24539	MRK 7:7	Inapankaz Yooz sirwic̈ha tii z̈oñinacaqui. Tinacaqui z̈oñz̈ taku tjaajiñic̈ha, ‘Tiic̈ha Yooz takuqui’, cjican”. —Nuz̈ cjijrtkalc̈ha Isaías cjita z̈oñiqui.
25010	LUK 1:48	Wejrqui inakaztc̈ha. Yooz mantitacama kamiñ z̈ontc̈ha. Yoozqui wejtquiz cjuñzquichic̈ha. Jaziqui walja azziz Yooz Ejpqui wejtquiz t'iczic̈ha. Jalla nuz̈ wejtquiz pajk obra paachic̈ha. Tekztan nawjcchuc tjapa z̈oñinacaqui wejt puntuquiztan parlaquic̈ha: ‘Yoozqui naaquiz zuma favora paachic̈ha’, cjican. Werar Yoozqui jecz̈quiztanami juc'anti zumapankazza.
29730	2TH 2:2	Yekjap z̈oñinacaqui anc̈hucaquiz incallzkatz pecc̈ha, “Jesucristuqui tjonchikalc̈ha” cjican. Jalla niz̈ta chiita taku nonz̈cu, anaz̈ anc̈hucqui tsuca. Nii takunaca ana juyzu paa. Niz̈aza anaz̈ kuz turwayskata. Ninacaqui cjic̈ha, “Yoozqui Pabluz̈quiz nii taku tjaachiquic̈ha. Nekztan Pablupacha wejtquiz quint'ichic̈ha, ‘Jesucristuqui tjonchikalc̈ha’, jalla nii. Niz̈aza Pabluqui nuz̈ tsjii cartiquiz cjijrchic̈ha”. Jalla nuz̈ cjic̈ha nii toscara chiiñi z̈oñinacaqui. Jalla niz̈ta chiita taku nonz̈cu, ana criyaquic̈ha.