435	GEN 18:10	Ix yalan junoc eb' icha tic: —Yab' icha tic junab', svac'anxi a paxyal, ata' ol aljoc junoc yune' ix etb'eyum tic, vinac unin, xchi d'a vin̈. Yacb'an a ix Sara chi' van smaclan yab' ix tas syala', ayec' ix d'a sti' smantiado eb' d'a spatic vin̈aj Abraham chi'.
452	GEN 18:27	Ix yalanxi vin̈aj Abraham chi' icha tic: —Ac' nivanc'olal d'ayin ach Vajalil yuj tas sval tic d'ayach, yujto a in tic, anima inn̈ej.
538	GEN 21:24	Ix tac'vi vin̈aj Abraham chi': —Svac' in ti'.
585	GEN 23:13	ix yalan vin̈ d'a vin̈aj Efrón d'a yichan̈ eb' smasanil: —Ab' val tas sval d'ayach to tza cha stojol luum, ichato chi' ol in mucan ix vetb'eyum chi' ta', xchi vin̈.
587	GEN 23:15	—Ab' jun mamin, 400 siclo q'uen plata stojol luum. Yujto a ach, svac' lum d'ayach icha jun stojol chi', toxon̈ej b'at a muc ix, xchi vin̈.
647	GEN 24:55	Ix tac'vi vin̈ snulej ix yed' ix snun ix chi', ix yalan eb': —Canocab' jayeocxo c'ual ix qued'oc, ichato chi' ol b'at ix ed'oc, xchi eb' d'a vin̈.
650	GEN 24:58	Ix avtajcot ix Rebeca chi', ix sc'anb'an eb' d'a ix: —¿Tzam yal a c'ol tzach b'at yed' jun vin̈ vinac tic? xchi eb'. —I' syala', ol in b'atoc, xchi ix.
802	GEN 29:6	—¿Vach' am sc'ol vin̈ eyila'? xchi vin̈. —Vach' sc'ol vin̈. Ina a ix Raquel yisil vin̈ van scot yed' noc' scalnel chi', xchi eb' vin̈.
832	GEN 30:1	Axo ix Raquel chi' ix pitzvichaan̈ ajc'olal d'a spensar ix, ix och ix ajc'olal d'a ix Lea chi' yujto malaj yune' ix, ix yalan ix d'a vin̈ yetb'eyum chi' icha tic: —Ac' vune'. Tato maay, tic tzin chami, xchi ix.
842	GEN 30:11	—Vach' vico' yuj chi' Gad svac' sb'iej vin̈ unin tic, xchi ix Lea chi'.
846	GEN 30:15	Ix yalan ix Lea chi' icha tic d'a ix: —¿Tom man̈ c'ocb'iloc ix iq'uec' vin̈ vetb'eyum, axo ticnaic, snib'ej a c'ol tza c'anec' an̈ mandrágora ix yic'cot vin̈ vune' tic? xchi ix. —Ac' an̈ d'ayin, tato icha chi' syal svay vin̈aj Jacob ed'oc d'a jun ac'val tic, xchi ix Raquel chi'.
862	GEN 30:31	—¿Jantac a tojol tza c'ana'? xchi vin̈aj Labán chi'. —Malajocab' in tojol tzac'a', an̈ejto svil jab'ocxo noc' a calnel tic, tato ol scha a c'ol tas ol vala'.
1098	GEN 37:14	—Vach' jun, ixic, yic vach' tzila' chajtil yaj eb' vin̈ yed' noc' calnel chi', tzul alan vab'i, xchi vin̈ smam vin̈ chi'. D'a sch'olanil lum Hebrón ayec' vin̈aj José chi' ayic ix checjib'at vin̈ yuj vin̈ smam. Axo yic ix c'och vin̈ d'a yol yic Siquem,
1143	GEN 38:23	Ix tac'vi vin̈aj Judá icha tic: —Canocab' ix yed' juntzan̈ chi', yic vach' max el co q'uixvelal. Ix in c'anab'ajej, ix vac'anb'at noc' yune' chiva, an̈ej to majxo ilchaj ix uuj, xchi vin̈.
1326	GEN 44:1	Ix lajvi chi', ix yalan vin̈aj José d'a vin̈ yilumal spat: —Ac' b'ud'joc scoxtal eb' vin̈ tic d'a ixim trigo, yaln̈ej jantac syal yic'anb'at eb' vin̈. Tzac'anpaxem q'uen tumin d'a yol sti' scoxtal junjun eb' vin̈, aton q'uen b'aj sman ixim trigo chi' eb' vin̈.
