57	GEN 3:1	A noc' chan, yelxo val te jelan noc' d'a yichan̈ masanil noc' c'ultaquil noc' ix sb'o Jehová Dios. Ix yalan noc' d'a ix ix: —¿Tom yel ix yal Dios to max yal e loan sat masanil te' avb'en te' tic? xchi noc'.
67	GEN 3:11	Ix sc'anb'an Dios d'a vin̈: —¿Mach ix alan d'ayach to b'eran ach eli? Tope ix a lo sat te te', te' ix val d'ayach to max yal-laj a loani, xchi d'a vin̈.
86	GEN 4:6	Axo ix yalan Jehová d'a vin̈ icha tic: ¿Tas yuj ste chichon a c'ool, te ovxon̈ej a sat?
89	GEN 4:9	Ix lajvi chi', ix sc'anb'an Jehová d'a vin̈aj Caín chi': —¿B'ajtil ay vin̈ uc'tac aj Abel? xchi d'a vin̈. Axo ix tac'vi vin̈: —Man̈ vojtacoclaj. ¿Tom yilumal vin̈ vaji? xchi vin̈.
317	GEN 12:18	Yuj chi' ix schec vin̈ rey chi' avtajcot vin̈aj Abram chi', ix yalan vin̈ icha tic: ¿Tas yuj icha tic tzin utej? ¿Tas yuj maj al d'ayin tato etb'eyum ix tic?
363	GEN 15:2	Ix tac'vi vin̈aj Abram icha tic: —Ach Jehová Vajalil, ¿tas val yopisio jun spac chi' vuuj? Ojtac val to malaj junoc vuninal ix ac'a' yic ata' svac'xican jantac tas ay d'ayin, yuj chi' a junoc in checab' ol chaancan masanil tas ay d'ayin, aton vin̈aj Eliezer aj Damasco, a vin̈ sat yaj d'a eb' in checab' smasanil, xchi vin̈.
369	GEN 15:8	—Palta ach Jehová Vajalil, ¿tas val tz'aj vojtacaneli tato sviquejcan jun luum tic? xchi vin̈aj Abram chi'.
387	GEN 16:5	Ix lajvi chi', ix yalan ix Sarai d'a vin̈aj Abram chi' icha tic: —Uujn̈ej emnaquil tzin yutejcan ix in criada tic. Tic pax ix vac' ix etb'eyumoc, axo ticnaic yujto ix yab' ix to yed'nacxo yune' ix, tzin spaticanel ix. Vach' tzon̈ sch'olb'itej Jehová, ¿tom a ach ay a mul, mato a in? xchi ix Sarai chi'.
390	GEN 16:8	Ix sc'anb'an d'a ix icha tic: —Ach Agar, scriada ix Sarai, ¿b'ajtil a petoj? ¿b'ajtil tzach b'ati? xchi d'a ix. —To tzin el d'a ix Sarai, ix in patrona, xchi ix.
415	GEN 17:17	Ayic ix yab'an jun chi' vin̈aj Abraham chi', ix em n̈ojan vin̈ d'a sat luum, ix och ijan vin̈ stzevaji, ix och ijan vin̈ snaub'tan̈ani: ¿Tom olto aljoc vuninal? cien ab'ilxo in q'uinal, 90 ab'ilxo sq'uinal ix Sara, ¿tom olto val aljoc yune' ix? xchi vin̈.
438	GEN 18:13	Yuj chi' ix yalan Jehová d'a vin̈ icha tic: —¿Tas yuj ton̈ej stzevaj ix etb'eyum chi'? ¿Tzam sna' ix yujto chichimxo ix maxtzac yal yalji junoc yune' ix?
448	GEN 18:23	Ix snitzanb'at jab'xo sb'a vin̈ d'a stz'ey Jehová chi', ix sc'anb'an vin̈ icha tic: ¿Tom ol a satel eb' anima malaj smul yed' eb' ay smul?
450	GEN 18:25	Man̈ ol yal utan icha chi'. Tato tza satel eb' malaj smul yed' eb' ay smul chi', ichato lajan smul eb' smasanil syal chi'. Man̈ utej icha chi'. A ach tic Juez ach d'a yolyib'an̈q'uinal tic, ¿tocval ol a c'ulej junoc tas man̈ tojoloc? xchi vin̈ d'ay.
