606	GEN 24:14	Y incꞌajti tacaret tuaꞌ awacta que e ijchꞌoc xeꞌ inxin impejca y inware cocha era: ‘Emsen abꞌujr tuaꞌ awajqꞌuen unchꞌi e jaꞌ,’ que jaxir tuaꞌ asutpa uyaren cocha era y che: ‘Uchꞌen, y cꞌani inwajcꞌu e jaꞌ tuaꞌ uyuchꞌi acamellobꞌ ubꞌan.’ Pues incꞌajti tacaret que jax jaxir xeꞌ tuaꞌ aquetpa tin e sicbꞌabꞌir amener tuaꞌ anujbꞌi taca aman Isaac. Y bꞌan cocha era erer acꞌotoy innata que war awirse abꞌa que incꞌun awirnar tut niwinquir Abraham”, che uman e Abraham war ucꞌajti taca e Dios.
631	GEN 24:39	Y de allí nen inware cocha era y che: ‘Niwinquiret, y jay e ijchꞌoc xeꞌ intajwi machi ucꞌani tuaꞌ watar tacaren, ¿tucꞌa tuaꞌ inche?’ inware.
638	GEN 24:46	Y jaxir uyemse ubꞌujr wacchetaca y uyaren y che: ‘Uchꞌen, y cꞌani inlocse e jaꞌ tuaꞌ uyuchꞌiobꞌ acamellobꞌ ubꞌan este que acꞌapa uyuchꞌiobꞌ bꞌan cocha ucꞌaniobꞌ,’ che uyaren.
17336	PRO 30:15	Ayan inteꞌ nuxi ubꞌiꞌ xeꞌ axana tama e jaꞌ xeꞌ erer atacwan ticawerir tuaꞌ utzꞌu cachꞌichꞌer. Y ayan tin e uyusre uchꞌami meyra cosa xeꞌ ayan chateꞌ uyej xeꞌ aꞌru taca inteꞌ nuxi nuc y che: ‘Ajcꞌunen, ajcꞌunen lo que incꞌani,’ chenobꞌ. Pues ayan uxteꞌ lo que ma tiaꞌ atzay tamar lo que ayan tacarobꞌ, y ayan esto cuatro lo que ma tiaꞌ ubꞌijnu que atzꞌacta lo que ayan tacarobꞌ:
25675	LUK 15:18	Cꞌani insutpa inxin tut nitata otronyajr y cꞌani inware cocha era: ‘Nitatet, nen inchix e mabꞌambꞌanir tut e Dios y toit net ubꞌan.