?” chenobꞌ uyajcꞌamparobꞌ.
8439	2SA 16:10	Entonces ojron e rey y che: —Machi. Pues majax nox xeꞌ war ubꞌaxiox sino que nen. Pues bꞌajcꞌat arobꞌna umen Cawinquirar Dios tuaꞌ ubꞌaxen. Y jay bꞌan, majax non tuaꞌ caware que: “¿Tucꞌa tuaꞌ que war uche cocha era?” che e rey David.
12754	EST 3:3	Entonces e ajcꞌamparobꞌ xeꞌ apatnobꞌ tama uyotot e rey cay uyubꞌiobꞌ tuaꞌ e Mardoqueo y chenobꞌ: “¿Tucꞌa tuaꞌ que machi acꞌubꞌse e orden tuaꞌ e rey?” chenobꞌ.
12803	EST 6:6	Entonces e Amán ochoy y arobꞌna umen e rey cocha era y che: —¿Tucꞌa erer achena taca inteꞌ winic xeꞌ cꞌani intattzꞌi? che e rey. Entonces e Amán cay ubꞌijnu tama uyalma y che: “¿Chi canic cꞌani uyajcꞌu e tattzꞌarsiaj e rey? O ¿nen canic?” xeꞌ che e Amán tama uyalma.
16998	PRO 19:3	Inteꞌ winic axin usati ucuxtar umen que uputputir ut, y de allí axin ucꞌaye Cawinquirar Dios y che: “¿Tucꞌa tuaꞌ que ache cocha era tacaren?” che tin e uputputir ut.
23242	MAT 2:4	Entonces e Herodes ixin upejca uwinquirobꞌ e inmojr sacerdotiobꞌ y tunor e ajcanseyajobꞌ tama uley e Moisés, y cay uyubꞌi tuobꞌ y che: “¿Tiaꞌ tuaꞌ acuxpa e Cristo?”
23382	MAT 6:31	Y tamar era war inwareox que ira ibꞌijnu cocha era y che: “¿Tucꞌa tuaꞌ incꞌuxi?” y “¿tucꞌa tuaꞌ unchꞌi?” y “¿tucꞌa tuaꞌ inlapi?”
23602	MAT 12:44	“¿Tucꞌa tuaꞌ machi insutpa inxin tama uyalma e winic tiaꞌ locꞌoyen?” che e mabꞌambꞌan mein era jax taca. Entonces conda sutpa ixin, utajwi e winic bꞌan cocha inteꞌ otot xeꞌ turu ubꞌajner xeꞌ galan uwirnar y xeꞌ bien ustabꞌir y xeꞌ bien mesbꞌir macuir.
23635	MAT 13:27	Y ayan cora man xeꞌ war apatnobꞌ tuaꞌ e ajyum chor xeꞌ ixiobꞌ tut y chenobꞌ: “¿Ustabꞌir ca ut e semilla xeꞌ cay apaqꞌui tama achor? Y jay bꞌan ¿tucꞌa numuy que checta e sian cuscus era macuir e trigo?” che e manobꞌ era.
23636	MAT 13:28	Entonces ojron e ajyum chor y che: “Ayan inteꞌ xeꞌ war aqꞌuijna uwiren xeꞌ ochoy upaqꞌui e sian cuscus”, che e ajyum chor. Y che e manobꞌ: “¿O acꞌani ca tuaꞌ caxin cabꞌaxi e sian cuscus era?” che e manobꞌ.
23707	MAT 15:5	¿Pero ma ca jax bꞌan war iche nox conda ixixin iware itata o ituꞌ que: “Machi uyubꞌien intacriet porque tunor lo que ayan tanibꞌa ajcꞌubꞌirix e Dios nimener?”
23867	MAT 20:6	Y bꞌan taca uche conda warix anamtzꞌa e qꞌuin, ixin usicbꞌa tucꞌa man ayan tama e chinam. Y utajwi cora winicobꞌ xeꞌ intaca turobꞌ. Entonces jaxir uyubꞌi tuobꞌ y che: “¿Y tucꞌa tuaꞌ intaca turox era? ¿O mato ca tucꞌa e patnar achecta tibꞌa?” che e ajyum.