453	GEN 18:28	Q'uinaloc ayxon̈ej ovan̈oc max tz'acvi 50 anima vach', ¿tom yujxon̈ej ovan̈ chi', tza satel jun chon̈ab' chi' smasanil? xchi vin̈. Ix tac'vixi Jehová icha tic: —Tato ay 45-oc eb' vach', max in satel-laj jun chon̈ab' chi', xchi.
457	GEN 18:32	Ix yalanxi vin̈aj Abraham chi': —Ac'val nivanc'olal d'ayin ach Vajalil, mocab' cot oval d'ayin, axon̈ej junel tic tzin tevi d'ayach, man̈xa tas ol vala': ¿Tas tzutej, q'uinaloc tato axon̈ej lajun̈van̈oc eb' vach' sb'eyb'al tz'ilchaj uuj? xchi vin̈. Ix yalanxi Jehová chi' icha tic: —Q'uinaloc ay lajun̈van̈oc eb' vach' sb'eyb'al, man̈ ol in satel-laj jun chon̈ab' chi', xchi.
463	GEN 19:5	Ix och ijan eb' vin̈ yavajoch d'a vin̈aj Lot chi', ix yalan eb' vin̈ icha tic: —¿B'ajtil ayec' juntzan̈ eb' vin̈ vinac ix jacan d'a a pat tic d'a jun ac'val tic? Iq'uelta eb' vin̈ d'ayon̈ yic squixtej eb', xchi eb' vin̈.
500	GEN 20:4	Palta manto vaylaj vin̈ yed' ix Sara chi', yuj chi' ix yalan vin̈: Mamin, malaj in mul, ¿tom tzin a satel yed' in chon̈ab' tic?
505	GEN 20:9	Ix lajvi chi' ix schecan vin̈ rey chi' avtaj vin̈aj Abraham chi', ix yalan vin̈: —¿Tas yuj icha tic ix in utej? ¿Tas in mul d'ayach, yuj chi' ijan tzic'cot jun nivan mul tic d'a vib'an̈ yed' d'a yib'an̈ jantac eb' in chon̈ab' tic? Man̈ vach'oc ix in utej.
521	GEN 21:7	¿Toc ay eb' anima ix alan d'a vin̈aj Abraham, tato olto vac' chunoc unin? Palta ixto alji vune' yed' vin̈ vach'chom icham vinacxo vin̈, xchi ix Sara chi'.
555	GEN 22:7	Quenanto val sb'at eb', ix yalan vin̈aj Isaac chi' d'a vin̈ smam chi' icha tic: —Mamin, xchi vin̈. —¿Tas xchi vuninal? xchi vin̈aj Abraham chi'. —Ina qued'nac co c'atzitz yed' co c'ac', ¿b'aj ay pax noc' calnel ol och silab'il chi'? xchi vin̈.
559	GEN 22:11	Axo yángel Jehová ix avajemta d'a satchaan̈ icha tic: —Abraham, Abraham, xchi. —¿Tas xchi Mamin? xchi vin̈.
597	GEN 24:5	Ix tac'vi vin̈ schecab' vin̈ chi': —Q'uinaloc max stac'cot sb'a ix ved'oc, ¿tas svutej? ¿Yovalil am svic'b'at vin̈ b'aj cotnac ach chi'? xchi vin̈ schecab' chi'.
631	GEN 24:39	Ix valan d'a vin̈ in patrón chi': A junoc ix ix sb'at vic'cot chi', tato max stac'cot sb'a ix ved'oc, ¿tas vach' svutej? xin chi.
639	GEN 24:47	Ix in c'anb'an d'a ix: ¿Mach ayach yisil? xin chi d'a ix. Ix yalan ix d'ayin: Yisil in vin̈aj Betuel, yuninal vin̈aj Nacor yed' ix Milca, xchi ix. Ix vac'anoch jun q'uen icha uchiquin d'a sn̈i' ix, ix vac'anpaxoch junjun q'uen brazalete d'a junjun sc'ab' ix.
650	GEN 24:58	Ix avtajcot ix Rebeca chi', ix sc'anb'an eb' d'a ix: —¿Tzam yal a c'ol tzach b'at yed' jun vin̈ vinac tic? xchi eb'. —I' syala', ol in b'atoc, xchi ix.
656	GEN 24:64	An̈ejtona' ix Rebeca, ix b'at q'uelan ix, ix yilanb'at vin̈aj Isaac chi' ix. Ix sc'anb'an ix d'a vin̈ checab' chi': —¿Mach jun vin̈ vinac scot d'a quichan̈ tic? xchi ix. Ix yalan vin̈ checab' chi': —Aton vin̈ in patrón chi', xchi vin̈. Yuj chi', ix yic'anemta smusil sat ix, elan̈chamel ix emta ix d'a yib'an̈ noc' camello chi'.