1383	GEN 45:24	Ayic ix stac'anb'at eb' yuc'tac vin̈aj José chi', ix yalan vin̈: —Mocab' eyac' oval d'a yoltac b'e, xchi vin̈.
1461	GEN 48:9	—A eb' vin̈ vuninal ix yac' Dios d'ayin d'a Egipto tic, xchi vin̈aj José chi'. Ix lajvi chi, ix yalan vin̈ smam vin̈ chi': —Elocab' d'a a c'ool, snitzocab'cot sb'a eb' vin̈ d'a in tz'ey tic yic vach' ol valcan vach' lolonel d'a yib'an̈ eb' vin̈, xchi vin̈.
2010	EXO 18:10	Ix yalan vin̈: —Alchajocab' vach' lolonel d'a Jehová, aton ix ex colanel d'a yol sc'ab' eb' aj Egipto yed' d'a yol sc'ab' vin̈ rey, ix ex yic'anelta d'a yalan̈ smandar eb'.
2507	EXO 34:10	Ix yalan Jehová d'a vin̈aj Moisés chi': —Chaab' tas ol vala': A ticnaic, tzin b'ocan jun in trato tic d'a yichan̈ masanil eb' etchon̈ab'. Ol in b'o tastac te satub'tac to mantalaj b'aj tzuji d'a junocxo nación d'a yolyib'an̈q'uinal tic. Ol yil masanil eb' etchon̈ab' eb' ajun tic ed'oc tastac ol in c'ulej eyuuj, to satub'tac yilji.
4386	NUM 22:10	Ix tac'vi vin̈: —Checab' yaj eb' yuj vin̈aj Balac sreyal Moab yuninal vin̈aj Zipor, tzul yal eb' d'ayin,
4406	NUM 22:30	Ix tac'vi noc' d'a vin̈ icha tic: —A in tic a chejintaxoni, tzach q'uen̈ej d'a vib'an̈ ayic tzach b'eyeq'ui, ojtac to malaj juneloc icha tic tzach vutej, xchi noc'. —I' yel toni, xchi vin̈.
5885	JOS 2:14	Ix tac'vi eb' vin̈ chavan̈ chi' icha tic: —Scac' co ti' to ol ex co nacoti, an̈ej tato malaj b'aj tzal jun tic. Ayic ol yac'anoch jun lum tic Jehová d'a yol co c'ab', ol ach co colcaneli, xchi eb' vin̈ d'a ix.
5892	JOS 2:21	—Ichocab' ta', xchi ix. Ix lajvi yalan quil co b'a eb' vin̈ d'a ix, ix stzec'ancanoch jun ch'an̈ lasu chi' ix d'a sventenail spat chi'.
6500	JOS 24:22	Yuj chi' ix yalan vin̈aj Josué chi' icha tic: —An̈eja' ex tzeyac'och e b'a testigoal to an̈ej d'a Jehová ol eyaq'uem e b'a, an̈ej d'ay ol ex och ejmelal, xchi vin̈. —Yeltoni, a on̈ ton scala', xchi eb' anima chi'.
6793	JDG 9:37	Ix yalanxi vin̈aj Gaal chi': —An̈ejtona' ay eb' van yemta d'a tzalan scuchan Smuxuc Lum Luum. Van yempaxul eb' soldado d'a sb'eal b'aj nab'a ji yic eb' naumel lolonel, xchi vin̈.
7155	RUT 2:4	Ayic van sic'an ixim ix, ix c'och vin̈aj Booz chi', spetoj vin̈ d'a Belén. Ix yalan vin̈ d'a eb' smunlajvum chi' icha tic: —Aocab' Jehová ayoch eyed'oc, xchi vin̈. —Yac'ocab' svach'c'olal Jehová d'ayach, xchi eb' munlajvum chi' d'a vin̈.
7206	RUT 4:14	Ix yalan eb' ix ix d'a ix Noemí chi' icha tic: —Alchajocab' vach' lolonel d'a Jehová, yujto toxo ix yac' jun iachiquin ilumaloc. Nivanocab' ol aj sb'inaj d'a scal chon̈ab' Israel.
7237	1SA 1:23	Ix tac'vi vin̈aj Elcana chi' icha tic: —Vach' toni tato vach' tza na'. Canan̈ yed' vin̈ masanto ol el vin̈ d'a yim chi'. Aocab' Jehová tz'och ed'oc yic tz'elc'och b'aj ix ac' a ti' d'ay, xchi vin̈. Yuj chi' ix can ix yed' vin̈ unin chi', ix sq'uib'tzitan vin̈ ix, masanto ix el vin̈ d'a yim.
