23258	MAT 2:20	—Netitsuracue. Yudijidya dirunucacue micue yahuaju nucadya ebacua piji, ecuaque tsehue Israelju. Herodes, peya cuana, ebacua nana iyecara jucuare cuanaque tuna amena majuchine, —jadyatu quisarati bepujira acuare José.
23297	MAT 4:19	Jesúsra tatse isaradirucuare: —Nejecue. Eatsehue nejunenicue. Metse metse jae puji ecatse. Iyacua metse era ecuita cuana Yusu adeba mere ishuque amereya, —jadya tatse Jesúsra adirucuare.
23454	MAT 9:6	Tuque juneniya baatsu micuana bahue juya ecue tumebaedya riyaque yahuaju jucha cuana apupasha ishu casa aniyaque, —jadya tujatu ecana acuare. Tumetu Jesúsra acuare ajebaecuaque: —Netitsuracue. Piruricue micue jara ishuque. Dirucue micue etareju, —jadya tujatu acuare.
23776	MAT 17:7	Tume tuna Jesúsra jipetitsu isaraticuare: —Nenetitsuracue. Bajida nejuume.
24149	MAT 26:26	Araarayaquetu Jesúsra pan inacuare. Pan inatsu tujatu —Yusurupai mique aya, Tata, —jadya Yusu acuare. Yusurupai jadya aatsu tujatu pan cuesicuare. Cuesitsu tura ecuana tuatsehue anibareya cuanaque tyabarecuare. —Nearacue. Riyaque pan rique ecue ecuita, —jadya tura ecuana acuare.
24269	MAT 28:5	Tumetu barepa juque Yusu tsahuaquira epuna cuana bajida juya cuanaque isaracuare: —Nejecutanaume. Jesús, Nazaret juque, curusuju tatatanachineque sare micuana juya.
24301	MRK 1:17	Jesúsra tatse isaradirucuare: —Nejecue. Eatsehue nejunenicue. Metse metse jae puji ecatse. Iyacua metse era ecuita cuana Yusu adeba mere ishuque amereya, —jadya tatse Jesúsra adirucuare.
24340	MRK 2:11	—Netitsuracue. Piruricue micue jara ishuque. Dirucue micue etareju, —jadya tujatu acuare.
24360	MRK 3:3	Tumetu Jesúsra isaracuare ecuita emetucu majuque: —Netitsuracue. Netinacue requeja tuna patya, —jadya tujatu acuare.
24391	MRK 3:34	Jadya quisarati aatsutu Jesúsra educuju anibareya cuanaque petabarecuare. —Nebacacue. Riya cuanaque rique ecue iyuhueda cuanaque. Riya cuanaque rena ecue ecuaa buchique, ecue eatsehuequi cuanaque buchique jadya.
24452	MRK 5:19	—Aijama. Rehuadya anicue. Dirunucacue micue ata cuana queja. Cuejadirucue ecana Mique Cuatsashaquira micue ishu dutya ahua cuanaque. Cuejadirucue ecana era mique jida iyuhue tsehue bahuaque, —jadyatu Jesúsra acuare.
24584	MRK 8:15	Jesúsra tuna isaracuare: —Neijacabacacue. Necanaruticue bacue fariseo cuanaja, Herodesja jadya levadura tsehue, —jadya tuna Jesúsra acuare.
24642	MRK 9:35	Anibutetsutu Jesúsra acuare tura mepehua cuanaque: —Nejecue. Nejipenacue ique. Micuana ni emuita jucara juya, dyaque jetiedyaque bucha necabamereticue. Camereti arida ejuuque, nemerecue jutidya peya cuana, —jadya tujatu ecana acuare.
24706	MRK 10:49	Tuque juaniya tuyu junatitsutu Jesús netinaticuare. Cuatsashacuaretu tuhua cuanaque: —Requeja nebecue shuhuique. Tura jadya ayaju tunajatu ihuaracuare shuhuique: —Cacasaticue. Netitsuracue. Ihuaraya tura mique, —jadya tunajatu aticuare.
24715	MRK 11:6	Jadya tunara ayaju tatsejatu quemitsacuare Jesúsra cuejadadihua equedya: —Ecuana Cuatsashaquira pari sareya. Masadama patujatu cuadishanucaya, —jadya tatsejatu ecana cuejacuare. Tatsera jadya ayaju, tunajatu ecatse acuare: —Jida. Nedujucue taa, —jadya tunajatu ecatse acuare.
