23231	MAT 1:18	Jesucristo kain eskanikiaki. Matu yuinun ninkakanwen. Janua María ainwankatsi ikin jawen epa Josén yukaima bimadiamaken Diosun Yushin Pepatun juni bake naneima Marían unanyan,
23233	MAT 1:20	shinankubaini uxa namaya Diosun nai tsuman yuikin: “Joséen, miadan, min Davidin babaki. Mia yuinun ninkaidawe. Diosun Yushin Pepatun María bake naneimawen taea jawen datei jawa dakeama ainwanxanwen.
23272	MAT 3:11	iwanan, “Eanan, jawen unanmati wakin jenewen besti en matu nashimakubainaii. Jakia juni betsadan, kushipajaida ea binuan chipu juxanikiki. Jawen tsumapan jawen daya axunmis keska wakin en jawen jawaumajaidatun ean medabewakin en duawatidumaki, jawen bichi tae mexpun tsitsaukain en pekaxuntidumadan. Jakia matu pepawakin Diosun Yushin Pepa matu inantan bika matu tenemakin matun chakabu yamawaxanikiki, chiwen jawada chakabu bechipaiama kua keska wakinan.
23277	MAT 3:16	meneaya nexekei mapekekainaya nai baxnei Diosun Yushin Pepa deiwan itsakidan jamamaki butuai Jesúsun uianyan
23279	MAT 4:1	Jabiatiandi jau diablo Satanásan unanti wanun, iwanan, janu tsua jiweabumanu Diosun Yushin Pepatun Jesús nimakin iyua
23282	MAT 4:4	Jesúsun kemakin: —Jaska Diosun jancha kenenibudan, ninkawe. “Piti besti pidan, yudabu pei jiwetidubumaki. Jakia Diosun jancha yuini ninkatan chibain yudabu pei jiwetidubuki”, aniwen taexun ja jaska min ea yunuaidan, en akamaki— aka
23296	MAT 4:18	Janua Galilea ianenwan kexa Jesúsun ketankubainkin baka nexenika dabe Simón, jawen kena betsa Pedro, inun jawen betsa Andrésin jatun xaxunxun jisin punteaibu jatu bechitan
23343	MAT 5:40	Ja inun, min tsuada dibia xanen ibu anu mia iyua pakaxun min bixanun min sanpu jau biyunun xanen ibun mia yunua inanyuwe. “Pakaxun jau bixanun dakukuti biantidubumaki”, akin Moisin yunubianiken xanen ibun mia yunua min dakukutidi yaushiyamawe.
23408	MAT 7:23	jatu yuikin: “Padananain chani chakakin man chakabuwamiski. Man enabumaki. Tudi budikanwen”, en jatu waxanaii— itan
23428	MAT 8:14	Janua jawen jiwe anu Simón Pedron Jesús iyua kai jikitan jabianudi jawen dais ainbu yuna daka uintushikin
23434	MAT 8:20	jawen shinan unanun, iwanan, Jesúsun yuikin: —Kaman inu jawen kini jayaki. Peiyabu jawen na jayabuki. Jakia matun Juchi Kayabi Iyua ean en jatu yusinkubaunai janu uxati jiwe en jayamaki. ¿En ikai keskai min idiatidumen?— akaya
23440	MAT 8:26	bestentan jatu yuikin: —¿Jaskai man dateai? ¿Man ea ikun kayabiwadiamamen?— itan benikauan niwewan inun ianenwan buspu tsaubidanai nemakin: —Nesewe. Peswe— aka niwe main neseaya ianenwandi bechuduni maianyan
23446	MAT 8:32	Jesúsun jatu yuikin: —Peki. Jadi butankanwen— jatu wa ja juni dabe anua yushin chakabubu kainbaini ina yawa medan jikibainaibun ja ina yawa datei mawa keyatapa butei nidi ibaini ianki pukui keyutan jasai keyuaibun
23488	MAT 10:2	Nun jawen 12 kushipayabun nukun kenadan: Simón jawen kena betsa Pedro inun, jawen betsa Andrés inun, Zebedeon bake dabe Santiago inun, jawen betsa Juan inun,
23505	MAT 10:19	Jakia achixun xanen ibu kushipabu anu matu iyuabu jawada man yuitidukidi Diosun Yushin Pepatun matu unanmaxanikiki. Jaskaken jawa dateama ¿Jadakidi yuixanpa? ikin bebunkidi shinanyamakubainxankanwen,