7240	1SA 1:26	Ix yalan ix Ana chi' icha tic: —Ac' nivanc'olal d'ayin mamin, a in ton tic ulnac in ec' d'a a tz'ey d'a junel, ayic in lesalvinac d'a Jehová.
7396	1SA 9:3	Ay jun c'u ix satb'at juntzan̈ noc' sb'uru vin̈aj Cis chi'. Yuj chi' ix yal vin̈ d'a vin̈ yuninal chi': —Ac' lista a b'a, sb'at a sayan noc' b'uru chi', ic'b'at junoc eb' vin̈ co checab' ed'oc, xchi vin̈.
7403	1SA 9:10	—Vach' jun, b'at quila', xchi vin̈aj Saúl chi'. Ix b'at eb' vin̈ schavan̈il b'aj ayec' vin̈ schecab' Dios chi'.
7405	1SA 9:12	Ix tac'vi eb' ix: —Ayec' vin̈ d'a eyichan̈b'at chi', palta tato tze pil val jab'ocxo eyip olto ilchaj vin̈ eyuuj. Toto val sjavi vin̈ d'a yol chon̈ab' tic yujto ay q'uin̈ ol och d'a tzalan b'aj tz'och ejmelal.
7436	1SA 10:16	Ix tac'vi vin̈aj Saúl chi': —Vach' ix yutej vin̈ yalani. Ix yal vin̈ to toxo ix chax noc' b'uru chi', xchi vin̈. Malaj jab'oc tas ix yal vin̈ yuj tas ix yal vin̈aj Samuel d'ay to ol och reyal.
7444	1SA 10:24	Ix yalan vin̈aj Samuel d'a eb' anima chi': —Ilecnab' val vin̈ co reyal ix sic'och Jehová tic, malaj junoc vinac d'a co cal tic syal slajb'an sb'a yed' vin̈, xchi vin̈. Ix q'ue n̈ilnaj eb' yalani: —Nivanocab' yelc'och vin̈ co reyal, xchi eb' smasanil.
7517	1SA 14:7	—Ichocab' ta' tato vach' tz'aj tza na', an̈ej to tzac'an in och uj b'aj tzach b'ati, xchi vin̈ schecab' vin̈ chi'.
7695	1SA 18:17	Ix lajvi chi', ix yalan vin̈aj Saúl d'a vin̈aj David chi': —Svac' ix b'ab'el visil scuchan Merab etb'eyumoc, an̈ej to jelann̈ej tzutej a b'a d'a oval, tzac'an oval cuj a on̈ schon̈ab' on̈ Jehová tic, xchi vin̈. Ix sna vin̈aj Saúl icha chi' yujto malaj sgana vin̈ yoch smul smilan vin̈aj David chi', vach' ama tato a eb' filisteo smilan vin̈ snaan vin̈.
7762	1SA 20:30	Ayic ix yab'an vin̈ rey icha chi', ix cot yoval vin̈ d'a vin̈aj Jonatán chi', ix yalan vin̈: —Mitz' unin ach, b'ajam sic'b'il ach. Vojtac to vach' ac'an yed' vin̈ yuninal vin̈aj Isaí chi', yic q'uixvelal tzach ajcan yed' ix a nun.
7802	1SA 22:12	ix yalan vin̈ d'a vin̈aj Ahimelec chi': —Ach yuninal vin̈aj Ahitob, ab' tas ol vala', xchi vin̈. —Ayinec' d'a yol a c'ab' mamin rey, xchi vin̈aj Ahimelec chi'.
7848	1SA 24:7	Ix yalan vin̈ d'a eb' vin̈ ajun yed'oc chi' icha tic: —Aocab' Jehová max chaan in milcham vin̈ in reyal tic, yujto a' sic'annacoch vin̈ reyal, xchi vin̈.
7896	1SA 25:32	Ix tac'vi vin̈aj David chi' d'a ix icha tic: —Aljocab' vach' lolonel d'a Jehová co Diosal a on̈ israel on̈ tic to a' ix ach checancot ul in a cha'a.
7899	1SA 25:35	Ix lajvi chi', ix schaanec' vin̈ masanil tastac yed'nac ix chi', ix yalan vin̈: —Vach' tzach meltzaj d'a a pat d'a tzalajc'olal. Tic val scham ilani to ix vab' tas ix ala', tzin c'anab'ajan tas ix a c'ana'.