24845	MRK 14:22	Araarayaquetu Jesúsra pan inacuare. Pan inatsu tujatu —Yusurupai mique aya, Tata, —jadya Yusu acuare. Yusurupai, jadya aatsu tujatu pan cuesicuare. Cuesitsu tujatu tuatsehue anibareya cuanaque tyabarecuare. —Nearacue. Riyaque rique ecue ecuita, —jadya tujatu ecana acuare.
24861	MRK 14:38	Tuequedya tujatu ecana quimishadya isaracuare: —Necabaticue. Netahuiume. Nebacabacacue Yusu queja, micuana Satanásra ique jacamerecara ayaju, micuanaja idu ishu. Micuanaja tacajatu aijama casa Ijahuara cajuchatishacara ayaju casada juishu, arepa micuanara jacacarama aya ama bucha, —jadya tuna Jesúsra acuare.
24930	MRK 15:35	Eje uma tuhua neticuare cuanaratu bacacuare. Elías tura ihuaraya bucha jutidya tunajatu bacacuare. —Nebacacue. Elías béru Yusu equeque quisarati cuejaquique jucuareque tujatu ihuaraya, tuque tsahuana ishu, —jadya tuna jucuare.
24948	MRK 16:6	Tura tuna isaratsacuare: —Nejecutanaume. Jesús, Nazaret juque, curusuju tatatanachineque sare micuana juya. Rehua ama rique. Chachatu netitsuranucahua. Nepetanacue tunara ishachineju, yuneri tuque rehua aijamaque bahue juishu.
25024	LUK 1:62	Elisabetra “Zacarías” bacani acarama aya bacatsu, “‘Juan’ bacani paju”, jadya ayajutu ecuita cuanara emetucu tsehuedya jutidya ebacua nanaja etataque bacaduracuare: —¿Ai bacani tuquemi amerecara aya? —jadya.
25185	LUK 5:9	Simón, tuatsehue juneniyaque ecatse Santiago, Juan, Zebedeoja ebacuaque ecatse, ejecutana tuna jucuare, jae jetiama baatsu. Tumebaedya peya cuana ejecutana jucuare. Tumetu Jesúsra cuejacuare Simón: —Cacasaticue. Miquemi jae puji. Iyacua mique ecuita cuana Yusu adeba mere ishuque amereya, —jadya tujatu Simón acuare.
25200	LUK 5:24	Tuque juneniya baatsu micuana bahue juya ecue tumebaedya riyaque yahuaju jucha cuana apupasha ishu casa aniyaque, —jadya tujatu ecana acuare. Tumetu Jesúsra acuare ajebaecuaque: —Netitsuracue. Piruricue micue jara ishuque. Dirucue micue etareju, —jadya tujatu acuare.
25223	LUK 6:8	Jesústu bahue jucuare eje bucha tunara inime tupuyaque. Tume tujatu isaracuare ecuita emetucu majuque: —Netitsuracue. Netinacue requeja tuna patya, —jadya tujatu acuare. Jadya ahuajutu netitsuracuare tumeque ecuita. Netitsuratsutu tuna patya netiticuare.
25352	LUK 8:38	Cuabaju anibuteyajutu equijahuatijacara Jesús acuare: —Ique miatsehue junenicara juya, —jadya tujatu acuare. —Aijama. Rehuadya anicue.
25366	LUK 8:52	Dutya ecuita cuana bacue quique, pau pau jucuare ebacujuna piji majuhuaja etareju. —Nepajacacue. Tumeque ebacujuna piji tu majuma. Tahuiya jutidya tuque, —jadya tuna Jesúsra anaticuare.
25369	LUK 8:55	Tura jadya ayaju cuitatu ebacujuna piji canajetietinucatsu, anitsuratsu netitsuracuare. Jesusratu ecuaque ecatse jadya acuare: —Nemihuacue.
25739	LUK 17:19	Jadya juatsu tujatu Samaria juque isaracuare: —Netitsuracue. Dirucue. Miquemi chacha juhua, mira era eje bucha eauque pana ejene ahua tibu, —jadyatu Jesúsra ecuita acuare.
25968	LUK 22:35	Jadya juatsu tuna Jesúsra bacaduracuare: —Era micuana shurumaima, chipiruma, zapatuma jadya ecue quisarati cuejara cuadishaya patya ¿ai tuque micuanaja aijama jucuare? —Aijama. Anicuaredya tuque ecuanaja ecuanara ai sareya cuanaque, —jadya tuna caquemitsaticuare.