691	GEN 25:32	Ix yalanxi vin̈aj Esaú chi': —Ina van in cham yuj vejel, yilxo jun in derecho yic b'ab'el vinaquil chi', ¿tas val ol och vuuj? xchi vin̈.
702	GEN 26:9	Ix b'at checjicot vin̈ yuj vin̈ rey chi', ix yalan vin̈ d'a vin̈: —Toxo ix vila' to etb'eyum ix ix tic, ¿icham chi', ma to maay? ¿Tas yuj ix ala' to anab' ix? xchi vin̈. Ix yalan vin̈aj Isaac chi': —Ix in na' q'uinaloc tzin smilcham eb' aj chon̈ab' tic yuj ix, xchi vin̈.
729	GEN 27:1	Ix ec'n̈ej tiempo, ix ichamvinacax vin̈aj Isaac chi', maxtzac ujilaj yilan vin̈. Ay jun c'ual ix yavtejcot vin̈aj Esaú vin̈, aton vin̈ sb'ab'el yuninal vin̈, ix yalan vin̈ d'a vin̈: —Ach vuninal, xchi vin̈. —¿Tas xchi mamin? xchi vin̈aj Esaú chi'.
746	GEN 27:18	Axo ix ochb'at vin̈ b'aj ayec' vin̈ smam chi', ix yalan vin̈ icha tic: —Mamin, xchi vin̈. —Oy, ¿mach ach ach vuninal? xchi vin̈aj Isaac chi'.
748	GEN 27:20	Ix sc'anb'an vin̈aj Isaac chi' d'a vin̈ icha tic: —¿Tas val ix utej yamchaj noc' d'a elan̈chamel, ach vuninal? xchi vin̈. —A Jehová co Diosal ix och ved'oc, yuj chi' d'a elan̈chamel ix ilchaj noc' vuuj, xchi vin̈.
752	GEN 27:24	Ix sc'anb'anxi vin̈aj Isaac chi' icha tic: —¿Yel am val a ach, ach vuninal Esaú? xchi vin̈. —I', a in ton Esaú in, xchi vin̈aj Jacob chi'.
760	GEN 27:32	Axo ix sc'anb'an vin̈aj Isaac chi' icha tic: —¿Mach ach? xchi vin̈. —A in ton Esaú in, a b'ab'el unin in, xchi vin̈.
766	GEN 27:38	Ix tevin̈ejoch vin̈aj Esaú chi' icha tic: —Mamin, ¿man̈xom val junoc vach' lolonel syal alancan d'a vib'an̈ jun? Alcan junocxo a vach' lolonel d'ayin, xchi vin̈. Ix elxi veq'uec'oc yav vin̈ yoq'ui.
800	GEN 29:4	Ix sc'anb'an vin̈ d'a eb' tan̈vum calnel chi' icha tic: —¿B'ajtil ayex ex vetanimail? xchi vin̈. —A d'a Harán ayon̈, xchi eb' vin̈.
801	GEN 29:5	—¿Eyojtac am vin̈aj Labán yixchiquin vin̈aj Nacor? xchi vin̈. —Cojtacton vin̈, xchi eb'.
815	GEN 29:19	Ix yalan vin̈aj Labán chi': —Canan̈, vach' ol vac' ix d'ayach, ¿tas gana ch'oc b'aj svac' ix? xchi vin̈.
821	GEN 29:25	Ayic ix sacb'i, ix yilanelta vin̈aj Jacob chi' to a ix Lea ix vay yed' vin̈, ix b'at yalan vin̈ d'a vin̈aj Labán chi' icha tic: —¿Tas yuj icha tic ix in utej? A ix Raquel ix in caj d'ayach, ¿tas yuj tzin ixtej? xchi vin̈.
833	GEN 30:2	Yuj chi' ix cot yoval vin̈aj Jacob, ix yalan vin̈ d'a ix icha tic: —¿Tocval Dios in? A Dios chi' max ac'anlaj une' chi', xchi vin̈.
846	GEN 30:15	Ix yalan ix Lea chi' icha tic d'a ix: —¿Tom man̈ c'ocb'iloc ix iq'uec' vin̈ vetb'eyum, axo ticnaic, snib'ej a c'ol tza c'anec' an̈ mandrágora ix yic'cot vin̈ vune' tic? xchi ix. —Ac' an̈ d'ayin, tato icha chi' syal svay vin̈aj Jacob ed'oc d'a jun ac'val tic, xchi ix Raquel chi'.
