390	GEN 16:8	Quënanahuaton, natanin: —Quëmaso' Acaranquën, nohuitëranquën. Sarai cosonanënquën. ¿Intoparanta huëcaton, intopata pa'saran? itërin. —Patronanëhuë Sarai itopiso' ta'ananpiarahuë, tënin Acara.
448	GEN 18:23	Napoaton ya'carirahuaton, natanin: —Tëhuëpisopitaso' no'tëquën chachin ata'huantamaso ya'huërin. Co tëhuëpisopitasohuë' nipirinhuë', co inapotamaso ya'huërinhuë'.
538	GEN 21:24	Napotohuachina Apraan tapon: —Yoscoarë' co ma'sha onpotaranquëmahuë', itërin.
692	GEN 25:33	—Yoscoarë' quëtaranquën itoco nipachin, itaantarin Cacopori. Napotohuachina, “Yoscoarë' quëtaranquën,” itërin. Inapoaton, Isaoso paninan nininso marë' canacaso ya'huëtërinsopita, co pa'yatërinhuë'.
708	GEN 26:15	Napoin quëran Apimiricori Isaco itapon: —Quëmaso' quiya quëran na'con na'con ma'huanan ni'ton, pipiquë huachi, itërin. Napotohuachina Isacoso', sa'in, piyapinënpita, pë'tahuanënpitarë chachin pa'pi. Quiraro motopianaquë, pa'sahuatona', inaquë quëparitopi. Iráca Apraan nanpipon, ina piyapinënpitari posoro'sa ihuapiso', huiristino'sari amëntarotopi.
958	GEN 32:30	—Iporaso' quëmanta' nininën sha'huitoco, itërin Cacopori. Napotopirinhuë', inariso itapon: —Co quëmaso' nininëhuë natanancoso ya'huërinhuë', itërin. Ina quëran inaquë chachin Cacopo noya ya'huëcaso marë' sha'huitërin.
1002	GEN 34:21	—Pasopitaso' noyaro'sa'. Pancana no'pa' ya'huëtërinpoa ni'ton, inapitanta yacapatënënpoa' pa'anapona'. Canpoanta nanitarihua inahua hui'ninpita macacaso'. Ya'huërë' inapitanta canpoa hui'nanpoa nanitapi macacaiso'.
1266	GEN 42:13	Napotopirinhuë', inapitariso itapona': —Quiyaso' quëma piyapinënpita pochin ninai. Ya'ipiya quëran ina tataquëranchin, shonca catocoi ninai. Canaan parti ya'huërai. Hua'hua nininsoso', tatarë' quëparitërin. A'naso nipirinhuë', ayarin, itaantapi.
1424	GEN 47:3	Naporo' inari natanin: —¿Maquëta canpitaso sacatërama'? itërin. —Quiyaso' quëma piyapinënpita pochincoi ninai. Shimashonëhuëipita pochachin ohuica pë'tahuatona'piro'sacoi.
1452	GEN 47:31	—Yoscoarë' inapochinquën itoco, itaantarin pa'pini. Napotohuachina, Cosiso': “Yoscoarë' inapotaranquën,” itërin. Ina natanaton, Cacoposo, pë'saranënquë huënsërin. Inaquë huënsërin quëran, “Yosparinquën,” ta'caso marë' mónsho tënin.
23268	MAT 3:7	Ina quëran na'a parisioro'sa', satosioro'sa', inapitanta huë'pi. —Quiyanta' aporintocoi, itopirinahuë', Coansha co nohuantërinhuë': —¡Canpitaso' ya'huan pochin cancantatoma', yanonpinama'! “Yosë isoro'pa' ana'intohuachin, cha'ëpoi,” topiramahuë'. Co topinan cha'ësaramahuë'.
23278	MAT 3:17	Naporo' inápa quëran Yosë noninso' natanpi. —Isoso' ca hui'nahuë chachin, na'con nosororahuëso'. Noya ni'nahuë, tënin.
23284	MAT 4:6	—Quëmaso' Yosë hui'ninquën nipatan, no'paquë niiquë'. Quiricanën quëran nani sha'huitërinquën. “Yosë anquëninënpita a'patimarinquën a'paiinquënso marë' ni'ton, co ma'sha onpoaranhuë'. Imirina quëran masarinënquën ama na'piquë tëranta' ya'quiamaso marëhuë',” tënin ni'ton, no'paquë niiquë' a'pai'inënquën, itërin sopairi.