23876	MAT 20:15	¿O ma ca jax nen xeꞌ incꞌotori tujor nitumin tuaꞌ insati cocha incꞌani nen? ¿O ma ca jax bueno toit que wechꞌer nicꞌabꞌ tut e inmojr era?” che e ajyum.
23898	MAT 21:3	Y jay ayan chi xeꞌ upejcox y che: “¿Tucꞌa tuaꞌ que war ibꞌani e chij yax?” Arenic cocha era y che: “Jax Cawinquirar xeꞌ cꞌani ucꞌampes, pero wacchetaca cꞌani catares otronyajr”, y jaxir tuaꞌ uyareox que erer, che e Jesús.
23920	MAT 21:25	¿Chi umen tzacarna ixin e Juan tuaꞌ achꞌuyma? ¿Umen ca e Dios? o ¿umen ca e winicobꞌ? che e Jesús. Entonces e nuquir winicobꞌ cay ojronobꞌ jaxobꞌ taca y chenobꞌ: —¿Y tucꞌa tuaꞌ caware pue? Jay caware que e Juan ebꞌetbꞌir tari umen e Dios, entonces jaxir tuaꞌ uyareon y che: “¿Tucꞌa tuaꞌ que machi cꞌubꞌseyanox tamar?”
23953	MAT 22:12	Entonces e rey uyare e winic era y che: “¿Tucꞌa tuaꞌ que machi alapi e bꞌujc lo que inwajqꞌuet conda ochoyet tara tama e nojqꞌuin?” che e rey. Pero e winic machi oꞌjron.
23973	MAT 22:32	“Nen Udiosiren e Abraham y Udiosiren e Isaac y Udiosiren e Jacob?” che e Dios. Pues Cadiosir jax inteꞌ Dios tuaꞌ tin e bꞌixir turobꞌ y majax Udiosirobꞌ tin e chamenobꞌ. Y tamar era erer canata que bꞌixirto e winicobꞌ era motor que non machito cawira utobꞌ, che e Jesús.
24116	MAT 25:39	Y ¿tucꞌa día cawiret que ajmuaquet o conda turet tama e cárcel y ixion tuaꞌ cawarajset?” Bꞌan cꞌani uyarenobꞌ tin e aquetpobꞌ erach uwirnarobꞌ.
24121	MAT 25:44	Entonces jaxirobꞌ cꞌani uyarenobꞌ y chenobꞌ: “Cawinquiret, ¿tucꞌa día cawiret que war ijaytzꞌa o conda war ataqui atiꞌ o conda xanet choquem o conda war acꞌapa abꞌujc o conda war imuacran o conda turet tama e cárcel y machi ixion tuaꞌ catacret?” Bꞌan tuaꞌ uyarenobꞌ e gente xeꞌ satremobꞌ.
24244	MAT 27:46	Entonces a las tres de la tarde cay aru e Jesús taca inteꞌ nuxi nuc y che: —Elí, Elí, ¿Lama sabactani? che e Jesús. Pues e ojroner era war che: “Nidiosiret, Nidiosiret ¿tucꞌa tuaꞌ achoqui awacten?”
24712	MRK 11:3	Y jay ayan chi upejcox y uyareox: “¿Tucꞌa tuaꞌ que war ibꞌani e chij yax?” Arenic que Cawinquirar cꞌani ucꞌampes, y que wacchetaca cꞌani itares otronyajr, che e Jesús.
24740	MRK 11:31	Entonces cay ojronobꞌ e nuquir winicobꞌ era jaxobꞌ taca y chenobꞌ: —¿Y tucꞌa tuaꞌ caware era? Jay caware que e Juan ebꞌetbꞌir tari umen e Dios, entonces jaxir tuaꞌ uyareon y che: “¿Entonces tucꞌa tuaꞌ machi cꞌubꞌseyanox tamar?”