861	GEN 30:30	Ojtac to jayvan̈n̈ej noc' a molb'etzal noc' tic ayic in janac, axo ticnaic toxo ix q'uib' sb'isul noc'. Atax val yic in janac chi' syamannacoch Jehová yac'an svach'c'olal d'a ib'an̈. Axo ticnaic, ¿b'aq'uin̈ ol in chael yich vilan vic yed' eb' ix vetb'eyum tic yed' eb' vuninal? xchi vin̈.
900	GEN 31:26	Ix och ijan vin̈aj Labán chi' yalanoch d'a sat vin̈aj Jacob chi' icha tic: —¿Tas ix a c'ulej? ¿Tas yuj ix in ac'can musansatil? Elelalxon̈ej ix utej ic'ancot eb' ix visil, ichato d'a scal oval ix yamchaj eb' ix uuj.
904	GEN 31:30	Tato tza te naejb'at b'aj ay vin̈ a mam, yuj chi' icha chi' ix a c'ulej, palta ¿tas yuj ix elq'uejcot juntzan̈ in diosal? xchi vin̈aj Labán chi'.
911	GEN 31:37	Masanil in c'ael tza say ila', ¿tas junoc ic ix ilchaj uj ticnaic? Ch'ox d'a yichan̈ eb' vin̈ ed'nac tic yed' d'a yichan̈ pax eb' vin̈ ved'nac tic, yic vach' a eb' vin̈ syal yalani mach on̈ yel scala'.
917	GEN 31:43	Ix yalan vin̈aj Labán d'a vin̈aj Jacob chi' icha tic: —Visil eb' ix tic, vi in chiquin pax eb' tic yed' noc' calnel tic, vic noc' smasanil. Masanil tas ayec' tic, vico'. Palta jun, ¿tasto val svutej eb' ix visil yed' yune' eb' ix?
946	GEN 32:18	A d'a vin̈ ed'jinac noc' b'ab'el, ix yal vin̈ icha tic: —Ayic ol a chaan a b'a yed' vin̈ vuc'tac chi', tato sc'anb'ej vin̈: ¿Mach a patrón? ¿B'ajtil tzach b'ati? ¿Mach yic noc' noc' ed'nac tic? tato xchi vin̈ d'ayach,
1012	GEN 34:31	Ix tac'vi eb' vin̈ icha tic: —¿Tom ay sleyal syixtej ix canab' tic vin̈, syutan ix vin̈ icha junoc ix ajmul ix? xchi eb' vin̈.
1089	GEN 37:5	Ay jun svayich vin̈aj José chi' ix ochi, ix yalan vin̈ d'a eb' vin̈ yuc'tac chi' icha tic: —Ab'ec val in vayich. Ix in vayichej to van co jochvi trigo, junjun on̈ qued' junjun manoja quico'. D'a jun rato chi' ix q'ue lin̈an ixim vico' yed' ixim eyic chi', axo ixim eyic chi' ix em n̈ojan ixim d'a spatic yichan̈ ixim vic chi', xchi vin̈. Ix tac'vi eb' vin̈ yuc'tac vin̈ chi' icha tic: —¿Am syalelc'och jun tzal chi' to ol ach och co reyaloc? ¿A ach am ol ala' tas ol co c'ulej? xchi eb' vin̈. Ix te cot yoval eb' vin̈ yuj svayich vin̈ ix yal chi'.
1094	GEN 37:10	Ayic ix yalan svayich vin̈ chi' d'a vin̈ smam yed' d'a eb' vin̈ yuc'tac chi', ix cot yoval vin̈ smam vin̈ chi, ix yalan vin̈ d'a vin̈ icha tic: —¿Tas syalelc'och jun a vayich chi? ¿Tom ol in em n̈ojan yed' ix a nun yed' eb' vin̈ uc'tac tic d'a ichan̈? xchi vin̈.
1100	GEN 37:16	—To tzin ec' in say eb' vin̈ vuc'tac. ¿Maj am ila' b'ajtil stan̈vej noc' calnel eb' vin̈? xchi vin̈aj José chi'.
1110	GEN 37:26	Ix yalan vin̈aj Judá d'a eb' yuc'tac chi' icha tic: —¿Tas scac' ganar sco milancham vin̈ cuc'tac tic, sco c'ub'aneli to maj quila' b'aj ix cham vin̈?