23297	MAT 4:19	—Huëco' iyaro'sa', imaquico a'chinchinquëma'. Sami manamaso pochachin piyapi'sa' masarama' Yosë imacaiso marë', itërin Quisosori.
23299	MAT 4:21	Ina quëran amasha pa'sahuaton, catoya'pi quënancoantarin. Santiaco, Coansha inapita itopiso'. Pa'pinarë' potiquë huënsëatona', ritinënapita pasonapi. Pa'pinaso' Sipitio itopi. —Huëco' imaquico, itohuachina,
23422	MAT 8:8	—Quëmaso' Sinioro noya noyanquën. Co caso' quëma pochincohuë'. Co pëinëhuëquë huarë' huëcamaso' ya'huërinhuë'. Topinan camaiquë' noyachin, tënahuë.
23433	MAT 8:19	a'na cotio maistrori nontiirin. —Canta' Maistro imainquën. Insëquësona pa'patan, canta' pa'i, topirahuë', itërin.
23434	MAT 8:20	—Sacai' imancoso' iyasha, tënahuë. Anashiro'sa', huë'ëshinantëna ya'huëtopi, inaquë huë'ëpi. Inairaro'santa' pë'pëtëna ya'huëtopi. Caso nipirinhuë' Yosë quëran quëmapico niporahuë', co pëi' ya'huëtërincohuë'. Pa'sápato, co ya'huëmiatërahuë', itërin.
23435	MAT 8:21	A'na imarinsoarinta' huëcapairahuaton, itiirin: —Canta' oshaquëran imamiachinquën, topirahuë', co apira nanitërahuë'. Tatahuë nani noyá mashotërin. Chiminpachin, cari pa'pitarahuë. Ina quëran imamiataranquën, itopirinhuë'.
23454	MAT 9:6	Caso nipirinhuë' Yosë quëran quëmapico ni'to, nanan quëtërinco piyapi'sa' oshanëna' inquita'huaso marë'. Canpitanta' ina nitotacamaso marë' iso apia anoyatarahuë, itërin. Ina quëran apia itantarin: —Huaniquë' apia'hua. Pë'sara'huaya masahuaton, ya'huëranquë paquë', itërin.
23457	MAT 9:9	Ina quëran Quisoso paantarahuaton, Matio quënanconin. Coriqui Noma copirno marë' ma'patërinquë huënsëarin. Quisosori itapon: —Huëquë' iyasha imaco, itërin. Itohuachina, a'naroáchin huanirahuaton, imarin.
23460	MAT 9:12	Natanahuaton, Quisosori itërin: —Isopitaso' tëhuënchachin nohuantopi imainacoso'. Ni'co'. Cania'piro'saso' notoro nohuantopi. Nipirinhuë', “Co caniorahuë',” topatëraso', co notoro nohuantërëhuë'.
23462	MAT 9:14	Ina quëran Coanshari a'chintërinsopita huëcatona', Quisoso nontiipi: —Quiyaso' a'na tahuëri co coshatatoihuë', Yosë nontarai. Parisioro'santa' inapopi. Quëma imarinënsopitaso nipirinhuë', noya coshatapi, o'osapi, inapopi. ¿Onpoatonta' co quiya pochin imarinënhuë'? itiipi.
23478	MAT 9:30	Napotohuachina a'naroáchin quënantopi. —Anoyatëranquëmaso' iyaro'sa', ama insonta' sha'huitocosohuë', itopirinhuë',
23485	MAT 9:37	Nosoroaton, ca'tano'sanënpita itërin: —Notohuaro' piyapi'sa' ya'huëpirinahuë', co incariso tëranta' catahuarinhuë' Yosë hua'anëntërinquë ya'conacaiso marë'. Isoro'pa' panca imin pochin ninin. Cayarinso' manëso pochachin piyapi'sa' manë' Yosë imacaiso marë'. Notohuaro' piyapi'sa' ya'huaponaraihuë', caraíchin pënëntapi Yosë imacaiso marë'.
23597	MAT 12:39	—Canpitaso' co noyahuë' cancantërama'. Co pi'pisha tëranta' Yosë yanatëramahuë'. “Yosë pochin niquë' ni'iinquën,” itopiramacohuë', co Yosë nohuantërinhuë'. Isoíchin anitotarinquëma'. A'na tahuëri Conasë pochin nisarahuë.