25997	LUK 22:64	—Caadebaticue. ¿Aira taa mi bahuapajahua? —jadya tunajatu acuare.
26142	JHN 1:29	Jadya juu jadya junucatsutu Juanra bacuare Jesús tuaqueja jutiyaju. Tuque batsatsutu Juanra acuare tuhua jucuare cuanaque: —Nepetacue. Jeequedya ri UHUISHA BUCHA IYETAE ATADADIYAQUE. Yusuja Ecuadishaque riya, ecuanaja jucha cuana apupasha ishuque.
26149	JHN 1:36	Bacuare tujatu Jesús cuetiyaju. Petadaditsu yatse Juanra jadya acuare: —Nepetacue. ¡Tumequedya tu UHUISHA BUCHA IYETAE ATADADIYAQUE! —jadya tura yatse acuare.
26152	JHN 1:39	—Nejecue. Necuara eju ique junachineju, —jadya tura yatse acuare. Jadya ahuaju yatse tuatsehuedya cuacuare. Las cuatro chinequeja ecuana junaticuare tuque juticuareque etareju. Tuhuadya ecuana tumeque etareju tuatsehue anichinepecuare.
26156	JHN 1:43	Huecacanucatsutu Jesús jucuare: —Cuaya Galileaju —jadya. Tuhua cuayara tujatu tsurutsacuare ecuita Felipe bacani. Tuque tsurutsatsu tujatu —Jecue. Eatsehue junenicue, —jadya atsacuare.
26159	JHN 1:46	Natanaelratu acuare: —¡Eje bucha jadya jue tu ejuu! Aijama tu ai jidaque Nazaret juque. Miquemi cuji cuita eju, —jadya tujatu acuare: —Necua. Baticue, —jadyatu Felipera acuare.
26161	JHN 1:48	Natanaeltu cabacatiajecuare jadya ayaju. Cabacatitsu tujatu Jesús isaracuare: —Bandía. Bama taa micue ique. ¿Eje bucha adebae aatsumi ique eba bucha cuita quisaratiya? —jadya tujatu Jesús acuare. —Yusuja casa eque mique icuenedya bahua ique bana ishu mique Felipeja ihuarama jarijudya. Arepa ique tuhua miatsehue ama juhua ama bucha, Yusura bamereyaju mique bahua higuera aputa emaque juaniyaju, —jadya tujatu acuare.
26287	JHN 5:8	—Netitsuracue. Huesacue micue jara ishuque. Dirucue micue etareju, —jadyatu Jesúsra acuare ujejedaque.
26516	JHN 9:7	—Cuacue. Cajibururutiticue enahuicuare Siloé bacaniju, —jadyatu Jesúsra shuhuique acuare. (Siloé jadique tu “ena jiriquini peya ejiri quiniju pacacadiruyaque”). Cuaatsutu shuhuique cajibururutiticuare. Juetinucatsutu capetaticuare amena.
26517	JHN 9:8	Jadya baatsutu tumeque ecuita aniya peque aniya cuanara tumebaedya icuene tuque chipiru bacaani juyaju baqui jucuare cuanara jadya acuare: —Nepetacue. Riyaque ecuitadya ri chipiru baca juyaque anianicuareque, —jadya tuna jucuare.
26648	JHN 11:56	Fariseo cuanara, pae cuanaja huaraji cuanara patuna amerecuare: —Ejeque ni micuana bahue juya Jesús ejuque, necuejacue ecuana, ecuanaja inati ishu —jadya. Jadya tibudyatu Yusuja etareju ai jidamaque eaniu cuanaque cabajejetira cuahua cuanara sarecuare Jesús. Cabacaduratibarecuarepa ecana tuna cama: —¿Eje bucha ni tu juya? ¿Ejeudyatu Jesús chine ishu, aijama ni taa? —jadya tuna jubarecuare.
26916	JHN 19:22	—Aijama. Cuareya ama tuque era, era huenemerehuaque.
26955	JHN 20:19	Tumeque domicu huecacadya ecuana chineju casitaticuare ecuana Jesúsra mepehua cuanaque. Dutya etsecue cuanatu eteritilla jucuare. Ecuanaja huaraji cuana tuque ecuana mubacuare. Arepa etsecue cuana eteri ama buchatu Jesús etsecue pacashama nubi jucuare. Isaranaticuare tura ecuana: —Banuchi. Are micuana bajida juya ama, —jadya tura ecuana anaticuare.