7903	1SA 25:39	Ayic ix yab'an vin̈aj David to toxo ix cham vin̈, ix yalan vin̈ icha tic: —Aljocab' vach' lolonel d'a Jehová yujto toxo ix yaq'uec' in pac d'a vin̈aj Nabal yuj tas ix in yutej vin̈. A Jehová chi' ix in cachanoch vaan yuj tas chuc ijan ix in c'ulej. An̈eja' ix ac'ancot yaelal d'a yib'an̈ vin̈aj Nabal chi' yuj schucal, xchi vin̈. Ix lajvi chi' ix yac'anb'at schecab' vin̈ d'a ix Abigail yic b'at yal eb' vin̈ to snib'ej vin̈ syic' ix.
7955	1SA 28:10	Ix yac'an sti' vin̈aj Saúl chi': —Svac' in ti' d'a yichan̈ Jehová to malaj tas ol ach ic'anoc, xchi vin̈.
7988	1SA 30:7	Ix lajvi chi', ix yalan vin̈ d'a vin̈aj sacerdote Abiatar yuninal vin̈aj Ahimelec: —Ac' pavor, ic'cot c'apac chaleca d'ayin, xchi vin̈. Ix yic'ancot c'apac vin̈aj Abiatar chi'.
8119	2SA 3:35	Ix lajvi chi', ix yalan eb' d'a vin̈aj David chi' to sva jab'oc vin̈ yacb'an manto em c'u, palta ix yac' sti' vin̈ d'a yichan̈ Dios: —Aocab' Dios tz'ac'anoch yaelal d'a vib'an̈ tato svab'lej jab'oc vael ma junocxo tasi ayic manto em c'u, xchi vin̈.
8186	2SA 7:3	Yuj chi' ix yal vin̈aj Natán chi': —Ujocab' icha tas tza na'a, yujto a Jehová ayn̈ejoch ed'oc, xchi vin̈.
8370	2SA 14:11	Palta ix ochn̈ej tean ix d'a vin̈ rey chi': —Tzin tevi d'ayach mamin rey, to tzac' a ti' d'a yichan̈ Jehová co Diosal to a jun in c'ab' voc snib'ej yac'anec' spac schamel vin̈ vune' chi', mocab' smilcham junxo vune' chi', yic max te javi cuselal d'a vib'an̈, xchi ix. Ix tac'vi vin̈ rey chi': —Svac' in ti' d'a yichan̈ Jehová to malaj jab'oc tas ol ic'an vin̈ une' chi', xchi vin̈.
8445	2SA 16:16	Axo vin̈aj Husai arquita yamigo vin̈aj David, ix elta vin̈ scha vin̈aj Absalón chi', te chaan̈ ix avaj vin̈, ix yalan vin̈ icha tic: —Nivanocab' elc'och mamin rey, ach ic'jocab' chaan̈, xchi vin̈.
8507	2SA 18:26	ix yilan vin̈ stan̈vumal chon̈ab' chi' to tzac'an scot junxo vin̈, ix avaj vin̈ d'a vin̈ tan̈vum puerta chi': —Ay val junxo vin̈ vinac te yelc'olal scoti, xchi vin̈. —An̈eja' vach' ab'ix tzul yal junxo vin̈ chi', xchi vin̈ rey chi'.
8537	2SA 19:24	Ix yalan vin̈ rey chi' d'a vin̈aj Simei chi' icha tic: —Svac' in ti' d'a yichan̈ Jehová to man̈ ol ach in mil-laj, xchi vin̈.
8544	2SA 19:31	Ix tac'vi vin̈aj Mefi-boset chi': —Canocab' lum luum chi' d'a vin̈aj Siba chi' smasanil, a jun nivan yelc'ochi to tzalajc'olal tzach jax d'a a palacio junelxo, xchi vin̈.
8574	2SA 20:17	Ayic ix c'och vin̈ d'a slac'anil ix, ix sc'anb'an ix icha tic: —¿Tom a ach tic ach Joab? xchi ix d'a vin̈. —A in toni, xchi vin̈. Ix yalanxi ix d'a vin̈: —Ab' tas ol val a in a checab' in tic, xchi ix. —Tic svab'i, xchi vin̈.
8717	2SA 24:22	Ix tac'vi vin̈aj Arauna chi': —Ujocab' mamin, b'o'ocab'i, tzac'an silab' d'a Jehová icha val snib'ej a c'ool. Ay noc' vacax syal ac'an silab'il d'a tic. Ay te' mac'lab' trigo yed' te' yugo syal yoch c'atzitzal.