23699	MAT 14:33	Napohuachina, na'con yonquipi. —Quëmaso' Sinioro tëhuënchachin Yosë hui'ninquën, ta'tona' chinotopi.
23726	MAT 15:24	Napotohuachinara, sanapi itërin: —Quëmaso' imoya nisha piyapinquën. Israiro'sa' catahua'huaso marë' Yosë a'parinco. Inahuaso Yosë piyapinënpita nipirinahuë', ohuica chihuërinso pochin nipi ni'ton, catahuarahuë, itërin.
23757	MAT 16:16	Simon Pitrori itërin: —Quëmaso' Cristo. Yosë hui'nin chachinquën. Ina nanpiton, a'paimarinquën, itërin.
23845	MAT 19:14	Quisososo nipirinhuë' tënin: —Tananpitoco' hua'huaro'santa' huë'ina'. Ama a'pacosohuë'. Hua'huaro'sa' a'naroáchin yaimarinaco. Inapita pochin cancantohuatama', Yosë hua'anëntërinquë ya'conarama', itahuaton,
23856	MAT 19:25	Ina natanahuatona', pa'yanpi. —Napoahuarë' ¿cha'ërë'po ta'ma a'naya tëranta nica? nitopi.
23883	MAT 20:22	—Canpitaso' co ya'ipi nitochátëraramahuë' ni'ton, co no'tëquën yonquiramahuë'. Máin o'orëso pochin chiníquën parisitarahuë. Canpitanta' aparisitohuachinënquëma', ¿ahuantapoma' ti? itërin. —Ahuantarai, topi cato chachin.
23897	MAT 21:2	—Paso' ninanoquë paco'. Pëi' ya'natimarinquë canconpatama', mora hua'huinë chachin a'sonpinan quënanconarama'. Hua'huinso', hui'napishin. Cato chachin i'quiritahuatoma', quëshico.
23957	MAT 22:16	Napoaton a'naquën a'papi Quisoso natanacaiso marë'. Irotisë pa'yatopisopitanta' caraya pa'pi. Canconahuatona', noyásha nontonpi nonpintacaiso marë'. —Quëmaso' Maistro, noyanquën. Co onporonta' nonpinanhuë'. Yosë pënëninpoaso' no'tëquën a'chintërancoi. Piyapi'sa' no'huipirinënquëonta', co ina yonquiranhuë'. Co hua'an tëranta' të'huatëranhuë'.
23970	MAT 22:29	—Canpitaso' co no'tëquën yonquiramahuë'. Yosëso' chini chiníquën nanantopirinhuë', co nohuitëramahuë'. Quiricanëonta' co nitotëramahuë'. Napoaton co nanitëramahuë' no'tëquën yonquicamaso'. Yosëso' ya'ipiya nanitaparin.
23983	MAT 22:42	—Iráca Yosë quiricanënquë sha'huitërinpoa'. “A'na tahuëri a'na quëmapi acoarahuë piyapi'sa' nicha'ëcaso marë'. Inaso' Cristo itopiso',” tënin Yosë. ¿Inta' shiin inaso'? itërin Quisosori. —Tapico' shiin inaso', topi parisioro'sa'.
24028	MAT 24:2	—Iporaso' ya'ipiya noyápiachin ni'piramahuë', a'na tahuëriso' ya'ipiya ohuatapi. Co a'na na'piya tëranta' niya'huiritarinhuë', itërin Quisosori.
24125	MAT 26:2	—Cato' tahuëri pahuanarin Pascoa nanicaso', nani nitotërama'. Naporo' Yosë quëran quëmapico niporahuë', masarinaco. Masahuatonaco, corosëquë patanantarinaco, itërin.
24192	MAT 26:69	Napotasoi, Pitroso' i'iratëquë huënsëarin. A'na cosonari huë'sahuaton, itiirin. —Quëmanta' Quisoso Cariria quëran huë'ninso' ca'tanan, itopirinhuë'.
24247	MAT 27:49	A'napitariso nipirinhuë' itapona': —Tananpitëquë' nia'ahua'. Iniasëri o'maton nicha'ëpon nimara, nitopi.
24301	MRK 1:17	—Huëco' iyaro'sa', ca imaco a'chinchinquema'. Sami manamaso pochachin piyapi'sa' masarama' Yosë imacaiso marë', itërin Quisosori.