23506	MAT 10:20	matunmebi man janchamaken matun Epa Diosun Yushin Pepatun medabewakin matu janchamaxanikikidan.
23547	MAT 11:19	Janua eadi matun Juchi Kayabi Iyua juxun misi pepa pikin vino paepa aki en matube nawabiakunkainaya ea yuankin: “Uinwen. Pikeki. Paenkin romano pei bixunika chakabubu inun yuda chakabu betsabu jaibu wamiski”, ikin man eadi yuanmiski. Jamen nuku dabe nun pepabiaken Diosunabu kayabibu besti unanepakin jabun nukun yusian ninkatan nuku chibankanikiki— iwanan,
23576	MAT 12:18	‘En tsuma en katunidan, en bechipaiai ea benimawamiski. En Yushin Pepa en yunua medabewaya pepakidi en tsumapan yudabu xukuabu tibi yuibaunxanikiki.
23589	MAT 12:31	Jaskaken matu yusinun ninkakanwen. Yudabun chakabu betsa betsapawakin chakabudi yuimisbu Diosun jatun chakabu buaxunkin jakimawatiduki. Jakia matu keskatun tsuabunda jawen Yushin Pepa danankin yuankubainaibudan, jatu buaxuntaskama ixanikiki.
23590	MAT 12:32	Jamen tsuabunda en matun Juchi Kayabi Iyua ea yuanbiaibun Diosun jatun chakabu buaxuntiduki. Jakia tsuabunda Diosun Yushin Pepa yuainbu jatun chakabu Diosun buama shinanunbadikiki, natian inun badi jawen jeneatianan— iwanan,
23694	MAT 14:28	Pedron yuikin: —Yusinaan, min miamenkain, en miki nukui kanun: “Ian bemaki juwe”, ea wawe— aka
23695	MAT 14:29	Jesúsun yuikin: —Jani nedi juwe— aka Pedro xaxu anua butukaini ianenwan bemaki kai Jesúski kemayupanan
23698	MAT 14:32	Pedrobe xaxun inaya niwewan ian bechudunwain maianyan
23717	MAT 15:15	Pedron Jesús yuikin: —Na min pitikidi jatu yusinxudan, xabakabi nuku yuiwe— aka
23757	MAT 16:16	Simón Pedron kemakin: —Miadan, Epa Dios jiweatun bake min nukun mekenika Mesías Cristoki— aka
23759	MAT 16:18	Ean mia kenakinan, mia Pedro wakin mishki kushipa keska en mia waii. Min jaska janchakin yuixuwen taexun yudabu minwendi ichapa en jatu ikunwanmaxanaii. Yuda mema mawatidubiaken Satanásan datemakin ea ikunwainbu maematidumaki, jatu nemakinan.
23763	MAT 16:22	nuku xabakabi yuiaya Pedron ja mesti paxkabain nemakin yuikin: —Xanen Ibuun, jaskamaki. Diosun mia jaska yunuama iniki. Jau tsuan mia tenanyamaxanunbunwen— akaya
23764	MAT 16:23	Jesús jawen tsumabukidi nasauketan uinkin Pedro nemakin yuikin: —Satanásan shinanwen min ea teawakatsis ikai ana jadi jaskayamawe. Jawada Diosun uiain keska min uianmaki, eska shinankinan, jaska yudabun uinmis keskawen min ea nemaidan— abain
23770	MAT 17:1	Janua 6 día binuaya Pedro inun Santiago inun Santiagon betsa Juan Jesúsun jatu dapaxkabainkin iyui kai mati keyatapajaida jatube mapeketan