8749	1KI 1:29	ix yalan vin̈ d'a ix: —Svac' in ti' d'a Jehová, aton ix in tan̈van d'a scal in yaelal
8804	1KI 2:31	Ix yalan vin̈aj rey Salomón chi': —Chamocab' vin̈ ta', ujocab' icha sgana vin̈ chi'. B'at a mucan snivanil vin̈ chi', yic vach' a schamel eb' malaj smul smilnaccham vin̈, man̈xooc d'a yib'an̈ vin̈ in mam yed' d'a vib'an̈ scani.
8811	1KI 2:38	Ix tac'vi vin̈aj Simei chi': —Ichocab' ta' mamin rey, ol in c'anab'ajej tas tzal chi', xchi vin̈. Najtil ix ec' cajan vin̈aj Simei chi' d'a Jerusalén.
8844	1KI 3:25	ix yalan vin̈ rey chi' icha tic: —Chab' tzeyutej jun unin pitzan tic, tzeyac'an nan̈aloc yic junjun eb' ix, xchi vin̈.
9352	1KI 18:8	—I' a in toni. Ixic al d'a vin̈aj Acab to ayinec' d'a tic, xchi vin̈aj Elías chi'.
9446	1KI 20:35	Palta ay jun vin̈ d'a scal eb' vin̈ schecab' Jehová, a Jehová ix alan d'a vin̈, yuj chi' ix yal vin̈ d'a jun vin̈ yetb'eyum icha tic: —Ac' in echnaj in c'ana', xchi vin̈. Palta maj yal-laj sc'ool vin̈ yetb'eyum vin̈ chi'.
9455	1KI 21:1	Ayic ix lajvi yec'can juntzan̈ chi', a vin̈aj Acab rey d'a Samaria, ix snib'ej vin̈ sman jab' slum jun vin̈ aj Jezreel scuch Nabot. A jab' slum vin̈ chi' avab'il te' uva d'a sat, a d'a stz'ey spalacio vin̈ rey chi' ay. Ay jun c'ual ix yal vin̈aj Acab chi' d'a vin̈aj Nabot chi' icha tic: —Ac' jab' a lum chi' d'ayin, yic ata' svavej jab'oc vitaj, yujto d'a stz'ey in palacio ay. Axo junocxo lum te vach' svac' sq'uexuloc, mato tzin tup d'ayach icha stojol, xchi vin̈.
9502	1KI 22:19	Yuj chi' ix yalanxi vin̈aj Micaías chi' icha tic: —Ab' val slolonel Jehová. Ix vila' to c'ojanem Jehová d'a yol sdespacho, axo eb' yángel d'a satchaan̈ oyanoch eb' d'a spatic yichan̈.
9517	1KI 22:34	Palta ay jun soldado sirio ix comon julanb'at sjul-lab' d'a scal eb' soldado van yac'an oval chi'. C'ocb'il val a vin̈aj rey Acab chi' ix yamchaji. A val b'aj schalaj sb'a cha macan̈ q'uen pichul ayoch yuj vin̈, ata' ix och jun jul-lab' chi'. Yuj chi' ix yal vin̈ d'a vin̈ yamjinac sch'an̈al noc' chej toc'jinac carruaje b'aj ayq'ue vin̈ chi': —Ic' meltzaj noc' chej tic, tzin ic'anel d'a scal oval tic, yujto te nivan ix in aj in lajvi, xchi vin̈.
9557	2KI 2:2	Ix yalan vin̈ d'a vin̈aj Eliseo chi' icha tic: —Canan̈ d'a tic, yujto tzin schecb'at Jehová d'a Betel, xchi vin̈. Ix tac'vi vin̈aj Eliseo chi': —Svac' in ti' d'ayach d'a yichan̈ Jehová to ol in b'atn̈ej ed'oc, xchi vin̈. Yuj chi' ix b'at eb' vin̈ schavan̈il d'a Betel chi'.
9559	2KI 2:4	Ix lajvi chi', ix yalanxi vin̈aj Elías chi' d'a vin̈aj Eliseo chi' icha tic: —Canan̈ d'a tic, yujto tzin schecb'at Jehová d'a Jericó, xchi vin̈. Ix tac'vixi vin̈aj Eliseo chi': —Svac' in ti' d'ayach d'a yichan̈ Jehová to ol in b'atn̈ej ed'oc, xchi vin̈. Yuj chi' ix b'atxi eb' vin̈ schavan̈il d'a Jericó chi'.