24929	MRK 15:34	Entonces a las tres de la tarde cay aru e Jesús taca inteꞌ nuxi nuc y che: —Eloi, Eloi, lama sabactani, che e Jesús. Pues war che e ojroner era que: “Nidiosiret, Nidiosiret, ¿tucꞌa tuaꞌ achoqui awacten era?”
25155	LUK 4:23	Pero e Jesús che: —Bꞌajcꞌat war ibꞌijnu tuaꞌ iwaren que: “Jay net ajtzꞌaconeret, tzꞌacan abꞌa net taca.” O bꞌajcꞌat cꞌani iwaren que: “Non coybꞌi que chena cora nuxi milagro tama e chinam Capernaum amener. ¿Tucꞌa tuaꞌ machi ache inteꞌ milagro ticajam non tiaꞌ chꞌiet net ubꞌan?”
25257	LUK 6:42	Y jay chꞌur inteꞌ nuxi teꞌ tama unacꞌoit y machi cꞌani anata que bꞌan, ¿cocha tuaꞌ aware awermano que: “Actanen inlocsic e sojc tama unacꞌoit?” Ajqꞌuecraneret, locsen bꞌajxan e teꞌ xeꞌ chꞌur tama unacꞌoit net, y de allí uyubꞌi awira bien tuaꞌ atacre ulocse e sojc lo que chꞌur tama unacꞌut awermano, che e Jesús.
25359	LUK 8:45	Pero e Jesús sutpa uyubꞌi tuaꞌ e gente y che: —¿Chi upijchꞌien? che e Jesús. Pero ojronobꞌ e gente y che: —Machi canata, che tunor e gente era. Pero e Pedro taca e inmojr ajcanuarobꞌ uyareobꞌ e Jesús y chenobꞌ: —¿Y cocha tuaꞌ aware que: “¿Chi war upijchꞌien?” ¿Machi ca awira que war ucꞌotretobꞌ e gente cora cora y que war utacsuetobꞌ axin tic taca? che e Pedro.
25498	LUK 11:24	Y de allí ojron e Jesús otronyajr y che: —Ayan inteꞌ ojroner tama inteꞌ winic xeꞌ locꞌoy ixin inteꞌ mabꞌambꞌan mein tamar. Y conda locꞌoy ixin e mabꞌambꞌan mein era, cay usajca inteꞌ lugar tiaꞌ taquin tuaꞌ ajiri tamar, pero conda machi utajwi acay ayopa tujor que: “¿Tucꞌa tuaꞌ machi insutpa inxin tama uyalma e winic tiaꞌ locꞌoyen?” che e mabꞌambꞌan mein jax taca.
25545	LUK 12:17	Y cay ubꞌijnu jax taca y che: “¿Tucꞌa tuaꞌ inche taca tunor e sian cosecha lo que cay inlocse, cocha machi atzꞌacta nigranero tuaꞌ imbꞌutꞌi tunor nicosecha era?” che e winic era jax taca.
25548	LUK 12:20	Pero tama e momento era e Dios upejca e winic era y che: “Net matucꞌa anata. Net tuaꞌ ichamay tama e acbꞌar era. Y lo que tꞌabꞌesbꞌir amener ¿chi tacar tuaꞌ aquetpa coner?” che e Dios.
25550	LUK 12:22	Pues entonces cay ojron e Jesús taca uyajcanuarobꞌ y che: —Cꞌani inwareox era que ira ibꞌijnu y che: ‘¿Tucꞌa tuaꞌ cacꞌuxi era?’ Y ira ibꞌijnu y che: “¿Tucꞌa tuaꞌ calapi non?”
25554	LUK 12:26	Y jay machi uyubꞌiox iche lo que chuchu cocha era, ¿tucꞌa tuaꞌ war ibꞌijnu tamar lo que más nojta cocha era que: “Matucꞌa tuaꞌ incꞌuxi”, y que: “Matucꞌa tuaꞌ inlapi?”