23773	MAT 17:4	jawa unanma Pedron Jesús yuikin: —Yusinaan, nun nenu juadan, pejaidaki. ¿Pean xubu dabe inun besti matu waxunpa, betsa mina inun, betsa Moisésna inun, betsadi Elíasinadan?—
23783	MAT 17:14	Janua Pedro inun, Santiago inun, Juan Jesúsbe jui janu yudan kaianki nukutushiaya jabianudi juni betsa jukidan Jesús bebun danti ixun yuikin:
23793	MAT 17:24	Ana kai jawen mae Cafarnaúm anu nun jawen tsumabu Jesúsun nuku iyuken Templo pei bixunikabun Jesús bechibaini kaxun Pedro yukakin: —Matun yusinanan, ¿jawen Templo mekekin pewati pei badi betsa tibi pakakubainmismen?— akabu
23794	MAT 17:25	Pedron jatu yuikin: —Jaa. Pakamiski— jatu watan kai jiwetan jikiaya Pedron shinan unankin Jesúsun ja dukuntun jancha wakin: —¿Jawen gobierno medabewati pei ichawakin xanen ibu kushipabun tsuabu dukun yukamisbumen, jawenabumenkain, nawabudaka? ¿Jaskada min shinain, Simóon?— aka
23795	MAT 17:26	Pedron yuikin: —Nawabu jatu amamisbuki— akaya januxun Jesúsun yuikin: —Chanima xanen ibun jatun yunuaitun pakaisbumaki. Jabiaskadi wakin nun Diosunabun nun pakatidumabiaken
23796	MAT 17:27	nukuki jau sinatayamanunbun xeamatiwen ianenwan anu xeamakin baka ja dukun min bia jabexutan pei jexe bestichai bechitan bixun Templo jawen pewati pei mina inun ena daken buxun jawen jatu pakatanwen— aka kaxun jaska Jesúsun yunua ninkabain bitanxun Pedron jatu pakanikiaki.
23817	MAT 18:21	jawen jancha ninkatan Pedron Jesús yukakin: —Yusinaan, mia ikunwain betsan ea chakabuwaya ¿jatiki jawen chakabu jakimawaxanpa? ¿Metutikidaka?— aka
23858	MAT 19:27	Pedron yuikin: —Yusinaan, nukunan, mia chibankatsi ikinan, jawada nun jaya dasibi bashikin keyubidan nun ma mia chibanpakeaii. Nun jaskakidanimadan, ¿nun jawa jayaxanai?— aka
23862	MAT 20:1	ana nuku yuikin: —Dios xanen ibui jaskamiskidi ana matu yusinun ninkakanwen. Dios xanen ibuidan, bai ibuan dayakapabu katutan jatu yunupakemis keskaki. Penai taeaya jawen bai anu jau uva tsekaxuntanunbun dayakapabu katuxun
23925	MAT 21:30	Januxun jawen bake betsa jawen epan bechitan jadi yunukin yuikin: “Miandi en bai anu dayakin en bimi ea tsekaxuntanwen”, aka jawen baken yuikin: “Peki. Ia, en kaii”, ibia kama ikimaki.
23958	MAT 22:17	Jaskawen taexunan, ¿jaskada min shinainmenkain mia yukapa? Ja Romano xanen ibu Césarn nuku pei yukamisdan, ¿jaska wananxanpa? ¿Pakananxanpa? ¿Pakatimadaka?— aki
23984	MAT 22:43	Jesúsun ana jatu yuikin: —Diosun Yushin Pepatun David yusian ninkatan ¿jaskakin jawen Mekenika Mesías Xanen Ibu wanimen? Matu yuinun ninkakanwen. Davidin yuikin:
23990	MAT 23:3	Jaska matu yusinmisbu jatun jancha pe chibankin jakia jatunmebi kein bepadamemisbudan, ja jatu mawayamakubainkanwen. Pe matu yuibiatan ibubis kanekubainkanikiki.