1114	GEN 37:30	Ix b'at lemnaj vin̈ d'a eb' vin̈ yuc'tac chi', ix yalan vin̈ icha tic: —Man̈xo ayoquem vin̈ cuc'tac d'a jun jul chi'. ¿Tas vach' tzin c'ulej ticnaic? xchi vin̈.
1141	GEN 38:21	Ix sc'anb'anec' vin̈ d'a eb' aj chon̈ab' chi' icha tic: —¿B'ajtil ay jun ix ajmul ix d'a tic, jun ix tz'emn̈ej c'ojan d'a sti' sb'eal Enaim tic? xchi vin̈ checab' chi'. —Malaj junoc ix ajmul ix d'a tic, xchi eb' vin̈.
1159	GEN 39:9	Malaj junocxo mach nivan yelc'och d'a vichan̈ d'a jun pat tic. Masanil tastac ayoch d'a yol in c'ab', an̈ej d'ayach a ach tic, max yal-laj vac'anoch in c'ab', yujto yetb'eyum ach vin̈ in patrón, ¿tom ol yal in c'ulan jun nivan chucal, yic tz'och in mul d'a sat Dios? xchi vin̈.
1180	GEN 40:7	Ix sc'anb'an vin̈ d'a eb' vin̈: —¿Tas yuj te cuseltac yilji e sat? xchi vin̈ d'a eb' vin̈.
1181	GEN 40:8	—Ay val co vayich ix och d'a jun ac'val tic, palta malaj mach d'a tic tz'alan d'ayon̈ tas syalelc'ochi, xchi eb' vin̈. —¿Tom man̈oc Dios syal yalani tas syalelc'och vayich? Alec d'ayin tas ix e vayichej chi', xchi vin̈aj José chi'.
1260	GEN 42:7	D'a jun rato chi, ix yiloch eb' yuc'tac vin̈aj José chi', palta axo ix yutej sb'a vin̈ ichato man̈ yojtacoc vin̈, ov ix yutej vin̈ slolon d'a eb' vin̈: —¿B'ajtil ix ex cot a ex tic? xchi vin̈. —Aj Canaán on̈, to tzon̈ javi manoj trigo, xchi eb' vin̈.
1281	GEN 42:28	Ix yalan vin̈ d'a eb' vin̈ yuc'tac chi' icha tic: —Ilecnab'i, ix ac'jixi meltzaj q'uen in tumin. Ay val em q'uen d'a yol sti' in coxtal tic, xchi vin̈. Masanil eb' vin̈ ix ib'xiq'ue yuj xivelal, ix yalan eb' vin̈ icha tic: —¿Tas yuj icha tic tzon̈ yutej Dios? xchi eb' vin̈.
1298	GEN 43:7	Ix tac'vi eb' vin̈ icha tic: —Ix sc'anb'ej vin̈ tastac caji, mach ayon̈ yin̈tilal. Ix sc'anb'anpax vin̈ tato aytoec' co mam, tato aytopax cuc'tac. Yuj chi' ix cal d'a vin̈ to aytoec' co mam, aytopax junxo cuc'tac. ¿Tocval cojtac tato ol yal vin̈ to squic'b'at vin̈ cuc'tac tic? xchi eb' vin̈.
1305	GEN 43:14	A Dios Syal Yuj Smasanil, a' ol och d'a spensar vin̈ yic ol actajel vin̈ eyuc'tac aj Simeón. Vach' ol aj smeltzajcot vin̈aj Benjamín tic eyed'oc. A inxo tic, tato tzin can man̈ uninal, in canocab'i, ¿tasto val ol vutej? xchi vin̈ smam eb' vin̈ chi'.
1318	GEN 43:27	Ix lajvi chi' ix sc'anb'an vin̈ d'a eb' vin̈ tato vach'n̈ej sc'ol eb' vin̈, ix yalan vin̈: —¿Janic' sc'ol vin̈ e mam, vin̈ te ichamxo ix eyal d'ayin? ¿Pitzan tom vin̈? xchi vin̈ d'a eb' vin̈.
1329	GEN 44:4	Quenanto val sb'at eb' vin̈, ix yalan vin̈aj José d'a vin̈ yilumal spat chi' icha tic: —Ixic tzac'an yuj eb' vin̈ chi'. Ayic syamchaj eb' vin̈ uuj, tzalani: ¿Tas yuj a svach'c'olal vin̈ in patrón, chucxo tzeyutej e pactzitancani? ¿Tas yuj ix eyelq'uejcot scopa vin̈, aton jun nab'a plata,
1330	GEN 44:5	jun scopa vin̈ b'aj syuc' svino, sc'ananpax vin̈ yic snaanel junoc lolonel? Te chuc ix eyutej e b'a a ex tic, xa chi d'a eb' vin̈, xchi vin̈aj José chi'.