25557	LUK 12:29	Y tamar era ira ibꞌijnu tama ijor que: “¿Tucꞌa tuaꞌ incꞌuxi?” y “¿tucꞌa tuaꞌ unchꞌi?”
25683	LUK 15:26	Entonces upejca inteꞌ man y uyubꞌi tuaꞌ y che: “¿Tucꞌa war uche nitata?” che e sacumbꞌir.
25694	LUK 16:5	Entonces cay upejca tari tunor tin e abꞌetuobꞌ taca upatron. Y cay uyubꞌi ixin tuaꞌ inteꞌ inteꞌ winicobꞌ era y che: “¿Jayteꞌ ibꞌeto net taca nipatrón?” che e man.
25696	LUK 16:7	Y nacpat era e man uyubꞌi tuaꞌ otronteꞌ ajbꞌetuar y che: “ Y ¿net, jayteꞌ ibꞌeto?” che e man. Y entonces che e ajbꞌetuar: “Nen imbꞌeto tama 100 carga trigo”, che e winic era. Entonces che e man: “Jax era e jun xeꞌ tzꞌijbꞌabꞌir amener lo que ibꞌeto tamar. Wejrun choco era y tzꞌijbꞌan tama otronteꞌ jun wacchetaca tama ochenta carga taca”, che e man.
25727	LUK 17:7	Entonces ojron e Jesús y che: —Jay ayan inteꞌ tijam xeꞌ ayan uman xeꞌ war apatna tama e chor o xeꞌ war ucojco cora wacax, conda asutpa acꞌotoy toꞌtot ¿aware ca y che: “Ochen turen tor e mesa tuaꞌ iweꞌ?”
25823	LUK 19:23	entonces ¿tucꞌa tuaꞌ machi ayari nitumin tama e banco tuaꞌ abꞌoro e interes tamar tuaꞌ inchꞌami conda insutpa inyopa tama niotot otronyajr?” che e rey.
25831	LUK 19:31	Y jay ayan chi xeꞌ oꞌjron tacarox y che: “¿Tucꞌa tuaꞌ que war ibꞌani e chij yax?” arenic y che: “Cawinquirar cꞌani ucꞌampes”, che e Jesús.
25853	LUK 20:5	Entonces ojronobꞌ jaxobꞌ taca y chenobꞌ: —Y ¿tucꞌa tuaꞌ caware era? Jay caware que e Juan ebꞌetbꞌir tari umen e Dios, jaxir tuaꞌ uyareon que: “Y ¿tucꞌa tuaꞌ que machi icꞌubꞌse?”
26291	JHN 5:12	Entonces uyubꞌiobꞌ tuaꞌ e winic y chenobꞌ: —¿Tucꞌa winic xeꞌ cay uyaret y che: “Jacha achꞌacteꞌ y cuchu chic?” chenobꞌ e winicobꞌ era.
26368	JHN 6:42	Entonces ojronobꞌ e winicobꞌ era otronyajr y chenobꞌ: —¿Ma ca jax uyunen e José e Jesús era? Pues non canata chi utata y canata chi utuꞌ, y ¿cocha tuaꞌ uyareon que: “Nen ecmay tarien tut e qꞌuin?” che e winicobꞌ era.
26433	JHN 7:36	Y ¿tucꞌa nic war che lo que war uyareon era que: “Nox ixixin isajquen, pero machi tuaꞌ itajwien, porque nox machi uyubꞌiox ixcꞌotoy tiaꞌ cꞌani inxin inturuan nen?” che e nuquir winicobꞌ era.
26676	JHN 12:27	Entonces ojron e Jesús y che: —War intzꞌintzꞌa tama niwalma. Y ¿tucꞌa tuaꞌ inware era? ¿Cꞌani ca inware que: “Nitatet, corpesen tamar lo que aquetpa tuaꞌ innumse nibꞌa era?” Machi, porque tamar era tarien tara tor e rum.
26723	JHN 13:24	Entonces e Simón Pedro cay uche ucꞌabꞌ tut e ajcanuar era xeꞌ turu tuyejtzꞌer e Jesús tuaꞌ asutpa uyubꞌi tuaꞌ e Jesús que: “¿Chi umen tuaꞌ itujchꞌa?”