9561	2KI 2:6	Ix lajvi chi' ix yalanxi vin̈aj Elías chi' d'a vin̈aj Eliseo chi' icha tic: —Canan̈ d'a tic, yujto tzin schecb'at Jehová d'a a' Jordán, xchi vin̈. Ix tac'vixi vin̈aj Eliseo chi': —Svac' in ti' d'ayach d'a yichan̈ Jehová to ol in b'atn̈ej ed'oc, xchi vin̈. Yuj chi' ix b'atn̈ej eb' vin̈ schavan̈il.
9623	2KI 4:16	Ix yalan vin̈aj Eliseo chi' d'a ix: —Yab' val icha tic junab', chelb'ilxo q'ue junoc une' uuj, xchi vin̈ d'a ix. Ix yalan ix icha tic: —Maay mamin, ach schecab' Dios, man̈ ach b'uchvaj d'ayin, xchi ix.
9636	2KI 4:29	Yuj chi' ix yalan vin̈aj Eliseo d'a vin̈ schecab' chi': —Ac' lista a b'a, ic'b'at te' in c'ococh tic ed'oc, tzach b'at d'a elan̈chamel. Tato ay mach tza cha'a, man̈ ach lolon yed'oc. Tato ay eb' tz'avajcot d'ayach, man̈ ach tac'voc d'a eb'. Ayic tzach c'och chi' tzaq'uem te' in c'ococh tic d'a sat vin̈ unin chi', xchi vin̈.
9637	2KI 4:30	Ix yalan ix snun vin̈ unin chi': —Svac' in ti' d'ayach d'a yichan̈ Jehová to max in b'at d'a tic tato max ach b'at ved'oc, xchi ix.
9649	2KI 4:42	Axo d'a junel ix c'och jun vin̈ vinac aj Baal-salisa, yed'nac 20 ixim pan cebada vin̈ b'ob'il d'a ixim b'ab'el sat cebada chi', ix yac'an vin̈ d'a vin̈aj Eliseo chi', yed'nacpax ixim jolom trigo vin̈ yaxto. Ix yalan vin̈aj Eliseo chi' d'a vin̈ schecab': —Ac' ixim pan chi' sva eb' anima tic, xchi vin̈.
9650	2KI 4:43	Ix tac'vi vin̈ schecab' vin̈ chi': —¿Tocval ol yal vac'an jab' tic d'a 100 anima tic? xchi vin̈. Ix yalanxi vin̈aj Eliseo chi': —Ac' va eb' anima tic, yujto toxo ix yal Jehová to ol va eb', aytopax ol canoc, xchi vin̈.
9656	2KI 5:5	Ix yalan vin̈ rey chi' d'a vin̈: —Vach' tzach b'ati, svac'b'at junoc carta d'a vin̈ sreyal Israel chi', xchi vin̈. Icha chi' ix aj sb'at vin̈aj Naamán chi', ix yic'anb'at nan̈al svajxaquil quintal q'uen plata vin̈ yed' nan̈al schab'il quintal q'uen oro yed' lajun̈ moj pichul.
9667	2KI 5:16	Ix tac'vi vin̈aj Eliseo chi': —Svac' in ti' d'a Jehová, aton ayin schecab', max in chalaj tas tzac' chi', xchi vin̈. Vach'chom ix ochn̈ej tean vin̈aj Naamán chi' d'a vin̈, palta maj schalaj vin̈.
9761	2KI 9:1	A vin̈aj Eliseo schecab' Dios, ix yavtej jun vin̈ yetchecab'vumal vin̈ quelemto, ix yalan vin̈ icha tic: —Ac' lista a b'a, tzach b'at d'a Ramot d'a yol yic Galaad. Ic'b'at jun yed'tal aceite tic tzach b'ati.
9780	2KI 9:20	Ix yalanxi vin̈ stan̈vumal chon̈ab' chi': —An̈eja' junxo vin̈ chi' ix c'och vin̈ d'a eb', palta malaj vin̈ smeltzaji. A mach sja d'a yol carruaje chi', ichato a vin̈aj Jehú yixchiquin vin̈aj Nimsi, yujto te locotac scot vin̈, ichataxon smodo, xchi vin̈.
9805	2KI 10:8	Ix javi jun vin̈ checab' d'a vin̈aj Jehú chi', ix yalan vin̈: —Toxo ix ic'chajcot sjolom eb' yin̈tilal vin̈ rey, xchi vin̈. Ix yalan vin̈aj Jehú chi': —Chab' juyan̈ tzeyutejcan d'a sti' chon̈ab' tic. Ata' scani masanto q'uic'an, xchi vin̈.