1332	GEN 44:7	Ix tac'vi eb' vin̈ d'a vin̈: —Mamin, ¿tas yuj icha chi' tzutej alan d'ayon̈? ¿Tom malaj co pensar, yuj chi' ol quelq'uejcot junoc tasi?
1333	GEN 44:8	Ina ato d'a Canaán cajan on̈. D'a sb'ab'el, a q'uen tumin ix checlaj d'a sti' co coxtal, ix quic'xicot q'ueen. ¿Tom ato val junoc plata ma oro yic vin̈ a patrón chi' ol quelq'uejcot d'a spat?
1340	GEN 44:15	Ix yalan vin̈ d'a eb' vin̈ icha tic: —¿Tas yuj icha chi' tzeyutej e b'a? ¿Tom man̈ eyojtacoc to a junoc vinac ay yopisio icha in tic, syal snachajel junoc tas yuuj? xchi vin̈.
1341	GEN 44:16	Ix tac'vi vin̈aj Judá icha tic: —Mamin, ¿tasto val ol aj co tac'vi d'ayach? ¿Tasto ol cutoc quilanoch co b'a tato vach' on̈ calani? Ay co mul d'a yichan̈ co Mam Dios, tic ayon̈ ec' d'a ichan̈. Syal tzon̈ och a checab'oc yed' vin̈ b'aj ix ilchajelta q'uen copa chi', xchi vin̈.
1424	GEN 47:3	Ix sc'anb'an vin̈ rey chi' d'a eb' vin̈ icha tic: —¿Tas munlajelal syal eyuuj? xchi vin̈. Ix yalan eb' vin̈: —Mamin, a on̈ a checab' on̈ tic, molum calnel on̈ icha eb' co mam quicham.
1460	GEN 48:8	Ix lajvi chi', ix b'at q'uelan vin̈aj Israel chi' d'a eb' vin̈ chavan̈ yuninal vin̈aj José chi', ix sc'anb'an vin̈ icha tic: —A eb' vin̈ tic, ¿mach eb' vin̈? xchi vin̈.
1483	GEN 49:9	Lajan ach val icha junoc noc' quelem choj, ayic slajvi schianb'at junoc noc' noc' ix smila', spaxta d'a sn̈aq'ueen. Tz'em n̈ojan, tz'em cutzan d'a sat lum. Icha val junoc nivaquil choj, ¿mach val junoc ol stec'b'ej sb'a ach stzuntzani?
1568	EXO 2:13	Axo d'a junxo c'u ix b'atxi vin̈ yil eb' yetchon̈ab' chi', axo ix yilan vin̈ van yac'an oval chavan̈ eb' vin̈ yetchon̈ab' vin̈ chi'. Ix sc'anb'an vin̈ d'a vin̈ ix mac'vaj chi': —¿Tas yuj tza mac' vin̈ etchon̈ab' tic? xchi vin̈.
1569	EXO 2:14	Ix tac'vi vin̈ chi': —¿Mach ix ach ac'anoch yajalil, ma juezal d'a co cal tic? ¿Mato tza nib'ej tzin a mac'cham icha utej vin̈ aj Egipto evi? xchi vin̈. Ayic ix yab'an vin̈ tas ix yal vin̈ chi', ix xiv vin̈, yujto ix nachajel yuj vin̈ to ix el specal to ix smac'cham vin̈ aj Egipto chi' vin̈.
1573	EXO 2:18	Ayic ix c'ochxi eb' ix d'a vin̈ smam chi', aton vin̈aj Reuel, ix sc'anb'an vin̈ d'a eb' ix: —¿Tas yuj ix pet ex jax ticnaic? xchi vin̈.
1575	EXO 2:20	—¿B'ajtil ix can vin̈ eyuuj? ¿Tas yuj maj eyic'cot vin̈ d'a tic? Ixiquec elan̈chamel eyavtejcot vin̈ yic ol va vin̈, xchi vin̈ mamab'il chi'.