26746	JHN 14:9	Entonces e Jesús uyare e Felipe y che: —Meyra tiempo turuanen tacarox y merato inata chien nen. Pues tin e unatix chien nen, unata ubꞌan chi Nitata. ¿Pues tucꞌa tuaꞌ que warto iwaren que: “Actanon cawiric tin e Tatabꞌir?”
26800	JHN 16:5	Pero era que cꞌani insutpa inxin tut tin e uyebꞌta tarien, mamajchi tijam war iyubꞌi tanibꞌa que: “¿Tiaꞌ war iꞌxin?”
26812	JHN 16:17	Pues entonces cay ojronobꞌ cora ajcanuarobꞌ jaxobꞌ taca y chenobꞌ: —Y ¿tucꞌa war che uyojroner era que: “Conda anumuy cora día machi ixto tuaꞌ iwira niut, y de allí conda anumuy cora día cꞌani ixsutpa iwiren otronyajr?” Y de allí che que: “Nen cꞌani inxin tut Nitata.”
26813	JHN 16:18	Y ¿tucꞌa war che uyojroner era que: “Conda anumuy cora día?” Machi canata tucꞌa war che uyojroner era, chenobꞌ uyajcanuarobꞌ era jaxobꞌ taca.
26814	JHN 16:19	Pero e Jesús warix unata que cꞌani ani uyubꞌiobꞌ tuaꞌ tamar lo que arobꞌna umener, y tamar era ojron tacarobꞌ y che: —O ¿war ca iyubꞌi tijam nox que tucꞌa war che niwojroner conda inwareox que: “Conda anumuy cora día machi ixto tuaꞌ iwira niut, y de allí conda anumuy cora día cꞌani ixsutpa iwiren otronyajr?” ¿Jax ca lo que war iyubꞌi ibꞌa era?
26987	JHN 21:20	Entonces e Pedro sutpa uwira que war axana tupat e ajcanuar xeꞌ chojresbꞌir ut meyra umen e Jesús. Pues e ajcanuar era jax xeꞌ cay weꞌ tuyejtzꞌer e Jesús conda merato achamesna y xeꞌ cay uyubꞌi tuaꞌ que: “¿Chi umen tuaꞌ atujchꞌa?”
27211	ACT 7:26	Y tama otronteꞌ día conda ixin e Moisés otronyajr, uwira que ayan chateꞌ upiarobꞌ xeꞌ war uwatzꞌi ubꞌobꞌ. Entonces jaxir ubꞌijnu que cꞌani atacarsan, y cay ucꞌuniobꞌ tuaꞌ machi aqꞌuijnobꞌ meyra. Y tamar era ojron e Moisés y che: “Ubꞌinic winicox, nox ijtzꞌimbꞌirox nox taca, y ¿tucꞌa tuaꞌ que war iwatzꞌi ibꞌa cocha era?” Bꞌan che e Moisés uyare e chateꞌ upiarobꞌ era.
27212	ACT 7:27	Pero inteꞌ winic xeꞌ qꞌuijna bꞌajxan cay utacsu e Moisés y che: “¿Chi upejquet tuaꞌ iquetpa cawinquirar ticajor non? Y ¿chi upejquet tuaꞌ iquetpa cocha inteꞌ juez ticajor?” che e winic.
27213	ACT 7:28	Y ojron otronyajr e winic y che: “O ¿cꞌani ca achamsen nen cocha achamse e winic tuaꞌ e Egipto acbꞌi?” che e winic uyare e Moisés.
27220	ACT 7:35	’Y jax e Moisés era xeꞌ machi war acꞌajna umen e gente tuaꞌ e Israel porque jax jaxirobꞌ xeꞌ cay ojronobꞌ upater e Moisés y che: “¿Chi upejquet tuaꞌ iquetpa ajwinquirar ticajor non? Y ¿chi upejquet tuaꞌ iquetpa juez ticajor non?” chenobꞌ. Y motor que machi war acꞌajna umen tin e tuobꞌ e Israel, pero jax e Moisés era xeꞌ sicbꞌana umen e Dios tuaꞌ axin acꞌotori y tuaꞌ ucorpes tunor tin e tuobꞌ e Israel. Y bꞌan numuy conda uyangel e Dios uchectes ubꞌa tut e Moisés tama e chactꞌix xeꞌ war atzꞌajbꞌa.