10118	2KI 20:16	Ix yalan vin̈aj Isaías chi' d'a vin̈ icha tic: —Ab' tas syal Jehová d'ayach:
10789	1CH 14:10	Yuj chi' ix sc'anb'ej vin̈aj rey David d'a Dios icha tic: —¿Tzam yal vac'an oval yed' eb' filisteo tic? ¿Ol am ac'och eb' d'a yol in c'ab'? xchi vin̈. Ix tac'vi Jehová d'a vin̈: —Ac' oval yed' eb', yujto ol vac'och eb' d'a yol a c'ab', xchi.
10942	1CH 21:3	Palta ix tac'vi vin̈aj Joab chi' icha tic: —Aocab' Jehová tz'ac'an q'uib' sb'isul schon̈ab' masanto maxtzac yal sb'ischaji. Mamin rey ayoch eb' d'a yol a c'ab' smasanil, ¿tas yuj tza nib'ej jun tic? A d'a jun tic ol och smul co chon̈ab' tic uuj, xchi vin̈.
11552	2CH 18:5	Yuj chi' ix schec vin̈ sreyal Israel chi' molb'aj masanil eb' vin̈ syaloch sb'a schecab'oc Dios, 400 sb'isul eb' vin̈ smasanil. Ix sc'anb'an vin̈ d'a eb' vin̈ icha tic: —¿Tzam cac' oval d'a Ramot d'a yol yic Galaad, ma to maay? xchi vin̈. Ix tac'vi eb' vin̈ d'a vin̈ icha tic: —Ac' oval chi', yujto a Dios ol ac'anoch d'a yol a c'ab', xchi eb' vin̈.
11560	2CH 18:13	Ix tac'vi vin̈aj Micaías chi' icha tic: —Svac' in ti' d'a Jehová to an̈ej tas ol yal d'ayin, a' ol vala', xchi vin̈.
11565	2CH 18:18	Ix yalanxi vin̈aj Micaías chi' icha tic: —Ab' val tas syal Jehová d'ayach: Ix vila' c'ojanem Jehová d'a sdespacho, masanil eb' ángel d'a satchaan̈ lin̈jab'och d'a spatic yichan̈.
11580	2CH 18:33	Palta ay jun vin̈ soldado comonn̈ej ix julvajb'ati, a val d'a vin̈ sreyal Israel chi' ix och sirnaj jun yol jul-lab' chi'. A val b'aj schalaj sb'a sq'ueen pichul vin̈ rey chi' ayochi, ata' ix och ch'apnaj jun yol jul-lab' chi'. Yuj chi' ix yal vin̈ d'a vin̈ ed'jinac carruaje chi' icha tic: —Ic' meltzaj carruaje tic, tzin ic'anel d'a scal oval tic, yujto te nivan ix in aj in lajvi, xchi vin̈.
12795	EST 5:12	Ix yalanxi vin̈ icha tic: —An̈ejtona' a inn̈ej ix in avtajb'at vael yed' vin̈ rey d'a jun nivan vael yuj ix reina Ester. Avtab'il in pax vael yed' vin̈ rey chi' q'uic'an d'a junxo nivan vael syac' ix d'a vin̈ rey chi'.
12797	EST 5:14	Yuj chi' ix yal ix yetb'eyum vin̈ chi' yed' eb' yamigo vin̈ chi' icha tic: —Ac' b'ochajem junoc te te' jun ch'an̈il tz'ajq'ue steel. Tza c'anan d'a vin̈ rey chi', axo q'uic'an q'uin̈ib'al sq'ue d'un̈an vin̈aj Mardoqueo chi' d'a te', yic vach' tzalajc'olal tzach b'at d'a jun nivan vael yed' vin̈ rey chi', man̈xa jab'oc tas tza na'a, xchi eb'. A jun pensar chi' ix scha sc'ol vin̈aj Amán chi', ix schecan vin̈ b'ojoc jun te te' chi'.
12885	JOB 1:12	Ix tac'vi Jehová d'a vin̈ icha tic: —Ichocab' ta', ol xo ila' tas tza c'ulej yed' masanil tastac ay d'a vin̈ chi', an̈ej to malaj tas tzutej snivanil vin̈, xchi. Ix lajvi chi' ix el vin̈ Satanás chi' d'a yichan̈ Jehová.