26962	JHN 20:26	Tudya quimisacarucu huecaca juatsu ecuana casitatinucacuare yuhua cama. Tomástu ecuana tsehuedya jucuare. Dutya eteriqui cuana eteritilla jucuare. Jesústu nubicuare etsecue pacashama. Netiticuare ecuana ducu. Isaracuare tura ecuana: —Banuchi. Are micuana bajida juya ama, —jadya tura ecuana acuare.
27136	ACT 5:8	Pedroratu bacaduratsacuare: —Beru beru pijitu Ananías junahua metse uhua catyati catitsu chipiru inachineque tyara. ¿Tura chipiru behuaquetu dutya metsera inachinequedya? —Jejee. Tura mique tyanahuaquetu dutya yatsera chipiru inachinequedya juhua, —jadya tujatu pusha pusha quemitsacuare.
27148	ACT 5:20	—Nedirucue. Apudajudya necuacue Yusuja etareju. Tuhua necuejacue quisarati ecuita cuana Yusu queja eje bucha judirue juishuque, —jadya tujatu Pedro ecana acuare.
27153	ACT 5:25	Tuna jadya juyaju cuitatu peadya ecuita junaticuare. —Nebacacue. Ecuita cuana micuanara etare apudaju riabarepa ishamerechine cuanaque tuna Yusuja etareju. Jesúsja quisarati bahuitya tuna juya, —jadya tujatu huaraji cuana acuare.
27274	ACT 8:29	—Jipeticue. Tsurutsacue tumeque ecuita ediji eque jetiyaque, —jadyatu Yusuja Espiritura acuare Felipe.
27276	ACT 8:31	—Aijama. ¿Eje bucha adebae jatsu rique eau? Aira cuejayaju jatsu rique eadebau. Jecue; tsuracue. Ique peque anibutecue, —jadyatu etiopera acuare Felipe.
27281	ACT 8:36	Ediji eque diruyaque tatse judirucuare ena aniyaju. Tuhua judirutsutu etiopera Felipe bacaduracuare; —Petacue. Rehua taa ri ena aniya. ¿Eutsaudya mira ique? —jadya tujatu bacaduracuare.
27291	ACT 9:6	Jadya bacatsutu Saulo bajida juatsu tadadacuare. —¿Ai mira amerecara aya, Ique Cuatsashaquique? —Netitsuracue. Damascoju piisi tuyu cuau jucue. Tuhua tunarami cuejatsaya mique ai jutaquique, —jadyatu Ecuana Cuatsashaquira acuare.
27296	ACT 9:11	—Netitsuracue. Cuacue ediji “Tuyu” bacani eque, ecuita Tarso juque Saulo bacani sarera. Judasja etarejutu junachine. Iyacua cuitatu eatsehue quisaratiya.
27300	ACT 9:15	—Cuacue. Baticue. Tumeque ecuita tu amena ique merequique. Eratu tuque mepehua ecue quisarati cuejaqui juishu. Cuejabuque tujatu ecana jetiama. Israelita ama cuanaque, tuna naruqui cuanaque, israelita cuana jadya tujatu ecue quisarati cuejadadiya.
27326	ACT 9:41	Anitsurahuaju tujatu emetucuju inaticuare. Nityatsuracuare tura. Jadya juatsu tujatu ihuaracuare eahuemaju cuanaque, Jesús queja ecatyati cuanaque jadya: —Nejecue. Nebanacue emaju juhuaque. Chachari junucahua, —jadya tujatu ecana acuare.
27343	ACT 10:15	Bacanucacuaretu Yusu quisaratiyaju: —Aracue. Asicada bucha baume ni ejeque earaqui buchique era mique aramereyaque, —jadyatu Yusura acuare.
27344	ACT 10:16	Cueja beta ishutu Pedro Yusura —Aracue, —jadya acuare. Tuque bacue jucuare: —Aranime ama tuque ecue —jadya. Quimisha ishujutu tumebaedya jucuare. Quimisha ishujutu sahuana buchique tsuranucacuare barepaju.
27354	ACT 10:26	Yume nityatsuratitu Pedrora acuare. —Netitsuracue. Ique mique baeque ecuitadya. Yusu ama ique, —jadyatu Pedrora acuare Cornelio.