24004	MAT 23:17	Man bekun keskabu inun man unainsmapabuki. ¿Jadatu Diosun bechipaimismen? ¿Peimen? ¿Jawen Templodaka? Matu yuinun ninkaidakanwen. Jawen Templo anuxun yudabun Dios kenwanmisbuwen taea jabun pei shinanma jawen kenwanti Templo besti shinankin Diosun bechipaimiski— iwanan
24125	MAT 26:2	—Ja Pascuatianan, Egipto anuxun Diosun yunua debuwanika nai tsuman nawan bakebu tenankin nukun xenipabu dunkebaini shinanmatitianan, uxa dabe ma kemai misi xaxama nun pimis man unaiin. Jaska inun, en matun Juchi Kayabi Iyua ea tenanun ixun cruzki ea mastakatsi ikin samama ea achitan ea jatu inankatsis ikanikiki— nuku waya
24128	MAT 26:5	betsan jatu nemakin yuikin: —Pascua nawaibutian meyamayuxankanwen, nukunabu nukuki sinatai bedukubauntidubukidan, betsatian nun atidumenkainan— jatu wa jaska shinainbun
24140	MAT 26:17	ja badi Pascua besi taemisbutian jabianudi misi xaxama pikubainmisbutian ikaya, januxun nun jawen tsuma betsabun Jesús yukakin: —¿Jani kaxun nawakin badi kaya piti bawakin mia pewaxuntanpa?— akabu
24141	MAT 26:18	Jesúsun jawen tsuma dabe nichinkin yuikin: —Bui Jerusalén anu jikitan ja juni betsa nun unain anu jawen jiwe anu kaxun yuikin eska watankanwen: “Nukun yusinan nuku yuixudan, ¿mia yuipa? Ma en mawa kemaxun min jiwe anuxun Pascuatian nawakin shinanmati piti en tsumabubetan pinun ika juikiaki. ¿Janixun bawakin pewaxunpa?” akin ea yuixuntankanwen— jatu wa
24142	MAT 26:19	jawen tsumabu kainbaini Jerusalén maewan anu jikitan jaska Jesúsun jatu yuixu jiwe ibu yukatan januxun nawakin Pascua piti bawa menetan chintunbaina
24156	MAT 26:33	Pedron yuikin: —Miwen datei dasibi paxai keyuaibun eanan, en mia jawa jenekin putamaki— ikaya
24157	MAT 26:34	Jesúsun Pedro yuikin: —Jaskamaki. Chanima en mia yuiaii. Na jabia meshu medan takada keudiamaken: “En ja unanmaki”, iki dabe inun bestiki eki dakekin min yui kaii— aka
24158	MAT 26:35	ninkamas jancha kushipawen Pedron ana yuikin: —Jaskamaki. En mibe mawabiai kai jaskai en miki dakeamaki— ikaya nun jawen tsuma dasibibun shinanma jabiaskasdi nun yuidianibuki.
24160	MAT 26:37	Pedro inun Zebedeon bake dabe Santiago inun Juan besti iyui kai punu nuka jawenchains juinti metexekei niti itan
24163	MAT 26:40	janua jawen tsuma dabe inun besti anu chintunkidan uxabuki nukutan jatu datekin Pedro yuikin: —¿Jawai man uxamen? ¿Uxama hora bestichai bedu mestenwantan man ea manatidumamen?
24173	MAT 26:50	Jesúsun yuikin: —Peki, en jaibuun. Ea jaska wanun ika min jatube yubakakidanaidan, ea jatu amadiwe— akaya —Jakiaki. Akanwen— ibain achiaibun
24181	MAT 26:58	janua Pedro datei benanta kakin chibankubaina Caifásin jiwe jemaintin mishki kenebaunibu anu jikidiatan ¿jaska wakanimenkain? uinun ika Templo mekenikabube tsauxun uianyan
24192	MAT 26:69	janua jemaintin anu Pedro tsaua xanen ibu dayaxunmis ainbu betsan bechitan yuikin: —Miadan, Jesús Galilea anuabe min nimiski. En mia unaiin— aka
24193	MAT 26:70	Pedron padankin jabube ichabu bebunxun yuikin: —Jaskamaki. Ja min jadi yuiaidan, en ja unanmaki— abaini
24195	MAT 26:72	januxun Pedron ana jatu yuikin: —Jaskamaki. Diosun ea kupitiduwen taea en chani chakamaki. Ja junidan, en ja unanmaki— jatu wa
24196	MAT 26:73	janua jabianu manixun betsabundi Pedro uindiakin jaki kemaxun yuikin: —Chanima Galilea anuabu min jawen janchaki. Min Jesúsun tsuma betsaki. Jadi man janchamisbin nun mia ninkai— akabu
24197	MAT 26:74	januxun Pedron jatu ana padankin yuikin: —Ja juni man yuiaidan, en ja unanmajaidaki. En chani chakayadan, jau Diosun ea kupinunwen— jatu waya jakimamadi takada keuai
24198	MAT 26:75	ninkatan jaska Jesúsun Pedro yuikin: “Dabe inun bestiki: ‘En ja unanmaki’, akin takada keudiama min yuixanaii”, abidana Pedron shinain taxnikain kaxa chakayamanikiaki.