24321	MRK 1:37	Quisoso quënanconahuatona': —Notohuaro' piyapi'sa' yonisarinënquën, itopi. Itopirinahuë', Quisosori itërin:
24322	MRK 1:38	—Huëco' iyaro'sa', a'na partinta' pa'ahua'. Ya'cariya ninanoro'saquë pa'ahua'. Inaquënta' pënënta'huaso' ya'huërin. Ina marë' Yosë a'paimarinco ni'ton, huë'sarahuë, itërin.
24343	MRK 2:14	Ina quëran na'huëpon pochin, Nihui quënanconin. Arpio hui'nin inaso'. (Matio itopi anta'.) Coriqui Noma copirno marë' ma'patërinquë huënsëarin. Quisosori itapon: —Huëquë' iyasha imaco, itërin. Itohuachina, huanirahuaton Quisoso imasarin huachi.
24346	MRK 2:17	Natanahuaton, Quisosori itapon: —Isopitaso' tëhuënchachin nohuantërinaco imainacoso'. Ni'co'. Cania'piro'saso' notoro nohuantopi. “Co caniorahuë',” topatëraso', co notoro nohuantërëhuë'. Inapochachin canta' oshahuano'sa' pënëna'huaso marë' o'marahuë. “Co noyahuë' yonquiramasopita naniantatoma', Yosë chachin tahuërëtantaco',” itërahuë. A'napitaso nipirinhuë': “Quiyaso' noyacoi,” topiso marë' co na'con a'chintërahuë', itërin.
24492	MRK 6:16	Irotisëso nipirinhuë', co nisha nisha yonquirinhuë'. —Inaso' tëhuënchachin Coansha. Anishitëconotopirahuë', nanpiantarin, tënin.
24507	MRK 6:31	Na'a piyapi'sa' huë'sapi Quisoso nicapona'. Ina quëran paantapi. A'napita ya'huërë' huëantapi, ina quëran paantapi. Naporápi ni'ton, Quisoso ca'tano'sanënpitarë chachin co capacaiso tëranta' nanitopihuë'. —Huëco' iyaro'sa'. Co piyapi ya'huërinquëhuë' pa'ahua'. Pi'pian chinotahua', itërin ca'tano'sanënpita.
24589	MRK 8:20	—Panso' canchisëíchin nipirinhuë', catapini huaranca piyapi ananitahuato, ¿onpo i'mëta' pë'sotopiso'? itaantarin. —Canchisë i'më', itopi.
24598	MRK 8:29	—Canpitaso nipirinhuë', ¿ma'ta' yonquirama'? itërin. —Quëmaso' Cristo, Yosë chachin a'paimarinquën, itërin Pitrori.
24632	MRK 9:25	Na'a piyapi'sa' niyontonquirapi ni'sahuaton, a'naroáchin sopai itapon: —Quëmaso' sopainquën. Piyapi ya'coancantohuatana, anë'huëran. Napoaton carinquën napotaranquën. Iso hua'huasha quëran pipirahuaton, ama huachi onporonta' ya'coancantantaquësohuë', itërin.
24642	MRK 9:35	Napoaton inaquë huënsërahuaton: —Huëco' iyaro'sa' shonca catonquëma chachin natanquico pënëinquëma'. Inquëmasona' chini chiníquën nanantamaso' nohuantohuatama', topinan piyapi pochin cancantatoma', ya'ipi piyapi'sa' catahuaco', itërin.
24646	MRK 9:39	—Tananpitoco' iyaro'sa'. “Quisoso nanan quëtërinco,” ta'ton piyapi anoyatohuachina, inaso' noya. Co sha'huirapiincoso' nanitaponhuë'.
24671	MRK 10:14	Ina ni'sahuaton, Quisosori co noyahuë' ni'nin. —Tananpitoco' iyaro'sa' hua'huaro'santa' huë'ina'. Ama a'pacosohuë'. Hua'huaro'sa pochin cancantopisopita Yosë hua'anëntërinquë ya'conapi.
24674	MRK 10:17	Ina quëran Quisoso yapaantarapirinhuë'. A'nara quëmapi ta'aquirahuaton, isonquirin. —Quëmaso' Maistro noyanquën. ¿Ma'ta' caso' onpo'i nanpimiata'huaso marë'? Sha'huitoco canta' noya nii, itiirin.