12901	JOB 2:6	Ix tac'vi Jehová chi' d'a vin̈: —Ichocab' ta'. Olxo ila' tas tza c'ulej yed' snivanil vin̈ chi', an̈ej b'ian to malaj alan ic ic'anel sq'uinal vin̈, xchi.
18487	ISA 39:5	Ix valan d'a vin̈ icha tic: —Ab' val tas syal Jehová Yajal d'a Smasanil:
19693	JER 28:6	—Ichocab' chi'. Comonoc icha chi' sc'ulej Jehová. Comonoc syaq'uelc'och juntzan̈ lolonel tzal chi', syac'an ic'joc meltzaj masanil yamc'ab' yic templo ic'b'ilb'at d'a Babilonia chi' yed' masanil anima.
20048	JER 42:4	Ix in tac'vi d'a eb', ix valan icha tic: —Vach' yaji. Ol in lesalvoc d'a Jehová co Diosal eyuuj, icha ix aj e c'anan chi' d'ayin. Jantacn̈ej tas ol yal Jehová d'ayin a ol valxi d'ayex. Malaj jab'oc tas ol in c'ub'ejeli, xin chi d'a eb'.
20049	JER 42:5	Ix tac'vixi eb' d'ayin icha tic: —Aocab' Jehová chi' testigo tz'ajcan d'ayon̈, tato man̈ ol co c'anab'ajej tas ol yal chi' d'ayach.
21960	DAN 5:17	Ix yalan vin̈aj Daniel chi' icha tic: —Canocab' a silab' chi' d'ayach mamin rey. Syal ac'an jun opisio chi' d'a junocxo, palta ol vavtej jun tz'ib' tic, ol valan d'ayach tas val syalelc'och juntzan̈ lolonel tz'ib'ab'iloch d'a sat pat tic.
23674	MAT 14:8	Axo ix snun ix, ix ac'an sc'uloc, yuj chi' ix yal ix d'a vin̈aj Herodes chi': —Ac' sjolom vin̈aj Juan, vin̈ tz'ac'an bautizar d'ayin d'a yol junoc pultu, xchi ix.
23794	MAT 17:25	—Syac' q'uen vin̈, xchi vin̈ d'a eb'. Axo yic ix c'ochxi vin̈aj Pedro d'a yol pat, a Jesús ix b'ab'laj alan d'a vin̈: —Simón, ¿tas tza na'a? A juntzan̈ tumin stecjiel yuj eb' rey, ¿mach am tz'ac'ani? ¿Am eb' yuninal eb' tz'ac'ani, mato a eb' anima? xchi d'a vin̈.
23911	MAT 21:16	Ix yalan eb' vin̈ d'a Jesús: —¿Tom max ab' tas syal eb' unin tic? xchi eb' vin̈ d'ay. —Svab' yalan eb'. ¿Tom malaj b'aj tzeyil d'a Slolonel Dios Tz'ib'ab'ilcani, b'aj tz'alji icha tic d'a co Mam Dios? A eb' unin yed' eb' van to schuni, a eb' tzac'lab'ej yic syal vach' lolonel eb' d'ayach. Icha chi' syala', xchi Jesús d'a eb' vin̈.
24389	MRK 3:32	Axo eb' c'ojanem d'a stz'ey ix alan d'ay: —Ayec' ix a nun yed' eb' uc'tac d'a ti' pat, van ach sayan eb', xchi eb'.
24588	MRK 8:19	Ayic ix in pucanec' oye' ixim pan d'a scal oye' mil vinac, ¿jayeto xuuc ixim ix yac' sobre ix e sic'q'uei? xchi d'a eb'. —Lajchave' xuuc, xchi eb'.
24738	MRK 11:29	Yuj chi' ix yalan d'a eb' vin̈: —An̈ejtona' ol in c'anb'ej pax junoc tas d'ayex. Tato ol e yal d'ayin, ol val d'ayex mach ac'jinac vopisio in c'ulan juntzan̈ chi'.
24774	MRK 12:32	Ix yalanxi vin̈ c'ayb'um chi' d'ay: —Vach' ton Mamin, yel ton tzala'. Junn̈ej ton Dios, malaj junocxo.
25455	LUK 10:23	Ix lajvi chi', ix ec' q'ueleloc d'a eb' sc'ayb'um, ix yalan d'a eb' icha tic: —Vach' yic eb' tz'ilan juntzan̈ tzeyil tic.
25460	LUK 10:28	—Vach' ix utej alani, tato icha chi' tzutej a b'a, ol a cha a q'uinal d'a juneln̈ej, xchi Jesús d'a vin̈.