24200	MAT 27:2	Jesús menexxun romano xanen ibu Pilato anu iyuaibun
24209	MAT 27:11	Janua romano xanen ibu Pilato anu Jesús iyuabu kainkidan tsauxun yukakin: —¿Miadan, min judio xanen ibubu binu keyuamen?— aka Jesúsun yuikin: —Jawaikika! Jabiadi min ea yuiaii— akaya
24211	MAT 27:13	Pilaton ana yukakin: —Ja mikidi betsa betsapa chakabu yuiaibudan, ¿min jawa ninkamamen?— aka
24212	MAT 27:14	Jesúsun jawa jancha betsa yuiama niken: —Jabaa! ¿Jaskai janchamamen? —itan Pilato jadakidi shinantimawa
24213	MAT 27:15	romano soldadobun jatu achixun bichimabu badi tibi ja Pascua nawaibutian jau bestichai taxninun ja romano xanen ibu Pilaton beyawen taexun maen katuaya jatu kainmaxunpakemisken
24215	MAT 27:17	janua Diosbe nukunabu janchaxunika xanen ibubu Jesúski chani chakai jaki sinatakin jaska waxun maematima maemanun ixun iyuabu Pilaton unankin mae anua dasibi ichabu jatu yukakin: —¿Jadatu man bechipaiai, ja en matu taxnimaxunaidan? ¿Barrabásmenkain? ¿Jesús Diosun Katua Mesías kenamisbudaka?— jatu wai
24217	MAT 27:19	janu Pilato gobernador tsauti anu tsaudiaken jawen ainen jancha bumakin yuikin: —Jesúswen taea en nama chakashinaii. Jaskawen taexun ja juni pepa jawa jatubetans jakidi chakabu yuikin jawa yunuyamawe— aka juxun jawen tsumapan yuixunbiaya
24218	MAT 27:20	Pilato ninkamama june Diosbe nukunabu janchaxunika xanen ibubu inun xanen ibu betsabun yudan kaian Jesúski jatu sinatajaidamakin yunukin: —Barrabás jau nuku taxnimaxuntan Jesús jau jatu tenanmanun yunukanwen— jatu waibu mae anuabun ninkaibun
24219	MAT 27:21	Pilaton ana jatu yukakin: —Ja juni dabedan, ¿jadatu man bechipaiai? jawa meama ja en matu taxnimaxunaidan— jatu wa jabundi Pilato yuikin: —Barrabás nuku axunwen— iake iakeaibun
24220	MAT 27:22	Pilaton ana jatu yukakin: —Jesús Mesías Cristo kenamisbudan, ¿jadan, jaska wapa?— jatu wa dasibibun yuikin: —Cruzki nuku mastaxunwen— iake iakeaibun
24221	MAT 27:23	ana Pilaton jatu yukakin: —¿Natunan, jawa chakabuwashinamen?— jatu wa ana unanxubima jancha kushipawen yuikin: —Cruzki nuku mastaxunwen— jawenchains ikaibun
24222	MAT 27:24	Pilaton jancha jawa ninkama ana keketikubainaibun jabun shinan jatu mae wamatiduma Pilaton unankin jatu unanti wanun, iwanan, jawen soldado yunua unpax bexuan yudan kaianen bedubi mepanukin jatu yuikin: —Na juni pepa en jatu tenanmakatsi ikama matu unanmanun ika en mepanuaii. Matun man jaska yunuai bestiwen taea mawatiduki— jatu wa
24223	MAT 27:25	ja yuda dasibibun yuikin: —Peki. Nuku inun nukun bakebun nun yunuaiwen besti jau mawanunwen— akabu
24224	MAT 27:26	januxun Pilaton jatu daewakin Barrabás jatu taxnimaxuntan Jesús jatu kusha kusha amatan jau jiki mastatanunbun jawen soldadobu yunua
24225	MAT 27:27	januxun xanen ibu Pilaton jiwe ewapa jemaintin anu soldadobun Jesús iyuxun soldado jabus jaki xukui kexebauntan
24235	MAT 27:37	jabiatiandi jawen unanti ji bexa tuaxki kenekin: “Nadan, judiobun Xanen Ibu Jesúski”, Pilaton aka buxun Jesús mamaki mastadiabun
24256	MAT 27:58	ana jawaki dateama Pilato anu kaxun Jesús maiwakatsi jawen yuda yuka jau Josén butetan butanun Pilaton jaska yunua
24260	MAT 27:62	maiwashinabu judiobun juindukuntitian Diosbe nukunabu janchaxunika xanen ibubu inun fariseobu Pilato anu jabe janchanun ika bua ichaxun
24263	MAT 27:65	Pilaton jatu yuikin: —Na soldadobu man jayaki. Matudi maiwashinabu anu jatube buxun jatu pewamatankanwen, jau jaska yumetsuyamanunbunan— jatu wa
24278	MAT 28:14	man ikaya Pilaton jaska ninkatan jau matu kupiyamaxanun nuku nun jabe janchakin nun matu yui pewaxunxanaii— jatu wa
24283	MAT 28:19	Jaskawen taexun matu yununun ninkakanwen. Kakunkaunkin dasibi en matu yusinmis nawa betsa betsapa xukuabu tibi yusindiakin en tsumabu ea jatu waxunkubainxankanwen. Januxun ea ikunwankin jawenabu jau jatu unanti wamanunbun Epa Dios inun ea jawen bake inun jawen Yushin Pepa kena dayuikin jatu nashimakubainxankanwen.