24678	MRK 10:21	Ina natanahuaton, nirayarin. “Tëhuënchachin noya yonquirin,” ta'ton nosororin. —Isonta' iyasha Yosë nohuantërin ta'a. Paquë'. Ya'ipi ma'shanënpita pa'anahuaton, coriqui canaranso' sa'ahuaro'sa' quëtëquë'. Ina quëran huëquë' imaco huachi. Inapohuatan, a'na tahuëri Yosë'pa' canamiataran, itërin.
24695	MRK 10:38	—Canpitaso' co no'tëquën yonquiátëraramahuë'. Co ya'ipi nitochátëraramahuë'. Chiníquën iyaro'sa' parisitarahuë. Main o'orëso pochin pa'pi parisitarahuë. I'quë ya'coitërëso pochin aparisitarinaco. Canpitanta' aparisitohuachinënquëma', ¿ahuantapoma' ti? itërin.
24711	MRK 11:2	—Paso' ninanoquë paco'. Canconpatama', a'nara' mora hui'napishin a'sonpinan quënanconarama'. Co incari tëranta' huënsëchátërarinhuë'. I'quiritahuatoma', quëshico.
24788	MRK 13:2	—Iporaso' noyápiachin ni'piramahuë', a'na tahuëri ya'ipi ohuatapi. Co a'na na'piya tëranta' niya'huiritarinhuë', itërin.
24888	MRK 14:65	Naporahuatona', Quisoso ipitopi. Tonporayatahuatona', chiníquën panpirayapi. —Quëmaso' Cristonquën nipatan, ninoton no'tëquën sha'huitocoi. ¿Inta' ahuërinquën? itoonpi. Ponisiaro'sarinta' chiníquën ahuërayapi.
24893	MRK 14:70	—¡Co'chi nohuitërahuë paya! itaantarin. Ina quëran a'napitarinta' itaantapona': —Quëmanta' Cariria piyapi pochin nonan ni'quëhuarë', Quisoso ca'tanan ipora, itopi.
24980	LUK 1:18	—Caso' mashoyaco. Sa'ahuënta' nani paiya. ¿Inaporo'pocoita'ma nica? ¿Onporahuatota' no'tëquën nitochi? tënin Sacariasë.
24981	LUK 1:19	—Caso' Capirico. Yosë ya'huërin quëran o'marahuë. Ina a'paimarinco nonta'huanquënso marë'. Noya nanan sha'huitopiranquënhuë'.
25101	LUK 3:7	A'naquën aporihuanacaiso marë' huë'pirinahuë', Coanshariso', co yaaporintërinhuë': —Canpitaso' ya'huan pochin cancantatoma', yanonpinama'. “Yosë isoro'pa' ana'intohuachin, cha'ëpoi quiyanta',” ¿topiramahuë ti? Topinan aporihuanpatama', co cha'ësaramahuë'.
25116	LUK 3:22	Ispirito Santo nëpë pochin nohuaraimarahuaton, Quisoso ya'coancantomiatërin. Naporo' inápa quëran Yosëri itërin: —Quëmaso' hui'nahuënquën chachin ninan. Na'con nosoroatënquën, nóya ni'nanquën, itërin.
25173	LUK 4:41	Sopairi ya'coancantërinsopitanta' quëntapi. Quisosori nontohuachina, sopairo'sa' pipipi. Yapipihuachina', chiníquën nontapi. —Quëmaso' Yosë hui'ninquën, itopi. Yosëri a'paimarinso' nitotatona', napotopi. Napoaton Quisosori itapon: “Ta'tëquë'. Ama insonta' sha'huitëquësohuë',” itohuachina, ta'topi huachi.
25180	LUK 5:4	Nani a'chinpachina, Simon itapon: —Huëquë' iyasha, amasha anpoquë pa'ahua'. Inaquë ritinëma të'yatoco' sami macamaquëma', itërin.
25203	LUK 5:27	Ina quëran Quisoso paantarahuaton, a'na quëmapi quënanconin, Nihui itopiso'. (Inachachin Matio itopi anta'.) Coriqui Noma copirno marë' ma'patona'pi inaso'. Coriqui ma'patërinquë huënsëarin. —Huëquë' iyasha imaco, itërin.
25207	LUK 5:31	Natanahuaton, Quisosori itërin: —Isopitaso' tëhuënchachin nohuantërinaco imainacoso'. Ni'co'. Cania'piro'sa' notoro nohuantopi. “Co caniorahuë',” topatëra, co notoro nohuantërëhuë'.