27779	ACT 22:7	Cucremen tut e rum y wacchetaca cay umbꞌi inteꞌ nuc xeꞌ ojron tacaren y che: “Saulo, Saulo, ¿tucꞌa tuaꞌ war aturbꞌa abꞌa tuaꞌ achien innumse nibꞌa?” che e nuc xeꞌ tari tama e janchꞌaquenar.
27780	ACT 22:8	Entonces umbꞌi tuaꞌ e nuc era que: “Y ¿chiet net era, Niwinquiret?” inware. Y e nuc uyaren y che: “Nen jax e Jesús xeꞌ tuaꞌ e chinam Nazaret xeꞌ war achien innumse nibꞌa meyra”, xeꞌ che e Jesús.
27782	ACT 22:10	Entonces nen ojronen taca e nuc otronyajr y inware: “Niwinquiraret, ¿tucꞌa acꞌani tuaꞌ inche?” inware e nuc. Y jaxir uyaren otronyajr y che: “Achpen quiqui tama axambꞌar era esto tama e chinam Damasco, y conda icꞌotoy cꞌani iyarobꞌna tucꞌa ucꞌani tuaꞌ ache”, che e Jesús.
27906	ACT 26:15	Entonces ojronen y inware: “Y ¿chiet net, Niwinquiret?” Y uyaren Niwinquirar y che: “Pues nen jaxen e Jesús xeꞌ war achien innumse nibꞌa.
28018	ROM 1:20	Porque conda wartocto achena or e rum era este coner ayan meyra lo que quetpa chequer tut e winicobꞌ tama e Dios xeꞌ jax era: Que e Dios ayan ucꞌotorer que machi tuaꞌ acꞌapa, y que jaxir erach, y que matucꞌa e bꞌonemar tamar. Tunor era war aquetpa chequer tut e winicobꞌ porque erer uwirobꞌ tunor era tamar lo que chembꞌir umen e Dios. Y tamar era ma cocha erer oꞌjron inteꞌ y che: “Nen matucꞌa innata tama tunor era. Y ¿cocha tuaꞌ injajtzꞌa nen tamar e mabꞌambꞌanir lo que cay inche conda mamajchi cꞌotoy tuaꞌ uyaren que majax bueno tuaꞌ inche tunor e mabꞌambꞌanir era?” xeꞌ che ani inteꞌ. Mamajchi tuaꞌ uyubꞌi oꞌjron cocha era conda achecta watar uqꞌuijnar e Dios porque warix unatobꞌ.
28064	ROM 3:5	Pero bꞌajcꞌat watar inteꞌ winic xeꞌ che: “Pero jay camabꞌambꞌanir acꞌampa tuaꞌ aquetpa más chequer que erach e Dios, ¿tucꞌa tamar tuaꞌ cacꞌayna umen e Dios otronyajr? O ¿ma ca jax bueno lo que war ubꞌijnu uche e Dios que cꞌani uwatzꞌion tama e mabꞌambꞌanir lo que war cache?” xeꞌ che ani inteꞌ winic. Bueno yaꞌ. (Pues nen war onjron bꞌan cocha inteꞌ winic tara tor e rum, che e Pablo.)
28067	ROM 3:8	Y jay bꞌan ani tunor era, entonces bueno ani tuaꞌ caware que: “¿Tucꞌa tuaꞌ que machi caxin cache más e mabꞌambꞌanir tuaꞌ aquetpa más chequer lo que imbꞌutz tama e Dios?” Y bꞌan cocha era war carobꞌna que non war ani cacanse e gente ubꞌan. Jax era inteꞌ ojroner capater, pero tin e war oꞌjronobꞌ cocha era tawarobꞌ tuaꞌ asatpobꞌ.