1635	EXO 5:2	Ix tac'vi vin̈ rey chi': —Man̈ vojtacoc jun Jehová tzeyal chi'. ¿Tas yuj tzin c'anab'ajej tas syala', tzin chaanb'at jun chon̈ab' Israel tic? Max in chab'at-laj eb', xchi vin̈.
1637	EXO 5:4	Yuj chi' ix yalan vin̈: —¿Tas yuj tzeyiq'uec' tiempo d'a juntzan̈ eyetchon̈ab' tic d'a smunlajel? A ex pax tic, ixiquec d'a e munlajel.
1638	EXO 5:5	¿Tom max eyila' to tzijtum eb' eyetchon̈ab' d'a yol chon̈ab' Egipto tic? ¿Tas yuj tzeyamoch vaan eb' d'a smunlajel? xchi vin̈.
1647	EXO 5:14	Slaj mac'ji eb' israel ayoch d'a caporalil yuj eb' ayoch yajalilal d'a yib'an̈ eb' yuj vin̈ rey. Syalan eb' vin̈ icha tic d'a eb': ¿Tas yuj man̈ tz'acanoc e b'o lum e xan evi yed' ticnaic ichataxon e b'oan luum? xchi eb' vin̈ yajalil eb' chi'.
1648	EXO 5:15	Ix b'at eb' vin̈ caporal yal d'a vin̈ rey icha tic: —Mamin rey ¿tas yuj ob'iltacxon̈ej tzon̈ utej a on̈ a checab' on̈ tic?
1655	EXO 5:22	Ix lajvi chi', ix yalan vin̈aj Moisés d'a slesal: —Mamin Jehová, ¿tas val yuj te ya tzutej eb' a chon̈ab' tic? ¿Tas yuj ix in a checcoti?
1781	EXO 10:3	Ix lajvi chi', ix b'atxi vin̈aj Moisés yed' vin̈aj Aarón chi' yilxi vin̈ rey chi', ix yalan eb' vin̈ d'a vin̈: —Icha val tic yalan Jehová co Diosal a on̈ hebreo on̈ tic: ¿Jantacto val tiempo ol a pitej a b'a, yic max iq'uem a b'a d'a vichan̈? Actejel in chon̈ab' yic b'at och eb' ejmelal d'ayin.
1785	EXO 10:7	Ix yalan eb' vin̈ ay yopisio yed' vin̈ rey chi': —¿B'aq'uin̈ ol yactej juntzan̈ vinac tic on̈ stzuntzani? ¿Tas yuj max actejel jun chon̈ab' chi' yic sb'at och eb' ejmelal d'a Jehová sDiosal chi'? ¿Tom max nachajvalel jab'oc uuj, ina toxo ix juvicanb'at co chon̈ab' tic? xchi eb'.
1788	EXO 10:10	Yuj chi' ix yalanxi vin̈ rey chi': —Vach'chom ayoch Jehová e Diosal chi' eyed'oc, ¿tzam e nalaj to ol ex in chab'at yed' eyetb'eyum yed' eyuninal? Man̈ val jab'oc. Tob'an chuc tas tze na'a.
1843	EXO 12:26	Ayic ol sc'anb'an eb' eyuninal d'ayex: ¿Tas syalelc'och jun q'uin̈ tic? tato xchi eb'.
1901	EXO 14:11	Ix yalan eb' d'a vin̈aj Moisés chi': —¿Tom malaj campusante d'a Egipto, yuj chi' a d'a jun lum taquin̈ luum tic ix on̈ ic'coti yic tzon̈ cham d'a tic? ¿Tas val yuj ix on̈ iq'uelta d'a Egipto?
1945	EXO 15:24	Ix och ijan eb' anima chi' schichon sc'ol d'a spatic vin̈aj Moisés chi', ix laj yalan eb': ¿Tas ol cuc' ticnaic? xchi eb'.
1955	EXO 16:7	Axo d'a q'uin̈ib'alil ol eyilan stziquiquial, yujto ix yab'i tas ix eyutej e lolon d'a spatic. Palta a on̈ tic, ¿toc ay quelc'ochi, yuj chi' tzeyal co pecal? xchi eb' vin̈.
1963	EXO 16:15	Man̈ yojtacoc juntzan̈ chi' eb'. Ayic ix yilanoch eb', ix yal-lan eb' d'ay junjun: ¿Tastaxlaj juntzan̈ tic? xchi eb'. Ix yalan vin̈aj Moisés: —Aton e vael syac' Jehová tic.