25268	LUK 7:4	Inapitaso Quisosoquë canconahuatona', itapona': —Paso' capitan amatërinquën. Inaso' nisha piyapi niponahuë', nóya quëmapi. Nosororinpoa'. Inaora coriquinën quëran niyontona'huaiso pëi' ninin Yosë yonquica'huaiso marë'. Napoaton huëquë' piyapinën anoyatëquë', chiminpachin, itopi.
25278	LUK 7:14	Napotahuaton, chimipi acopiquë së'huaconin. Së'huarahuachina, quëparapisopita huanipi. Napohuachina, chimipi itapon: —Huënsëquë' apia'hua, itërin.
25305	LUK 7:41	—Cato' quëmapi ya'huëpirinhuë'. Cato chachin patron nihuipi. A'naso' a'natërápo pasa tahuëri canarëso' nihuitërin. A'nanta' a'natërápo shonca tahuëri canarësoíchin nihuitërin.
25390	LUK 9:20	—Canpitaso nipirinhuë' ¿ma'ta' yonquirama'? itërin Quisosori. —Quëmaso' Cristo, Yosë a'paimarinquënso', itërin Pitrori.
25408	LUK 9:38	A'nariso' nontiirin. —Huëquë' Maistro, hui'nahuë nitiico. Inaíchin hui'nahuë nipirinhuë',
25420	LUK 9:50	—Tananpitoco' sopai a'pa'in. Insosona co inimicotohuachinpoahuë', catahuarinpoa', itërin Quisosori.
25427	LUK 9:57	Papona pochin a'na quëmapiri nontiirin: —Canta' Sinioro imainquën. Insëquësona pa'patan, canta' pa'i, topirahuë', itërin.
25428	LUK 9:58	—Sacai' imancoso', tënahuë. Ma'sha tananquë ya'huërinsopita huë'ëshinantëna ya'huëtopi huë'ëcaiso marë'. Inairanta' pë'pëtën ya'huëtërin. Caso nipirinhuë' Yosë quëran quëmapico niporahuë', co pëi' ya'huëtërincohuë'. Pa'sápato, co ya'huëmiatërahuë', itërin.
25470	LUK 10:38	Ina quëran paantahuaton, a'na ninanoquë canconin. Inaquë Marta ya'huërin: —Huëquë' Sinioro ni'quicoi, itohuachina, ya'conapatërin.
25513	LUK 11:39	Yonquirinso' Quisosori ninoton, itërin: —Canpitaso' aipi quënanamasoráchin yonquipiramahuë', Yosëso' acopo' cancanëma quëran yonquiramasopita ni'nin. Ni'co'. A'naquën minë', sënan, inapita pa'mohuachinara, pinënáchin pa'mopipi. Acoposo nipirinhuë' në'huënantëtërin. Inapochachin canpitaso' cancanëma quëran co noyahuë' yonquirama'. Piyapi'sa' nonpintatoma', yaihuarama'. Pa'pi co noyahuë' cancantërama'.
25602	LUK 13:15	Quisosori natanahuaton, itapon: —Canpitaso' nonpintënquëma'. Co no'tëquën yonquiramahuë'. Ohuaca', mora, inapita pë'tahuahuatama', chinoto tahuërinta' i'quiritërama'. I'sha ya'huërinquë quëparahuatoma', o'shitërama'.
25734	LUK 17:14	Napotohuachinara, ni'sahuaton, itapon: —Paatoma' corto hua'an noyatëramaso a'notonco', itërin. Napotohuachina, pa'pi. Paasoi', a'nanaya canio inquipi. Noyatopi.
25773	LUK 18:16	Quisosoriso nipirinhuë' itërin: —Tananpitoco' hua'huaro'santa' huë'ina'. Ama a'pacosohuë'. Hua'huaro'sa pochin cancantohuatama', Yosë hua'anëntërinquë ya'conarama'.
25775	LUK 18:18	Ina quëran a'na hua'ani Quisoso huëcapairin. —Quëmaso' Maistro noyanquën, tënahuë. ¿Ma'ta' caso' nii nanpimiata'huaso marë'? Sha'huitoco canta' noya nii, itiirin.
25779	LUK 18:22	Ina natanahuaton, Quisosori itantarin: —Isonta' Yosë nohuantërin. Paaton, ya'ipi ma'shanënpita pa'anconquë'. Coriqui canaranso' sa'ahuaro'sa' quëtonquë'. Ina quëran imaquico. Inapotohuatan, Yosë'pa' na'con canamiataran, itërin.