28137	ROM 6:1	Pues ¿cꞌani ca caware que: “Cachic más e mabꞌambꞌanir tuaꞌ aquetpa más chequer utacarsiaj e Dios?”
28151	ROM 6:15	Pues entonces cocha turon yebꞌar utacarsiaj e Dios coner, ¿cꞌani ca caware que: “Cachic más e mabꞌambꞌanir umen que machi ixto turon yebꞌar ucꞌotorer uley e Moisés?” Ma cocha erer.
28242	ROM 9:19	Pues erer ani awaren y che: “Y jay bꞌan quetpa ¿tucꞌa tuaꞌ que e Dios warto uyari ticajor que non war cache e mabꞌambꞌanir? Porque ¿chi uyubꞌi uquete uwabꞌu lo que cꞌani uche e Dios?”
28243	ROM 9:20	Pero net xeꞌ winiquet, ¿chiet net tuaꞌ aware e Dios que majax imbꞌutz lo que war uche? Pues jay erer ani oꞌjron inteꞌ bꞌejt bꞌajcꞌat axin uyare e ajpacbꞌejt y che: “¿Tucꞌa tuaꞌ achien inquetpa ingojr bꞌejt cocha era?” che ani inteꞌ bꞌejt uyare e ajpacbꞌejt. Pero bꞌajcꞌat asutpa oꞌjron e ajpacbꞌejt otronyajr taca e bꞌejt y che: “¿Tuqꞌuet net tuaꞌ más cꞌani anata?” che ani e ajpacbꞌejt.
28262	ROM 10:6	Pero che tama uley e Moisés que inteꞌ erer aquetpa erach taca e Dios jay axin acꞌubꞌseyan tamar, y que ma intran ani porque chꞌar tzꞌijbꞌabꞌir que: “Ira aware tama awalma y che, ¿chi tuaꞌ atꞌabꞌay axin tut e qꞌuin?” xeꞌ war che ¿chi tuaꞌ axin tut e qꞌuin tuaꞌ uyemse e Jesucristo tuaꞌ watar tara tor e rum tuaꞌ ucorpeson?
28263	ROM 10:7	Y machi tuaꞌ aware: “Y ¿chi canic tuaꞌ ecmay axin tama e chꞌen tiaꞌ aquetpobꞌ e chamenobꞌ?” xeꞌ war che ¿chi canic tuaꞌ axin tut e chꞌen era tuaꞌ utꞌabꞌse watar e Jesucristo tujam e chamenobꞌ tuaꞌ aquetpa tara tor e rum tuaꞌ ucorpeson?
28274	ROM 10:18	Pero cꞌani umbꞌi tibꞌa: “¿Uyubꞌi ca tin e tuobꞌ e Israel e ojroner tama e corpesiaj?” Pues uyubꞌiobꞌ ixto yaꞌ. Porque chꞌar tzꞌijbꞌabꞌir tama uyojroner e Dios y che: Pues ubꞌna unucobꞌ ojron tic taca tama tunor or e rum tiaꞌ turobꞌ tin e tuobꞌ e Israel, y tunor uyojronerobꞌ era cꞌotoy esto tama e lugar xeꞌ más innajt tama tunor or e rum. Bꞌan chꞌar tzꞌijbꞌabꞌir tama uyojroner e Dios.
28275	ROM 10:19	Pero cꞌani umbꞌi tibꞌa otronyajr era: “¿O war ca unatobꞌ tin e tuobꞌ e Israel que e ojroner tama e corpesiaj era quetpa tuaꞌ tunor e gente tara tor e rum?” Pues chꞌar tzꞌijbꞌabꞌir umen e Moisés y che: Cꞌani inche tuaꞌ ixqꞌuijna upater meyra gente xeꞌ majax inteꞌ chinam umen que jaxirobꞌ war uchꞌamiobꞌ meyra chojbꞌesiaj tuaꞌ e Dios y nox matucꞌa war ichꞌami, y cꞌani inqꞌuijnesox upater inteꞌ chinam que matucꞌa ani unatobꞌ tama e Dios. Bꞌan chꞌar tzꞌijbꞌabꞌir tama uley e Moisés.