27414	ACT 12:8	—Cajututihuishacue. Canaiticue. Jutucue micue chinela, —jadyatu barepajura acuare Pedro. Tumetu tura cuejaya equedya jucuare. Tuque cajututi amena juhuaju tujatu acuare: —Jutucue micue caramati ishuque. Cajututitsu ique tupuju jeticue, —jadyatu barepaju Yusu tsahuaquira acuare.
27493	ACT 14:10	Tumetu Pablora jadya acuare etsuri jebuda tsehue: —Netitsuracue. Pana neti jucue. Tura jadya ayajutu ecuita putitanacuare. Ajetibunecuare. Etsaca ecatse tujatu jida ajetaqui jucuare.
27646	ACT 18:20	Efesoju cuanaque tuna tuaqueja canerecaticuare: —Anicue jari rehua eje uma huecaca cuana ecuana tsehue. —Aijama. Padirunuca jutidya ique.
27697	ACT 20:3	Tuhuatu anicuare quimisha badi. Cuahuietu amena jucuare Siriaju ena eque. Israelita cuanaratu Pablo iyecara acuare. —Tuque cuaba eque cuayaju neiyera, —jadyapa tunajatu inime tupucuare. Jadique bahue juatsutu Pablora inime tupucuare: —Yahua eque padirunuca —jadya. Yahua eque cuaatsutu cuetinucacuare Macedonia epu cuana eque.
27774	ACT 22:2	Tuque quisaratiyaju bacatsu tuna jucuare: —Nebacacue. Ecuanaja yana eque cuitadyatu quisaratiya, —jadya tuna jubarecuare. Tume tuna dutya abacatanaterecuare tuque pana baca ishu. Pablora tuna isaranucacuare:
27874	ACT 25:10	—Aijama. Cuacarama juya tuhua. Riyadya ique micue yacuaju. Ique iyacua cuita Roma juque enaruquira mepehuaja yacuajudya. Rehuadya bacacue ique quicueneti ishu quisaratiyaju, Jerusalénju ama. Ique ni riya piji buchique israelita cuana tsehue jidama juma. Miratu adebayadya riyaque.
27886	ACT 25:22	—Eratu bacacaradya aya quisaratiyaju tumeque ecuita, —jadyatu Agripara acuare. —Jidadya. Metajudya tuquemi quisaratiyaju bacaya, —jadyatu Agripa acuare.
27934	ACT 27:11	Cuaba metseque, tuque aquereniquique tatse jadya jucuare: —Aijama. Mudamatu juya. Necuanucaradya riyaque ebute juque, —jadya tatse jucuare. Sudaru cuana cuatsashaquiratu tatsera cuejayaque jutidya bacacuare, Pablora cuejayaque ebacauque.
27936	ACT 27:13	Cuejiji casadara ama inime equera piji adadihuaju, tunajatu inime jucuare: —Necuaradya jutidya —jadya. Tume ecuana cuanucacuare ebute juque Creta cububu jiruru eque. Jadya tibudya tunajatu huesacuare metal bicuedaque ena ducu eque cuaba ina ishuque. “Capeneti Ishuque Ebute” juque cuinanatsu ecuana cuaba eque ajenucacuare Creta cububu peque eque.
27969	ACT 28:2	Tunara ecuana jida inime tsehue batsacuare. Ruquenityacuare tuna jetiama etiqui, dyaque bada, nei jadya juya tibu. —Nejecue. Nebahuinacue etiqui, —jadya tunara ecuana acuare.
27973	ACT 28:6	Dutyara tunajatu bacuara ahuaju mujateretsu masadama majuya bucha bacuare. Tsunuda datse ihuatsu tuna eje bucha ama juyaju bacuare. Tuque jida baatsu tunajatu bape inime tupucuare: —¡Riyaque taa ri ecuita ama! ¡Ejuudya ri yusu! —jadya tuna jucuare. —Aijama. Ecuita maju aquiquedya ique, micuana baedya, —jadya tuna Pablora acuare.