25830	LUK 19:30	—Paso' ninanoquë paco'. Pëi' ya'natirinquë canconpatama', mora hui'napishin a'sonpinan quënanconarama'. Co incari tëranta' huënsëchátërarinhuë'. I'quiritahuatoma', quëshico.
25901	LUK 21:6	Napohuachinara, Quisosori itërin: —Iporaso' ya'ipiya noyápiachin ni'piramahuë', a'na tahuëri ya'ipi ohuatapi. Co a'na na'piya tëranta' niya'huiritarinhuë', itërin.
25950	LUK 22:17	Minëa'hua masahuaton, Yosë nontërin. “Yosparinquën, Tata,” itahuaton, ca'tano'sanënpita quëtërin. —Canpitanta' pi'pian pi'pian o'oco'.
25984	LUK 22:51	—Tananpitëquë' iyasha. Ama ahuëquësohuë', itërin Quisosori. Ina quëran së'huahuëratërahuaton, a'naroáchin anoyatërin.
25991	LUK 22:58	Co hua'quiya quëranhuë' a'na quëmapiri niantarin. —Quëmanta' Quisoso imaran topirahuë', itërin. —Co'chi iyasha imarahuë' paya, itaantarin.
26000	LUK 22:67	—Quëmaso' Cristo Yosë a'paimarinquënso' nipatan, no'tëquën sha'huitocoi nitochii, itopi. —Sha'huitohuatënquëma', co natëaramacohuë'.
26003	LUK 22:70	—Napoahuarë' ¿quëmaso' Yosë hui'ninquën ti? itopi. —Ca mini inaco, itërin.
26018	LUK 23:14	—Canpitaso' na'con Quisoso sha'huirapirama'. “Piyapi'sa' sha'huitarin niahuëcaiso marë',” itopiramacohuë'. Nani hua'qui' nontërahuë, canpitanta' natanama'. Iso quëmapiso' noya. Sha'huirapipiramahuë', co manta' onporinhuë', tënahuë.
26043	LUK 23:39	Cato' apiro'santa' corosëquë parisitapi. A'nari Quisoso no'huirin. —Quëmaso' Cristonquën nipatan, corosë quëran nohuararahuaton, cha'ëquë'. Ina quëran quiyanta' nicha'ëcoi, itërin.
26085	LUK 24:25	—Canpitaso' co yonquiramahuë'. Iráca quëran huarë' pënëntona'piro'sa' ninopirinahuë', co yanatëramahuë'.
26134	JHN 1:21	—Quëmaso' Iniasënquën, iráca ayaponahuë', ¿ya'noantamaranquën ti? itopi. —Co caso' inacohuë', tënin. —¿Quëmaso' pënëntona'pi ninaraiso' nimara ti? itaantapi. —Co inacohuë', tënin.
26148	JHN 1:35	Tahuëririnquë Quisoso na'huëso', Coanshari quënaantarin. Quënaantarahuaton, catocoi imaraiso' itaponcoi: —Paso' quëmapi ni'co'. Inaso' carniroa'hua pochin ninin, Yosëri a'paimarinso', itërincoi.
26152	JHN 1:39	—Huëco' ni'quico, itërincoi. Pa'sahuatoi, ya'huërinquë canconai. I'huaraya ni'ton, inaquë i'huatërai. Hua'qui' ninontërai.
26156	JHN 1:43	Tahuëririnquë Quisoso Caririaquë yapa'sarin. Pa'sahuaton, Pinipi quënanconin. —Huëquë' iyasha imaco', itërin. Itohuachina, imarin.
26159	JHN 1:46	—Nasaritoro'saso', pa'pi co noya piyapi'sahuë'. ¿A'na tëranta' ta'ma' inaquë ya'huërinso' noya nihuan nica? tënin Natanino. —Huëquë' pa'a nohuitonquë', itërin Pinipiri.
26160	JHN 1:47	Natanino ya'carirahuaso', Quisosori quënanin. —Paso' quëmapi ni'co'. Israiromia chachin inaso'. Co pi'pisha tëranta' nonpininhuë', itërin Quisosori.
26162	JHN 1:49	—Quëmaso' Maistro, Yosë hui'ninquën. Israiro'sa' copirnonquën, tënahuë, itërin.