28278	ROM 11:1	Pues entonces cꞌani umbꞌi tibꞌa: “¿Chojcobꞌ ca inyajrer tin e tuobꞌ e Israel umen e Dios?” Machi. Pues nen xeꞌ Pabloen tuen e Israel, y tuen uchꞌajnar e Abraham xeꞌ turuan tama e onian tiempo, y chꞌajnaren tuaꞌ e Benjamín xeꞌ turuan tama e onian tiempo ubꞌan.
28312	ROM 11:35	Y ¿chi war uyajcꞌu Cawinquirar bꞌajxan tuaꞌ asutpa aꞌjcꞌuna uyeror umener otronyajr?” Bꞌan chꞌar tzꞌijbꞌabꞌir tama uyojroner e Dios.
28665	1CO 10:30	Y jay war intattzꞌi ucꞌabꞌa e Dios tama e wer lo que war incꞌuxi era, ¿tucꞌa tuaꞌ cꞌani ucꞌayen otronteꞌ tamar lo que war incꞌuxi?” xeꞌ che inteꞌ.
28821	1CO 15:35	Pues bꞌajcꞌat ayan tin e ayopa tiut tuaꞌ uyubꞌi tibꞌa y che: “¿Y cocha tuaꞌ asujta abꞌixqꞌuesna e gente tujam e chamenobꞌ? ¿Y tucꞌa cuerpo tuaꞌ uchꞌamiobꞌ conda abꞌixcꞌobꞌ?” xeꞌ che inteꞌ.
28841	1CO 15:55	Entonces Ajchamer, ¿tiaꞌ turu acꞌotorer coner tuaꞌ axeqꞌuion? Y Ajchamer, ¿tiaꞌ aquetpa tunor atuanibꞌir lo que cꞌani ani achꞌami conda cꞌapa acucron ani?” xeꞌ chꞌar tzꞌijbꞌabꞌir tama uyojroner e Dios.
28975	2CO 6:9	Y motor que non natanbꞌiron umen tunor e gente axin, pero ayan tin e che que: “¿Chi e Pablo? o ¿chi e Timoteo?” Y ayan tin e qꞌuix uchamsion, pero iranicto que non bꞌixironto. Y ayan e gente xeꞌ uwatzꞌion, pero machi uchamsion.
29348	EPH 4:9	Y ¿tucꞌa erer cabꞌijnu tamar e ojroner xeꞌ che: “Tꞌabꞌay ixin tichan?” Pues erer cabꞌijnu que e Cristo ecmay tari ejmar esto tara tor e rum y de allí sutpa tꞌabꞌay ixin tichan.
30080	HEB 3:18	¿Y chi tacar cay ojron e Dios y che: “San machi ixto tuaꞌ oꞌchoyobꞌ tuaꞌ ajiriobꞌ tacaren tama e lugar xeꞌ ustabꞌir nimener lo que ayan tama e lugar Canaán?” Jaxobꞌ taca xeꞌ machi cꞌani obꞌianobꞌ tut e Dios.
30339	JAS 1:6	Pero ucꞌani tuaꞌ ixcꞌubꞌseyan tama e Dios tamar lo que war icꞌajti tacar. Y ira ibꞌijnu tama ijor que: “¿Erach ca nic que erer inchꞌami lo que war incꞌajti taca e Dios era?” porque jay bꞌan ibꞌijnu larox cocha inteꞌ nuxi mar xeꞌ aqꞌuejcha axin teinxejr umen e icꞌar y asujta watar otronyajr umener.
30409	JAS 4:5	¿O war ca ibꞌijnu que matucꞌa ucꞌampibꞌir lo que chꞌar tzꞌijbꞌabꞌir tama uyojroner e Dios tiaꞌ che que: “Unawalir e Dios xeꞌ turbꞌana tama cawalma umen Catata Dios war uyajta coit uwiron iraj iraj?” Bꞌan chꞌar tzꞌijbꞌabꞌir tama uyojroner e Dios.