1986	EXO 17:2	Yuj chi' ix cotxi yoval eb' d'a vin̈aj Moisés chi': —A ticnaic, ac' a a' cuq'uej, xchi eb'. —¿Tas yuj scot eyoval d'ayin? ¿Tas yuj tzeyac' proval Jehová? xchi vin̈.
1987	EXO 17:3	Palta axo eb' chon̈ab' yelc'olal scham eb' yuj taquin̈tial, yuj chi' ix q'ue yav eb' d'a vin̈aj Moisés chi', ix yalan eb': —¿Tas yuj ix on̈ iq'uelta d'a Egipto? ¿Tom yuj co cham yuj taquin̈tial yed' eb' cuninal yed' pax noc' co molb'etzal noc'? xchi eb'.
1988	EXO 17:4	Yuj chi' ix tevi vin̈aj Moisés chi' d'a Jehová icha tic: —Mamin, ¿tas val svutej eb' anima tic? Ijan val tzin sjulq'uenej eb', xchi vin̈.
2014	EXO 18:14	Ayic ix yilan vin̈aj Jetro yuj tas syutej vin̈aj Moisés sb'oan yaj yoval eb' anima chi', ix yalan vin̈ d'a vin̈: —¿Tas yuj icha chi' tzutej eb' anima tic? ¿Tas yuj a achn̈ej tza b'o yaj yoval eb' smasanil? Ay eb' ton̈ej tz'ec' tiempo d'ay, pilan c'u stan̈vej eb', xchi vin̈aj Jetro chi'.
2450	EXO 32:11	Axo vin̈aj Moisés chi', ix och ijan vin̈ sc'anan nivanc'olal d'a Jehová sDiosal yuj eb' schon̈ab', ix yalan vin̈: —Mamin Jehová, ¿tas val yuj scot yoval a c'ol d'a yib'an̈ a chon̈ab' to a ach ix iq'uelta d'a Egipto yed' ipalil?
2451	EXO 32:12	¿Tas val yuj ol a cha ach yal eb' aj Egipto chucal? Ol am yal eb' icha tic: Tob'an chuc spensar Dios d'a eb', yuj chi' ix yiq'uel eb' d'a tic, sb'at smilancham eb' d'a jolomtac vitz, satjiel eb' yuuj d'a sat lum luum tic, xcham eb'. Yuj chi' comonoc max te cot yoval a c'ol d'a yib'an̈ eb', mocab' ac'och yaelal d'a yib'an̈ eb'.
2460	EXO 32:21	Ix yalan vin̈ d'a vin̈aj Aarón chi': —¿Tas yuj ach montaj yuj juntzan̈ anima tic ix a cuchb'an eb' sc'ulan jun nivan chucal tic? xchi vin̈.
2490	EXO 33:16	Tato max ach b'at qued' ticnaic, ¿tas val tz'aj yojtacajeli, tato ay a tzalajc'olal ved'oc yed' d'a eb' a chon̈ab' tic? Tato ayachn̈ejoch qued'oc jun, ol checlajeloc to a chon̈ab' ton caji, sic'b'il on̈ el uuj d'a scal masanil chon̈ab', xchi vin̈.
2995	LEV 10:17	—¿Tas yuj maj e chi noc' silab' d'a yamaq'uil scajnub' Jehová? A jun macan̈ silab' chi', yic Jehová yaji, yuj chi' ix ac'ji d'ayex, yuj e chi'an noc', yic tz'ic'jiel smul eb' molanec' d'a yichan̈ Jehová.
4036	NUM 11:11	Ix yalan vin̈ d'a Jehová icha tic: —¿Tas yuj tzac' vil yaelal a in a checab' in tic? ¿Tas val yoval a c'ol d'a in patic, yuj chi' tzac' jun chon̈ab' tic in tan̈vej?
4038	NUM 11:13	¿B'ajtil sb'at vic' noc' chib'ej svac' schi juntzan̈ anima tic? Tz'oc' val eb', tzul yalan eb' d'ayin: Ac'cot noc' chib'ej yic sco chi'a, xchi eb'.
4045	NUM 11:20	palta jun ujal ol schi noc' chib'ej chi' eb'. Ol schi noc' eb' masanto ol xej eb' yuj noc'. Ol laj ja noc' d'a yoltac sn̈i' eb', masanto ol syaj noc' eb'. Yujto emnaquiltac ix in yutej eb' a in Jehová in ayinec' d'a e cal. Tz'oc' eb' d'a vichan̈ syalan eb': ¿Tas yuj ix on̈ iq'uelta d'a Egipto? xchi eb', xchi d'a vin̈.