24292	MRK 1:8	Jamen eanan, jenewen besti en matu nashimakubainaii. Jakia jatunan, Diosun Yushin Pepawen matu unanti wakubainxanikiki, nashima keska wakinan— akin Juanen jatu yuikubainikiaki.
24294	MRK 1:10	nexekei mapekekidankin Jesúsun uianyan nai udia Diosun Yushin Pepa deiwan keska jamamaki butuaya
24296	MRK 1:12	Janua jadi tsua jiweabuma benanta yuinaka mese piananbu anu Diosun Yushin Pepatun Jesús iyushina
24361	MRK 3:4	ja dapi maniabu jatu yukakin: —Moisin jancha pepa chibankin juindukuntitianan, ¿jaska watimen? ¿Pewakin medabewatidaka? ¿Chakabuwakin ichakawatidaka? ¿Jawen jiwea meketidaka? ¿Jawen jiwea yamawatidaka?— jatu wa jabun jawa yuiama manixun
24373	MRK 3:16	ja 12 junibu katukin Simón, kena betsa wakin Pedro watan
24385	MRK 3:28	Diosun jancha kenenibu yusinananmisbun yuikin: “Min yushin chakabu jaya iki ikaii”, akaibuwen taexun Jesúsun jabu yuikin: —Chanima en matu yuiai ea ninkakanwen. Yudabun jabun chakabu betsa betsapa inun jabu Dioski xechakamisbu Diosun jatu jakimawakin jatun chakabu jatu buaxuntiduki, pewakinan. Jakia matu keskakin tsuanda jawen Yushin Pepa danain jaki xechakamisbu jatun chakabu jatu buaxuntaskama ixanikiki— iwanan,
24431	MRK 4:39	janua Jesús bestenkauan benitan niwewan kushipa inun ianenwan nemakin: —Peswe. Nesewe— aka niwewan main neseaya ianenwandi buspu tsaubidanai main neseaya
24470	MRK 5:37	janua Pedro inun Santiago inun jawen betsa Juan besti Jesúsun jatu iyukin
24546	MRK 7:14	ana Jesúsun yudan kaian kenaxun jatu yuikin: —Man pabinkiyabuki. Matu yusinun ninkakin peidawakanwen. Piti tibi yudabun piabu jawa jatu jawen chakabuwaismaki. Jakia yudabun juinti medanua besti jawada chakabu taxnikin Dios jatu dananmamiski, yudabuki sinatamakinan— jatu watan
24550	MRK 7:18	Jesúsun jatu yuikin: —¿Matundi man ninkakin tapindiabumamen? Xabakabi matu yusinun ninkakanwen. Piti shadabu yudabun piabu jatun shinan medan naneama jawa jatun shinan chakabuwatidumaki. Jakia piti shadabu piabu jatun jatuki naneabu puiyabu kainmiski— iwanan —Jaskaken piti shadabun jawa jatu chakabuwatidumaki— jatu anikiaki. Jaskawen taea jawada piti shadabu pikin nukun puku anu nun nanemisdan, pekiaki. Jadan, jatun Dios sintamaismaki.