29152	GAL 2:4	Tuequedyatu umae ecuita cuana cuejatamaquedya jutidya nubiticuare ecuana ecasitatiju, ecuana quisaratiyaque ijacabacara aatsu. Nubititsu tuna jucuare: “Jesús queja ecatyatiquedya ecuana”. Jadya juya tsunumee tuna Tito griegoque, ecuanaja bahue tubutanamaque bahue juatsu quisaraticuare: —Tuquetu ecuita huitu biti catubumeretitaqui ecuanaja baba cuanaja bahue. Tuyu amatu ecuanaja baba cuanaja bahue juhua cuanaque ajaca ishu. Arepa ecuana Jesús queja catyatihua ama bucha, eje bucha ajacae ni tuque ecuana ama —jadya.
29158	GAL 2:10	Riyaque camadya tunara cuatsashacuare: —Tsahuajacaume camadya israelita nerecada cuanaque Jesús queja ecatyati cuanaque. Chipiru cuana piji ni tunaja tuquemi ecuadishau aima cuana cuitaja —jadya. Jadya tunara ahuaju ique pureama jucuare. Jadidya ecue inime jucuare, era ecue ata nerecada cuanaque dyaque tsahuacara aya tibu.
29287	EPH 1:14	Yusuja Espíritu tu ecuana tsehuedya; bahuedya ecuana Yusuja cuanaque. Ecuana tuja cuanaque juya tibu, tuque ecuana pana ejenedya aya, tura ecuana tuja cuanaque dutya ai jidaque tyaana ahuaque tyadadiyaque. Ejeque huecacapa ecuana tuja yacuaju judiruya. Tuhua ecuana cajuchatinuca nime ama. Tuhua ecuana tura eje bucha amerecara aya eque anidirubuque. Jadya tibudya Yusu jadya neara: —¡Dyaque jida taa mique! ¡Aijamatu peya mique buchique! —jadya.
29601	COL 3:17	Ecuana Cuatsashaqui Jesúsja inime eque neanijacaume. Tuja biji eque nequisaratijacaume. Riyaque quisarati eque Yusu yusurupai neajacaume: —Yusurupai mique ecuana aya, Ecuana Cuatsashaqui Jesús ecuana jiteque majuhua tibu —jadya.
30941	REV 11:1	Tume tyatanacuare tuputupu ishuque acui buchique. —Cuacue. Yusuja etare tuputicue, tumebaedya mesa muru ijimedaque pahua ishuque. Tumebaedya piye bacue eje uma ecana tuhua Yusu muiqui cuanaque.
31038	REV 16:15	Bacacuare tuque etsuri jadya quisaratiyaju: —Nebacacue. Micuanara ihuayaju ama muya jutidya junabuque, chiri puji cuana aira ihuayaju ama ejunau bucha. Equihuati, ecabajejeti ique junanucayaju juya cuanaque tuna dyaque jida jubuque, catacatitsu tahui bahue cuanaque bucha ama. Ihuayaque junahuaju ecatacati cuinanaquenatsu tsurutsatsu bisu tsehue etsurutsau bucha jutidya tuna jubuque ecatacati tibu, —jadyatu jucuare tumeque etsuri.
31103	REV 19:17	Jadya juatsu tuque banucacuare Yusu tsahuaquique ijetiju netiyaju. Quiquecuare tujatu dutya upati jamani bucha cuanaque barepa juque: —Nejecue. Necaradaticue Yusura earaqui bajejeyaque ara ishu.
31125	REV 21:3	Tume tuque bacacuare etsuri jebudaque Yusu aniya equeque. —Neijacabacacue. Iyacuatu Yusu aniya ecuita cuana ducu. Tuna tsehuetu anibuque. Tunadya tuna tuja cuanaque jubuque. Yusu cuitadyatu tuna tsehue anibuque, tunaja mui ishu.
31131	REV 21:9	Tumetu jecuare Yusu tsahuaquique camadya ishuque ujeje canerecati ishuque eaniqui juque yahuaju ijehuequique. —Jecue. Bamereya mique era, ahuequi juyaque UHUISHA BUCHA IYETAE ATAHUAja ehuaneque buchique, —jadya tura acuare.
31166	REV 22:17	Yusuja Espiritura, tumebaedya UHUISHA BUCHA IYETAE ATAHUAja ehuaneque bucha cuanaratu Jesús jadya aya: —Jecue. Ejera pana ijacabaca ayara neacue Jesús: —Jecue. Ejeque Yusu queja judirucara juyaque tuaqueja pajudiru. Jesucristo queja catyatitsutu yuneri tsujema einajaca juishuque, Ijahuaja etiquiju enubidiruuque. Ejeque ijicara juyaque, jecue. Tsujema ijinacue ena maju baecua ishuque.